قۣۗـۙصۣۗـۙصٍ 📖ۆبۣۗـۙسۣۗ 💯

#لُحُظٌاتْ مٌنَ الُْعمٌرَ 🍂 الُجْزُء الُثُانَي
للكاتبة ام مصطفى
الجزء الثاني
البارت التاسع

بعد اسبوع
ميقات
مسلم باع كل غراضة وانتقل فوك يمنا وعراضي نزلتهن جوه اووف حييل انقهرت عليهن بس لخاطر مسلم خطية تعلم ع عيشتة وحده صعدنا ملابسهم اني وحسنات وسفطنه الغراض وكتب وجنط البنات
ونزلنا كلشي جاهز
الصبح تفاجئت بجيت ام رعد ووسام وميساء النا
ماادري ليش ختلت بالغرفة وكمت ارجف جنت حيل خايفة من هاي الخطوه
بس لازم افكر للمستقبل صح رعد احبه وماناسيته بس ع كولة بيبي عدج ولد يرادلهم رجال فوكاهم وماالكة واحد يقبل بيه اني ولدي غير ووسام ويحن عليهم
بس جنت مترددة وخايفة وخجلانه
بيبي دزت حسنات علي اطلع
-جنات كومي يردوج
-منوو بيبي تريدج وتكول خل تبدل وتعدل وتجي كليلها امر من بيبيتج هذا
هههههههه
-والله بيبي الحكومه والبرلمان مايلحكها بالقرارات
وج استحي اطلع هسة يكولون ماصدكت اووف ربي والله موقف
-دكومي كومي ياعيني تعرفين بيبي من تصدر قرار ع الكل لازم ينفذة
اي جاية بس بدون تعديل وتبديل هو اسود لابسة صار سنين شبدل بعد
-اكلج خاف بيبي قصدها تلبسين الوان وتجين
-يا شبيه تخبلت مو عيب شيكولون مصدكت وراحت ذبت الاسود
-لا كايمة هيج بس تعاي وياي الولد وين
-يم عمهم وسام وحيدر بالاستقبال
ها زين
كمت
طبيت كوه وارجف عبالك اول مرة هاي
سلمت ع ام رعد عمة شلونج
هلة ابنيتي انت شلونج شخبارج زينة
الحمد لله
ميساء شلونج حبيبتي
حياتي الله يسلمج مشتاقة الج
واني اكثر شوكت تزوجين
والله هذا الاسبوع ان شاء الله
-يارب بالتوفيق والرفاه والبنين
-اعزمجن مو متجن كلجن تجن وي سارة
-ان شاء الله حبيبتي نجي كولنا ادللي شعدنا اذا قبلوا الولد نجي نغير جو صار شكد محبوسين والله شوفي هاي كعدتنا لا طلعة ولا طبة
-حبيبتي صحيح
بيبي حجت
ميقات الجماعة جايين يخطبونج لوسام وانه رضيت بس بشرط يجون يحطون يمنا
دنكت وكلت بكيفج بيبي
اي فدوه اروحلج مو مثل فاتن حمامة شايفة روحها علينا سيدة الشاشة العربية
-ههههه ضحت حسنات
سارة بيبي شبيج علي اشفتيني وشايفة روحي لابسة ذهب والفلوس اطيح مني منا ومنا وشفت روحي عليكم
-انجبي ولج لا تلاسنين هاي كدام امج بتج تعافت شفتلها رجال دكتور وشاب وزينة الشباب وزوجتها اله ورضى بيها
وهي ماراضيه شايله خشمها
وحك علي اذا تضل هيج لزوجه بت ١٤ حلوه وصغيرة واخلي يتونس بيها
بت ارمله وجبيرة وفوكاها ماراضيه

اباوع ع ميساء وجهه كام يطي الوان
حجت ام رعد
حجية هي ماهويته من زمان ومعتبرته اخوها تره والزواج مو غصب
-ها طابكة وياها جا خوش تتندم ع حويدر وحك علي تعض اصابع الندم تراه متحنلها لخاطري
-حجية عوفينا من سارة همه يجي يوم ويتراهموون ان شاء الله
خلينا بميقات اني جاية وجايبه وسام وحسام وعمهم وياي
اجينه نعقد الهم سيد هسه وورة عرس ميساء اخذها
-ماكو عرس اذا ماتشيلون هنا ربونتنا
بس حجيه البيت خاف يطول يله ينباع شلون
اكعدوا هنا اجروا هذا بيت مسلم جان ماجر بيه فرغ اكعدوا بيه ع ماينباع بيتج
ماادري حجية اخذ راي ولد وعمهم مو بكيفي
ع راحتج واحسبي حساب حصة رعد اخليها باسم ولده اخذوا بيت جبير والهم نص بالبيت انه مااريد جهال ولدي يعيشون بغير بيتهم
حتى يضل بيتهم ومحد عليهم يمن
-لا حجية شيمن غير نخليهم بعيونه
-اي جان خليته بزرتج شمرتيهم وعرستي
-حجية ضروف ماتنسين انت
-لا ماانسى وكومي جيبي ولدج هنا اشرط عليه
طلعت ام رعد
ردت اكوم كعدتني بيبي كعدي وين

كلش استحيت متت خجل يمة بس لا يطب حيدر لو مسلم ويشوفني شيكوول ماصدكت
طبت عمتي ووسام مستحي كايد عقيل بيدة
السلام عليكم
وعليكم السلام
بيبي كالتله هلة بيك وليدي
انت جدة شتشتغل
اني حجية مخلص تجارة ومتعين بالشرطة الاتحادية
-ها خوش
اكلك جده هاي ميقات شوفها زين خاف باجرد دكول ماشفتها ارفع راسك لا تستحي جدة
وانت ميقات رفعي راسج كل يشوفج
استحيت ارفع راصي ومااحس اله كرصة من بيبي خلتني اكمز مو بس ارفع راسي
-اه شفتها جده عدها ثنين اولاد
-حجية قابل ميدري
-اسكتي انتي خل انه احجي جده ذول ولدها عدهم ورث ابوهم اله ربع بهذا البيت وخوالهم هم يجملونهم وانه مني وناخذ الهم نص قطعة تريد تكعدون بيها وحيدكم تردون تشترون قطعة كاملة وتسجل نص البيت باسمهم انت بكيفك وع شرط تجي بدربونتنا خوش جده
-ان شاء الله حجية احنا هواي هنا ابغداد وحتى دوامي اني هنا
-اي جا خوش بس بعد جدتك شفتها ميقات زين محد ترة غاصبك وهاي كدام الكل والجهال مااوصيك فرخ اخوك ذول
-اي ان شاء الله بعيوني لا تخافين حجية
-جا كوم جيب سيد واعقدوا خير البر عاجلة
-ان شاء الله
كام وسام واني كلبي يدك يدك من الخوف
كمت عود
صاحت علي ثوبج الاسود جده ذبيها مايصلح تعقدين باسود وجده رعودي الله يرحمه بعد تره موش سهلة علي ازوجج غيرة بس انه اريد مصلحتج ياجده عدج ولد والولد يرلهم زلمة يربيهم وانت بعدج

