ا متعرفين لعلاجها
زين لعد يمةة اروح اني باجر الصبح اجيج
روحي يمةة الله وياج
طلعنا من الغرفة بدون ماتباوعلي ميساء ولا نظره متها
رجعنا لبيتهم بتنا يمهم بس كلبي احسه يريد يطلع من جسمي والله اريد اصرخ اريد اطلع حركة كلبي
ثاني يم الصبح هم رجعنا للمستشفى
بقيت برة واكف وسارة فاتت
اجت ميساء بيدها العلاج
شفتها صحت عليه ميساء
باوعتلي خير
شلونج
من الله زينه
مشتاقلج
حيدر انت زوج اختي لا تنسى
فاتت جوه .
شلون انسى مو هو هذا الكاسر ضهري تمنيتها مو اختج جان ماعفتج لو ع كص ركبتي
مسلم
كعدت الصبح
كعدت ورود يله كومي ورود سويلي ريوك
اي اي
كامت واني كعدت البنات ولبست خلت ريوك بالكاع وراحت تللبس واجت تتريك مكابلتني
اكلج ورود روحي اليوم نفرات
شنووو ليش عيني
مو السيارة مو عندي
لعد وين
حيدر اخذ سارة وراح بيها لمها للنعمانية
-شنوو لا بالله وانت شلون تنطي سيارتك ها مكفاهم الفلوس الي يجروها منك هنوب السيارة والله يا الله هسه كلي شلون اروح
اخذج اني بتكسي بس اسكتي
لا مااسكت اشتريلي سيارة الي لوحدي اني احتاجها
لا والله انوب سيارة
ست ورود
اني دكتورة ورود والسيارة تلوكلي
ضحكت مرات احبها من تشوف روحها
اي عيني ليش لا تجيج السيارة
صدك مسلم عليك القران
اي والله بس بالاول اشتري لحيدر سيارة
وانت وراه
وحيدر شكوو تشتريله مو رجال هو ويدبر روحهه
هدية تخرجكم اثنينكم اشتريلكم
بس الزم بيت زين اخذ لحيدر وبعدين الم الج بس انت قللي مصاريف والله نهبتيني بالشرايا
شسوي حبيبي تعرف دكتورو ولازم اكشخ يومية شكل
تلوك الكشخة الج حبيبتي
ديله لبسي البنات اودديهن لامي

حيدر رجعت طااير مقهور وكل شويه اوكع بطسه
سارة ع كيفك حيدر راح تكلب السيارة بينه شجاك
ياريت تنكلب بينا واموت واخلص ولا هالعذاب الي عايشة
شبيك حيدر. متعرفين شبيها حب حياتي ضاع مني والسبب انت
حيدر اني مثلك ضحية حالي من حالك ليش هيج تقسة وياي مارايده شي منك بس لا تعاملني هيج ردتك عون مو فرعون حرام عليكم حسوا بية اني هم بشر ومن دم ولحم مو حديد

انوب انقهرت عليها مشيت كل قوتي حركت السيارة حرك لحد ماوصلت للبيت
ذبيتها ورحت لغرفتتي حبست روحي بيها

بعد مرور كم شهر

سارة
طلع رضا يشتري وتاخر
طلعت مديت راسي وراه من الباب
اشوف هوسه وناس ملتمه
الجم كلبي
صحت ع جاهل كتله شكوو
كال ولد اندعم وخذوه للمستشفى
راسا انخمش كلبي
ركضت لبست عباتي وامشي واسئل
شافني جيرانه كال ابنج اندعم واخذوه للمستشفى
سمعت هيج كمت ادك والطم
رجعت للبيت اركض حيدر وينك رضا اندعم
وللحكاية بقية

