✅Germaniya xalqaro huquqiy hamkorlik jamg‘armasi (IRZ) bilan hamkorlikda Ma’muriy javobgarlik to‘g‘risidagi kodeksning yangi tahririni ishlab chiqishga bag‘ishlangan seminar bo‘lib o‘tdi.

📍Bugun Adliya vazirligida Germaniya xalqaro huquqiy hamkorlik jamg‘armasi (IRZ) bilan hamkorlikda Ma’muriy javobgarlik to‘g‘risidagi kodeksning yangi tahririni ishlab chiqishga bag‘ishlangan ikki kunlik xalqaro seminarning birinchi kuni bo‘lib o‘tdi.

👥Tadbirda Adliya vazirligi, Oliy sud, Bosh prokuratura va Ichki ishlar vazirligi vakillari, shuningdek, Odil sudlov akademiyasi, Huquqni muhofaza qilish akademiyasi, IIV Akademiyasi, Jamoat xavfsizligi universiteti hamda Toshkent davlat yuridik universitetining professor-o‘qituvchilari va xalqaro ekspertlar ishtirok etdi.

⚖️Seminar davomida Ma’muriy javobgarlik to‘g‘risidagi kodeksning yangi tahririni ishlab chiqishda ustuvor yo‘nalishlar hamda sohani isloh qilishning konseptual yondashuvlari muhokama qilindi.

📚Xususan, Germaniyaning ma’muriy huquqbuzarlik sohasidagi ilg‘or tajribasi, huquqni qo‘llash amaliyoti va ma’muriy javobgarlikni tartibga solishning samarali mexanizmlari yuzasidan fikr almashildi.

🌍Shuningdek, Germaniya sud-huquq tizimida ko‘p yillik tajribaga ega bo‘lgan xalqaro ekspert Volfgang Zivert tomonidan Germaniya ma’muriy javobgarlik huquqining o‘ziga xos xususiyatlari, xususan, ma’muriy va jinoiy javobgarlik o‘rtasidagi aniq chegaralarni belgilash, ma’muriy organlar va sudlar o‘rtasida vakolatlarni taqsimlash va sud nazoratining samarali mexanizmlari to‘g‘risida ma’lumot berildi

📌Eslatib o‘tamiz, seminar ikki kun davomida o‘tkazilib, uning yakunida Ma’muriy javobgarlik to‘g‘risidagi kodeksning yangi tahririni ishlab chiqishga qaratilgan amaliy taklif va tavsiyalarni shakllantirish ko‘zda tutilgan.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

♻️ “Yashil sanoat siyosati va chiqindilar boshqaruvi — huquqiy asoslar va biznes imkoniyatlari: xalqaro va milliy tajriba” mavzusida xalqaro ilmiy-amaliy konferensiya bo‘lib o‘tdi

Adliya vazirligi huzuridagi Yuridik kadrlarni qayta tayyorlash va malakasini oshirish institutida ekologik xavfsizlik, “yashil” iqtisodiyot va chiqindilarni boshqarish masalalariga bag‘ishlangan xalqaro ilmiy-amaliy konferensiya tashkil etildi.

Tadbirda Oliy Majlis Qonunchilik palatasi, vazirlik va idoralar vakillari, yetakchi olimlar, xalqaro ekspertlar hamda ekologiya va huquq sohasi mutaxassislari иштирок etdilar.

Konferensiya doirasida:
🔹 qattiq maishiy chiqindilarni boshqarish;
🔹 ekologik va huquqiy tartibga solish;
🔹 davlat-xususiy sheriklik mexanizmlari;
🔹 ishlab chiqaruvchilarning kengaytirilgan javobgarligi;
🔹 radioaktiv chiqindilar xavfsizligi;
🔹 sirkulyar iqtisodiyot modeli;
🔹 xalqaro standartlar va milliy qonunchilikni uyg‘unlashtirish masalalari muhokama qilindi.

Tadbir davomida ekologik barqarorlikni ta’minlash, innovatsion “yashil” yechimlarni joriy etish hamda xalqaro hamkorlikni rivojlantirish masalalariga alohida e’tibor qaratildi.

Mazkur konferensiya davlat organlari, ilmiy hamjamiyat, biznes vakillari va xalqaro tashkilotlar o‘rtasidagi hamkorlikni mustahkamlash hamda ekologik siyosatni yanada takomillashtirishga xizmat qilishi ta’kidlandi.

🖥 Malaka oshirish kurslari haqida ma‘lumot olish uchun telegram kanalga obuna bo‘ling.

Ro‘yxatdan o‘tishga ulgurib qoling👇
📞 +998 55 518-47-77
+998 91 191-47-84

📱minjusttraining.uz 📱Facebook📱Instagram 📱Telegram