.
أمي
امي بسنين العجاف
نكتفي بريحة حضنهه
ومن نجوع
تثرد الجوع بلبنهه
ولو عطشنه
تعصر عيون العطش وتجيبه ماي
وتحلب الصيف وتشرّبنه ندة
وتطحن برحّة صبرهه
العوز وتسوي غدة
أمي اخذ لونه الفرح من لونهه
أمي اخذ لونه الحزن من لونهه
أمي كآس ايامي حنظل
شنّته بليمونهه
ترفع بجفهه لواء اسمة الحنان
وجربة العباس ماي عيونهه
مرة حزنت
حيل حزنت
لأن خاصمنه الرغيف
نزل قرص الشمس حافي
ومدد بماعونهه
ومن تسولف
تمطر الدنية دفو
ولو بجت
تترس اغطانه حمام
وتحط دمعتهه مخدة
فقرة ماعدنة سرير
من عصر تفرش جفنهه
وتضم دمعتهه ضوة بجيب الليالي
ولذلك من يمرنه الليل بخدودة وشم
ومن تلولي
تستحي منهه الحروب
الشجر ينزع ضحكته
ويلبس ثياب الغروب
والقذايف تعتنق دين الورد
والعراق يصيح غطوني برد
والنخيل يقدّم بصينيه عمرة
ومن تهز كاروكنه تنام المجرة
امي مدري من الوسن عجنوا جفنهه
مدري من جفن امي معجون الوسن
مدري من طين الوطن مخلوقة امي
مدري من طين امي مخلوق الوطن
امي جنة اليدخل بلاية حساب
وجنة الله تريد من عندك مهر
وامي كعبة تشيدت حب وحنان
وكعبة ابراهيم من طين وحجر
امي من تنعة وتردد ياوليدي
تردد وياهه المسلة
ويوكف بطولة الفرات
بروح ابوج يكلهه عيدي
امي لو صلّت منارة يصلي وياهه الشجر
امي لو تنسه الاذان يصير مذهبنه حجر
ومن نغيب
توكف اعله الباب صفصافة حزينة
وتظل تدعي ,, تظل تدعي
ربي يرجع بالسلام
ومرة رديت ولكيت امبيض بجفهه الحمام
امي خاف يمسنة سوء
تعوف قرآن العشك وجفوف اديهه
امي من اتروح يعني انموت جوع
ولهذا تعوف كل مرة ثديهه
ويوم ترحل ,, يرحل وياهه الرحيل
العصافير برجاهه
امي من تمشي النهر ينحب وراهه
وعافت ابباب الحنينة
معلك ويندب كلبهه
وخاف نحزن
خلت اعله الرف دمعهه
ومرة دورنه الغراض
الكينة دمعتهه وضلعهه

#عمادالمطاريحي

انه زايد ع الحياة ياهو ينطيني وفاته
وياخذ الكلشي بحياتي

#عزيز_عسكر ..

صحبة ليل كاس وكهكهة غمان

محاببهم چذب ومزاحم بارد 💔👌

#عريان_السيد_خلف

هيه حسره...وعشره مره..
والمراره تزيد للما يلگه فَي
وينتچي عله الشيب عمره


#كاظم_اسماعيل_الگاطع

بعد شيفيد اعتذارك !

ينقبل، ما ينقبل؟

بالسمه الغربان باعتنه وشرتنه..

وقسمتنه نصير چم وجبة أكل..!!

#كاظم_اسماعيل_الگاطع

(سفرة مجانين )

‏بيه غبار الف دفان

كل جناز يتمنه حزن

وجهي يتشيم بي


#كاظم_اسماعيل_الگاطع

مثل مابالصحن تدافع الزوار..

امنذكرنك تضل تدافع الحسرات 💔

#محمدمهاوي

الشمس ترجع لهلهه العصر عميه !

ثيابها بطين الحدايق تنغسل..

#كاظم_اسماعيل_الگاطع

وفوگ أمروز روحي الزور صاير چل
مدنف فوگ وكري ابطارف الصعبات
وصگور الروابي العالية أتزبل

- عريان السيد خلف

خاف اموت
وجبت عمري احلامي شامرها عله باجر…

#عريان_السيد_خلف

الوحشة طفله
مسودنه وبالروح تركض ..


#كاظم_الگاطع !

