ولهنا خلصت فقرتنا😍

وشكرا اللي شاركو 🙃🌺واهم شي استفاديتو

وان شاء الله نكمل عل الجايات❤️

#ملوكه

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الثامن والستون
 

عيوني تتنقل بينه وبين الجهال كل واهسي خليته يمهم حاولت اغير الروتين شكد مااكدر التوم تعبوني تنزيلتهم ومن اصعدهم جاي يكبرون

حليبي ميلحك عليهم حولتهم ممه شويه ساعدتني
قادر يرجع من دوامه ياكل يصلي وينام ماله شغل بينه
احسه دايخ مومثل قبل رغم تعبه يضحك ويسولف والجهال يلمهم يمه يوكل ويلعب ماخذين من وقته يادوب ينام ساعه ويروح للمعرض

كثرت طلعاته من الغرفه شبه الترك غرفتي نومته صارت كله بذيج الغرفه

اباوع واخليله اعذار بجي الجهال يسلبون راحته رغم هذا اروح يمه من اشوفه تعبان اخلي يكلب وادلكله جسمه يرخه ويتنهد كمت بين فتره وفتره بليل بعد ماانيم الجهال اطلعله زيت زيتون وادلكله بي يسحب كل تعبه يردد اي رحمه على روح ذاك الطيب

اخذه اسبحه ويطلع منتعش بعد تعبي اشوفه ينام مرتاح اسبح وارجع الغرفتي صار عندي روتين موبس
جهالي اعتبرته اهتمام وحده من اولوياتي

نهله بيه وماتتماده تعلي صوته عليه واني اجنبه مااريد اشغل روحي بيه حياتي اهم منه ومن ادوخ روحي
واتعب نفسي كل حياتي بيدي اني اسيره واني اكدر
افلت الحبل وضيع مني لهذا منطيته مجال تاخذ
جانب من جوانبي 

عمتي معاونتي على الجهال مرات تاخذ يزن تناغي وزيد بصفه تلتهي بيهم لحد مفديوم واكفه اطبخ وتعبانه واني ستوني مسبحتهم ومنومتهم

والدنيا صيف شويه الجوه بد يبرد بس حلو  عمتي يمهم ويمن ملفلفته وخنسته ميطلع ويفتر

طبكت التمن والسمج نصيته يستوي على كيفه
طبيت للغرفه  يايا دهر مشغلين السبلت ركضت
طفيه تفقدت الجهال نايمين

وين عمتي عنهم ياهوه مشغل التبريد طلعت عمتي
واكفه باب غرفت نهله مااعرف شتحجي ومبينه عصبيه

ب١ رجع قادر تلكيته كعد على الكرسي نزعته حذائه
كال صعدي جيبيلي ملابس

انطيته ملابسه مبين عليه ماله خلك كتله حبيبي شبيك

اشر تعبان جسمي مبند من التعب

وكفت ورا فركتله اكتافه ميل ركبته ضليت ادلكله ركبته لحد مااحسيته شويه ويغفه

قادر لتنام تغده واصعد نام

كال هوه هيج وكف كال باعي استعجلي وراه اصعد لصعدين الجهال راسي صاير بكد البيت

ماشي اخذ ملابسه وراح

صبيت على كده هوه وعمتي اني شبعانه ونهله بغرفته
والجهال نامو

شلت الصينيه لكيته مبدل ومدد شافني كعد

عمتي اجت كالت يمه المي هوه هسه اجيبه

كعدو اكلو وكفت الملم المطبخ صاحو تعالي كتلهم شبعانه تريكت متاخره

كملو  مسويه الجاي اخذت الصينيه محضره الستكاين عمتي كاعده وهوه يصلي

صبيتله تانيته يكمل

همستلي رجلج شبي

والله ياعمى علمي علمج مدوخني

كالت نشريله لاتركي

هزيت راسي كاعد يسبح فتح الباب يمن يفرك بعيونه

تعال ماما اجه يمي ويباوع على ابو الي يسبح ويباوعله
اشرله تعال ركض الحضنه شاله باسه ابو اليمن ريحتك طيبه

عمتي كال غير سبحتهم اليوم ابو الوصخ

ضحك باسه بخده كام لم السجاده بتعب
وكعد يمنه صبيتله استكان جاي

اجت نهله بدشداشتهه الكصيفه ورجليه يلجن

ابتسمت هاا الله يساعدك

كله هلا وهوه يشرب رفع عينه باوع لمشيته لحد مدخلت المطبخ

واني اباوعله التفت نضره الي شافني مركزه نصه  كمل جايه وكام صعد ينام

كمت صبيت اليمن وكلته رجعت طبت وتفر بجسمهه
شافته ماكو عقجت وجهه طبت الغرفته

كملت يمن غسلتله وفتحتله التلفزيون على الكارتون طفيت الاضويه وصعدت

دخلت الغرفتي نايم ولاف روحه بلديباج مشغل السبلت والغرفه بارده ثلج

تحركت على كيف ليفز كملت الغرفه على السريع اتحرك وادير واتفقده ليغط بلنوم ويكوبس

خلصت بدلت دشداشتي مال الطبخ مسحت وجهي وايديه  بمي ورد ومرطب 

توجهت للسرير تمددت انام شويه واكعد الجهال جوه اخاف يكعدون وعمتي خطيه بيه حيل تركض سويلهم ممه

دنيت يمه لزمت ايده شلته على كيف غليته جوه خدي فتح عيونه شويه ورجع نام تقربت اكثر

تنهد اخذني اله لمني بحظنه مسويت شي مجرد انام على صدره  ماعرف شكد نمت فزيت عليه وهوه يوخرني ادنيت عنه كام طلع غسل ورجت

كعدت كتله شكد الوقت كال ب٤

يااا الجهال ويمن

كال يمهم بيبيتهم

ميخالف متعرفهم ذوله يتعبون الواحد

داشداشه الخاكيه وين

يمجودات كلهن معلكات

دوره واني واكفه اطلع تراك الابسته مال نوم

كال ماكو تعالي دوري اروح اسبح

اخذ الداخليات وراح

دورت ماكو اخاف بجنطه من يطلع واجبات للمحافضات  دورتهم ماهيه

طلعته وحده لاخ دكيت الباب قادر الخاكيه ماهيه طلعتلك هاي البيجي

كال يمعوده تتلثك وبسرعه يبين بيه

اطل

ع الرصاصي

كال لا عوفيه عوفيه

نزلت جوه يمن غافي بمكانه

لليل الجهال صخنو يزن وزيد زواع اخذهم يا ممه انطيهم يذبوهه شلتهم صعدتهم فوك طفيت التبريد والبنكه عمتي صعدت وبيده شياش خافض حراره شربتهم ساعتين اسويلهم كمادات

رادت تخابر ابوهم مخليته هسه يصيرون زينين مردت اقلقه  صارت ب١٢ وهوه ماكو

زيد نام بس يزن ماسكت وكعد اخو وثنينهم على بجيه وحده اشيل هذا واحط الاخ

افتر بيهم  اششش اشششش ماما عيوني شبيك
خليتلهم خرخاشات احركهن ولا كأنو

رجعت انطيتهم مقشع  كل واحد قبق

عمتي متكدر تصعد ضلت تحجي ماخليتيهم جوه بيه حيل للصعده تحاجيني جوه من يم الدرج واني فوك واكفه قريب من المحجر ويزن وزيد شايله واحد منا واحد منا

