واذا محتارة بترتيب الملابس الداخلية🙈

خلي فواصل من كارتونه او سلات صغيرة
بالفاتية اوجرار 😅شتسمون

بهالشي يصير احلى ومرتب 😍👇🏻مثل بالصور


#اعادة_توجية_للفائدة
#ملوكه

فشوية خلي نسولف 🌚❤️عن ترتيب الملابس
الاكسسورات شالات احذية جنط ملابس بيت ..ملابس طلعة كلشي خاص بيج ..لازم تنتبهون حبايب..كلش مهم ترتبون خاناتكم..حتلو جنتو مشتركين بالغرفة ويه خواتكم مايمنعج ترتبين وتعزلين ملابسج وحسب بعد ترتيبكم وهالشي يعكس عليكم وعلى شخصيتكم🌿مو بس تهتمين بشكلج ودراستج وغيرها

هم ملابسج وحاجياتج الهااهمية للبنية وخصوصا البنات دائما
يكولون عليها مرتبة🥰ونادرة ونظيفة وشاطرة..ف لاتخلين شخص يقلل منج ويكولج انتي مبهذلة ومامرتبة👍
من تفتحين كومديج وتشوفين ترتيب
وريحة ونظافة راح تحسين براحة نفسية 😍

لازم كل شهرين او ٣ اشهر نسوي جرد على ملابسنه وغراضنه واللي فدمرة تعبان نذبة او نستخدمه الغير شي . . حتى المكياج لازم ترتبون لان يتلف. او اذا متسخ نغسله وهكذا

اتمنى فعلا كلكم تكونوا بنات مرتبات ومهتمات لهالجانب من حياتكم
لأن هو مكمل الشخصيتكم😎💜✨

