#Adliya_aralashgach

⚔️Andijonda shifokorning ilmiy daraja uchun belgilangan ustama pullari undirib berildi

📍Andijon viloyati Marhamat tumani adliya bo‘limiga tuman tibbiyot birlashmasi shoshilinch tez tibbiy yordam bo‘limi jarrohi tomonidan ilmiy daraja uchun belgilangan ustama pullari to‘lanmayotgani yuzasidan murojaat kelib tushdi.

🔍 Murojaatni o‘rganish davomida xodimga O‘zbekiston Respublikasi Prezidentining PF–136-son Farmoniga muvofiq ilmiy darajaga ega xodimlar uchun belgilangan ustama pullari to‘lanmagani aniqlandi.

✅ Holat yuzasidan tuman adliya bo‘limi tomonidan tuman tibbiyot birlashmasiga bajarilishi majburiy bo‘lgan taqdimnoma kiritildi.

💰 Natijada fuqaro foydasiga 21 million 406 ming 908 so‘m miqdoridagi ustama pullari undirib berilishi ta’minlandi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_aralashgach

⚔️ 26 yildan buyon foydalanib kelingan xonadonga mulk huquqi e’tirof etildi

📍Sirdaryo viloyati, Yangiyer shahar adliya bo‘limiga fuqaro tomonidan 2000-yildan buyon yashab kelayotgan xonadoniga nisbatan mulk huquqini rasmiylashtirishda amaliy yordam so‘rab murojaat qilindi.

🔍 Murojaatni o‘rganish davomida fuqaro mazkur xonadonga qariyb 26 yil davomida halol, oshkora va uzluksiz egalik qilib kelayotgani aniqlandi.

⚖️ Fuqarolik kodeksining 187-moddasi talablaridan kelib chiqib, Yangiyer shahar adliya bo‘limi tomonidan fuqarolik ishlari bo‘yicha Guliston tumanlararo sudiga da’vo arizasi kiritildi.

✅ Sudning hal qiluv qaroriga muvofiq, fuqaroning xonadonga nisbatan egalik huquqini vujudga keltiruvchi muddat asosida mulk huquqi e’tirof etildi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_aralashgach

⚔️Adliya aralashuvi bilan fuqaro foydasiga 64,8 million so‘mlik pensiya mablag‘i undirildi

📍Namangan viloyati, Mingbuloq tumani adliya bo‘limiga fuqaro tomonidan pensiyasi noto‘g‘ri hisoblangani hamda uzoq yillar davomida kam miqdorda to‘lab kelingani yuzasidan murojaat qilindi.

🔍 Murojaatni o‘rganish davomida pensiya tayinlash va hisoblashda
qonunchilik talablari to‘liq qo‘llanilmagani oqibatida fuqaroning pensiya to‘lovlari kam miqdorda amalga oshirilgani aniqlandi.

⚖️ Holat yuzasidan Mingbuloq tumani adliya bo‘limi tomonidan fuqaroning buzilgan huquqlarini tiklash yuzasidan tegishli choralar ko‘rildi.

✅ Natijada fuqaro foydasiga 64 million 800 ming so‘m miqdoridagi pensiya mablag‘lari undirib berilishi ta’minlandi.

Batafsil👈

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Adliya_aralashgach

💰 Adliya aralashuvi bilan tibbiyot xodimlariga kam to‘langan ish haqlari undirib berildi

📍To‘raqo‘rg‘on tumani adliya bo‘limiga tuman tibbiyot birlashmasining ikki nafar xodimi malaka oshirish kursida bo‘lgan davri uchun o‘rtacha ish haqi to‘liq to‘lanmagani yuzasidan murojaat qildi.

🔍 Murojaatni o‘rganish davomida xodimlarga 2026-yilning may–iyun oylarida malaka oshirishda bo‘lgan davri uchun qonunchilikda belgilangan o‘rtacha ish haqi to‘liq hisoblanmagani aniqlandi.

⚖️ Holat yuzasidan To‘raqo‘rg‘on tumani adliya bo‘limi tomonidan tuman tibbiyot birlashmasiga bajarilishi majburiy bo‘lgan taqdimnoma kiritildi.

✅ Ko‘rilgan ta’sir choralari natijasida ikki nafar tibbiyot xodimiga kam to‘langan 2 million 500 ming so‘m miqdoridagi o‘rtacha ish haqi to‘liq undirib berildi.