زغيرونه
باجر انه اموت وهاي تعرس وامج تموت تضلين مكابله فاتن حمامة ترة وجهج بوجهه انه اكلج

طبيت وطبت سارة وراي
-ميقات هيج بسرعة وافقتي اني مصدومة منج بسرعة بعتي رعد وراح تذبين الاسود هيج بكل سهةلة
-سارة عمري ماادخلت بيج لا اني ولا خواتي بس هالمرة اكلج انت غلطانه اني من وافقت مو معناها نسيت رعد لا والله الله شاهد معلك بكلبي بس لازم ازوج لخاطر جهالي واني هم احتاج رجال الوحده من عدنا تحتاج رجال بحياتها
وانت سارة فكري زين حيدر كلبة طيب اكسبي الج وكافي مشاكلى
-ترة اني مااكرهه بس مااتقبله افهموا ياناس استحي منه مثل اخوي عايش وياي ومعتبرته اخوي الصغير
والله يشهد علي من كلت لبيبي قابله كل ضني هو يرفض ع مود ميساء ماصورت راح يوافق اليوم وباجر اني مطلكة ويجوز افكر مثلج وازوج بس حيدر لا
-ع راحتج والله يوفقج بحياتج
غيرت ملابسي وطلعت
اي ذبيت ثوب الحزن وطويت صفحة وبديت بحياة جديدة رعد بالكلب ماانسى بس الحياة لازم تمشي ومحد متوقع شراح يصيرله بمرور الوقت

عقدنا اني ووسام وطلع للاستقبال
حيدر طلع شاف ميساء واكفة يمي
اجة صار كبالها
-الف مبروك ع الخطوبة ميساء!
-الله يبارك بيك
دار وجهه وراح بس خطية اثنينهم جاموا متحطمين والدمعة بعيونهم
مكتوب الهم يتفرقون خطية
ثاني يوم جان يوم جمعة خابر عمر ابن عمي كال باجر غداكم يمنا وذابحين الكم خرووف الكل يجي
مسلم كال عييب
كلنا نروح همه اجوا كلهم احنا هم لازم نروح
اتحضرن
حسناات طارت فرح راح تطلع ولبيت عمي
كل شويه مطلعة لبسة
ميقات البس هاي
بكيفج
لا هاي احلى مو صح
وج ثولتيني كلهن حلوات
اي والله حلوات واشتري واضم حتى مملبوسات خرب حضي محبوسين بهالبيت حتى لخوالي بطلنا متروح
-شنسوي قدرنا هيج
اكولج كومي للترك حفيلي شواربي خاف امي تشوفني هنا وترزلني
-مااتورط وياج اني شفتي ذيج المرة شبعتي رزايل من وراج امي هاي عقليتها البنية ماتحف اله تنخطب
يعني عليج الله اروح بهاي شواربي مال ابو شهاب وحواجبي مال الزعيم
حتى الله ميقبل دكومي شبيج واني اصخم شواربي مااخليها تحس حافتهن
هههههههههه خرب بليسج حلوه مال تصخميهن
يمعوده لعد شسوي امي اوفر كلش دكومي حبابه ببكت يشوفني مهيمن وينعجب بيه امداني حتى هو احلى مني
-الله يجعلة من نصيبج
دنحجي واسمع صياح مسلم ماادزهن وخل شسوي اتسوي
عززه شكوو
طلعت واشوف مسلم يعيط ويصيح
ابو ابراهيم مخابر ورود تريد بناتها تشوفهن
بيبي كالتله عيب من ابوها انه اطيته كلمه كل فترة اندزهن الها واحنا باجر رايحين لبيت عمك ودهن الها يباتن يم امهن ومن نرجع تجيبهن
-بيبي اني اريدهن ينسن امهن هيج ام ماامن ع بناتي يمهن
جده مايصير تظل امهن تره لو شيصبر وماطولها عطله تشوفهن ويردن
مسيلم انه اطيت كلمه للرجال لا تكسر كلمتي ويكول الحجية مالها كلمه ع اولاد والادها
-استغفر الله ومنوا ياخذهم
-مالك شغل هسه اخابر حيدر يجي ياخذهم وين طلع هو
-راح يم صديقة
-دخابر كله جدتك تريدك وهو يجي مالك شغل
خابرت بيبي واجة حيدر لبسنا البنات
ومسلم يفتر عليهن عبالك راح يرحن ومايجن
بابا باجر اجي اخذجن لا اطلعن لا تحجن شي يم امجن
اكلن زين نامن من وكت
حط بيدهن فلوس وراحن بس هو انقهر
راد يصعد بيبي كلتله عدي حجاية وياك اكعد
-ها بيبي كولي
-جده اريدك تطلع حصة رعد وتطيها الولده حتى يضل البيت الك ولحيدر
-اي بيبي صار تدلل ميقات
جده قيم البيت يم الدلال واطيهم حكهم جده هذا حلال وحرام وانه رجلي بالكبر
انت عدك فلوس
اي عدي وهم اطلب الحكومه مال مقاولات ع راس الشهر نخلص العيادة الشعبية ويطوني حصتي
خوش جده اطيهم حصتهم فرخ رعد وانت هم تحضر ادورلك مرة ازوجك
سكت ماحجة الله كريم خلة وصعد لغرفته

