يي حبي من الحرارة.☹️

فسوي هالعناية يوميا وتشوفين فرق
ماسك الشوفان يفيدج لانو شكو حبوب بالوجه..يبسها ويصفيها

فيوميا خلي ماسك الشوفان وبعدها رطبي بشره...
وقبل ماتنامين..سوي قطع خيار وخلي عل وجهج ..حته يسحب كل حرارة الوجه ويبردها

سوي هالخطوات ..ف رح تشوفين اشويه اشويه تخف الحبوب🥰

#ملوكه

وهذيني للبنوتة اللي رادت☺️👆🏻 احسن انواع الواقي

اللي رادت ماسك الخيار👆🏻🌚

حبايب..اللي 🤓✨رادت العناية بالشعر وبالتفصيل..فمنا 👆🏻تلكون كلشي شارحة عنه

عادي حبي خليج ريلاكس😎..صح ماكو وقت والايام دتمشي بسع ..ومنا خبصونا بالكتروني👌😑

فعادي حبي..خصصيلج باليوم بس ساعتين اتفرغي للعناية بالجسم والشعر
ومنا للخطوبه تلحكين من عنايات تسوين...اشويه بشرة رح تتفتح..

واذا شفتي بقى سمار خفيف ومحتارة بيوم خطوبتج....مو مشكلة حبي بالكريمات 😁والبادور كوله ميبين

فخليج طبيعية عمري وكلشي ينحل🥰

#ملوكه

يعمرري😍ان شاء الله دوم افيدكم

ورح اسويلج توجيه للغسولات

#ملوكه

هذيني حبي غسول للبشرة دهنية❤️👆🏻
واكو همين فوكاه

يي حبي..منتجات الاركان كلهن زينة😇
بس اكو شعر يناسبه واكو ميناسبه..فانتي شوفي اذا ماسببلج تساقط وشفتي نتيجه..فااستمري عليه

وبالنسبة لماي الورد.هههه..يي اكو يخبطو وي الماي ويشربو الصبح قبل ريوك.. كلش زين

بس مو هاي ماي ورد....اللي يستعمل للطبخ فتكدرين تشربينه وهم تستعملي للبشرة☺️

#ملوكه

طبعا بالنسبة للقصه عاشتيدكم ❤️حبايب ماقصرتو..وصلتوها فوك مية
و اللي سألو عل القصة😎..فانتظروني بعد ساعه انزلها

لان هسه اريد اسوي حبشكلات ليلية😂❤️..
فااللي نعست خل تنام وباجر تصبح بالقصه🌚
واللي ناوية تسهر..هم حضري حبشكلات حته تسهرن عل القصه🙈



#ملوكه

...أمراة من زجاج...

البارت الاول

...المقدمه.....

نحن نعشق الاختلاف فجذورنا مازلت تنبت بأراضي
مختلفه
ولكن مهما كان الاختلاف تبقى المشاعر
والانسانيه هي نفسها في كل مكان
وفي كل زمان
ولكن حكايتي انا املك مشاعر شفافه
فأانا امرأة من زجاج
قلبها نبض بكل اختلاف لم اكن اعلم بأن ابواب
الحياة سوف. تجعل مني غريبه في وطني
وغريبه في قلب من أحب

،....،........،،،،،،،،،،

اني بنيه من احد محافظات العراق انا موبنت مدينه ويمكن مشايفه دنيا مليانه عايشه بساطه بيت ابسط من مايكون من وعيت على الدنيا واني هايمه بهاي الدنيا ‏الجبيرة
والدنيا هوايه لعبت بيه حملت الهم من صغر سني
،،،،،،،.
عايشه أني وابويه الرجال الجبير وامي
المرة المريضه عايشين على الي ازرعه بحديقة بيتنا
ماعندي لااخت ولااخ ولااقارب
وبهذا الوقت ماتفيد الكرابه كلمن عايش لنفسه وكلمن يباوع لروحه وبس ويكول يانفسي
اني بكثر حسني بكثر حظي القليل يكولون الحلوة ماعدها
حظ والحظ كاعد للونها بلون السما ..للزركه🤐🤐
هوايه جوي ورادو يخطبوني بس كفيلكم الله ماجاني واحد
براسه خير يجيني من الخباز للبكال للعامل والي بركبته
عائله يعيشها واني
هم اخاف على امي وابويه ماعدهم غيري
خوما اتخلى عنهم وهما بالفكر والضيم كبروني