🤝 Natijada xodimlarning buzilgan mehnat huquqlari tiklanib, qonunchilikda belgilangan to‘lovlar to‘liq to‘lab berilishi ta’minlandi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_aralashgach

❗️Adliya aralashuvi bilan eksklav hudud —So'x tumanida qonuniy ish haqi va konpensatsiya pullari undirib berildi
 
So'x tumanining Xushyor MFYda yashovchi fuqaro A.A.ning murojaati o'rganildi. Fuqaro o'z murojaatida tumandagi 14-sonli umumiy o'rta ta'lim maktabida ma'naviy va ma'rifiy ishlar bo'yicha direktor o'rinbosari lavozimida ishlab kelganligi, 2025-yil 15-dekabr kuni maktab direktori tomonidan uning shtati qisqarganligi va ishsiz qolganligi aytilganini bildirgan.
 
Biroq unga maktab ma'muriyati tomonidan egallab turgan shtat birligi qisqartirilganligi haqida yozma ogohlantirish xati berilmagan. Unga pullik komensatsiya hamda ishdan bushatilganligi to'g'risidagi buyruq nusxasi berilmaydi. Ish haqini ishlagan davri uchun to'liq hisob kitob qilinmagan.
 
Fuqaro shu holatlarni qonuniyligini o'rganish, unga to'lanilishi lozim bo'lgan ish haqlari va Mehnat kodeksida belgilangan pullik komensatsiya haqlarini undirishda amaliy yordam so'raydi.

Tuman adliya bo'limi tomonidan o'rganishlar davomida direktori tomonidan joriy yilning 9-aprel kuni qabul qilingan buyruq rasmiylashtirilganligi oydinlashdi. Ushbu buyruqda xodim bilan tuzilgan mehnat shartnomasi 2026-yil 31-mart sanasidan bekor qilingan. 2025-yilning oktiyabr, noyabr oylari uchun esa ish haqi kompensatsiya bilan almashtirilganligi aniqlandi. Ishlagan ish davri uchun ishdan bo'shatish nafaqasi to'lanishi belgilangan.

Lekin ish beruvchi tomonidan mazkur buyruqning ijrosi ta'minlanmayotganligi, xodimga qonunchilikda belgilangan to'lovlar to'lanmayotganligi aniqlandi.
 
So'x tumani adliya bo'limi taqdimnomasi bilan ushbu fuqaroga Mehnat kodeksining 173-moddasi talablariga asosan ishdan bo'shatish nafaqalari va boshqa ko'zda tutilgan qonuniy haqlari ish beruvchidan undirib berildi.

#Adliya_aralashgach

⚖️ Adliya aralashuvi bilan noqonuniy ishdan bo‘shatilgan fuqaroning mehnat huquqlari tiklandi

📍Samarqand tumani “O‘zbekkenti” mahallasida yashovchi fuqaro Samarqand viloyati Ekologiya va iqlim o‘zgarishi bosh boshqarmasidagi ishiga noqonuniy ravishda chek qo‘yilgani hamda majburiy progul davri uchun ish haqi undirilishi yuzasidan Samarqand viloyati adliya boshqarmasiga murojaat qildi.

🔍 Murojaatni o‘rganish davomida fuqaroning mehnat huquqlari buzilgani aniqlanib, uning huquqlarini tiklash maqsadida adliya boshqarmasi tomonidan Fuqarolik ishlari bo‘yicha Samarqand shahar sudiga da’vo arizasi kiritildi.

✅ Sudning hal qiluv qaroriga muvofiq, fuqaro avvalgi ishiga tiklandi hamda uning foydasiga 44 million 548 ming 668 so‘m miqdorida majburiy progul davri uchun ish haqi undirilishi belgilandi.

🤝 Natijada fuqaroning buzilgan mehnat huquqlari tiklanib, qonuniy manfaatlari sud tartibida himoya qilindi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_aralashgach

⚔️ Adliya aralashuvi bilan homilador ayolning mehnat huquqi tiklandi

📍Sirdaryo tumanidagi umumta’lim maktabi o‘qituvchisi muddatli mehnat shartnomasi muddati tugaganligi sababli ishdan bo‘shatilgani yuzasidan adliya bo‘limiga murojaat qildi.

🔍 Murojaatni o‘rganish davomida xodima homiladorligi haqida ish beruvchini oldindan xabardor qilgani hamda homiladorlikni tasdiqlovchi tibbiy ma’lumotnomani taqdim etganiga qaramay, mehnat shartnomasi bekor qilingani aniqlandi.

⚖️ Holat yuzasidan adliya bo‘limi tomonidan maktab ma’muriyatiga qonun buzilishlarini bartaraf etish yuzasidan bajarilishi majburiy bo‘lgan taqdimnoma kiritildi.

