#Fuqarolik_jamiyati_haftaligi
#Jamoatchilik_kengashlari_forumi

✔️Fuqarolik jamiyati institutlari bilan davra suhbati bo'lib o'tdi.

🔹Bugun, 5-dekabr kuni Adliya vazirligi tomonidan O‘zbekiston Respublikasi Prezidentining 2021-yil 4-martdagi PF–6181-son Farmoni bilan tasdiqlangan 2021–2025-yillarda fuqarolik jamiyatini rivojlantirish Konsepsiyasi ijrosi va O‘zbekistonda fuqarolik jamiyatini 2030-yilga qadar rivojlantirish strategiyasini qabul qilish masalalariga bag‘ishlangan davra suhbati tashkil etildi.

🔻Unda davlat organlari va 200dan ortiq NNT vakillari ishtirok etdi.

🔸Adliya vaziri o‘rinbosari N.Muxammadiyev ta’kidlaganidek, so‘nggi yillarda amalga oshirilgan chora-tadbirlar natijasida nodavlat notijorat tashkilotlarining huquqiy kafolatlarini ta’minlaydigan, zamonaviy demokratik talablarga va xalqaro standartlarga javob beradigan normativ-huquqiy baza yanada takomillashtirildi. Buning natijasida 20 dan ziyod qonun, Prezident hujjatlari va Hukumatning qarorlari qabul qilindi.

🔹Suhbat davomida 2021 – 2025-yillarda fuqarolik jamiyatini rivojlantirish Konsepsiyasi va uning ijrosi yuzasidan qabul qilingan Yo‘l xaritalari hamda Maqsadli ko‘rsatkichlarning ijro holati, shuningdek, O‘zbekistonda fuqarolik jamiyatini 2030-yilga qadar rivojlantirish strategiyasiga davlat organlari hamda NNTlar tomonidan taqdim etilgan 100 ga yaqin takliflarning mazmun-mohiyati muhokama qilindi.

🔸Davra suhbati yakunlari bo‘yicha O‘zbekistonda fuqarolik jamiyatini 2030-yilga qadar rivojlantirish strategiyasini qabul qilish yuzasidan ishtirokchilar tomonidan fikr-mulohazalar bildirilib, takliflar olindi.

Telegram | Instagram | Facebook | YouTube | Bot

“Mamlakat platformasi”ning navbatdagi yig‘ilishi bo‘lib o‘tdi

Bugun, 5-dekabr kuni Adliya vazirligida “Mamlakat platformasi”ning Qonun ustuvorligi va davlat boshqaruvi yo‘nalishi bo‘yicha Ishchi guruhining yig‘ilishi o‘tkazildi.

Ma’lumot uchun: O‘zbekiston bo‘yicha “Mamlakat platformasi” donorlar va rivojlanish bo‘yicha hamkorlar faoliyatini muvofiqlashtirish hamda ularning qo‘shma loyihalarini amalga oshirishda ishtirok etuvchi vazirliklar va idoralar bilan o‘zaro hamkorligini taʼminlashga qaratilgan mexanizm hisoblanadi.

Tadbirda Germaniyaning xalqaro hamkorlik bo‘yicha jamiyati (GIZ), Yevropa Ittifoqi, BMT Taraqqiyot dasturi, Iqtisodiy Hamkorlik va Taraqqiyot Tashkiloti (OECD), BMT narkotiklar va jinoyatchilikka qarshi kurashish boshqarmasi (UNODC), UNICEF, shuningdek, Shveytsariya, Buyuk Britaniya, Fransiya va Latviya elchixonalarining vakillari ishtirok etdi.

Tadbirda Adliya vazirligining Vazir kotibiyati boshlig’i A. Sarabekov tomonidan platforma doirasida so‘nggi yillarda bir qator samarali loyihalar, jumladan:

— “Tashkent Law Spring – 2025” xalqaro yuridik forumida 40 dan ortiq davlatdan 1 200 nafar ishtirokchini jamlab, huquqiy islohotlarni chuqurlashtirish, investitsiyalarni jalb etish va qonunchilik hujjatlarini xalqaro standartlarga moslashtirish yuzasidan takliflar ishlab chiqilgani;

— Huquq ustuvorligi bo‘yicha milliy tahlil loyihasi boshlangan bo‘lib, uning natijalariga ko‘ra amaliy chora-tadbirlar ishlab chiqilishi rejalashtirilayotganligi qayd etib o’tildi.

Yig‘ilish davomida donorlar bilan 2026-yilgi hamkorlik rejasi muhokama qilindi. Ishchi guruhning maqsadi — qonun ustuvorligi, samarali davlat boshqaruvi, raqamlashtirish va fuqarolik jamiyatini rivojlantirish bo‘yicha ustuvor yo‘nalishlarda amaliy natijalarga erishishdir.

Telegram | Instagram | Facebook | YouTube | Bot