هاي الخلطه دايما 😍اسويها بالاسبوع مرة او مرتين....وعن تجربة اهواي هم يشد البشرة وهم يزيل كل رووس🌚✨ سوود

#ملوكه

#فوائد_قناع_الحليب_للبشرة، فمن أهمها:😎✨
- تقشير آثار الحبوب.
- شد التجاعيد وإخفائها.
- تفتيح الهالات السوداء.
- تبييض البشرة.


💫المكونات:
ملعقة حليب سائل+ ملعقة حليب بودرة+ ملعقتين ماء ورد

🌟الطريقة:
- امزجي الحليب السائل، البودرة، مع ماء الورد.

- استعملي قطنة واغمسيها في المزيج.

- ضعي القطنة على وجهك ورقبتك كل صباح ومساء قبل النوم.

- اغسلي وجهك بعدها ورطبيها وستلاحظين الفرق بنفسك.😍🙈

#أعادة_توجيــهـ_لصديقتج
#ملوكه

حبي ☹️..اكثرية من بنات ركبتهم بي اسمرار..ليش؟ لانو يتجمع بي العرق وخاصة احنا بالصيف..وي تجمع من العرق والاوساخ..يسوي اسمرار😣

★فشنو الحل..اول شي ركبة قشريها بليمون وملح كل ثلاثة ايام
وثانيا يوميااا اسبحي
وقبل ماتسبحين ..تخلين وحده من الخلطتين لو ماسك الحليب اللي هسه نشرته

لو ماسك التمن..فد نص ساعه وغسلي
ولمن كملتي كلشي ..رطبي ركبتج بمرطب للجسم وخلي بعدها بودرة اطفال..رح يمنع التعرق☺️

#اعادة_توجيه
#ملوكه

#نصائح_مطبخ 😎

🌸🌸🌸🌸🌸🌸

1- عندج علم سندوسه اذا صار بالثلاجه ريحة مطيبه حطي فحم او خل مكان التجميد حتى الريحه تروح 


2-  اذا عندج اكل بايت لتضلين تحمين بي بس مره وحده اذا اكثر اول شي مو زين ثاني شي رح يفقد فوائده


3-   سندوس دائما لتخلين ع. الاكل او الزلاطه 🌮🍜 هذا الليمون الي بالبطاله🍾 جنه تيزاب خلي ليمون طبيعي 🍋
يصير اطيب وافضل


4-   تنجبي الزيت مال قلي القديم لان هو سبب امراض الكبد اكثر شي استخدمي مرتين وذبي 🗑🗑 تره بطل الزيت ب2000 دينار


5-   عيناي سندوسه  اذا ردت تسوين عجينه بيتزا او فطائر او اي معجنات خلي بيها ملعقه زبادي مو اي لبن الا زبادي رح تطلع العجينه واو  😍😍


6-  عندج علم لازم دائما كاونترج مرتب خاصتا الي كاونترهه صغير لان اذا اتبهذل رح يصير الشورجه اباب الشرجي 😂😂😂

🌸🌸🌸🌸🌸🌸🌸🌸🌸


#أعادة_توجيــهـ_لصديقتج
#ملوكه

"‏يجب على المرء ألا يستعجل الزمن🥀 ، فالأشياء
‏ الجميلة تأتي من تلقاء ذاتها"🍂💜

••••••••••••••••••••••••••••••

#مساء_العسل

💙🙈#يسعد_أوقاتكم_بكل_الخير 💙🙈

🖤✨#توقعات_الابراج_ليوم_الاثنين🖤✨

#الحمل💜✨
مهنياً: يشير هذا اليوم الى التخلص من بعض التعقيدات، وربما تطل على تغيير مكان الإقامة والانتقال إلى مكان جديد.
عاطفياً: ترتاح إلى الأوضاع والعلاقة، لكنّ أمراً ما يؤثر سلباً في العلاقة وفي أسلوب تعاطيك مع الشريك.
صحياً: بعد قيامك بأي نشاط رياضي تناول كوباً من العصير وأكثر من المياة لتعوض النقص الحاصل جراء تصبب العرق بكثافة.

#الثور 💜✨
مهنياً: يجعلك هذا اليوم متفائلاً وإيجابياً ويأتيك بفرص استثنائية جميلة جداً، استفد منها قد المستطاع ووظفها في الحقل الذي تنجح فيه.
عاطفياً: تعبّر عن نفسك بحُنكة ومهارة وتبرز مواهبك، فتكون الانطلاقة مهمة لفترة واعدة جداً مفعمة بالنتائج المفرحة والمفيدة.
صحياً: لا تحصر نفسك بين جدران المنزل في وقت تكثر أمامك خيارات الترفيه عن نفسك.

