يمعودين !
اليريد يحتفل بيوم 8-8 ويعتبره نصر خل يحتفل ويكتب اليعجبه !
واليريد ينتقد ويحجي ويعتبره آذية للعراق وشي سلبي ، خل يحجي ويكتب اليعجبه !
مو ضروري اذا واحد يعطس لازم تتعاركون ترى بالسنة عدنا ١٠٠ تاريخ مناسبة مُختلف عليها !
بالاول والاخير هي اسمها صفحة شخصية والشخص يكتب اليعجبه ! وهي شغلة #قناعة ومحد راح يغير قناعته بعركة !
كافي فدوة لعيونككم !
.
#مصطفى_البلداوي

بالتوفيق لكل الطلاب الي دينتظرون نتائجهم سواء الثالث متوسط او السادس اعدادي ، ربي يوفقكم وتحققون وتوصلون لكل الي تتمنوه وتفرحون وتفرحون اهلكم واحبابكم ❤️
.
.
#مصطفى_البلداوي

كل تجمع مليوني لابُدَّ من ان يكون فيها بعض الامور الشاذة او التصرفات التي بالتاكيد لا تمثل هذا الحشد المليوني ، مع الاعتراف الكامل ببعض الاخطاء والشعائر التي لا يجب ان تحصل وضرورة محاربتها والحد منها ، لكن بنفس الوقت لا يمكن اختزال كل الملايين البقية بتصرف هنا او هناك من شخص او عشرة او مئة ونسيان الـ ١٤ او الـ ١٥ مليون الاخرين ، على الاقل يجب ان يكون هناك توازن بطرح السلبيات وطرح الايجابيات ! وإلا فأن القضية ستتحول الى استهداف قبل ان تكون تقويم !
.
#مصطفى_البلداوي

#معلومة
اصدقآئي ، بالنسبة لتحديث السناب الجديد هواي ناس افتهموا انو صارت بي شغلة يكدر بيها اي احد يحول سناب منزله انت مثلا لشخص مو صديقك ويشوفه عادي ، اطمئنوا هالشي ميصير اذا كان حسابك برايڤت وراح تطلع للشخص الي تحول اله السناب انو لازم تكون صديقا حتى تتمكن من مشاهدة السناب ، يعني السالفة برآيڤت ومراح تاثر شي عالقافلين حساباتهم ❤️
.
.
#مصطفى_البلداوي

صبآح الخير ، بالنسبة للضجة الي صآرت ودتصير حول قضية التلكرآم واخترآقه ونآس هوآي بدت تخآف وتنصح البقية بحذف برنآمج التلكرآم ، اول شي أحب ااكد الكم انو التلكرام برنآمج آمن جداً ودرجة الامآن بي أعلى من الفيس بوك حتى ! واذا ما صارت اي عملية هكرز او اختراق فالسبب بغباء المستخدم " مع احترآمي " ومو بسبب خلل التلكرآم ! البرنآمج بي خطوات مهمة لتوثيق الحساب وتأمينه من الاختراق وللاسف اغلب النآس عدنآ ميعرفوها ومسآمعين بيها لذلك يوكعون ضحية الاختراق بسهولة ! النصيحة المهمة كلش الي احب اكولها للكل انو اي مسج يجيكم حتى لو من اهلكم او اصدقائكم على التلكرام يطلب منك كود تدزه اله فلا تدز اي كود او رقم ، لانو ممكن يكون هذا قريبك او صديقك تعرض للاختراق والمخترق يحاول يوصل للحسابات البقية عن طريقة ، هاي نقطة الضعف الوحيدة الي يستخدمها المخترق ! ومثل مكتلكم ببداية كلامي اكو طريقة فعالة ومهمة كلش تحفظ التلكرام بخصوصية كلش عالية ميكدر اي هكر يخترقه حتى لو حصل على الكود !
والشغلة يحتاجلها شرح فالي ميعرفها وممسويها رجاءا خل يسويها حتى يحافظ على حسابة بكل سهولة ، والي ميعرف الطريقة او محتاج لاي مساعدة هذا اليوزر مال التلكرام مالتي .. 👇🏻
@albaldawi8
.
.
.
#مصطفى_البلداوي