جانت ماخذتني الصفنه واني يم الحطب
سمعت ابويه يصيحني
....وج بدريه تعاي نطيني الدوة
....اي جيت جيت
تمشيت لاابويه واخذت الدوة ونطيته اله
هاك بويه الدوه
...بدريه مارحتي اليوم للسوك
....اي هسه فدشويه لان اليوم اودي الخبز لجبار ابو المطعم من البارحه
كلي
.....الله يقويج بنيتي بس يابدريه
...يبوووو لادكلي بدريه
كلي بان موتعرف مااحب اسم بدريه وين جان عقلكم من سميتوني بدريه
.....سكتي وج خايبه وشبيها بدريه امي الله يرحمها جانت اسمها بدريه جنها كمرة
والكصايب على الجتاف والعيون ذباحه وهلكدها

.....دسكتي لخاطر الله هي منين عدها عيون
وسويتيها كمرة
...ولج لازم معاجبج
....لايمه عاجبني يله اني كايمه اخلص الخبز
حتى الحك اروح وارجع
...اكلج يمه خاف تشوفين خضر ...جيبيلي منه ربع كيلو زلابيه
....يبووووو على راسج بان يمه بيج سكر ورحميني
من الصرف تاكلين وأحير بيج
...روحي ولج مااريد تذليني
...مااذلج بس موزين عليج
... ماااريد منج شي الله لاعوزني عليج
.........
وكعدت تولول وتبجي
....دكافي اجيبلج بس سكتي
.......بدريه
...هايابه
...هاج هذا الدوة خلص جيبي وياج وجيبي اكل للطيور
.....احنا لاكين ناكل حتى نوكل الطيور
جيب يابه اجيبلك الدوة
....لاتنسين اكل الطيور
....اي فتهمت
رحت للتنور وكمت ادردم واكول ماالله ياخذني
واخلص تعبت اني مكضيتها من خبز لتنظيف لزرع
وخدامه
استغفرت الله وكملت الخبز واخذته
وتمشيت للسوك
وجان السوك كله زلم وجانت عيونهم ماترحم ياكلوني اكل بعيونهم
وطول مااتمشى يسلمون عليه لان كلهم يعرفوني
رحت على جبار ابو المطعم دكيت الباب جان بعدة ممفتح المطعم بس من دكيتها
طلعلي
....صباح الخير جبار
....صباح الطماطه ياعيوني انتي
تلعب نفسي منه ريحته تموت وسمين وعيونه تخوف
ومزوج اثنين ودائما يلمحلي انو يزوجني
واني اثول روحي
....هاك عيني جبار هذا الخبز
....يمه يابعد كلب جبار وبعد كبدة جم خبزه هاي
....انت مو ردت 35خبزة
....عاشت يدج هاي الي حرامات تتخلى بالتنور
...جبار احترم نفسك لاظل تحجي زايد ترة احلف الله بعد مااخبزلك
...هاي شبيج طماطايتي ترة والله رايدج بالحلال
اني ادللج واخليج بعيوني
....شلون عيون عود عندك
....غير صغرت من يوم الي شفتج بدريه كلبي
...يبووو راح الم عليك السوك دروح على نسوانك وعندك
كومه جهال هذا حظي المصخم ماادري وين نايم
بيا خرابه ماادري نايم بالتربان دروح
...اخليج ملكه بس قبلي ولج حرامات هاي الخلقه تفتر بالسوك بين هذوله الوصخين
...علااساس انت شلون نظيف يرادلك صونه مال اطفائيه يله تنظف دروح
...اني داسكت لان حبج بكلبي شاعل شعل
....عوع حبتك حيه ام راسين يحبني دروح لم نفسك رجال شكبرك
.....بس كلبي اخضر ورايدج
.....استغفرالله ربي شلون كتبه هاي
انطيني فلوس الخبز داروح يله
مد يدة بجيبه وطلع الفلوس ومدها الي
اخذتها
وكتله
...بعد مااخبزلك شوفلك غيري
....ليش قلبي
....ماوكف كلبك وخلصت وارتاحيت منك
عشتوووًً مابقيت بس انت عليه
وسمعت صوت ام خضر صيحني بنونه
...ها خاله شلونج
....الحمدلله انتي شلونج
....والله اني هم الحمدلله ذكرتيني وين خضر شو ماكو عربانته
...مااعرف والله تلكي هنا هنا هذا مايثبت بمكان

