كلشي شاهد عن مصابي ونايباتي
هنا خيمنه حتركن وركضن بناتي
عمي جابر عذبوني   حرمه والوادم ولوني

..
عمي ياجابر اسولف وانته تسمع
صعبه حرمه ابين ناس اجناب تطلع
العصر من ركضيت جمره برجلي تلسع
وسوطهم من ضهري احسن لحم يشلع

جم يتيمه ركضت وركضو وراها
عثرت سكينه وشمر يصرخ اجاها
صاحت ارحمهن امتوني    حرمه والوادم ولوني
..
 الحجر اتاذي ياجابر عثرته
عذباني هوايه التل من صعدته
جني مو زينب يعمي من نزلته
اخذ كل حيلي وبقتلي بس حسرته

اسمعة واحد يكلي وين ترحين
بيدي اكيدج بالحبل يااخت الحسين
عمي ياجابر اجوني    حرمه والوادم ولوني
...

عمي دخان الخيم ضيع بناتي
حرت احاميهن يجابر لو عباتي
حرمه اني وجيشهم من كل جهاتي
هذه اليسبني وهذاك ايطگ خواتي

بعيني شفته الجر سكينه من هدمها
رمله طاحت عالوجه من كد المها
امن الرمل راحن عيوني    حرمه والوادم ولوني
...

هنا رقيه حاصرتهه نار الخيام
تشتكيلي امن الجمر داستها الاجدام
هنا سنابك خيلهم داست الايتام
جلجل الليل وعله تراب وحصى انام

تغيرن من التعب جابر خواتي
صارت الهن خيمه ياعمي عباتي
لو يجون الفاركوني     حرمه والوادم ولوني
..
عالهزل للشام رحنه مگيدينه
عمي بحبل السبي معذبينه
حسين راسه عالرمح ينضر علينه
جرحه ينزف ابذبحهم لاﭼـمينه

حين طاحت طفله ياعم من ضعنه
دار عينه وعالرمح  ينضر وضعنه
ضاعو اهلي وضيعوني    حرمه والوادم ولوني
...
علي محسن الفرطوسي

الله يشهد مانسيتك
جيت المذنب اجيتك
ولو بس بالضيج اذكرك
بذنبي كل يوم اني اجرحك .. يمهدي يمهدي

**

اتمنه لولحضه اشوفك بيها كلشي احجيلك
اعتذر من كل جرح وذنوبي التهد حيلك
جبت عمري بروحي افكر ناسي ماادعيلك
ادري جروحك هوايه وغربه يمطر ليلك

ماتعزيت بعزائك
ضحكتي تعاند بكائك
جبل من ضيم اعله صدرك
بذنبي كل يوم اني اجرحك .. يمهدي يمهدي

**

امن إهلي جم يوم  ابتعد اشتاك لهلي وناسي
اذكرهم اني بالاسم وعذرني لسمك ناسي
المفروض اعيشنك وطن وتنفسك بنفاسي
يالمهدي خجلان اعتذر ماشلتك اويه حساسي

ماشلت هم لغربتك
دمعي ماهل لدمعتك
بالخطاء يامهدي اكسرك
بذنبي كل يوم اني اجرحك .. يمهدي يمهدي

**

دفتر اعمالي يمهدي ادنك امن تكلبه
يم امام العصر اوكف مقصر اوياه صعبه
بكل فرض واجب اندبه امن اسجد اعله التربه
المهدي محتاج الدعانه عمره عاشه بغربه

شنهي اخسر لواندبك
واجبي شي اني احبك
المفروض والواجب انصرك
بذنبي كل يوم اني اجرحك  .. يمهدي يمهدي

**

عفت كلشي واعتنيتك كله لجل عيونك
اكثر امن جروحك ادري ناس الي يجرحونك
واني اولهم يمهدي ذنبي هد متونك
اعلن التوبه اعله بابك يابوصالح عونك

اني بتقصيري اخبرك
اعمالي يالمهدي تذبحك
واني المفروض انصرك
بذنبي كل يوم اني اجرحك .. يمهدي يمهدي

**

واكف ابابك امامي مكور اباهاتي
الذنوب اثكال مهدي و هدلن جتافاتي
جفوفي طبعت فوك خدي وكِثَرَة صفناتي
انته جرحك ادري اكبر تصيح ياعماتي

عالهزل مجتوفه عمتك
طالت اعله الطف طلعتك
الدمعه والحسره تصبحك
بذنبي كل يوم اني اجرحك .. يمهدي يمهدي

**
علي محسن الفرطوسي

ياعلي ياعلي صرخت وره الباب
ياعلي ياعلي كل همي الاحجاب
...