#اعادة_توجية_للفائدة
#ملوكه

يسعد أوقاتكم بكل الخير
#الابراج_اليومية الاربعاء 8 تموز(يوليو) 2020

#الحمل
مهنياً: قرارات مهمة قد تغير مجرى حياتك على نحو مفاجئ، لذا عليك أن تكون مستعداً لكل جديد في هذا الإطار.
عاطفياً: عليك أن تكون صريحاً مع الشريك، لأنّ الحقيقة ستظهر عاجلاً أم آجلاً، وبناء على ذلك تتخذ القرار المناسب بشأن علاقتك به.
صحياً: حاول أن تغير طبعك العصبي واعتمد اللين والهدوء في التعامل مع الآخرين لتبقى مرتاحاً.
#الثور
مهنياً: مزاجك المتقلب لن يساعدك كثيراً، لذا عليك تبديل أولوياتك لبلوغ أهدافك التي حددتها لنفسك.
عاطفياً: كثرة انشغالاتك تبعدك عن الشريك إلى حد كبير، وهذا قد أصبح مزعجاً له بسبب غيابك المتكرر وعليك إيجاد حلّ سريع.
صحياً: لا تنتظر الغد لتبدأ بالحل الناجع للتخلص من البدانة والكولسترول، الحل هو بالرياضة والانتباه إلى نوعية الأكل.
#الجوزاء
مهنياً: فرص استثنائية للسفر والتواصل مع بعض الأطراف الخارجية، أو للقاء شخص غريب عنك يحمل إليك مشروعاً.
عاطفياً: تعثّر بعض العلاقات العاطفية وتراجع عن ارتباط سببه على الأرجح سوء تفاهم بسيط استجد وكبح فراملك..
صحياً: قد تصاب بأزمة صحية مفاجئة يتسبب بها أحد المحيطين بك وتترك وحيداً.
#السرطان
مهنياً: يجعلك هذا اليوم تفكر في قضية مالية تتعلق بأسهم أو مستندات أو ضمانات أو عائدات مشتركة مع بعض الأطراف
عاطفياً: لا تدع المخاوف تسيطر عليك وبادر للتقرب إلى الحبيب قبل أن تخسره بلحظة، وعندها قلا تستطيع تعوضه
صحياً: طباعك السيئة ومزاجك المتقلب سببهما الضغوط التي تتعرض لها أخيراً
#الاسد
مهنياً: يسجل هذا اليوم هبوطاً قليلاً في المعنويات، وتترجم إلى تغيّرات أساسية تحصل في حياتك المهنية
عاطفياً: التهدئة مع الشريك مطلوبة بقوّة اليوم قبل الغد، والمرحلة المقبلة قد تكون أفضل إذا أحسنت التصرف
صحياً: عليك مراجعة الطبيب عند الضرورة، لكن لا داعي إلى القلق والخوف
#العذراء
مهنياً: التخطيط السليم والرؤية المستقبلية الجيدة، لا بد من أن يؤديا دوراً مهماً وأكثر تطوراً في حياتك.
عاطفياً: الرومانسية هي الطريق الأسهل إلى قلب الشريك، فتذلل المصاعب مهما بلغ حجمها وتقربك منه.
صحياً: أنت عرضة للإصابة بالحساسية إذا تعرضت كثيراً للشمس، فكن حذراً.
#الميزان
مهنياً: يفتح أمامك هذا اليوم أبواباً مغلقة ويتيح بعض الفرص التي يجب أن تستغلّها، وخصوصاً أنك في وضع مريح.
عاطفياً: التصرف بمزاجية مع الشريك يدفعه إلى الابتعاد عنك وتجنبك تدريجياً، حاول تحسين تعاطيك معه.
صحياً: على الرغم من حيويتك فإن حياتك المهنية قد تحثك على استجماع قواك والاعتناء بصحتك أكثر فأكثر
#العقرب
مهنياً: يدعوك هذا اليوم الى الابتعاد عن الضوء والعمل خلف الستار، وتسوية أمورك بدون ضجيج مهما كانت الاعتبارات.
عاطفياً: لا تعتقد أنّ طيبة قلب الشريك تفسح في المجال أمامك للمضيّ في الخطأ، فهو قادر على قلب الطاولة عليك.
صحياً: تتراجع الضغوط النفسية وتهدأ أعصابك وتبدأ برؤية الحياة من زاوية إيجابية.
#القوس
مهنياً: يجعلك هذا اليوم تركّز على حياتك المهنية، وتضع مخطّطات جديدة وتنفتح أمامك بعض الابواب، وتعبّر عن رغباتك.
عاطفياً: قد تُتاح لك فرص استثنائية هذا اليوم، وعلاقتك مميزة مع الجنس الآخر، وتحسن التصرف معه في مختلف الظروف.
صحياً: تضحي بالغالي والنفيس بغية المحافظة على صحتك، وهذا نعم التصرف .
#الجدي
مهنياً: وجود القمر في برج الدلو اي في البيت الثاني يضعك أمام خيار مالي مهم، قد تناقش الأمر مع جهة تبدي بعض التردد وابتعد عن المغامرات وحافظ على الممتلكات.
عاطفياً: تتلقى الكثير من الدعوات وقد تلتقي خلالها الشخص المناسب للبدء بعلاقة جديدة وجدية والتفكير في الارتباط والاستقرار.
صحياً: تستعد لبدء مرحلة جديدة من حياتك الصحية قوامها الرشاقة والنشاط وممارسة الرياضة.
#الدلو
مهنياً: يوم جديد يلقي الضوء على عمل جماعي تقوم به وتنجح في تنفيذ كل مشاريعك التي خططت لها على مدى سنوات.
عاطفياً: تعبّر عن آرائك للشريك، وتتاح لك فرص جيّدة للتواصل معه، وربما تبحث قضية زواج لأحد أفراد العائلة.
صحياً: تخرج من وعكة صحية تترك مضاعفات كبيرة على نفسيتك وتبقيك في حال من القلق.
#الحوت
مهنياً: القمر المواجه لبرجك من برج الدلو قد يجعلك أمام خيار صعب ومصاعب شتى وظروف طارئة ترضخ تحت ثقلها .
عاطفياً: تبدو تحرّكاتك وحماستك في أوجها، وتبدي استعداداً للقيام بأمور مستحيلة لإرضاء الشريك الذي تكن له حباً عميقاً جداً.
صحياً: لا تأخذ على عاتقك الالتزام بأمور كثيرة قد ترهق وضعك الصحي وتسبب لك مشاكل.