قۣۗـۙصۣۗـۙصٍ 📖ۆبۣۗـۙسۣۗ 💯

#لُحُظٌاتْ مٌنَ الُْعمٌرَ 🍂 الُجْزُء الُاوَلُ
للكاتبة ام مصطفى البارت ٢٤

رجعت اركض
حيدر حيدر الحكلي رضا اندعم يبووووي وليدي راح
اجن البنات يركضن شكوووو
حيدر طلع ويكولون اندعم وماخذيه للمستشفى
طلع حيدر شكوو شصاير الحكلي حيدر ابوس ايدك رضا مدعوم وماخذيه للمستشفى
شنو شلون طلع
ركض حيدر واني وراح
دك الباب ع بيت مسلم
طلعت زهراء بت مسلم
ابوج وين
جوه عمو
طب واني وراه
مسلم كوم شغل السيارة رضا اندعم
كمز مسلم طلعنا كلنا صعدنا بالسيارة عمتي اجت ورانا تركض
وصلنا للركن نزل مسلم سئل ابو الاسواق
كله اخذوه لمستشفى .... بسرعة شغل السيارة ومشة سريع

وصلنا وانزل ركض
يمةة ابني دخيلك ياربي وليدي لا ترحمرني هممنا ماعندي غيرة اولي عليك يمةة افتر مثل المخبله
الولد سئلوا الاستعلامات اكو طفل مدعوم وجابوه هنا
كله اي بالطواري
طبيت اركض وعمتي ادك وتلطم وتصرخ
طبيت
للطواري ادور بالوجوه واسمع صوته يبجي والدكتور فوكاه
يمةة ابني يمةة ركضت علي شافني بجه ماما ماما
دكتور شبي ابني بشر
ماكو شي ان شاء الله لا تخافين مدام منتبه ويحجي ماكو شي بس السحكة برجلة وراح ناخذله اشاعة هسه
دخلوه للاشعة
كسر ب جليه اثنينهن وجروح باديه وضهر
كال الدكتور لازم نجبس رجليه اثنينهن
ويبقى يمنا هنا ٤٨ ساعة نشوف حالته مستقرة يله نطلعهة
كمت ادك والطم يصبون رجليه
سوده علي يايمة كله مني طلعتك وحدك لو ماخذتك بيدي ومشتريتلك
حيدر خزرني
شلون طفل تخلينه يطلع وحده كله منج
والله كل مره هو يشتري وحده والاسواق قريبه علينا شمدريني اليوم رايح لهاي الي بركن الدربونه
سارة بسيطة خل يطلع الولد وبعدين نتحاسب
اذا صارله شي اله اندمج
لا فدوه ميصيرله شي ان شاء الله لا تفاول ع ابني
جلب رضاوي بيه تجلب حتى للاشعة دخلت ويااه وجبسوه رجلي اني وياه وحيدر لازمه
البنات يخابرن كل شويه
مسلم كال اخذ امي وارجع وانت ابقى يم مرتك
لا ارجع وياكم
وين ترجع بيبي متقبل هسه خابرت كالت يضل يم مرته ورضا شنو تبات وحدها
-هاا هم صدك يله راح ابقى وكل لورود تاخذلي اجازه
ان شاء الله
راحوا للبيت
وبقيت اني وحيدر يمة بغرفة خاصة حجزناله بالخاص
جان نايم وفز
ماما ويبجي
ها ماما حبيبي شتريد
وخري ذن مني ذبيهن يوجعني
ماما مايصير حبيبي الدكتور مايقبل
ما ما
حيدر اجه بصفة
رضاوي حبييبي هسه يجي الدكتور وينزعهن منك
صير سبع شبيك تبجي انت مو رجال
عموو توجعني رجلي والله
اي حبيبي هسه كم يوم ويطيبن
يحجي هو واني ابجي
باوعلي ادري شبيج تبجين كافي مو رعبتي الولد
مااكدر حيدر كلبي محترك ع ابني يبقى هيج شهر كامل مجبس
منو يكول شهر يجوز اشهر يضل المهم طلع سالم يمعوده بهاي ولا غيرها
اي الف الحمد الله والشكر
طلع كال هسه اجي
ضليت اني اسكت برضاوي
شغلته البلزما ودرته ع ع كارتون
ضل يباوع بس يحوس جسة كله يوجعةة
خابرتني امي
ها يمةة شلونج شخبارج
الحمد الله
شنو اليوم فكدتج مخابرتي
اي صح
شنوو شبه صوتج سارة يمةة بيج شي

