عالم البنات🙈🎀

قۣۗـۙصۣۗـۙصٍ 📖ۆبۣۗـۙسۣۗ 💯

#لُحُظٌاتْ مٌنَ الُْعمٌرَ 🍂 الُجْزُء الُثُانَي
للكاتبة ام مصطفى
الجزء الثاني
البارت الثالث
مسلم
طلعت من غرفة بيبي مصدوم متفاجأ ضربتين ع الراس توجع منا ورود منا طلعلي عم وولد عم شنو هاي معقولة مجاي اصدك
طبيت للمطبخ اخذت الجاي من حسنات كالت -اكلك مسلم منو هذا
-ابن عمج الجديد
-شنو ابن عمي الجديد
-روحي خلي بيبيتج تفهمج
اخذت الجاي وطبيت
تبسمت بوجها
اهلا وسهلا نورتنا الحمد الله طلع عدنا ولد عم
-والله احنه حيل فرحانين من بيبي حجت ولهسه قبل لاتموت واحنا ندور عليكم
-كل الهلا بيكم
-وبيك اكثر شكد عمرك انت شسمك

اني مهيمن الصغير بالولد عمري ٢٢ سنه وعندي
بعد اخواني اكبر مني اسلام وعمر وعزيز
واختي الوحيده اصغر مني اريج

-الله يحفظكم لو جايبهم نتعرف عليهم

-الايام جايه اني اجيت ادور واسئل وبعدين نجي ونتعرف ع بعض وان شاء الله مانفترق بعد ابد
-ان شاء الله يارب
-انتوا كم اخ
احنا جنا ٣ وابن عمي رضا رعد بس هالواحد
بس اخوي عقيل ورضا راحوا استشهدوا
بانفجار الله يرحمهم
-لا اله الا الله .. ماتوا وماتعرفنا عليهم ولا شفناهم
بييتك عدلة
اي موجوده
الله يطول عمرها اكدر اشوفها اسلم عليها
-اي تعال فوت
-خاف احرجكم
-لا خوية انت بعد من اهل البيت بس اسوي طريق
طبيت ميقات حسنات البسن حجابجن ابن عمي راح يطب يسلم ع بيبي
فتحن عيونهن متفاجأت
شنووو صدك تحجي
هسه مو وكتها البسن حجاباتجن خلي الولد يفوت لبيبي يسلم عليها
رجعت عليه
فوت مهيمن
طب شاف البنات كال السلام عليكم
ردن وعليكم السلام
طبيت كدامه لبيبي
بيبي هذا ابن عمي احمد يريد يسلم عليج
هلة بيه وكل الهلا تعال تجيلي خل اكعد جده
رحت تجيت الها وكعدتها خليت مخدة وره ضهرها
سلم ميهمن شلونج حجية
هلة جده هلة بيك
انت ابن احمد صكد
اي حجيه اني ابن احمد
شوو تدنة علي خل اعاين عليك زين
باوعت عليه بيبي
هزت راسها وبجت
تشبه عمك كلش وين جنتوا جده عمامكم شكثر دوروا عليكم كل بغداد دوروا وماكوا
-جدتي اخذتنا للحلة طول هاي السنين كاعدين هناك بس قبل لاتموت كالت عدكم عمام احنه ماندري ابد وهاي صار شهر واكثر ادور عليكم واخواني يسئلون عليكم
احتا مانعرف احد. من كرايب ابوي ولا من عشيرتنا بس خوالي وهواي جنا نسئل محد يجاوب هسه بيبي برت ذمتها وحجت الصدك النا
-الله يغفر الها ليش هيج فرقت الخوان وجدك مات بحصرته ع ابنه احمد جان هواي يحبه
-اي كالت بيبيتي نفس الحجي حجته
الله يرحمها.

بقى ميهيمن كاعد يسولف يم بيبي ولني فكري وبالي كله يم ذيج ورود خاف تسوي شي من وراي
اريده بس يكوم واروح الها وحيدر هم ماكوو مدري وين طافر
بعدين تبين ماعنده احد هنا ابغداد والطريق بعيد لازم يبات يمنا
كتلة تبقى يمنا تبات
-اكيد لان مااكدر ارجع هسه بالليل
خلص خوية تبات هنا وتتعرف ع البنات وع حيدر والصبح تروح تجيب العائلة كلها وتجي اي يوم يعجبك تخابرني هلا بيكم .......

خابرت حيدر انت وين
طالع يم جماعتي
تعال بسرعة للبيت
خير شصاير
تعال واحجيلك شغلة طويله
بس لا سارة سوت بروحها شي
لا لا مو يمها الموضوع دتعال هسه
جاي
البنات سوون عشه
نزلت سارة شفتها ويتبسبسن بينهن
باوعت عليها ست سارة ع كيفج ويانه
-شكو شمسويه
تعرفين شكوو ع كولت بيبي تهدي تهدي شويه مراح يطير منج شي
انتن يله خلصنا الولد خلص صلاة العشه وانتن بعدجن
ميقات اجت يمي اكلك مسلم هم عده اخوات اخوان
اي عدة بعدين تتعرفون عليهم

طب حيدر كتله استلم طب يم الولد اروح للبيت وارجع
زهراء جلبت وياي
وحوراء ضلت يم حسنات

جاي اطلع طبت جنات تبجي
جانت عايزه
ها شجابج شبيج
وليد ضربني واجيت زعلانه
لا اله الا الله اليوم لازم اسجله بالتاريخ يوم مشاكل ومفاجأت
طبيبي طبي بس عدنا خطار ديري بالج

رحت للبيت فتحت الباب
لكيتها لازمه المبايل وتخابر وتحجي بتذمر وتتشكة
جريت منها المبايل ويامن تحجين
شبيك وي ابراهيم اخوي
ما شاء الله صاير حنين اخوج عليج
وين الي جان يريد يبطلج وشابعج كتل وشاد وياج
-جنا صغار بذاك الوكت هسه كبرنا واخوي يبقى اخوي
والله اشك اخوج هم مخطط وياج اصرف عليج وتخلصين براسي واطلبين طلاك

سكتت
-وين العشة
مسويت
ليش مسويتي مو كلت الكة جدوره ع الطباخ
كومي سوي اكل
خليت المبايل بجيبي مالتها
اجت يمي سلومي حبيبي لا تسوي هيج واحد يغلط ميصير
وخري لج هاي كلاوتج متعبر علي
رايح لعلي وارجع ساعة الكه العشة جاهز والبيت يلمع ام الوصخ كافي كاعده ع وصاختج ......
جنات
ولييد اتغير حييل علي صارت بي حالة نفسيه يشوف نفسه بيه نقص لان بقة تك عين ويرجع علي اني الجهال غلط وضرب
يعني ابد ماارتاح من جان يحبني ويتمنالي الرضا جان فكر وحصرة عليه الفلس
هسه خير من الله شغله من وره فلوس الفصل بس للاسف تغير مو ذاك وليد
اهلي صار شهرين مشايفتهم واتوسل بس وديني لهلي ميقبل .الى ان طكت حوصلتي كتله رايحة وحدي اخذ تك

219 views”“S҉E҉N҉O҉R҉I҉T҉A҉""✿❧, 10:15