فازع الشيطان وجيوشه اعله بابي
الغوث ياحيدر صحت نار بثيابي
توكع الدنيه اذا يوكع حجابي
نارهم يابل الحسن خطفت شبابي

ياعلي ياعلي  وجهي انصاب
ياعلي ياعلي كل همي الاحجاب
...

طاح محسن ياعلي يم عتبت الدار
صدري من العصره نابت بيه بسمار
لذت منهم وشتعل بابي علي نار
انصطر وجهي ونزف دم أمن الانضار

ياعلي ياعلي  هالجرح ماطاب
ياعلي ياعلي كل همي الاحجاب

...

الوفيت اوياهم انته مايفون
الجنت راعبهم علي بنضرات العيون
تمرجلو يم بابك وصارو يصطرون
وين حيدر ياعلي اسمعهم يصيحون
ياعلي ياعلي  صدر الوفه نعاب
ياعلي ياعلي  كل همي الاحجاب

....

من تغسل الحره بفيض الدمع
بهيده لاتلجمها مكسورة ضلع
ذابت الزهره مثل نار بشمع
من دفعها الجاني الخد منصفع

ياعلي ياعلي  جسم ام حسن ذاب
ياعلي ياعلي كل همي الاحجاب

...

يا علي بفكد الحبيبه  الله يصبرك
يا علي بهاي المصيبه انكسر ضهرك
فاطمه لاذت وره الباب اوتنطرك
يا علي بلي جره رادت تخبرك

ياعلي ياعلي  وينك يبو تراب
ياعلي ياعلي كل همي الاحجاب
...

علي محسن الفرطوسي

قصيدة لام البنين عليها السلام
......


گلب ام اعله الضنه ينزف حنين
وگفت اعله الباب تبجي ام البنين

.....
توكف اعله الباب كل صبح ومسه
نعمه النسيان لاكن مانسه
كلب امهم جمره اعليهم مسه
تنعه ونشغتها يوليدي حسين

...

تنعه ومن تنعه تفسر الصخر
اربعة الشبان راحو بالسفر
لوجبل عدها الكلب جان نفطر
فاكده والفاكد يحب الونين
..

تكعد بدار الولد وتعاتبه
تگله يوليد كسر ضهري الربه
يمه ياعباس جنت امحسبه
من اموت بجفك اتغمضلي عين

..

يمه اخذ بيه الكِبْر ماعدي حيل
ومن اموت لنعشي ﭼـا ياهو اليشيل
الضِْنَه گالو حِمل اهله يشيل
وانتم بطف كربله امبضعين

...

اوكف اعله الباب وانضر عالدرب
لاخبر لاطارش ايسر الكلب
بحسرتي وخيبة امل للبيت اطب
ورگتي يبسة وطحنتها السنين

...

موتي گرب والعمر راح انتضار
ودمعتي بخدي تصب ليل ونهار
اني امكم اعتب ودلالي صار
شمعة وحركتها ﭼـلمة يمه وين

.....
علي محسن الفرطوسي

قصيده لٲم البنين
.......

الفاتحه ا قروها  .. الها اهدوها
ام البنين   ام البنين
....
هايه ام عباس باب امن السماء
نحني الها الروس ونقدم الدعاء
يالوفيه والج تشهد كربلاء
الدنيه غرگتيها بالحب والوفاء

يل تشيعوها   .. الفاتحه اقروها
ام البنين     ام البنين
...
الله خالق طينتج من الحسين
ويل حنينج مثله مايوجد حنين
شاء ربج  من علي تتزوجين
لجل ابو اليمه نجبتي اربع بنين

اللبوه سموها  ..  الفاتحه اقروها
ام البنين      ام البنين
...
بعالم الذر ربج انطالج لقب
بابه الواسع وأسمج انكتب
ام كمر عدنان هذه اشرف نسب
وبعِروگج دم علي يالحره صب

ابٲسمه نسبوها  .. الفاتحه اقروها
ام البنين    ام البنين
...
مدري اشجم ملك بثيابج نسج
بشيلتج جبريل للدنيه عرج
يلي نورج صار من نور الحجج
اكرمج الباري باب لكل فرج

يلي تنخوها   ..  الفاتحه اقروها
ام البنين      ام البنين
...
يل بجيتي العمر كله اعله الغريب
وعاشريتي النوح لجله والنحيب
حسين بالدنيه اعز غالي وحبيب
انتي نور لكل بشر شمسه تغيب

بفاطمه ادعوها   ..  الفاتحه اقروها
ام البنين     ام البنين
....
علي محسن الفرطوسي

السلامُ على    عزيزة فاطمه
السلامُ  على    عزيزة فاطمه
....
الليله النور نازل الوداع النور
تعنتلج الزهره ام ضلع مكسور
وفيتي الامانه بكلبج المجمور
دمعج لجل ابو اليمه يغرگ ابحور


السلامُ  على    عزيزة فاطمه
....
وفاء الحضرتج رب العرش علاج
باب امن السمه ياٲم الكمر خلاج
يهل ربيتي ابد ماضاع حق ارباج
الليله الزهره تبجيلج بكثر ابجاج


السلامُ  على    عزيزة فاطمه
....

