عالم البنات🙈🎀

اجيت ضربتها راشدي حيل من احجي وياج احجي وردي بادب لا تصيحين بوجهي سمعتي لولا
فتحت عيونها علي حييل لا تباعين هيج نزلي عينج مني
شوفي دكتورة ورود دوام ماكوو بعد انترنيت ماكو مبايل اشتريلج خط جديد وجيبلج مبايل طابوكة بس رقمي ورقم ابوج بيه
-شنووو لا بالله
-مثل مسمعتي الغرفة متنامين بيها يمي ترحين لغرفة البنات تنامين بيها
ارجع من البيت الكه البيت يلمع وجدورة ع الطباخ سمعتي لولا
-لا مسمعت اني مدرست اسنين حتى اكعد بالبيت اخدمك
رجعت ضربتها تخدميني وغصب عليج سمعتي لا تنسين نفسج ست ورود اني سويتج واني وصلتج للي انت بيه بس ماحمدتي ربج وشكرتي وع نفسها جنت براقش
انتي جنيتي ع نفسج واني لخاطر ابوج رجعتج ولا كرهتج ومااريدج
-لا اني هالوضع ميعجبني اكتل نفسي ومااعيش هيجي
-ع راحتج معاجبج الله وياج ترحين للمحكمه تتنازلين عن الغايب والحاضر وعن البنات وتطلعين بثوبج الي اجيتي بيه هذا الذهب كله تنزعيه
وساعتها اطلكج سمعتي
عفتها وطلعت لبيت اهلي
امي تلكتني ها شنو شبيها مرتك
ماكوو شي يمة زعلت ورجعتها
وعليمن تزعل يحضي شو بيت وحدها ودلال وعز لو عفه هو
اي عفة بيبي شلون صارت
لا احسن ع العلاج الطبيعي هذا الدكتور الجابه حيدر كلش زينه عليه يسويلها علاج طبيعي وبدت تحرك ايدها
اي الحمد الله
خل اطب اسلم عليها
اكلج حيدر وين
اسكت حيدر محتار بضيمة
ليش شصاير
عرست علينا سارة تريد طلاك وصار ساعة عرك وصياح
وخلة وشرد طلع تكفة الشر
هاي هم صايرة عرمة ووكحة ولا تنرد
-كلش بس شسوي اسايس بيها والله كريم
طبيت لبيبي
ها بيبي دنكت بستها شلون صرتي
الحححمد لله
تجر بالححاية جر خطيه بس بعدها قوية
-شكوو خخخايب مرتك شششبيها
-بيبي مرتي شيطانه هاي مو مرة
-ها جا شكتلك موووشش كتلك مرتك تخخخوف من زمان
-اي بيبي بس انت تفتهمين والله العظيم
دنكت ع ايدها بستها
اجت حسنات
كالت ولد بالباب يربدك
ولد منو
مااعرف والله بس كال منو من الولد هنا صيحي الي
كمت اشوف منو
طلعت اباوع ولد ينطي شبه لابوي لعقيل بالباب
كتلة تفضل
السلام عليكم
وعليكم السلام تفضل

فتحت الباب طب الولد
دخلته للاستقبال صحت جاي
كعدت تفضل خوية
كال انت منو
ابسمت
ههه اني منو لو انت
لا اسف بس انت ابن عمي رضا
لو ابن عمي ابو عقيل
اني ابن ابو عقيل انت منو
اني ابن عمك احمد
عمي احمد اني ماعندي عم بس عمي رضا ابو رعد الله يرحمه
لا عندك جدي الله يرحمه جان مزوج بيبيتي ومطلكها وعنده ولد منها الي هو ابوي وبعدين انزوج جدتك
صدك تحجي يعني عدنا عم احتا عايش
لا ابوي متوفي بحرب ايران بس احنا اربع ولد وبنية ومانندلكم ولا نعرفكم
وبيبيتنا قبل لا تموت دلتنا عليكم صار شهر اسئل وادور يله كدرت اوصل الكم
صدك تحجي
اذا متصدك هاك
طلع جنسيته
صح نفس اسم جدي ونفس العشيرة
اتفاجأت بيبي ولا يوم جابت طاري النا عدنا عم
طلعت من الاستقبال ورحت لبيبي
شافتني هاا ياهو اجه هذا
بيبي احنا عدنا عم اسمة احمد
كالت الله يرحمه اي بس ياهو كلك
صدك بيبي وليش مكلتيلنا
جده سالفة قديمة ومات هو بحرب ايران وجدك مات وراه انقهر عليه
بس انت ياهو كلك امك
لا بيبي ابنه هذا اجه يسئل علينا
شنييي شجابه وشدلاه
جدته خذتهم وشردت صار سنين ابوك وعمك شكد سئلوا عليهم بس ملكولهم اثر
وللحكاية بقية

215 views”“S҉E҉N҉O҉R҉I҉T҉A҉""✿❧, 10:14