❗️ Xalqaro hamkorlikning yangi bosqichi

⚡️ Avval xabar berilganidek joriy yilning 2-4-aprel kunlari Ozarbayjon Respublikasining Boku shahrida Turkiy davlatlar tashkilotiga (TDT) a’zo mamlakatlarning sud-ekspertiza muassasalari o‘rtasida Turkiy sud ekspertizasi tarmog‘ini (Turkic Forensic Science Network — TFSN) tashkil etish borasida muhim tadbir bo‘lib o‘tdi. Tadbirda tarmoqni tashkil etishga qaratilgan Memorandum imzolandi.

✔️ Mazkur tadbirda O‘zbekiston sud ekspertiza muassasalari delegatsiyasi, xususan, X.Sulaymonova nomidagi Respublika sud ekspertiza markazi strategik tarmoqning ta’sischi-a’zosi sifatida ishtirok etdi.

✔️ Shuningdek, mazkur tadbir davomida Markaz direktori A.Xalilov tomonidan tarmoqqa a'zo davlatlarning sud ekspertiza muassasalari rahbarlari bilan qator uchrashuvlar o‘tkazildi. Unda yurtimizda sud ekspertiza sohasida amalga oshirilayotgan islohotlar va erishilgan natijalar haqida ma'lumotlar berilib, sud ekspertiza sohasida keng qamrovli hamkorlik masalalari muhokama etildi.

✔️ Muhokamalar natijasiga ko‘ra sud ekspertiza sohasini to‘liq raqamlashtirish, sun’iy intellektdan foydalanish, kiberjinoyatchilik va sintetik giyohvandlikka qarshi kurashish hamda xodimlar stajirovkasini tashkil etish bo‘yicha bir qator kelishuvlarga erishildi.

✔️ Bundan tashqari, tadbir davomida Ozarbayjon Respublikasi Adliya vazirligining Sud ekspertiza markazi bilan uchrashuvlar o‘tkazilib, kelgusidagi hamkorlik masalalari hamda X.Sulaymonova nomidagi Respublika sud ekspertiza markazi va Ozarbayjon Respublikasi Adliya vazirligining Sud ekspertiza markazi o‘rtasida imzolangan 2025-2027-yillarga mo‘ljallangan chora-tadbirlar rejasi ijrosii muhokama qilindi hamda amaldagi hamkorlikni yanada jadallashtirish kelishib olindi.

2024-yilning 23-avgust kuni Oʻzbekiston va Ozarbayjon Davlatlararo oliy kengashining birinchi majlisi yakunida ikki tomonlama hujjatlarni imzolash marosimida Oʻzbekiston Respublikasi Adliya vazirligi huzuridagi X.Sulaymonova nomidagi Respublika sud ekspertiza markazi va Ozarbayjon Respublikasi Adliya vazirligining Sud ekspertiza markazi oʻrtasida hamkorlik toʻgʻrisidagi maqsadlar bayonnomasi imzolangan.

2025-yil 3-martda X.Sulaymonova nomidagi Respublika sud ekspertiza markazi hamda Ozarbayjon Respublikasi Adliya vazirligining Sud ekspertiza markazi o‘rtasida 2025-2027-yillarga mo‘ljallangan chora-tadbirlar rejasi imzolangan bo‘lib, hujjatda ikki davlat sud ekspertiza markazlari o‘rtasida hamkorlik yo‘nalishlari, hamkorlikni rivojlantirish choralari va o‘zaro tajriba almashish choralari nazarda tutilgan.

Batafsil ma'lumot⬇️
💬71-209-11-55
✉️ info@sudex.uz

✅Telegram | ✅Facebook | 🌐Instagram | 📹youtube | 🌐sudex.uz

🚨 YIRIK BRENDLAR G‘ALABA QOZONDI: O‘ZBEKISTONDA KONTRAFAKT SAVDOSI BO‘YICHA MUHIM SUD ISHI YAKUNLANDI

2026-yil 1-aprel kuni Surxondaryo viloyati iqtisodiy sudida “Hugo Boss AG” (Germaniya), “Puma SE” (Germaniya) hamda “Tommy Hilfiger Licensing B.V” (Niderlandiya) kompaniyalari vakili tomonidan kiritilgan da’vo arizasiga asosan xalqaro brendlar — HUGO BOSS, PUMA va TOMMY HILFIGER tovar belgilarini himoya qilish bo‘yicha muhim ish ko‘rib chiqildi.

Sudda aniqlanishicha, javobgar brend egalari bilan hech qanday litsenziya shartnomasi tuzmasdan tovar belgilaridan noqonuniy ravishda foydalangan, kontrafakt mahsulotlarni savdoga chiqargan va faol reklama qilganligi tasdiqlandi.