‎يعني مجموعة بنات طلعوا افتروا ع بايسكل ، گلبتوا الدنيا وكمتوا تسوون ترضاها ع اختك وترضاها ع مرتك ، يا اخي انت شعليك بالعالم ترضاها مترضاها ، انت مترضاها ع اختك كعدها بالبيت محد راح يكلك ليش ولا احد راح يجي يخطفها من بيتكم ويركبها بايسكل ! وخلي العالم المقتنعة انو الفكرة مابيها شي تسويها مثل متحب ، انت رأيك هالشي عيب حقك ، بس بنظر غيرك شي طبيعي مابيها عيب ، ليش هالتسقيط ومحاولة فرض وجهة نظرك بالقوة وحاشر خشمك بكلشي ! كل واحد يتصرف الشي الي يعجبه مادام مابي اذيه عالاخرين ، وماعتقد انه بنية دتسوق بايسكل بيها اذية شخصية ع حضرة جنابك ولا حضرة اي وآحد ، رأيي هذا مو معناها اني مع هالفعآلية او هالمسألة او ضدها ، بس رأيي انو ضروري نترك تدخلاتنا ومحاولة فرض افكارنا وارائنا بالقوة على غيرنا ، مثل ما هو بلدك وعايش بي وتتصرف براحتك اترك الاخرين يتصرفون براحتهم لان هم بلدهم والهم حقوقهم بي ، وبعدين ترى انت مو نبي وبنسبة جبيرة نص تصرفاتك غلط وخطأ والعالم مراضية عليها ! تبقى القضية بنظرك هي تافهة او حرام او عيب او عادات وتقاليد او اي شي ، هاي الامور طبقها عالناس الي تخصك اذا تحب ، لان مو كل العالم تفكيرها مثلك ولا دينها مثلك ولا رؤيتها للامور مثلك ولا عاداتها وتقاليدها مثلك ! فارتقوا شوية واحترموا الاخرين بخصوصياتهم وحقوقهم حتى لو كنتوا معارضين الها وماكو داعي تصير يومية ضجة ع تصرف هنا وتصرف هناك وحايرين بهالشغلات وتصير تسقيطات وتهديدات واتهام بالاعراض وغيرها ! لعبتوا نفسنا والله العظيم !
#رسالة_للبعض
#مصطفى_البلداوي

#بالعرآق

مقدآر الشهرة يتنآسب طردياً مع مقدار التفآهة ،
فكل ما كآنت تفآهتك أكثر تكون شهرتك بالمجتمع أكبر !
#شتكولون ؟
،
#قانون_نيوتن_الرابع✌🏻
#مصطفى_البلداوي

لقطة رآئعة من عآم 1950 ،
توضح حضور النسآء البغداديآت لإحدى مباريات كرة القدم في ملعب الكشآفة ببغداد ! #للاسف قد نكون الشعب الوحيد الذي كان تاريخه افضل الاف المرات من حاضره !
#مصطفى_البلداوي

أعلنوا أن فيلما بمدة 10 دقائق فاز بلقب أحسن فيلم قصير ، فتقرر عرضه في السينما ، واحتشد جمع غفير من الجماهير لمشاهدته ! بدأ الفيلم بتصوير لسقف غرفة ، مضت 6 دقائق بنفس المشهد دون تغيير ! بدأ المشاهدون بالتذمر و منهم من أعترض إنه ضيع وقته والأغلبية هموا بالانصراف !
وفجأة تحركت العدسة للأسفل نحو الأرض وظهر للعيان مشهد طفل معاق كليا بسبب إنقطاع الحبل الشوكي في جسده الصغير !
وهو ممدد على سريره وكتبت هذه الجملة في النهاية :
" لقد عرضنا لكم 8 دقائق فقط من المنظر الذي يشاهده هذا الطفل المعاق في جميع ساعات حياته " وانتم تذمرتم ولم تتحملوا مشاهدته !
لذا اعرفوا قيمة كل ثانية في حياتكم !
.
.
#مصطفى_البلداوي

