Adliya vaziri oʻrinbosari N.Muxammadiyev Guliston tuman adliya bo’limi faoliyati bilan yaqindan tanishdi

Tashrif davomida adliya bo‘limi, yuridik xizmat ko‘rsatish markazi, davlat xizmatlari markazi va FHDY bo'limi xodimlari bilan suhbatlashib, fuqarolarning huquq va manfaatlarini himoya qilish, aholi va tadbirkorlik subyektlariga ko‘rsatilayotgan davlat va huquqiy xizmatlar sifatini yanada oshirish yuzasidan o‘zaro fikr almashdi.

Muloqot davomida sohada duch kelinayotgan muammolar tahlil qilinib, ularning yechimi yuzasidan  o'z taklif va tavsiyalarini berdi.

Shuningdek, faoliyat samaradorligini ta’minlashda shaxsiy mas’uliyat, kasb etikasi va odob-axloq qoidalariga rioya qilish, fuqarolar bilan muloqot ko'nikmasini rivojlantirish borasida tegishli ko'rsatmalar berildi.

📌 Kanalga ulanish

Sirdaryo viloyati adliya boshqarmasi faoliyatini kompleks tekshirish natijalari muhokama qilindi

O‘zbekiston Respublikasi Adliya vazirining tegishli buyrug‘i bilan joriy yilning 14-21 aprel kunlari Adliya vazirligi ishchi guruhi tomonidan Sirdaryo viloyati adliya boshqarmasi faoliyati kompleks o'rganildi.

Bugun Sirdaryo viloyat adliya boshqarmasida adliya vaziri o'rinbosari Nu’mon Muxammadiyev raisligida o‘tkazilgan yig‘ilishda boshqarma hamda uning tuzilmalari faoliyatini kompleks tekshirish natijalari muhokama qilindi.

Tanqidiy ruhda o'tgan yig'ilishda o‘rganish davomida aniqlangan qonunbuzilishlar hamda yo‘l qo‘yilgan xató va kamchiliklar keskin tahlil qilinib, faoliyatda sustkashliklarga barham berish yuzasidan tegishli ko‘rsatmalar berildi hamda kelgusida amalga oshirilishi lozim bo‘lgan ustuvor vazifalar belgilab olindi.

📌 Kanalga ulanish