حداد لغيبت المجفين موش أسود لبسنه الهم

ومشه ويانه الصبح جناز ولكينه البلبل ملثم

وبجينه ولو دمع ياريت سال من العيون الدم

مانحمل عذابك ياجفى الخلان
بهيده ويانه خاف الكلب يثلم

اتفقنا نموت كلنا ونندفن بسكوت
وحلفنا التراب علينه يتكتم

مدري شبينه يجرحنه النده منيطيح
وحتى الهوه يغث الريه لو نسم

عجيبة!!شماله هذا الصبح مغرب صار...
وعلامه مغنتب النعنان والريحان ماينشم

تره حقه الغصن مصياده گام يصير
لأن شاف البشر،بالبشر ماترحم!!

ينشدون على كل شي بعقل مال ازغار
وين الكالي وادم بالحزن تفهم


#محمد-مهاوي

في العراق ....
نار من موكَد قديم .
نار كبره ....
وظالّه آمدخنه سُوَر الله بمغاره ،
وسورة الدم في مساجدنا مناره ،
اِتأذن لقتل الحمائم والزهور .
ناس كل ساعه بأسم الله تموت ،
والشظايا بالهوى الوردي تفوت ،
وأولياء الله سكوت ،
في مغارة عنكبوت .
وهو ياهو اللي يموت ؟
غير ذوله آعيال الله الفقراء .
غير ذوله آحباب الله الأبرياء .
وشي عجيب !!
ليش ميشك زيجه الله ...
وينزل بصهوة براق ؟
مو شبع موت العراق .

عظيمه

للكبير عبد الكريم القصاب

بساحة التحرير غاره
والحصان بالنصب كسر قيودة وجمح
ويابو نؤاس تمثالك مكابر
وگعت ايده وما وگع منها القدح
الضوه بأخر نفس
والقنابل فوگ ملضومه مثل لضم السبح
القصف يشتد والقنابل فوگ جسر الناصريه

ادري جرح البيك نخله ياعراق
ادري جرحك مو جرح
وعيب ياجرح النخيل
عيب لو تتخيط بأبره رفيعه
لازم نخيطه برمح

كاظم اسماعيل الگاطع

"جرح العراق"

#كاظم_اسماعيل_الكاطع

احنه جيل الي طلع من غير فتوه
احنه جيل اليسحك على احزابكم ويعيش كوه
الشباب اهل الكذل ماعاجبتكم
زين ماشفتوهه بالتحرير؟؟من اطيح حلوه
المشورب طلع خاين
والمكذل كله نخوه
الوطن من صاح حيهم
كلنه هسه وماكو عطوه
كل شبر شرق العراق
ترابه لو ترياك
لو مزروع عبوه
سحقا لذيج الشوارب
احنه جيل البوبجي الماخذنه رشوه
زين تذكرونه باايام الحروب شلون نفزع
عشره يلتحقون جانو
تالي واحد يمنه يرجع
كاعنه شحصلنه منهه
احنه جوه الكاع ندخل
والنفط من عدهه يطلع
احنه جيل الماسكتنه ولانخاف وهاي هيه
الرصاص يموت كدام القضيه
صاحبي من استشهد اعزب
عاف صاحبته وتغرب
كملت نص دينه من طاح الشضيه
احنه ناس اولاد ناس
بلا خطوط بلايه تاج
اصلا احنه بلايه راس
الرماح لهسه تفتر بينه
كدام البريه
انتو كلتو الوطن راتب
واحنه كلنه الوطن كطره
وانتو كلتو الدين نلطم
واحنه كلنه الدين ثوره
احنه اعظم جيل طبعا
والاجيال الجايه تكلنه شكرا
لان علمتونه ننسى الطائفيه
لان علمتونه مانبقى الضحيه

زيد السومري

يا مگوار خالد يامجد عشرين
لأنك شعب ثائر ما گلتلك ثور

شد حزمك،تلگه الموت،و ظل انزف بعد شبان
إذا ما تنسجي بالدم الگاع تبور

"حريتك"ثنمها الدم، وإذا ردنا بكرامه نعيش
يزيد لهسه ما قنعان بعد ينراد ننطي نحور

"إحنا أحرار "ليش نخاف؟ليش نقدس السياف؟
ليش،وياهضمها(ال ليش )..

من ترخص رگبنه وينتشي المأمور

#الرحمه-لشهدائنا

#ثورتنا-مستمره

#نريدوطن


الشاعر محمد مهاوي

مرهق كوطن منهك من الحروب
كوطن موجود ع الخارطه؛ وغائب عن
الحياة .💔
اأني ک العراق

وطن برائحة الشهداء فكيف لا يغار منه الياسمين ! 🇮🇶🖤.

آه ياوطن ياخبز يالشارتك تكتل

آياوطن ياطفل هنيال من صاغ الك نبض الكلب جنجل

ياوطن زفة كمر ونجوم التهلهل

عذبني ماعذبك
وأكتلني ماأكتلك

طبع اليحب ينكتل موش اليحب يكتل



#كاظم_اسماعيل_الكاطع

‏بغداد على رقّة أقدامك تزهر جنة أحلامي ..
‎
#مظفر_النــــــواب

في العراق ..
الارواح تمطر
من اجسادهم قبل حلول
الشتاء 💔
-

يهيچ احنا العراقين
لو بالسمه انخيطه الشگ

تروط الگاع من نزعل
تطيح انجوم من نعرگ ..

#كاظـم_خبـط

كفى مهزلة
إني أحنُ أن أُقتل الآن في بغداد

-مظفر النواب

نفيت وستوطن الاغراب في بلدي
شطر من چنت اسمعه بلحظته يعدي
بس هذا الشطر هسه انطبع بالراس
ومن يطبع براسي يجيب ويودي
من شفت (الايراني)مخوصر ابغداد
وعراقي اعل الرصيف مگابله يجدي

حامد الشمري

ومثل موت النخل بالكاع
يموتون الزلم وكفه..

#كاظم_خبط

💔🥺

نموت كي يحيا الوطن..
يحيى لمن؟
لابن الزنى؟
يهتكه،ثم يقاضيه الثمن
من بعدنا يبقى التراب والعفن
نحن الوطن
ان لم يكن بنا كريماً أمناً
ولم يكن محترماً
ولم يكن حراً
فلا عشنا،ولاعاش الوطن..

#احمد_مطر

لاتفرح بدمنا لايلكطاعي
صويحب من يموت المنجل ايداعي..

#مظفر_النواب

اذا شگو هويتك واعتدو عالبيك

شيل آدم هويه وكلهم انه انسان

لطيف العامري

غريب العود هذا الواج

وغريبه جدحة الشخاط

عبد الكريم القصاب

هاا يا وطن 🇮🇶

ياجبل والجبل من عادته لومات من العطش

للوادي ما ينزل

العظمه __كاظم إسماعيل الگاطع

جابو بس قميصك بيك تهمو

ذيب

وبري منك الذيب بهاي ما يلام

كفكف دمع عينك سيدي يعراق🇮🇶

انته الذيب وحدك والبقيه اغنام

الشهيد __ رحيم المالكي