مادري يجوز غلطآن برأيي ، بس اشوف شغلة المعآيدات ببعض الاعيآد ومنها عيد الام عالفيس بوك ومواقع التوآصل الاجتماعي مالها دآعي وتقلل من قيمة هالمنآسبة ! يعني الي امه يمه يكدر يبوسهآ ويكلها كل عآم وانتي بخير ويجيبلها هدية بهالمنآسبة ، اولاً لان بالحقيقة تأثير هالشي اكبر من تأثيرة ع موقع افتراضي ! وثانياً لمراعاة مشآعر الاخرين وظروفهم سواء الي والدته بعيدة عنه او متوفية او لاي سبب ثاني ، شنو الفكرة والفائدة من انو انزل بوست واسوي تآك لامي حتى اعايدها وهي بصفي وماكلها كل عام وانتي بخير بالحقيقة ! هي وحدة من الـ 2 ، يا اما عايدتها بالحقيقة فشنو فائدة البوست ! ويا اما عايدتها بس بالفيس مثلا فالفيس ميكدر يوصل مشآعرك الحقيقة لامك الي كاعدة بصفك !
فكل عام والامهات العرآقيآت الصآبرات بالف خير ، ربي يحفظهم وربي يرحم المتوفيآت منهم ويسكنهم جناته ❤️
.
.
اسمع رأيكم بالموضوع ؟ @Albaldawidesbot
.
#مصطفى_البلداوي

#تحذير
حبآيب رجعت تتكرر سآلفة " التلكرام " ومشكلة سرقة حسابات التلكرام ، وانتبهوا كلت سرقة مو " تهكير " لانه التلكرآم برنآمج ميتهكر ، بس يجي شخص على اساس انه صديقك يفوتلك ويكلك طكلي صورة لمحادثاتك بالتلكرام " تحت اي عذر او سبب " ، وهو بالحقيقة راسل الكود وراح يبين رقم الكود من ضمن المحادثات ، لذلك شوكت ما نطيته فرصة انه يشوف الكود رآح يكدر يفتح التلكرآم الخآص مآلتك ! لذلك اكو نصيحتين الكم ..
#اولا انتبهوا ع مسألة السكرين للمحادثات وبالذات السكرين الي يبين بي الجآت الخاص " بشركة التلكرام " ! وانتبهوا انو تدزوه لاي احد حتى لو صديق مضمون جداً لانو ممكن يكون حسآبة " مسروق " والسارق الي ديحجي وياك !
#ثانياً من الافضل الكم انه تفعلون خاصية " التحقق بخطوتين " وهاي طريقة ضرورية كلش تحمي الحساب مالتكم ! وماكو داعي للخوف او شي بس تلتزمون بهالشغلتين الي ذكرتها وهاهية ، لان ارجع واكول التلكرآم آمن كلش وميتهكر !
.
وأي استفسار عدكم اني حآضر هناع هاليوزر @Albaldawi8
.
.
#مصطفى_البلداوي

من انت تهنئ العُمال بعيدهم وكل شوية منزل بوست بمكان وطالع تناصرهم ، وانت تمشي وتشمر حب بالشارع وتشمر جگاير وتشمر بقايا علب العصير وعلبة البيبسي انت وماشي بسيارتك ! انت دتعذب العامل الي يكنس وينظف ! والي انت نفسك طالع وكاتب وتريد واحد ينصفه ! ابدي بنفسك وانصفه انت ، وبعدين طالب الاخرين بالانصآف ! فبدل عقلك حبيبي ، العامل محتاجة مساعدة حقيقية ، هي مو بالبوستات !
#عيد_العمال
#مصطفى_البلداوي

انت رجل شلون متكون حلو فاتقبل نفسك ،
اترك مسابقات ومعايير الجمال بعيد عنك !
وماكو داعي متطلع بدون كاسكيته لان شعرك خفيف ،
او تصبغ لحيتك علمود تضيع فراغاتهة ،
او تضيع كل وقتك بالجيم وتأذي نفسك بأبر
وادوية مُضرة حتى تتباهى بعضلاتك !
او يكون لبسك حصر وجينز مشكك وحذاء بدون جواريب ! ولا شرط تلبس زنجيل فضة وتفتح دكمة القميص ،
ولا تكشخ بلزمة باكيت الجكاير ٢٤ ساعة بإيدك !
ومو شرط تكبل بالجامعة علمود يكولون عليك نجر !!
يجوز ما لكيت اللي تستاهلك او الي تتفاهم وياها ،
اطلع وانت ماعندك شي تخسره !
كل هالامور لا تخليها جوهر اهتمامك ،
اكشخ والبس حلو وتونس ، بس لا تروح زايد بهالامور !
اهتم بمستقبلك ورجولتك انطيها حقها !
لا تحمل الامور فوك طاقتهة ، واخذ الامور ببسآطة !
كلشي يجي ببساطة بدون تصنع ومبالغة حلو !
#انت_رجال
.
#مصطفى_البلداوي

