❗️❗️❗️Event: “Fostering Groundbreaking European Investment in Uzbekistan”

When it comes to Central Asia, we are talking about a region rich in culture and business opportunities. In fact, the traces of the historical caravans on the Silk Road from China, Tashkent, Samarkand, Bukhara, Neyshabur, Tabriz, and Baku back to Europe can still be traced today.

As part of the HCLA’s “Law & Business” Program and in close cooperation with the Embassy and Mission of Uzbekistan to the European Union, the HCLA team is honored to discuss Uzbekistan’s policies on foreign investment and dispute settlement.

https://www.hclanl.org/event-fostering-groundbreaking-european-investment-in-uzbekistan/

——————————————————————
Каналга уланиш: @uzbbenelux

Follow us to know the best news: @uzbbenelux

Следите за самыми важными новостями из сердца Европы: @uzbbenelux
——————————————————————

#Адлия_лойиҳа #Қонунчиликдаги_янгиликлар

📣 Қонунчиликдан янгиликлар

Жорий ҳафта давомида қабул қилинган қонунчилик ҳужжатлари ҳақидаги сўнгги янгиликлар билан 3 тилда (ўзбек, рус, инглиз) ушбу ҳаволалар орқали танишишингиз мумкин:

👉Ўзбек тилида

👉Рус тилида

👉Инглиз тилида

Кузатиб боринг...

P.S.: Адлия вазирлиги нафақат Сиз истаган вақтда, балки Сиз хоҳлаган тилда ҳам ҳуқуқий ахборотларни етказади.

@adliyangiliklari

#Адлия_табриги

🖋 БМТ Бош Ассамблеясининг 1993 йил 20 декабрдаги резолюциясига кўра 1994 йилдан бошлаб ҳар йили 3 май – Жаҳон матбуот эркинлиги куни сифатида нишонланиб келади.

Эркин сўз, эркин матбуот – жамият равнақининг энг муҳим шартларидан биридир. Ҳар қандай жараёнда холис ва ҳаққоний сўз айта олиш кишидан тезкорлик, фикрчанлик, катта масъулият талаб этади.

Адлия вазирлиги сўз эркинлигини амалга ошириш ва ҳимоя қилиш йўлида жонбозлик кўрсатаётган, бу орқали мамлакатда демократик ўзгаришлар ва ислоҳотларни таъминлашга алоҳида ҳисса қўшаётган барчани ушбу сана билан муборакбод этади.

Адлия вазирлиги жамоаси

Каналга уланиш👇👇👇
https://t.me/huquqiyaxborot

​#adliyafaxriylarniqadrlaydi

Малика Абдуллаевна Фозилова Навоий вилоятида адлия органлари ташкил этилган дастлабки кунлардан шу тизимда фаолият юрита бошлаганлар. Бу 1970—1971 йиллар оралиғига тўғри келади.

М. Фозилова 1948 йилда Тожикистон Республикасининг Регар шаҳрида таваллуд топган. Ҳуқуқшунослик Малика опага бобо ва отамерос касб.

Фаолиятининг илк даврларидан нафақага чиққунга қадар адлия органлари, суд-ҳуқуқ тизимида насиба тердилар. Бу 48 йиллик меҳнат стажи дегани.

Тақдирдошлари Ахмад Фозилович Фозилов ҳам ана шу тизимнинг вакили эдилар. У киши Навоий вилоят адлия бошқармасининг биринчи бошлиғи бўлган.

— Мен ҳам турмуш ўртоғим ҳам профессионал фаолиятимизни адлия органларидан бошлаганмиз. У пайтлар адлия бошқармаси шаҳардаги кичик бир дорихона учун мўлжалланган бинонинг биринчи қаватида жойлашган эди. Иккинчи қаватида эса суд вакиллари ўтиришарди. Дастлаб хонада ҳатто стол ҳам бўлмаган. Ўша кезларда турли вилоятлар ва ташкилотлардан ёрдам олиб моддий-техник базани шакллантирганмиз, — дейди М. Фозилова.

Малика опанинг эслашича 2004 йилгача уларнинг хонадонида ҳатто оила даврасидаги суҳбатлар ҳам қонунчилик билан боғлиқ бўлган. Ҳозирда фарзандлар дадаларини ғурур ва яхши хотиралар билан эслашади. Олти фарзанддан 3 нафари оилавий анъанани давом эттириб, ҳуқуқшунослик йўлини танлаган.

Навоий вилояти адлия бошқармаси

@adliyangiliklari

#Эълон

Бугун, 4 май куни АОКА да брифинг режалаштирилган:

Мавзу: Сўз эркинлигини таъминлаш ва ОАВни ҳар томонлама ривожлантириш учун ҳуқуқий асосларни янада кучайтириш масалалари

▫️ Вақти: 14:00
▫️ Жойи: АОКА мажлислар зали
▫️Иштирок этади: Севара Ўринбоева, Адлия вазирлиги ахборот хизмати раҳбари

@adliyangiliklari

#Adliya_brifing

Бугун, 4 май куни АОКА да сўз эркинлигини таъминлаш ва ОАВни ҳар томонлама ривожлантириш учун ҳуқуқий асосларни янада кучайтириш масалалари юзасидан брифинг бўлиб ўтди

📹 Батафсил: https://youtu.be/_OfOY2AyuOU

@adliyangiliklari

​#Adliya_brifing

❓Суд жараёнига журналист аралашуви мумкин эмас. Бу қонунда тақиқланган. Шунингдек, воқеа ҳақида суд қарори кучга кирмай туриб ёзиш, ОАВда эълон қилиш ҳам мумкин эмаслиги белгиланган. Суд қарори кучга киргунга қадар эса долзарблик йўқолади. Суд жараёни тафсилотларини ёритиш мумкинми? Бунда қандай меъёрлар белгиланган?

