من زمان كلتها وارجع اكولها ، ترى الخلل لا بحكومة ولا بمسؤول من الي جابته انتخابات الشعب ، الخلل بالمجتمع الي تعلم عالحرام والبوگ والغش والرشوة ، الخلل بالمجتمع الي ميمشي الا بواسطة ورشوة من عامل البلدية لاكبر موظف بالدولة ، الخلل بالمجتمع الي صار عنده الـ ١٠٠ دولار احسن من ١٠٠روح بريئة واحسن من الله حتى ، الخلل بالمجتمع الي يجيب الظلم بنفسه ، ويشوفه بنفسه ، ويسكت ولا كانو اكو حاجة ، الخلل بالمجتمع الي صارت الانانية بي اكبر من كلشي وكلمن يصيح ياروحي ، الخلل بالشعب الي من تطك بي طلقة يكول انعل ابو العراق الماشفنا منه شي ونسى انو هو اول واحد مسؤول عن الديصير والعراق الي تعب من شعبه مو احنا التعبنا منه ! الخلل بالشعب الي كل واحد بداخله ميرتاح اذا ميصير عبد ويخليله صنم يعبده ويدافع عنه ، الخلل جبيير حييل وبس الله وحده عنده العلم شلون يتغير !
انقهرنا شوية ع الصار بالكرادة !
غيرنا صورنا الشخصية بالفيس للاسود وكتبنا حداد !
سوينا مشاركات لقصص تقهر لاهل الضحايا !
تأثرنا ببنية فقدت خطيبها ! واب راح هو وولده !
وام فقدت كل عائلتها وراحت تلطم يم مكان الانفجار !
راح نعلك شموع للشهداء بمكان التفجيير !
نزلنا اشعار ع بغداد الي حيصيرلها ١٤ سنة نفس الوضع !
سبينا الحكومة والبرلمان والمسؤولين الي احنا جبناهم باصواتنا وصار ١٤ سنة نرجعهم !
يلا هاهيه نسينا السالفة ورجعت حياتنا طبيعية !
يلاا هاهية كل واحد يرجع يدافع عن الصنم الي يعبده !
كل واحد يرجع يصيح فلان تاج راسك وفلان نبي الله المختار وبس هو الشريف !
صار ١٤ سنة ماكوو اي جديد او اختلاف نفس التصرفات ونفس رد الفعل !
الاختلاف الوحيد هو انو راحوا شهداء جدد ،
وانثكلوا امهات جدد ، وصاروا ايتام وارامل جدد !
ونهدمت حياة ناس جدد ، وتحطمت احلام وطموحات ناس جدد !
كلها يومين وننسى الصار ونطلع مظاهرات بذكرى حرب ٦ اكتوبر ونطلع احتفالات بذكرى سقوط حسني مبارك !
بالفعل رب العالمين اله حكمة بكل كلمة كالها بالقران ، لذلك كال هاي الاية الي تنطبق علينا !
'' وماظلمناهم ولكن كانوا انفسهم يظلمون ''
#وبعدين
.
.
#مصطفى_البلداوي
غيرنا صورنا الشخصية بالفيس للاسود وكتبنا حداد !
سوينا مشاركات لقصص تقهر لاهل الضحايا !
تأثرنا ببنية فقدت خطيبها ! واب راح هو وولده !
وام فقدت كل عائلتها وراحت تلطم يم مكان الانفجار !
راح نعلك شموع للشهداء بمكان التفجيير !
نزلنا اشعار ع بغداد الي حيصيرلها ١٤ سنة نفس الوضع !
سبينا الحكومة والبرلمان والمسؤولين الي احنا جبناهم باصواتنا وصار ١٤ سنة نرجعهم !
يلا هاهيه نسينا السالفة ورجعت حياتنا طبيعية !
يلاا هاهية كل واحد يرجع يدافع عن الصنم الي يعبده !
كل واحد يرجع يصيح فلان تاج راسك وفلان نبي الله المختار وبس هو الشريف !
صار ١٤ سنة ماكوو اي جديد او اختلاف نفس التصرفات ونفس رد الفعل !
الاختلاف الوحيد هو انو راحوا شهداء جدد ،
وانثكلوا امهات جدد ، وصاروا ايتام وارامل جدد !