- جسمك معاجبك ؟
اكو ناس يتمنون حتى بس يمشون !
- شعرك خشن لو ناعم زيادة ومضوجك ؟
اكو ناس يتمنون شوية شعر !
- أمك تصرخ عليك ومليت ؟
اكو ناس يتمنون حضنها بسس !
لحظة .. "
- بيتك تحسه قديم ومعاجبك !
اكو ناس تتمنى بس غرفة تسترها وتستر العائلة !
- ملابسك تكول قليلة ومالبس اذا مو ماركه !
اكو ناس بحسرة القميص !
- الاكل الي بالبيت متحبه ويوميه معترض !
اكو ناس تنام بدون عشه لو متاكل غير وجبة وحدة وحسرة عليها كرصة الخبز !
دائما أحمدوا الله على اللي موجود قبل ما تفقدوه ..
هواي ناس يحلمون يكونون بمكانك ويحسوك على عيشتك !
فـ الححمد لله دائما وابدا ❤
-
#مصطفى_البلداوي

#تحذير
حبآيب رجعت تتكرر سآلفة " التلكرام " ومشكلة سرقة حسابات التلكرام ، وانتبهوا كلت سرقة مو " تهكير " لانه التلكرآم برنآمج ميتهكر ، بس يجي شخص على اساس انه صديقك يفوتلك ويكلك طكلي صورة لمحادثاتك بالتلكرام " تحت اي عذر او سبب " ، وهو بالحقيقة راسل الكود وراح يبين رقم الكود من ضمن المحادثات ، لذلك شوكت ما نطيته فرصة انه يشوف الكود رآح يكدر يفتح التلكرآم الخآص مآلتك ! لذلك اكو نصيحتين الكم ..
#اولا انتبهوا ع مسألة السكرين للمحادثات وبالذات السكرين الي يبين بي الجآت الخاص " بشركة التلكرام " ! وانتبهوا انو تدزوه لاي احد حتى لو صديق مضمون جداً لانو ممكن يكون حسآبة " مسروق " والسارق الي ديحجي وياك !
#ثانياً من الافضل الكم انه تفعلون خاصية " التحقق بخطوتين " وهاي طريقة ضرورية كلش تحمي الحساب مالتكم ! وماكو داعي للخوف او شي بس تلتزمون بهالشغلتين الي ذكرتها وهاهية ، لان ارجع واكول التلكرآم آمن كلش وميتهكر !
.
وأي استفسار عدكم اني حآضر هناع هاليوزر @Albaldawi8
.
.
#مصطفى_البلداوي

يا اخي انت شعليك ؟ هلال جبير هلال صغير ! ناس صآمت الجمعة نآس السبت ناس الاحد ناس الاثنين ، نآس تصوم اعتماداً على مرجع ! ناس تصوم اعتمادا على نفسها ، نآس تصوم اعتمادا عالفيس بوك ، انت شدخلك ؟ هو رمضآنك ؟ لا ، رمضان الخلفك ؟ لا ، الله خلاك وكيل اله بالارض حتى تراقب العالم ؟ هم لا ، انت بشر حالك حال البقية ، الي يصوم بأي يوم وبأي طريقه وبأي توقيت لنفسه ، وبينه وبين ربه ! ونيته بدآخلها محد يعرفها غير الله الي خآلقه ، لا انت مسؤول عنه ولا هو مسؤول عنك ؟ الكل دتصوم لرب العآلمين ، ورب العآلمين ممحتاج منك تحكم على غيرك بأي شي ، يحتاج منك تأدي اعمالك مثل ميريد وتقوم بالاعمال المطلوبة منك وتلتزم بيها ورحمة الله والديك اجرك يم رب العالمين وحده هو راح يكافئك او يحآسبك ، فدوة لعيونكم بطلوا انه من اي شغلة تختلقون خلآفآت ومشآكل ونقاشآت عقيمة مو نآقصين ابد ، هو اسمه شهر الرحمة والمغفرة وشهر المحبة والتسآمح ! الشغلة الي تفيدك وبيها مصلحة الك تدخل بيهآ ، شغلة متخصك وتخص غيرة فقط وبالذآت شغلة دين ومعتقد ومذهب لا تدخل بيها لان هالشي بس رب العالمين يحكم عليها ويعرفها صح لو خطأ ! مثل بنية تنشر صورتها بفد برنآمج تفوت تسب بيها وتغلط عليها ، والله شنو رمضآن ! رمضآن اوك بس اكو طريقة اسهل امسح هاي البنية حتى لا تضطر تشوفها اذا رأيك شوفتها أثم وحرام ، لانك راح تاخذ اثم ثاني من سبيتها ! خل نبطل شغلة نشوف نفسنا انبياء منغلط والمقآبل هو الغلطآن حتى شوية نعيش حيآة مرتبة مثل العالم العايشين بالكوكب ، مو كآفي عاد ! فدوة لعينكم كلمن يحير بنفسه !
#مصطفى_البلداوي