#الجوزاء💜✨
مهنياً: الجدية التي أظهرتها في العمل تنعكس عليك إيجاباً، وهذا ما يساعدك في التعامل مع الزملاء بثقة أكبر.
عاطفياً: تصرفات الشريك الغريبة نوعاً ما لن ترضيك، فحاول أن توفّق بينك وبينه، فهذا أفضل لكما لئلا تصطدما بما لا يعجبكما.
صحياً: تقوم بكل ما في وسعك للتخلص من الوزن الزائد، وتعرف النتيجة المرجوة في غضون أيام قليلة.

#السرطان💜✨
مهنياً: تمهل ولا تهمل، وخصوصاً أنّ الوضع لا يحتمل، ومن شأن ذلك أنّ يترك انعكاسات تطال الجميع.
عاطفياً: اذا لم تكن مخلصاً مع الشريك، من الأفضل ألا تصارحه بمشاعرك تجاهه وإلا ساءت الأمور لاحقاً.
صحياً: لا تتردد في تنفيذ تمارينك الرياضية، فهي تفيدك كثيراً من أجل مستقبل صحي أفضل.

#الاسد💜✨
مهنياً: تسترجع قوّتك بسرعة، ما يشير الى فرص مالية مميّزة واستثمارات مناسبة أو أخبار طيّبة تجعلك الأقوى.
عاطفياً: علاقة مميزة وفريدة من نوعها بالشريك، مردّها التفاهم الواضح والاتفاق على كل الأمور، ولا سيما تلك المتفق عليها قبل الارتباط
صحياً: تخصيص الوقت اليومي للرياضة يوفر عليك الكثير من المطبات الصحية.

#العذراء💜✨
مهنياً: يتحدث هذا اليوم عن مشروع يوضع امامك للتفاوض او عن عقد تريد ان توقّعه او اتفاق تعقده.
عاطفياً: معاملة الشريك بمزيد من الليونة والشفافية تؤسس لعلاقة ثابتة ومتينة بينكما، وتفتح الطريق أمام النقاش الهادئ والبنّاء.
صحياً: اذا رغبت في جسم سليم، عليك ان تمارس الرياضة بوتيرة مستمرة ومتواصلة.

#الميزان💜✨
مهنياً: تجد نفسك وسط أزمة طارئة وتتعدّد المسؤوليات ويتداخل بعضها مع بعض، لكنك تتمكن من إيجاد الحلول الناجحة.
عاطفياً: تتسلّم رسالة من الشريك تحمل إليك خبراً مهماً يدخل البهجة إلى قلبك، فتقرر أن تكافئه بتمضية عطلة أسبوع معه في أحد المنتجعات السياحية الجبلية.
صحياً: حاذر التحديات لئلا تعرّض نفسك للأذى ولاضطرابات أنب بغنى عنها.

#العقرب💜✨
مهنياً: يتحدث هذا اليوم عن ربح أو فرصة لمواصلة مشروع غال على قلبك، وأنت تسكنك ديناميكية كبيرة وتكون قادراً على كسب ثقة الآخرين.
عاطفياً: القناعة التي ترسّخت عند الشريك قد تدفعه إلى اتخاذ قرارات غير مدروسة، فسارع إلى توضيح الأمور قبل تفاقم الوضع.
صحياً: التخفيف قدر المستطاع من ساعات العمل ومضاعفة ممارسة الرياضة قرار صائب.

#القوس 💜✨
مهنياً: لا تدع الأخطاء السابقة تؤثر في مستقبلك، وحاول أن تنهض مجدداً، فأنت تمتلك الأسلحة اللازمة لذلك.
عاطفياً: تجد فرقاً كبيراً بين الأمس واليوم، لكن التحسّن مهم من أجل أجواء مثمرة في المستقبل والسير على هدى.
صحياً: جميل أن تقوم بنشاطات رياضية مع مجموعات، وخصوصاً ممارسة المشي لمسافات طويل.

#الجدي 💜✨
مهنياً: تهتم بشأن مالي ملحّ يلقي هذا اليوم الضوء على اتفاق ما أو على فرصة للسفر، أو على عملية شراء أو بيع.
عاطفياً: تنهي الكثير من النزاعات التي كنت تعانيها في مجالك العاطفي، وتبتعد عن الانفعالات التي توتر علاقتك بالحبيب.
صحياً: سيطر على انفعالاتك أمام أفراد أسرتك، يكفيك ما تعانيه يومياً في العمل.