اني راسا بجيت ماما
يااا شبيج يمة لا تخوفيني
ماما رضا اندعم واني نايمة مستشفى بيه هسه
-يمةة اسم الله الرحمن شوكت ولج
اليوم الصبح
وج غير دكليلي وهسه شلونه
شلونه يمة مجبسين رجليه اثنينهن وتحت المراقبه ٤٨ ساعة ابقى يومين هنا
صخام الصخمني .جايتج باجر
شيجيبج يمة وانت مريضة
لا اجي شلون مااعوفج بهيج ضرف ابد
بكيفج يمةة بعد
سديته منهة
طب حيدر شايل علاليك
حطهن يمي
وكعد يله تعاي اكلي جبتلج لفات وياي انت مماكله من الصبح لهسه
لا مااريد مااشتهي
ميصير كومي اكلي يله
مااكدر حيدر
سارة انت مماكله من الصبح شلون تبقين هيج بله اكل تردين توكعين ياعيني
كومي كومي تعاي يمي اكلي
مااكدر حيدر كلبي يتكطع ع ابني
ميخالف قدر الله وما شاء فعل بهاي ولا غيرها لازم تحمدبن الله طلع سالم وبعده عدل
لا الحمد الله والشكر
دكومي اكلي لخاطري
سكتت
كام لزم ايدي وكومني تعاي كومي اكلي اني جوعان شلون اكل وانت متاكلين مترهم
اكلي لخاطري
كعدني بصفة وطلع لفة هاج اكلي
هزيتله راسي
باوعلي بتوسل لخاطري
يله الخاطرك
ابتسم طبع قوطية ببسي طكها وخلها بصفي
ياكل ويبوع بوجهي
جنت مرتبكة خايفة مستحية كل شي بيه
اكل يباوع ع حلكي
ويكلي اكلي
بعدين شافني كمت ارجف كام من عندي طلع كيكة وعصير وكام يوكل برضاوي
يله اكل عفية بالبطل يله حبيبي بعد كعده خله المخده وره شهره ويوكل بيه وياكل هو
شكد فرحت من شفته مهتم بيه
رضاوي راد يروح للحمام
وكفت اشيله
كال لا ابقي اني اخذة شالة شيل ودخل وياه
وطلع حتى مغسله شكد استحيت منه كتله جان صحتلي
لا يمعوده عادي مثل ابني وهاي شغلتنا بعد
اجت الدكتورة تنطيه العلاج وتخليله مغذي
خاف رضا منها وبجه
كالها عوفيهن اني اضربه ابره واعلكله المغذي
شنو تعرف
اي اي
اوكي
راحت وضل يشاقي رضاوي
يله سبع تريد تضحك تقي عليك هسه يكول يبجي وخواف
يله ع كيف ان

ي اضربها الك حتى تكوم بسرعة
مااعرف شلون قنعة بعد ماجان يصرخ وميقبل
علكله المغذي. ونام رضاوي
جان اكو سرير واحد يم رضاوي
كال حيدر اني انام بالكاع وانت نامي غ السرير راح طلع من الكنتور بطانية ومخده وذبهن بالكاع فرشهن
لا حيدر انت اصعد نام ع السرير واني بالكاع

لا لا اني انام هنا تمدد ونام
اكلج طفي الضوه خل انام
جنت مستحيه شلون راح انام وياه بنفس الغرفة
رحت طفيت الشمعة وصعدت ع السرير نمت
ساعتين وفز رضاوي يبجي من رجليه
طفر حيدر يسكت بيه ماكو يبجي يوجعني وجروح شهره هم توجعة
راح نام بصفية ويسكت بيه
بس ما فاد زاد بجي من الوجع
تخبل حيدر طلع يركض واني ابجي مكابلته وابجي خوافة اني وضعيفة بهيج مواقف بسرعة ابجي
اجت الدكتوره انطته مسكنات وضربته هم ابره
بس مااسكت بجه بالزايد
وحيدر يسكت ويبوس بيه اسكت حبيبي

لحد ما غفة
نزل ع كيف منه كال طفي ونامي .باوعتلة
شكرا حيدر
ع شنوو
شكرا ع كلشي تسويه وي رضا
قابل اسوي الغريب ابن اخوي ومثل ابني وانت
باوعتله اني شنو .
مرت اخوي وبت عمي مامسويه لغربه اني
مقصرت والله الله يوفقك ......

