Yetmish besh yil — bu shunchaki tarixiy sana emas. Bu boy tajriba, ilmiy salohiyat, kasbiy an'analar va mamlakatimizda odil sudlovni ta'minlashga qo'shilgan munosib hissani ifodalovchi muhim davrdir. Bugungi kunda ekspertlardan nafaqat chuqur kasbiy bilim va tajriba, balki zamonaviy ilmiy yondashuv, ilg'or texnologiyalardan foydalanish talab etilmoqda. Sud ekspertizasining ahamiyati faqat jinoyat ishlari bilan cheklanib qolmayapti. Bugun u fuqarolar taqdiriga bevosita ta'sir qiladigan muhim vositaga aylanmoqda.