مالتفت ميهم مرتاحه هيج

تعالي اريد احجي وياج

التفت هاا

وجعا تعالي هنا اشر على الكرسي بلصفه

جريت نفس ومشيت الجهته كعدت هاا تفضل

لا عمي زاد فضلج

وخر جر الكرسي صار مقابيلي

اي نبأ ناويه على هاي الوضعيه ومبينه عاجبتج مو

شنو ياوضعيه

بقائج يم اهلج

هذا الشي عائدلك

اهاا يعني ساوميني لو اقبل تشتغلين لو ضلين يم اهلج وحارمتني من الجهال

كتله محارمتك دشوفهم يوميه

وهاي سميه شوفه

لعد شتريد

اريد افتهم منو قاري بعقلج ماجنتي هيج نبأ شنو الغيرج دراسه ماامنعج ادرسي عسى مالعمره كله تكضي درسين بس ليوين درستي وشي حلو المره تثقف وتتمكن بس مال وضيفه وبنص الزلم شلون تقبليه انتي من ذاتج كون ترفضين الفكره مو جايتني وتشرطين

كتله انت ليش هيج معند يعني واذا توضفت اني ملتزمه ومالي شغل بأحد وهَذي مهنتي مامسويه شي غلط وتكدر تخلي عليه حارس تكدر تركب كامرات وشوف بعينك

قاطعني بابا شعبالج اني رافض لان مواثق منج شبيج نبأ لو مااثق بيج مااخليج داومين

افتهمي عدل اني من غيرتي مااتحمل اعوفج والناس تباوعلج وشوف نور وجهج مااتحمل يجي واحد عار يتمعن بشكلج وبياضج

شلون قادر ابشع نفسي الله خلقني هيج حتى مكياج مااخلي

كال انتي بلا مكياج تضوين شلون ترديني اقبل عمي لو مدرسه معلمه والله اكيف شعندي ادرسين وترجعين
بس سالفت المختبره صعبه عليه يمكن اخليج اله واني جوه التراب

النقاش ويا عقيم ومابي اي حلول سكتت

كال وتراب ابويه من حبي الج نبأ انتي ماتعرفيني معاشرتيني وعرفتي طبعي هاي تركيبتي مخبل ومااتحمل اكلج لومااحبج يمكن عندي عادي بس انتي
زوجتي ام جهالي واموت بحروف اسمج مو بس بيج

دنكت متوتره من كلامه واعرفه صادق بحجيه بس موبيدي طموحي يوم عن يوم يكبر شي صار اكبر ممااتخيل مااعرف يمكن لوجود نهله خلاني بوضع
افكر بمستقبل جهالي عدهم ام تملك وضيفه وتكدر
تجتاح الصعوبات وتعيشهم احسن عيشه

عدم ثقتي بافعال نهله خلاني حذره خلاني افكر
الف تفكير دوم جهال كدام عيني شنو يمكن اسويه
لو قادر تعرض القدر معين مستعده تهجهجني
ومتخليني بلبيت تنهد واني حسره جر حسره

كال هااا وين وصلتي

رفعت راسي مااكدر

ليش

هذا حلمي هذا ضماني

ياضمان فهميني

ضمان الي والجهالي

عكد حواجبه فهميني اكثر

ماكو شي تفهمه فقط اريد اكون نفسي واعيش روحي واعيش جهالي

واني محيتيني مقصر عليكم

بلعكس مغركنه بس موكلشي فلوس قادر الحياة علمتني موبس اعيش اليوم والباجر الله يدبره لا
اعيش اليوم وافكر السنه ليكدام حياتي وياك وبيه
نهلة ثق توصل للطلاق

كال ونهله شدخلهه

اله دخل بكلشي اله دخل

استغفرالله يأبه هسه هي يمج مره نايمه على ضهره
تريد العافيه وتكوم بلسلامه

سكتت هاي هيه

يعني

نفس شروطي

سكت وهوه يفرك بلحيته انتجه ومد جسمه ورجليه

اخره شي كال خوش ضلي مثل متردين اني اعرف شغلي

مهتميت ومااعرف شنو معنى كلامه

سوينه خروجيه بعد ماتحسنو الجهال ضليت وياهم على العلاج ونصائح الدكتور

راجعت بيهم مرتين وهوه يوميه يمنه وعمتي تجي وتروح ويا

لحد مافديوم جايه تعبانه والسنه شارفت على نهايته ومنهمكه بين الجهال والدراسه

دخلت للبيت واني تفاجئة بلمت اهلي بلهول كل مره ارجع كلمن بغرفته ياخذون قيلولة الضهيره

سلمت

شمس كال بدلي وتعالي

اباوعله عيونه حمر ويهز برجله امي كاعده وعاكده النونه شكو ياستار

كال بابا دبدلي ولي بدلي

استغربت شمس يكلي ولي رحت بدلت كملت شفت التوم نايمين بوستهم وطلعت غسلت وجهي

اجيت كعدت هاا خويه

كال نبأ من تقدملج قادر شكنالج

شنو

كال موكنالج مزوج وتعرفين زوجته ومعاشرته لاسوين شي تتندمين عليه بعدين

هزيت راسي

ليش هسه زعلانه هاا ليش

احجي ليش

اني اكلج ليش لان رجال يتقرب الزوجته الاوله وحضرت جنابج متقبلين ولسانج طويل وياا وضاربته
عرض الحايط مو جنتي يمنه ناقصج شي ليش من
الاول وافقتي هوه لعب تعرفين يعتبرج حالج حاله

كتله شنو هوه شصاير

وكف يفرك وجهه تدري طالبج البيت الطاعه

شنو يعني

يعني ترجعين البيته غصب عنج

شنو هاي وين صايره ماكو شي غصب

صاح لا غصب ورجليج فوك راسج واذا مسويته تعتبرين ناشز ويكدريسحب اطفاله ويطلكج يافهيمه

ضليت مصدومه يعني شنو هذا الناشز مفتهمت

التفتت فدوه فهموني شنو هذا القانون نوب دكيت على رجليه شنو ياخذ اطفالي

امي كالت يمه اني هم مثلج من فهمني شمس كمت اضرب اخماس بأسداس ماسامعه هيج من گبل

شنو شمس فدوه العينك ماكو حل

كعد وجه احمر شسويلج يعني شبيدي خابرني اليوم

امي كالت ماحجيت ويا

شحجي يمه الرجال حقه ماقصر وهي من البدايه تعرف حياته مجبور يسوي هيج مشتت وزعلته كله ماله معنى شنو والله يتقرب المرته شنو بويا وين عايشين
حق شرع الله تعرفين شنو شرع الله