حسنات تركض وراي حفيلي وحفيلي
رحت حفيت الها وامي طبت للترك شافتنه وبالمكناسه شبعتنه كتل ورزايل وضلت تك شارب محفوف وتك حاجب
عود حفيت صفحة اتجاهي حاجب وشارب
وستوني بديت واجت امي
ياماتستحن بنات اخر وكت
معرسات من هسة اليوم اله اكل لمسلم عليجن
وساعة نقنعها ونتوسل بيها وماكو ضلت حسنات تك وتك
ونامت هيج مقهوؤة
الصبح كعدنا مت وكت ولبسنا ورحنا لبيت عمي كولنا
وللحكاية بقية

#لُحُظٌاتْ مٌنَ الُْعمٌرَ 🍂 الُجْزُء الُثُانَي
للكاتبة ام مصطفى
الجزء الثاني
البارت العاشر

ميقات عبالك طالعين افراج من سجن
صارلنا شكد مطالعين مااعرف ليش اذكرت رعد وسفرتنا مال تركيا والله بجيت سودة علي سامحني رعد والله ماانساك ابد بس لازم ازوج لخاطر جهالي واني هم احتاج رجال
لاتزعل حبيبي الله يرحمك
دمعت مسحت دمعتي حسنات بصفي
ضايجة شبيج كالت
اذكرت رعد الله يرحمه
الله يرحمه يارب ويعوضج خير
امين يارب باوعت بوجهه شفت شواربها تك وتك متتت ضحك
شبيج تخبلتي ساعة تبجين ساعة تضحكين
ولج شواربج مبين تره الفرق والله هاي الصفحة بيضة ونضيفة وذيج شعر اسود
-خرب حضي لا تقهريني اسكتي
اكلج ماطولنه بالطريق نتفي بيهن تنتف هههههههههه
-انجبي ميقات خوش لكيتليج سالفة تضحكين عليه بيها
-ولج والله شكد عيب اكلج احنا نختل هناك واحفهن الج بعد شتردين
-وين مثلا نختل خرب حضي اي والله وج لوباقيه بلا حفافة احسلي

ههههههه شبيج تدبر انت لاترفعين راسج واذا سئلوا اكلهم خجولة ههههههه
-اضحكي اضحكي علي خجولة
وج هسة لو جايبة خيط نختل جوه الكشنات واحفج
-كافي ميقات مصختيها كافي يله

اني جنت ميته ضحك وهي اعصاب كلش عاد عفتها كلت خطية حقها والله

بيبي صاحت ع مسلم جيبنا ماي جاي وكف السيارة شني ماخذنا تحلفنا لا امية لا شربت يبست حلوكنا
اي بيبي صار
شوية وكفت السيارة وجابلنه عصاير وابطالة مي
ورجع يمشي
احنه جنا صاعدين بسيارة مسلم اني وحسنات وبيبي
وحيدر بوكتها ستوة مشتري سيارة
اخذ سارة وجهالها وامي


وصلنا بالعشرة تقريب الصبح للمكان الكالونا عليه
بس كلش حلوه المنطقة مفتوحة وخظار بيها هواي وبيوت كبار
خابر مسلم ع عمر
كلة احنه واكفين بهيج مكان
كلة ابقوا بمكانكم جايين الكم
ماكو عشر دقايق واجوا نزل مسلم يسلم
مد راسة ميهيمن علينا يسلم
شلونجن بنات عمي
-الله يسلمك
هههه حسنات ضمة راسها سوتها صدك ع اساس مستحية
محجيت سكتت اخاف اضحك تكب بوجهي
كلت شوفي ميهيمن صدك حلو
اكلج هو مزوج لا
باوعتلي ها ماادري ان شاء الله يطلع ممزوج ماسئلت اريج
هااذكرت كالت مزوج
-صددددك
-ههه لا ولج اشاقة كالت ا٣نين ممزوجين اسلام ومهيمن واني

-اي بردتي كلبي
عزة شكد زاحفة ولج انتي طلعتي
-خب اسكتي ماصدكت اشوف واحد اجلب بيه هو احنا مدفونين منو يشوفنا ونشوفة
هاي جنات لوما وليد جان مطيرجي ونهار كله فوك ومن تصعد تشوفة
هم ماازوجت
وانت رعد لان ويانه بالبيت
واني ضليت هاي ضلتي جنالة حتى امي فقيرة لا عدها علاقات ولا تطلع
والولد حابسينا فد حبسة همزين عاد طلعولنا كرايب
بيبي صاحت
شكد تحجن دهر فرجن مدري شدردمن راسي انفجر ددي دددي مدري شتكولن
-بيبي نسولف عادي
مسلم كال ذول يله انزلن
نزلت ولدي وعدلت عباتي ونكتتها لان لعبوا لعب بيه
وحسنات هم عدلت حجابها وشالت جنطتها
نزلت ونزلت وراي
بيتهم من بره جبير وطالع اشجار منه
طلعوا الولد اربعتهم واكفين وجهال وياهم من اجو ماجابوا لا زوجاتهم ولا جهالهم
فاتوا الولد وامي وبيبي
واحنه وراهم سلمنا وفتنه
تلكتنه اريج
-هلوووو هلوات نورتن حبيباتي
كامت تبوس بينة ومرت عمي هم تلكتنا
سلمنا ع جناينهم
كعدونا احنه بصالة جبيرة والولد بالاستقبال
وكعدن يسولفن
اريج كالت تعالن اخذجن لغرفتي
-وج عيب من اهلج
-عليمن عيب يمعوده تعالن شكو يمهن عجايز يسولفن
كالت ماما راح اخذ! البنات لغرفتي فوك من يصير الغدة صيحولنا
ضلينا اني وحسنات وحده تباوع ع الخ
عود احنا من يجي خطار البيت كلة براسنه سارة عازلة روحها ورود شايله خشمها علينا
صعدنا فوك وراها فتحت الباب تعالن فوتن
دخلنا مستحين
والغرفة تجنن عبالك مال اميرات غرفة نوم بيضة تجنن وجبيرة
وثلاجة وبلزمة ومكتب عليه لابتوب وكتبها
نازكة كلش
-شنو رايجن بغرفتي
-صلووات تجنت ولج
-حبيباتي عيونكم الحلوه
بقت تسولف ويانه وتضحك
وحسنات شافت ملقط ع الميز كرصتني
شوفي ملقط
هههههه ضحكت حيل
اريج كالت شبيج ضحكة خير
-خل احجيلج
البارحة من سمعنا نجيكم هاي كلتلي حفيلي
لج عيني احنا ختلنا من امي لان متقبل وحده تحف قبل الزواج عدها عيب
ورحنا للترك حفيتها ع النص شوفي
هههههههه واجتنا امي بالمكناسة دك وضرب وخزتنه وشهرتنا وحسنات بقت تكحاجب وتك شارب
ههههههههههههه ههههههههههههه ههههههههههههه
-كافي ميقات تضحكين فهمنا يله فضحتيني ارتاحيتي
-هههههه خطية حسنات
تعاي ولا يهمج هسه اكملج اني
راحت قفلت الباب
تعاي حسنات احفج
كعدت تحف الها واني خربانه ضحك
بس طلع وجها وعدلت حواجبها سوتهن حلوات
-اي ولج طلع وجههج هسه يله بعد فكيني بس والله شبعت ضحك عليج
-اي انت فالحة بس بالضحك
سمعت صوت
راحت اريج فتحت الباب
ها مهيمن صحت علي
-اي الشاحن مالتي يمج
اي عندي هسه اجيبه الك فوت تعال تعرف ع بنات عمي
فات شلونجن بنات
كتلة الله يسلمك
انتي مرت المرحوم رعد ابن عمي رضا
ايي
الله

