Yoshlar kengashi: tahlil, tanqid va yangi marralar

Adliya vazirligi Yoshlar kengashining navbatdagi yig'ilishi bo'lib o'tdi. Unda tizim yoshlarining faolligi, tashabbuskorligi va kelajak rejalari atroflicha muhokama qilindi.

Yig'ilishda Yoshlar kengash raisi Anasxon Xamdamov amalga oshirilgan ishlar yuzasidan hisobot berib, yoshlar bilan ishlashning yangi bosqichi, zamonaviy yondashuvlar va istiqboldagi ustuvor vazifalarni belgilab berdi.

So'z davomida tizimda yoshlar ishtirokini kengaytirish, ularning salohiyatini ro'yobga chiqarish va tashabbuslarini qo'llab-quvvatlash masalalariga alohida urg‘u qaratildi.

Yig'ilishda markaziy apparat, hududiy adliya organlari va tizim muassasalari yoshlari faol ishtirok etdi. Bu esa adliya tizimida yoshlar birlashgan holda harakat qilayotganini, umumiy maqsad yo'lida jipslashganini yana bir bor tasdiqladi.

Telegram | Instagram | Facebook | YouTube | Bot

O‘zbekiston Respublikasi Prezidenti huzuridagi Davlat siyosati va boshqaruvi akademiyasida adliya vaziri Akbar Tashkulov ishtirokida Akademiya tinglovchilari bilan ochiq muloqot tashkil etildi.

Uchrashuv davomida adliya tizimida amalga oshirilayotgan islohotlar, korrupsiyaga qarshi kurashish choralari, zamonaviy davlat xizmatlarini rivojlantirish hamda huquqiy sohadagi ustuvor yo‘nalishlar muhokama qilindi.

Shuningdek, normativ-huquqiy hujjatlarni korrupsiyaviy xavflardan xoli qilish, davlat organlari faoliyatida ochiqlik va shaffoflikni ta’minlash, huquqiy ekspertiza va komplayens nazorat tizimlarini kuchaytirish bo‘yicha amalga oshirilayotgan ishlar haqida ma’lumot berildi.

Uchrashuv tinglovchilarning davlat boshqaruvi va huquqiy siyosat sohasidagi bilim hamda amaliy ko‘nikmalarini mustahkamlashga xizmat qildi.

Telegram | Instagram | Facebook | YouTube | Bot