بجيت شمس اني موعلمود هيج صحت عيوني تجري والله لان ضربني ومارحمني

وانتي عاقله لومالسانج مطلعته متر عليه

كالت امي دفهمنه شكلج

يعني شيكول غير يعتذر مني كال جبرتني اطل

به البيت الطاعه واني موفرله كلشي وشتريد وتتمنه

ضليت ابجي دخل نائل شافني كال شكو ليش نبأ تبجي

امي بس سولفتله واني حاطه راسي بين ايديه

طفر كال شنو تايهتله يطلبه بيت الطاعه جبر متريد ترجعله

شمس كله رجال يريد جهاله شون نحرمه

منو حارمه مويجي يوميه يشوفهم

كله هاي مووضعيه ليوين هذا صارله ٤ اشهر لاهيه راجعه ولاهيه المطلكه

امي لطمه على صدره لايمه على بختك ياطلاك تحجي عنه

لعد شنو يوم اذا شهر مراحت بيت طاعه تعتبر ناشز

وكف يفتر
كالت يعني شنو

نتر يعني ماعده عذر يحكم بي القاضي

ليش

صاح يابه بيت وضيفه واثاث كامل شنو المانع اله تكليلهم ممرتاحه ويه اخته وهي عمتج

لا مااكدر

دسكتي رحمه للكعبه ماتكدر

نائل كال خلي نشوف صديقي محامي

كله يابه قبلك سألت هوه رابح القضيه

كال شلون شمس نخلي هيج مستهتر

كله انجب نائل انجب بله مستهتر ماكو مستهتر غير اختك الغبيه ليش قبلت من الاول اكعد على ابني واعيش شكو وافقتي

اجه يمن بحضني كعد من الصياح

شسويت بيه ادعي عليك اعيط اخذت ابني وطبيت للغرفه اروح وارجع شسوي يربي كعدت وغطيت راسي انحب ليش هيج قادر كله في سبيل تكسر خشمي

مهامك كلبي ومشاعري مهامك أذيتي

سبوعين اني بصراح رحت للجامعه وخصيصاً الكلية القانون سألت على افضل دكتور ممارس القضايه ويدرس بلجامعه

شرحتله وضعي كلي بابا مدام متمكن وعنده بيت ملك واثاث كامل وافقتي على عيش ويا بوجود زوجته
اله كامل الحق ومبينه كسب الدعوى مدام اجاكم التبليغ المحكمه مسويه كشف

يعني

ان يكون بيت زوجج ملائم لحالة الزوجين الثقافية والاجتماعية والمستوى المعيشي

ويكون خاصاً بالزوجين اي لايجوز ان يكون ساكنا احد مع الزوج من الأهل والأقارب او مع زوجة ثانيه الا بموافقت الزوجه الثانيه وهي المدعو عليها

وان يؤثث بأثاث غير متنازع عليه ويكون ملكا للزوج ولا مانع من ان يكون البيت مستأجرا من قبل الزوج لكن يجب ان يكون عقد الايجار باسم الزوج . مع ملاحظة ان لدعوى المطاوعة ممكن ان تستاخر عند اقامة الزوجة دعوى تفريق لحين البت في دعوى التفريق

هسه افتهمتي بنتي

زين دكتور واذا امتنعت

باعي بهاي الحاله تسقط نفقتج المستمرة أضافه الى ذلك يستطيع الزوج عند اكتساب الحكم الدرجة القطعية من ان يجعلج ناشزا

وأما بخصوص مهر الزوجة فإذا كان امتنعج من الانتقال الى بيت زوج قبل الدخول فيجب عليج إعادة المهر المقبوض من قبلها ويسقط مهرهج المؤجل وانتي بحكم داخل عليج وعدكم اطفال

وإذا كان امتناعج بعد الدخول فيسقط مهرها المؤجل فقط وإذا كانت قد استلمتي المهر كاملا فعليها إعادة

المهر المؤجل ويستطيع الزوج بعد اكتساب الحكم درجة القطعية ان يطلقج فورا ولا تستطيعن ان تطالبي
بتعويض عن الطلاق التعسفي كما يحصل في الطلاق العادي لكونها ناشزا

أما بالنسبة للزوجة لا تستطيع ان تنفصل عن زوجها بعد اكتساب الطلاق الدرجة القطعية ويجب عليها ان تنتظر سنتان بعد اكتساب الحكم الدرجة القطعية كي تستطيع المطالبة بالانفصال و يكون نفس الحكم بالنسبة للمهر فانها تعتبر ناشز ويسقط جميع المهر وإعادة ما تم قبضه اذا كان قبل الدخول. واذا كان بعد الدخول تستحق مهرها المعجل ويسقط المهر المؤخر .

وهاي حكم حالتج يابنتي فلافضلج ومثل متدعين متكدرين تتفرقين عن اطفالج ارجعي وانتضري
ليش دخلين محاكم وعر وجر وانتي بعدج زغيره

سكتت وحسيت هلمره صدك انسدت الابواب بوجهي من كل النواحي رجعت خايبه الامل واني اكل بروحي

قادر بهذا عمله خلاني ازيد بحقدي عليه مسحت دموعي رجعت للبيت اول مطبيت اباوع نائل وجه مورم امي مكابلته وتدعي

تقى تبجي وتضمد بوجهه

شكو

امي نبت من وراج مكصوفت الركبه اخوج همزين مامدعوم ميت شحصل من شلعان كلبج وعيارتج

كتله يام شبيج شمسويه هسه اني

نائل صاح بأمي كافي يوم هي شعليه

ليش شعليه لو ماريح الرجله ومتعارك تجي هيج سياره وتضربك وربك ستر وماطختك

لوطاختك هلمره صدك تتكرم واني معاولت تطيب وترجعلي

تفاجئة نائل رحت القادر ليش

يعني اشوفج هيج متبهذله من ورا واعوفه

ياخويه يعني شبيدك

لا بيدنه سألت وكالو تكدر متروح ولا تنفذ الحكم

ياا نائل ياحكم ياروحه اني راجعتله

صاح مترحين وعلي اكسره ولا اخلي يلويج عباله ماعندج اخوه

نزلت يمه بست ايده الله ييديمك ويخليك الي سند ولايحرمني منك خويه لاتتورط ويا انت متعرفه ابسط شي عنده يسحب اطفالي حتى لو الحضانه الي هوه روحه بيهم ميكدر دونهم واني هم تعبت حقه ومالومه