ونهدمت حياة ناس جدد ، وتحطمت احلام وطموحات ناس جدد !
كلها يومين وننسى الصار ونطلع مظاهرات بذكرى حرب ٦ اكتوبر ونطلع احتفالات بذكرى سقوط حسني مبارك !
بالفعل رب العالمين اله حكمة بكل كلمة كالها بالقران ، لذلك كال هاي الاية الي تنطبق علينا !
'' وماظلمناهم ولكن كانوا انفسهم يظلمون ''
#وبعدين
.
.
#مصطفى_البلداوي
من سنوات عديدة لم نتوحد في عيدنا ، هذه السنة سيكون العيد موحد ، بعد ان توحد شهدائنا بشهادتهم ، فعلي رافق عمر الى الجنة سويةً ! وروح المسلم احتضنت روح المسيحي وارتفعت الى خالقها تشكي ظُلم الظالمين !
فـ لنتوحد نحن قولاً وفعلاً ، حُبا واكراما لدماء شهدائنا ودموع محبيهم ! وحرصاً على ارواح الابرياء وعلى من نُحبهم ، ربي يحفظكم وميشوفكم مكروه باحد تحبوه وغالي عدكم ، الرحمة والخلود لشهدائنا الابرار وحشرهم الله في عالي جنانه ،
والقى في قلوب محبيهم صبراً يكفي لتحمل المصيبة !
.
.
#مصطفى_البلداوي
فـ لنتوحد نحن قولاً وفعلاً ، حُبا واكراما لدماء شهدائنا ودموع محبيهم ! وحرصاً على ارواح الابرياء وعلى من نُحبهم ، ربي يحفظكم وميشوفكم مكروه باحد تحبوه وغالي عدكم ، الرحمة والخلود لشهدائنا الابرار وحشرهم الله في عالي جنانه ،
والقى في قلوب محبيهم صبراً يكفي لتحمل المصيبة !
.
.
#مصطفى_البلداوي
اقروها كلها حتى لو طويلة ، مهمة جدا !
.
كل القصة حول حادثة الكرادة باختصار
.
كثرت القصص حول الحادثة وتنوعت، والناس بدت تشكك بصحة هاي القصص، الكل يعرف هالمرة صار شي غريب مو مثل كل مرة، مديعرفون يفسروه، و انتهى الحال انه كل واحد يحط تفسير جديد والثاني يطرحه ارضاً ويحط تفسير من عنده ..
و يمكن ينتهي الموضوع بالشك في الحادثة نفسها، نتجاهل القضية الاساسية دائماً ونشوفلنا درب نهرب من خلاله الى الجدل والنزاع والتفرق ..
الطائفية اصبحت مو هي المشكلة الاساسية الآن، لانها تركتلنا بداخل انفسنا شق عظيم يدفعنا الى النزاع والتفرق والاختلاف حتى في غياب الحس الطائفي، وهالشي هو المشكلة الحقيقية حالياً ..
لكن خلينا نرجع للأساس، اذا تريد تدور على الحقيقة، دور على شي واحد مشترك بين جميع هاي القصص ..
وهذا الشي الواحد هو كل القصة باختصار !
اذا جان اكو شي واحد مشترك بين جميع هاي القصص هو انه الموت هالمرة، عكس المرات الماضية، كان بطيء جداً !
اللي ماتو ما انتزعت ارواحهم بظرف ثانية او عدة ثوان .. رغم انه الثواني الاخيرة قبل الموت تشبه الساعات، لكن اللي ماتو طولو دقائق طويلة، ماتو بشكل بطيء جداً، معذب، ما جان انفجار عادي، موت سريع، جانو احياء بعد الانفجار، احياء يركضون بهلع .. و الموت يركض وراهم بخطوات ثابتة ومستفزة !
جان الموت يلحكهم بداخل المباني، بدون ما يميز بين طفل، رجل عجوز، امرأة حامل، او شاب ..
النار الكبرى ودخان الموت الاسود جان يلحكهم من غرفة لغرفة، يمشون شبر يمشي شبرين .. يصعدون يصعد وراهم، لحكهم للغرف الصغيرة، والغرف الجبيرة، وللسطح، جان الموت محاصرهم، ويريد ياخذهم كلهم ..