#لُحُظٌاتْ مٌنَ الُْعمٌرَ 🍂 الُجْزُء الُثُانَي
للكاتبة ام مصطفى
الجزء الثاني
البارت الثامن

ميقات
اجونه بيت عمي مفاجأة
جنه مخبوصين بمسلم وكلنا مقهورين عليه وع بناته ولا توقعنا هالشي يصير ورود هجي تجازيه بعد كل ذاك التعب والدلال
حيدر فات كال بسرعة فوتن لبسن حجاباتجن ولد عمي اجوي وياهم نسوان
ركضت طبيت اني وحسنات
وكفت حسنات ع المراية وتكرص بخدودها وخلت كحلة
حلوه عليج الله هذا الحجاب يلوكلي
شنو جاي يخطبوج واني ماادري وج امشي اطلعي نتلكة النسوان
درووحي انت تلكي خل اعدل نفسي
عزه بعينج هاي انت صدك مخيله ع الولد جنج
اي شكوو بيها. مو ابن عمي مو غريب علي
هلو عيني بسم الله شعرفنا ولج عليهم هسه
اسمع حيدر يصيح تفضلن
امي تلكتهن كل الهلا اهلا وسهلا
طلعت اني
اشوف بنية سبحان الخالقها جمااااال مو طبيعي ولبس انيق والمرة الجبيرة هم تشبها
صفنت بوجها من كد جمالها وصفاء وجهه
حبيبتي اهلا وسهلا
اني اريج بنت عمج احمد حجت بهدوء وصوت ناعم
حبيبتي اتشرفت بيج واني ميقات بنت عمج جواد حبيبتي تشرفت بمعرفتج
كالت هاي امي
رحت سلمت عليها وامي ترحب بيها
طبت حسنات نفسي اشوفها تباوع ع اريج بتعجب وسلمت عليها
كتلها وهاي حسنات اختي
الله يحفظها انتو اثنين
لا احنه ٣ بنات بعد جنات مزوجة و٣ ولد
عقيل الله يرحمه اخوي توفة
وحيدر ومسلم
اها الله يحفظكم
وبيت عمي رضا وين
عمي رضا مخلف رعد الي هو زوجي ذبيت حصرة استشهد
ياعيني حبيبتي اسفة ماادري
لا حبي عادي وعنده سارة مرت اخوي عقيل الله يرحمه فوك عدها مشتمل خاص فوك هسه ادز عليها
زهراء عمة صيحي سارة كليلها اجونا خطار تصياج عمة ميقات
حسنات راحت تسوي جاي وماي
واخذتهن وطلعت
اباوع عليها من الشباك واكفة تباوع
كمت عليها وضربتها ولج شسوي
شبيج سم دباعي باعي يخبلون يماااي باعي مهيمن يجنننننن يجنننن انوب لابس وردي وجهه صاير بلون التشيرت
عزه بعينج هاي انت خفيفة هيج وماادري ميلام مسلم وياج امشي فوتي

جريتها كوه وفوتتها
دخل حيدر كال بنات تعالن كلجن فوتن هنا يله واني رايح اجيب بيبي خلي نتعرف ع بعض احنا مو غربة بعد ولد عم
حسنات الضحكه شكت حلكها وكيفت اصلا
وبسرعة كامت وصلت يمها كرصتها وحجيت ع كيف اثكلي شهرتينا وسدي حلكج
اي شبييج شعليج انتي

حيدر فات لبيبي
واحنا دخلنا كولنا امي وحسنات
نزلت سارة هم
اشرتلي منو رحت يمها تعاي فوتي ويانه بيت عمي جايين يتعرفون علينه