نتر نبأ ليش ضعفين والله ميكدر يسويلج شي شمايوصل وين يريد اقصه حد بيت الطاعه وميكدر يعتبرج نشوز لان زوجته موجوده بنفس البيت نكدر نقدم دعوه ونكلهم خلي يفرق بينهم وكل وحده بيت

بهاي الحاله مايكدر

لا خويا عمتي خطيه ماله ذنب حتى لو طلع مرته بيت واخته ميكدر يعوفه راح يطلك وياخذ الجهال

استغفر وكف كال والله ماارجعج اله لو يلك السمه السابعه

امي ضلت تصيح ورا صعد فوك

التفتتلي ارتاحيتي

يمه شبيدي

كلشي بيدج عوفي الدرا

سه ورجعيله لو اخوج مندعم شستفاد منج ومن ال....... هاا

يرجعلي اخوج مكسر سنين تحملت بعدهم في سبيل يرجعلي سالم ويمشي بحيله انتي اختاريتي اتحملي اختيارج

خلتني ادك والطم شنو ذنبي اني

الله واكبر عليج من أم دومج ضدي شمسويتلج
هاي ساره مسوين وياهه مثل مسوين بيه

اجت ندى لزمت ايدي كافي نبأ ميفيد الطم صدكي كلنه وياج

وتعرفين خالتي من حركت كلبه على نائل متعرف شتحجي

التفتت واني ندى مو بته ليش كلبه ميحترك عليه شفرقي عنهم كلهم تفكر بيهم واني ضاربتني ركن

........ يتبع

‏"سيُقال عنك ماليس فيك☝ ، وسيُقال لك مالا تحُب💔 وسيُقال انك فعلت مالم تفعل🐾
فخذ العفو وأعرض عن الجاهلين."🌸💜

#مساء_الخير

🎀🧸#يسعد_أوقاتكم_بكل_الخير 🎀🧸

💌🧸#توقعات_الابراج_ليوم_السبت💌🧸

#الحمل💘🧸
مهنياً: يوم مميّز يسلّط الأضواء على قدراتك الإبداعية والإنسانية، ولعلك تنال جوائز أو ميداليات تقديراً لجهودك.
عاطفياً: إذا كنت عازباً فهذا اليوم ملائم لإعادة النظر في استمرارية عزوبيتك، فأنتَ مقبل على مرحلة مهمّة من حياتك.
صحياً: لا تكن من أصحاب القرارات الضعيفة، ولا سيما حين يتعلق الأمر بوضعك الصحي .

#الثور 💘🧸
مهنياً: تكون مميزاً في عملك، وتقدّم أفضل ما لديك من طاقات ومواهب وتتحمّس لبدء مشروع جديد.
عاطفياً: عش أيامك كما يجب، ولا تفوّت الفرصة للاستفادة من كل دقيقة هدوء وراحة لتعيشها مع الشريك، فهو يحتاج إلى عطفك وحنانك.
صحياً: داء البدانة والوزن الزائد هو الرياضة والحمية الصحية والقرار الصلب وعدم التراجع.

#الجوزاء💘🧸
مهنياً: عليك أن تهتم بتفاصيل عملك أكثر اليوم، فأنت أمام العديد من التحديات والمواجهات الشرسة.
عاطفياً: تشعر بعواطف جميله تجاه شخص تعرّفت إليه أخيراً، وتقرر الارتباط به بأسرع ما يمكن.
صحياً: لا تترك الكسل يتغلب عليك ويثنيك عن القيام بأي نشاط يبقيك في حركة دائمة.

#السرطان💘🧸
مهنياً: بانتظارك اليوم الكثير من الفرص الذهبية التى يجب أن تعرف كيف تستفيد منها كي تحقق النجاح المنشود.
عاطفياً: تتحسن أمورك مع الحبيب ولكن عليك أن تعرف كيف تحافظ على هذه العلاقة.
صحياً: اختر ما يناسبك من البرامج الغذائية وطبقه بحذافيره ولن تكون إلا سعيداً.

#الاسد💘🧸
مهنياً: تتعزز قدراتك وتجد حلولاً لمشكلات عالقة وتبدأ علاقة جديدة وتعرف اتصالات مهمّة تتعلّق بسفر أو بتنقّل.
عاطفياً: تبتسم لك العواطف وترتاح القلوب وتطمئن الخواطر، وتدور الظروف لمصلحتك مع الشريك وتحالفكما الحظوظ.
صحياً: كرّر محاولاتك للتخلص من السمنة، ولا تدع اليأس يثنيك عن المتابعة.

#العذراء💘🧸
مهنياً: قد تحقق مشروعك الذي تخطط له منذ سنين طوال، وتنال ترقية قلما حصل عليها آخرون في سنك.
عاطفياً: لا تتلاعب بأعصاب الشريك لأن ذلك قد يترك انعكاسات سلبية على علاقتك به.
صحياً: تتعدّد المناسبات الرياضية والترفيهية، فتحاول تلبية كل دعوة إلى أي منها.

#الميزان💘🧸
مهنياً: تجد نفسك ضحية بعض الابتزاز في العمل ما يدفعك الى الغضب والثورة، أو يجعلك في موقع منافسة مع خصم شرس.
عاطفياً: تجاربك السابقة في المجال العاطفي لم تكن جيدة، لكن ما تواجهه اليوم يختلف كلياً.
صحياً: يوم مناسب للقيام برحلة ترفيهية مع العائلة في أجواء جميلة، لا تتردد.

#العقرب💘🧸
مهنياً: يوم مهم من العلاقات الجيدة والأعمال الناجحة والمفاجآت السعيدة، وتحصد ثمار ما زرعت بعد سنوات من الجهد والتعب المتواصل.
عاطفياً: عليك الاهتمام برأي الحبيب والاطّلاع على حاجاته وطلباته، وتشتد العلاقة المتينة صلابة.
صحياً: قد تصاب بانحلال مفاجئ بسبب نقص في المناعة ما يؤدي إلى انخفاض نشاطك.

#القوس💘🧸
مهنياً: ابتعد عنَ إثارة المشكلات وإذا أمكن إبقَ على الحياد، لا تتدخل في شؤون الآخرين، واحمِ علاقاتك من التحديات والجدال.
عاطفياً: احتفظ بأفكارك لنفسك ولا تعبّر عنها أمام الشريك منتقداً أو محاسباً، فهو لن يتحملك مدة طويلة.
صحياً: كسلك وتخاذلك هما السبب الرئيس لتراجع وضعك الصحي والترهل.