#الدلو 💜✨
مهنياً: يتيح أمامك هذا اليوم فرصاً للعمل يجب أن تبقى سريّة وبعيدة عن أعين الحسّاد لئلا يحاولوا أن يدبروا لك مكيدة لإيقاعك بها.
عاطفياً: تقوى المشاعر وقد تتعارض مع الفرص، إلاّ أنك قادر على تنفيذ رغبة أو تحقيق أمنية، وانتبه لكلماتك ومظهرك وتصرّفاتك.
صحياً: إياك والمخاطرة بوضعك الصحي لتبرهن للآخرين أنك لا تعبأ بما يطلبه منك الطبيب.

#الحوت💜✨
مهنياً: يشير هذا اليوم إلى أفكار مهمة واستثمارات وبداية مميزة وفرص مناسبة وعلاقة مع شريك جديد وتزدهر أعمالك على نحو غير متوقع.
عاطفياً: تقوم برحلة عمل على أمل أن تستفيد خلالها من تجديد العهد بينك وبين الشريك، والاتفاق على خطة للعلاقة في المستقبل.
صحياً: الوقت الذي تمضيه في ممارسة الرياضة يكون مناسباً من أجل غدٍ أفضل.

حبي حاولي لمدة يومين لاتمضمضين ولاتبصقين..لانو يأذي بالزايد☹️💔
ولاتشربين شي حار مثل الشاي ..ولا شي بارد مثل الموطة
عوضي بسوائل وعصاير وفواكه
ولاتاكلين ابد عل السن

منا ل3ايام..اذا مارح الالم..خل يفحصج دكتور ويشوف شالسبب الألم

#ملوكه

ههههه..يي اذكرتج عيوني

هو احنا البنات كلنا هج ☹️..نندمج بالقصص فلو تلكين وحده دتبجي لو وحده دتبتسم😅
لانو دنقره.. مواقف من الحياة واغلبهن مارين بيهن فبسع نتأثر

وفدوة الج يروحي😍💕 💕تسلمين عل كلامج الحلو..ربي يحفظج وان شاء الله متشوفين اله كل خير💜💋

#ملوكه

خلطة ماي البصل😎 لتثخين الشعر

اللي حابة تثخن شعرها تسوي هالخلطة عن تجربة😍👆🏻..واستمرو بيها كل يومين
منا لشهر رح تشوفين فررق

#ملوكه

#قًصّة_مٌطِلُقًهہ

قصه تدور احداثه حول بنت تتحرر من قيود زوجها الضالم لكن هل يمكن ان تعيش حياة سعيدة بعد طلاقها اما .....

#بارت25

الكاتبة زيليش

🙉🙉🙉🙉🙉🙉🙉🙉🙉🙉🙉🙉🙉.
زمرد
ليل كله كاعده مقهورة بجيت لحد مامليت
ردت الهي نفسي بشي ماريد انام هم خايف لان وحدي وبالي يمه بس عرفت هو راح بسيارة كعد كلبت بالقنوات لكيت فلم مصري لتامر حسني نور عيني جان بادي نصه بقيت اباوعله لحد لقطه من يموت اخوه ويكوم يغني اني حتى صوتي طلع كمت اشهك
وكعت ع جرح ماجاي اعرف شريد مامتقبله يكون يمي بس ماكدر اتركه ل٥ الصبح كاعده وهو ماكو والموبايله مغلق ٥ ونص الصبح دخل مبين ع وجه العصبيه والعصب الي برقبته مبين من بعيد ابد مباوعلي ولاعبالك اني موجوده كبل راح ع سرير شويه لزم موبايلة وخلاه ع الميز ونام بقيت كاعده ع قنفه ومادري شلوت غفيت اني عبالي كاعده لان جنت اباوع ع تلفزوين ع فلم بس من شفته مخلص وبادي غيرة عرفت صالي هواي نايمه انتبهت يوسف مو ع السرير رحت يم الحمام سمعت صوت مي مفتوح عرفته جوه
من طلع هم ساكت جان مبدل بالحمام لابس قميص وبنطرون من ردت ادخل حمام

يوسف. 😑حضري نفسج بسرعه حتى نرجع للبيت

مجاوبت دخلت للحمام واخذت وياي ملابس غسلت وبدلت بنطرون جينز وقميص طويل ابيض وبيه ورد احمر ناعم خليت مكياج شويه قوي ولبست عدسات شي اكيد راح الكه ناس اقربهم وبيت الشيخ لان الي عرفته ام كرار من اقارب الشسخ بس ماعرف بنته اخته لان بالحنه هي كاعده وياهن وتسولف ويه لزاتهم وتضحك مو مثل باقي نسوان حماي
ردت اشسور شعري بس ماكو ناسيات يخلنه بجنطه سويت ضفيره هندية صارت حلوة ويه لبس والمكياج بسرعه بسرعه بدلت وكل بالي يم حسن خفت خاف يرحون رانيا واهلها من الفجر ويخلوه يم احد