عمرج كربله ودمعج يصب نهران
وعله خيمهم قريتي سورة الدخان
ياقرآن قلبي المنذبح عطشان
الحوافر كالو بصدرك بقت نيشان

السلامُ  على        عزيزة فاطمه
....

يحره بكل عهودج انتي وفيتي
لجل حسين اربع ولد ضحيتي
وصيتج اعله زينب كمر وصيتي
بِيض وجهي يِمّهم يابعد بيتي

السلامُ على    عزيزة فاطمه

...

ياأم عباس زينب هاي بالدمعه
حضرتلج يحره وعالنعش تنعه
واجاج حسين  وياه امه البضعه
حضر  عباس بس زنوده منكطعه

السلامُ على    عزيزة فاطمه

...
علي محسن الفرطوسي

ستشهاد السيده زينب عليها السلام
....

الدار فرغت من أهلها.    زينب تقرب أجلها.
واليفاركله حبايب   يعني مات أمن المصايب
....
مضلمه الدور والوحشه تغطيها
مثل الغار هندس ضوه ما بيها
قبل جانت أهلها إلي تضويها
علي الرد الشمس هلبت يردهم
أعز من روحي اخوتي افتقدهم
مايدرون حسره تموت اختهم

إلي مثل الشمعه ذايب..  يعني مات أمن المصايب
كربلاء مشتاقتلها   الدار فرغت من أهلها
...
احنه إلي تصدقنه بمحابسنه
وجبريل الوحي ينزل يجالسنه
ابطف كربلاء ضحينه بنفسنه
اخوي انه الي ماكو مثله بالناس
الله خالقه من نور وحساس
دخيلك ياكمر عدنان عباس

التلگه گلبه وراسه شايب.. يعني مات أمن المصايب
الدمعه بغيابك اهلها    الدار فرغت من أهلها
...
عشت العمر غربه معاشره الونات
احاور والحوار تكتبه الدمعات
موضوعي السبي وعالنوگ مجتوفات
آثار الحديد بجفي مطبوع
احس بسوطهم كسرلي ضلوع
وبياوكت صوتي يصير مسموع

الشايف بعينه النوايب ... يعني مات أمن المصايب
زينب اطشر شملها.     الدار فرغت من أهلها
...
خبر منكم اريد الليله يخواني
ردت عباس بيده ايحضر اجفاني
النعش ينهاب لوحضروله ولياني
لجن صعبه إذا موتي تقرب
ولا يحضر اخوي إلي تسلب
ردت عباس فوك القبر ينحب

الودع وعينه تراقب... يعني مات أمن المصايب
جنازتي ياهو الحملها.. الدار فرغت من أهلها
...
مثل ماي وتبده عمري وراح
والمفارگ.  الليل  يزيده اجراح
نذبح گلبي وبعد ماردله سباح
يمه الليل بين بيه الوداع
يزهره زينبج حضريها ابساع
غمضي عيونها وزيحيها الاوجاع

الغطه راسه بالترايب.    يعني مات أمن المصايب
من بعد إلي كفلها.  الدار فرغت من أهلها
..
على محسن الفرطوسي

ستشهاد السيده زينب عليها السلام
...

ياعباس ياعباس عادتك نشمي وتحن
ياعباس ياعباس وينك بوكت الدفن
.....
عاشت بروحي المصيبه عمري نار وخيمه
كل عصر أيمر عليه احس روحي بهيمه
تنجوي طفله وتطيح اواني افزع غيمه
كلبي ياعباس ميت من حنانه وضيمه

بالمصاب بالمصاب  اني يوميه امتحن
ياعباس ياعباس وينك بوكت الدفن
.......