الصبح اجتني امي ووسام اخوي تبجي امي علي
وهي هم گاضيه كلش
من المرض دكها فد دكة
-ها بنتي بشري شلون صار
ع الله يمة وع المسكنات يبجي الليل كله مانام والله الليل كله يبجي تعبنا كلش خلف الله ع عمة حيدر الليل كله محتار بيه
-ميخالف يمةة مو غريب عمة حيدر ربي يوفقكم ويرزقكم وتجيبون اخو لرضا
ضليت اباوع ع حيدر وهو يباوعلي
عززه هاي امي شبيها اخرفت شنوو شكد عيب من حيدر
هو راسا طلع من الغرفة
وامي بقت يمي

مسلم
رجعت بالليل من المستشفى
طبيت للبيت هدوء محد كاعد
شنو نايمين
فتت للغرفة بس التلفزيون مشتغل والبنات يباوعن عليه
واسمع صوت ضحك ورود
طبيت للغرفة لكيتها تحجي
والله ياجعفر سوالفك كلها حلوه وتضحك
شافتني خزرتها ارتبكت
يله بعدين نتخابر عود باي
منو هذا ولج جعفر
شبيك دكتور وياي
-وشعدج تحجين وياه نص الليل
زميلي ترة وديسئلني ع شغله بالدوام
مسلم انت لازم تتعود ع هالشي تره اني دكتوره ولازم يصير عندي اختلاط وي الدكاترة وعندي زملاء واصدقاء
-زملاء واصدقاء بمكان الدوام مو بالبيت ست ورود سمعتي هاي اول واخر مره اسمعج تحجين وي واحد بالمبايل
-اوكي بس لا تعصب
شمسويه هشه
والله ممسويه دويت تقي ابن رعد جابلي من هذا ابوالفلافل لفات واكلت
يعني شنو انام جوعان
كومي سويلي بتيته وبيض وجاي طماطه اي شي ميت جوع
يعني انت جنت يم اهلك مخليت البنات يسولك اني نعسانه
-ستوج مفتحه وتضحكين وكلشي مابيج هسه نعستي وبعدين شنو البنات ابتلن بيه خوما ابتلن المن مزوج اني
-ترة انت تعرف ضروفي مسلم لا تضل كل شويه تعير بيه مصارت هاي
اكلج تره نص العراقيات موضفات وعادي يوفقن بين البيت والوضيفة وتلكيها بيتها يلمع وجهالها شطار ومدارية زوجها
-هذن بيهن حيل اني مااكدر والله ممتعودهع التعب كلش
دكومي سوي عشه وخلي الليله تعدي ع خير لا والله اسويج هسه كباب واشويج يله

ميقات
الظهر ثاني يوم اجت ام رعد وابنها وسام من المستشفى
بيبي كالت سويلهم غده
محد جان بالبيت امي وحيدر وسارة بالمستشفى ومسلم عده شغل
عاد اني وحسنات سوينا الغدة
ولدي تقي وعقيل يم بيبتهم خالتهم بحضنها وتبوس بيهم
طببت الصينيه وفتت اسلم
صار بوجهي وسام اول مرة اشوفة نسخة من رعد سبحان الله جان خال بحضنه عقيل ابني الصغير
وتقي يم بيبيته تبوس بيه
عمتي كالت لمسلم هاي ميقات مرت رعد الله يرحمه
باوعلي وابتسم اهلا وسهلا فرصة سعيده شفتج
واني اسعد
يله تفضلوا تغدوا
كومت عقيل من حضنه ضل يبجي مجلب بيه سبحان الله عبالك يعرفة
ضل يبجي مقبل
كال عوفيه بحضني
خاف يضوجك
لا عادي بن اخوي يمون علي ترة
عمتي كالت اكعدي ينمنا تغدي لا عمة عليكم بالعافية
طلعت ورجعت اشيل الصينيه
طب مسلم
شافني كاعده يمهم خزرني وصاحلي .تعاي
كمت .ها
شعندج كاعده يم الولد عرفة والفة
اني اعلمج يرحون لولا
وللحكاية بقية