⚖️ Sud qaroriga ko‘ra, huquqbuzarga tovar belgilaridan noqonuniy foydalanishni to‘xtatish, kontrafakt mahsulotlarni muomaladan chiqarish va yo‘q qilish, shuningdek noqonuniy qo‘llangan belgilarni mahsulot va qadoqlardan olib tashlash majburiyati yuklatildi.
💰Shuningdek, huquqbuzardan kompaniyalarlar foydasiga jami 61 800 000 so‘m kompensatsiya hamda davlat boji, pochta va sud xarajatlari bilan birga 111 million so‘mdan ortiq mablag‘ undirilishi belgilandi.

⚠️ Hurmatli tadbirkorlar!
Brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

Adliya vazirligi tomonidan ishlab chiqilgan O‘zbekiston Respublikasining “Shaharsozlik renovatsiyasi to‘g‘risida”gi Qonun O‘zbekiston Respublikasi Oliy Majlisi Senati tomonidan tasdiqlandi.

Qonunning asosiy maqsadi eski, avariya holatidagi yoki ijtimoiy jihatdan muammoli hududlarni mulkdorlar huquqlarini saqlagan holda kompleks yangilash uchun alohida huquqiy mexanizm yaratishdan iborat.

Qonunning tartibga solish predmeti
Qonun renovatsiyani jamoat ehtiyoji uchun yer olib qo‘yish, xususiy yerlarni qayta sotib olish, madaniy meros obyektlarini ta’mirlash yoki bo‘sh hududda yangi massiv qurishdan ajratib, mustaqil tartibga soladi.

Renovatsiyaning maqsadi faqat buzib-qurish emas, hududni kompleks yaxshilashdir
Hujjatda hududni me’moriy, ijtimoiy, iqtisodiy va ekologik jihatdan yaxshilash, uy-joy fondini yangilash, infratuzilma yaratish va energiya samaradorligini oshirish asosiy maqsad sifatida belgilangan.

Renovatsiya bir necha shaklda amalga oshirilishi mumkin
Qonun mavjud obyektni rekonstruksiya qilish, buzib o‘rnida yangi obyekt qurish, yashil hududlar va boshqa hududiy zonalarni tashkil etish kabi shakllarni nazarda tutadi.

Tashabbus qilish huquqiga ega subyektlar
Renovatsiya tashabbusi davlat, huquq egalari yoki uchinchi shaxslar — investorlar va qurilish tashkilotlari tomonidan ham ilgari surilishi mumkin. Bu esa jarayonni yanada moslashuvchan qiladi.

Mulkdorlar roziligi asosiy shart qilib qo‘yilgan
Har bir obyekt bo‘yicha huquq egalarining har biri bilan notarial tasdiqlangan yozma roziligi olinishi talab etiladi. Bu renovatsiyani majburlash vositasi emas, kelishuvga asoslangan mexanizm sifatida belgilaydi.

Xususiy mulk daxlsizligi va ixtiyoriylik prinsipi kuchaytirilgan
Qonunda huquq egasi renovatsiyada ishtirok etish yoki etmaslikni ixtiyoriy ravishda tanlashi, hech kim sud qarorisiz uy-joyidan mahrum etilmasligi, barcha noaniqliklar esa huquq egasi foydasiga talqin qilinishi qayd etilgan.

Ekologiya, yashil hudud va sud himoyasi alohida mustahkamlangan
Loyihada hududning kamida to‘rtdan bir qismi yashil zona bo‘lishi, yashil hududlarni asossiz qisqartirishga yo‘l qo‘yilmasligi, ekologik barqarorlik saqlanishi belgilangan.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

O‘zbekiston Respublikasi Prezidentining 2026-yil 5-yanvardagi PQ-1 son qarori ijrosi yuzasidan adliya vaziri A.Tashkulov boshchiligida o'tkazilgan yig'ilishda TDYUning professor-o'qituvchilari tomonidan ishlab chiqilgan kriminologik metodikalar taqdimoti o'tkazildi.

Tadbirda 12 turdagi jinoyatlar, jumladan, kiberjinoyatchilik, narkojinoyatlar, uyushgan jinoyatchilik, yashirin iqtisodiyotga oid jinoyatlar, yo'l harakati xavfsizligi qoidalarini buzish, o'g'irlik, bezorilik, firibgarlik, talonchilik hamda tan jarohati yetkazish holatlari bo'yicha ishlab chiqilgan metodikalar namoyish etildi.

Taqdimot yakunida adliya vaziri tomonidan har bir jinoyat turi kesimida huquqbuzarliklarning barvaqt oldini olishga qaratilgan tizimli choralarni ishlab chiqish, ilmiy tavsiyalar asosini mustahkamlash hamda ilgari surilgan takliflar asosida qonun hujjatlariga o'zgartirishlar kiritish yuzasidan tegishli topshiriqlar berildi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot