گبلك.....
ضن الليل بهويه يطفي النور
وگبلك .. .
كال العود بدفعه يطيح السور
وكبلك. ...
گال الجوع بسيفي تموت الخبزة بكل تنور
گبلك .....
والگبلك والبعــــــدك
كل جناح يهد علينه يضل مكسور
*
غلطانين الذبو نار بدجله
وضنو كل الماي يفــــــــور
وخسرانيــــــــن الشلعووردة
وزرعــــــوا بين الكاع اگبور
بتراب العطشان كبرنه
وطگينه اشطوطـ وفيضنه الگاع البور
*
ومجنونين ..

الشدو جرح الدنيه بخيط
وظنو مربوطة ومتدور

وصلفين اللي عبرناهم شط المحنه
وصرنه جســـــــــــــــــــــــــــــور
لاجن ...
والگبلك والبعدك
كل غراب يهد يلكانه بوجهه انسور

#العظيم_#كاظم-اسماعيل-كاطع

ما ادري الناس الاختلفت ما ادري احنه تغيرينه......
ومدري صار الليل موحش؛ ماادري احنه استاحشينه..
غافليين.....وباگوا أحلام العمر من بين ادينه
تايبيين......من العشك وآخر حلم منه انتهينه
ساكتيين....بلا ذنب ينعال بينه
نازحيين.....وسدوا الحراس بيبان المدينه
ليش من ضعنه الوطن مانشد بينه؟؟
وليش ياثوب الحزن لايگ علينه؟؟
"احنه ياناس "أهل الگلوب الحنينه "
شلنه من حضن الوطن وتغربينه!!
خاف مشغول ونسه همنه الاعلام
الرصيف ايعرف عيشتنه المهينه ...

"احنه زخات المطر تندلنه زين "
فقره وأسعار الخبز جدآ ثمينه


وبمحطات الأمل ما مر- قطار -
بهمنه نحچي وماكو إذن تسمع حچينه...

"الشكوى لله " الليل مايفهم دمعنه
ولا سچاچيين الدهر ترحم جرحنه

"احنه ورده بچف بشر ميت ضميره "
معرينه البيبان جدام الغريب..؛وغطت چفوف السراگي بيوم مرهه ابن العشيره!!
وخل اگلك..:أكبر من الخارطه أحلام اليتيم؛؛ (نباعت بأول خطاب ) ؛وضيع أحلامه الجبيره...😥
وخل اگلك:"بس علي وحده كريم " ؛ ومو كريم الوطن ماكفانه خيره،
وخل نموت!!نكرم الناطور ليش؟؟
ولحرامي اچفوفه مدهه وشرب من ستر الضفيره...

#محمد-مهاوي

عراق وكلك أسود ، حتى الأخبار

الابيض بيك بس وجه المذيعه

نائل مظفر

ضلي يمي
::::::::::::::::::::::
اني اريدج ضلي يمي
.
صوتج يذكرني بأهلي.. صوتج ينسيني همي
.
صوتج بليل من اسمعه .
چن بچت عد راسي امي .
خل اشوفج ماشبعت من إمي شوف .
روحي يمهه ابيتها ضلت تطوف

فارگتهه وماشفتها
.
هي غربه .. وليله صعبه

وجيه المشتاگ خوف
.
ضلي يمي .. يمچ اشعر بالامان .
ايدي بيدج لايضيعنه الزمان .


#العظيم-كاظم-اسماعيل-الكاطع

عن ياويل تبرد نارنه ونضحك ولو بالطيف

عن لا ننكسر ودگول عنه الناس مهضومين

عريان السيد خلف

افتحن بدي بوب التجيب الريح

وماخاف النوايب ورجع اطبگهن

الكبير _سمير صبيح

ليليَـه بعيونـــــــي آيتخـطّه

ومـا ماخذ آمـن النوم غطّه

كل صـفنه تشمرني بمحطه
بـردان كَلبي ومـــــــا تغطّه

عبد الكريم القصاب

بين المفرده والشعر

انه رچيت الفرح مشعل ويم كصبات

الحبيب حسين جبار

لا يا عزيزي،
إن كنت تريد الكتابة
ستكتب
حتى لو عملت 16 ساعة
يوميا في منجم

ستكتب
حتى لو كان لديك 3 أطفال
وتحت الإعانة الحكومية
ستكتب
وقد تفجرت أجزاء من جسدك
ودماغك