#الجدي 💘🧸
مهنياً: قد تتخلّى اليوم عن بعض القناعات التي لم تعد تخدم واقعك، وتنجح في مسعاك لإعادة الأمور إلى مجاريها وحل بعض الخلافات الناشئة في العمل.
عاطفياً: سارع إلى إطلاع الشريك على مشروعك لتمضية أجمل الأوقات معه بعيداً عن المحيط وهموم مشاغل العمل.
صحياً: الصداع وآلام المعدة مصدرهما التوترات العصبية التي تواجهك يومياً.

#الدلو 💘🧸
مهنياً: تشعر بالقوة وتزداد اشراقاً وتقود مسيرتك وتحرز كسباً مادياً، ابحث عن تحالفات قوية، باستطاعتك تحسين رصيدك بين الزملاء.
عاطفياً: قد تصلك أخبار جيدة وتكون مفيدة لك على الصعيد العاطفي وتبدو متحمساً وتصبح شغوفاً وكثير الرغبات.
صحياً: تجنب قدر الإمكان إرهاق نفسك في أمور لن تعود عليك إلا بوضع صحي متوتر.

#الحوت💘🧸
مهنياً: الاستماع إلى النصائح بات ضرورياً، ولا سيما أنك تنتقل من مركز عادي إلى مركز استثنائي، ما يثير غيظ الكثيرين.
عاطفياً: ينزاح عن صدرك جو من الشكوك مع الحبيب، وتكون عاقلاً ولن تصاب بخيبة على أثر تصرّف غير مسبق منه.
صحياً: خفف من الأعمال غير المجدية، ودع أصحابها يقومون بها، واسترح قليلاً.

الی البعض👇

التحب خل ادكول احب☺
حب الشرف مو عيب 🚫
بس عيب التدور للمحب ختله⭕
اكره كل مره تحط للخيانه اسباب.🚺
تلمع ب العنب ونباكت السله✔
للسته🕕 الصبح تتراسل اعله الخاص💌
وكبل لايحجي هيه شلابسه تكله💬
منها يريد صوره تعاند اول يوم ⛔
ولكن يوم ثاني يوم البوم ترسله☑☑
وسوالف تالي ليل وحاضر الشيطان
انفتحت كاميرا وصار الحديث احله💻📱
#اثكلي #وكضي #روحج ما يمسج سوء🙍
ادم ما يجيج ويگرب شحده🔪
ولذمين آدم لو خطأ وياج📢
آدم ما صعد حايطكم الوحده📞
غير انتي الحنينه امرتبه الموضوع😉
ومرتبه الطريق بساعة الشرده 🏃

#ملوكه

💫6 استخدامات رائعة للشامبو بخلاف غسل الشعر🌚
〰〰〰〰〰
هل حدث أن اشتريت نوع شامبو ولم يكن ملائما لشعرك؟ وبالتالي لن تقومي باستخدامه في غسيل الشعر مرة أخرى.. ما الحل إذًا، خاصة مع الأنواع غالية الثمن، قبل أن تفكري بالتخلص من زجاجة الشامبو، اقرئي هذا الموضوع وستجدين أكثر من استخدام رائع ومفيد لكِ.
〰〰〰〰〰〰
⭕- معطر ومنظف للسجاد
يمكنكِ إضافة القليل من الشامبو إلى الماء، ثم تمشيط السجاد في غرف النوم والصالون للحصول على سجاد نظيف ومعطر دون تلف.

⭕- ملمع للسيراميك
إضافة قليل من الشامبو إلي ماء مسح الأرضيات سيعمل على تلميعها وتنظيفها وتعطيرها أيضًا، وستلاحظين أن لمعة السيراميك ستدوم طوال اليوم بعكس استخدام الماء فقط.

⭕- فوم الاستحمام
هل نفد فوم الاستحمام الخاص بك؟ نقاط من الشامبو في حوض الاستحمام ستفي بالغرض وستعطيكِ رائحة مميزة أيضًا.

⭕- شاور جيل
يمكنكِ استخدام بعض أنواع الشامبو كشاور جيل قبل الانتهاء من الاستحمام للحصول على رائحة مميزة تدوم فترة طويلة.

⭕- تعطير الغسيل اليدوي
إضافة بعض نقاط الشامبو للغسيل اليدوي ستعمل على تعطيره أيضًا.
⚽___⚽___⚽___⚽


#اعادة_توجيه_للفائدة
#ملوكه

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

البارت الأخير


ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه وي الزمن ورجعنه مكسورين 
وبعيده المسافه وينٌسي اللٌي طاح 
ما مرتـــــــــــــاح
لأن شفت الشمس نزلت تبوس الكًاع
وبكف الطفل تنلاح
ولأن قاضي البلابل مدٌد التوقيف
ومفتوحه السِما
والفيل عنده جناح
ما مرتـــــــــــــــاح
لأن قفل المحبه إنباكً
وِترهٌم عليه مفتاح
ما مرتــاح

احمل هموم ك جبال الارض عميقه  ك وديانها تسري في قلبي كسريان الانهر  تهب علي ك هبوب رياحها
في صحراء جرداء تحمل معها كل انشت رمل

شهر ليس كأي الشهور  يحمل كل الالم والتفكير والحيره ايام كضيته اني دمعتي على خدي انام
وبحضني جهالي شون بيه بلياكم امي انتو هيج
الي كلب اعوفكم

يوم العطلت وخلصنه امتحانات والجو تموز
حر موت سبحتهم واني كل دقيقه اكضيه وياهم
اريد اشبع منهم

صاحني نائل وشمس بين ماخلصت تبديلهم طلعت
دخلت للهول

كال تعالي كعدي

كابلتهم

كال خلصت المهله

شنو يامهله

شمس كال نبأ الرجال يريد جهاله

شنو يعني مااقبل موكلتو راح نحجي وياا

كال اي رحناله اني ومحمد

اي شكال

مايقبل

هاي هيه بهل سهوله اسلمه جهالي

شلون خويه ياترجعيله وجهالج وياج يا توديله جهاله ويطلك وكان الله بها

لا فدوه شمس لتكلي عوفيهم

وكف اجه يمي خويا حقكم ثنينكم انتي متكدرين تتخلين عنهم وهوه مثلج

وممتفاهمين وهوه خيرج واني ماعايفج كتله كل جمعه وسبت ناخذهم يمه الرجال مكال شي

بجيت مااكدر ذوله قطعه مني

شلون ياخويا

ميخالف ارجعله وماريد كلشي اهم شي جهالي بحظني

صاح نائل رجعه ماكو

لا فدوه نائل والله يحرمني منهم

ميكدر

لا يكدر

شمس كال موبكيفه اتفقنه واخذنه منه حجايه

وهسه شكلتي

دنكت مهضومه والكسره بكلبي صدك سواهه وراح ياخذهم مني منو يربيهم منو الهم

حتى تفكير كمت مااعرف افكر

عفتهم وكمت دخلتلهم اباوع يمه انتو روحي شلون راح افاركم شلون راح اعيش دونكم  يومين اني مثل خيالهم صايرتلهم

