#فقرة_نصايح 😍


كالعادة..اكتبو اي شي يعجبكم بالبوت🤓
@maloka97_bot
اي مشكلة عندج بالبشرة او الشعر..أو بالميك_اب..او بالكريمات.. أي شي

اجمعهن كلهن ..وب12بليل انزلهن بالقناة وي حلولهن🙂❤️

مساء الخير حبايب
وهسه رح نبدي بفقرة المشاكل والحلول

ماشاء الله كومة 😍رسايل اجتي عل بوت
هاي ينرادلها كعدة معدلة وتحضرون حبشكلات..كرزات وجبوسة😂💜

#ملوكه

#مشاركه
هلوو اولا كُلش احب فقراتج ❤️
ثانيا. أريد تمارين حته احصل ع جسم مثالي. يعني مثلاً للارداف

#رد
يعمري😍فدوة الج

اذا تريدين جسم مثالي..سوي تمارين الكارديو..الفيديو دزيته فوك👆🏻
وحاولي اشكد ماتكدرين اشربي ماي

ورياضة أرادف...بي نوعين 🤓
اكو رياضات تكبر واكو تضعف
فاذا تريدين تضعفين..بالهرولة والحبل والرقص
واذا تريدين ..تكبرين بهلفيديو اول واحد👇🏻👇🏻

مشاهدة "5 دقائق | حركات " السكوات " لتكبير المؤخرة" على YouTube
https://youtu.be/rLid3oTA8UI

مشاهدة "رياضة عارضات الأزياء - نحت المعدة والافخاذ - Model Workouts for Abs and Thighs" على YouTube
https://youtu.be/qqnGpuNAPPE

مشاهدة "DANCE MONKEY - Tones and I | EJERCICIOS en CASA" على YouTube
https://youtu.be/IJDlbz9YxKg

بنات بالنسبة اللي 😎رح تلعب رياضه

أول شي البسي شي خفيف ومناسب للرياضه..يعني مترهم تلبسين دشادشة😂 وتلعبين
علمود تاخذين راحتج بالرياضه ومتتقدين

وثانيا....شي طبيعي🙂أول يوم رح تحسين بفخذج لو ايدج توجعج..هالشي كلش عادي..لأنو جسمج متعود عل الخمول والعضلات خامدة...فبالتدريج العبي رياضه ورح تتعودين يوميا..اله تلعبين

وثالثا..حطو أي نغمة سريعة تعجبج..هالشي يطي الج حافز وتشجيع ويصير الج واهس😍

#ملوكه

#مشاركه
شعري كولش خفيف ودًا يتساقط بصوره مو طبيعيه

#مشاركه
مساء.الخير
اني شعري كلش خفيف ويتساقط لان سويت لشعري كرياتين وبدا يتساقط خليت زيوت هواي ومافاد وشامبو هواي استخدمت لشعري بس خفيف ويتساقط اريد وصفۃ تثخن لشعر

#مشاركه
اريد خلطه لتطويل لشعر

حبايب اللي تريد تثخن شعرها ..بخلطة ماي البصل وذاك الاسبوع هم ذكرته هسه اسويله توجيه ..وشوفو
طريقه مكتوبه بالتفصيل🤓

طبعا الكراتين💔 ماانصح بي..لأنو اغلب ناس ضرهم أكثر من الافادة..وخاصه اذا شعر خفيف..فيسبب تساقط كلش قوي

★وعل تطويل الشعر كل 3 أيام..خلي زيت زيتون أو زيت خروع عل شعرج
قسمي شعرج نصين وابدي خصلة خصلة..من فروة راس لنهاية الشعر ..وركزي عل الأطراف
هالطريقه رح تقلل من تقصف الشعر ورح تطوله

وخلي عل شعرج فد 4_5 ساعات..ووراه غسلي بالشامبو
ومن تطلعين من الحمام❌ لاتمشطي وهو مبلل..لانو شعرايه تتاذى ورح يتساقط عندج بشكل فضيع🤦‍♀

عوفي فد 15_20 دقيقه يتجفف عل طبيعته..ووراه مشطي ..وسشوري او اكوي

هاي الخطوات..اذا تسويها رح🙏 تدعيلي

سويتها اني كلش حلو صار شعري وعبالك مسويته بصالون😍❤️

خلطة ماي بصل🙂👆🏻..منا طريقه

#مشاركه
عندي شامات وتصبغات خفيفه وارد اتخلص منهم وأريد اوحد لون جسمي ❤️☹️

#رد
بالنسبة للشامات أول شي حبيبتي كون تعرفين هاي الشامة ..اشوكت طلعتلج من الولادة ..فهاي يعني وراثة
واذا فجاة طلعتلج فهاي☹️ عندج خلل بالغدة وهرمونات..وكون تنتبهين اذا شامات لحمية..ميصير تلعبين بيها اله دكتور جلديه يشوفها