عمى وين اخليهم والسبالت فول

انطفيهن مو  فد مشكله

وانتو ضلون كاتلكم الحر هنا محد يمهم

كالت ولج يمه الجهال ماتو من البجي

يعني شسويلهم

تحجي وتلوب صاحت دنزليهم هسه اخابر قادر ياخذهم للمستشفى صيدليه يشوفلهم جاره

مارديت خليت الملهيات بحلكهم سكتو رغم اني ضد الملهي بس مضطره ثنين مااسيطر عليهم

شويه وسمعت صوت قادر جوه صعد شافهم مسنحين من البجي

شبيهم ليش صخنو وجه قلق عليهم

مادري وحدهم مجرد غفلت عنهم ساعه اطبخ مدري منو مشغل السبلت وستبردو

عقد حواجبه دنه يمهم غير تنتبهين وين بالج

منتبه عليهم واصلاً حتى البنكه طفيته

بدلي بدلي اخذهم

لا انطيتهم شرابات بلكت يصيرون احسن

بابا ياشرابات  متفيد لينشمرون مثل سالفت يمن

كتله قادر والقران كوه نامو بس يكعدون يكضوه بجي

شلون خاف موزين

مادري روح لاي صيدليه واحجيلهم يجوز ينطوك شراب دوه زين

ماشي هااا هاج جبت هذا الكبسول عبالي يفيدهم طلع مال كبار

راح وهوه متوتر وبين الخوف بعيونه

ربع  ساعه واجه  دخل وجايب جيس ادويه

هاا كعدو لا بعدهم على نومتهم

هاج هذني شرابات انطيهم وره الممه

بعده ستوه يبدل فز زيد يبجي رحت شلته لمن جسته يمه يچوي وره يزن كعد

ذب دشداشته وشاله جاس گصته صاح خرب يومج ولج هذا صاير نار

حتى زيد اخذ العلاج شربه

واكفه يمه انطاني شربي شربي بسرعه

مرضهم ويا بجيه اني افتر بزيد وهوه بيزن يريد بس يلبس ملابسه مايكدر ميسكت

خله على كتفه وكعد على السرير لبس بجامته وضل بلفانيله

و زيد على ايدي  اخلي الملهي ويتلفه القلق ترسني قادر عيوني الحكلي راح يرحون من ايدي

هوه يفتر بي ويردد ايات قرأنيه عمتي صاحت قادر

طلع ويزن على كتفه

شنو سالفتك شمنتظر وديهم

كله هسه جبتلهم علاج هوه اصلاً كال تحمل اشربهم اكثر من مره يله تخف صخونتهم

ضربت ايده واني وره واكفه صدك چذب شنو هلحجي

شو اخذهم راح طك بلاعيمهم من الصريخ

صدك بدل واني بسرعه لبست عبايه وحجاب

صعدنه واني متت عليهم فحطو وهوه فوك توترهم صار اعصاب ماعرف شلون وصلنه مخلونه نشوف دربنه يمشي ويسب هااي بابا وصلنه ماضل شي

يزن فحط كلت هاي هيه ختنك الكحه لزمته وجهه زنبر عطت قادر ابني راح  والله راح يروح من ايديه

يمه عيوني شوو بس تنفس لتكح اسم الله اسم الرحمان عليكم

هاي شويه بس مدر راسه من الجامه يل ثور وخر لا انزل اسحلك متسمع الهورن

مااعرف ذاك شرد عليه وقادر نار بارود يمعود بس اهدء وصلنه بلسلامه

مستعجل ومانزله والله لوما الجهال اله اسحله ابن .....

صحت قادر وكتك مشوف الجهال ماتو

بسسسس لج

دموعي عشره عشره واني جهالي اشوفهم راحو
اجيسهم مو جسم عباله عن حراره موجره بيهم

وصلنه نزلت وهوه شال يزن وبسرعه  واني ورا زيد بيدي

دخلنه على الدكتور الخفاره

اخذهم قاس حاررتهم

هاي وين جنتو بسرعه حولهم للطوارئ علكولهم مغذي وضربهم ابر رجو المستشفى بلبجي

اني الوب الدكتور كال  همزين لحكتو جان نشمرو

كعدت وهوه راح وره الدكتور

اجه وره نص ساعه وبيده علاج كاعده واحد منا واحد منا اشربهم مما مدري شلون صرت شاطره واخذتلهم حليب ومميات   وحفاضات

باوعلهم شلونهم

مادري بس تعبو من البجي وجاعو

لا ماكوشي كال الصبح طلعوهم صخونه اعتياديه بسبب استبراد كعد منتجي على الكرسي

كال اليوم ركضوني ركضت طويريج ولد الخره

ابتسمت على اعصابه وحنيته

تنهد رجع راسه بس غمض عيونه نام  تحركت على كيف نزلت الجهال على السرير خليتهم

التعب اخذ من حيلي  ماكو مكان كعدت بلكاع وانتجيت على الحايط بعدني اغفي

كعد يزن  فتحت عيوني بتعب قادر فز

كعد باوعلي فرك وجهه وتوجهلهم

المصيبه بس يكعد واحد الاخ يكعد مبدئياً كمت شلته رجعته على الممه

وزيد بيد قادر

مانمنا لحد مصار الفجر تانينه يبدي الدوام ونسوي خروجيه

القاطع بي برده ننعزل عن البقيه البلغرفه

اجه الدكتور جيكهم كال لتركوهم كمادات والخافض ينهي الصخونه 

طلعنه واني اجر بروحي جر 

وصلنه للبيت الساعه ب٧ قادر بس صعدهم بدل وطلع للدوام شكد كتله لتروح اليوم اخذ اجازه ماقبل جايهم وفد

نومتهم يمي عمتي كاعده كالت لشيلين هم نامي واني اسويلهم كمادات

نمت هيج ساعه وفزيت على بجيهم
احس روحي على ساعه ا

فقد طاقتي والصبر
كلش متعبين كل ساعه اغم نفسي مخبله متوازيه
على الخلفه بحظني واغفه على روحي

عمتي صاحت نهله تريك يمن وهي ولا ترد كم مره صاحته غلست واني بيه مابيه سويتله لفت جبن وكلاص حليب اباوعله يمه من بعدي حال الضيم حالكم

عمتي كالت ايمه الام متتعوض شوفي شكد باريتي وسبحتي ولبستي بزره وهي لو بيده تذبحنه وتشمرنه للجلاب تكمط وتحجي اخخخ ياقادر

مابيه حيل حتى ارد كمطت زيد والوليه بحظني صخونتهم خفت

فقدت من السهر عيوني ينسدن وحدهن معدتي كلبت هاي طبيعتي من اسهر حالي ينكلب

متحملت غفيت شكد ماعرف افز على اصواتهم ومابيه حيل افتح حتى حلكي لساني خدر ارجع انام

اسمعهم يبجون وعمتي سكت بيهم فتحت عيوني
سندت روحي كمت اخذت واحد خليته بحظني خطيه واكفه تخض بلمميات اخذت وحده

