#صفحتان_من_الملف...*

للدكتور حسين سرمگ

-1- تحت المشاهده :
مدري شجاني السنه والعام
مانام طول الليل .. مانام
ثاري السهر مدرسة العيون
وكثرن غياباتچ يالاحلام
مثل الجرح دافي بالفراش
گلبي نهر والسيف بلاّم
تحسدني ليش وتشتكي الناس
امي وابوي اوياي بالبيت
لچن عايش عيشة ايتام
گبل القوافي يسهرن اوياي
چنّهن جواري ... وانه خيّام

مو مثل الاول طبع الاصحاب
تحت الصفر غيرة هالايام
اطلع واجي تراقبني العيون
جاري يتثاوب .. والوكت ليل
نعسان جاري اشعنده مانام
شباچ يندگ .. تركض الناس
اليگطع طريق ...
اليسحب اقسام ..
ما مأذي احد .. ايها الناس
اني بسيط وفد بشر خام
لكن اسد شبّاجي بالليل
وبروحي واحد يكسر .. الجام

-2- كفيل خسّار
اسمع غنه من صوت مبحوح
مديت اديه بحفرة الروح
طلّعت منها گمر تعبان
بصدره حديقه امطلعه اسهام
جبت الگمر وياي للبيت
مطلوب راسه .. بتهمة اعدام
شاف الارض ما توسعه ومات
موتة غريب ابذيچ الايام
الله يرحمه .. وبلّغت بيه
إو ورقة وفاته انترست اختام
جرارتي انترست علامات
وابفايلي ميّة استفهام ؟؟؟؟؟
يوميه جاري يجيب تبليغ
وعالنسختين ابُصم بالابهام
اني .. الكفيل ومني رادوه !!
ومنين اجيب البالگبر نام ؟
ومن خوفي رحت وجبته بالليل
بس .. اشجبتلي .. كومة اعظام ..!!


#كاظم_اسماعيل_الكاطع

يا منتخبنا گلوبنه كلها وياك
وفرحة شعب وي كل هدف محسوبه

چي غيره لعبك كل خصم منك خاف
ومثل العلم تشكيلتك مهيوبه

وي كل خصم گدما تلعبون بروح
معرکه نحسها وموش لعبة طوبه

يبطال وياكم وطن مو جمهور
والدول من هذا الوطن مرعوبه

زفو الفرحه لكل (أب)مفارگ شاب
وكل أم شهيد من الحزن متعوبه

يوسف وطنا وما يخوفونه أبير
من البير يطلع هالوطن بي حوبه

بيه زلم وكت الفزعه فازت عالموت
ومنها أخذ وين لبالشدد مرغوبه

وبيه زلم ردو فرحته وحزنه انشال
وشدو جروحه وشفته المصيوبه

وحتى الفرات بيوم جف وشافوه
عرگت گصصهم ورتفع منسويه

(الثوار )و(المنتخب)ما يختلفون..
بثنينهم نلگه الهمم مطلوبه

#محمدمهاوي

قصيدة(جرح الناصريه )


بالعراق الدم رخيص...!!
لتارس ارصفة الشوارع.

الدم رخص بأمر الأحزاب
لعن مصالحها تدافع..

(احنا شعبه ، سنين ماشفنه سلام)
الموت يعرفنه ونعرفه ..!!
'ووگف چن شرطي مرور '
هناك شفناه بالتقاطع..

(ساحة التحرير)
أمس چنها قيامه

نفخ إسرافيل صوره
وصار عالجنه تدافع...

ليا وكت يبقى وطنا...
كامش جروحه وينازع

ولشوكت ننطي شباب
ونبقى بس نعض أصابع

أمس بالبصره الثچالى
ونينها يضج المسامع

إذن الموت ولگينه
اشچم طفل بگماطه خاشع

من الفجر تشييع عدنه،
والحزن بوجوه أهلنا،
فزعت الهادود فازع

أحنه مخلوقين للهم،
للحزن، والثوب الأسود

حتى هذا الليل ضدنا
"مادري ليا حزب تابع "

"ياوطن يابو العمايم"...
مات ألف مسكين جوع،
وبنوا بيك ألفين جامع !!