ها
اريج وامها فاتن قبلنا
حيدر اجه شايل بيبي فوتن شبيجن
طبينه وكعد بيبي ع التخم
سلمنا كولنا السلام عليكم
حيدر كال ذن خواتي حسنات وميقات وعندي اخت مزوجة جنات
ماشاء الله الله يخلهن جاوب مهيمن
ومااحجيلكم حسنات شلون تباوع شبعتها كرص اني
حيدر كال هذا عزيز وهذا عمر وهذا مهيمن
وهذا اسلام واكيد تعرفتوا ع اريج ومرت عمي
التفتت ع سارة
وهاي سارة بت عمي رضا زوجة اخوي عقيل الله يرحمه
مكال زوجتي ابد
كالوا اهلا وسهلا
طب مسلم كلنا وكفنا صار شكد مشايفيه حابس روحة
امي كامت عليه
هلة يمة كل الهلا بيك صلوات غ محمد من طلعت
كعد يسلم ويتعرف هم عليهم
بين ترخصنا نسوي عشة
واريج كالت اجي وياكم
طبينا كولنا للمطبخ
بسرعة طلعنا دجاج عدنا
احنا من نوع نسوك هواي ونذب بالمجمدة
طلعت دجاج اربعة كبار جانن مكصثات ومغسولات
خليتهن كلهن بجدر جبير
كلت لحسنات اسوي مركة دجاج حمرة
كالت اي احسن هم سريع وهم يكفي
انت نكعي تمن هواي وجيبي الشعرية يله
اريج بنات اشتغل وياكم
حبيبتي من تعبج
لا بالعكس احب اشارككم واتعرف عليكم
حبيبتي هلة بيج لعد سوي السلاطة

كالت ميقات انت شمخلصة
حبيبتي ثالث متوسط كلنا ويبطلونا
بس ورود سووها دكتورة وشاحة علينا
ورود منو
بعدين احجيلج قصتهم مرت اخوي مسلم هذا الاجه
زين ليش تبطلون حرامات
شسوي ميقبلون
وانت شمخلصة
اني سادس ادبي
ها يعني بعدج ادرسين
اي ياعيني يعني جمال ودراسة
فدوه لعمرج خجلتيني انتو الاحلى
سارة كالت ميقات شيوي اني
سارة حبيبتي اذا تكدرين اخبزي عاجنه اني
اي لعد اطيني العجين اخبز فوك وانزلة الكم
اوكي حيبتي اخذيه
صعدت سارة
واني والبنات بسرعة يمكن ساعة ونص كملنا الغده
نسمع ضحك وسوالف الولد الله يفرح كلبهم
صار شكد ماملتمين هيج وفرحانين
اكولج خل اخابر جنات بلكت تجي
دكيت عليها
جنات متجين اجوووي بيت عمي كلهم
تعاي اتعرفي عليهم
اي راح اخابر وليد اخلي يجيبني
ديله ننتظرج

صبينا الغدة وكعدنا كلنا ع سفرة وحده
سبحان الله بسرعة حبيناهم وماشاء الله كلهم واصلين ومثقفين
جلبنا بيهم يبقون يباتون يمنا اليوم بس ماقبلوا كالوا غير مرة نبات
وعزمونا ع الخميس نروح كلنا للحلة الهم
طبت جنات باخر ربع ساعة
وتعرفت عليهم
تالي طلعوا شكد ضجنا من راحوا
بيبي حيل فرحت بيهم
كالت الحمد لله من طلعولكم ولد عم جنت شايله همكم ضليتوا بس انتو وحدكم
جده جلبوا ابولد عمكم مبين خوش ولد