اريد اشبع منهم لحد ماشمس كال لمي غراضهم هنا متحملت كابلتهم وانحب لو بيدي ارجعهم البطني يمن واكف فوك راسي مبرطم خاف من صوت بجيي نزل دموعه وياي شفت يمه ابوك اسوه بيه شفت شلون يريد يحرمكم مني

ساره اجت شافت حالي حظنتي وهي تواسيني
لج كافي عيونج راحن

ساره شلون بيه شلون راح افاركهم ومااشوفهم كدام عيني

ليش ياعيني مويجوج بأيام العطل

صدك ساره وهيج اشبع منهم بس يومين

ميخالف تهون

شتهون واني هذا ثاني زواج وراح اطلك

هوه الخسران والله لو يعرف قيمتج ميفرط بيج

كمت ابجي ماتحمل افراكهم ربي

لمتني بحضنه روحي بيهم

رفعت راسي انتي حاسه بيه مو عدج ولد وتعرفين قيمته

ادري بألمج واعرف كلبج يتكطع بس صدكي ميتحمل منو الهم عمتج جبيره ونهله متتقبلهم هسه سبوع بلهواي سبوعين ويرجعهم

هيج الله يسمع منج

دكومي كملي لضلين مكابلتهم وتبجين خطيه شوفيهم مهضومين يمه صدقه للمندفشين لج شنو هاي كيك قشطه

شوفيهم ساره ذوله مال هيج اب همجي

الحق يقال هوه حلو وشخصية قويه بس العصبيه عامه عليه

دسكتي كالت شخصية صاير خركه بيد نهله

هاي بعد حظوظ

كملت جنطهم  امي دخلت والظاهر سمعت الحجي كالت يمه هيج احسلج خليج معززه يمنه ولا ذلته يريد جهاله بلعافيه عليه خلي يتحملهم

يريدج يتقبلج كما انتي موكلشي على مزاجه تكولين لا مااكدر اذاً تتحمليه وتخضعيله وراح يركبج

سكتت ماارديت اجت باستني يمه اني اريد مصلحتج ويوم الاحجي عليج قابل اكرهج ماكو ام متحب بزره وماكو ام متحجي عليهم لو شافتهم غلطو

هاهيه يام مازعلانه امي وتمونين

اي يمه امون عليج وعلى اخوانج منو الي غيركم

بليل التوم بلهول كاعدين متجيتهم عمرهم ٦ اشهر وجنهم عسل حتى اخاف اطلعهم شكد بنات المعهد طلبن اجيبهم ماقبلت العين تحركهم الي

يمن رغم بياضه وسمنه بس ماخذ سواد شعر ابو عيون قادر ودورتهم التوم نسخه مني ومن نائل صفار عيونهم بياضهم شكار شعرهم ونعومته

اجه أدم يركض ورا طبت عمتي اول مره جيت عمتي تقبض كلبي سلمت

باوعتلهم ابتسمت امي رحبت بيه

كعدت سولف واحس بنظراته تجي عليه
كأنو تأنبني اقل النص ساعه وده أدم يكله

عمو يكول يله

كمزت هاا شنو عمه راح ترحون

كالت اي يمه اني تعبانه وسكري صاعد وقادر ورا طلعه من الفجر للموصل يضل هناك ١٠ ايام

ساره بصفي ندى واكفه على صفحه وتقى كاعده ترضع بته كلهن يباوعلي واني عيوني غوركن

امي وكفت ويااهه شنو ام قتيبه بعد وقت ضلي والولد يرجعوج

دايمه داده بس تعرفين السكر شيسوي واريد ارتاح

كالت يله يمه جيبي جنطهم

باوعت لامي برجأ ساره راحت جابتهن

طب نائل كال السلام عليكم

ردت عليه عمتي

شلونج خاله

هلا يمه انت شلونك

كله بخير

عساك بخير وعافيه

التفتلي يله خويه انطيني الجنط

ساره اشرتله ذني يم الباب

شالهن

طلعهن طلعت عمتي وامي وراهه رجع طب واكف كبالي واني حاضنتهم كال يله انطيني
اخذ زيد واني شايله يزن

طلعت ورهه واكفين يم باب الشارع

مجرد وصلت يمهم قادر وشمس بره يم السياره
راد يطلع نائل لا فدوه اوكف دار كال شكو

بس ابوسهم واشبع منهم

شنو راح تودعيهم العمر كله

لا أسم الرحمان عليهم كعدت بلكاع

كال كومي مخبله

مااكدر بس ابوسهم واشمهم

هز راسه مراضي انطاني زيد ثنينهم لميتهم بحظني

عمتي واكفه تباوعلي وامي كالت يمه قابل يحرموج هوه كل عطله يجون يمج

مكدرت احجي حاضنتهم واباوع بوجهم كضيت وجه يزن بسته وزيد مثله

حبايبي انتو وروحي زيد يضحك اروحلك فدوه

رفعت راسي عمه لاتعوفيهم بيدين احد

كالت واني الي كلب اعوفهم

وكفت ساره اخذتهم جيبي على حسبتج الباجر متهديهم 

انطتهم النائل واني عيوني معلكه بيهم
امي.. عيوني ام قتيبه لاتكطعين بيه وديهم الهه بين فتره وفتره

شنو السالفه كالولج بله كلب بلعكس كل جمعه وسبت يمه واذا العطل جبيره يبقون يمه لحد متشبع منهم

كلامه ريحني رادت تطلع

كتله عمه اكو ورقه بجيب الجنطه كتبتلج نوعية الحليب والاكل اليرهم المعدتهم وعلاجهم

ماشي يمه

ها ممياتهم كل سبوعين غيريهن ذبيهن واشترولهم جدد

يمن عنده حساسيه تخلي جسمه يخشن اكو مرطبات جبتهن اله وفادنه كتبتلكم نوعيتهن

عمى غطيهم بليل ليبردون من السبلت اني انصي بغرفتي وتره يجوعون يكعدون يبجون

صفنت بوجهي كون انتي هيج كلبج عليهم  ليش عفتيهم

دنكت ساره جاوبت والله خاله اليعاشر اخوج موبس تعوف جهاله احتمال تنتحر لوتتخبل

ليش قادر شمسويله اشو مدللهه

اي دلال وياه كتل دلال وصرف وبيه ذله اله وتحكم دلال ولاطلعين ولاطبين ولتلبسين هيج هذا يسمو تحكم او بلاحره عقده نفسيه واذا اكلج يسمو تخلف

