تعبنه الوكت من تهب نسمه نطيح
خفاف ويرهم نسير وي الدخان
كتبنه احلامنه بشاطي ومسحها الروج
مساجين ورسمنه البوب عالحيطان
خيطنه الجروح التنفتك كل ساع
بدينه وماشكينه الحاله للبطران
الفرح معضد ذهب مالبسته امي بيوم
انسه وماضله بين افكاري كل عنوان
تره عمره النده ماطاح عالعاكول
وانه مو طبعي احط براسي ياهو الجان
ماتوكف عليك الدنيه نفس الميل
يغمجلك حفر ويشمرك الدفان
اذا مابيك كطره بشحة الصيهود
شكو مسير نشيد بسكتة الخرسان
العشرتك شوف وادم ماتعرف تخون
تره امال السفينه بركبت الربان
اهي تموت الزلم بس الافعال تعيش
حرمل صير من تلوحك النيران
لا تصبح شراع يكود بيك الريح
وترف خل جلمتك عكازه للعميان
الاعمه وداعتك مو ذله من ينكاد
عزيزه الكمه من يكودها الجوعان
البشر مو شرط يثكل حتى غالي يصير
خفيف البلم بس ماملته النهران
صح هزني الوكت بس جتف ماهزيت
قناعه ومو عبث من ينهز الفنجان
امنمر يم بابكم لاتفترضني اشتاك
مو كل نورس ايمر عالنهر عطشان
عليت وكتلك يطيح العلم بالكاع
اذا مو ساريه تشيله العلم ينهان
#محمد-مهاوي
خفاف ويرهم نسير وي الدخان
كتبنه احلامنه بشاطي ومسحها الروج
مساجين ورسمنه البوب عالحيطان
خيطنه الجروح التنفتك كل ساع
بدينه وماشكينه الحاله للبطران
الفرح معضد ذهب مالبسته امي بيوم
انسه وماضله بين افكاري كل عنوان
تره عمره النده ماطاح عالعاكول
وانه مو طبعي احط براسي ياهو الجان
ماتوكف عليك الدنيه نفس الميل
يغمجلك حفر ويشمرك الدفان
اذا مابيك كطره بشحة الصيهود
شكو مسير نشيد بسكتة الخرسان
العشرتك شوف وادم ماتعرف تخون
تره امال السفينه بركبت الربان
اهي تموت الزلم بس الافعال تعيش
حرمل صير من تلوحك النيران
لا تصبح شراع يكود بيك الريح
وترف خل جلمتك عكازه للعميان
الاعمه وداعتك مو ذله من ينكاد
عزيزه الكمه من يكودها الجوعان
البشر مو شرط يثكل حتى غالي يصير
خفيف البلم بس ماملته النهران
صح هزني الوكت بس جتف ماهزيت
قناعه ومو عبث من ينهز الفنجان
امنمر يم بابكم لاتفترضني اشتاك
مو كل نورس ايمر عالنهر عطشان
عليت وكتلك يطيح العلم بالكاع
اذا مو ساريه تشيله العلم ينهان
#محمد-مهاوي
الوجع مدرع يهد مكتول اخيه ادكول
ويفحط الجروح البيها يتوسع
عرف وشما لچمهن عالجروح يمون
وياجرح ليعحبه بنصه يتربع
الشمس من خوفها تختل بضهر الغيم
ومن گد ماشريفه بليل ما تطلع
تعرض باللهات احجاية البطران
جدم ماعدها خاطر من تمل ترجع
حشمت الگصص تنگطلي مجعت ماي
وبخ نار الفؤاد لبالصدر تلسع
الحمره؛الحاره؛الحرگت اشچم كانون
تلهب والبرود لبالبدن يخشع
أنه ذاك الركض عمره بجدم هادود
ونفض حيله نفض والواهس اضعضع
مدري لياوكت وليمته اضل مضموم
أنه العايش فلس بجيوب المجنع
#محمد-مهاوي
ويفحط الجروح البيها يتوسع
عرف وشما لچمهن عالجروح يمون
وياجرح ليعحبه بنصه يتربع
الشمس من خوفها تختل بضهر الغيم
ومن گد ماشريفه بليل ما تطلع
تعرض باللهات احجاية البطران
جدم ماعدها خاطر من تمل ترجع
حشمت الگصص تنگطلي مجعت ماي
وبخ نار الفؤاد لبالصدر تلسع
الحمره؛الحاره؛الحرگت اشچم كانون
تلهب والبرود لبالبدن يخشع
أنه ذاك الركض عمره بجدم هادود
ونفض حيله نفض والواهس اضعضع
مدري لياوكت وليمته اضل مضموم
أنه العايش فلس بجيوب المجنع
#محمد-مهاوي
ما ادري الناس الاختلفت ما ادري احنه تغيرينه......