كالت يمه هواي نمتي

وبعني نعسانه

هسه غسلي وصحصحين باوعت على زيد يرضع

قادر مااجه

اجه نام ساعه وطلع

اووف راح يتخربط من البارحه منايم
عمى شكد الوقت

ب٥ العصر  ياا كومه نايمه

اي هوه اشوفج شخرين وجهالج لعبو لعب

يا سوده عليه تعبوج

لا يمه وين هوه بس يشربون حليب وينامون

كمت غسلت يمن يلعب بلحديقه صحته بسته شبكني ماما تدرين شربت زنن حليبه

صدك هاي شوكت

الباجر يقصد قبل شويه

هاا اي ماما حبيبي منو بدلك

بيبي

يمه فدوه للوليدات الحلوات
عضيته على كيف صاح ماما وجعتي خدي

ميخالف يروحي

طبيت بعدني بلمطبخ  اريد ادخل للهول شفت نهله طلعت من باب الهول على الكلدور جامع بيبان الصاله الهول على الطرمه

اسحبت على كيف  باوعت طبت للحديقه شويه وبدت اطلع من صدره مارف شنو كمزت من شافت يمن يلعب
واني داخل الكلدور اشوفه من الجام الشباك

زمخت بي ولي هناك العب كبور كبور التلفكم

استغربت اسلوبه رغم مشاحناتنه بس مشفته اتقربت ال يمن مجاهلته ماله دخل بي بكلبي كبور التلفج شطالبه من ابني

مدامهه ترشرش اني كلبي يرجف اخاف من هاي السوالف اعوذ بالله فدلا تموتنه مااعرف شبيه تخبلت
اني كلشي ولا يكلولي سحر اهج

اباوع تاخذ ورق وتلف بي شي ودفنه باماكن متفرقه
هنا رجليه ماحملني

بس شفته تريد اطب ركضت الغرفت عمتي مصدومه وارجف هاي تريد تهجهجني عيوني تتلفت عمتي كاعده تتفرج مسلسل شكلله اخاف مصدكني

تاكدت قادر وضوجته وتعبه من وراهه هسه عرفت والله عرفت

طبت شافتني كاعده ابتسمت بستهزاء اجت كعدت ولاكانو مسويه شي واني الوب كلبي على شويه يوكف من الشفته

لل٩ اني على لفت الدجاج سوته عمتي
بس طب كبل اجه عليهم تفقدهم هاا شلونهم

لا زينين خوش

ماكو عشى جوعان

عمتي كالت اكو معكرونيه حامسيه بدهن ومعجون وزلاطه

عقج وجه لا مااريد شي بي دهن كومي شوفيلي شي

كمت فتحت الثلاجه كله الاكل دسم ماكو غير الحم طلعتله ضرمته وشيشته وطماطه شويه هم

شويه وكف يغسل كال ها تشوين

شسوي ماكو شي خفيف اسويلك غير الزلاطه ومشبعك

يله يابه ميخالف

كمل تغسيل ورجت

ضليت واكفه يم الطباخ اشوي وبالي يم البلاء
هاي ماعين عشاهه شامرتهن على السنك

كملت اخذت الصينيه وكعدنه ناكل اني ويا

عمتي شبعانه سالكه بيضات وماكله
يمن يطفر هوه واحمد

مسوو شي مجرد يلعبون

عاط بيهم امشو بلهول ولد الخره وكت لعب

كعدو شويه وكامو يلعبون واني وعمتي نسولف على غده باجر لان جايه  ام عابد

رجع زمخ بيهم كلهم شو كدامي ولو يله

باوعتله قادر على كيفك شمسوين

سكت شويه وكام  غسل لملمت الصينيه وكمت سويتله جاي

كعد بلمطبخ يدخن ولازم جهازه

كال انطيني بندول

شنو راسك

كال موتني

هسه انطيته بندول شرب ثنين

صبيتله الجاي وكفت اغسل ماعين

وهوه وراي كاعد على الميز طبت نهله

كالت قادر قدوه هاي الشمعه مال الغرفه تلمض والكلوب طك دشوفلياهن

كله مالي خلك باجر اشوفهن مدنك ولازم راسه والجكاره بيده

كالت لافدوه شون اضل ضلماوي بس شوفه مرايده شي

رفع راسه عيونه حمر من راسه

كام كله وخري طلع كدامه بتعب

غسلت ايديه من التايت مديت راسي الباب مردود

وكفت قريب صدك الضوه يشتعل ويطفه

رجعت ركض سمعته يكله جيبيلي عدت الدرنفيسات

طلعت للترك جابت الصندوك وطبت خضيت الماعين على السريع ستوني نشفت ايديه وخضيت السنك

الجهال كعدو يصارخون خرب امكم
جبت ممياتهم خضيتهن وسويتلهم حليب

كعدت ارضعهم واني جواي نار  شويه واجه كعد على جربايت يمن نزلته من جبت كامو ينامون يم بيبيتهم
بس حمودي سحبته امه ينام يمهه

شويه وكال فرشيلي هنا يمكم

كمت مديتله فراش واني بصفه والجهال يمي واحد بصف الاخ

كام مدد وصافن على التلفزيون عمتي دارت ضهره ونامت طبعهه متتضجور من الهوسه مرات تكلي جنت بكهف وهسه بنعمه والجهال مالين البيت عليه

كل ماتصفن اتكلي يمه انتي حييتي البيت انتي خليتي ينور بعد ماجان اضلم صوت يمن وحمودي تسوه عندي الدنيا من يجوني يركضون

واشيلهم على كلبي وين جنت احجي الحيطان وهاي معلكه بغرفته واحمد جان زغير ميفتهم وصوته ماكو وقادر بدوامه مرات انعي على روحي وتنزل دموعي

قتي

به جان ميلفي للبيت ساعه اليطب اكله يمه البيت يبززك  يضل ينتر وحجايه والثانيه قابل مره واكابلج

كل هذا وقادر شاغل بالي و اصفن معقوله  تأثير اعمال نهله مااصدك  شنو الخلا هيج مطايق حتى روحه هوه ملتزم بصلاته ومماكل حرام وبين فتره وفتره يصدق

وسنوين يخمس عمتي تاكل راسه لتعوف فلوسك خمسهن ويطلعن عليه بلمليون وفوك مرات توصل ٣
كل هذا ويشتغلن بي

الخوف اكل كلبي شسوي شون اروح البيبي تفتهم واسولفله لو اسكت

عفت الموضوع وتوكلت على ربي يجعل كيده في نحره  بحثت بلكتب علاج العمال الحرمل والملح الخشن تقره علي ايات معينه الملح يمسح بي
البيت والحرمل يتبخر

سويته نص نهار اني اقره عليهن قران من شافتني هيج اسوي ارتبكت وكل شويه هاي شسوين

واني اكله للرزق قادر هليام شغله موهلكد وكالولي محسودين داسويله حرمل من العين وافتحله عيوني

ياا واني مصدكه

اي هوه ذني الاشياء من زمن اهل البيت ليش مااصدك

ضحكت امي الرزق بيد ربج ماكو شي يمنعه

لا اكو العين والاعمال الشيطاني تمنع

هي رأسن كالت منو علمج اني اعرف بهاي السوالف ماكو التحجين بي

عمتي كالتلي وداسوي

كومي الجهالج احسلج وين بالج شطح انتي خليج بزرتج يحتاجوج وعوفي هاي الامور متفيدج

عافتني وهي تهز بيده عرفت بيه خافت

تمر الايام وخوفي يزيد قادر راسه الالم يزيد ميتركه لحد ميشرب براسيتول

غرفتي ميطبله يبدل ويطلع ينام لو بغرفته لو يم عمتي واني جوه يم عمتي  علمود الجهال

يجي ياخذهم يبوسهم وهوه بس يشوف ضحكتهم
وجه يضحك لليل ويلزمه راسه ينام الكوابيس تجي بين فتره ولاخ