جان الموت وراهم .. و همة يصرخون و يدورون عالبيبان .. يريدون باب او شباك يطلعهم من هالجحيم، لحظة توحدو بيها الكل بدون اي اختلاف، كلهم صارت قضيتهم وحدة، كلهم فريسة وحدة لهذا الموت اللي يلحكهم .. و كلهم يريدون يساعدون بعض ..
بدا الموت يقطفهم واحد واحد، ينتزع منهم روح روح، واللي بعده عايش جان ما خايف من النار، ما خايف من الدخان، ما خايف من الموت اللي ينتظره !
جان خايف من الاصوات المرعبة للارواح و هي تنتزع، اصوات مرعبة لصراخ اطفال يحتركون بمحل ملابس، صراخ وبكاء رجال تزهق ارواحهم وارواح اطفالهم امامهم، شواء حي .. بشكل بطيء جداً لدرجة انك لو تخيلت نفسك بذاك الوضع لاصبت بالرعب ..
جانت الفاجعة باللحظات الاخيرة مرة، الشباب ما ماتو بشكل مفاجئ، ماتو بشكل بطيء لدرجة انهم شافو وجوه بعض وهمة رح يموتون، ماتو بعد ما عرفو انهم رح يموتون بهالمكان، و بهالطريقة، بهالنقطة تحديداً، هسة هسة حيموتون، جتي النار، جتي بعد ! .. وداعاً يا اصدقائي .. تذكروني !
مجانو متفاجئين من هالموت، ماتو و همة الوحيدين اللي شافو جسد الموت بكامل تفاصيله، ظهرلهم الموت بشكل بطيء، مرعب، خطواته ثابتة ومستقرة، يشوفهم كدامه يركضون مثل المجانين، يحصرهم بين تلك الجدران بلا رحمة، يقحم نفسه في وجوههم وصدورهم، يحرقهم من الداخل، وياخذهم الواحد بعد الاخر، امام انظارهم .. يقطفهم ولا يبالي لصراخهم، لطائفتهم، لمقدساتهم، كأن الموت ينتقم منهم، كأن هنالك من نادى الموت و استحضره لهذا المكان ..
ولو تتامل هذا الواقع، ستجد انه من السخرية في هذا الظرف، وفي حضرة الموت، بهاي اللحظات الاخيرة اللي كل واحد يشهد موته وموت اللي حواليه، من السخرية المرة انك تلكة اثنين مو مهتمين بالوضعية، وكاعدين يتجادلون على اصول المذهب، والفقه، والاولياء والشيوخ، والساسة .. والموت يرمقهم بنظرات مستقرة، ويتقدم نحوهم بثبات !
من السخرية جداً ان يقع احدهم بهذا الغباء، يترك الموت يقترب منه، ويوكف حتى يثبت للاخر انه طائفته هي الصح، مذهبه هو الصح، او اللي يمثله سياسياً هو الصح !
لانه اي ثانية تتاخر وانت تجادل، يقترب منك الموت شبر لاخ، متر لاخ، مترين .. و انت بعدك تجادل .. فجأة تحترق !
.
كل القصة حول حادثة الكرادة باختصار
.
كثرت القصص حول الحادثة وتنوعت، والناس بدت تشكك بصحة هاي القصص، الكل يعرف هالمرة صار شي غريب مو مثل كل مرة، مديعرفون يفسروه، و انتهى الحال انه كل واحد يحط تفسير جديد والثاني يطرحه ارضاً ويحط تفسير من عنده ..
و يمكن ينتهي الموضوع بالشك في الحادثة نفسها، نتجاهل القضية الاساسية دائماً ونشوفلنا درب نهرب من خلاله الى الجدل والنزاع والتفرق ..
الطائفية اصبحت مو هي المشكلة الاساسية الآن، لانها تركتلنا بداخل انفسنا شق عظيم يدفعنا الى النزاع والتفرق والاختلاف حتى في غياب الحس الطائفي، وهالشي هو المشكلة الحقيقية حالياً ..
لكن خلينا نرجع للأساس، اذا تريد تدور على الحقيقة، دور على شي واحد مشترك بين جميع هاي القصص ..
وهذا الشي الواحد هو كل القصة باختصار !