ومدري صار الليل موحش؛ ماادري احنه استاحشينه..
غافليين.....وباگوا أحلام العمر من بين ادينه
تايبيين......من العشك وآخر حلم منه انتهينه
ساكتيين....بلا ذنب ينعال بينه
نازحيين.....وسدوا الحراس بيبان المدينه
ليش من ضعنه الوطن مانشد بينه؟؟
وليش ياثوب الحزن لايگ علينه؟؟
"احنه ياناس "أهل الگلوب الحنينه "
شلنه من حضن الوطن وتغربينه!!
خاف مشغول ونسه همنه الاعلام
الرصيف ايعرف عيشتنه المهينه ...
"احنه زخات المطر تندلنه زين "
فقره وأسعار الخبز جدآ ثمينه
وبمحطات الأمل ما مر- قطار -
بهمنه نحچي وماكو إذن تسمع حچينه...
"الشكوى لله " الليل مايفهم دمعنه
ولا سچاچيين الدهر ترحم جرحنه
"احنه ورده بچف بشر ميت ضميره "
معرينه البيبان جدام الغريب..؛وغطت چفوف السراگي بيوم مرهه ابن العشيره!!
وخل اگلك..:أكبر من الخارطه أحلام اليتيم؛؛ (نباعت بأول خطاب ) ؛وضيع أحلامه الجبيره...😥
وخل اگلك:"بس علي وحده كريم " ؛ ومو كريم الوطن ماكفانه خيره،
وخل نموت!!نكرم الناطور ليش؟؟
ولحرامي اچفوفه مدهه وشرب من ستر الضفيره...
#محمد-مهاوي
ومدري صار الليل موحش؛ ماادري احنه استاحشينه..
غافليين.....وباگوا أحلام العمر من بين ادينه
تايبيين......من العشك وآخر حلم منه انتهينه
ساكتيين....بلا ذنب ينعال بينه
نازحيين.....وسدوا الحراس بيبان المدينه
ليش من ضعنه الوطن مانشد بينه؟؟
وليش ياثوب الحزن لايگ علينه؟؟
"احنه ياناس "أهل الگلوب الحنينه "
شلنه من حضن الوطن وتغربينه!!
خاف مشغول ونسه همنه الاعلام
الرصيف ايعرف عيشتنه المهينه ...
"احنه زخات المطر تندلنه زين "
فقره وأسعار الخبز جدآ ثمينه
وبمحطات الأمل ما مر- قطار -
بهمنه نحچي وماكو إذن تسمع حچينه...
"الشكوى لله " الليل مايفهم دمعنه
ولا سچاچيين الدهر ترحم جرحنه
"احنه ورده بچف بشر ميت ضميره "
معرينه البيبان جدام الغريب..؛وغطت چفوف السراگي بيوم مرهه ابن العشيره!!