طلعنه من الفندق اخذت البدله خلاه بسيارة وره وهو سلكت ولاكلمه حجه وجه هيج 😡
وبس يباوع ع طريق طلعنه ساعه ب٧ غباشه
بس من وصلنه اني عبالي ندخل نلكهم نايمين بس كله واكف بره وشفت طلي بديهم يوسف بس نزلنه غير وجه من 😡الى☺ من شفته كلت بكلبي يا هذا مو توه وجه جان مايكصه سيف هسة شغيره اني هم خليت ع وجهي ابتسامه بس وصلنه تباركوله اخوته وابوه واكو رجال جبير اكبر من ابو يوسف واكف بصفه مبين عليه الهيبة والشموخ عرفته من شكله الشيخ سلم عليه يوسف
الشيخ. هلة بويه مبروك ماشوف بس الخير

يوسف. رحم الله والديك

واشرلي اسلم لان اني جنت واكفه ع صفحه

زمرد. سلم عليكم

الشيخ . وعليكم سلام ورحمه هلة بوية مبروك انشالله الذرية الصالحة

زمرد. شكرا

ورحت سلمت ع عمي ابو يوسف وبست راسه هاي حركه تعلمته من نسوان حماي مره اجه واني بيت ام مصطفى وباسته ام صطفى وام علي من راسه هو باوعلي وابتسم ويوسف ابتسم باعجاب

ذبحوا طلي جوه رجلنه مجان اكو غريب بس الشيخ وابو رانيا وحتى رجولة حمواتي مطالعين باقين بالاستقبال دخلنه جوه هم دخلوا للاستقبال واني دخلت للمطبخ وكله تلكتني حمواتي ونسوان حماي وخالة ام رانيا ورانيا وحسن كله تبارك واخذت حسن من رانيا ابوس بيه نوب دخلت سلمت ع عمتي بالغرفه وهي نفسه كوة ترد السلام بقيت كاعده بالغرفه تريكنه نوب رانيا واهلها راحوا توسلوا بيهم يبقون ع غده ماقبلوا وعمي ابو يوسف مخلاهم يرحون فارغين دز ولدهم يلكطولهم من البستان مخضر خلولهم المخضر بكونيه مال تمن متروسه كوه تنشال

اجتي رانيا بصفي وحجت بصوت ناصي

ورانيا. زمرد اليوم بس اوصل اروح اكعد بسوك وابيع بربع بربع

زمرد. هههه ولاتفوتج سالفه

رانيا. مالله هداج وعفتي طنكورتج وسوالفج العاوية

زمرد. لا

رانيا. مداج انتي مو وجه نعمه تحبين التعب
يوسف يحبج لاتخسريه

سكتت مجاوبته نوب سلموا علينه وراحوا

بقيت كاعده خطار سجي وخطار يروح نسوان عمامهم ومرت الشيخ حتى ماكدرت اصعد ابدل
راحت روحي من الاسئله واني اكلي قليل استحي ونعسانه كمت كوة افتح عيوني

ع نفس كعدتي من ٨ الصبحح لحد ١٢الضهر بس اكوم من اسلم ع نسوان وحسن كاعد بحضني ميكوم همزين ريام حماتي عده طفل بعمرة فمن جيب اكل توكل ابنه اصيحله ياكل وياه بس ماخليه يروح بعيد اله كدامي يكعد
نوب وره شويه وسمعت ولد صح صغير بس ميدخل مكان بيه نسوان اهلة معلميه كل الولد هيج معلميهم حجه من وره الباب عمه ام حسن انطيني حسن ابوه يريده جان يمنه مرت الشيخ وبناتهة وجناينه ٣
اني استغربت منو ابوه نوب بسرعه عرفت يوسف وعرفت دز جاهل وهو كله احجي هيج

زمرد. اي هسة

الطفل. خاله يكول خلي تلبسه دشادشة

استأذنت منهن ورحت صعدت عمتي حيل ضاجت من حجه جاهل وام كرار من طلعت من الغرفه خزرتني بتك حاجب ماهتميت صعدت بدلتله ورتبت شعره ردت اخليله من عطوري بس كلت لا عيب رحت لعطور اشتم من ريحته طيبه هنا ثلاثه اول واحد ريحته ماعجبتني عفته رحت لثاني بس خليت العطر ع خشمي رجعت بيه ذاكره ليوره غمضت عيني وذكرت عطر القمصله يوسف نفس العطر

بقيت اشتم وعبالك ياخذني للماضي رجعني لذاك اليوم وكل تفاصيله مرت عليه مثل شريط الفديو وكل جسمي رجف نفس الرجفه الي ر

جفته من شتميت القمصله

ماحسيت اله نفتح الباب وصوت يوسف

.وين صار حسن يله راح يبدون ...