...يبوو داريد اشتري لاامي زلابيه هسه شيخلصني اذا مااجيبلها
...هاي امج ماتنهد مو مريضه وبس تاكل بهالحلو
...موتتني ياخاله
....اكلج يمه خاله
....ها خاله ام خضر
...اريد اروح لبغداد
لويش خاله شعندج هناك
...تعرفين ناهز خطبها ابن بغداد وكايلها جهزي غراض عرسج
من بغداد وهي الثوله هسه كاعدة ومكسرة
....يايمه شجاها
...اي والله بنون وكعت بالحمام هذيج الوكعه ورجل

ها نكسرت
خطيه وكاعدة وتولول وتبجي واكلت راسي تريد جهز
واني الج احبج حبيبه انتي تتخلين على الجرح يطيب كلت اروح اني وياج ونبقى ليله بيت عمتة لخطيب ناهز
ونرجع ثاني ‏
....والله خاله من عيني اروح وياج بس تعرفين امي وابويه شلون اعوفهم منو يخلي عينه عليهم
....اي اعرف اني كلت اكول لاام عصام تبقى يمهم
والمرة ماتحجي شي
...اي خوش خاله اذا هيج اروح وياج شوكت نروح لبغداد
....باجر ان شاءالله وياطلوع الشمس
...اي خوش باجر ويا طرت الشمس اني يمج
....اي فدوة واني هم اروح على ام عصام احجي وياها
....اي نتشاوف لعد باجر الصبح
يله خاله بخاطرج
...الله وياج حبيبه
تمشيت شويه وكمت اباوع منا منا جنت ادور على خضر حتى اخذ لاامي زلابيه
ومالكيته بقيت اتمشى وشفته هو وعربانته صحته بصوت عالي
والتاف عليه ومن شافني اجاني طاير
باوعته كلت والله الي يشوفك ياخضر سنه مياكل بعد
وفوكاها تبيع زلابيه
....هلو خضر
...عيون خضر شلونج
كلت بكلبي يله هذوله المعجبين مابيهم واحد صاحي
وبراسه خير كلهم ملكوفين
يبوووو شوف حلكه يمه ياساتر ياربي
...خضر
...كولي فدوة لعمرج خضر يروح
....استغفرالله اكلك اريد نص كيلو زلابيه
..الج حتى اعتني بيها
...اي
خلالي وكلي
....هاج
انطاني الماعون البلاستك وجان مليان زلابيه
طلعت الفلوس وماقبل ياخذها بعدها شمرتها
شمر بالعربانه ومشيت
للبيت ولمن دخلت كلت
...السلام وعليكم
...وعليكم السلام هابدريه جبتي زلابيه
...اي يمه جبت
تمشيت وانطيتها الماعون
...هاج بس فدوة اروحلج لاتاكلي كله ترة تموتين
... ياشلون متستحين تريديني اموت مو
حتى محد يحاسبج وترتاحين من عدنه وطبين وطلعين بكيفج مو
...لاحول ولاقوة الابالله دكافي لخاطر الله
هاك يابه هذا الدوة ورحت على قفص العصافير
وانطيتهم اكل ومي
وطلعت احوش بالخضرة حتى اروح اوديها لبيت
ام منير
هي رادت مني خضرة
خلصت ولبست عباتي مرة ثانيه
ومناك وصاحتني امي
...وين رايحه
...اروح لاام منير اودي الخضرة وصدك ترة اني باجر اسافر