ستكتب
ولو كنت أعمى
مشلولا
وفاقدا للذاكرة
ليس للهواء
ليس للضوء
ليس للزمان
أو المكان علاقة بالأمر

_ تشارلز بوكوفسكي

بعد أن حملتهم على سبعين محمل، فلما لم يتبقَ محمل لأحملهم عليه:

عثر خلگي وتبدّت وسعة البال..
وتخيّلْت القوافي المالها اعنان.

حچوا عني ابكثر ما چان فرعون..
يذبح من بني اسرائيل رضعان.

أحط إذني إعله صدر السيف والگاه..
من گد ما حچه ابطرواي فحطان.

إبكثر ما للمناجل عدهم اسنون..
ومثل سچينة الغمّان عميان.

عبّرت السوالف كونهن صوت..
وعذت بالله منهن كونهن جان.

أغيّم والجفون ايمطرن إگبور..
وأمسحهن وأشوف اتراب وأچفان.

لهسّه ابباب جرحي الخنجر ايبات..
ولهسّه اچفوفي عد إفلان وإفلان.

ولهسّه امتوني من احمولهم سود..
ولهسه اجفوني من انطارتي اضخان.

إنچفت بيبانهم يم طاسة الماي..
وفزعتلي السمه المن غير بيبان.

أبد ما حشّمت بس يستحي الباب..
يسكت وآنه الي بخاصرته نيشان.

الغزاله التنهطر من خوفها اتصيح..
السباع ايگومن إمن الگاع خرسان.

نهر ماخذ گفاي إعله المشاحيف..
وشارب من مكر دنياي گيعان.

أحط إيدي ابگفه الما يعرف ايفوج..
وأكره كل نهر ما شال غرگان.

وأعاند من تهد بخيولها الريح..
روج ايوگّف إعله الغيم سفان.

حليم وفرزنت ضحك الشياطين..
وأسكت وآنه أعرفه ابليس شيطان.

درب طاحوا ابصدري طيحة الفوس..
تشاويت، وگلت طيحات رضعان.

الطفل لازم ابزغره ايطيح ويگوم..
ولو طيحاتهم طيحات شبّان.

گمت والحيل يتشلبه إعله الإمتون..
إبمهر يگطر ضوه وبإعناد فرسان.

أجر نفسي ويتيه ابريّتي الليل..
وأفح ويصعد اويه الريح دخّان.

غرت واتنگّبت جدامي الأوجوه..
جزتني وجابت النسوان، نسوان.

و عفيت وبالعفو تنقاس الإرجال..
الرگاب اليعفو عنها السيف تنهان.

عبرت والشراع ايدغدغ الغيم..
أنا الما عبّرتها اشلون ما چان.

ما خلّيت حملي ابعازة امتون..
السمه تنذل لون تحتاج عمدان.


#عباس-العبادي

'شعب كادح '
على صوت المنايه من الصبح غبش..
"دم بكل شوارعنا نذر ينطش"

مذبوح السلام، بهالوطن مذبوح..

وبجساد الضحايا غراب ضل ينهش

"امس ياوطن" ثرنا نريد كون نخلي حد للجوع ..
وحتى الفقره تشبع يوم وماتبقى الايتام تلوع
وطن متوارد ويه حسين ،مو نحرك، ولكن شارعك مگطوع !!

ها يا موطني السابق، دگلي منشوكت مبيوع؟؟

عمايم باعتك، لو قوط؟وياهو موقع المشروع...؟؟

#محمد-مهاوي

نور بحضرتك يطلع بالغروب

شمس ونطت ظهرها للسنابل

كاظم اسماعيل الكاطع

يا فشلتي !!

