🏛Bankrotlik hukm emas. Ko‘pchilik shu so‘zini eshitganda, kompaniyaning hisobi butunlay nolga tenglashganini tasavvur qiladi. Aslida esa hammasi biroz boshqacha.

✅ Qonunchilikka ko’ra, korxona hamkorlari ya’ni bank yoki soliqchilardan bo‘lgan qarzini 3 oy davomida to‘lay olmasa va bu qarz miqdori belgilangan summadan oshib ketgan bo‘lsa, u to‘lovga qobiliyatsiz deb topilishi mumkin.

✅Ammo bu korxonani darhol yopish kerak degani emas. Galda vazifa ana shunday tadbirkorlik subyektlarini qayta “oyoqqa qo’yish”, qonun tilida sanatsiya qilish ya’ni sog’lomlashtirishdan iborat.

✅O’zbekiston Respublikasi Adliya vazirligi huzuridagi To’lovga qobiliyatsizlik ishlari agentligi ishchi guruhi ana shu maqsadda Navoiy viloyatida bo’ldi. O‘rganish Nurota tumani va Navoiy shahrida toʻlovga qobiliyatsizlik jarayonidagi 4 ta korxona faoliyati misolida olib borildi

✅Bunda korxonalarga tegishli mol-mulkning tarkibi, saqlanishi va undan foydalanish holati, mol-mulkni baholash, ijaraga berish va savdoga chiqarish jarayonlari hamda toʻlovga qobiliyatsizlik tartib-taomilining davomiyligi va uning choʻzilish sabablari tahlil etildi.

🔹Bugungi kunda ishchi guruh tomonidan, korxonalar faoliyatini tiklash va moliyaviy sogʻlomlashtirish imkoniyatlari, ish oʻrinlarini saqlab qolish hamda kreditorlar manfaatlarini taʼminlash masalalari bo’yicha belgilab berilgan chora-tadbirlar asosida sud boshqaruvchilari bilan muhokamalar tashkil etilmoqda. Korxonalarni sog’lomlashtirish maqsadida kreditorlar bilan kelishuvlarga erishilmoqda.

📱Website📱Telegram
📱Facebook 📱Instagram

🏭 Samarqand viloyatida to‘lovga qobiliyatsiz korxonalarni sog‘lomlashtirish bo‘yicha amaliy ishlar olib borilmoqda

📍Samarqand viloyati hududidagi to‘lovga qobiliyatsiz deb topilgan yirik korxonalarning moliyaviy-iqtisodiy holatini yaxshilash, mavjud ish o‘rinlarini saqlab qolish hamda yangi ish o‘rinlarini yaratish maqsadida amaliy choralar ko‘rilmoqda.

👥 Adliya vazirligi huzuridagi To‘lovga qobiliyatsizlik ishlari agentligi ishchi guruhi tomonidan bankrot korxonalarning haqiqiy holati joyiga chiqib o‘rganilmoqda.

📊 Har bir korxona bo‘yicha alohida “yo‘l xaritasi” ishlab chiqilib, ularni moliyaviy sog‘lomlashtirish, faoliyatini tiklash va mavjud imkoniyatlardan samarali foydalanish yuzasidan aniq choralar belgilanmoqda.

🤝 Shuningdek, tegishli davlat organlari, tashkilotlar hamda korxona mulkdorlari bilan birgalikda amalga oshirilishi lozim bo‘lgan chora-tadbirlar belgilab olindi.

🔄 Kelgusida bankrot korxonalar faoliyatini tiklash, ularning iqtisodiy barqarorligini ta’minlash hamda ish o‘rinlarini saqlab qolish bo‘yicha manfaatdor tashkilot va idoralar bilan amaliy hamkorlikni yo‘lga qo‘yish bo‘yicha kelishuvlarga erishildi.

🎯 Asosiy maqsad — korxonalarni imkon qadar saqlab qolish, faoliyatini tiklash, ish o‘rinlarini asrash va yangi ish o‘rinlari yaratish!

📱Website📱Telegram
📱Facebook 📱Instagram