Яшчэ адна прыемная навіна напрыканцы дня – нараджэнне кнігі аб нашай Свіслаччыне ў серыі "У пошуках страчанага". Гэты ўнікальны фоталетапіс з'явіўся на свет дзякуючы сумесным намаганням, за што я вельмі ўдзячны члену Савета Рэспублікі Нацыянальнага сходу Рэспублікі Беларусь Віктару Андрэевічу Лісковічу і аўтару Уладзіміру Аляксеевічу Ліхадзедаву.
Кніга раскажа аб нашым куточку не толькі жыхарам Беларусі, але і тым, хто жыве за яе межамі.
Як старшыня райвыканкама я ўспрымаю выхад кнігі з гэтай серыі як значную падзею, але хацеў бы яшчэ ўбачыць кнігу з серыі “У пошуках створанага”. Створанага разам з тымі людзьмі, якія так цёпла мяне прынялі ў гэтым раёне. Я ўсім шчыра ўдзячны за тую стваральную працу, якую мы разам ладзім.

#свислочь #версоцкий #праздники #презентация #книги #лискович #беларусь #лиходедов #свислоччина #литература