قۣۗـۙصۣۗـۙصٍ 📖ۆبۣۗـۙسۣۗ 💯

#لُحُظٌاتْ مٌنَ الُْعمٌرَ 🍂 الُجْزُء الُاوَلُ
للكاتبة ام مصطفى البارت ٢٥
مسلم
فتت للبيت اسمع صوت ولد بالاستقبال يحجي وميقات تكلة خاف يضوجك
تفاجأت منو هذا بسرعة فتت للاستقبال
واشوف ام رعد وابنها وميقات بطرك الثوب واكفة
طبيت سلمت وخزرت ميقات
طلعت بسرعة طلعت وراها
اني اعلمج شعندج ولج يم ولد غريب فايته
-مو محد هنا وبيبي كالت انت سوسلهم غده اهل رجلج ذول
-اهل رجلج دمشي فوتي جوه لا اعدمج عدام هسه
طبيت رجعت يمهم
وكالعاده جنت مامتغدي كعدت اكل وياهم
جهال رعد مجلبين بالولد عبالك يعرفونه
بس شنوو الولد نسخة من رعد سبحان الله حنى صوته اول مرة اشوفة
كتله شكد تشبه رعد
ام رعد كالت
اي كلش نسخة منه مو رعد يشبه اخوي
وسام هم طلع اخوي الجبير وابوي هم يطيهم شبه طالعين ع اهلي
سبحان الله بس ماكو هيج والله عبالك رعد هسة كبالي بس رعد شوية اسمر
-رعد عمت عيوني عليه من العمالة والشمس سومر واله هو هم ابيض مو اسمر بس الشمس ادك بيه ليل نهار
-الله يرحمه صحيح اني هم هسه من الصبح للعصر الشمس ادك بيه
اليوم اجيت من وكت ع مود رضاوي كلت اروح الهم للمستشفى
-الله يساعدك يايمة صدك شغلتكم اتعب
.....

حيدر
رضا حيل متوجع وبس يبجي حيل انقهرت عليه هالنوب سالفة الحمام كلش صعبة عليه خطية متأذي كلش بس اني مااحجي كدام سارة هي هيج بس تبجي شكد تحب ابنها
انطيته علاجة كوه وسارة تحجي وياه ماما هسه تصير زين بس لا تبجي انت سبع
بس هو ماكو طفل يريد يمشي يكمز
كتلها عوفي علي معليج عوفي علي اني اسكته
-يله رضاوي السبع مو عيب انت رجال ماتتحمل
-عموو رجلي توجعني وخر هذا الابيض منهن
-لا بابا ميصير شلون اطيب بعد اذا وخرناهن هسه فترة ويشيلوهن
يله حبيبي اخذ دواك يله سبع
شرب كبسوله
اندك الباب عبالي الدكتورة
تفضل فوت
طب ولد شايل علاليك
السلام عليكم وعليكم السلام تفضل
اني اخو الولد الي سحك ابنكم
ها اهلا وسهلا
اشرت لساره تلبس عبايتها
كتلها عباتج ع كيف هي بسرعة لبستها
تفضل
-شلون صار اليوم الطفل
-مثل متشوف متأذي ويبجي
حبيبي الله يساعدة
والله اخوي يكول هو طافر هو من الاسواق طالع ركض واخوي طالع من الدربونه فماشايفة ابد جايه فجأه
-ادري هي غير دربونه المفروض يمشي ع كيفة ينتبه زين لان دائما الدربونه بيها جهال صغار يطلعون
والله يكول هو طلع يركض من الاسواق ومااحس اله صار جوه التاير
رحمه ع والديكم اخوي حالته ع كده وصاحب جهال تنازلوا عنه واحنه حاضرين بالي تردوه
-ان شاء الله يجي اخوي الجبير ويتنازل
ليش انت مو ابوه
باوعت ع سارة
لا عمة ايوه متوفي
ها الله يرحمه يارب

ميقات
ضليت خايفة من مسلم اوف خرب حضي ابوي مايكدر بس ع امي هسه شسويت اني ويكلي بسيطة
شويه جابلي صينية الاكل
ولج شنو طابة بطرك الثوب
والله بيبي كالت سوي اكل مو كتلك
وبيبيتج كلتلج طبي هيج وكعدي يمهم
اي والله
شنو تعرض بيج بيبتج تخبلت

