#تذُكروني..

تذكروني...
من يجي الليل وصوركم ياهلي
اتگابل اعيوني
من تجي الناس وعذر الها
وعذر عدكم ماتجوني
من يوج تنورنا ومن تخبر امي
على دخانكم حنّت اعيوني
من تمر يمكم حمامه
اتذكروا كسرة جناحي
والله لا ينطي الذي منكم خذوني
اتذكروني...
اتذكروني..بدمعه
بحچايه
بجگاره
حتى اگولن مانسوني
خطوه مجنونه خذتني بشارع اظلم
ليل والغربه صفت بيع وشره
يهلي اشتروني...

" يا غريب اذكر هلك "
وتذكرتكم
هلي يامن ضيعوني

هلي شمدريكم انه انچوّى بالنار
ذكرتوني وبچيتوا لخاطري ادموع
شفت ظيم الليالي وتعب الاسفار
وضگت طعم الخناجر بين الضلوع
طحت بمرض مثل امراض الاشجار
سكتاوي الألم .. ماتگدر اتلوع
وحگ حزن الغروب ودمع الاشجار
انه بگلبي غصن للفرح مگطوع
ردت اشتري الراحه بغربة الدار
وشفت روحي .. ونا الشراي مبيوع
انسى الموضوع كله وذيچ الافكار
وشفت روحي التهيت بغير موضوع

#كاظم_اسماعيل_الكاطع

ما لحت العثگ مو لأن مو صاعود

برحيك چثيرة چفوف حايفته

#محمدمهاوي

ضل كابر عمر لا تتكل عالناس..

الجرس حصل شني؟ من گضة عمره صياح

#محمدمهاوي

انه همومي جهال وترضع دموع
اگضي اليل ألولي وما يهيدون
اغفي ابهذا يكعد ذاك ويلوع
ويفزون أعله صوته وماينامون
الكبر منهم فطمته وياكل ضلوع
شسوي اشلون لو كلهم يكبرون
جنح بيه انكسر والثاني مخلوع
وطرت گوه على اعناد اليكرهون
#سمير_صبيح

مكسور گلبي عليك مكسور..
طول وعرض بيه صارن فطور

ما تعب مثلي بيوم ناعور
بتراب وجهي انطمت گبور

بكل امام علوگة شديت
لو عدها ماتنعد النذور

انه الحنين الگلبه للناس
ياهو اليلچمه وگله معذور

جس گلبي يلبارد علئ هواك
هلبت تطفي النار التفور

يشگر يلبرگبتك شامه
بيك الضعن غرب علامه

عوف الضعن ردلي بسلامه
عگبك بعد ياليل انامه

يلمجفي يلما مرة وفيت
انه الك جم مرسال وديت

تدري بجفاك يفرهد الحيل
چا ليش درت الضهر وجفيت

#محمدمهاوي