وخل اگلك..:أكبر من الخارطه أحلام اليتيم؛؛ (نباعت بأول خطاب ) ؛وضيع أحلامه الجبيره...😥
وخل اگلك:"بس علي وحده كريم " ؛ ومو كريم الوطن ماكفانه خيره،
وخل نموت!!نكرم الناطور ليش؟؟
ولحرامي اچفوفه مدهه وشرب من ستر الضفيره...
#محمد-مهاوي
'شعب كادح '
على صوت المنايه من الصبح غبش..
"دم بكل شوارعنا نذر ينطش"
مذبوح السلام، بهالوطن مذبوح..
وبجساد الضحايا غراب ضل ينهش
"امس ياوطن" ثرنا نريد كون نخلي حد للجوع ..
وحتى الفقره تشبع يوم وماتبقى الايتام تلوع
وطن متوارد ويه حسين ،مو نحرك، ولكن شارعك مگطوع !!
ها يا موطني السابق، دگلي منشوكت مبيوع؟؟
عمايم باعتك، لو قوط؟وياهو موقع المشروع...؟؟
#محمد-مهاوي
على صوت المنايه من الصبح غبش..
"دم بكل شوارعنا نذر ينطش"
مذبوح السلام، بهالوطن مذبوح..
وبجساد الضحايا غراب ضل ينهش
"امس ياوطن" ثرنا نريد كون نخلي حد للجوع ..
وحتى الفقره تشبع يوم وماتبقى الايتام تلوع
وطن متوارد ويه حسين ،مو نحرك، ولكن شارعك مگطوع !!
ها يا موطني السابق، دگلي منشوكت مبيوع؟؟
عمايم باعتك، لو قوط؟وياهو موقع المشروع...؟؟
#محمد-مهاوي
حداد لغيبت المجفين موش أسود لبسنه الهم
ومشه ويانه الصبح جناز ولكينه البلبل ملثم
وبجينه ولو دمع ياريت سال من العيون الدم
مانحمل عذابك ياجفى الخلان
بهيده ويانه خاف الكلب يثلم
اتفقنا نموت كلنا ونندفن بسكوت
وحلفنا التراب علينه يتكتم
مدري شبينه يجرحنه النده منيطيح
وحتى الهوه يغث الريه لو نسم
عجيبة!!شماله هذا الصبح مغرب صار...
وعلامه مغنتب النعنان والريحان ماينشم
تره حقه الغصن مصياده گام يصير
لأن شاف البشر،بالبشر ماترحم!!
ينشدون على كل شي بعقل مال ازغار
وين الكالي وادم بالحزن تفهم
#محمد-مهاوي
ومشه ويانه الصبح جناز ولكينه البلبل ملثم
وبجينه ولو دمع ياريت سال من العيون الدم
مانحمل عذابك ياجفى الخلان
بهيده ويانه خاف الكلب يثلم
اتفقنا نموت كلنا ونندفن بسكوت
وحلفنا التراب علينه يتكتم
مدري شبينه يجرحنه النده منيطيح
وحتى الهوه يغث الريه لو نسم
عجيبة!!شماله هذا الصبح مغرب صار...
وعلامه مغنتب النعنان والريحان ماينشم
تره حقه الغصن مصياده گام يصير
لأن شاف البشر،بالبشر ماترحم!!
ينشدون على كل شي بعقل مال ازغار
وين الكالي وادم بالحزن تفهم
#محمد-مهاوي
وطن باقيله بس تاريخ،
وطن بي بس حزن ودموع
بي يستنكف السلطان
يعلگ للشهيد شموع
بكل احيائه صوت آذان
وصراخ ايتامه ما مسموع
وطن مابيه حياه؟بي موت !!
وثكالى وجم(أبو )مفجوع
وحتى ترابه ماهو تراب
من دم النحر مصنوع
بگيعانه الأمن مفقود
وخوف بكل كتر مزروع
#محمد-مهاوي
وطن بي بس حزن ودموع
بي يستنكف السلطان
يعلگ للشهيد شموع
بكل احيائه صوت آذان
وصراخ ايتامه ما مسموع
وطن مابيه حياه؟بي موت !!