صاحت بيبي
مسييلم ولك ياهي هاي اخرفت شو تعال
هاا بيبي
مسييلم عوف البت مو تطلع عظلاتك ع ميقات روح ع الدكتورة طلع عضلاتك
بيبي مايصير ولد غريب
لا موش غريب عم جهالها واخو رجلها وام رجلها موش غربه مالك شغل انت
علواه لو يتعودون ع الجهال باجر اموت وامك تموت ياهو يظل الها انت الملتهي بمرتك الدكتورة القذرة
بيبي شني القذره صدك جذب
اي وصخة. قذره خايب لشوكت تضل تسدسد الها من امداك مابيك خير
بيبي احبها
حبتك حية اشوفت منها وحبيتها خايب اكله لبسة زينه امداك
بيبي اروح اودي الجاي
روح انه اودي ميقات اتجيبه الكم
شنوو بيبي عليمن ناوية فهميني
امش مالك شغل انت امشي
صيحلي ام رعد خل تجيني

صار بيبي
اخذت الجاي من ميقات وخليته
عمة بيبي تريدج
اي خل اكوم اشوف الحجية شتريد

ميقات
طبت وين بيبيتج كتلها بالغرفة
فاتت الها وكعدن يسولفن
بيبي كالت سويله جاي نومي بصرة
كومي اي بيبي صار
كسرت نومي وخليته ع النار
حسنات عفية من يكمل صبي
اي صار
رحت وصلت الباب واسمع بيبي
اكلج ام رعد ابنج وسام خاب متزوج
لا حجية منين يزوج تدرين فلس الأحمر ماعدنا وترك كليته وكام يشتغل بمطعم عامل
والزواج يريدله فلوس
زين والي يزوجلج ابنج ابلاش وكلشي منه حتى المرة
-وين علواه حجية منو هذا
-اني
انتي حجية
اي اني كلشي من عدي بس بشرط
شنوو
ياخذ ميقات ع مود جهال رعد عمهم يصير احن عليهم من غيره وهي زغيرونه بعدها وحلوه الف واحد يتمناها بس انه مااريدها تروح لغريب
ومال تظل بللة زواج مااظن خاف اموت وتاخذ غريب يشمر ولد رعد
-حجية فاجأتيني بس والله شكو بيها خوش فكرة
اي بيعي بينج وتعاي هنا
حجية مو الولد عدهم دوام وشغلهم هنا
ينقلون هنا شكوو بيها
انه اريد اطمن ع هالبنات كبل لا اموت بنات صغار اخاف عليهن وخايفة ع جهالنا تتبهذل لو خذن غربة عاد يتربون بين عمامهم احسن
حجية والله انت ماكو مثل تفكيرج
صدك اخذها لوسام اي اي وولد رعد يعيشون بحضني وعدي
عمت عيني

عليك يمة
اكلج رعد اله نص هذا البيت وهو من حصة ولدة هسة هو وعقيل بنولهم كلمن مشتمل كبل لا يموتون
اني اكول ليش يروح للغريب ابنج اولى
-حجية مو ع الورث والحصة اني الله شاهد بس من صدك ليش ماياخذ ميقات
ع مود الولد يكبرون بينا
بس ارجع افتح وي ابني الموضوع وان شاء الله يقبل واجيبة واجي وانت تظل عليج ميقات تقنعيها
لا تخافين مالج غرض
ميقات اسمع ومصدومه هاي بيبي صدك تحجي تقرر وحدها وبالنيابه علنا
رجعت للمطبخ جبت النومي بصرة وتجيت طبيت
اثنينهن يباوعن بعيوني عفتهم وطلعت
ولا حجيت كلمة