✅ Natijada Adliya aralashuvi bilan homilador xodima bilan tuzilgan mehnat shartnomasi qayta tiklanib, uning buzilgan mehnat huquqlari tiklandi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_aralashgach

📌 Adliya aralashuvi bilan fuqaroning 104 million so‘mdan ortiq kompensatsiya olish huquqi ta'minlandi

Namangan viloyati adliya boshqarmasiga fuqaro V.I tomonidan To‘raqo‘rg‘on tuman hokimligi tomonidan sud qarori o‘z vaqtida ijro etilmagani oqibatida ishga tiklash kechiktirilgani hamda majburiy progul davri uchun o‘rtacha ish haqini undirishda amaliy yordam so‘rab murojaat qilindi.

Murojaat adliya organi tomonidan belgilangan tartibda o‘rganilganda, Chust tumanlararo sudining tegishli qarori bilan fuqaroni avvalgi ishiga tiklash belgilangan bo‘lishiga qaramay, mazkur sud qarorining ishga tiklashga oid qismi ish beruvchi tomonidan o‘z vaqtida ijro etilmagani va fuqaro uzoq vaqt davomida ishga tiklanmagani aniqlandi.

Amaldagi mehnat qonunchiligiga muvofiq, xodimni ishga tiklash haqidagi sud qarorini ijro etish kechiktirilgan taqdirda, xodimga majburiy progulning butun davri uchun o‘rtacha ish haqi to‘lab berilishi lozim. Mazkur holatdan kelib chiqib, Namangan viloyati adliya boshqarmasi tomonidan fuqaroning buzilgan huquqlarini tiklash maqsadida Chust tumanlararo sudiga da'vo arizasi kiritildi.

Natijada, Fuqarolik ishlari bo'yicha Chust tumanlararo sudining hal qiluv qarori bilan fuqaro foydasiga ishga tiklash kechiktirilgan davr uchun 104 025 364 so‘m miqdorida kompensatsiya undirilishi belgillandi.

Adliya organlari fuqarolarning mehnat huquqlarini himoya qilish, sud qarorlari ijrosini ta'minlash hamda buzilgan huquqlarni tiklash borasidagi ishlarni izchil davom ettirmoqda.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_aralashgach

⚔️ Adliya aralashuvi bilan fuqaroning 23,5 mln so‘mdan ortiq mehnat huquqi tiklandi

📍 Namangan viloyat adliya boshqarmasiga fuqaro M. Muradov mehnat shartnomasi bekor qilinganidan so‘ng ish beruvchi tomonidan yakuniy hisob-kitob amalga oshirilmagani hamda ish haqi to‘lanmagani yuzasidan murojaat qildi.

🔍 Murojaatni o‘rganish davomida ish beruvchi tomonidan qonunchilikda belgilangan muddatlarda yakuniy hisob-kitob amalga oshirilmagani aniqlandi.

📑 Shundan so‘ng adliya organlari tomonidan fuqaro manfaatlarini ko‘zlab sudga da'vo arizasi kiritildi.

⚖️ Sud qaroriga asosan "Namangan viloyati Toza hudud" davlat muassasasidan fuqaro foydasiga:
💰 9 561 039 so‘m ish haqi;
💰 10 976 072 so‘m ish haqini o‘z vaqtida to‘lamaganlik uchun kompensatsiya;
💰 3 000 000 so‘m ma'naviy zarar undirilishi belgilandi.

✅ Natijada adliya aralashuvi bilan fuqaroning jami 23 537 111 so‘mlik mehnatga oid mulkiy huquqlari sud tartibida tiklandi.

🌐 website 📱 facebook 📱 instagram 📱 linkedIn 📱 youtube 📱 twitter

#OAV_biz_haqimizda
#Adliya_aralashgach

⚔️Andijonda fuqaroning imtiyozli nafaqaga chiqish huquqi tiklandi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_aralashgach

⚔️ Adliya aralashuvi bilan tadbirkorga 179,7 mln so‘mdan ortiq asossiz qarzdorlik bekor qilindi

📍 Xorazm viloyati Bog‘ot tumani adliya bo‘limiga "N.D" MChJ rahbari tomonidan qo‘shimcha to‘lov asosida olingan yer uchastkasi ijara huquqiga oid asossiz hisoblangan qarzdorlikni bekor qilishda amaliy yordam so‘rab murojaat qilindi.

🔍 Murojaatni o‘rganish davomida yer uchastkasini uzoq muddatli ijaraga olish shartnomasi 2025-yil sentabr oyida bekor qilinganiga qaramay, elektron ma’lumotlar bazasida 2025-yil sentabrdan 2026-yil aprel oyigacha 179 765 418 so‘m miqdorida asossiz qarzdorlik hisoblangani aniqlandi.