الحرمل مكاطعته الملح يوميه امسح بي البيت

كمت مااتحمل وضعه كلت العمتي كالت خلي يراجع حاجته كله مابيه شي ضغط الدوام وضع المعرض
ماقبلت ضلت تلح كله ماعندي مجال من افرغ

بيوم طلع اجت ام عابد بليل مسيره هم كعدت سوالف ونهله كابلته وذاك الحجي والترحيب ضيفته

وكعدت يمه وعمي موجوده شافت الجهال كالت عليج نسخه منج مماخذين من قادر شي

عمتي كالت موزين شكران والعيون صفر  اخاف اطلعهم من العين

كالتله عليمن ماكو جهال

نهله كالت ماكو جهال حمودي من جبته قطعه جبن وعيونه كبار هلوسعهن ياهوه اليشوفه يكلوله لطلعو ينظرب عين

وبيوم الطلعه قادر ماطول شهر ونضرب براسه صخن

عمتي كالت شكد كنالج لتخلي ياخذه وانتي تركضين بي منا ومنا وهوه احمد من بطنج طلع مضروب وكملته عليه العين

ام عابد كالت بعد هذا حظج حظ المكاريد يخاله ان جان امج عده حظ جان انتي صارلج

نهله تنهدت اي والله خاله

شويه وكامت  ورجعت صاحته شويه خاله تعالي جبتلج هاي القطعه شوفيه اذا متجبتج انطيج غيره

ترخصت من عمتي وكامت

عمتي باوعتلي كالت نباء روحي وراهن

شنو

روحي مثل مكتلج

لا عمى شروح هسه يكولن لزكت روحهه

كالت ولج بس اصنطي كلبي لاعب منهن تاشر بيده عليهن

ماقبلت اخاف يشوفني ويسولهن سالفه حتى يكولن القادر مرتك تسمع علينه شجايني

وره ثلث ساعه طلعت سلمت على عمتي ورجعت

سبوع واني ماغافله عنهه كمت حتى الضهر ماانام
النفس يضيق بيه والبيت احسه خانكني لحد ما فديوم طلعت اغسل بلطرمه والكراج ومدنكه رافعه ثوبي  كملت طلعت للحديقه لميت الورق بجياسه

وخرت شلت الجيس خليته قريب يم الباب الصونده ممدوده عليت رجليه رحت سديت المي وجريت الصونده للحديقه بيه بوري شكلته بي

واكفه ارش بلحديقه  سمعت سيارته

طب وبيده جيس اسود  التفت شافني نزل نضاراته
عاكد حاجبه

شسوين دسدي وطبي

هاي كملت

اجه يمي وهوه متنرفز

طبي طبي انعل ابو الرش شوفي زرورج طالعات انتي تنك بعقلج ويدك بصبعه على راسي بابا عالم وجيران متحسبين احد صاعد كواد ماعنده غيره

سويت مكنت قاصده نتر دنك جر الدشداشه

طبي لا افنيج هنا وادفنج

و خرت واني ضايجه طبيت كدامه

طب للغرفه وخله العلاكه بلكنتور مال عمتي  كالتله شنو ذني

كعد فلوس

فرشتله راح يفرش اسنانه طب شافهم نايمين بوسهم
قرودتي نايمين من وكت

خليهم فدوه العينك غير مسوين روضه

كله هههه تدلين اسويلج روضه وافتحهه باسم روضت قادر ونباء

مويابه يبوسهم ويباوعلي

وخر منهم اذا كعدو ماعليه بيهم

ابتسم وخر

نمنه وبدت سالفته يبوس ويراضي واني اتعزز عليه
لحد مقيدني ويدغدغ واني اكتب ضحكتي لتسمع عمتي يجبرني ارضه

وهيج كاضيته ويا مد وجزر بين القبول بطبعه وبي رفض مبادئه المتسلطه لكن تعودت واخذت حيز من حياتي يوم اليمر ابني على ضحكتهم وهوه يمهم

يوم يبدي بي واني اطلعه بيدي للدوام وينتهي واني بحظنه يوم عن يوم تسوء حالته يوم يعدي اذا مياخذ براسيتول يهدء الهدوء سيد الايامي نهله تاكل وتنام شالت ايده فرد نوب

مجرد شاركنه السفر وتنطلق ويه قادر وهوه ياخذ وينطي وحديث يجر حديث ميمل ولا هي اشوفه نظراته ياخذهن منه بلسرقه واني اغلس اصبري
اصبري شوفي تاليه مااريد ابني افعال على نضراته
مااريد ابين اله غيرتي المفرطه وحرصي عليه

لابد يحس من ذاته لازم يتخض موقف ياما يرسي مركبنا او مركبها

لحد ما مره بليل

صارت ب١ طب قادر جان البيت سنطه والاضويه مطفيته خابرته كال اتاخر عنده شحنه يستلمه ويرجع

تانيته بفراشي  فتح الباب بهدوء بدل وطلع تاخر يله رجع وبيده دوركت مي  خلاه يم راسه تمدد

ماعرف شكد مر من الوقت وهوه يتكلب كل مره بس يدخل للفراش ياخذني اله

تانيت ماكو منه اي حركه غير ينافخ بضجر ويكلب بجهازه

شويه وطفر كعد

كام طلع 

ضليت بفراشي متانيته سحبت جهازه مجان بالي غير بس اكضي بي وقت لحد ميرجع عنده هواي برامج

ماعرف شنو الوداني احساسي تعلقي بي خلاني اعرف كل حركه منه كل نظره كل همسه شنو قصده بيه  رحت للواتساب اول وحده مكتوب ام حمودي

عرفته نهله دخلت وانصدم باخر مسج

احببتك رغم جفا صدرك
ارغب بك وارتوي بعيونك
اعشق انفاسك حبيبي
متانيتك

.......يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

التاسع والستون

بين دمعتي وعيوني الدوره بكل مكان كل زاويه اوصله اكول هسه الكا هنا بلحديقه

بلممر يم السيارة يمكن ينظفه
صعدت فوك دورت الغرف

وكلبي يرجف مااريد اخلي اخر احتمال
اتخبل والله اني من غير شي كل مااتخيل

كان وياهه قبل يضيق بيه النفس
نزلت بهدوء خايفه ومتوتره ليش

هيج افعاله معقوله يريده اكثر مني
ممقصره ويا شنو اليريده اكثر

لبسه وكشخته الي اهتم بأدق تفصيله
لو نومته وأهياله اجواء يحلم بيه

يهمس وين جنتي عني هاي كله مشايفه
سويهن علمودي واني ارد بعدك مشايف
شي ويباوعلي بعشق كأنو اول مره لزمني

كل افعاله سولف حبه وحرصه عليه
يوم المايشوفني بي واتلكا يكلي مقصر
وارد جهالك ممنطيني مجال

رغم طبعه الجاف مايتغزل لليوم ماموديلي
كلام رومانسي لليوم ماعاد كلمت احبج

يثبته بنفعاله من اطلب ابات بيت اهلي
وهوه يضوج ماامنعج بس مااكدر انام دونج
شوفيهم وباجر هم ارجعج الهم بس لتباتين