اذا جان اكو شي واحد مشترك بين جميع هاي القصص هو انه الموت هالمرة، عكس المرات الماضية، كان بطيء جداً !
اللي ماتو ما انتزعت ارواحهم بظرف ثانية او عدة ثوان .. رغم انه الثواني الاخيرة قبل الموت تشبه الساعات، لكن اللي ماتو طولو دقائق طويلة، ماتو بشكل بطيء جداً، معذب، ما جان انفجار عادي، موت سريع، جانو احياء بعد الانفجار، احياء يركضون بهلع .. و الموت يركض وراهم بخطوات ثابتة ومستفزة !
جان الموت يلحكهم بداخل المباني، بدون ما يميز بين طفل، رجل عجوز، امرأة حامل، او شاب ..
النار الكبرى ودخان الموت الاسود جان يلحكهم من غرفة لغرفة، يمشون شبر يمشي شبرين .. يصعدون يصعد وراهم، لحكهم للغرف الصغيرة، والغرف الجبيرة، وللسطح، جان الموت محاصرهم، ويريد ياخذهم كلهم ..
جان الموت وراهم .. و همة يصرخون و يدورون عالبيبان .. يريدون باب او شباك يطلعهم من هالجحيم، لحظة توحدو بيها الكل بدون اي اختلاف، كلهم صارت قضيتهم وحدة، كلهم فريسة وحدة لهذا الموت اللي يلحكهم .. و كلهم يريدون يساعدون بعض ..
بدا الموت يقطفهم واحد واحد، ينتزع منهم روح روح، واللي بعده عايش جان ما خايف من النار، ما خايف من الدخان، ما خايف من الموت اللي ينتظره !
جان خايف من الاصوات المرعبة للارواح و هي تنتزع، اصوات مرعبة لصراخ اطفال يحتركون بمحل ملابس، صراخ وبكاء رجال تزهق ارواحهم وارواح اطفالهم امامهم، شواء حي .. بشكل بطيء جداً لدرجة انك لو تخيلت نفسك بذاك الوضع لاصبت بالرعب ..
جانت الفاجعة باللحظات الاخيرة مرة، الشباب ما ماتو بشكل مفاجئ، ماتو بشكل بطيء لدرجة انهم شافو وجوه بعض وهمة رح يموتون، ماتو بعد ما عرفو انهم رح يموتون بهالمكان، و بهالطريقة، بهالنقطة تحديداً، هسة هسة حيموتون، جتي النار، جتي بعد ! .. وداعاً يا اصدقائي .. تذكروني !
مجانو متفاجئين من هالموت، ماتو و همة الوحيدين اللي شافو جسد الموت بكامل تفاصيله، ظهرلهم الموت بشكل بطيء، مرعب، خطواته ثابتة ومستقرة، يشوفهم كدامه يركضون مثل المجانين، يحصرهم بين تلك الجدران بلا رحمة، يقحم نفسه في وجوههم وصدورهم، يحرقهم من الداخل، وياخذهم الواحد بعد الاخر، امام انظارهم .. يقطفهم ولا يبالي لصراخهم، لطائفتهم، لمقدساتهم، كأن الموت ينتقم منهم، كأن هنالك من نادى الموت و استحضره لهذا المكان ..
ولو تتامل هذا الواقع، ستجد انه من السخرية في هذا الظرف، وفي حضرة الموت، بهاي اللحظات الاخيرة اللي كل واحد يشهد موته وموت اللي حواليه، من السخرية المرة انك تلكة اثنين مو مهتمين بالوضعية، وكاعدين يتجادلون على اصول المذهب، والفقه، والاولياء والشيوخ، والساسة .. والموت يرمقهم بنظرات مستقرة، ويتقدم نحوهم بثبات !
من السخرية جداً ان يقع احدهم بهذا الغباء، يترك الموت يقترب منه، ويوكف حتى يثبت للاخر انه طائفته هي الصح، مذهبه هو الصح، او اللي يمثله سياسياً هو الصح !
لانه اي ثانية تتاخر وانت تجادل، يقترب منك الموت شبر لاخ، متر لاخ، مترين .. و انت بعدك تجادل .. فجأة تحترق !
هذي صورة مصغرة عن العراق، انتبهلي، لتتوقع انه هذا كلام مثالي، هذا كلام واقعي، حقيقي، انتبه و حس !
