#متاني..

متاني وجنت اضنك من تغيب تعود
ومو بس الحواس آمالي منتضره

بي واهس مشي لحد ما الاگيك
يلزارع بدرب الجيه ألف عثره

اعرفك مو وفي وأمنت بيك أحلام
أحلام الطير أمانه بغصن كل شجره

واجه موسم حجي وراح افضح المستور
ومو انه الغشيم لما عرف قدره

تانيتك تجي ومن ترد كلشي يهون
لچن هانت عليك تفرق العشره

وبعدني اشتاگلك كلما يمر طاريك
النوارس للجرف تشتاگ عالفطره

اعرفك ماتحب طبع المحب يشتاگ
ومن طبع الفلح تتفگد البزره

اليتاني الفجر يطلع ما يهده الليل
وليدور امان يشم عطر حضره

وبيه واهس بچي الفاگد احبابة بعيد
الحزن عاشرته عشرة علي وي الفقره

حچي الشمات عوفه الجرح شيداويه ؟؟
وأثر جفك ودم خنجرك شتفسره..!!

ما عذره الهوه اليلچم جرح مكشوف
واذم كل فاس عايفله بغصن كسره

ولا ريدن اليطلب عالبلابل ثآر
وگبل عطر الورود يسولف بعطره

وأنه طبعي مضيف وچلمته تنهاب
واعرفك ذيب ابد ما ينتفي غدره

ما دور زعل والعتب لليسوون
لگضه عمره انتظار ترافگه العبره

الورد صيته نبي وماعير العاگول..!
ليدور العاليه يگضي العمر عثره

حملت سوالفك نملة بضهرها رغيف
وتحملتك ايوب لما خلص صبره

وفه بيه وصدق گد السراب البيك
وعمر طشيته الك بير بوسط صحره

#محمدمهاوي ٢٠١٦/٦/١٤

#أمنيتي_اشوفك_في_حلم

#ارشيف_2017

#محمدمهاوي

حزين وعمد ذبني الوكت يمناي
وبچيت ومالگيتك ردن يمناي
عليل انته وشلتها وياك يمناي
تعافيت وشلت چفك عليه

#محمدمهاوي

اشتعل مرة بعذابك مره ودي
انطفي و ما كسر كلبك مره ودي
عمه وحاضن صورك مره ودي
ضرف بلچن يرد الشوف إليه

#محمدمهاوي

رحت وجروحي ملح جفاك بلعن
برحيلك والگلب ماهاد بلعن
عليك ومو عليك العتب بلعن
هذا 💔 لمن فگدتك عال بيه

#محمدمهاوي

بغيابك بس عضم ينشاف سليت
عشگتني و من بعدها سيوف سليت
لون تدري بجفاك جهال سليت؟؟
خبل والشافني تمضحك عليه!!

#محمدمهاوي

من طاحن عثوگه الصفر ماشگ زيج..

النخل ضل واگف متعب صواعيده

#محمدمهاوي

#ليلة_الميلاد...*

الشمع طافي
وظلال الليل غلّف ساعة الوحشه
الثلج عشّب على اعيوني
وبرد بين الضلع والضلع يتمشّه
المطر ينزل على المعطف رصاص ودم
وشوف الناس كلمن گاعد ابنعشه
ريح ونار .. غيم وليل
دوّرت الشجر عن طير
يرثي لحالتي بعشي وارثي لحالته ابعشّه

الشمع طافي وضوه الميلاد
مات بليلة الميلاد
اغاني الحب صفت عميه
صفت خرسه
صفت طرشه
وضوه الميلاد مات بليلة الميلاد
ياريت الليالي الماضيه بذاك الفرح تنعاد
ياريت الزمن يفحط ولا يمشي
ويرد اردود لايام العشگ والشوگ والميعاد
ظلمه والنجم تعبان
وجرح الگمر مايرهم الهه اضماد
الليله اطويت صفحه من العمر سوده
الليله احرگ ثلاثيني
واسوي الذكريات ارماد
انه لوحدي ابمسية افراگ
الف كيلو متر تبعدني عن بغداد
نسجت الدم عليه اجناح
بلجي ايطير ويذبني ابحضن بغداد
بلجي اگدر عذاب الليل .. ماينراد
انه لوحدي ابمسية افراگ
ادور عاليوديني اعله شباچ الحبيب
اطلب نذر ومراد
خيول الريح سحگتني
إشيريد الريح؟
شجره بلا جذر چنّي
وخيمه بلا وتد چنّي
يابرد الشته اتگطّر على اضلوعي
ويا حزن التراب اضحك على الفرحان بالميلاد
انه لوحدي بعذاب النار
وصديقي الچان يبچي وياي
صار اويّ الرماد ارماد

#كاظم_اسماعيل_الكاطع

يالغريب...
ياطفل يمضيع إسمك
ارتاح سد شباچ خوفك
واختل بسرداب حزنك..
كلشي بالدنيا يلجمك

#محمدمهاوي

ليش زعلان ويه روحك..
يومك مخلصه حزن ليله ونهاره
ليش حاير؟؟
ليش خايف؟؟ليش صافن؟؟
كافي سد شباچك ورجع الستاره

يالحنين..
شكبره همك.!! تبچي خافنهم نسوك
ها يمنسي ليش خايف...
خلصت عمرك خساير...
وهاي مو أول خسارة
كافي سد باب الحنين
الگدر محبوبك يسده
وشيل من بالك هل ألاحلام العتيگه
حتى راسك فارغ يضل،
من تحطه عله المخده
وآآخ منك...
كل جرح يشفى ويطيب
وكل كسر بمرور الأيام يتلايم
إلا جرحك هذا ماصارتله چاره

كف ودادك..
كل حنينك مايردهم
عاهدوك.. وما وفولك.!
خانوا.. وما سولفولك..
وانتَ نارك بيك تآكل،
شوكت تخمد هل شرارة..