АОКАда ўтказилган брифингда Адлия вазирлиги ахборот хизмати раҳбари Севара Ўринбоева саволларга жавоб қайтарди:

— Аввало, суд жараёнига аралашиш масаласи ҳақида тўхталсак. Суд жараёнига, нафақат, журналист, ташқаридан ҳеч кимнинг аралашуви мумкин эмас. Судлар фаолияти дахлсиздир.

Бироқ бу суд жараёнини кузатиш ёки ёритиш мумкин эмас, деган маънони билдирмайди. Ёритиш – бу ҳали жараёнга аралашиш, дегани эмас. Жиноят-процессуал кодексининг 19-моддасига кўра барча судларда жиноят ишлари ошкора кўрилади (ёпиқ суд жараёнлари бундан мустасно).

Фақат суд жараёнида аудио вавидеоёзувларни амалга ошириш учун суд мажлиси раиси (судья)дан рухсат олиш керак.
Судлов фаолиятида ошкораликни кенгайтириш учун судлар зарур ҳолларда оммавий ахборот воситалари ходимларини, тегишли жамоат бирлашмаларини ва жамоаларни бўлажак процесслар тўғрисида хабардор қилиши, шунингдек, процессларни бевосита корхоналарда, муассасаларда, ташкилотларда, фуқароларнинг ўзини ўзи бошқариш органларида ҳамда таълим муассасаларида ўтказиши мумкин.

Суд жараёнларини ёритишда ахборотнинг ҳаққонийлиги, холислиги принципларига ҳамда айбсизлик презумпциясига амал қилиниши шарт.

Шу билан бирга, журналист суд жараёнини ёритаётганда шахсий фикр-мулоҳазалар, турли изоҳлар ва шарҳлардан холи маълумот бериши, жараённи фақат суд хроникаси тарзида ёритиши керак.

@adliyangiliklari

#Adliya_brifing

❓Тасдиқланмаган ахборотни тарқатганлик учун жавобгарлик қандай?

АОКАда ўтказилган брифингда Адлия вазирлиги ахборот хизмати раҳбари Севара Ўринбоева саволларга жавоб қайтарди:

— Ўзбекистон Республикасининг “Журналистлик фаолиятини ҳимоя қилиш тўғрисида ”ги Қонунининг 6-моддасида журналистнинг мажбуриятлари кўрсатиб ўтилган.

Унга кўра журналист ўзи тайёрлаётган материалларининг тўғри ёки нотўғри эканлигини текшириши ва холис ахборот тақдим этиши шарт.

Ушбу Қонуннинг 15-моддасида журналист ўзи тайёрлаётган ва тарқатаётган хабарлар ҳамда материалларнинг ҳаққоний бўлиши учун қонун ҳужжатларида белгиланган тартибда жавобгар бўлиши белгилаб қўйилган.

Журналист туҳмат ва ҳақоратдан иборат ахборот берганда Маъмурий жавобгарлик ва Жиноят кодексларига кўра жавобгарликка тортилиши мумкин.

@adliyangiliklari

​#Adliya_brifing

❓Маълум бир ташкилот ёки давлат органи мутахассислари журналист саволларига жавоб бермаса ёки тўлиқ жавоб бермаса, ёки умуман саволга мос бўлмаган жавоб берилса, қонун бўйича қандай чора кўрилади?

АОКАда ўтказилган брифингда Адлия вазирлиги ахборот хизмати раҳбари Севара Ўринбоева саволларга жавоб қайтарди:

— Қонунчиликка кўра, жисмоний ва юридик шахсларнинг мурожаатларини қабул қилиш ва кўриб чиқишни қонунга хилоф равишда рад этиш, уларни кўриб чиқиш муддатларини узрли сабабларсиз бузиш, ёзма ёхуд электрон шаклда жавоб юбормаслик, жисмоний ва юридик шахсларнинг мурожаатлари тўғрисидаги қонун ҳужжатларига зид қарор қабул қилиш, жисмоний ва юридик шахсларнинг бузилган ҳуқуқлари тикланишини, мурожаат муносабати билан қабул қилинган қарорнинг бажарилишини таъминламаганлик — БҲМнинг 25 бараваригача миқдорда жарима ёки 300 соатгача мажбурий жамоат ишлари ёхуд 2 йилгача ахлоқ тузатиш ишлари билан жазоланади.

Умуман олиб қараганда, ахборот тармоғидан фойдаланаётган барча фойдаланувчилар қонунга зид материалларни ва ахборотларни эълон қилишдан эҳтиёт бўлишлари лозим.

Хулоса ўрнида айтиш лозимки, мамлакатимиз қонунчилигида ахборот олиш ва тарқатиш ҳамда ундан фойдаланиш ҳуқуқлари кафолатланган. Шу билан бирга ҳаммаси қонун доирасида бўлиши лозимлигини ҳам унутмаслигимиз керак.

@adliyangiliklari