ندري حكامك(عميله).
ولا رحم، لا غيره عدها
ومن تشوف البصره تنزف
ماتهم لدم ولدها

يا عراق البيك بيه...
حزن، وهموم، ومئاسي،
وحتى (جرح الناصريه)


#محمدمهاوي

مد ايده اعله خاصرته الفرات وصاح

حول يا شهيد بگلبي الك حضره

#كاظم_اسماعيل_الگاطع

يارب التوفيق لمنتخبنا 🤲

عرس اطيور
والعريس المصوب
اجه من ساحه التحرير راكب مهرته ويصيح

سمعت ام الشهيد اتصيح
اطش طاسه هلاهل موش طاسه ماي

ياشباج يفزع يقفل البيبان موشلعت كلبنه الريح

تكبر فرحت العاكول
من يدري
الندى ضل عالورد مثل الرصاص ايطيح

لازم ينتفض لعگال
خايف تنشف النهران
ونشوف النوارس للسواجي اديح

ياكعبه ثلج خلصت ابطوفه ماي
لازم للعمايم صوت
ياضالم شعب ينزاح بالتسبيح

الجوامع ولكنائس ولحسينيات
هذن كلهن
عصافير اعلى جتف الكاع

صلاتك ماتوصل خبزه للفقره
اذا ماتنتفظ عالجوع
وتحط للحقيقه اشراع

ماتسلم مناره وحظره بيهه حسين
مادام اليزيد اتباع

رش دم الشهيد الضل على الشباج
طاسه ماي
يخظر بالسجن ورده ونشم تاريخكم نعناع

يبن ثنوه الزلم صنفين
واحد يستحق ترمي
واحد يستحق تنعاه

وانا اعله العطش نهرين بديتك نعاوي واه

من يبرد الدم ايضيع دم وياه
والغالي برخص ينباع

صارت طيحتك دمعه
وقصيده املطخه ابدم طايحه اعله الگاع

نورس ونكسر جنحه برصاصه وطاح

ماطاح اعله جرف الشمر وابن العاص

طاح بساحه التحرير
هلهوله
وغنه
وصياح

منو ابسيف الرمل يذبحلي رگبت ماي

مايتوالمون اوياك گلبك شاعر وذباح

بس المثل گلبك شايل امه اهلال
يقراك الفجر قداح

-الحبيب سلام جاسم

#بليّه_مقابل...*

من بعت سيارتي بليّه مقابل
رحت يم ضابط مرور
اهناك سويت التنازل
ومن بعت ذيچ السنه بفلسين داري
رحت بعد اسبوع افرّفر .. بالعقاري
وهسه اسأل وين اروح ؟
بعت روحي ..
هم اكو عدنه دوائر خاصه
بتسجيل روح ؟

#كاظم_اسماعيل_الگاطع

اذا مو للوطن والگاع چا المن

جرعتن ضيم الاحباله

كريم الجسار

ينشدون على كل شي بعقل مال ازغار
وين الكالي وادم بالحزن تفهم

وادم عابت الله وصفگة لبليس
وألسنهم محمد منها ما يسلم

اهي عرگة گصص والشيم مو تعلوم
يکضنه المستحه وبالچلمه نتلعثم

#محمدمهاوي

يا گاع النجف وشکثر بيچ اسرار

نحسدها الصبرها اشعجب ما تزهگ

#كاظم_اسماعيل_الگاطع

موت الله انلغه بهالوطن فدنوب

وعزرائيل هم بدل علينه

عبد الحسين الحلفي

ليش نخاف كلنا نموت

كل يوم اليمر بسمار للتابوت...!!

عبد الكريم القصاب

چاتل ياگليط

(الفرح)

شارد ليش..؟؟

#محمدمهاوي

ياهو يسوه دموع عينك
وياهو يستاهل نشد وتگله وينك

#ياهو؟؟

#عريان_السيد_خلف ..

وليش من گتلك
تعاﻝ ﻧﺼﻴﺮ للدنيا ﻭﺭﺩ ماطاوﻋﺘﻨﻲ ؟

#غانم_الفياض !

أثر حية برمل
شدريك رايح راد ..

#سعد_اشميل !