Idoralararo ilmiy-uslubiy Kengashning navbatdagi yig‘ilishi bo‘lib o‘tdi

Joriy yilning 10-yanvar kuni Adliya vazirligi huzuridagi X. Sulaymonova nomidagi Respublika sud ekspertiza markazining Sud-ekspertlik ilmiy-tadqiqot instituti Idoralararo ilmiy-uslubiy Kengashining navbatdagi yig‘ilishi o'tkazildi.

Ushbu tadbirda:
Deepfake texnologiyalarini qo‘llanganlik faktlarini aniqlash bo‘yicha tayyorlangan tahliliy ma’lumot;
“Raqamli sud ekspertiza” va “Raqamli kriminalistika” nomli uslubiy tavsiyalar;
“Sud-xatshunoslik ekspertizasi” nomli uslubiy qo‘llanma va boshqa masalalar ko‘rib chiqildi.

Shuningdek, Kengashning 2025-yilga mo‘ljallangan Ish rejasi tasdiqlandi.

Tadbir yakunida 2024-yilda mavjud 93 ta uslubiyotlarni tanqidiy ko‘rib chiqishda faol ishtirok etgan ishchi guruh a’zolari tashakkurnomalar bilan taqdirlandi.

📌 Kanalga ulanish

2023-yilda davlat xizmatlari markazlari tomonidan bir kunda o‘rtacha 70-75 ming nafar fuqarolarga xizmatlar ko‘rsatilgan bo‘lsa, 2024-yilga kelib kunlik tashrif buyuruvchilar soni 80-100 mingni tashkil etgan. Bu 13 millionga yaqin fuqaro davlat xizmatlari markazlariga tashrif buyurganligini anglatadi. Ushbu raqamlar aholining davlat xizmatlariga ehtiyoji katta ekanligini ko‘rsatadi.

Ma’lumki, Adliya vazirligi tomonidan aholi ehtiyojlari inobatga olinib va ularga qulaylik yaratish maqsadida, davlat xizmatlari markazlari shanba kunlari ham xalqimiz xizmatida.

Ko‘rsatilayotgan xizmatlar yanada sifatli bo‘lishi uchun respublikadagi barcha davlat xizmatlari markazlari Situatsion markaz orqali nazorat qilib borilmoqda. Vazirlik rahbariyati tomonidan Situatsion markaz orqali kunlik monitoring o‘rnatilgan.

Situasion markaz davlat xizmatlari markazlari va FHDY bo‘limlariga tashrif buyuruvchi aholiga ko‘rsatilayotgan xizmatlarning sifati va tezkorligini monitoring qilib borish, muammolarni o‘z vaqtida aniqlash imkonini beradi.

Shuningdek, monitoring jarayonida Navoiy viloyat adliya boshqarmasi boshlig‘i Ulug‘bek Abdullayevning ham bevosita davlat xizmatlari markazida fuqarolarga xizmat ko‘rsatayotgani kuzatildi. Bu rahbariyat tomonidan xizmat sifatiga bo‘lgan e’tibor va jamoaga shaxsiy o‘rnak bo‘lishning yorqin namunasidir.

"Situatsion markaz"dagi kuzatuv kameralari orqali rahbarlar muloqoti tashkil etildi hamda jarayon masofadan turib o‘rganildi.

Xususan, qolgan davlat xizmatlari markazlarida ham ushbu funksiyalarni to‘liq joriy etish bo‘yicha tegishli ko‘satmalar berildi.

❗️Eslatib o‘tamiz, davlat xizmatlari markazlari shanba kuni soat 9:00 dan 15:00 gacha fuqarolarni qabul qiladi.

📌 Kanalga ulanish