#محمدمهاوي

#فيديو_مشترك

#الشاعر_مرتضى_خيرالله

#الشاعر_سالم_هاشم

#الشاعر_محمد_مهاوي

اليوم ٢٥-٦-٢٠٢

تمر علينا الذكرى الثامنـه
لرحيل كاظم اسماعيل الكاطع
٢٥-٦-٢٠١٢ تاريخ وفاته

كاظم الكاطع الذي يعد
من اعمدة الشعر الشعبي
بالعراق .. حيث كتب اول قصيده له
وهو في سن الـ١٧ من عمره قصيدة " انتهينه "
عن موقف حب انتهـى بالفشل وفجرة به روح
الشاعر حيث كتب هذه القصيده التي تحتوي ع مجموعه من الصور الشعريه الرائعه
بدون ان يتطلع مسبقاً ع " الادب والشعر "

وبعدها بسنه واحده كتب اخطر قصيده
سياسيـه " رسالـة ام " كان بوقتها في سجن
نكرة السلمان مع مجموعه من الشعراء في ذالك الوقت ..

حبِ الكبير لكاظم الكاطع
والاستماع لقصائده عندما كان عمري
الـ ١٤ ، اغرمت به بعد سماع قصيدة "مامرتاح"
ومن ثم سمعت اغنية " زعلان " بصوت سيد الحزن الجنوبي كريم منصور فوقعت بحب الاخر وبتاثير قصيدة الكاطع ايضاً
وبعدها استمريت بلاستماع لقصائده
وبشغف كبير ، ما يميز الاب كاظم الكاطع عن باقي الشعراء ..

قصائده تكثر فيها الشواهد والصور الشعريه
فالمشهد الشعري ادى ابا وسام بكثافه صوريه هائله ، لايمر سطر واحد دون ان تتعثر عيناك ع لوحه جميله لم تنتبه اليها وانت غارق في هذا البحر الشعري ..

لديه اعمال كثيره ومنها
" شمس بالليل ١٩٧٠ ، چنه نحلم ١٩٧١ ، عيد ابو هلالين ١٩٧٢ ، عرس دجله ١٩٧٥ ، شفاعات الوجود ١٩٩٩ مشترك مع النواب وعريان ، نعش النهر ١٩٩٩ ، غاب الگمر ٢٠٠٤ ، كطرات النده ٢٠٠٤ ، نوري حزين ٢٠٠٦ ، هل ليل المعرسين ٢٠٠٦ ، قصائد دامعه مشترك مع كريم راضـي العماري ١٩٦٨ "

الاب الكاطع شاعر كبير
فقد كل شـيء الا عقلـه

تذكروني بدمعه ، بحچايه ، بچكاره
حتـه اگولــن مانســوني ..

#بلاية_وداع

مثل العود من يذبل ....بلاية وداع
ومثل الماي من ينشف .بلاية وداع
تدريني هرش واوجرت بية الكاع
يا رخص العشك من ينشره وينباع

جنت بليل المحبين ....
شلذ اسمك على الخاطر
وجان الشوك بيك رسوم .. حلوة ..ولهفة مسافر
وجنت وياك
خلك الكاع للكيض .... وصبر شاعر
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع

شلون الماي......
يكدر ينكر اجروفة
شلون العين تكدر .....شوفها تعوفه
وابو جفوف الحنينة.... شلون يرضى
اتبيعنا جفوفه ......
وبلا جلمة التنكال
كل ذاك الفرح ينشال
وظنون المحبة تظل بلاية وداع

لـ عريان السيد خلف

اباريلك عليمن!!
بيش بعد ارجاك،
مچفي !!
كل سبب للوصل گطعته
بناك انه الغشيم المايعرف الغيض ؟
لو انه التسيل الماي من تحته
انه من اغتاض افك للغيض مية باب
واغلگ للمراضه وللصلح سته
انه يسمر نكور ومثل نزر الطير
اول مالچحت البيك فرزنته
مو صاحب طويله ولا ثمل بهواك
ولا انته ولام گلبي وصدگ والمته
اذن ،،
سيان عندي ان رحت وان ضليت
دامنت اعله هجرك عمر عاشرته
اذا هاذي رغبتك والهجر سلواك موش انه اليعت بذيال بايعته
ولاانه اليشتري بغالي ويبيع رخيص
ويحط ثمن سومه بسوگ عاطفته
ولو ادري التغنج والغنج مطلوب !
بس لعب العواطف فاتني وفتته ..

الكبير عطا السعيدي