وياام خضر اروح لبغداد وام عصام راح تجي تبقى يمكم
...وج معزايه شعندج بغداد
..اوف يايمه موكلتلج وياام خضر راح تروح اجهز ناهز واني راح اروح وياها
....وليش
...اريد اروح اشتم هوى الله كافي عد رحموني
وطلعت من البيت وسمعتها كامت ادردم ورايه وتحجي عليه
ماادري ليش هيج صايرة امي انانيه وتكاليه واعتمدت عليه بشكل جبير
وفوك كل هذا كل النهار والليل تحجي عليه رحت لاام منير وديت الخضرة وانطتني الفلوس ورجعت للبيت بقيت اشتغل والم خشب للتنور
شعلت بي النار
وبقيت صافنه على النار
شلون تصعد وتهبط ويا
كل هبت هوأ
وحسيت هاي النار بيها مني
ياحياة الي عايشتها اشو اني كضيتها
بين العيون الي ماترحم
وكمت مرات احس نفسي ولد
وارد واكول ياربي توب عليه من هاي العيشه
خلي ارتاح اشو من بديت افطن للأمور
وأستوعب بديت اشتغل وجبتها من ذاك اليوم لليوم
بشلعان الكلب
يله أمر الله
و الله يسهل الامور
ومايدوم شي لابد يجي يوم وكلشي يتغير
وبعدها
دخلت نمت وحسيت ويا طرت الشمس كمت رتبت امور اهلي
واكلهم وخليت ادويتهم
يمهم وسلمت عليهم وخليت عبايتي على راسي وطلعت
واني فتحت الباب تلكتني ام عصام
سلمت على المرة وصيتها على اهلي
وطلعت أتمشى وعود كلت راح اروح لبغداد
..........
ولبست شحاطه كعبها عالي كلت خلي اتأنق.
وهدورة كمت امشي واتعثر

لحد ماوصلت لراس الدربونه مالتنا شفت ام خضر واكفه
رحت يمها
وصبحت عليها ومشينا سوا
...خاله منين راح نروح
...اكو ولد هنا سايق هو يودي ناس لبغداد ويجيبهم اتفقت وياه يودينه لبغداد وهو باجر عود يرجعنه
...اي زين ‏
...هيانه وصل يله
واني امشي واتعثر
علما صعدت بالسيارة وكعدت
روحي طلعت
....خاله بنونه شبيج بكوة تمشين
.... والله ياخاله لبست شحاطه كعبها عالي وبكوة دامشيى
...يمه منج لعد هسه شلون راح نفتر بالسوك
...شمدريني
....يله هسه من نوصل للسوك نشتري الج شي مريح تلبسي
كيفت مثل الجهال من كالتلي هيج
واحنا كاعدين بالسيارة وصعدو ويانه شكول يابو شكول
واكو واحد كاعد كدامي
وكل شويه وغامزلي
واني استغفرالله وادير وجهي
والحمدلله من وصلنا وخلصت من هذا الي حواجبه ماوكفت
ونزلنا للسوك وبقينا للعصر ندخل من مكان لمكان
ومابقت عدنه رجلين ‏
واخر شي صعدنه تكسي ورحتا لبيت ‏عمته لخطيب ناهز
محمد
والله لمن وصلنا ‏شفنه الولد واكف
باوعته جان ولد مرتب وحلو
سلم علينا ودخلنا جوه
ولمن دخلت وباوعت داير مدايري