ياخطار عيني هاكثر مغتاض
من رمش لرمش زعلان تتمشه

#عريان_السيد_خلف

أرشگني اسهام دهري ودرگه ماحطيت
معزب ولچهبني گباله ماحط سد

واخبرك روسهن زنجرن بالنتاگ
وساون ثار وائل من بطن وزيد

دامنت الحزن دله بمضيف اجواد
وغده سيل الدمع ناطور فوگ الخد

شما طول الليل يتعب الناطور
وانه بليله ونهاره الجرح ماهود

انه بجيت الغروب تميل بيه الگاع
واسمك من اذكره اجدامي تتبريد

عمر شلتك بعيني تريد هسه اطيح
ويدمعي شلون انزلك نزلت المرود

شربت هجرك تعب والراحه زرعه بگيض
غفلو عنهه فلحهه ومايهه تفرهد

طاروف ابحر نص الحزن ضليت
لا غطاني جزره ولا خذاني المد

الخساره وياك مهره نجرحت بمطراد
لا من فازت ولا من جرحهه انشد

جرحتني وعالجروح ضماد ما خليت
عله طول حدود جرحك سيجت مرقد

برغم جرحي غميج وماله كل اگياش
ابطن جرحي الخناجر وچدن ملبد

وهملته وما گلتلك جرحي يلچم گام
كشخ بالملح ثوب وبالوجع عيد


بكرم بدوي اذبحت عافيتي من مر ضيف
ووزعت السنين بدون شوف وعد

ضيعت الفرح چلمه بحلگ خرسان
عله هامت خاطري انشد الحزن چرغد


#محمدمهاوي كانون الأول ٢٠١٨

گفاك فراش حضره
معلم عله الدوس ..!!

#محمدمهاوي

أجه العيد وبعدني عليك حزنان
وبعد كل الهجر يردون اعايد

وينك ياونس ياراحة البال
الحزن بجفاك بالدلال زايد

تعال الحگ علي لا موتن اليوم
لأن سلني البعد والحيل بايد

بس باوع عليه تشوف نيران
لأن گلبي احترگ حرگة كواغد

وحبل فرگاك بي صرت آنه مخنوگ
وعليه التف مثل لف الگلايد

منو گلك عليك هواي زعلان
أنه من الشوگ كاتبلك قصايد

شجاها سنيني تركض چنهه غزلان
وعلامه الفرح مني شماله شارد ؟

ذبحني الچنت إله ولا حاسب احساب
وچان السيف حار ودمه بارد..

لما مر بالعشگ شمفهمه بالشوگ
دگلي اشتعني للأمي الجرايد

عليل وبالعشگ كلشي احسب يصير
وعلي بهجرك يصير الموت وارد

أنه أول ماعرفتك چلبت بيك
واحسنك صرت لحلامي مارد

عله حبك حاربوني احبابي واعداي
ولجل عينك بعدني لهسه صامد

الخجل عوفه علا صفحه وگرب شفاك
وبديك احضني حيل اشبيك جامد

#محمدمهاوي نيسان ٢٠١٩

ندهنه الموت..
ندهنه الموت چنه من التعب غافيين
ندهنه الموت .. بالخلاني چنه ورود مشتولين
ندهنه الموت .. تدنه وچس نبضنه وشافنه عدلين
هذولي أحنه لبدينه اشكد دفنه أخوان ..دنيتنه سواد وماكو بيها ألوان..
ومن أبسط حقوق البشر محرومين
ندهنه الموت ..
واحنه عله الرصيف بهمنه منسدحين
من كل المدن نمنه بحضن بغداد
بس چان الغطى واحد وسنه وشيعه ملتفين
ندهنه الموت ..
لن ضالم يصيح بصوت..
كلهم ذولي مندسين
رادو تسكت الأحرار
ويموت الفقير الداعه بالتغيير
رادو تنمحي الثوره
بچم طعنه، ورصاصه، وقمبله، وتفجير

رادو كل نشيد يموت
نشيد البصره، والحبوبي، والتحرير

زرعو بالشوارع خوف ..
لكن ماتخوف ارگابنه السچين

#محمدمهاوي ٢٠١٩/١٢/٦

جنه ازغار ونلعب دعبل...
خسرانين نخاف نبطل......نطلب جور
جنه ازغار ونلعب طوبه..بلجن عاد نسجل كول
تالي تصير اللعبة معارك وتصير بكيف الباطول..
مرة ولن ارجع متأخر ..شحتتني امي لذاك الصوب
شالت كوم احجار وصاحت..بالك بالك خاف تلوحك...

#كاظم_اسماعيل_الگاطع

خل نشوفهم الغيرة والفزعة العراقية😂
#شباب_بنات: همتكم صوتو لمهند علي ميمي اعجاب بلتعليق لافضل لاعب عربي هذا الرابط 👇
https://m.facebook.com/story.php?story_fbid=3355063337850649&substory_index=0&id=113623891994626

#شارك_المنشور_ليصل_للجميع

صرخة هالوكت تتنطر ألغباش
عيشة ويه الشجول الزفره ما تنعاش..
.
.
#عريان_السيد_خلف