كالت خلف الله عليج اخويه متخلف

كتله ساره كافي

ليش كافي لان تردين درسين وتكونين نفسج كوم الدنيا على شنو مومن حقج اشو  حقج ونص بس هوه ممتعلم على وحده متعلمه متعلم على وحده تكله بلي امرك ويكفخ بيه

كرصته صاحت شبيج وسم

سكتي ولصمي حلكج

عمتي مجاوبته كالت يمه ديري بالج على روحج وفكري زين محد يفيدج غيرهم لتخلين التطور وهاي الامور تغسل عقلج

سلمت على امي والبنات وطلعت

يمن وين

امي كالت هذا صاعد بحضن ابو

مكدرت امد راسي

حركت سيارتهم طب نائل دنعل ابهاتهم

شمس ورا صاح شبيك يول

والقرأن هذا واحد مستهتر شاف نفسه رائد ابن ........

دسكت وصم بوزك لتحجي بكيفك

امي كالت شبيكم راح تتعاركون بنص الطرمه ومنا العالم

كله مشفتي شلون يحجي كأنو اختي بلوز ونزعه

صفنت عليه يحجي بحركت كلب

شمس كله لتنعثل هوه هاي هيه كلمن بطريقه شتريده يبوس ايده

كله اي يبوس ايده ورجله يلكه مثله لهل معفن ابو النسوان

شنو نائل شكو

يمشي سريع طب واحنه ورا

كعدنه كتله متحجي شصار بعد

يابه علمود اجرائات الطلاك

فتحت عيوني ياطلاك

كال طلاك امي يعني ياطلاك

شمس كال بعد اخذ جهاله طلبنه يطلكج

شنو ومنو كللكم اريد اطلك

شمس كال لعد شناويه عيني يعوفج معلكه وهوه يكيف الجهال يمه وانتي بيت اهلج شورا اخذ بزرته يطلك

واني ماادري

اي هسه دريتي

نائل كال فد لا ناويه ضلين على ذمت هلمخنث

سكتت واني كلبي دكاته سرعت كانو بداية معانات المرض المريت بيه

خليت ايدي على صدري مااكدر اكلهم شكال تربطت

عيوني غوشن كمت بعد مااكدر طبيت للغرفه

خليت المخده على وجهي وشكو شي بداخلي طلعته عياط وبجي متوقعت بهل سرعه كان عندي أمل
يخضع يتندم يرجع يكلي قابل بس ارجعي الي

ساعه اني قافله الباب ساره وتقى كم مره رادوني اطلع

ساعه ثانيه واني ممستوعبه بسرعه تنازل عني معقوله هيج بهل سرعه كنت خاله بالي اني اطلب الطلاق واضغط عليه  من خلاله شنو الخلا بعد ميريدني

فززني صوت ساره فتحت الباب

كالت من طاح حظج تبجين عليه

عفته ورجعت لجربايتي

كال ياا صدك نباء واحد ميسوه

نترت اششش قادر يسوه وزوجي واحبه وانتي اكثر وحده تعرفين هوه وجهالي كل حياتي مااكدر بدونهم

وشسوين هوه عافج وافق على الطلاك ترحين تتوسلين بي فدوه لطلكني

درت وجهي واني منتجه على الحياط وشباك بضهري

كالت حضلين هيج ضعيفه

سااااره اسكتي

لا ليش اسكتلج يعني عافج تموتين روحج ورا

ولج زوجي وحب حياتي انتي متعرفين حبنه شكد حلو رغم قساوته متدرين شكد يخاف عليه متعرفين اذا تمرضت اليل كله يضل كاعد ويشوفني ويتفحص حرارتي ياهوه يسوي هيج ازهر يسويلج

وشنو يعني واذا سوه اوماسوه اهم شي الاحترام يحترمني واحترمه وحياتنه ماشيه واهم شي مقدرني اريد ادرس اريد اتعين ميفرض عليه شي مااريده
هيج فكري مو  والله يحبني ويضربني يحبني وجابرني
اضل يمه دطيري انتي وحبج الماصخ

تمددت وغطيت راسي

صاحت اي لفلفي روحج وخليج اركضي ورا صدك البزون تحب خناكه مدري الجلب

عفته تلغي اليل مره واني بالي يم الجهال
واستمريت على هاي حالتي سبوع مر
عليه مثل الموس ذبحني ذبح يومين وجابوهم مفرفحين عليه اخذتهم

بحظني لليل وهمه نايمين اخذهم
شكد حاولت وياهم يخلوهم يمي قادر معند ميقبل واني اباوعلهم وكلبي يتكطع

نائل راكب راسه مثله ميقبل احجي وياا
شمس مأيده

وضلينه على هذا الوضع لحد ماتعودو شويه وكامو يتحملون عدم وجودي

يوم  اليجون احس ردتلي روحي انسان عطشان وانطو مي
حظنتهم وابوس بيهم يمن يسأل ليش مااجيتي ويانه
بابا هيج اشترانه

بابا طلعنه مراجيح

بابا وكلنه موطه اني وحمودي

شنو بابا مراح للدوام

لا يروح من يرجع يطلعنه

اذكرت عمتي كالت عنده واجب بلموصل يضل عشرة ايام

وكمت كل اسبوع من يجون اشتريلهم ملابس وملاعيب التوم صحتهم زينه واضل سبت بليل
واني اودعهم اشبع بجي

ومشت الايام وطلعت النتائج ناجحه بدرجة امتياز الاولى على القسم فرحتي موكامله

بيومه نائل احتفل بنجاحي واخذ النتيجه وطكله صوره ونشره كتب عليه فخر اخوهه يوم الماستر والدكتورا

تقى كالت رجلي لوتي يعرف قادر راح يشوفه لان بيناتهم صداقه وراح يطلعله

ابتسمت على روح نائل وحبه الي

لحد هذا الوقت ونفسيتي بلنزلان هملت نفسي
همي الوحيد هوه اهتم بجهالي وجيتهم الي

اعرف بيهم يعانون وياهم خصوصاً من عمتي كم مره خابرت كالت ممتعودين وكوه نسكتهم يردوج