موضوع شامات بي حجي اهواي
فمن اخلص هالفقرة ..احجي عنه بالتفصيل😍 وتدللين

وسالفة تصبغات حطي ماسك بياض البيض يعني نتيجه اللي رح تشوفيها روعه😻💜..رح اسوي توجيه اله👇🏻

وتوحيد لون جسم
ان شاء باجر انزل خلطات خاصه بهالشي❤️

ماسك بياض البيض🤓👆🏻 وطريقته بالتفصيل

#مشاركه
السلام عليكم اني صراحة ما اعرف ب الضبط بشرتي دهنية لو لا بس دائما اكو دهون حول الانف و الحنج ف مشكلتي لمن اخلي مبييض سواء كان كريم دهني او باودر بس يتعرض للرطوبة او الشمس يموع ع الوجة ويكوم وجهي يلمع😁😁واني طالبة جامعية وهواي اتعرض للجو والشمس خلال الدوام اشلون اعالج هذي المشكلة

#رد
هههه..عادي حبيبتي هالشي كلش طبيعي
لأنو أكثريه دنمر بهالحالة وأني اولهن😂

اول شي اذا شفتي دهون بس يم الأنف والحنج والكصه وخدود جافة فبشرتج مختلطه🙂
واذا وجهج كله بي دهون وي خدود
فبشرتج دهنية

فمدام انتي بس يم الأنف والحنج.بشرتج مختلطة

فانتي شتسوين علمود كريم😣 ميزيت ويلمع
اول شي قبل ماتخلين ميك اب..رطبي بشرتج بأي مرطب وانصحج بمرطب جونسون
هالنوب خلي واقي شمسي وعوفي فد 3 دقايق..لمن بشرتج تمتصهن
ووراها خلي فاندوشين وبعدها ثبتي لو بلوس باودر...او عادي بأي باودر

فمن يصير بالجامعه..ريست
خلي اشويه باودر ..لاتكثرين لأنو يتكتل ويصير الوجه😂🤦‍♀ مچفح
مجرد مسحه خفيفة بالباودر..وهاهي

سوي هالخطوات وتضل بشرتج توب😍

#مشاركه
وقناتج حيل حلوه الوصفات والنصایح والقصص

#رد
يعمري فدوة 😍🌸لكلبج

#مشاركه
هلوو حبيبتي شلونج عندي مشكلة التصبغات بالبشره ومشكلة التقشير كم مره بالاسبوع بشرتي مختلطه

#رد
طبعا تصبغات البشرة لو تصير من الشمس لو من هرمونات الجسم لو نقص بالفيتامينات..
فسوي ماسك بياض البيض يصفي البشرة وخاصة الروس سود عل الأنف...
كلشش احب هالماسك 😍واني مجربته...بالاسبوع مرتين سوي..

سويت توجيه اله فوك👆🏻.مكتوب طريقته بالتفصيل
والتقشير بالأسبوع مرة.. وحاولي اي شي تسوين من ماسك لو تقشير..بالأخير رطبي بشرتج بماي ورد..خفيف عل بشرة ويسوي مثل انتعاش🌸

#مشاركه
وكذلك مشكله التعرق الزائد الي يسبب اليه احراج رغم اني مااقوم بأي مجهود بس اتعرق بشكل فضيع شنو سبب

#رد
طبعا اختي نفس الحالة☹️... واله أهواي أسباب..منها فرط بالغدة الدرقيه
لو الالتهابات بالجسم لو شرب الشاي والببسي والقهوة..هذيني لبعض الناس هم يسبب زيادة التعرق
لو أكل البصل والثوم والبهارات والفلفل هم يسبب زيادة

فشتسوين.. ☺️باليوم اسبحي مرتين وحاولي بالاخير لمن تخلصين..تسبحين بماي بارد حته يسد مسامات
وحطي عل جسمج بودرة مال اطفال..رح يقلل من التعرق

#مشاركه
أريد طريقه لعلاج حبوب الظهر تعبت منهه واني صار عمري 23 وبعدها تطلع وبشكل كبير وسويت الكثير من الخلطات وشرب الماء ورحت ع طبيب مختص لكن رجعت شنو اسوي😭

#رد
حبي كون تشوفين بالأول ☹️شنو مشكله الحبوب...حب شباب لو حبوب روس سود لو بثور لو يجوز من هرمونات الجسم لو حرارة لو يجوز من أدوية وطلعتلج

واني اعرف بنات هم جانو يعانون من هالشي..بعد فتره راح كل هالشي
لانو هاي فترة عمريه..تمرين بيها

اهم شي يوميا اسبحي ..وحاولي تغسلين لو بصابون ركي لو بصابون ديتول

اني سامعه أنو كريم الأكرتين لو دفرين
يبس الحبوب اللي بالوجه ويقلل منه
وخاصة كريم دفرين اهواي استفادن منه

فانتي كون تسالين طبيب معروف ومختص ..اسالي شنو نوع الحبوب
واستفسري منه عل هالكريمين..شوفي اذا يفيدج حته تاخذين منه🌸