مسلم كال اي بيبي
وانت مسيلم عليمن ضايج ع ورييدة
شني اشفت منها وتضوج عليها سوتلك لكنه اجيت لكيت بيتك نظيف
دراتك دارت بنات
خايب احمد الله واشكرة الله خلصك منها
من باجر اخلي امك واخواتك يدورلك ع بت تاخذها
-الله كريم بيبي اني هسه مااريد ازوج نفسيتي تعبانه
عليمن تعبانه ولك ختولي تروح وحده تجي الف وحده بدالها
الله كريم بيبي
المهم فرغولي مكان راح اسلم البيت هذا الاسبوع وابيع العراض
ليش تبيع غريضاتك جده
بيبي مااريد اي شي يذكرني بيها ابد
خوش جا ولج ميقات
اطي مفاتيح مشتملج الفوك لمسلم
هااا
وعلا شبيج
انت شو ماتصعدين ابد فوك وتنامين جوه ديري غرفتج لغرفت حسنات
وباقي الغراض عوفيهم لمسلم خاف يتزوج يتزوج فوك
بيبي بس غراضنه
وانت شلج بيهن باجر اتزوجين
بيبي شنو هالحجي خجلتني والولد كلهم استغربوا من حجايتها
اي تزوجين
البارحة خابرتني ام رعد تخطبها لابنها وسام واني رضيت بشرط يبيعون ويجون هنا لدربونتنا يلكون بيت حتى تصيرين قريبه علينا
بيبي شنوو تقررين بكيفج
شالت عوجيتها وطكتني جاابكيفجن شني
وسام خوش ولد وانه اامن على ولد رعد يم عمهم وبيبيتهم
ولا تعاندين مثل هاي فاتن حمامة الشايفة روحها
سارة رادت تحجي
كالت الها اسس لا تحجين هسه ازوجة حيدر خيلة ع وحده وراح ازوجه وانت ضلي معلكة
اي جده زوجي بالعافية عليه واني شعلي بيه بالعكس تخلصيني
وهم اريد افتح موضوع مدام كاعدين
راح اقدم ع امتحان خارجي سادس اريد اكمل دراستي
حيدر كلها كملي منو لازمج
مسلم كام كال لحد تجيب طاري الدراسة بعد يمي وماكو امتحان ولا تقديم سمعتي وكافي عاد سارة تره زودتيها بت عمنا ومرت المرحوم ع عيني وراسي
بس تصرفاتج كلها مستفزه
تكملن براسنا وبعدين تتكبرن علينا
راسا طلع مسلم عصبي
بيبي كالت الها
انت مايوم كعدنا سوة اذا ماخربتي الكعدة
بيبي شبيج شاده وياي كلكم ضدي والله اخذ!جهالي واروح لمي اكعد يم اخواني
شبيكم ضدي عبالكم عدوتكم
بيبي خل اكلج شي حيدر يحب اختي جان ميساء يمووت عليها ويكول انت فرقتينه محملني مسؤولية
بيبي الولد ميحبني ميريدني ليش ابقى وياه كوه خوما كوه حتى حرام علي بعد صغير خل يشوف حياته
التففت ع حيدر حوووويدر صكد هذا الحجي
-ها ارتاحيتي من كلتي لبيبي طلعتي سمج
اي اني بيبي جنت احب اختها وجاي اخطبها لان ماادري القدر يكت لعقيل يموت وسارة تترمل وانت تلزمين علي ازوجها لو جنت ادري مجان حبيتها
باعي سارة هاي كدام بيبي اطلكج مااخليج ع ذمتي اليوم باجر احسبي نفسج مطلكه اني مااتحملج ترة بس لخاطر اخوي عقييل ولعيون جهاله
وبالنسبه لاختج طلعت من كلبي من يوم الي ركضت قبلت بواحد
نسيتها واصلا ماافكر بيها
وزواج اني معتبر نفسي ممزوج شوكت مااشوف وحده وتعجبني ازوجها ومااعترف باكبر واحد

كامت سارة وجهه صار احمر
وبيبي شافت حيدر صار عصبي سكتت ماحجت
كلمن خلة وكام صدك طشرتنه سارة بجفصاتها
بس اني ضليت افكر بكلام بيبي
ماادري محتارة اقبل لو لا
وللحكاية بقية

قۣۗـۙصۣۗـۙصٍ 📖ۆبۣۗـۙسۣۗ 💯

#لُحُظٌاتْ مٌنَ الُْعمٌرَ 🍂 الُجْزُء الُثُانَي
للكاتبة ام مصطفى
الجزء الثاني
البارت التاسع

