GCC JOB INFO

4.17K views06:20

સેક્સ. અઢી અક્ષરનાં આ શબ્દને લઈને કેટલીયે ભીતિઓ અને અફવાઓ આપણા સમાજમાં ફેલાયેલ છે. જીવનની અન્ય શારીરિક પ્રક્રિયાઓની જેમ જાતીય સંબંધ પણ એક સામાન્ય બાયોલોજીકલ પ્રક્રિયા જ છે તેમ છતાં તે વર્ષોથી આપણે તેને એક ટેબની (એવી વાત કે શબ્દ જે સામાજિક જીવનમાં પ્રતિબંધિત હોય અને તેનાં વિષે જાહેરમાં કોઈ સાથે વાત ન થઇ શકે) જેમ ટ્રીટ કરતાં આવ્યાં છીએ. આ જ બધા કા૨ણોસ૨ ઘણીવખત યુગલોને માનસિક અને શારીરિક સમસ્યાઓનો સામનો કરવો પડતો હોય છે.

આ પુસ્તક એટલે સેક્સ સંબંધી તમામ બાબતોનું સમાધાન, પુસ્તકનાં લેખક ડૉ. રાજન ભોંસલે, ડૉ. મિનુ ભોંસલે અને ડૉ. અમન ભોંસલે ઘણાં લાંબા સમયથી આ ક્ષેત્રમાં કાર્ય૨ત છે. પોતાનાં આ બહોળા અનુભવને કારણે તેમને આ પ્રકારનાં અનેક પ્રશ્નોનો સામનો કરવો પડ્યો જે પહેલી નજરે તો બિલકુલ સામાન્ય દેખાય. પરંતુ, લોકોમાં જાતીયતાને લઈને પ્રાથમિક સમજણનાં અભાવને કારણે ઘણાં જટિલ બની જાય છે. આ જ વાતોને ધ્યાનમાં રાખીને તેમણે હ્યુમન બિહેવિય૨ અને જાતીયતાનાં ક્ષેત્રમાં પોતાનો તમામ અનુભવ કામે લગાડ્યો અને આજે આ પુસ્તક આપણી સામે હાજર છે. પુસ્તકમાં પુરુષ અને સ્ત્રી એમ બંનેના પ્રશ્નોને બિલકુલ સાયન્ટિફિક રીતે એકસમાન ન્યાય આપવામાં આવ્યો છે જે પ્રશંસાપાત્ર છે.

આપના એક અંગત મિત્ર તરીકે મને પણ આ જ પ્રકારના પ્રશ્નોનો અનેક વખત સામનો કરવો પડ્યો છે. તેથી આ પ્રકારનાં કોઈ પુસ્તકનાં ભાવાનુવાદનું મને કરવાં મળ્યું એ ખરેખર આનંદની વાત છે. મને વિશ્વાસ છે કે ગુજરાતી ભાષામાં આ વિષય પર આ રીતનું પહેલું પુસ્તક ડોક્ટર મિત્રોને, પેરેન્ટ્સને અને તમામ વયનાં લોકોને ઘણું લાભદાયી સાબિત થશે તેમજ જૂના પૂર્વાગ્રહો અને ભીતિઓને તોડવામાં મદદરૂપ થશે.

4.42K views06:20