#Fuqarolik_jamiyati_haftaligi
#Jamoatchilik_kengashlari_forumi

✅Jamoatchilik kengashlari forumi bo‘lib o‘tdi

🔹“Fuqarolik jamiyati haftaligi” doirasida bugun “Yoshlar ijod saroyi”da davlat organlari huzuridagi Jamoatchilik kengashlari forumi o‘tkazildi. Tadbirda vazirlik va idoralar, NNTlar, mahalliy hokimliklar hamda ommaviy axborot vositalari vakillari ishtirok etdi.

🔹 Forumni adliya vaziri o‘rinbosari N. Muxammadiev kirish so‘zi bilan ochdi.

🔹U o‘z nutqida so‘nggi yillarda fuqarolik jamiyatini rivojlantirish borasida amalga oshirilayotgan islohotlar, jamoatchilik kengashlarining davlat boshqaruvidagi o‘rni va ahamiyatini qayd etdi.

“Jamoatchilik kengashlari — davlat va jamiyat o‘rtasidagi muhim ko‘prikdir. Ular davlat idoralari faoliyati ustidan monitoring olib boradi, korrupsiyaning oldini olishda hamkor bo‘ladi va eng muhimi, fuqarolarning ovozini qarorlar qabul qilish jarayoniga yetkazadi.”— Adliya vaziri o'rinbosari N.Muxammadiyev

🔹Shuningdek, u jamoatchilik nazoratini kuchaytirish maqsadida:
“Jamoatchilik nazorati to‘g‘risida”gi Qonunni takomillashtirish bo‘yicha qonun loyihasi ishlab chiqilgani, 2030-yilgacha mo‘ljallangan Fuqarolik jamiyatini rivojlantirish strategiyasi tayyorlanayotgani va unda NNTlar ishtirokini kengaytirish, kengashlar faoliyatini kuchaytirishga qaratilgan takliflar o‘rin olganini ma’lum qildi.

🔹Forum davomida davlat organlari huzuridagi jamoatchilik kengashlarining faoliyati, ularning samaradorligini oshirish, ilg‘or tajribalar, shaffof boshqaruv va jamoatchilik nazoratini institutsionallashtirish masalalari muhokama qilindi.

🔹 Tadbir yakunida Yuksalish umummilliy harakati tomonidan bir qator yo‘nalishlarda faol bo‘lgan kengashlar “Eng faol jamoatchilik kengashi” nominatsiyasi bo‘yicha taqdirlandi. Xususan, Adliya vazirligi huzuridagi Jamoatchilik kengashi ham ushbu nominatsiyaga munosib ko'rildi.

Telegram | Instagram | Facebook | YouTube | Bot