بعد اسبوع
ميقات
مسلم باع كل غراضة وانتقل فوك يمنا وعراضي نزلتهن جوه اووف حييل انقهرت عليهن بس لخاطر مسلم خطية تعلم ع عيشتة وحده صعدنا ملابسهم اني وحسنات وسفطنه الغراض وكتب وجنط البنات
ونزلنا كلشي جاهز
الصبح تفاجئت بجيت ام رعد ووسام وميساء النا
ماادري ليش ختلت بالغرفة وكمت ارجف جنت حيل خايفة من هاي الخطوه
بس لازم افكر للمستقبل صح رعد احبه وماناسيته بس ع كولة بيبي عدج ولد يرادلهم رجال فوكاهم وماالكة واحد يقبل بيه اني ولدي غير ووسام ويحن عليهم
بس جنت مترددة وخايفة وخجلانه
بيبي دزت حسنات علي اطلع
-جنات كومي يردوج
-منوو بيبي تريدج وتكول خل تبدل وتعدل وتجي كليلها امر من بيبيتج هذا
هههههههه
-والله بيبي الحكومه والبرلمان مايلحكها بالقرارات
وج استحي اطلع هسة يكولون ماصدكت اووف ربي والله موقف
-دكومي كومي ياعيني تعرفين بيبي من تصدر قرار ع الكل لازم ينفذة
اي جاية بس بدون تعديل وتبديل هو اسود لابسة صار سنين شبدل بعد
-اكلج خاف بيبي قصدها تلبسين الوان وتجين
-يا شبيه تخبلت مو عيب شيكولون مصدكت وراحت ذبت الاسود
-لا كايمة هيج بس تعاي وياي الولد وين
-يم عمهم وسام وحيدر بالاستقبال
ها زين
كمت
طبيت كوه وارجف عبالك اول مرة هاي
سلمت ع ام رعد عمة شلونج
هلة ابنيتي انت شلونج شخبارج زينة
الحمد لله
ميساء شلونج حبيبتي
حياتي الله يسلمج مشتاقة الج
واني اكثر شوكت تزوجين
والله هذا الاسبوع ان شاء الله
-يارب بالتوفيق والرفاه والبنين
-اعزمجن مو متجن كلجن تجن وي سارة
-ان شاء الله حبيبتي نجي كولنا ادللي شعدنا اذا قبلوا الولد نجي نغير جو صار شكد محبوسين والله شوفي هاي كعدتنا لا طلعة ولا طبة
-حبيبتي صحيح
بيبي حجت
ميقات الجماعة جايين يخطبونج لوسام وانه رضيت بس بشرط يجون يحطون يمنا
دنكت وكلت بكيفج بيبي
اي فدوه اروحلج مو مثل فاتن حمامة شايفة روحها علينا سيدة الشاشة العربية
-ههههه ضحت حسنات
سارة بيبي شبيج علي اشفتيني وشايفة روحي لابسة ذهب والفلوس اطيح مني منا ومنا وشفت روحي عليكم
-انجبي ولج لا تلاسنين هاي كدام امج بتج تعافت شفتلها رجال دكتور وشاب وزينة الشباب وزوجتها اله ورضى بيها
وهي ماراضيه شايله خشمها
وحك علي اذا تضل هيج لزوجه بت ١٤ حلوه وصغيرة واخلي يتونس بيها
بت ارمله وجبيرة وفوكاها ماراضيه

اباوع ع ميساء وجهه كام يطي الوان
حجت ام رعد
حجية هي ماهويته من زمان ومعتبرته اخوها تره والزواج مو غصب
-ها طابكة وياها جا خوش تتندم ع حويدر وحك علي تعض اصابع الندم تراه متحنلها لخاطري
-حجية عوفينا من سارة همه يجي يوم ويتراهموون ان شاء الله
خلينا بميقات اني جاية وجايبه وسام وحسام وعمهم وياي
اجينه نعقد الهم سيد هسه وورة عرس ميساء اخذها
-ماكو عرس اذا ماتشيلون هنا ربونتنا
بس حجيه البيت خاف يطول يله ينباع شلون
اكعدوا هنا اجروا هذا بيت مسلم جان ماجر بيه فرغ اكعدوا بيه ع ماينباع بيتج
ماادري حجية اخذ راي ولد وعمهم مو بكيفي
ع راحتج واحسبي حساب حصة رعد اخليها باسم ولده اخذوا بيت جبير والهم نص بالبيت انه مااريد جهال ولدي يعيشون بغير بيتهم
حتى يضل بيتهم ومحد عليهم يمن
-لا حجية شيمن غير نخليهم بعيونه
-اي جان خليته بزرتج شمرتيهم وعرستي
-حجية ضروف ماتنسين انت
-لا ماانسى وكومي جيبي ولدج هنا اشرط عليه
طلعت ام رعد
ردت اكوم كعدتني بيبي كعدي وين