هذي صورة مصغرة عن العراق ! احنا عايشين بمحرقة، مرحقة كبيرة شاملة ذات مقياس زمني واحد، النار اللي ما وصلتلك اليوم رح توصلك باجر، اي لحظة تضيعها بالجدل حول الطائفة هي لحظة تخسرها من حياتك جنت تكدر تستثمرها بالنجاة !
لذلك لتكول فلان احترك طز بي، شيعي نكس، او سني يستاهل، لتدافع عن احد ولتوكف بجانب احد ضد احد، بهاي المحرقة كلنا واحد، كلنا حطب !!!
افهم !
حس !
فتح عينك !
بهاي المحرقة عندك مهمة وحدة وبس !
حاول بكل جهودك ان تنجو، وتساعد غيرك على النجاة ..
غير هذا كله عبث !
كلشي غير النجاة عبث !
لتسمح لنفسك تظلم نفسك، تقتل نفسك، تحرق نفسك من اجل اي شيء ..
من اليوم اخذ وعد على روحك، انك ما رح تسمح لاحد يحترق من اجل اي شيء !
اترك الجدل ! هذا لعنة اصبنا بها في الصميم !
صدكني اللي راحو بالكرادة، اللي احترقو بشكل بطيء بمجمع الليث، كلهم افتهمو هالشي المهم باخر لحظات حياتهم !
و يمكن كبلها بلحظات جانو يتجادلون عن الدين والطائفة ويتنازعون حول السياسيين و اصحاب العمائم ..
لكن بلحظة الموت كلهم افتهمو الحقيقة، كلهم صارو واحد، محد وكفلهم من المعممين بالعكس همة الحركوهم، محد وكفلهم من السياسيين بالعكس همة الحركوهم ..
وباخر لحظاتهم تكدر تتخيل وجوههم ونظراتهم لبعض، واحد يباوع للثاني و عينه تكول بصمت رهيب :
اسف يا صديقي، كنا نتجادل طيلة حياتنا حول شؤون الموت، وها هو ذا امامنا، واحد، بشع، قبيح، جاهل، لا يميز بيننا، لا يميز بين كبير و صغير، محق و مخطئ، امرأة او رجل !
اسف يا صديقي، كنا نتجادل حول شؤون الموت، و لم ننتبه للحياة التي تمر من جانبنا مسرعة ..
اسف يا صديقي، لم اسمح لك بان تعيش هذه الحياة ! ولم اسمح لنفسي ايضاً !
ها قد فهمنا كل شيء، سنموت هنا معاً، سنموت متوحدين، بعد ان فهمنا متأخرين أن لا فرق بيننا ..
ولكن ..
ولكن اولئك الذين في الخارج
من سيخبرهم بهذه الحقيقة !
هذي صورة مصغرة عن العراق ! احنا عايشين بمحرقة، مرحقة كبيرة شاملة ذات مقياس زمني واحد، النار اللي ما وصلتلك اليوم رح توصلك باجر، اي لحظة تضيعها بالجدل حول الطائفة هي لحظة تخسرها من حياتك جنت تكدر تستثمرها بالنجاة !
لذلك لتكول فلان احترك طز بي، شيعي نكس، او سني يستاهل، لتدافع عن احد ولتوكف بجانب احد ضد احد، بهاي المحرقة كلنا واحد، كلنا حطب !!!
افهم !
حس !
فتح عينك !
بهاي المحرقة عندك مهمة وحدة وبس !
حاول بكل جهودك ان تنجو، وتساعد غيرك على النجاة ..
غير هذا كله عبث !
كلشي غير النجاة عبث !
لتسمح لنفسك تظلم نفسك، تقتل نفسك، تحرق نفسك من اجل اي شيء ..
من اليوم اخذ وعد على روحك، انك ما رح تسمح لاحد يحترق من اجل اي شيء !
اترك الجدل ! هذا لعنة اصبنا بها في الصميم !
صدكني اللي راحو بالكرادة، اللي احترقو بشكل بطيء بمجمع الليث، كلهم افتهمو هالشي المهم باخر لحظات حياتهم !
و يمكن كبلها بلحظات جانو يتجادلون عن الدين والطائفة ويتنازعون حول السياسيين و اصحاب العمائم ..