وثكالى وجم(أبو )مفجوع
وحتى ترابه ماهو تراب
من دم النحر مصنوع
بگيعانه الأمن مفقود
وخوف بكل كتر مزروع
#محمد-مهاوي
نشدوني عليك وبسمك تغنيت
وانه بفعال أبوي وطيبته تباهيت
من كد ماتحب تعطف عله الايتام
تحبهم اكثر امنخواني شو حسيت
ياعيد الزغار ولكمة المعتاز
ياعزنه وسترنه ويا أركان البيت
تظل تعشك السانك صفنة الديوان
تشل بالمعصيات وفتك ماخليت
كريم وعلي معلمك ماترد مسكين
مضيف الحسن روحك باب ماسديت
اذكر بشته من هب البرد والعوز
بينه تغطي بويه وبالهم تغطيت
اشكثر سويت زين وماكلت سويت
متواضع عرفتك ما ادور صيت
خمس تنطي عليمن عالبرد -عالجوع
وشني وي العوز تضحك منه مامليت
أمس من نمنه والعوز عله جتفك نام
غفى جا ماندهته الفجر من صليت
مثل سفرة القاسم جبت عمرك هيج
وكريم وماخذت من عدها بس انطيت
جبت عمرك قنوع وي الفلس عدوان
وما مديت جفك تدعي من مديت
يمدرسة الاخلاق اشكثر بيك ادروس
وعلي محضوض أنه وبحضانك تربيت
خذت منك عبر حته بليالي العوز
صبر عشيتنه وبدموعك ترويت
يشيخ العاطفة شماغك غطى البردان
نظيف وطاهر انته بحب علي توضيت
حدر اعكال ابوي الكه الفراش ينام
وقار الشيب وانه بشيبته تحنيت
شيخ وشيختك مو عن وراثه تصير
عن طيب وتواضع شخت وتعليت
يلمدللني حضنك دافي بجويريد
بتعب ربيتني وماضن الك وفيت
#محمد_مهاوي آب٢٠١٨
وانه بفعال أبوي وطيبته تباهيت
من كد ماتحب تعطف عله الايتام
تحبهم اكثر امنخواني شو حسيت
ياعيد الزغار ولكمة المعتاز
ياعزنه وسترنه ويا أركان البيت
تظل تعشك السانك صفنة الديوان
تشل بالمعصيات وفتك ماخليت
كريم وعلي معلمك ماترد مسكين
مضيف الحسن روحك باب ماسديت
اذكر بشته من هب البرد والعوز
بينه تغطي بويه وبالهم تغطيت
اشكثر سويت زين وماكلت سويت
متواضع عرفتك ما ادور صيت
خمس تنطي عليمن عالبرد -عالجوع
وشني وي العوز تضحك منه مامليت
أمس من نمنه والعوز عله جتفك نام
غفى جا ماندهته الفجر من صليت
مثل سفرة القاسم جبت عمرك هيج
وكريم وماخذت من عدها بس انطيت
جبت عمرك قنوع وي الفلس عدوان
وما مديت جفك تدعي من مديت
يمدرسة الاخلاق اشكثر بيك ادروس
وعلي محضوض أنه وبحضانك تربيت
خذت منك عبر حته بليالي العوز
صبر عشيتنه وبدموعك ترويت
يشيخ العاطفة شماغك غطى البردان
نظيف وطاهر انته بحب علي توضيت
حدر اعكال ابوي الكه الفراش ينام
وقار الشيب وانه بشيبته تحنيت
شيخ وشيختك مو عن وراثه تصير
عن طيب وتواضع شخت وتعليت
يلمدللني حضنك دافي بجويريد
بتعب ربيتني وماضن الك وفيت
#محمد_مهاوي آب٢٠١٨