اسكت كل هذا مشفته سوى لنهله تزعل وتروح
لهله اشهر مايرف كلبه ايام زواجي من قتيبه
كم مره زعلت نهله توصل بيه ٤ اشهر ومن ترجع

وجوده مثل رغبه يكضيه ويكوم همه مع بعض
تركيبه غريبه عيونهم متحجي حب عايشين
مثل غطه وفراش من ينشال كلمن بمكانه

اني ويا نختلف شكد نتمشكل ويضرب
يوم الاريد اروح زعلانه يتخبل ويضل معصب
وميصالح وميرد اطلع يكلي ضلي زعلانه بس
زعلي يمي مو يم اهلج يريدني جوه عينه

وين مااروح كدامه كون انانيته بفراط
كل بايه انزله داخلي يدعي وكون تخيب
ضنوني ومالكا هناك شكد مااعبر
مااوصل ذره من شعور الوصلتله

كعدت بلهول واني افرك ايديه شويه
اضغط وارخي

كمت افتر شويه وارجع اكعد شي ميخليني
اهدء ميت فكره بالي معقوله يتقربله مثلي

من تخيلت اجيت اتخبل رجعت لفراشي
ساعه مرت الوب

مابيه مجال يعني رجعلهه كمت ابجي
لفلفت روحي غطيت راسي وحاظنه رجليه

مكدرت اكتم شهكتي عضيت المخده وارجف
ليش هيج يسوي جسمي انمله نار تطلع منه

شويه وسمعت طكطت البيبان
متحركت وصلت بيه عيوني احسهن يجون
من الحراره طر الفجر وهوه مااجه

كمت طلعت للهول برد مجروره ركزت كاعد بلحديقه يدخن مشيت يمه شافني مااعرف باوعلي طول وهوه مركز نظره عليه حس بيه كانو قره تفكيري

طولت بلكعده شنو جاك الارق

نصه يباوع على الحشيش لا

احظرلك ريوك

ماريد اطب انام

وكف تقرب خلاني جوه كتفه مشاني طبيت للمطبخ وخرت

كعدت على الكرسي جسمي يرجف

ضل واكف نصيت لازمه راسي
كال شبيج

مابيه شويه وجع

راسج

اي اي يمكن هبوط

لان مماكل وستوج كاعده

رفعت راسي حقك متدري بكلبي

توجه للثلاجه طلع خياره غسله وشيفه رش عليه ملح

تقرب يمي هاج

ماريد نفسي تلعب

ميخالف الخيار خفيف مياذي معدتج
حجاه والارتباك بعيونه

اخذت شيف اكلته

ضعفت واني اباوعله شلون كدرت تلمسه
فانيلته مبدله موهاي الابسه البارحه
اعرفهن رغم نفس الون ريحت جسمه
بصابون السائل اشتميته هسه من دنك عليه

ماتحمل اكره روحي دمعتي رخيصه بسرعه تنزل

مدنك يلعب بتلفونه مجرد رفع راسه شاف عيوني
والدموع تارسهن

فتح عيونه الوجع قوي

مكدرت احجي

شنو اليوجعج اجه يمي وكف يفرك براسي
ويأشر هنا مقدمت الجبين لو الجوانب

كلي هاي شنو رفع راسي بيده وجهج نار
صخنت

كومي بردي روحي

ماريد جرني بهدوء يكومني

نترت ايده وخر مااريد

شبيج لج

مابيه بس وخر مني

كعد ينافخ فرك وجهه

اعرف بي متوتر وميكدر يحجي شي

قرب كرسيه

هم اله حق

رفعت راسي فاكه حلكي

صح هم اله حق كابله منو كلك مالهه

لصيحين افهمي نباء اثنينجن بركبتي

نترت اعرف اعرف والله يحاسبك وتبدي شريط
محاضرتك الدينيه مالك لزوم بيه بعد ختاريت

هوه شنو اختاريت اشر بيده ذيج لزوم منه
اعدل بينجن محد يدخل وياي بلقبر منو يفيدني
لوحاسبني

صكيت سنوني قادر اتريده وتخاف تتحاسب
اني باريتك الذمه خليك يمه انقل كلشي الهه
اني مااكدر اتقبلك وانت لازمه قبلي وتجي يمي

عصب شلون تعودي هذا وضعي

لا مااتحمل تعرف نفسي تشمئز منك لو كنت يمه
واني هذا هم طبعي

ضرب الميز شتردين السوي حرام تتحملين ذنبه

اي اني قابله

ويطبج طوب

ميخالف المهم معليك قادر لتدخل
بعد هذا حدنا

شنو بكيفج امشي على هواج

لتحسبلي وجود غير ام لجهالي اربيهم

كام يستغفر واني نسيتي حبنه

من عتبت بابهه حذفت كلشي

لتنسين هي زوجتي قبلج

اي هاي هيه ممحاسبتك بس اذا تكون يمه
اني شيلني من قائمتك

وكف وعيونه ناطه الخريط مالتج شيلي من دماغج
السزز وترجعين حالج حاله يوم يمج ويوم يمه

نزلت راسي مااكدر بجيت

افتر ويباوعلي شسويلج شنو البيدي

ترحمني لو متتقربلي

واني هم مااكدر اذا احظنج بعز عركاتنه بليل اخذج بحظني يوم المااشوفج بلمطبخ ازعل منج ليش ممتانيتني عودتين على شوفتج وضحكج وعيونج التفتر وراي

زدت بلبجي جر نفس كعد يم رجليه مسند برجليه
تحملي مثل ماهي متقبله وجودج

شهكت لزم ايديه ع

ليك الله تقربتله

لتفكرين انسي احسبيني بواجب

جاوب ليش مخليه عقلج يم ذني السوالف
المهم اني المن اميل شما تصفه بيناتنه انتي
راحتي عمري محاجيلهه شغلي

مو ترتبين الكناتير واني الغي وشعندي وماعندي
تعرفي اسألي عمتج مامورجه على فلس واحد انطيه
بيدي القاصه يمج مفتوحه انتي كلبي وعقلي

هي ام ابني ماانسه عشرتنه ١٤ سنه رغم مرتاحيت
بس بيهن ملح اذا ميغزر بيه اني ييخضر عندي

قادر وداعت جهالي مااتحمل تعرف اختنك اوصل الموت ولا اشوفك تطلع من يمهه

تعودي لهي روحج بأي شي لاتركزين

كلبي حسيته بزني حالتي مطمن
وخرت منه وكفت افوت

لزم ايدي لجرني اله وخر قادر ابد لسويه

استغفرالله بابا شسويلج

لسوي شي بس ابعد وخر وجريت ايدي منه
زمخ الله مسلطج عليه بس حركان الكلب
وين اولي منجن وحده اضرب من الاخ

مجابريك محد ضاربك على ايدك انت الخليتني
انجبر اطيعك واني من البدايه خيرتك تجيني
تنسه غيري بس الي

وهسه بعد ماوعدتني وكتلي مصيرلي مره
ليش رجعت ليش هااا حلتلك قادر باوعلي
حلت بعينك كمت تتمناهه لو تروح يم جماعتك
تتباهه مزوج ضنين وجامعهن بيت واحد
ومتصافيت علمود يكلولك اي والنعم رجال حوك

بعدني احجي بحركت كلب محسيت غير الراشدي على وجهي
رجال وغصبن عنج حقيره حيوانه انتي مومال عيني واغاتي مال ضرب مثل الحيوان