وينك انته يابوفاضل موتي حان الليله
الأخت يتنومس نعشها لو اخوها يشيله
كبري ابأيدك تحفره والتراب تهيله
عشت غربه وامتت غربه والدمع شد حيله

صحت صوت صحت صوت للنعش حِضْر المتن
ياعباس ياعباس وينك ابوكت الدفن
......
ديره غربه وناس غربه عشت كل ايامي
يابوفاضل وأنه بيك مودعه خويه احلامي
وين باب الله الوسيعة ال عالنهر ضل ضامي
مالي غيرك وانته تدري الشوك زاد الامي

بالنفاس بالنفاس اصرخ ادخيلك وون
ياعباس ياعباس وينك ابوكت الدفن
......
بكربلا ضيعت كلشي هيبتي وخواني
الشمر سوطه ضربني وعالوجه ذباني
حرگ صيواني عليه وعالجمر مشاني
للتل تعنيت اركض حشمت ولياني

يكفال يكفال   اصرخ بصوت الحزن
ياعباس ياعباس وينك ابوكت الدفن
......
بالمصايب عمري راح وعاشريت امصابي
بعده دخان المخيم عطره اشم بحجابي
اعله بابك راح اتاني بلكي جيت احبابي
راح اموتن انتظار وعيني ليك اترابي

تردون تردون   يمته مو ذاب الجفن
ياعباس ياعباس وينك ابوكت الدفن
......
علي محسن الفرطوسي
https://t.me/AliAlFartusi

كأني بزينب تقول لحظة وفاتها روحي لها الفدا
.....

جرحتني ٳصعب أيام .. بطف كربله ورض الشام
ميته انه يم شاطي النهر  .. روحي
كلما يمر طاري حسين .. اتمنه ياخذني البين
بس الجسد بي تنهش .. جروحي
           
*..................................*
انه زينب ياخلگ و ام المصيبه
گلبي عاشر حزنه من فارگ حبيبه
رايح الغالي يدهري منين اجيبه
راحو امن ايدي  وبقة زينب غريبه

ايدي اعله خدي ٳعله الباب .. بلكت يجون الاحباب
العشت وياهم عمر  .. روحي
بس النفس والضلوع  .. ماضل الي غير دموع
بس الجسد بي تنهش .. جروحي

*..................................*

اصفن اويه الروح اكولن انتضرهم
اهلي غياب ويجوني من سفرهم
والله دوم ابالي وبعيني صورهم
كون ماتو ليش اشتم  بعطرهم

كلما يهز بي الشوگ  ... اذكر هوادج ونوگ
ولي يركبني كمر  ..  روحي
لاكن رجعت ابيا حال .. لا هودج وفوگ اهزال
بس الجسد بي تنهش  .. جروحي

*..................................*

ذكريات ايامي صعبه لو ٲذاكر
الكوفه خلت جرحي بدمه يگاطر
امضه من سيف الذبح هاي النواضر
الشماته اتحوطني داير مداير

يجرحني ال ينضر عين ..  اكثر من اجروح حسين
الشمر نضراته ذبح .. روحي
والكوفه خلتلي جروح .. كل نضره تاكل الروح
بس الجسد بي تنهش .. جروحي

*..................................*

راحو وعافوني بوحدي الاودهم
تحت الاتراب وذبل وسفه وردهم
روحي تترك روحي من انصر جسدهم
وذر طرشهم  شفت سيف الذبحهم

وعبد الله حاله اشصار .. ادري الرمل كلش حار
جسمه ترف  مايحتمل .. روحي
ياكربله اكسرتي گلوب .. امن مصيبتج روحي تذوب
بس الجسد بي تنهش .. جروحي

*..................................*

من كثر شد الحبل ويل الزناجيل
بعد مابي حيل ٲوكف جسمي ٳنحيل
اختارو  احبال الثگال اعله المداليل
أورقيه اصغيره والدم منهه ايسيل

ختارو خشن حبل الايد .. حته الالم بيدي يزيد
مظلومه بدرب اليسر .. روحي
وسوط المتن خله اثار .. من ضربه حالي اشصار
بس الجسد بي تنهش .. جروحي

*..................................*

هوه اليفكدله غالي شلون يرتاح
لو يجن ليله عليه يجيب الاجراح
واني لا واحد ولاخمسه الذي راح
امن ايدي راحتلي عشيره فرد مصباح

بيت وفرغ من اعزاز .. ومحد خذاهم جناز
ضلو على ارمال الذبح .. روحي
ابلا دفن لاتغسيل  .. كل واحد ادمومه تسيل
بس الجسد بي تنهش جروحي

*..................................*

اذكرت كل الجره بيه وخواتي
بلله ياعالم سمعتو بذكرياتي
ياهي اشد . ياهي التبجي بنايباتي
كلهن ايبجن واشدهن ياعباتي

طاحت خيم وي ارجال .. وبالطف تدهور كل حال
بس العبايه اعله المتن .. روحي
يازينب اخيوطي احساس .. علمني احمي عباس
بس الجسد بي تنهش جروحي

*..................................
على محسن الفرطوسي

https://t.me/AliAlFartusi

للتواصل مع الشاعر .https://t.me/Alimhassen

اسعد الله أيامكم بذكرى ميلاد أسد اللّه الغالب علي ابن أبي طالب

قصيده لستشهاد الامام الكاضم عليه السلام
...