يرحمه
باوع حسنات
كتلة هاي اختي حسنات اصغرنا
-اهلا وسهلا
ليش كاعدين هنا انزلوا جوه
اريج كلتلة اني صحتلهم فوك نتعرف ع بعض اكثر
-انتي عيد واجاج
-اي والله يعني ماعندي اخوات ذن خواتي راح يصيرن
اخذ الشاحنه ونزل
وحسنات وجهه يطي الوان وصارت مؤدبه
-حسنات شبيج
-شكوو شبيه اسكتي باقية بس تصنفين علي شوكت اخلص منج
راح ازوج وتخلصين
-صدك ميقات
اي انخطبت
المن
لاخوه رعد
اخوه ليش!هو مو وحيد
اخوه من امه
هااا الف مبروك حبيبتي
الله يبارك بيج
بقينا فوك كتلها عيب خل ننزل نساعد بالغدة
-لا عليمن نسوان اخوتي مكملات اصلا كولشي هو هذا شغلهن ويعرفنه اختصاص طبخ وعزايم
-ميخالف نصب وياهن
-لا لا متعودات وحدهن معليج انت غير خطار

شوية صعدت مرت عمر كالت تعالوا الغدة جاهز
نزلنا صابين كلنا سوه بالاستقبال
.....

حيدر
فرشولنا سفرة سوه كعدت
وطبت اريج شنوو. من جمال شكلها يجذب النظر وهادئه واجت كعدت بصفي
-ابن عمي شلونك ووجهه يضحك
تخردلت
-الله يسلمج صاحت ع البنات تعالوا هذا مكان كعدوا يمها
جابت حسنات بينه كعدتها
وتاكل وتحجي وي البنات بهدوء وتتبسم
عيوني لا ارادية راحت ع اديها الحلوة عبالك شفاف نلازمة شي بيدها هاي
مشايف هيج نزاكة دائما ادين البنية تجذبني اكثر من وجهه اذا اديها حلوه يعني نازكة ونظيفة ومعتنية بنفسها

اسلام كال ناخذكم نزوركم بعد مرقد السيدة شريفة بنت الحسن بن علي بن ابي طالب عليهما السلام
زايريها لولا
بيبي كالت دخيل بختها لا والله جده اي زورنا بعد جدتك سامعة بيها تنطي المراد بالايد
اييي حجية مرادها بالايد وهسه ترحين وتشوفين ع طول الطريق النذور والرايات معلكة
داخلين عليها
جدة اخذوني ازورها مدامني اجيت للحلة
تغدينا وكمت اغسل
اجت هي جايبة الخاولي
وتحجي بعفوية عبالك تعرفني من الف سنه
اكول حيدر انت شنو اختصاصك
-اني باطنية اطفال
-ها حلو صعبة مو دراستك اني مدخلت علمي رحت ادبي
-ليش احجي وياها ومسح ادي بالخاولي مدنك
-الصدك ماادبرها ههه اني فاهية وكسولة مو مال علمي مااتعب نفسي الحجي بينا
اصلا اريد بس اخلص السادس واترك
بس الولد ميقبلون
-ههه صدك لعد مبين كسوله
-اي لا يعني اني ماارسب اخاف من الولد ادرس وانجح بس كوه
-هههههه
مشيت وهي تمشي وياي الحلوة البيهم بسرعة اقبلونا بحياتهم وفتحولنا كلوبهم
جانوا كلش محبوبين وسبورتية
يعني عادي فات اسلام يغسل شافهه تحجي وياي
كلي كسولة هاي كلش ترة
-اي كتله قبل لا تعيرني
-وفرحانه بنفسج
-عادي شنو يعني كلمن وطاقته
-هو انت متعبين نفسج انطيج بس لبس وكشخة
ضحك عليها وراح عافها تحجي وياي
هاي لو مسلم يشوف حسنات هيج يعدمها اني بله شويه اهون
بس مسلم حييل متعصب