كتله هاي الكدرت عليه تضربني

واكسر راسج

على صوتنه اجت عمتي والمسعده

ياا يمه عركه من الصباحيات

مامتربايه لزمني من شعري عيديه اذا مااترس حلكج دم

اخخخ وخر شعرررري وخرررر

لتعيطين لتعيطيييين ضربني على حلكي اجت الضربه نص خشمي تيهني

وهوه يرفس برجليه عطت

وعمتي اجت اجر بي وهوه يغلط

صلفه لسانج مال كحاب عيديه دعيديه اذا ماادفنج
والسماج نباء اعدمج اخليج عبره

متحملت اني افور وجهي نترس دم وعمتي بيناتنه

شتريد اسوي عندك اكثر من الضرب والغلط
شنو اليطلع بيدك سوي ابو النسوان احجي وابجي

هوهذا حق الله التعرفه انت منين تعرف الله
مياخذك واخلص فقدت ضليت احجي وادعي

اخير جمله اجيته واني بعيده منه وهوه يرد يكضني عمت ونهله كدامه

عوفنه شعنده غير الضرب والاهانه صدك حيوانات لو ماحيوانه ماضل يمك دقيقه

عار الزلم الي بس يدور نسوان ونومه

دفع عمتي نجبحت واني ردت اشرد للطرمه الخوف كتلني فوك عصبيتي وعيوني التصب لزمني تولاني رفس وضرب جسمي كله

الدم اخذني واني اعيط بين ايديه سد حلكي وسحلني

وهوه يفشر عمتي تعيط عليه اجر بي صخره مايهتز
دفعني على التخم

شسويلج اذبحج

عمتي هدي قادر على كيفك موتتهه والله

اجت يمي شبيكم متكلولي والله ماضلك ساعه

اطلعي وحق علي اكسرهن الج عتبي الباب وشوفي المايسويه منو

عمتي اسكتي دسكتي

ليش اسكت سوه بيه شوفي على شنو لان عارضته لان مااقبل الروحي

كالت ميخالف عمى بس خلي يهدء واحجي وتفاهمو

عشتو على شنو اتفاهم وياا حيوانه اني مال ضرب لو مااعندي اهل

هم رجعت ولج سكتين لو لا اسكتيييييي اشششش بلا حسج نعالات

شوفي عمى شوفي بعينج اهلي يرضوه انذل من ورا

ضرب ماطور يمن نتلف للدرج صار نصين يفور يمشي ويشمر اخير شي عمتي راحت جرته للغرفه شو تعال لطلع خبالاتك من الصبح

يمن اباوعله يباوعلي ومخنوس

كمت بيه مابيه رحت للمغسله اباوع وجهي مطعون من يمي خفت الدم صاعد الراسي حتى من شافني انزف مكسرت خاطره رجعتلي الشهكه نزلت للكاع ابجي
سويت بروحي وين وصلت اني

وكفت غسلت افرك بوجهي قسمت بروحي اذا ضليت
جريت يمن الجهال اسمع بجيهم وعمتي اسكت

صعدت فوك بدلت وبدلت لبني

نزلت والقرأن اذا مااطلع كدام عينك فلا اسمه نباء
دخلت شلت يزن وزيد صاح وين

للمهجومه مباوعتله خليت وصعدت غيرتلهم
شربتهم مميات الوجع طلع قبل شويه خدر هسه
بين لملمت الغرفه بيه مابيه

خشمي ورم صعد بدل وهوه ينافخ

مهتميت ضليت ارتب بكواريكهم

كمل اخذ ساعته ونزل

شي بيه يكلي اطلعي بيني قوتج انتي مووحدج مثل قبل شمس ونائل بضهرج شمس ياخذ حقي من عيونه

وشي يكلي اكعدي هدي الامور لابد وره عصبيته وانفعاله شي متاكده ساحرته مجان هيج يضرب
يوم النتعارلك يضربني راشدي وازعل بس توصل
يمد ايده يورم جسمي ماكدر حتى اتحرك على اعصابي
ارتب فتحت الكنتور ويمن يفتر وراي جوعان يريد
ينزل مااخلي

نزلت الجنطه كمت اجيب واعبي تكوم كومتهن
سديته واني دمعتي تجري شادتلي نهر ضرب
االايد مايجرح بكد ضربت الكلب واعرف
بروحي كااقاوم كلبي يوجعني

لل٩ نزلت ونزلت يمن عمتي شافتني اجت يمه ماتكليلي شرالكم

عمه مابيه حتى احجي

فهموني شصاير نهله طبت سابحه ومعطره روحه والمكياجر ضاربته على اخر حبايه تكله هف طير

جرت عينه من يمي طلعت شر ملابس
سكتت كتله عمه قادر زاد وتخطه الحدود
واني ماعندي طاقه اتحمل

كالت شبي

شبي يريد كلشي يمشي بمرامه بكلبي بس اكله
خيرته بيني وبين نهله اصف وياا ومتقبل متحس
بنار الغيره ولاتعرف الاحساس الاحسه شي ياكل
بيه ينهش بيه نهش

شوفي يمه قادر اعقل منه ماكو لازم غلطانه بحقه وه

يج هاج عليج احجيلي

عمه مينحمل قادر مومثل قبل متغير معمي على عيونه

حاسه بي يمه وضعه ميطمن بس متوصل بيكم هيج يضربج يدميج

لزمني يمن من رجلي يجر بثوبي عطت العضم يوجعني مو الحم

سوده عليه بله هذا شبي هيج تخبل الله يهدي

اي الله يهدي ويخلي للضرب المفروض يعينو لتعذيب المساجين يصير محترف يكومون يطلبو بلحجز

ضحكت هذا ايده ثكيله اذكره من يضرب سوده عليه قتيبه يخلي اسبوع مشلول ميكدر يطلع

اي الله يكبر ايده وثكله

سكتت يله يمه تعوذي من الشيطان وانتبهي على جهالج هسه يبرد ويجي يعتذر وكولي كالت عمتي

ضحكت بستهزاء عافتني وطبت

نهله تشر وتغني عود تغثني

مهتميت وكلت يمن واني اكلتلي لكمتين صعدت خابرت نائل كال ساعه واني يمج

نزلت الجنطه ادفع لحد مكومته من فوك الدرج للكاع طلعو على صوت الشمره من الطابق الاول للارضي

عمتي كالت خايبه مال الوجع يوجعج مالومه بيج

عادي عمه متروسه وجع

نهله كالت شنو راح زعلين

لا ذني ملابس مااحتاجهن كلت انزلهن الج

كالت عندي مامحتاجه

والله يفيدنج حتى بيهن سيوته جديده ملابستهن
يخبلان عوجت حلكه

خليهن الج عندي اذا تردين انطيج

هههه لومحتاجه ماانزلج خاف ميلحكن عليج

كالت لو اريد اشتري مو اخذ منج

عليمن تخسرين قادر مالاتج قديمات ذني جدد تكشخ بيهن

خزرتني وطبت وطبكت الباب

عشتو

عمتي كالت ترحين لهلج

اي

وقادر منبه عليج مطلعين

هاي مشكلته

صايره وكحه لايرجع واذا مالكاج صدكي مايسكت

خلي لايسكت شبيده يقدمه

هاا هيج صارت

اي عمه هيج واكثر الفقيره متنعاش ويا

بس الملطلطه والتموت على الفلس
والوكحه وتاخذ حقه يعيشن ويا
هياته نهله عايش ويه بلضربه وبلطعه
عايشه ومتكيفه ويا