لكن بلحظة الموت كلهم افتهمو الحقيقة، كلهم صارو واحد، محد وكفلهم من المعممين بالعكس همة الحركوهم، محد وكفلهم من السياسيين بالعكس همة الحركوهم ..
وباخر لحظاتهم تكدر تتخيل وجوههم ونظراتهم لبعض، واحد يباوع للثاني و عينه تكول بصمت رهيب :
اسف يا صديقي، كنا نتجادل طيلة حياتنا حول شؤون الموت، وها هو ذا امامنا، واحد، بشع، قبيح، جاهل، لا يميز بيننا، لا يميز بين كبير و صغير، محق و مخطئ، امرأة او رجل !
اسف يا صديقي، كنا نتجادل حول شؤون الموت، و لم ننتبه للحياة التي تمر من جانبنا مسرعة ..
اسف يا صديقي، لم اسمح لك بان تعيش هذه الحياة ! ولم اسمح لنفسي ايضاً !
ها قد فهمنا كل شيء، سنموت هنا معاً، سنموت متوحدين، بعد ان فهمنا متأخرين أن لا فرق بيننا ..
ولكن ..
ولكن اولئك الذين في الخارج
من سيخبرهم بهذه الحقيقة !
دماء الشهداء بالكرادة أصبحت مادة دسمة لكل سخيف حتى يصعد لايكات صفحتة بالفيس بوك وغيرها .. ومئات الآلاف الاغبياء يتفاعلون
وكل واحد كتب بلوك حجّي لو سوة هاشت تاك
مليون غبي وراه يسوي بدون ميفكر الفايدة شنو من هذا الخريط الي سويتلة كوبي
على الاقل احترموا مشاعر ذوي الضحايا رح يتخبلون !
تريد تسوي حملة هي غبي مو الف كلية قانون بالعراق روح لنقابة المحامين وسوي شغلة بيها خير بحياتك
تريد تساعد الجرحى المستشفيات كلها متروسة روح تبرع بفلوس بدم اي شي
المحلات مهجومة والجنابر وكلها باب رزق روح تبرع
الحرامية مو عاجبيك حرر عقلك وبطل تمشي وراهم وتقدسهم ..
وصلت مرحلة ناس تسوي فوتوشوب وتخترع قصص
وصلت مرحلة ناس تروح لمكان التفجير حتى تطگ صورة ..
لو وين ماكو مراهق صار جيمس بوند وگعد يحلل ..
مع احترامي لكل طيب وزين طبعاً !
وكل واحد كتب بلوك حجّي لو سوة هاشت تاك
مليون غبي وراه يسوي بدون ميفكر الفايدة شنو من هذا الخريط الي سويتلة كوبي
على الاقل احترموا مشاعر ذوي الضحايا رح يتخبلون !
تريد تسوي حملة هي غبي مو الف كلية قانون بالعراق روح لنقابة المحامين وسوي شغلة بيها خير بحياتك
تريد تساعد الجرحى المستشفيات كلها متروسة روح تبرع بفلوس بدم اي شي
المحلات مهجومة والجنابر وكلها باب رزق روح تبرع
الحرامية مو عاجبيك حرر عقلك وبطل تمشي وراهم وتقدسهم ..
وصلت مرحلة ناس تسوي فوتوشوب وتخترع قصص
وصلت مرحلة ناس تروح لمكان التفجير حتى تطگ صورة ..
لو وين ماكو مراهق صار جيمس بوند وگعد يحلل ..
مع احترامي لكل طيب وزين طبعاً !
طبعا اكو سؤال هواي الناس يسئلو
هو الله وين من هذا كله ؟
اني اگولك الله وين بس تعال ويايه شويه
خلي نروح ننزل للحياه ونشوف الله زين
خلي نروح للجامعه ونشوف الكفر الي مينزل من حلگ الناس اربع وعشرين ساعة !
والالحاد الي ديصير بالالاف من الشباب !
خلي نشوف الفساد الي وصلو اله الناس الموظفين من رشاوي وفلوس وقرف ماله اخر واخذ حق الانسان ومكانه بشكم فلس زايد !
تعال ننزل لسوگ ونشوف الغش والاحتيال ع الله بالبضاعه وبالحلف الباطل ع السلعة وبالميزان وغيرها !
