#Namangan_viloyati
#Sayyor_qabul

Sayyor qabulda 30 nafar fuqaroning murojaati ko‘rib chiqildi

Namangan viloyati adliya boshqarmasi boshlig‘ining birinchi o‘rinbosari tomonidan Davlatobod tumanida aholi bilan ochiq muloqot hamda sayyor qabul o‘tkazildi.

Sayyor qabulda Davlatobod tumanining Gulobod, Elobod va Irvadon mahallalari aholisi ishtirok etdi. Qabul davomida jami 30 nafar fuqaroning murojaati tinglanib, ularning har biri belgilangan tartibda ko‘rib chiqildi.

Murojaatlarning 8 tasi joyida ijobiy hal etildi, 16 ta murojaat yuzasidan amaldagi qonunchilik asosida huquqiy tushuntirishlar berildi. Qo‘shimcha o‘rganish va ma’lum muddat talab etiladigan 6 ta murojaat esa tegishli choralar ko‘rish uchun tuman adliya bo‘limi ish yurituviga olindi.

Fuqarolar tomonidan bildirilgan murojaatlarning asosiy qismini uy-joy, kommunal xizmatlar, aliment undirish, meros huquqi hamda boshqa ijtimoiy-huquqiy masalalar tashkil etdi.

Bunday sayyor qabullar fuqarolarning muammolarini joyida o‘rganish, ularni qonuniy hal etish hamda aholining huquqiy xabardorligini oshirishga xizmat qilmoqda.

Bizni barcha ijtimoiy tarmoqlarda kuzatib boring
Telegram | Instagram | Facebook | YouTube | Bot

Yoshlar bilan uchrashuv – hamisha bayram!

#yoshlar_kuni

“O‘ZARXIV” AGENTLIGI DIREKTORI YOSH ARXIVCHILAR BILAN OCHIQ MULOQOT O‘TKAZDI

30-iyun — Yoshlar kuni munosabati bilan Adliya vazirligi huzuridagi “O‘zarxiv” agentligi direktori U. Yusupov agentlik tizimida faoliyat yuritayotgan yosh arxivchilar bilan ochiq muloqot o‘tkazdi.

Uchrashuv avvalida Yoshlar kunining mamlakatimiz hayotidagi ahamiyati, yoshlarga yaratilayotgan keng imkoniyatlar hamda ularning Yangi O‘zbekiston taraqqiyotidagi o‘rni alohida ta’kidlandi. Qayd etilganidek, bilimli, tashabbuskor va vatanparvar yoshlar mamlakatimiz taraqqiyotining muhim tayanchi hisoblanadi.

BATAFSIL: https://gov.uz/oz/archive/news/view/185662

—-
✔️ “O‘zarxiv” agentligining rasmiy sahifalari:
Telegram | Instagram | Facebook | OK | YouTube