ياهو طك بيك الخريف ؟
او فرهد وريدات روحك ؟
عافك بنص چولة غبره
بلاية گمرة بلا دليل
حتى نجماتك ميضـّون
صُبحك الاشگر جحيل !
ناسي مفتاح الحلم برفوف اهلك
ارجع أو دور عليك
أو نام يمك !
وافرش دواشگ غربتك !
دوشكگ يعرفها جثتك !!
لملم أرويحاتك أو أتغطى بيك

#اوس_النواب
-

مرني چذبة
مرني عيد بلاظفيرة !
لوحلم مغشوش مرني
وانتَ تدري بكلشي ارضى الكلشي
اخلي لك عذر
استفحل الشيب اعلى زلفي
وركضة المحروك المحروك ركضتها السنين
كل بسامير التوابيت اشتهتني
وهلمتت موتت غريب
بلاية بجية
بلاية امي
بلاية انت
بلا ونين
وهلبعدها عيوني مفتوحة اعلى طولك
ردلي بس سرگيلي عيني !
يالحنين الموحنين !

#اوس_النواب