تخليني افرفح عليهم وهمه لحد الان متعودو كلش

لحد مااجه اليوم الي صدمني خلاني انشل معقوله صارت صدك وأني اكلب ورقة الطلاك بيدي

واقره اسم المدعو واسم المدعي لا جذب تقى شافته وياي اني يطلكني وبسهوله

مااستوعب تقى ضربيني صحيني

نائل وشمس رجعو من الشغل تقى شوفتهم الورقه ساكتين

عشت بصدمه اكوم اكعد اني افكر هذا قادر لو غيره
هذا العيشني احلام ورديه هذا الكال بس الموت يفرقني عنج هذا الميخلي طير يتمعن بيه

هانت عليه ايام العشناهه هانت عليه حياتي ويا هنات عليه دلالي وحرصي عطت قاااادر الله لاينطيك كون كعدت انحب ليش شنو الغلط السويته لان اريد ادرس

من الله ياخذك ياحقييييير

طبت امي وشمس يركضون على صوتي

شمس كومني كعدني على السرير كولي ياالله خويه

اول ٠وحده لو اخر وحده متراهمتو وانفصلتو

دنكت واني الغصه بكلبي شكله اكله حبيبي هذا
هذا روحي من الدنيا كنت اغار عليه من الهوه
موبس من زوجته

تنهد يسكت بيه واشهك ودموعي تنزل
امي ساكته

من هذا اليوم بدت روحي تنزف بدت معاناتي
يوم عن يوم اذبل

اليل يمر واني دموعي مره على جهالي ومره على فراكه ومره على نفسي الخسرته والضيعته

شكد اصفن واذكر تصرفاته مااصدك كانت مجرد ايام عاديه حالنه حال اي مزوجين لا كان يجمعنه كلبي وكلبه

مايعدي يوم بدون دمعتي بدون ذكريات

لحد مااجه موعد الجلسه وكلام شمس انو بيوم واحد تنتهي مكملين كل الاجرائات مجرد نوكف كدام القاضي ويجري الحكم بلطلاق

روحي مقبوضه بدلت وكانت اول ومره انزع العبايه بعد مالبسنياهه لبست نفنوف طويل شيفون مبطن صيفي لونه سمائي فاتح  وشال بيجي

ضعفي ورشاقتي اجه ويه النفنوف رغم كلوشته بس هوه ذاب روحه بارز ملامحي انجبرت احط مكياج خفيف تعليمات تقى وساره احركي كلبه ميدرن كلبي المحترك

كملت طلعنه وهلمره نائل ويايه هم طول الطريق يسب ويغلط وشمس يصيح بي وهوه ولا يمه مستر يفشر عليه اني كانو رايحه للموت

كل دقيقه تمر تخليني اشتعل نار عيوني يجوني
واصبر بروحي لا اتحملي مريتي بالاصعب من هذا
هاي هيه هاي نهايته مبينه ميحتاجله كل هاي
الحسره على كولت ساره جلب وبعنا

يجي يوم يغزر بي الزاد ويرجعلنه وصلنه خطواتي وره خطواتهم كل دعائي مااضعف اريد اكون اقوه من اخلي يهزني بطلاك

وكفنه نائل كال تعالي نكعد اخذني كعدنه شمس وكف يتصل عرفت بقادر

نائل التفتلي ماريدج تضيعين حق واحد ينطيج كامل حقوقج هوه الباشر بلطلاك الج كامل مستحقاتج

كتله شنو الفايده خسرت الكنوز الدنيا متعوضهم

ميخالف صدكي يرجع يريد بذاك الوقت اذا مااذله اذا مااطلع حليب امه من خشمه مااسمه بأسمي وكولي كال

درت وجهي شمس واكف يم واحد من اكتافه العراض وطوله والزي الابسه عرفته

مباوع يسولف ويأشر اشرلنه شمس

ندست نائل شمس يريدنه التفتله كال ضلي اشوفه واجي

اباوع باوع بتجاهنه من شافني رفع حواجبه
وصل يمهم نائل ازدحام المحكمه واصوات الناس مخلاني اسمع شيحجون

نصيت والعب بأضافري

وكف نائل كال كومي الافندي حتى بهاي مشي واسطاته ابن .....

لانائل امه ميته وحرام

لتخليني اسبهم كلهم

سكتت نائل هدوئه عكس عصبيته وخصوصاً اذا ضامه بكلبه ميفوته لو يذابح ميفوته

وصلت يمهم واني عيني على كلشي اله هوه

شمس كال باعي نبأ شويه ويسمحولكم طبون اذا سألج سبب الانفصال كليلهم ممتفاهمين واصلاً ملفكم كامل وكدامه ميحتاج يأجله لو يرفعه الجلسه ثانيه والاطفال بيناتكم راح ايصير تقسيم الايام

كتله يعني اكدر اخليهم ٤ ايام بلسبوع

اي هاي بعد ضلت يم القاضي

ماكو دقايق وكالو يله كنه واكفين يم الباب
هوه على صفحه وكف حتى مكلف روحه يجي يحاجيني

نائل يتأفأف

جرني كال ايأج تتنازلين افتهمتي

هزيت راسي

قوي روحج احنه موجودين

هوه ميريدج

احنه نشتريج بلذهب ماشي

هنا نزلت دمعتي

ها شكلنه

احبكم وانتو صرتولي اب

ديله فوتي واقري اي أيه تريح كلبج

ماشي فتت وهوه كدامي فات

وكفنه ثنينه كدام القاضي

ضل يقره مجرد وكفتي وهوه يمي بعد اشبار 
هزتني ماكدرت ادير واشوف ملامحه

القاضي حجه ويانه اني ساكته ومنصيه

هوه ختمه انو مابيناتنه تفاهم والافضل ننفصل

رفعت راسي باوعتله صدك يحجي

كلي وانتي بابا

التفتت عليه سيدي صح ممتفاهمين وعقليتنه مختلفه اني احب ادرس واوصل فد طموح هوه ميناسبه هيج جوه صارت خلافات لهذا قررنه ننفصل

حسيته يباوعلي ماادرت

ضل القاضي يحاول ويانه اني ساكته وهوه يرد
حكم بلطلاق كال دير عليه وارمي يمين الطلاق

وانتي هم بابا صير مقابيله

مجرد ماصارت عيني بعينه ضعفان تفاصيل وجه بين بيهن الكبر الشيب مالي راسه

باوعلي وكال انتي طالق

اذكرت موال حاتم
ماهزك حنين وبيوم تشتاك
ولا كلبك يسألك صاحبك وين
انه الجيتك حبيبي هواي مشتاك
ولك بلكلب شايل حب مجانين 
اريد اشبك يروحي وروحك شباك
وريد انكلب كل الشوفتك عين