تعال شوف كل اسره شبيها من ظلم وعقليات تخلف وضرب وعنف !
امشي نشوف كمية الفساد ونسبة الشواذ الي دتزيد بالمجتمع من الولد والبنات !
تعال شوف كمية الشباب والبنات الي يفتخرون بالشرب والسكر وممارسة الزنى والي هي من اعظم الكبائر !
تعال ننزل للبيوت ونشوف الي جواها ديصير من فساد وهجمان بيوت وخيانه وغيرها !
تعال نروح نشوف الله شويه بالدوائر الحكوميه الي من صغيرها لچبيرها تلگي بيهم هواي فاسد ومرتشي وجبان !
وتعال نشوف الدين الي صار تحليله وتحريمه بيد ناس متسوه فلس واحد !
تعال نشوف الشباب يستهزئون بينهم بالصلاة وسباق بينهم ع تركها اللي هي واجب ع كل بشر !
وغيرها وغيرها من شغلات متنحچي ولاتنگال !
وهواي شغلات اذا اعددها يحتاجلي يومين ، بس انتوا فكروا وشوفوا اكو شي حرام بقى مصار وديصير بمجتمعنا ! لو جمعّنا شكو شي حرام من انوجدت البشرية لحد الان وصرنا نسويه بالمجتمع !
وبعدنا نسأل الله وين !
من تصير بشر الله راح يعاملك بشر !
من تبطل تكفر اخوك الله راح يفكر بيك !
من تبطل تحلل كتل اخوك لمجرد هو مو من طائفتك الله راح يباوعلك !
من تطبق دينك وتحترم ربك قبل كلشي الله راح يشوفك بشر !
( وماظلمناهم ولكن كانوا انفسهم يظلمون )
.
.
#مصطفى_البلداوي
هو الله وين من هذا كله ؟
اني اگولك الله وين بس تعال ويايه شويه
خلي نروح ننزل للحياه ونشوف الله زين
خلي نروح للجامعه ونشوف الكفر الي مينزل من حلگ الناس اربع وعشرين ساعة !
والالحاد الي ديصير بالالاف من الشباب !
خلي نشوف الفساد الي وصلو اله الناس الموظفين من رشاوي وفلوس وقرف ماله اخر واخذ حق الانسان ومكانه بشكم فلس زايد !
تعال ننزل لسوگ ونشوف الغش والاحتيال ع الله بالبضاعه وبالحلف الباطل ع السلعة وبالميزان وغيرها !
تعال شوف كل اسره شبيها من ظلم وعقليات تخلف وضرب وعنف !
امشي نشوف كمية الفساد ونسبة الشواذ الي دتزيد بالمجتمع من الولد والبنات !
تعال شوف كمية الشباب والبنات الي يفتخرون بالشرب والسكر وممارسة الزنى والي هي من اعظم الكبائر !
تعال ننزل للبيوت ونشوف الي جواها ديصير من فساد وهجمان بيوت وخيانه وغيرها !
تعال نروح نشوف الله شويه بالدوائر الحكوميه الي من صغيرها لچبيرها تلگي بيهم هواي فاسد ومرتشي وجبان !
وتعال نشوف الدين الي صار تحليله وتحريمه بيد ناس متسوه فلس واحد !
تعال نشوف الشباب يستهزئون بينهم بالصلاة وسباق بينهم ع تركها اللي هي واجب ع كل بشر !
وغيرها وغيرها من شغلات متنحچي ولاتنگال !
وهواي شغلات اذا اعددها يحتاجلي يومين ، بس انتوا فكروا وشوفوا اكو شي حرام بقى مصار وديصير بمجتمعنا ! لو جمعّنا شكو شي حرام من انوجدت البشرية لحد الان وصرنا نسويه بالمجتمع !
وبعدنا نسأل الله وين !
من تصير بشر الله راح يعاملك بشر !
من تبطل تكفر اخوك الله راح يفكر بيك !
من تبطل تحلل كتل اخوك لمجرد هو مو من طائفتك الله راح يباوعلك !
من تطبق دينك وتحترم ربك قبل كلشي الله راح يشوفك بشر !
( وماظلمناهم ولكن كانوا انفسهم يظلمون )
.
.
#مصطفى_البلداوي