سارة
شفتهم يسولفون اريج وحيدر
واني طالعة وكفت يمهم الاخ مندمج وياها
من شافني عافها وفات عبس وجهه عبالك شاف مدري شنوو
كاعده احس غريبه بنصهم ذن صعدن فوك وعافني
وهذا معبس بوجهي طول الطريق
هسه اني شكوو اجيت وخليته يمن علي
رحت غسلت ورجعت
كامن جناينهم يلمن بالسفرة والاكل
كعدنا رحنا بالصالة
اريج كدام الكل كالت حيدر اطيني رقم مبايلك
اشوفة ارتبك وكام يرد الها
-عابت شكد خفيفة لزكتلة
ضجت منها مدري ليش
كعدت تسولف هي والبنات وتضحك
وتالي كالوا نروح نزور
هي كالت اروح وياكم
بس البس عفية عمر مو تعوفوني
لج اني مااروح اسلام ومهيمن يرحون وامي
صاحت حيدر اني وياك بسيارتك اريد وي البنات
اشرلها بعيونه ادللي بعيوني
اجه يمي
اكلج سارة انت اصعدي وي مسلم انت وامي وبيبي وعوفي البنات يمي
-ليش شنوو تطردني
-البنية تريد تصعد شلون اطردها
-لا اطردني ليش هي مرتك لو اني
-باوعلي متفاجأ واني انصدمت مااعرف شلون طلعت مني
من الفشلة انداريت كتله عادي يله
ورحت منه ظل واكف
تالي راح
وذن صعدن راحن بالسيارة ولا عبالك يشوفني وانوب يكولن اني عازلة روحي
نزلت اريج وينك حيدر سويتلي مكان
كلها اي
وصعدت وره وي البنات والكرسي الكدام ظل فارق شيصير لو صايحلي يمةة
بس ميريدني كوه خوما كوه

حسنات
كتلت نفسي ردت بس ميهمن يباولي يقلدلي ماكو جان شخصية وثكيل حتى من سلم سلامة بثكل
صعدنا وي حيدر ونسولف وي اريج
جانت حبابه وعفوية كلش بسرعة خالطتنه عبالك وكعنا عليها من السمه وهو بالعكس هي اتداوم وتطلع همه احسهموكعوا علينا من السمة والا وين طالعين احتا هيج
وصلنا للمرقد وانقسمنا بنات وحد الرياجيل وحد زرنا وطلعنا
انجمعنا بالصحن كعدنا
اسلام جاب كرزات وشاميه وزع النا
وبدوا يسولفون ع حياتهم وي الولد
واحنا سوية
عيني ماوكعت من مهيمن
مرتين التفت شافني اباوعلة
وميقات كل شويه كارصتني لزكتي عيب

بيبي ماشالت عينها من اريج
وكل شويه كايله الها جده انت حليوة كلش
وسارة مااعرف شبيها مطنكرة ومتحجي وعينها ع حيدر

جانت احلى كعدة واحلى طلعة والله
قررنا نرجع بعد ما كالوا بعد كل شهر واحد يجي لو هما يمنا لو احنا نروح الهم

قۣۗـۙصۣۗـۙصٍ 📖ۆبۣۗـۙسۣۗ 💯

#لُحُظٌاتْ مٌنَ الُْعمٌرَ 🍂 الُجْزُء الُثُانَي
للكاتبة ام مصطفى
الجزء الثاني
البارت الحادي عشر

ميقات
اجونة بيت عمي بس هالمرة بس اريج واسلام ومرت عمي
مثل ما اتفقوا كل شهر لو احنه نروح الهم لو همه يجونه
ومر شهر همة اجوي علينا
كلش فرحنا باريج
بس حسنات ضاجت لان مااجة مهيمن
وسئلت اريج اكولج شعجب مااجة مهيمن
-عرس صديقة وكال غير مرو اروح ليش تردين شي منه
-ها لا هيج اسئل
هههه افتهمت بس اخوي لا تندكين بيه احسلج معقد
-ليش حباب مبين عليه
-اووف سالفته سالفة وتعقد من الزواج
-عززه شبيه
كرصتها ولج اثكلي انت شعليج فضحتينه
تعالن نروح لغرفتجن ونسولف لا امي تسمعني
-يله كومن
يله بس بسرعة لان اني اسوي غدة اروح
اي كولنا نساعدج عود
حسنات بسرعة جرتها احجي شبيه وكفتي كلبي
-هلوو عيني سلامة قلبج
-بله لواكة احجي
-جان يحب وحدة يموووت عليها
-يااا صدك خرب حضي وشصار
-علاقة خمس سنوات وحب وعذاب تالي نهى عليها ابن عمها راح يخطبها وابن عمها نهى عليها
حاول شكد بس مصارت وهي اهلها من عرفوا تحبة ويحبها حبسوها بالبيت ووافقوا ع ابن عمها بعد ما عذبوها نفسيا
واتزوجت ابن عمها وهنا مهيمن حييل اتذة وبقى فترة عازل نفسه وعصبي ومالة خلك لشي
بس بعدين كدر يتعدى هاي المرحلة ومن يومها ابد ماحب ولا كال اريد ازوج
- 😔قهرتيني عليه خطية والله
-ايي شنسوي بس ان شاء الله انت تعوضيه
-لج هو مامعبرني ابد
-هههه اي اكيد مو كتلج ليش لعد
-خطية مهيمن حسنات انضربتي بوري يله اروح اسوي الغدة
-نروح وياج نساعدج
-انت نسوان اخوتج مساعدتيهن تساعدينه
-لج هنا متعودات ع العزائم وحدهن وميردن احد وياهم

طلعنا للمطبخ
وبدينا نصب اكل
جان اتطب ام رعد و وسام
يا شجابهم
اندري اكلج وسام هم يخابرج
لا ابد استحي منه بعدني
-يمعوده غير تتعرفين عليه هي فترة الخطوبة المن تراد
-شسوي ممتعوده ادعيلي
طبت ام رعد سلمت
هاي منين الحلوه
بنت عمي احمد اريج
ياعيني بس صغيرة شلون وعمج احمد مات بحرب ايران
-ها لا ابو قبل عشر سنوات مات
-يااا لا تخبليني
-اي والله
دخت خل افوت يم امج وافتهم منها

انصب بالغدة صار عندي فضول كلش افتهم شكوو صدك اني هيج سمعت من بيبي وجدي مات وراه من القهر
حيدر يطب ويطلع
سارة نزلت
اساعدكم
يله حبيبتي براحتج
كامت تصب وعينها ع اريج وحيدر
اريج كالت ابقى يمكم اسبوع اتفقت وي الولد مدام خلصت امتحانات
-صدك هلة بيج خوش بشارة
-اي كلش حبتكم والله
حيدر كلها حلو واني راح اخذ اجازة وافرجن بغداد كلها اكيد مشايفتها اريج
-كتله هو احنا ابغداد مشايفيها
-ميقات سويتي روحج كلش مو حتى لتركيا رحتي لا تجذبين
-اي الله يرحم رعد من ازوجت طلعني