اني مااتحمل هيج وضع مينحمل ولا احمله اذا كلتو وجهالج يمي وليخاف مراح ازوج ثنين وثنهن فاشلات
وحظي الغبر يهبد عليمن وينه وينه

كالت دسكتي لسانج رشاش تصلين اني ماانصحج صح هوه غلط بس مال تطلعين بدون ميدري تتحملين نتائجه يمه تحملي والله هوه يحبج مغثوث من شي وانتي ماسكتين ذب حركته بيج

مو اني دميه ملاكمه خالني

ميخالف خلي يجي وهم الي كعده ويا انفضه الج نفض
وعيونج اخذلج حقج ومربع بس اصبريلي

سكتت اقل الساعه واجه نائل رمشلي لبست حجابي وعباتي طلعت يمن ماما روح الخالو بره متانيك ركض

صعدت نزلت الجهال باب الغرفه مفتوح شافتني
صاحت يااا شلغينه قبل شويه

عمه مترهم فدوه العينج اذا ماسويلي
كرامه يستغلني واني جنت مجبوره
بايام المرحوم هسه لا اهلي بسدي

غصب يتحملوني

شكلج بعد يجي والله اليستر

بوسته وطلعت شافني نائل ماركز بوجهي حاولت اغطي بلعبايه

شال الجهال مني وهوه يضحك سنافر

كتله اجيب الجنطه طبيت طلعته هوه صعده

صعدت طول الطريق يسأل ليش جايبه جنطه هلكده مو من عوايدج

تحججت اضل كم يوم ارتاح التوم تعبوني


الكل استغرب شكلي اول مشهكت امي يا يمه شنو هاي وجهج اجت تتفحص وجهي ندى كالت مضروبه

امي ضربت ايده يااا يااا مضروبه ولج

كتلهن خلي ارتاح بلاول اخذن الجهال مني

طب نائل وراي بيده الجنطه

ادري خاله بيه بلوك مشعولت الشه فتح عيونه من شاف وجهي

اجه هاي شنو

دنك

قادر مو

هزيت راسي

شمسويه

شغله بيناتنه

كعد  وامي مكابلتني احجي ليش هيج مسوي بيج
كسر كون بيده 

تنهدت شحجي اكلهم من غيرتي لو احساس الكره والخذلان تمددت

امي والبنات نائل الواكف كلهم يردون يعرفون شصار شنو الخله قادر هيج يضربني ماعندي غير اضم بعض الحقائق وحجيتلهم على نهلة واسباب عدم تعاونه وياي بلبيت وتجادلنه ادخل قادر واني بدون درايه اجاوزت بلكلام

امي ركزت وياي نائل كال ماله اي حق يمد ايده ويضربج وين عايشين وهيج مسوي بيج

امي كالت نباء كل الحجيتي ميخلي يضربج هيج يمه احجيلنه لضمين اذا تكررت هل حاله يكوم ميخاف وصير كتلج زلاطه عنده اكعدي وسولفيلنه مومن عوايده يضرب رجال يحبج ومداريج وممخليج
بعازه من وره عركت نسوان يمد ايده ويشوه وجهج

كتله يمه انتي معايشه وياي والكلته هوه الصار اني هم مااقبل يضربني وهل أجيت وعفته

بيبي كالت  لازم منسكتله يجي اخوج وهوه يصرف وياا شنو بناتنه مانريدهن ثكيلات علينه هذا بيت ابوهن يكعدن معززات مكرمات

نائل خل يجي شمس ونروح وعلي اطيح حظه

امي صاحت يمه موهيج يجوز السبب من اختك افتهم منه عيب رجال جبير وخوش انسان لتتهوبز وتكبر المشكله

كال شنو يمه مشوفين وجهه ازرك لو شمااسوي يجيبه يذبه علينه ولا يمد ايده يجي يكعد يابه بتكم هيج هيج واحنه نعرف نصرف مو يجنزه شحاسبه
ماعده احد يدافع عنهه مكطوعه من شجره

نائل صار عصبي ويحجي واني دموعي تنزل تقى حضنتني التغت باعي تكعدين وسكتين

امي كالت نائل موهيج الحجي شنو طلابه بينكم
يجي ونفتهم منه

كله عود من يجي طلع

وامي كالت اذا مطلع لسانج فالت فلا اسمه بأسمي

كتله واذا لساني فالت شنو يعني يمد ايده هاج باعي وجهي نزعت الربطه حتة خشمي يمكن مكسور لو موتني عادي والله لان لساني طويل

كافي يمه قابل

اني اكرهج بس انتي متكدرين اسكتين وتتحملين شويه

عفته كمت اخذت جهالي وطبيت للغرفه يمن يلعب بره 
امي يايوم راح تنصفني وتحسسني بته ليوين ضل تعاملني بجفاء

فوك حركان كلبي

للعصر جهازي ماسكت اشوفه قادر غلقته

دخلت ندى جايبه يمن مبدل

هاا ماما

كالت بلل روحه

ياا ليش مما حبيبي

اجه مبرطم شبيك امي

بجه يايا يمون شكو حضني ويبجي شلت راسي وهوه متعلك بركبتي شبي ندى

كالت هوه وأدم تمشكلو علمود البايسكل

ليش ماما شسوي بي مو ذاك بلبيت  مال منه

ندى كالت نباء أدم روحه باسكله ومعاند ميقبل يركبه بي كوه فاككتهم وشلته شمرته فوك

ميخالف اني اسكته  غسلت وجه انطيته الجهال مراده تنحس مطنكر شويه وكال نروح البابا

لا ماما بابا موهنا

لليل وكام يريد ابو متعود بين فتره وفتره يطلعه وياخذه للمعرض ومكابلهم لو يزمخ لو سلعبهم

مرات ياخذه يتمشه للصاحبه بنفس المنطقه لو يجون يمه بلحديقه يسون لمه نراكيلهم واني اضل مرابطه بلمطبخ جاي ومي لو اسويلهم فطائر اذا ضال عندي

شنو العندي اطلعه الهم وهوه يمه يسهر ويا ينام على ايده يله يطب كلش متعلق بي

لليل التمينه على السفر شمس باسني مانتبه على وجهي كاعدين ناكل مكاني بصفه امي وهو مقابيلي
اشر ناوشيني كاست الروبه

شلته ابتسم ركز شويه وتسعت عيونه

كال هاي شنو وجهج وين طايحه

تلبكت هااا

تقى كالت علامات  الافندي

كال شنو ياافندي

امي اتعشه امي من نكمل نحجي مووكته

نزل الخاشوكه كال شنو مووكته هاي شنو الورم والزراك البوجهج

ندى اصبر ياعيني دكل بلاول وبعدين تفتهم

يااسم زمخ

خويه والله احجيلك كلشي بس خلي نكمل السفره

سكت رجع ياكل وعيونه عليه لحد مكملنه كام غسل ورجع كعد على القنفه

اني والبنات لملمنه السفره وكفنه نغسل ونرتب صاح ندى جااي

ندى خدرت واني وكفت اغسل وتقى تعلي كملنه

رحت اشوف التوم لكيتهم نايمين شويه وكال وينج

دخلت كاعد وبحظنه أديم ومنا ايمن اشر تعالي

امي وبيبي مكابلاته مسافه نائل  وتقى بغرفتهم

كال اي نباء شنو سالفتج انتي وقادر ليش ضاربج

دنكت حرت شكله ماعندي غير اسولفله واستثنيت
دخوله على نهله

اسولف وعيوني تجري وشلون ضربني بله رحمه وهوه يزفر بغضب

كافي لشهكين احجي على كيفج

مااكدر اول مره هيج يضرب وكدام اهلهه

كملي كملت وهوه بي وميزيد احتقان وجهه

ضرب زره حيل صاح يصير خير هوه خابرني يرد يجس نبض كال جاي اشتاقيت للجهال النغل مصارلهم ساعات