كلت (اللهم صلى على محمد واله محمد)
جنه قطعه من الجنه
بالعافيه على أهله
وكال محمد خطيب ناهز
...تفضلو تفضلو نورتو
....ردت عليه ام خضر كالتله بنورك ابني
وفتح باب خشب جبيرة وجان على هاي الباب الخشب ايه قرآنيه مكتوب عليها ‏
((قل اعوذ برب الفلق))
قريت الآيه بكلبي ودخلت ورا الولد و ورا ام خضر
دخلنا لفد غرفه واسعه
وحلوة وريحتها عبالك مسك
ونظيفه باوعت داير مدايري
وجنت اتبع ام خضر بخطواتها وكعدت واني كع

دت يمها
وبقيت ادير براسي يمنة ويسرى
و العريس جان ديسئل على ناهز
وعلى اخبارها وشلون صارت رجلها
وبااثناء كلامهم التافت عليه ام خضر كالتلي
...تعرفين يابنونه ناهز خايفه تجي لبغداد دكول خاف موكد اهل بغداد
...ليش خاله شبيها ناهز وردة وعبالك العافيه ‏ ‏
....الله يعافيج فدوة لسانج
وكلت بكلبي الله يصخم وجهي ياعبالك العافيه ‏
زركه بس صدك من كال حظ الزرك كاعد
استغفرالله حرام عليه احجي هيج
ولو هذا الصدك والعريس هوايه احلى منها
بس يمه على البخت بس لو اعرف شلون صادته جان رتاحيت
اني احجي بيني وبين نفسي وعيني على الكاع
سمعت الولد يكول
...عمتي ام خضر شو ماعرفتيني منو هاي الي وياج
ام خضر ضحكت
...اي بالله نسيت. هاي بدريه بس ماتحب احد يكللها بدريه هههههه
وتصير جوارينه بنيه حبوبه واخلاق ومعدله والله من كتلها ناهز ماتكدر تروح ويايه لبغداد واريدج ماترددت
خدومه وبت حموله
باوعلي وابتسم وكلي
...اشرفت ونورتي بغداد
...منورة بيك وبااهلها
...وترة ضلموج من سموج بدريه
خجلت وخدودي صارت حمرة اول مرة اخجل لان
هذا نظيف ومرتب وشكله ابن زاوات عوذة
على الشكول الي اشوفها هناك يمنه
ضحكتله
....اي سموني على اسم بيبيتي
....ولعد شتحبين يصيحوج
....بان
...اي يلوكلج اكثر
ام خضر رادت تغير الموضوع
وكالت
...لعد شنو ماكو احد بالبيت اتصورت عمتك موجودة موكلت هذا بيت عمتي
..اي صحيح بس طالعه هسه على وصول صدك
اخذني الكلام وماكتلكم شنو تشربون
...لاتسلم ابني
بس اني جنت عطشانه
كلش
شاورت ام خضر
......خاله اني اريد مي واريد اروح للحمام اغسل وجهي
......اي خاله احجي ليش مستحيه محمد ابنه مو غريب
فدوة محمد ابني بنونه تريد تروح للحمام وتريد مي خطيه فحطت اليوم من التعب وشيلت العلاليك
...اي بعيني تفضلي
شو باوعت عليه وكلبي لعب منه
بس شسوي
عدلت عبايتي وكمشتها زين ومشيت ورا
اشرلي على باب وكلي
...هذا الحمام
...شكر ا
...تدللين عيوني
...تسلم
...ومن اطلعين هذا المطبخ اذا تحبين تشربين مي
...اي اشكرك
هز براسه وراح دخلت الحمام وقفلت الباب
خفت
منه ماادري يمكن لان مشايفه هيج ناس
غسلت وجهي وفتحت شعري وعدلته ورديت خليت على راسي العبايه ولمن طلعت