بهاي الحضه عرفت روحي خلاص قادر طلع من حياتي عيوني دور نائل وشمس مجرد مطلعت ركضت  النائل خلاني جوه ابطه ولازم ايدي عصره اذا بجيتي تدرين شسوي

اششششش ولا حرف

كوه سكتت

انتهه حبنه رجعت نبأ الوحيده قبل تلث سنوات اجيت ارمله مكسوره مجرد اريد اعيش الابني

هسه رجعت مطلقه وام لثلاث جهال

هذا يوم انحسب من ايام التعيسه الي نكتبت بحياتي
رجعت رغم وجعي وحزني اصرار نائل وتشجيعه خلاني اكول الخاطره اقوي روحي لخاطر جهالي اوكف على رجليه

مشت الايام واني صامده كضيته بين جهالي الي اسبوع يمي واسبوع يمهم وتجي ايام كله يمي نوعن ما ارتاحيت بس يبقه الحنين اله يجيني وتنزل دموعي

عمتي مكطعت بيه تخابر واني هم بين فتره وفتره اطمأن عليه رغم تعبه من الجهال تكلي ابوهم يحفظ ويبدل ويوكل حتى المعرض سلمه بيد ابن صاحبه صارلهم اكثر من أب

والعرفته من زهراء نهله الطفل ثابت بطنه رغم طرحت سته السابع ثبت بس حركته قليله ولادته صعبه

بلش الدوام ورجعت اموري طبيعيه صار همي دراستي وجهالي احاول بأيام العطل اعوضهم مرات تصدف عيني على اشخاص اتخيلهم هوه ويضيعون بزحمت الطلاب وهوست المعهد

كملت المعهد وتخرجت من الاوائل كدرت اضبط اموري كدرت ادرس يمن بين فتره وفتره صار حتى كلمات انكليزيه يعرف

وراهه بشهرين شمس ونائل كدرو يحصلولي مكان بمختبر بمجمع الاطباء

كانت فرحتي بي واني اشوف روحي لابسه الصدريه امارس مهنتي كمحلله

كدرت اتأقلم رغم غرابتي زملائي كانو قمة التواضع والاخلاق

ناضلت وجاهدت في سبيل ابني كياني كأمرءه عانت وهي بوسط اهلهه انظلمت من اقرب الناس اله

وصلت المرحله ماكانت متوقعه توصله بينيت ذاتي بذاتي الزواج بناء جديد اكدر اتكيف بنائه حسب رغبتي وين اخلي كل طابوكه اذا كنتي انتي طموحه 

اما اذا كنتي انسانه اكبر طموحاتج زواج وبيت اذاً حكمتي على نفسج بلانطمار تحت مسمى البيت مكانج محد ينفعج غير زوجج

العقل زينه مهما اكون قويه بس استخدم قوتي بمواضع تستحق اكون قويه 

ماكنت قابله اكون انسانه مهمشه من قبل حب يمكن اكدر اكول عليه حب القوي للضعيف

قادر حبني شاف بيه انسانه هادئه انسانه متكدر ترفع صوته ودافع عن نفسه بوكت كان اقرب الناس الي همه اهلي ضلموني وتخلو عني

وكدرت ان أكون وضيفه وجهالي اغلب وقتهم يمي
رغم مرور الايام والوضيفه اخذت اغلب وقتي

بس مانسيت ولا كدرت اجاوز حبه هواي تقدمو كان الرفض اول كلمه انطقه

ماردت ليس لكونه بعده بكلبي لكن اكتفيت تجاربي قوتني وسندتني

شاركت بمصرف البيت رغم رفض شمس ونائل بعد مشافو اصراري سكتو

قادر محاول يحاجيني لحد ماتعينت باحد مستشفيات
يوم الاجتنه حاله

امرءه حامل وحالته خطره النزيف ماخذه
الدكتور انطاني اشاره تحليل

سويتله تحليل مخليت بالي لحد ماشفته وهوه خاله بكرسي متحرك ويركض بيه

هنا ثلجت اطرافي فاكه حلكي معقوله هوه وهاي نهله
سيطرت على نفسي ضل صافن عليه

وهي ممنتبه تتلوه كتله قربه بلا زحمه عليك

قرب الكرسي سحبت دم وكتله مشافا

رفعت راسه هاي انتي

لا خيالي وابتسمت

شجابج هنا

وضيفتي ام حمودي

وماضل بس انتي

عيني هذا الموجود معاجبج شوفي غير

كله كافي نهله

التفتلي شكد ويطلع

باوعت يعني شي ثلث ساعه

تكدرون تنتضرون بلردهه

اخذه وهوه ممستوعب وجودي

من ذاك اليوم كمت المحه بين فتره وفتره مره بلمستشفى مرات من اطلع للخط

زهراء على تواصل وياهه كانت سولفلي انو حمله الاول مات بطنه  ورجعت سوت انابيب رغم منع الاطباء اله لحد مافقدت رحمه والطفل

ماانكر حقدي اله لكن قهرتني

وهاي اني عبارتي كانت ان اكون اولا اكون

وكدرت ان أكون 

طرحت قصتي عبره لاخطاء غفلت عنه ومشيت وره عواطفي قادر انسان ذو عقليه شرقيه حسب البيئه النشاء بيه متدينه بحته فقد والده بعد خساره كبيره
تعرضولهه اشتغل وهوه عمره ١٦ حداد وعامل بناء
وفيترجي وووو

وو لحدما كدر  يتخرج من المتوسطه
ايام النظام انضم للجيش العراقي وره السقوط اترقه
كضابط 

كأنسان كضه نص حياته بين الجنود والضباط  ونص المعارك قسه كلبه  مشه وره عقله

بدت محاولاته لأرجاعي رفضت رفض قطعي

وها انا نبأ ام لثلاث اطفال طباخه ماهره بمعنى الكلمه

اتمنه كانت قصتي بكد ماتكون مشوقه تكون درس للجيل الحالي

اتمنا لكم من كل قلبي قد استفدتو وعشتو واقعي المرير


اتمنه لكم من كل قلبي الموفقيه والحياة الميسره بعون الله  تحياتي لكم جميعاً واشكر تفاعلكم

طلاقي من قادر مضى عليه سنتان ونصف

تحياتي الكم خضتو معاي حيات كامله لاشخاص قد لايعلمون عن سرد حياتهم

اتمنه ماقصرت  والى هنا تنتهي حكاية

تواتر القدر(هل احببتك)

النهايه

مكياج طوخ🌚 للعيون مبطنه
يفيد بالمناسبات✨

#اعادة_توجيه_للفائدة
#ملوكه