📄 Shundan so‘ng adliya bo‘limi tomonidan viloyat soliq boshqarmasiga taqdimnoma kiritildi.

✅ Natijada tadbirkorga 179 765 418 so‘m miqdorida asossiz hisoblangan qarzdorlik hisobdan chiqarildi hamda uning qonuniy huquqlari tiklandi.
 
🌐 website 📱 facebook 📱 instagram 📱 linkedIn 📱 youtube 📱 twitter

#Adliya_aralashgach
#Bir_murojaat_izidan

⚔️ 4 avlod va 100 dan ortiq merosxo‘rni sarson qilgan qariyb bir asrlik muammo adliya ko‘magida hal etildi

📍 Farg‘ona viloyatida fuqaroning bobosi 1940-yilda Ikkinchi jahon urushiga ketib halok bo‘lgan. Biroq uning shaxsiga hamda vafotiga oid ma’lumotlar 1953-yildagi ro‘yxatga olish hujjatlarida aks etmagani sababli meros huquqlarini rasmiylashtirish masalasi yillar davomida yechimsiz qolib kelgan.

🏡 Natijada 4 avlod va 100 dan ortiq merosxo‘r o‘z mulkiy huquqlarini qonuniy rasmiylashtira olmagan.

🤝 Muammo yechimini topa olmagan fuqaro Farg‘ona viloyati adliya boshqarmasiga murojaat qildi.

🔍 Adliya xodimlari uzoq yillarga oid arxiv hujjatlarini sinchiklab o‘rganib, zarur dalillarni to‘pladi hamda masalani qonuniy hal etish uchun sudga murojaat qildi.

✅ Sud taqdim etilgan dalillarni ko‘rib chiqib, tegishli qaror qabul qildi.

🎉 Natijada qariyb bir asr davomida yechilmay kelgan meros masalasi o‘z yechimini topdi. Endilikda 100 dan ortiq merosxo‘r o‘z mulkiy huquqlarini notarial tartibda rasmiylashtirish imkoniyatiga ega bo‘ldi.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_aralashgach

⚔️ Adliya aralashuvi bilan xodimning 52,5 million so‘mlik ish haqi undirildi

📍 Namangan viloyatida fuqaro D. Kamalova o‘ziga tegishli ish haqi uzoq vaqt davomida to‘lanmayotgani yuzasidan adliya organlariga murojaat qildi.

🔍 Murojaat adliya organlari tomonidan qonunchilik talablari asosida o‘rganilib, "Namangan viloyati suv ta’minoti" AJ hujjatlari tahlil qilindi.

📄 O‘rganish davomida korxona tomonidan fuqaro oldida 52 million 510 ming 724 so‘m miqdorida ish haqi qarzdorligi mavjudligi tasdiqlandi.

⚖️ Shundan so‘ng adliya organlari tomonidan fuqaroning manfaatlarini ko‘zlab sudga da’vo arizasi kiritildi.

✅ Sud qaroriga asosan fuqaro foydasiga 52 million 510 ming 724 so‘m miqdoridagi ish haqi undirib berilishi ta’minlandi.

🤝 Adliya organlari fuqarolarning mehnat huquqlarini himoya qilish va buzilgan huquqlarini tiklash borasidagi ishlarni izchil davom ettirmoqda.

🌐 website 📱 facebook 📱 instagram 📱 linkedIn 📱 youtube 📱 twitter

#Adliya_aralashgach

⚔️ Samarqand viloyatida 6 nafar xodim foydasiga 64 million so‘mdan ortiq mablag‘ undirildi

📍 Jomboy tuman sport maktabining 6 nafar xodimi ish haqlari to‘liq to‘lanmagani yuzasidan adliya organlariga murojaat qildi.

🔍 Murojaatlar adliya organlari tomonidan o‘rganilib, xodimlarning mehnat huquqlarini himoya qilish maqsadida sudga da’vo arizalari kiritildi.

⚖️ Fuqarolik ishlari bo‘yicha Jomboy tumanlararo sudining hal qiluv qarorlariga asosan xodimlar foydasiga:
💵 22 million 175 ming 640 so‘m ish haqi;
💵 42 million 120 ming so‘m kompensatsiya va moddiy yordam puli undirilishi ta’minlandi.

✅ Natijada adliya aralashuvi bilan 6 nafar xodimning mehnat huquqlari tiklandi hamda ularning foydasiga jami 64 million 295 ming 640 so‘m mablag‘ undirildi.

🌐 website 📱 facebook 📱 instagram 📱 linkedIn 📱 youtube 📱 twitter