انقهرنا شوية ع الصار بالكرادة !
غيرنا صورنا الشخصية بالفيس للاسود وكتبنا حداد !
سوينا مشاركات لقصص تقهر لاهل الضحايا !
تأثرنا ببنية فقدت خطيبها ! واب راح هو وولده !
وام فقدت كل عائلتها وراحت تلطم يم مكان الانفجار !
راح نعلك شموع للشهداء بمكان التفجيير !
نزلنا اشعار ع بغداد الي حيصيرلها ١٤ سنة نفس الوضع !
سبينا الحكومة والبرلمان والمسؤولين الي احنا جبناهم باصواتنا وصار ١٤ سنة نرجعهم !
يلا هاهيه نسينا السالفة ورجعت حياتنا طبيعية !
يلاا هاهية كل واحد يرجع يدافع عن الصنم الي يعبده !
كل واحد يرجع يصيح فلان تاج راسك وفلان نبي الله المختار وبس هو الشريف !
صار ١٤ سنة ماكوو اي جديد او اختلاف نفس التصرفات ونفس رد الفعل !
الاختلاف الوحيد هو انو راحوا شهداء جدد ،
وانثكلوا امهات جدد ، وصاروا ايتام وارامل جدد !
ونهدمت حياة ناس جدد ، وتحطمت احلام وطموحات ناس جدد !
كلها يومين وننسى الصار ونطلع مظاهرات بذكرى حرب ٦ اكتوبر ونطلع احتفالات بذكرى سقوط حسني مبارك !
بالفعل رب العالمين اله حكمة بكل كلمة كالها بالقران ، لذلك كال هاي الاية الي تنطبق علينا !
'' وماظلمناهم ولكن كانوا انفسهم يظلمون ''
#مصطفى_البلداوي

طُلآب السآدس ان شآء الله بآجر بدآية امتحآنآتكم ، وبدآية رسم طريق مستقبلكم وحيآتكم ، نهآية الحيآة بحآلة اذا اكو شخص محقق الي بباله ، لتخآفون ، صآرلكم ١٦ سنة تمتحنون وهالامتحآنآت حآلها حال اي امتحآنآت عآدية ، هي حتكون نهآية حقبة المدرسة وبدآية حقبة الجآمعة والحيآة الجآمعية ، الله يوفقكم وكل وآحد تعب يآخذ حق تعبه وسهره وقرآيته ، وتحققون الكليات والاقسآم الي ترغبون بيهآ وتحبوهآ وتحلمون بيهآ بغض النظر عن اسمهآ ومكآنها ، ربي يفرحكم ويفرح اهلكم والي يحبوكم وينتظرون تفرحوهم ! شغلة اسبوعين اتركوا كلشي وركزوا عالدرآسة وراها راح ترتآحون العُمر كُله ان شاء الله ، بالتوفيق الكم كلكم وتكونون كد المسؤولية وتفرحون اكبر فرحة❤️
.
.
#مصطفى_البلداوي

