GCC JOB INFO

*એક સભ્ય સમાજ ના બે મિત્રો એક વૈભવી લગ્નમા ભેગા થયા..*

આ બને મિત્રો એ થોડા વર્ષો પહેલા જ લગ્ન કરેલા.. એક મિત્ર એ ધામધૂમથી તો બીજા મિત્ર એ સામાજિક પ્રેરણાથી સાદગીથી લગ્ન કર્યા હતા.

લગ્ન મા હાજર બને મિત્રો એ એકમેકના હાલ પૂછતાં એક મિત્ર બોલ્યો :

ખરેખર! સાદગી થી લગ્ન કરવાનો અમારા પરિવાર નો નિર્ણય ખુબજ યોગ્ય હતો. એનાથી મને ખુબજ આથિંક ફાયદો થયો.

એ સમયે લગ્નમાં થનાર જમણવાર, મંડપ, દાંડિયા, વરઘોડાને સામાજિક વ્યવહાર માં થનાર ખર્ચ બચાવી અને મારા પપ્પા એ મને 10 લાખ રૂપિયા વ્યવસાય કરવા આપ્યા હતા.

આજે ધંધામાં ખુબજ સારી કમાણી હોવાથી મે હમણાં જ મારું પોતાનું 3 BHK ઘર બનાવ્યું, પરિવાર માટે એક નાની કાર લીધી અને આજે એક ખુબજ સારું અને શાંતિ ભર્યું જીવન જીવું છે..

બોલ! તારો સંસાર કેવો ચાલે છે?

ત્યારે બીજો મિત્ર થોડા દુઃખી મને બોલ્યો :

'યાર! એ સમયે યુવાની ના ઉત્સાહ અને પપ્પા ની ઈચ્છાને તાબે થઈને મારાં લગ્નમાં 25 લાખ નો ધુમાડો કરી નાખ્યો હતો.. કંકોત્રી, કપડાં, બે હજાર માણસ નો જમણવાર, દાંડિયા, પાર્ટી પ્લોટ, ડેકોરેશન, ફટાકડા, વરઘોડો જેવા કેટલાય બિનજરૂરી ખર્ચા માત્ર સગા સંબંધી અને મિત્રો મા ખોટો દંભ અને દેખાડો કરવા વાપરી નાખ્યાં. અને એ સિવાય મારા મામા ની આર્થિક પરિસ્થિતિ સારી ના હોવા છતાં વૈભવી મામેરું કરાવ્યુ એ તો અલગ..

પણ એ સમયે આ પ્રસંગ પૂરો પાડવા મારા પપ્પાએ એમની જીવન મુડી તો પૂરી કરી પણ પ્રસંગ ને વૈભવી બનાવવા બેંક માથી લાખો રૂપિયા ની લોન પણ લીધી હતી અને પપ્પા એ જેમ તેમ કરીને એ લોન તો પૂરી કરી દીધી પણ આજે નોકરી અર્થે મારે પરિવાર સાથે શહેરમા એક ભાડાના ઘરમાં રહેવું પડે છે..

કાશ ત્યારે એ 25 લાખ નો ધુમાડો કરવા કરતા જો એ રૂપિયો સારા વ્યવસાય કે કોઈ યોગ્ય જગ્યા એ રોકાણ કર્યો હોત તો મારું જીવન આજે કઈક અલગ હોત ??

'દોસ્ત! આપણા સમાજ મા સમૂહલગ્ન તો થાય છે.. એમાં આપણાં સમાજના અગ્રણીઓ અને સમૂહલગ્નના આયોજક ભાઈઓ રાતદિવસ પરિશ્રમ કરીને સમુહ લગ્નનું આયોજન કરીને સમાજ ન પરિવારોને આથિંક બોજમૂકત કરવા સમૂહલગ્ન મા જોડાવવા વિનતી કરે છે

જેથી સમૂહલગ્ન મા બિનજરૂરી ખર્ચ ને રોકીને પણ સારી રીતે સમાજ મા એ પ્રસંગની ઉજવણી કરી શકાય અને સમાજ ના દરેક પરિવાર બે પૈસા બચાવીને પોતાના આવનાર સંસારને સમૃદ્ધ અને સક્ષમ બનાવી શકે છે.

અને જે પરિવારો સક્ષમ છે એ પણ સાદગી થી લગ્ન કરીને સમાજમા સામાન્ય - મધ્યમ પરિવારો મા એક ઉતમ દાખલો બેસાડી શકે છે.. કારણ કે આખરે સામાન્ય મધ્યમ પરિવાર અનુકરણ તો આ સક્ષમ વર્ગ ને જોઈને જ કરે છે ?

પણ યાર.. મારા જેવા ઘણા યુવાનો સમૂહલગ્ન કે સાદગી થી થોડી લગ્ન કરાય .. લગ્ન તો શાહી અને અદભૂત જ હોવા જોઈએ.. જેથી સગા સબંધી મા આપણો વટ પડી જાય એવું વિચારી ને ખોટા દંભ મા લાખો રૂપિયા ખર્ચ કરીને આવનાર વર્ષો સુધી દેવાદાર બનીને જીવે છે,

પણ અફસોસ.. સગા સબંધી કે મિત્રો બે દિવસ પછી લાખો કરોડ રૂપિયા ના ખર્ચ કરેલ એ પ્રસંગ પણ ભૂલી જ જવાના છે..

જ્યારે તારા જેવા સમજદાર મિત્રો સમૂહલગ્ન કે સાદગી થી લગ્ન કરીને સમાજ ની વ્યવસ્થા નો તો ભાગ બને છે પણ ખોટા દંભ દેખાડા નો ત્યાગ અને બિનજરૂરી ખર્ચ રોકીને ઉતમ ભવિષ્ય માટે સારી બચત પણ કરે છે !

ચાલ! મિત્ર હવે જઈએ, મારી વાત આજના આ સમય મા વૈભવી દેખાવ ઈચ્છતા લોકોને ગમશે નહિ અને ગળે ઉતરશે નહિ પણ આ મેસેજ વાંચતા યુવાનો સમજે અને સમાજ માં બદલાવ લાવવા પોતાનાથી એક પહેલ કરે તો પણ આ મેસેજ સાર્થક ગણાશે. 💐

👍23🔥4❤2

5.65K views18:04