🗣«Нам ёсць чым ганарыцца, ёсць што берагчы і абараняць» – Аляксандр Лукашэнка пра гістарычную спадчыну беларусаў

Кіраўнік дзяржавы падкрэсліў, што цырымонія уручэння ўнікальнай прэміі «За духоўнае адраджэнне» даўно стала часткай нацыянальнай спадчыны.

Сёння ў Палацы Рэспублікі Прэзідэнт уручыў:
▫️Прэмію «За духоўнае адраджэнне»
▫️Спецыяльныя прэміі дзеячам культуры і мастацтваў
▫️Спецыяльную прэмію «Беларускі спартыўны Алімп»

#ПРЭЗIДЭНТ #ЗА_ДУХОУНАЕ_АДРАДЖЭННЕ

🇧🇾@mintransbelarus

🇧🇾 Прэзiдэнт Беларусi Аляксандр Лукашэнка павiншаваў суайчыннiкаў з Днём Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь

«Абраная народам трыяда дзяржаўных сімвалаў адлюстроўвае вопыт і традыцыі, няпросты гістарычны шлях нашай незалежнай і суверэннай дзяржавы, прыгажосць і самабытнасць сінявокай Беларусі. Яны разам з намі ў самыя адметныя моманты грамадскага жыцця і ўжо сталі неад'емнай часткай паўсядзённасці.

Павага да герба, сцяга і гімна яднае нас і ўзмацняе патрыятычны настрой у адносінах да важкіх дасягненняў краіны і суайчыннікаў. І надалей гэтыя сімвалы будуць выклікаць пачуццё гонару, дачынення да лёсу Беларусі і адказнасці за яе будучыню.

Няхай у чыстым небе прыгожа лунае дзяржаўны сцяг, герб дэманструе ўсяму свету нашы волю, мудрасць і міралюбівасць, а душу кожнага кранаюць гукі дзіцячых галасоў падчас выканання гімна.

Жадаю здароўя, дабрабыту, новых поспехаў і перамог».

Аляксандр Лукашэнка
10 мая 2026 года

#ПРЭЗIДЭНТ🇧🇾

🇧🇾@mintransbelarus