كلش استحيت متت خجل يمة بس لا يطب حيدر لو مسلم ويشوفني شيكوول ماصدكت
طبت عمتي ووسام مستحي كايد عقيل بيدة
السلام عليكم
وعليكم السلام
بيبي كالتله هلة بيك وليدي
انت جدة شتشتغل
اني حجية مخلص تجارة ومتعين بالشرطة الاتحادية
-ها خوش
اكلك جده هاي ميقات شوفها زين خاف باجرد دكول ماشفتها ارفع راسك لا تستحي جدة
وانت ميقات رفعي راسج كل يشوفج
استحيت ارفع راصي ومااحس اله كرصة من بيبي خلتني اكمز مو بس ارفع راسي
-اه شفتها جده عدها ثنين اولاد
-حجية قابل ميدري
-اسكتي انتي خل انه احجي جده ذول ولدها عدهم ورث ابوهم اله ربع بهذا البيت وخوالهم هم يجملونهم وانه مني وناخذ الهم نص قطعة تريد تكعدون بيها وحيدكم تردون تشترون قطعة كاملة وتسجل نص البيت باسمهم انت بكيفك وع شرط تجي بدربونتنا خوش جده
-ان شاء الله حجية احنا هواي هنا ابغداد وحتى دوامي اني هنا
-اي جا خوش بس بعد جدتك شفتها ميقات زين محد ترة غاصبك وهاي كدام الكل والجهال مااوصيك فرخ اخوك ذول
-اي ان شاء الله بعيوني لا تخافين حجية
-جا كوم جيب سيد واعقدوا خير البر عاجلة
-ان شاء الله
كام وسام واني كلبي يدك يدك من الخوف
كمت عود
صاحت علي ثوبج الاسود جده ذبيها مايصلح تعقدين باسود وجده رعودي الله يرحمه بعد تره موش سهلة علي ازوجج غيرة بس انه اريد مصلحتج ياجده عدج ولد والولد يرلهم زلمة يربيهم وانت بعدج

زغيرونه
باجر انه اموت وهاي تعرس وامج تموت تضلين مكابله فاتن حمامة ترة وجهج بوجهه انه اكلج

طبيت وطبت سارة وراي
-ميقات هيج بسرعة وافقتي اني مصدومة منج بسرعة بعتي رعد وراح تذبين الاسود هيج بكل سهةلة
-سارة عمري ماادخلت بيج لا اني ولا خواتي بس هالمرة اكلج انت غلطانه اني من وافقت مو معناها نسيت رعد لا والله الله شاهد معلك بكلبي بس لازم ازوج لخاطر جهالي واني هم احتاج رجال الوحده من عدنا تحتاج رجال بحياتها
وانت سارة فكري زين حيدر كلبة طيب اكسبي الج وكافي مشاكلى
-ترة اني مااكرهه بس مااتقبله افهموا ياناس استحي منه مثل اخوي عايش وياي ومعتبرته اخوي الصغير
والله يشهد علي من كلت لبيبي قابله كل ضني هو يرفض ع مود ميساء ماصورت راح يوافق اليوم وباجر اني مطلكة ويجوز افكر مثلج وازوج بس حيدر لا
-ع راحتج والله يوفقج بحياتج
غيرت ملابسي وطلعت
اي ذبيت ثوب الحزن وطويت صفحة وبديت بحياة جديدة رعد بالكلب ماانسى بس الحياة لازم تمشي ومحد متوقع شراح يصيرله بمرور الوقت