اريج :-ليش مطلعون لعد
-حبيبتي محد بحالنا
-لا عفيه محلوه هيج اني اختنك احنا كل فترة الولد ياخذونه لكربلاء لأثار بابل للمتنزهات للالعاب

الله يحفظهم الكم يارب يفتهمون
خزرني حيدر
يعني ما نفتهم
جاوبت سارة لا كلش تفتهمون مبين
حيبتي اريج لا تغرج المظاهر وعود دكتور ومثقف ترة حابسنا الله وكيلج
باوع حيدر بعصبيه الها وطلع دائما حيدر يجنبها

كملنا صبت الولد وكما نصب للنسوان
وفرشت سفرة وحدنا لان اجة وسام منكدر نكعد بعد سوه مثل كل مرة
اجيت
كعدت بعد ماكملنا
مرت عمي ام رعد تتعرف ع مرت عمي احمد ويسولفن
انوب كطعت سالفتها من شافت اريج
-اكلج ام عمر فدوه ترة اني دخت صدك هاي بت احمد
-اي بنتي ليش
جاشلون بتج صغيرة واحمد مات من سنة ٨٨
سكتت مرت عمي
وبيبي رفعت راسها عليها وذبت من ايدها اللكمه
وامي هم
واحد باوع ع الخ كلها نفس السؤال ومنتضرة الجواب من مرت عمي احمد
-اني اكللكم اجانه خبر احمد استشهد بحرب ايران وسوينا فاتحة
بس من اجو الاسرى ب ٩٥
رجع احمد كلنا انصدمنا وجانت فرحة ماتنوصف وعمتي ام احمد حيل فرحة بيه بس رجع مريض نفسيا من كد مامتعذب بالسجون الايراني وصاير بعقلة
بعدها صار عدي ميهيمن واريج
بيبي انصدمت
-صكد تحجين والزلمة نط ومات وراه وليش!مااجانه وليش ماسئل ع اخوته
-حجية كتلج مريض وعمتي الله يرحمها جانت ماتحبكم وتزرع حقد وحتى جهالي حرمتهم منكم
بس بعد فترة توفة احمد قبل عشر سنين توفى
وعمتي صارلها سنه من ماتت واني كلت لولدي دوروا ع اهلكم وعمامكم وولدهم ليش ضالين وحدانيين اني حجية مالي كلمة جنت عليهم
من ماتت جدتهم يله كدرت ادخل واربي جهالي جدتهم جانت هي مانعتهم منكم
هاي كل السالفة يشهد الله عليه
- يمةة ولا تصدك
-امي جاوبت ليش ماتصدك
هواي بحرب ايران عبالهم اهليتهم سوولهم فواتح ورجعوا من الاسر
-اي صح هواي هيج اذكر جيرانه رجع لكة مرته متزوجه اخوه عبالهم توفة
وصارت مشاكل
-ايي صحيح اشكال سمعنا
بيبي ضلت تدردم وتحجي وماعجبها العجب بعد
مرت عمي راحت. هي واسلام وبقت اريج يمنا

ام رعد جاية ع مود البيت تاجرة وكالت بعت بيتي واجيت اشوف اكو بيت هنا
لو ا

جر مؤقت لحد مانلكة
امي كلتلها خلي مسلم ياخذكم للدلال وشوفوا
بيبي كالت كومي ميقات روحي سلمي ع خطيبج واكعدي يمة
مااحجيلكم شصار بيه جسمي كله كام يرجف والله صعبه مو سهلة. وهنيالها الي عدها شي سهل تزوج ثاني

طبيت وسلمت
حيدر عافنه وكام كال اخذوا راحتكم
كعدت كباله
-ميقات شلونج
-الحمد لله
-اجيت اشوف شمحتاجه وشكد تردين للذهب للنيشان
-بكيفك
-زين اذا رجعوا من الدلال عادي فدنوب اخذج اشتريلج ذهب
-بس اني وياك غير عمتي ويانه
-بكيفج
طب عقيل يركض وعافني راح لحضن عمة هو باسة
باوعلي حيل احبة واتمنى هم يحبني ويتعلق بيه
ماادري حسيته يقصدني مو يقصد عقيل
هزيت راسي ان شاء الله

جان هادئ وفقير مبين
ضلينا ساكتين عقيل كلة اطيني فلوس اشتري
خزرت عقيل
شافني اخزره عوفي معليج اني معلمه انطيه
انطاع فلوس كله روح اشتري
باوعلي
اي تبقين ساكته
-هاا
ميقات اريدج تتعودين علي وتكسرين حاجز المستحة
عندج رقمي
-لا
سجلي يمج اريد احجي وياج
-ان شاء الله
دخل مسلم
بس متت خوف ومستحة
طب سلم وكعد
اني بسرعة كمت طلعت منهم

حيدر

بقت اريج فرحت حييل بيها بالاخص هي محبوبه ومرحة.
تشاقي وتسولف بس بعوفية وبراءة
انعجبت حيل بيها من اول يوم بس هي تتصرف وياي عادي مثل اخونها
محسيت نظرة لو حجاية منها غير شي
واني هم ماابين الها انعجبت بيها بس المهم اني خليتها ابالي شكوو بيها
بت عمي وصغيرة وحلوة واني من حقي اعيش حياتي وسارة اذا ميعجبها اطلكها

طلعت من ميقات
لكيتها تسولف هي وحسنات
شافتني يله عيني حيدر بقيت يمكم
وين راح تاخذنه
بكيفج
اول شي وديني للزوراء
-الزوراء مرة وحده لا لا اخاف عليجن من عيون الشباب هناك
-اووو حيدر انت وعدتنا بعد لا تغير علينا
حسنات تباع وتضحك
اي حسنات اجت من جانبج
اي لعد شلون اني استغل المواقف بعد
دلبسن مدام ميقات وجهالها مراح يجوون ويانا
-ايي عفيه يعيش اخوو حيدر
وج حسنات بالج دكلين لمسلم راحين للزوراء مالي خلك يفشلني كدام البنية