ماكمل كلامه اني اريد الحك اوخر العطر عن خشمي وخليه ع الميز بس هو شافني

رسمت ع وجه ابتسامه واتقرب مني
. 😉شنو مشتاقتلي وجاي تشتمين بعطري تره موجود بأي وقت بس اشري ولاتبقين تشمشمين بعطري مثل

خزرته لان عرفته شيريد يحجي

. 😜هههه قصدي مثل البزونه هسة ماكتيلي تريدين تشتمين يله تعالي مستعجل اشتمي وها واكثر مكان بيه العطر لركبتي

تمنيت عندي دكمه تخفيني متت من الخجل
هسة شيكول علية

.😳اني مو قصدي وصارت بالغلط لان اني جنت ادور بعطورك عطر ريحته طيبه حتى اخلي لحسن

.هااا😀 وشبيه خدودج صارن دم بله خلي الزم ايدج لزمني وبسرعه واخر ايده. ااااخ ضنو هاي تجوي ايدج ليش هيج مرتفعه حرارتج ضحك بمكر اخذ حسن بوسة

.يوسف يله خليني اخليلك عطر بس هذا العطر ماخليك تخليه اخاف امك تبوسك وعباله اني (قصده العطر الشتميته)

عفته ورحت للحمام وهو وراية يضحك ماطلعت اله عرفته طلع رحت للكنتور طلعتلي ملابس ثوب وردي حلو قديفه وبيه رسمه بزونه صليت ورتبت نفسي اله نزلت رحت للمطبخ كله تحضر بس مخلصين صب للرياجيل وجاي ياكلون بس نسوان جاي ينقلن بالاكل ردت اشيل وياهن بس ام علي كالت ميصير بعدج عروس اله تكملين ثلاثه ايام
ام مؤمل جانت موجوده واكف تغسل بالستكاين حجت بصوت ناصي عاشوا هم حاسبه نفسه عروسة ام علي عضتلي شفه عود لاتهتمين

كلت بيني وبين نفسي بله ام كرار وعرفته ليش ضايجه مني هاي شعليه شحارك جدره

لو متضامنه ويه ام كرار استغفرت ربي ورحت كعدت اكل يم ام مصطفى وام علي صرت بنصهن و حمواتي كله وعمتي والشيخه وبناته وجناينه سفرة مشالله ممدوده ع طول الغرف والغرفه حيل جبيره كعدنه ناكل شويه واجه طفل صغير حيل وبيده كرصه خبز بداخله شي فات من يمنه وراح لعمتي

الطفل. حبوبة حبوبة يدي (جدي)يكول هذا انطيه لحبوبتك

هي ابتسمت واخذته منة اول مرة اشوفه تضحك

ام يوسف. كله الله يحفضه الي

حاجته بنته

اية. اي عمي هذا الحب مانسه عادته من يوم ازوجج لحد هذا اليوم لزم يدزلج من حصته

ام يوسف. عينج بارده دكي خشب عينج عليه

مرت الشيخ. الله يحفضكم ابو يوسف زلمه معدل وانتي مؤدبه وطيبه

اني بقيت صافنه شنو سالفه مافتهمت وليش عمي ابو يوسف دزله لحم مو هي عده

ام مصطفى. بصوت ناصي هااا دختي بسالفه بعدين اسولفلج هسة اكلي تره جاي بلكوه تاكلين ادري بيج تستحين مدام هسة هواسة وكله تاكل اكلي براحتج محد يباوعلج
اكلت صدك شبعت وجان الاكل طيب من كملت شربنه جاي وكعدت ويه بنات الشيخ ٢ وجناينه ٣وعرفت ام كرار بنت الشيخ وبعد عدهم اخت مزوجه بس مجايه بيته بعيد وشكن بحاله لان عده مشاكل ويه رجله اسمه سمية عرفت هي هاي الي حجت علية ام كرار حبيبه يوسف بنات مبينات حبابات عكس اختهن وضحكويات وسولفلي ع الحصاد والزرع
وع الحيوانات الي تطلعلهن بالزرع مثل العقارب والثعابين يمه خلسني عود بالبدايه من يسولفن ع زرع فرحت وكتلهن اروح وياجن فديوم بس كالن تطلعنه حياية اني كتلهن ولا اطلع للباب وهنا شبعن ضحك علية يكللي ديري بالج تره مرات نلكاهن بالغرف داخلات

