મુખ્યમંત્રી શ્રી ભૂપેન્દ્રભાઈ પટેલની અધ્યક્ષતામાં તાજેતરમાં રચાયેલી 9 મહાનગરપાલિકાના કમિશનરશ્રીઓ, વહીવટદાર કલેક્ટરશ્રીઓ તેમજ અન્ય અધિકારીઓની ઉપસ્થિતિમાં ગાંધીનગર ખાતે એક દિવસીય કાર્યશાળા યોજાઈ..

રાજ્યના ઇતિહાસમાં એક સાથે 9 નગરપાલિકાને મહાનગરપાલિકામાં રૂપાંતરિત કરવાનો નિર્ણય આયોજનબદ્ધ શહેરી વિકાસની ગતિ માટેની રાજ્ય સરકારની પ્રતિબદ્ધતા દર્શાવે છે : મુખ્યમંત્રીશ્રી

આ અવસરે મુખ્યમંત્રીશ્રીએ નવી રચાયેલી દરેક મહાનગરપાલિકાઓને વહીવટી ક્ષમતા વૃદ્ધિ અને સફાઈ સહિતના સિટી બ્યુટીફિકેશન કાર્યો માટે ₹20 કરોડની ગ્રાન્ટ ફાળવવાની મંજૂરી પણ આપી હતી..