“Bilim javonlarda changlanib yotmasligi kerak — uni boshqalar bilan baham koʻrish lozim. “Ziyo ulash” aksiyasi oʻsish va rivojlanishni istagan har bir kishiga kitoblarni yetkazishga yordam beradi.

Hamkasblarimiz bilan birga kitoblarimizni oʻqib tugatganimizdan keyin farzandlarimizga, ulardan keyin shogirdlarimizga va muxlislarga ulashishni odat qildik. Kitob oʻqing. Oʻqib boʻlgach, yoshlarga ulashing! Axir bitta kitob tafakkurni oʻzgartirishi, oʻzgargan tafakkur esa inson taqdirini oʻzgartirishi mumkin“.

“Inson hayotida hech kimni koʻrgisi, eshitgisi kelmaydigan damlar boʻladi. Ana shunaqa paytlarda faqat kitobdan maʼnaviy ozuqa olib, inson ruhi taskin topadi. Mutolaa shunchaki bilim emas, bu — kuch. Kitob oʻqiydigan inson doimo bir qadam oldinda boʻladi”.

“Adliya vazirligining “Ziyo ulash” aksiyasi haqida eshitdik va oʻzimizning kitoblarimizni davlat xizmatlari markaziga olib keldik. Aksiyaning gʻoyasi juda yoqdi: har kim kitobni oʻqish uchun olishi va oʻrniga oʻzining kitobini qoʻyishi mumkin. Shunday qilib, kitoblar almashinuvi sodir boʻladi va ular aholining koʻproq qismiga yetib boradigan boʻladi.

Boshqalarni ham aksiyada faol qatnashishga chaqiramiz! Bu orqali barchamiz yanada koʻproq oʻqish, oʻrganish, oʻzimizni va hayotimizni oʻzgartirish imkoniga ega boʻlamiz!“

“Ilhom, ragʻbat, bilim — bularning barchasini kitoblardan topish mumkin. “Ziyo ulash” esa bu boylikni boshqalar bilan baham koʻrish imkoniyati!”

Loyihaga o‘z hissasini qo‘shmoqchi bo‘lgan har bir yurtdoshimiz o’ziga yaqin hududdagi davlat xizmatlari markaziga o’zi o’qigan kitoblardan olib kelib, “bukkrossing” burchagida qoldirishi va oʻrniga boshqasini olishi mumkin. Shu tariqa kitoblar almashinuvi orqali ilm va ziyo tarqatilishiga erishamiz.

“Oʻqilgan kitob — bu yangi tajriba, yangi gʻoya, yangi maqsad. Har kim oʻz kitobini topish imkoniyatiga ega boʻlsin!”

Tashabbusga qoʻshilmoqchimisiz? Yagona sharti: oʻqib boʻlgach, boshqaga bering. Kitoblaringizni eng yaqin davlat xizmatlari markaziga topshiring. Ehtimol, aynan sizning kitobingiz kimnidir yangi yutuqlarga ilhomlantirishi mumkin.

Agar sizda ham oʻqib boʻlgan va uyda turgan kitoblaringiz boʻlsa, oʻzingizga yaqin davlat xizmatlari markazi yoki boshqa adliya organlariga olib boring. “Ziyo ulash” javoniga qoʻying va javondan oʻzingizga yoqqan kitobni shunday olib ketavering. Oʻqib boʻlgach, qaytib olib keling va yana boshqa kitobga almashtirib ketsangiz ham boʻladi.

Loyihaga oʻz hissasini qoʻshmoqchi boʻlgan har bir yurtdoshimiz oʻziga yaqin hududdagi davlat xizmatlari markaziga oʻzi oʻqigan kitoblardan olib kelib, “bukkrossing” burchagida qoldirishi va oʻrniga boshqasini olishi mumkin. Shu tariqa kitoblar almashinuvi orqali ilm va ziyo tarqatilishiga erishamiz.

Bu ijtimoiy loyiha, kitoblardan foydalanish bepul. Kitoblar soni ortib ketsa, kam taʼminlangan oilalarga ham sovgʻa qilamiz. Ehtimol, aynan sizning kitobingiz kimnidir yangi yutuqlarga ilhomlantirishi mumkin.