#كرار_نوشي والقاتل الحقيقي !
منو قتله ؟ وتسبب بقتله ؟ تعرفون منو القاتل الحقيقي لكرار ؟ الي قتل كرار همه بيجات الفيس والانستا وقنوات التلي ، الي نشرته ونشرت صوره وصآرت ترآقب اقل تفاصيل حيآته ويوميآته ، بقت تقلد عليه وتقلل من قيمته وتوصفه بانواع الاوصاف التافهة وتدعوا النآس لاحتقآره وتدعي رب العالمين يخلصهم من هيج نماذج ! بس حتى يحصلون تفاعل وبيجآتهم تحصل كم لايك وشير ! براس منو ؟ برآس هيج نآس مثل كرار نوشي ، او حجي دارسين ، او نبأ آل جبور ! وغيرهم من الشخصيآت الي تسبب بعض الاطفال عديمي الاخلآق والضمير بالتشهير بيهم وتوسيع ايطار القضية وتكبير حجمها الى ان اخذت ابعاد ثانية ادت الى القتل ببعض الحالات ، وهسة بعد ما وجد كرار نوشي مقتول ومرمي في احدى شوارع بغداد حسب ما انتشر ، نفس البيجات ونفس الاشخاص كتبوا وشنو ذنبه حتى ينقتل ! وليش هالتعامل اللا انساني وياه ؟ هو مجرد شعره طويل ، زين ياغبي ماكلت لنفسك هذا الكلآم قبل مانشرته وشهرت بي ؟ شنو ذنب كرار او غيره تخليه سبب حتى تستجدي عن طريقه كم لايك لبيجك ؟ شنو ذنبه وشعليك انت بطريقة لبسه ؟ بشعره ؟ بشخصيته ؟ بتصرفاته ؟ طول ماهو ممأذيك ولا مأذي غيرك ! تعرف انت الي نشرت صور كرار واستهزأت بي وتكلمت عنه تتحمل جزء من المسؤولية بقتله ؟ يعني جزء من الذنب بركبتك انت ! لانك تسببت بطريقة وباخرى ان يوصل لكرار لهاي المرحلة ! تعرف انه لو ما تفاهتك مجان احد عرف كرار ولا راح يأذيه احد ؟ وتعرف بكرار ممكن ان يكون انتحر بسبب كمية الاستهزاء والتشهير الي تلقاها منك ومن امثالك ! واذا ما انتحر فبتصرفاتك هاي راح تتسبب بانتحار غيره وهلآكه واذيته ! لان الاذية النفسية وجرح المقابل والاستهزاء بي تأثيره اكبر من الاذية الجسدية ! شوكت تفتهمون هالشي وتحترمون نفسكم قبل ما تحترمون خصوصيات الاخرين وحياتهم وحرياتهم وتبطلون تتسببون بمشاكل اكبر منكم ؟ شوكت ؟ شوكت ؟
.
#مصطفى_البلداوي

اعادة نشر #للاهمية ،
حبآيب بالنسبة لسآلفة " التلكرام " ياريت تنتبهون وتكونون حذرين شويه ، بخصوص مشكلة سرقة حسابات التلكرام ، وانتبهوا كلت سرقة مو " تهكير " لانه التلكرآم برنآمج ميتهكر ، بس يجي شخص على اساس انه صديقك يفوتلك ويكلك طكلي صورة لمحادثاتك بالتلكرام " تحت اي عذر او سبب " ، وهو بالحقيقة يريد يشوف الكود الي تدزه الك الشركة والي راح يبين ضمن المحادثات اذا دزيت السكرين ، فشوكت ما نطيته فرصة انه يشوف الكود رآح يكدر يفتح التلكرآم الخآص مآلتك ! لذلك اكو نصيحتين الكم ..
#اولا انتبهوا ع مسألة السكرين للمحادثات وبالذات السكرين الي يبين بي الجآت الخاص " بشركة التلكرام " ! وانتبهوا انو تدزوه لاي احد حتى لو صديق مضمون جداً لانو ممكن يكون حسآبة " مسروق " والسارق الي ديحجي وياك !
#ثانياً من الافضل الكم انه تفعلون خاصية " التحقق بخطوتين " وهاي طريقة ضرورية كلش تحمي الحساب مالتكم ! وميكدر اي شخص يفتحه حتى اذا حصل عل الكود لان بوقتها راح يطلب منه انو يدخل باسوورد ثاني وماكو داعي للخوف او شي بس تلتزمون بهالشغلتين الي ذكرتها وهاهية ، لان ارجع واكول التلكرآم آمن كلش وميتهكر !
وأي استفسار عدكم اني حآضر ❤️
.
#مصطفى_البلداوي