بألم لفراك وهمومه
يبويه انه معصومه
تبده الماي شيلمه
تبده الماي  تبده الماي

@@@@@@@@@

بألم وبنوح   وكلب مجروح
حمام الدوح  يبويه مايون وني
عله الاهات     عله الونات
بعد هيهات    افارك جرحي وحزني

اجلبنك يليلي والجفن ساهر
وكل اليوم اليمرني انتضر باجر
ولا ادري ببويه اشجره وصاير
عليه دمعاتي تجري والفكر حاير

اهيم بعالم اوجاعي
وحس تتكسر اضلاعي
بشفاهي تعثر الكلمه
تبده الماي  تبده الماي

@@@@@@@@@

بسجن محبوس   ضوه الفردوس
الگلب متروس     شوك وكل نبص ونه
يبويه شلون         متى تعودون
يهل المسجون      سجنك اخرك ﭼـنه

اكابر والدمع صاير الي سلوه
هجركم جمره وبيه كلبي تجوه
تره الفاكد عزيز بليله يتلوه
الاسمها فاطمه ليش بدمع تروه

الحزن والهم لوه شراعي
منك مااجه الساعي
الليالي موحشه وضلمه
تبده الماي  تبده الماي


@@@@@@@@@

عليك شلون      اغمض عيون
يضل مرهون     گلبي بالسجن وياك
اون بهداي        بدمع عيناي
سمعت اهواي    السجن قاسي ولا رحماك

اجلبنك يليلي ومانمت لحضه
انه معصومه بويه لحالي ماترضه
لصلاتي بمدمعي يالغالي اتوضه
لان ادري الحديد لجفك يرضه

بسجن هارون متغيب
گلبي وراسي مشيب
سجانك بلا رحمه
تبده الماي  تبده الماي

@@@@@@@@@

گلب مجروح      حلم مذبوح
عذاب ونوح       على موسى ابن جعفر
دمع منثور          يغرك بحور
جنح مكسور      على بتك تضل تسهر

بالحسره اهدنه جبل حمرين
وغرك بالدمع بويه بحر قزوين
يشهد الله ماتنشف دموع العين
غريب وعالجسر ومقيد الجفين

ياراهب بني هاشم
اون اعليك يالكاضم
بدر ومنور الضلمه
تبده الماي  تبده الماي


@@@@@@@@@

يهل المسموم         يهل المضلوم
يهل مهموم           شعوري فاگده وثكلى
حسبت حساب       يهل الغياب
الجرح ماطاب        وتنوح اهل السمه لجله

 عليك ابلا شعور دموعي هماله
وناشد نعش ابويه ياهو الشاله
اريدن راعي ثاره يداعي كتاله
مات بغربته وماشافته عياله

غريبه ودمعتي بخدي
عشة مهمومه بوحدي
اعله گلبي جروحي مزدحمه
تبده الماي  تبده الماي


@@@@@@@@@

علي محسن الفرطوسي

https://t.me/AliAlFartusi


  

........


محمد بدرك اعله الكون .. منهل
يبحر الوفه وحبك صار .. منهل
نبايع نسمة الريحان .. منهل
عبير الجنه بهاي المسيه
...
الارض ربنه لجل طه .. وطاهه
وآله  اهل الكرم ايه  .. وطاهه
صدح صوت الفرح  طه  .. وطاهه
تخلي بمولده نصلي سويه
....
علي محسن الفرطوسي




.https://t.me/Alimhassen

يارِجْوِتي بكل شدتي       يارب محمد يارب
البيت صاير مقبره           وبغياب ابوي اتعذب
راحت رقيه بالضعن          وموعد جروحي اتقرب
هوه اليفاركله اخو            بالخيمه ﭼـنه تسلب


٢٨ رجب / ٦٠ هـ
خروج قافلة الحسين (ع) من المدينة ، لتبقىٰ فاطمة العليلة من بعده وحيده

(اخر ما تبقى من رواديد تراث اهل البيت)
الرادود الكبير جاسم النويني في ذمة الله
احر التعازي الى اهله وخدام الحسين جميعا برحيل هرم من خدام المنبر الحسيني
انا لله وانا اليه راجعون