#xalqaro_hamkorlik

📣Adliya vazirligida Germaniya xalqaro huquqiy hamkorlik jamgʻarmasida (IRZ) Yaqin Sharq boʻycha loyihalar rahbari Sidi Kairi qabul qilindi.

🔹Joriy yilning 28-aprel kuni adliya vaziri oʻrinbosari M. Ikramov, Yuridik kadrlarni qayta tayyorlash va malakasini oshirish instituti direktori Y. Kanyazov va Germaniya xalqaro huquqiy hamkorlik jamgʻarmasida (IRZ) Yaqin Sharq boʻycha loyihalar rahbari Sidi Kairi oʻrtasida uchrashuv boʻlib oʻtdi.

❗️Uchrashuvda adliya vaziri oʻrinbosari M.Ikramov IRZ bilan adliya va huquq sohasida amalga oshirilgan loyihalar hamda istiqboldagi yangi tashabbuslar haqida soʻzlab berdi.

🔹Shuningdek, Germaniya Federativ Respublikasi Adliya vazirligi bilan huquqiy hamkorlik toʻgʻrisida Qoʻshma deklaratsiya loyihasi ustida olib borilayotgan ishlar muhokama qilindi.

❗️Sidi Kairi , oʻz navbatida Deklaratsiyaning imzolanishi kelgusida ikki davlat oʻrtasida adliya va huquq sohasidagi hamkorlikni kuchaytirishga xizmat qilishini, shuningdek, ushbu deklaratsiyada nazarda tutilgan masalalar bilan cheklanmasdan boshqa yangi loyihalarni amalga oshirishda amaliy yordam berishga tayyorligini bildirdi.

🔹Yuridik kadrlarni qayta tayyorlash va malakasini oshirish instituti direktori Y. Kanyazov institutning yangi vazifa va funksiyalari haqida soʻzlab berdi va taʼlim jarayoniga xorijiy ekspertlarni jalb qilish, hamkorlikda xalqaro konferensiya va seminarlar tashkil qilish va institut xodimlarini Germaniyada tajribasini oshirish boʻyicha aniq takliflar bildirdi.

🤝Uchrashuv yakunida M.Ikramov Germaniya xalqaro huquqiy hamkorlik jamgʻarmasi (IRZ) vakillarini 29-30-may kunlari tashkil etilayotgan IV Xalqaro Yuridik Forum “Tashkent Law Spring”ga taklif etdi.

Telegram | Instagram | Facebook | YouTube | Bot

📣Bugun, Oliy Majlis Qonunchilik palatasining navbatdagi majlisida O‘zbekiston Respublikasining “Intellektual mulk obyektlarini ro‘yxatdan o‘tkazish tartiblarini soddalashtirishni nazarda tutuvchi O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonuni loyihasi birinchi o‘qishda qabul qilindi.

❗️Mazkur qonun loyihasi bilan intellektual mulk sohasiga oid 7 ta qonunga o‘zgartirish va qo‘shimchalar kiritilishi nazarda tutilmoqda.

Qonun loyihasida quyidagi masalalar ko‘zda tutilgan:
🔹intellektual mulk obyektini ro‘yxatdan o‘tkazishda davlat bojini to‘lash uchun belgilangan 3 oylik muddat o‘tkazib yuborilganda, ushbu muddatni qo‘shimcha to‘lov evaziga (patent bojining 50 foizi) 6 oygacha uzaytirish;

🔹seleksiya yutuqlarini ro‘yxatdan o‘tkazishda talab etiladigan ayrim hujjatlarni (seleksiya yutug‘idan foydalanmaganligi to‘g‘risida deklaratsiya, sinovdan o‘tkazish uchun materialni belgilangan muddatda ixtisoslashtirilgan tashkilotga taqdim etish majburiyati) bekor qilish;

🔹sanoat mulki obyektlarini ro‘yxatdan o‘tkazish jarayonlarida talab qilinadigan davlat boji to‘langanligini tasdiqlovchi hujjatlarni taqdim etishni bekor qilish;

🔹EHM uchun dasturlarni va ma’lumotlar bazalarini rasmiy ro‘yxatdan o‘tkazish uchun taqdim etilgan talabnoma va unga ilova qilingan hujjatlarni belgilangan talablarga muvofiqligini tekshirish muddatini 10 kun etib belgilash;

🔹intellektual mulk obyektlariga bo‘lgan huquqlarni tasdiqlovchi muhofaza hujjatlarini yagona QR-kod (matrik shtrixli kod) qo‘yilgan holda elektron shaklda avtomatik tarzda berish;

🔹tovar kelib chiqqan joy nomini va (yoki) tovar kelib chiqqan joy nomidan foydalanish huquqini ro‘yxatdan o‘tkazishga doir talabnomada ifodalangan belgini ekspertizadan o‘tkazish muddatini 7 oydan 1 oyga qisqartirish;

🔹intellektual mulk sohasiga oid ayrim qonun hujjatlaridagi ayrim tahririy jihatdan o‘zgartirishlar kiritish.

Telegram | Instagram | Facebook | YouTube | Bot

❗️Turagentlik faoliyati uchun litsenziya bekor qilinadi.

📣Oliy Majlis Qonunchilik palatasining navbatdagi majlisida Adliya vazirligi tomonidan ishlab chiqilgan “Litsenziyalash, ruxsat berish va xabardor qilish tartib-taomillari yanada takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi Qonun loyihasi qabul qilindi.

❌Ushbu Qonun bilan 13 turdagi litsenziya va ruxsatnomalar bekor qilinmoqda.

✅3 turdagi litsenziya xabarnoma shakliga o‘tkazilmoqda.

✅Jumladan, endilikda Turagentlik faoliyatini amalga oshirish uchun litsenziya olish tartibi bekor qilinib, uning o‘rniga Turagentlik faoliyatini boshlaganlik yoki tugatganlik haqida xabarnoma yuborish tartibi joriy etiladi.

🔹Qonun loyihasining qabul qilinishi litsenziya va ruxsat berish sohasidagi byurokratik holatlarni bartaraf etishga xizmat qiladi.

☝🏻Mazkur Qonun loyihasi Senat tomonidan maʼqullanib, O‘zbekiston Respublikasi Prezidenti tomonidan imzolangach va qonunda belgilangan tartibda rasmiy manbalarda eʼlon qilingach, yuridik kuchga ega bo‘ladi.

Telegram | Instagram | Facebook | YouTube | Bot