زمرد. ههه اصلا اني اسد باب الغرفه ورايه بعد ميدخلن

هنا كلهن ضحكن جا وجوه الباب الفتحه مايدخلن منه

جنه الشيخ. لا خايبات مو الحيه مؤدبه ماتدخل الغرفه اله تسأذن من زمرد

زمرد.هههه يبو بعد شيسكتجن لكيتن وحده خوش تحششن عليه

ريام. ولج طلعتي اضبط من رجلي اكله عدنه حياية يكلي يعني تموت كتله لا بس تجي تسلم علينه وتروح

اني بس هيج حجت ضحكت كلامه حلو وحجته بطريقه مضحكه صارت ضحكتي ويه مافات يوسف بس من فات مدنك راسه وافات صعد سريع وبيده حسن

شويه وسمعت موبايلي اجته رسالة فتحته لكيت يوسف داز

يوسف. اشتعل عمج ع هاي الضحكه بسيطه زمرد ماصعدين اله ادبج بس انتي تكركرين بين النسوان

كلت بكلبي يم هيج ضحكتي عاليه هو ماضاج اله احد سمعه من الولد شويه وصاحوا ع مرت الشيخ وبناتها وجناينه يردوهن سلمت عليهن ومرت الشيخ انطتني ١٠٠ الف هدية العرس كله راحت لغرفه واني هم صعدت تكسر جسمي من الكعده ردت بس اتمدد

دخلت الغرفه ولكيت حسن نايم بحضن يوسف
ويوسف هم نايم شويه شويه سحبت حسن من يوسف وخليته ع سرير ويوسف ابد ماحس مبين حيل تعبان حتى يون خطيه بس ساعة وحده نايم اني هم بس خليت راسي نمت ماحسيت اله ع شي يتحرك ع ضهري اني ذكرت من كالن حياية تدخل للغرف او حيوانات ثانيه بسرعه تخيلت جاي يمشي علية حيه طفرت من فراشي وحرك بجسمي واكمز وحرك بثوبي نتبهت يوسف كوه يتنفس من الضحك
يوسف. ههههه يمه بطني هخههه اااخ هههههع
ويمسح بدموعه

اني اباوعلة وبعدني احرك بثوبي

يوسف. ههههه خوش مقلب عبالج حية هههه
ويحرك ب واير الشاحنه عود حية

زمرد. تخصرت . تحجي صدك كمزتني خليت كلبي بين رجليه والله ردت اموت

يوسف. هههه اسم الله عليج بس اني مالي علاقة ريام حلفتني اله اخوفج وهاي رسائل شاهد اقري

صدك قريت كاتبتله زمرد اليوم خو

فناه من الحيه وكناله تدخل للغرف عليك الله ذب عليه شي وكله حية

.شفتي بعينج اني مالي علاقة عبد مأمور وهي اختي جبير ميصير ماسمع كلمته

.وين اكو مثلك بس باليابان وكاعد ياكل رمان

.صدك عود تخافين من الحية تره ماتخوف هي

. اي طبعا ماتخوف بس اذا عضتك كبل تموت

. عاد الحية تذب سمه وتموتج بس شتكولين للبعض البشر يذب سمة عليك ويبقه يمشي بجسمك وبالك مثل سم ومايموتك سم الحية ولاسم البشر
. والله حجيك صحيح بس ماعرفتك

. هههههع شنو شكلولج علية تره اني نزار القباني مايلحكني

. هههه كافي لهنا وبس

. دمشي ولي اني صوجي انطيج حكم

. اي بعد ضمهن لنفسك

. ولج كومي تلقدين علية

راح للحمام وكلي حضريلي دشادشة

رحت للكنتور طلعتلة وحده لونه نيلي شبابيه
طلع من حمام مخلي ع راسه الخاولي ولبس بس شورت وجهي صار 🤤😳 وكبل خليت الدشادشه ع سرير وشردت وهو ضحك عرفته يتعمد هيج يسوي يريد يخجلني

نزلت جوه جانت دنيا غروب يريد يأذن وكله كاعده وناس تتوضة وناس اصلا جاي صلي مثل عمي وعمتي يصلون مافي الذمة يمكن

شوية نزل يوسف من شافني ابتسم وكلي صعدي لحسن كعد صعدت بدلت لحسن ونوب صليت لان اذن ويوسف من اصلي صعد هم صله بصفي حسن جان يباوع بموبايلي
جنت اسبح ركزت ع صلاه يوسف شكد حلو يصلي بهدواء ومغمض عيونة حتى يركز بصلاة

عفته يصلي ونزلت اني وحسن جوه لكيت جاية ام مصطفى وبناته وام علي كله البنات كامت تفكر شسوي للعشة وفات حماي ابو مؤمل سلم علينه وكعد ويانه كلش رزنين بس بالبيت لا يضحكون يسولفون احسهم كلهم كثل يوسف بالشقه والضحكه مبين وارثيه من ابوهم