سارة
ثاني يوم طلعونا من المستشفى للبيت
وفوك ماكدرت اصعد
حيدر كال بغرفتي جوه ابقيه رضا يمي حتى علاجة والابر مالته اني اضربهن اله
وهم الحمام قريب علينا هنا
كتله بكيفك
دخلناه للغرفة ونومته ع سرير عمة حيدر
طبت بيبي تمشي وتستند ع عصاتها
هاا وينه رضا
ها جده شلونك
اجت كعدت بصفة وباسته عمت عيني عليك جده كون بيه ولا بيك
بيبي امي راحت
اي راحت من غبشة باتت هنا وراحوا غبشوه
خطية هي مريضه والطريق يتعبها
مابيها بس العافية انه قنعتها تبيع بيتها وتجي هنا يمنا
كالت اشوف وشكد يجيب واجي هنا
صدك بيبي
اي جده
شني شكالوا هسه شكد يضل هذا برجليه
شهرين جده
يايمةة عمت عيني شلون يتحمل هيج
شسوي بيبي حضي هذا
الله كريم انت لا تصعدين فوك ضلي بغرفة رجلج بعد
حيدر كال بيبي بس مو هيج اتفقنا كتلج اخلص هاي السنه والله كريم
اسكت انه احدد بيكفي
سويرة نزلي غراضج جوه بغرفته ومن يطيب رضا تصعدون بمشتملكم
بيبي
اسس اسكت انه حجيت وبعد خلص
كوم كومني خل ارد لغرفتي يله
كومها حيدر وداها ورجع يحجي ماطلعت هاي بلوه ابتليت مال واحد يهج ويخلص
كتله اذا كارهني هالكد اطلع وبقي بس رضا يمك
لا اني اطلع واعوفلج البيت كلة
باوعتله وجريت حصرة ونزلت دمعتي ع الذله هاي
رضا كال ماما اخذيني للحمام
شلته
اخذه مني وخري انت اني اخذه
راح وداه ورجع لكاني ابجي
خلاه ع الجرباية
اجه تقرب مني كافي سارة اسف اني بس بيبي حيل جاي تضغط علي واني مااتحمل هيج
والله اني اكثر منك جنت
بس هسه لا حيدر من رضا اندعم احس نفسي بحاجتك جهالي بحاجة رجال واب فوك راسهم
يعني لوما انت هسه شلون حالي وي ابني
حيدر اطلب منك طلب
كولي
لا تعوفنا فدوه لا تحبني لا تتقرب مني عادي ازوج ثانية بس لا تعوفني اني وجهالي
هز راسة
الله كريم ان شاء الله مااعوفكم

بقى حيدر يداري رضاوي واني نايمة عنده اني وملاك بغرفته لان رضا يبجي علي يريدني يمة
بس جان حيدر ينام ع الجربايه يمة
واني وبنتي ملاك بالكاع
بده يغير معاملته وياي ويداري الجهال
بس جنت كاعدة بالغرفة وخابرتني امي
كالت ميساء اجو عليها ناس وهذا الاسبوع خطوبتها تمنينج تجين
ماما اعذريني تعرفين حال ابني
معذوره بنتي
سديته منها كلي شكوو
كتلة خطوبة ميساء وباوعت عليه
وهو تخبل كام يعيط ويصيح لوم الغراض وكسرهن جهالي ارعبوا منه
لا اكدر اطلع من الغرفة رضا مااكدر اشيله
ولا هو يطلع كسر المرايا وكسر الكنتور
بدفرة برجليه
ويصيح كله منج كله منج اكرهج اكرهج
وللحكاية بقية

بالنسبة لمشكلة هالبنوتة

طبعا البنات ماقصرن 👇🏻بنصايحهن ..عاشتيدكم حبايب💜😘✨

#ملوكه

حبيبتي من اسباب الاهمال☹️👇🏻 زوج لزوجته

لو بسبب الشغل والضغوط نفسيه والتعب
لو من الخيانة
لو بسبب مشكله او خلافات زوجية
لو بسبب بروده وطبعه

فزوجته لازم تعرف شنو سبب ..تصرفات زوجها وتعالج هالمشكلة..بحكمتها❤️


#ملوكه

هالبنوتة ..جمعت كل نصايح🥰❤️

فعمري مثل ماكالن البنات..حتلو الزوج هو ديهملج..فانتي اتحركي وبادري..
ويوميا سوي اللي يعجبج من مكياج وتبديل وتحضيرات وحبكشلات


فاذا تضلين يوميا عل هالوضع وديشوفج مهتمه بي ومدللته وتدلعين عليه....نفسيته تتغير 💜

#ملوكه

ههههه..لاعادي عيوني

هو اني كل جم يوم انزل نصائح عل ☺️الحياة زوجية

وان شاء الله بليل 🙈💓هم انزل عل هالشي

#ملوكه