طبن يركضن
نزلت سارة من الدرج الظاهر جانت تسمع
-وين ماخذهن
-للزوراء تردين ترحين ويانه
-ليش شفتني زعطوطه مثلكم
-استغفر الله لا عاقلة سارة شنو الي يرضيج بالظبط. كولي
-قبل لا تسوي علاقة حب جديدة طلكني اوكي
-صاار تدللين بعد عندج شي
باوعتلي بخزرة وراحت رجعت فوك
-يربي شبيها هاي مو صاحية والله انقهر عليها

صحت ع البنات يله
مسلم طلع وين يله
اخذهن فره افتر بيهن
شلك بهالدوخة والله بطران
لخاطر بنت عمي عيب وعدتها اخذها
-روحوا بس لا تتاخرون زين
-الله كريم

اخذت البنات وطلعت واريج طول الطريق تغرد عبالك متحجي. تسئل وفرحانه حيل
نزلتهن للزوراء
جانت مليانه شباب حيييل ضجت
وهي حلووة صارت محط انظار الجميع
كولها تباوع عليها
كتلهن امشن نرجع
-شكوو ستونه فتنه
-امشن مشوفن بس شباب وعشاق
المهم شفتوها الزوراء هاي
خل اخذجن للامام الكاظم ازورجن تحصلن زيارة احسن من الزوراء
-اممم ملابسين عبي
اشتريلجن من السوك نمونه بس خل نطلع
حيدر طلعتيش هاي الله يساعدجن بنات كلش اوفر انت

اخذتهن للكاضمية ولبستهن عبي الله هسه شكد حلو مامن محد يباوع ع اجسامهن
يله فوتن زورن نلتقي هنا
زارن وطلعن صار دنيا ليل عشيتهم بمطعم
وفريتهن بغداد بالليل الكرادة ابو نؤاس لشارع الربيعي
لشارع فلسطين
فريتهن بغداد فر ورجعتهن
جانن حيل فرحانات اشو فرحت عبالك اني هم اول مره اشوف بغداد
كتلهن هاي هي بعد لا دكولن طلعني فرتجن بغداد بيوم واحد

ميقات
طلعنا اني ووسام وامه نشتري ذهب بعد ماتفقوا ع البيت يكعدون مؤقت بيه لحد ميشترون بيت
اخذت شي قليل اني عندي مااحتاج
وهمه ع كد حالهم
فماحرجتهم ابد كلت لعمتي مااريد عندي هواية
.........
بهذا الاسبوع ازوجت ميساء وعزمتنا بس بيبي ماقبلت اروح لا اني ولا حسنات
اريج ارحت لبيتهم بعد ما انتبهت ع حيدر عينه منها بس هي مكالت شي كدامنا مثلا انعجبت بي لو شي لا عبالك صغيرة وتصرف بطفولة وعفوية
حيدر اخذها هو يوديها
بس من رجع كالي ميقات شنو رايج باريج
من ياناحية يعني
اريد اخطبها حييل عجبتني هادئة وفقيرة وحلوه
ماادري حيدر لا ادخلني ليش انت مو مزوج
-ليش حاسبه سارة هم زواج
-بس هي زوجته خطيه حرام تكسرها حاول وياها اتقرب منها
-لا مستحيل مااكدر وهي هم رافضتني نسيتي المشاكل الي تسويها الي سارة كرهتني حتى بجهال اخوي اصلا
هاي رضا فتح جبس ماقبلت اجي وياها واخذتهم وراحت لعرس اختها بدون ماتكلي اتفاجات من راحت وي امها
اصلا مامخليتني بحساباتها
اني هم احجي وي بيبي راح واطلكها وازوج اريج
-مااعرف بكيفك بعد بس اطيها فرصة اخيرة تقرب منها وابري ذمتك امام الله
الله كريم
يجوز هسه حبتك وتستحي هي تبادر
-ميقات افهمي مااحبها كزوجه مااكدر والله
-حااول
عفية لا تكسرين واهسي رجائا
ماادري باجر تجي حاول مصار شي وخليها ع ذمتك وازوج ليش اطلك
-منو تقبل تزوجتي
-ليش دكتور الف واحد يتمناك

أضاءه زوجيه👒

🍃🌸 فن التعامل مع الزوج الغاضب 🌸🍃

●🍃🌸✿❥✿🌸🍃●

⭕️ ﺍﻟﺤﺐ ﻻ‌ ﻳﺤﺘﻤﻞ ﺍﻟﺘﺤﺪﻱ ... 😕

🔺ﻋﺪﻡ إﺣﺮﺍﺝ ﺍﻟﺰﻭﺝ ﻟﺤﻈﺔ ﻏﻀﺒﻪ ﻫﻲ ﻭﺣﺪﻫﺎ ﻣﻜﺴﺐ ﻛﺒﻴﺮ ...

🔙 فهو ﻳﺸﻌﺮ أﻥ ﻗﻠﺒﻚ ﻛﺒﻴﺮ ﻭأﻥ ﺍﻟﻌﻼ‌ﻗة ﻟﻴﺴﺖ ﺗﺤﺪﻱ ... ❌

👌🏼إﻧﻤﺎ ﻣﻮﺩة ﺧﺎصة ...

🔺إﺫﺍ ﻭﺟﺪﺕ ﻟﻪ ﻣﺨﺮﺟﺎ ﻣﻦ ﺍﻟﺤﺮﺝ ﺍﻟﺬﻱ ﻭﻗﻊ ﻓﻴﻪ لحظة ﻏﻀﺒﻪ ⬅️ ﻓﻘﻠﺒﻪ ﺳﻴﻨﺒﺴﻂ إﻟﻴﻚ ﻭﻳﻌﻤﻞ ﻋﻠﻰ أﻥ ﻳﻘﺪﻡ ﺍﻟﻜﺜﻴﺮ ﻟﻚ ... 👍🏼

👈🏼 ﻭﻟﻜﻦ ﺑﺪﻭﻥ أﻥ ﻳﺸﻌﺮﻙ أﻧﻪ ﻳﺸﻜﺮ إﻧﻘﺎﺫﻙ ﻟﻪ ﺣﻔﺎﻇﺎ ﻋﻠﻰ ﻋﺰﺓ ﻧﻔﺴﻪ ...