رحت للمطبخ شفت بطل كزاز وبصفه كلاص صبيت بي مي وشربته وسمعت صوت ورايه نداريت
وشفت خطيب ناهز
....كلي بالعافيه
....الله يعافيك
....اني ماجنت اعرف انتي صديقة ناهز
...اني موصديقة ناهز وماعندي بيها ذيج العلاقه
القويه على كد السلام والسؤال على الحال
بس خاله ام خضر تمون عليه واحبها ‏
ودائما واكفه ويايه
...هامو
وسكت
...انت شنو الي تريدة بالضبط جنك دتحوم على شي
....هههههه اني لا لتخافين
ودار وجه وطلع من المطبخ
رحت وكعدت بالصاله وبقيت خانسه بمكاني
وكلت لروحي هاي شلون راح اكضي ليله هنا
هاي الليله راح اصير كلش طويله عليه بس بلكي هو مايبقى ويروح لبيت اهله
وبقى يحجي ويسولف ويضحك
وجان فد واحد حجاي وماينكدرله
ويدوخ اكبر واحد
وبهاي الاثناء نفتحت الباب الخشب ودخلت امراة
لابسه بنطرون اسود وقميص نيلي ورافعه شعرها
ليفوك جانت جبيرة ومبين عليها العمر
اول مادخلت باوعت وبعدين كالت
...مساء الخير
ردت ام خضر
...مساء الخيرات عيوني
تقربت وكعدت على الكرسي الي كدامنا وكالت
.....اني اسفه مستقبلتكم بس جنت يم
الطبيب وعالعموم حمدلله على السلامه
واتمنى ترتاحون بااثناء تواجدكم بيتي
......لاتتاسفين واكيد نرتاح وساعه المباركه الي شفناج وتعرفنه عليج
حجى محمد خطيب ناهز وكال
...عمة ام خضر هاي عمتي ام كميل
....يااهلا وسهلا
...اهلا بيج ونورتي
...بنورج ام كميل
...لعد معرفتينه على البنوته هاي بنتج
....هي مثل بنتي بس اني ماعندي بس ناهز وعندي ولد واحد
هاي بنت جوارينا
...اهلا بيج وبيها وزارتنا البركة
....بيتكم عامر ان شاءالله ومبارك بحسكم
..اشكرج
....من رخصتكم اروح اغير ملابسي
...غاليه عيوني
وهي كامت وسمعت واحد يصيح محمد تعال
كام خطيب ناهز طلع وشويه ورجع
ولمن دخل وكعد دخل واحد ورا
يمه عبالك شمس ودخلت
مايشبه البشر شنو طول شنو جسم
شنو شعر يلمع شنو بشرة
يمه دخت من شفته
عبالك صينيه مال حلويات ماشاءالله اللهم لاحسد
بس حرامات ماشفت عيونه لابس مناظر ومامبينه زين
اول مادخل صار وجه بوجهي باوعلي
وعبالك ذبانه وكشها ودار وجه عني عالسريع

وكال
..السلام وعليكم
....وعليكم السلام
محمد كال
.....عمتي ام خضر هذا كميل ابن عمتي محامي وتاجر
....اهلا وسهلا اهلا بيك ابني ماشاءالله
الله يزيدك
...اشكرج وفرصه سعيدة تعرفت عليكم اني سمعت عن ناهز وعن حضرتج من محمد
....ان شاءالله الي سمعته عنه خير ‏
.....اكيد يله من رخصتكم وطب جوة
وبعدها كال محمد
...يله اوديكم لغرفتكم حتى ترتاحون
كالت ام خضر
...اي والله ياريت
كام وكف وكمت اني وام خضر ورا وتمشى شويه
وكف يم باب غرفه بالطابق الجوة وكال
...هاي الغرفه واخذو راحتكم واي شي تحتاجو اني موجود
ودار وجه وراح
دخلنا للغرفه