ابو مؤمل. تره اليوم عدنه سهرة ابوية والشيخ عاجبهم يكعدون يشعرون ويشربون كهوة فحضرن كهوة ونومي بصره وفاطمة خوية كيكج طيب سويلنه

فاطمة. يمه توبة بعد ماسوي تذكر من سويت بالخمس كيكات وماكفتلكم

ابو مؤمل.ههه احنا شعلينه غير الجهال لتموا عليج بازعلي وحجه زمرد خوية عود مرة كالت فاطمه راح اسويلكم كيكه وهي بدت تسوي من العصر لحد ٩ بليل تخلي الكيكه ع الميز ماتلحك تبرد تلكاه ماكولة

زمرد. الله يساعده حتى الغاز خلص

ابو مؤمل. يا غاز يا طحين حنه مستمرين نريد بس حرامات ابو المحل خلص عنده مواد الكيك

يوسف دخل

. هههههه بيومه تذكر من كامت تبجي من ضهرها وتحلف بعد ماسوي كيكه

فاطمه. اي وانته ولج زمرد يوسف هو لم علية جهال جانت جهال كله طالعه بشارع واني وحدي مايمي طير ماحس اله جهال كله صيح عمه انطينه كيكه عبالك مضاهرات وعود يقتنعون بوحده اله اثنين ثلاثه

يوسف. هههههه تءكرين ابن ريام واكف ع صفحه ويباوعلهم متعجب يكلك هذولة شبيهم طاكهم العوز

ابو مؤمل.اي وين هذا اكله نص وحده وكوه ياكله ولكم كافي هسة زمرد شتكول علينه
مشايفين

زمرد. لا حشاكم هاي جهال ع الجمعه تنفتح شهيتهم

ام مصطفى. صدك والله اني من طلعنه بيت اسوي الغده اول ايام يبقه ع حطته نوب كمت اركب غداية وانجي لبيت عمي ناكل جاهل يحب الجمعه وجهال هواية وياه تنفتح
شهيتة

ابو مؤمل. زمرد بله شتعرفين طبخين لو من هذني الي حتى جاي يحركنه

زمرد. لا اعرف وهم اكلك معلومة اني شاطرة بالحلويات اعجبك

ابو مؤمل. اه صدك بله شتعرفين بس لا دوك

يوسف. ههه مرتي جاي يقصفوج اتوقع مامصدك

زمرد. هسة اعدد كيك و لقمه القاضي وداطلي
وكنافة وبقلاوة

ابو مؤمل. وين الحبه لعد انتي جنيتي ع نفسج اليوم حلويات سهرة عليج

زمرد. من عيوني بس المواد شلون نجيبه

يوسف. اني اجيبه كتبلي بورقه شنو تحتاجين

ابو مؤمل. لعد خربت سالفه اذا يوسف يجيب

لان اذا كاتبة طحين يجيبلج تايت واذا حليب يروح يجيبلج بقرة ويحلبه واذا خمرة يجبلج
كركم

يوسف. ههههه تبقه طول عمرك تذكر الزلة كرة كتلي جيبلي صمون رحت جبت صابون هسة صار

يمه احنه كلنه ضحكنه

يوسف. باوعلي امداج اي والله حتى انتي وياهم ضحكين غير دافعيلي

ابو مؤمل. ولك كافي امشينه نكوم نجيب المواد من المحل لايعزل

يوسف. زمرد حضري نفسج روحي ويانه حتى انتي جيبين تعرفيه

زمرد. اي خوش راح بس البس غير ملابس واجي

لبست وطلعت وياهم وحسن بحضن يوسف اخذوني لاسواق جبيره نزلنه اشترينه كلشي نحتاجه للجلويات ورجعنه

ابو مؤمل. شوفي زمرد خسرنه ب ٢٥الف اذا خربتي الحلويات ومادبرتيه والقران اله خليج كله تاكليه

زمرد. خوش بس اذا طلع طيب وعجبك اخسر يوسف ملابس من ١٠٠ وفوك

يوسف. انا اخوك شو وكعت بيه اني

ابو مؤمل. ههههه الله يعينك ع ما اتاك
،
رجعنه للبيت اني بديت اسوي واكفت فاطمه ساعدني بالكيك جبنه قالب ام مصطفى وام علي وعدنة قالبين خلينه اثنين بطباخ واني عجنت لقمه القاضي غطيته وبديت اسوي كنافة مالكينه مواد البقلاوة. والبنات يسون عشا نواشف كبة وفنكر وطماطه

كملت اول كيكتين رفعناهن فوك الكاونتر عن جهال وبدينه نسوي بثانيه علما نخلص بالمواد خليت الكنافة بالفرن حتى تستوي بس ستوت طلعته وخليت الكيك بالفرن كله راحت تتعشا واني بقيت اسوي بشرية فاطمة ماقبلت تعوفني بس اني كتله ماعدي شي

