ثالثاً: #الاول_متوسط و #الثاني_متوسط
تقرر شرح منهجي الاول متوسط والثاني متوسط مع اصدار الملازم للمراحل كافة الاول متوسط والثاني متوسط وسيكون الشرح ربما
مع بداية العام الدراسي او قبل ذلك ان شاء الله

كلش احب بداياتي وافتخر بيهه
نحتت بالصخر
دائما اسولف للطلاب مالتي عن بداياتي
جيت لزيونة ولا طالب عندي و بديت بطالبة وحدة
لحد الان اذكرهه ، وحدة فقط !! طالبة وحدة ومديرة المعهد كالتلي بوقتهه
بيك حيل تشرح لطالبة وتاخذ وقتك؟؟

كتلهه اني جاي اثبت نفسي وخليت ثقتي برب العالمين وبديت
اتذكر كل بداياتي بكل تفاصيلهه ، وبدايات اليوتيوب بكل تفاصيلهه !
البدايات البسيطة فد شي حلوو بالذاكرة
بيكم انتو كطلاب وبعض القنوات مشكورين ، صعد اسمي وصعدت قناتي
لهذا السبب دائماً احس نفسي قوي لسببين
السبب #الاول يقيني رغم اني انسان مليان اخطاء ومو معصوم وعندي هفوات وزلات مثل اي انسان بس عندي ثقة بمساندة رب العالمين الي وهذا الايمان بداخلي يزيد مينقص ومخليني قوي كلش
والسبب ‎#الثاني قاعدتي الجماهرية الكبيرة هي عبارة عن صد قوي ورصين يوكف امام اعتى الحاقدين.
احبكم واني بيكم صرت وقناتي بخدمتكم
#احبكم_كلش ❤️