عقدنا اني ووسام وطلع للاستقبال
حيدر طلع شاف ميساء واكفة يمي
اجة صار كبالها
-الف مبروك ع الخطوبة ميساء!
-الله يبارك بيك
دار وجهه وراح بس خطية اثنينهم جاموا متحطمين والدمعة بعيونهم
مكتوب الهم يتفرقون خطية
ثاني يوم جان يوم جمعة خابر عمر ابن عمي كال باجر غداكم يمنا وذابحين الكم خرووف الكل يجي
مسلم كال عييب
كلنا نروح همه اجوا كلهم احنا هم لازم نروح
اتحضرن
حسناات طارت فرح راح تطلع ولبيت عمي
كل شويه مطلعة لبسة
ميقات البس هاي
بكيفج
لا هاي احلى مو صح
وج ثولتيني كلهن حلوات
اي والله حلوات واشتري واضم حتى مملبوسات خرب حضي محبوسين بهالبيت حتى لخوالي بطلنا متروح
-شنسوي قدرنا هيج
اكولج كومي للترك حفيلي شواربي خاف امي تشوفني هنا وترزلني
-مااتورط وياج اني شفتي ذيج المرة شبعتي رزايل من وراج امي هاي عقليتها البنية ماتحف اله تنخطب
يعني عليج الله اروح بهاي شواربي مال ابو شهاب وحواجبي مال الزعيم
حتى الله ميقبل دكومي شبيج واني اصخم شواربي مااخليها تحس حافتهن
هههههههههه خرب بليسج حلوه مال تصخميهن
يمعوده لعد شسوي امي اوفر كلش دكومي حبابه ببكت يشوفني مهيمن وينعجب بيه امداني حتى هو احلى مني
-الله يجعلة من نصيبج
دنحجي واسمع صياح مسلم ماادزهن وخل شسوي اتسوي
عززه شكوو
طلعت واشوف مسلم يعيط ويصيح
ابو ابراهيم مخابر ورود تريد بناتها تشوفهن
بيبي كالتله عيب من ابوها انه اطيته كلمه كل فترة اندزهن الها واحنا باجر رايحين لبيت عمك ودهن الها يباتن يم امهن ومن نرجع تجيبهن
-بيبي اني اريدهن ينسن امهن هيج ام ماامن ع بناتي يمهن
جده مايصير تظل امهن تره لو شيصبر وماطولها عطله تشوفهن ويردن
مسيلم انه اطيت كلمه للرجال لا تكسر كلمتي ويكول الحجية مالها كلمه ع اولاد والادها
-استغفر الله ومنوا ياخذهم
-مالك شغل هسه اخابر حيدر يجي ياخذهم وين طلع هو
-راح يم صديقة
-دخابر كله جدتك تريدك وهو يجي مالك شغل
خابرت بيبي واجة حيدر لبسنا البنات
ومسلم يفتر عليهن عبالك راح يرحن ومايجن
بابا باجر اجي اخذجن لا اطلعن لا تحجن شي يم امجن
اكلن زين نامن من وكت
حط بيدهن فلوس وراحن بس هو انقهر
راد يصعد بيبي كلتله عدي حجاية وياك اكعد
-ها بيبي كولي
-جده اريدك تطلع حصة رعد وتطيها الولده حتى يضل البيت الك ولحيدر
-اي بيبي صار تدلل ميقات
جده قيم البيت يم الدلال واطيهم حكهم جده هذا حلال وحرام وانه رجلي بالكبر
انت عدك فلوس
اي عدي وهم اطلب الحكومه مال مقاولات ع راس الشهر نخلص العيادة الشعبية ويطوني حصتي
خوش جده اطيهم حصتهم فرخ رعد وانت هم تحضر ادورلك مرة ازوجك
سكت ماحجة الله كريم خلة وصعد لغرفته

حسنات تركض وراي حفيلي وحفيلي
رحت حفيت الها وامي طبت للترك شافتنه وبالمكناسه شبعتنه كتل ورزايل وضلت تك شارب محفوف وتك حاجب
عود حفيت صفحة اتجاهي حاجب وشارب
وستوني بديت واجت امي
ياماتستحن بنات اخر وكت
معرسات من هسة اليوم اله اكل لمسلم عليجن
وساعة نقنعها ونتوسل بيها وماكو ضلت حسنات تك وتك
ونامت هيج مقهوؤة
الصبح كعدنا مت وكت ولبسنا ورحنا لبيت عمي كولنا
وللحكاية بقية