روحي واذا ع العشا ابد مامشتهية هي راحت تاكل واني من كملت الشيره خليته فوك الكنافة صارت الكانفة اثنين صواني كبار والكيك سويت اريعه والخامس بديت اسوي بيه جنت واكفه اراقب الكيك دخل يوسف وبيده لفه

يوسف. هاج اكلي

زمرد. شكرا ليش كلفت نفسك

يوسف. قابل اني طابخه هي لفه وحشيته من الماعون كدامي ع فتج مراح تتعشين ولج شنو هل ريحه تخبل عفيه انطيني

قسمت قطعه كنافه وانطيته اخذه طلع ياكل بيه ويكول يمي انهو لذيذ عود يحرك بكلب جهال وجهال بس شافته كله كبت للمطبخ هو بسره لزم باب المطبخ ويصيح

يوسف

هدو هدو كش كش ولجن جيبن بيف باف
خلي نكتل هذا الذبان الهجم علينه

وجهال تضحك علية لان لزم الباب واليتقرب يدفره ويكلولة لعد ليش انطتك بس الك انته وحد عنه

يوسف. مو اني رجله

واحد من جهال . اي كله صايرة واسطات حتى الحلويات محد ينطيك اله عندك واسطه

يوسف. حلكك لصمه عالية نصيف
اني اقلي بلقمه القاضي وشابعه ضحك كملت خمس كيكات وقسمتلهم كيكه ونص وانطيتهم كل واحد قطعه اله ارحوا عنه كملت كلشي ونكسر ضهري

ابو مؤمل دخل لكاني كاعده ع كرسي

. هههه لازم كلتي توبة بعد اذا اسوي

. لا بس الوقت غلط جان لازم من زمان اسويهن

. بله خليني احكم وشوف اكل كيك ياكل ويسوي باصبعه اوكي عود طيب نوب لقمه القاضي سوالي اوكي وهم كنافة كال اوكي عمي انتي معدلة تعادلين الياسري والحمداني شنو رائيج نصير شركاء ونفتح محل حلويات اني علية المالية وانتي الطباخة ونسميه الزمرداني

. هههه ع وزن الحمداني

صارت ساعه ١٠ كمت اني وفاطمة وريام خلينه الحلويات بماعين حتى ياخذوه للاستقبال من خلصت واخذوا الحلويات اباوع البنات وكفن يم باب الاستقبال واشرتلي ام مصطفى تعالي رحت كلتلي سمعي اسمعهم كاعدين يضحكون واحد بيهم بدة يشعر عزل

بره صوت عمي هم انطه ابوذية ونوب حمويني وكله اشعار تخبل اكثر اشعارهم بجنوبي يحجوه بس حلوووة شوية وحجه الشيخ

الشيخ. ها يوسف شو ساكت جنه نكول عزابي وماعده حبيبه هسة مزوجت ماتنطيه شعر غزل

يوسف. هههه لعد سمعوا اني هاي مو من عندي بس كلش احبه

لما استعارت معطفي
فورا تغير موقفي
يا برد أينك من دمي
أنا شعلة لا تنطفي
* * *
الكل من حولي هتف
برد مخيف وارتجف
وأنا عن الكل اختلف
في داخلي دفء خفي..
فهي استعارت معطفي
* * *
يا معطفي ما أسعدك
قربي وما.. ما أبعدك
حاولت أن لا أحسدك
يا ليتني أنا معطفي..
يا للهدوء العاصف
* * *
قالت أعطرك أجنبي؟
بالله لا تستغربي
وعطر قلبي الطيب
قالت بكل تلطف..
تبدو الحنون العاطفي
* * *
وتغامزوا من حولنا
فالحب أصبح معلنا
وسألت روحي هل أنا
محبوبها أم معطفي؟
أين الدليل لأحتفي؟
* * *
كله كالت الله صح السانك واستمراوا
اني كلش تاثرت بكلامه عجبني وعرفت يقصدني بيه وبقت بالي

نوب من اجاه الدور اله

يوسف.تعال ولا تظني عليك زعلان چا هو الگلـب من نبضه يزعل صدگني أبد ما همني الصار ولا زهرة محبتك عندي تذبل مو انه دفنتك حدر العيون أشوفن بيك ساعه وبيك آندل عذبني هواك ومرمر الروح وآگـولنّ ما يهم هو يتدلل

كله صاحت الله ولك وين جنت مضموم مو شلعت كلوبنه

ابتسمت من كلام شكد حلو بلسانه وفهمت قصده

يتبع...