●🍃🌸✿❥✿🌸🍃●

⭕️ ﺩﻋﻮﺓ ﺻﺎﺩقة ﻟﺤﻈﺔ ﻏﻀﺒﻪ ⬅️ ﺗﻔﺘﺢ ﻛﻞ أﺑﻮﺍﺏ ﺍﻟﺮﺣﻤﺔ ﻭﺗﺮﻓﻖ ﺍﻟﻐﻀﺐ ...

🔺ﺍﺑﺘﻬﻠﻲ إﻟﻰ ﺍﻟﻠﻪ ﺗﻌﺎﻟﻰ ﻟﺤﻈﺔ ﻏﻀﺐ ﺍﻟﺰﻭﺝ ...

👌🏼ﻓﻘﻠﺐ ﺍﻟﺰﻭﺝ ﺑﻴﻦ أﺻﺒﻌﻴﻦ ﻣﻦ أﺻﺎﺑﻊ ﺍﻟﺮﺣﻤﻦ ﻳﻘﻠﺒﻪ ﻛﻴﻒ ﻳﺸﺎﺀ ...

✔️ فإﻥ ﺭﺣﻤﺘﻪ ﻭﺳﻌﺖ ﻛﻞ ﺷﻲ


#اعادة_توجية_للفائدة
#ملوكه

💢👍🏻نصائح تحافظ لكِ على جمالك بعد الزواج

🌷أحيانًا يؤدي تراكم أعباء الحياة ومسئولياتها وخدمة الزوج والأطفال، إلى إهمال المرأة في نفسها خاصة إذا ما تزامن كل هذا مع خروجها للعمل ومواجهة ضغوطه، لذلك سنقدم لكِي مجموعة من الأخطاء التي يمكنك تفاديها لتحافظي على جمالك بعد الزواج.🙈✨

🔻1- احرصي على ارتداء قفازات التنظيف أثناء قيامك بالأعمال المنزلية، لتحافظي على يديك من الجفاف بسبب كثرة التعرض للماء و من الخدوش الصغيرة التي يمكنها أن تشوه جمالك، وضعي الكريم المرطب بصورة يومية قبل نومك، واهتمي ايضًا بترطيب كعبيكي لتحافظي عليهما من التشققات المزعجة.

🔻2- أزيلي المكياج قبل النوم بالمزيل المخصص لذلك وليس بالماء والصابون، لأن ترك المكياج على بشرتك أثناء النوم يؤذيها بشدة ويحرمها من التنفس ويعجل بظهور التجاعيد وقد يتطور الأمر لظهور البثور والحبوب.

🔻3- سيتعرض شعرك للماء كثيرًا أثناء الاستحمام خاصة في بداية زواجك، فلا تهملي العناية به من خلال عمل حمامات الكريم أو الزيت أسبوعيًا لتحافظي على رونقه وتغذيته، وقللي من استخدام مكواة الشعر والسيشوار واللجوء للصبغات.

🔻4- ربما تتعرض أظافرك للتكسر بسبب الأعمال المنزلية وسيكون دهانها بزيت الزيتون يوميًا قبل الخلود إلى النوم علاجًا فعالًا لذلك.

🔻5- لا تهملى العناية بجسمك من خلال المقشرات الطبيعية للبشرة والترطيب، لأن ذلك يتسبب في اسمرار بعض المناطق بمرور الوقت كالركبتين والكوعين والمناطق الحساسه.

🔻6- اتبعي نظامًا غذائيًا صحيًا تكثري فيه من شرب الماء وتناول الخضراوات والفواكه ومنتجات الألبان والبروتينات وتبتعدي فيه عن الدهون والنشويات والسكريات لتحافظي على رشاقتكِ.

🔻7- احرصي على أخذ حمام منعش بعد الانتهاء من طبخ الطعام والتنظيف، وتعطري، حتى لا يشم منك زوجكِ أي روائح منفرة كروائح الثوم والبصل والتوابل.

🔻8- إذا كنتِ من النساء العاملات حاولي أن تنظمي وقتك بشكل متوازن يكفل لك أداء الأعمال المنزلية والقيام بواجبات عملك على أكمل وجه، والحصول في الوقت نفسه على قسط كافٍ من الراحة والنوم لا يقل عن 7 ساعات يوميًا فذلك سينعكس بالطبع على حيويتك، ولا حرج أن تطلبي من زوجك مساعدتك في بعض المهام، فالرسول عليه الصلاة والسلام كان يحيك ثوبه ويصلح نعله.

🔻9- قللي من شرب الشاي والنسكافية والقهوة خاصة في المساء فهي أكبر مسببات الهالات السوداء واستعيضي عنها بكوب من عصير البرتقال الطازج المفيد جدًا للبشرة أو فنجان من الشاي الأخضر.

🔻10- أزيلي الشعر الزائد بصورة دورية واحرصي على اختيار الوسيلة المناسبة التي لا تسبب لكِ تهيجًا في البشرة، وإذا ما حدث ذلك توجهي فورًا للطبيبة لأن إهمال علاج التهابات الجلد يؤدي إلى اسمراره.

🔻11- خصصي بعض الوقت لممارسة بعض التمرينات الرياضية في المنزل فهي تنشط الدورة الدموية ولهذا تأثير إيجابي جيد على بشرتك وشعرك.

🔻12- نظفي أسنانك جيدًا بالفرشاة والمعجون مرتين يوميًا على الأقل وبخيط الأسنان مرة يوميًا لتحافظي على ابتسامتك جميلة، وحتى لا تكوني محرجة أمام زوجك بسبب رائحة الفم الكريهة التي يتسبب فيها تراكم بقايا الطعام، وحافظي على ترطيب شفتيكِ باستمرار خاصة في فصل الشتاء.

🔻13- اعتمدي روتينًا يوميًا بسيطًا في العناية بالبشرة والشعر ولا تتكاسلي في تطبيقه، وآخر أسبوعي أو نصف شهري.

🔻14- احرصي على تجفيف المنطقة الحساسة بفوط قطنية باستمرار ويمكنكِ اللجوء للطبيبة لاستشارتها بشأن غسول طبي يحميكِ من الالتهابات.
🌷🌷🌷


#اعادة_توجية_للفائدة
#ملوكه