ولمة الجيران ومنادس ضحكهم
من سألتيني اعله اسمي ياهو انه
وشرد اگول

احچايه المظلوم خرسه
وتعثر بطارف لسانه

أني كاظم يا فلانه _!!!
ضيعيتيني مثل ما ضيعيت
وياچ عمري

وسچة اسنيني عبر منها العذاب
وضاگ بالدخان صدري

انه اروح ويبقه طيفي ايصيح بأذنج
كاظم انه ....كاظم انه.....كاظم انه

/كاظم اسماعيل الگاطع/

#العظمه🥀

ها أنذا :

ﺳﻜﺮﺍﻥ ﻓﻲ ﺍﻟﺜﺎﻟﺜﺔ ﻓﺠﺮﺍً،
ﺃﻧﻬﻴﺖُ ﺍﻟﺰﺟﺎﺟﺔَ ﺍﻟﺜﺎﻧﻴﺔ ﻣﻦ ﺍﻟﻨﺒﻴﺬ
ﻭﻛﺘﺒﺖُ ﺑﻴﻦ ﺍﻟﺪﺯّﻳﻨﺔِ ﻭﺍﻟﺨﻤﺲَ ﻋﺸﺮﺓَ ﺻﻔﺤﺔً ﻣﻦ ﺍﻟﺸِﻌﺮ .

ﻫﺎ ﺃﻧﺬﺍ :
ﺭﺟﻞٌ ﻋﺠﻮﺯ
ﻣﻬﻮﻭﺱٌ ﺑﻠﺤﻢِ ﺍﻟﻔﺘﻴﺎﺕِ ﺍﻟﻤﺮﺍﻫﻘﺎﺕ
ﺭﻏﻢَ ﻏﺮﻭﺑﻲ ﺍﻟﻮﺷﻴﻚ،

ﻛﺒﺪﻱ .. ﺍﻧﺘﻬﻰ
ﻛﻠﻴﺘﺎﻱ .. ﻋﻠﻰ ﺍﻟﻄﺮﻳﻖ
ﺍﻟﺒﻨﻜﺮﻳﺎﺱ .. ﻣﻨﻬﻜﺔ
ﻭﺿﻐﻂُ ﺩﻣﻲ .. ﻭﺻﻞَ ﺍﻟﻄﺎﺑﻖَ ﺍﻷﺧﻴﺮ

تشارلز بوكوفسكي :

ملينه ربهم ذبح
و ربنا إبتسامة باب
عالمسطر من الصبح
يوزع خبز وثياب

ربنا إعله گد ضحكته
يستنكر الاحزاب !!
و ربهم لگيته امس
يم مجلس النواب !!

ربهم يبوگ الجفن
ويكفر المكحلة
وربنا اليفز الصبح
ويغني للسنبلة

ربهم ملثم حقد
و ينگط سفالة وچذب
وربنا العشگ والعشگ !!
ما ينتمي لكل حزب


#ربنا #وربهم

باسم الخاقاني

دم..!
دم..!
دم..!

وطن..!
چن مخلوق من دم


لــِ عبدالكريم القـصاب🍁

لهينه الجرح بوعود واحضان المدارس ربتلنه ايتام ربينه.. بجرحنه جروح ربينه تلاوينه اوي جف الخوف لن... الخوف لاوينه! حملنه الماتحمله الروح واسكتنه.. وعلى صدر الامم تلطم شكاوينه غبار النكسه عامينه دنگ راس ماضينه كفر تاريخنه بدينه دگومو ننده الغافين ونكلهم فجر ثورة بسمانه نطر نكت هدمه الظلام وراح يتعثر يله امشونه غيمه صوت نمطر بالبحر.. بالبر نثور بكل شبر بي دم شعب خضر نثور بكل جفن فوكه الدمع يسهر وانه وياكم اصيرن زيت خاف تزنجر الموزه نتحاسب بگاع الموت والديان يلكه هناك مطلوبه يلكه هناك مطلوبه . . . 



#كاظم_اسماعيل_الكاطع