صدك بليل اجه مطلعت بس يمن راح يمه نص ساعه واشتغل الصياح واني ارجف امي كاعده وتتحسب

بيبي كالت هسه ثنينهم بارود اكوم اشوف لا تكبر بيناتهم  دخلت بيبي

ندى لازمه ايمن ليطلع واني اتكرضم

تقى تأشرلي على كيفج كالت تنحل بس لترجفين

ماادري قادر طبعه عصبي وميتحمل وشمس صح هادئ بس مشفتي الضهر شلون وجه صار احمر

شويه واجه نتر بهدوء تعالي

هاا
لتفكين حلكج امشي نتفاهم

لبست شالي ودخلت ورا

اباوع قادر كاعد ويهز برجله باوعلي

كعدت مقابيله

شمس كال نباء رفعي راسج هذا زوجج كدامج شنو سالفتج ويه زوجته الاوله

رفعت راسي وقادر مركز يشوفني شحجي

كال متحجين يوم الزوجتج انتي متعرفين مزوج وعندي مره وابن هااا شنو التغير هسه

وانت ممقصر

عله صوته بشنو مقصر ست نباء مخليج جوعانه عريانه تاكلين خبز يابس شنو الطلبتي ومجبته غيرتج منه ماله داعي الوقت والايام تتقسم بينج وبينه

صحت واني مااقبل مو تركته واصريت اطلك ليش هسه حاسبه مرتك

زمخ لتعلين صوتج  من احجي صوتج لترفعي

شمس يباوعلي وكأنو يريد يتأنه بلحجي

برطمت وكوه لازمه نفسي امي دخلت سلمت

اني مو من الاول تدرون مزوج صح لولا يابه التفت الشمس  اني مجذب ضام عليه

امي كالت لا يمه كنت واضح ونعرف وكلشي واضح بس ضربك اله منقبل عليه بتنه عزيزه الوحيده بخوانه ابوه جان مفضله عليهم وشتأمر وتتمنه

لهذا يومهه خوانهه يحبوه ومدلليه بس مال تمد ايدك عليه مانقبله نهائياً المره موللضرب حتى لو غلطانه بحقك تعال عاتبنه واني افصمهه الك فصم

هاي جانينه لليوم محد كلهن هيج باصبعه لليوم مطالعات زعلانات اني الماقبل عليهم موهمه

صيح عليه اغلط أدبه بس لتضربه وهيج مشوهه موضرب شنو كاعدين بحلبت ملاكمه

كله ام شمس بتج ومن حقج بس المره التجاوز على رجله ولامره ولامرتين ولسانه طويل شنو دواهه

وهي تعرف طبعي عصبي

شمس كال ابو احمد الله بلخير عليك كونك جبير ورجال راكز والحيات ماشيه وتعرف درابينه لازم تراعي فرق العمر بينكم هي هسه يله دخلت٢٢ وام ل٣ جهال
شتتوقع منه انت بدل متربي ٤ لا راح تربي الام وياهم

شوفه تره مشافت من حياته شي وتصرفاته نابعه من كلبه طفله وشافتك كل حياته هسه يمن من كد حبك اله وهوه يشوفك ابو من يزعل مو يضرب

هاي هيج لاتتوقع عقله بكد عقل ام احمد ولا تبني حياته على الوعي لا بانيه حياته بعاطفتهه مرات من اشوفه تلاعب ابنه اكول طفله وينه وين الزواج والمسؤليه

لازم تكون اكثر صبر وتتحكم بلامور مسؤليتك جبيره
يوم التلزم

العصا كضه من الوسطه لا من طرفين لو لزمت طرفي يميل الاخ

انطيته واني اعرفك كده ومطمأن متجيني مضلومه ودمعته بخده بس الشفته وجهه الازرك خلاني اعيد تفكيري الف مره ورده بلاشوك مزروعه بوسط عاكول انت تسكيه واشلع العاكول وحده وحده

كله ابو أدم اقدر حرصك عليه واعرف بنفسي يوم الافقده كايللهه مشوفيني هيج عوفيني من اهدء اخذي الهدوم العليه رجال  تحكمني عصبيتي

امي كالت وليوين اصل هيج فرضاً ماتت جوه ايدك يمه هذا مو حجي المره هم اله طاقت تحمل اذا تحجي او تعارك احنه عايشين هلامور ونعرفهه شي عن شي يختلف ماريد بنيتي تجيني مكسره شنو جايزين منه لو لكمته هواي علينه

تنهد مضايق واني هاي حياتي وانتو اعرف تتحملني تصبر عليه

كله شمس شتكول ابو احمد حياتك وحياته يوم الزوجتو صرتو واحد تتحملك بلمقابل انت تتحمله ماكو شخص معصوم من الغلط تغلط بحقه اراضيه تغلط بحقك تجي تبوس راسك وتستسمحك

اكو شي اسمه حيات زوجيه شي على شي يكتمل بلصبر بحسن التعامل بلموده البينكم

صبره وحنيته ويه حبك وعطائك الهم تكتملون

ماكو بيت يخله من المشاكل بس اكو راعي البيت يعرف شلون يحكم عقله ويصرف صح

انت مسؤل بزوجاين واطفال

بيبي كالت يمه هوه هذا اليجمع ثنين بيت واحد وهنه ثنينهن تحكمهن عاطفتهن احنه نسوان ونعرف جمر الغيره تاكلهن خلي خلكك طويل وصلي على النبي

تنهد كله اللهم صلِ عليه

يابه هاي اني كدام اهلج يشهد عليه ربي رايدج ومنقصره واحب حنيتج عليه وعلى اختي وخادمتنه وحشاج من التقصير

بس شغلت تدخلين بيني وبين ام احمد مااقبله انتي الج مكانتج وهي اله مكانتهه يوم الج ويوم الهه الجيبه الج تلكي مثله يمهه

تتحملين وضعي بيتي مفتوح وعيوني شلعيهن متتحملين كولي اخذ جهالي وانطيج حريتج

........يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

السبعون

يوم عن يوم تسوء حالتي ويزيد القلق عندي الثقه نعدمت وخصوصاً بعد ما تنازل عني بسرعه وهو يخيرني لو اتحمل وضعه لو يسحب الجهال وين راح حبه الي وين حرصه وخوفه من فقداني الجنت
اشوفه بعيونه اختفه

شفته غير انسان معقوله بيوم وليله يترك يعوف
حبنه وتعلقنه ينسه دلالي

يومين مصخنه وحالتي حاله شمس كال التردي سوي ترجعين وجهالج يمج لو تضلين يمنه معززه مكرمه محد
اله دخل بيج

حضنته كمت ابجي وهوه يمسح على راسي اثبتلي هوه أب اكثر من اح

عدت الايام واني بين جهالي اوكل واشرب واعتني بنضافتهم عزلتهم مااعرف شبيه كمت امنع يمن من الطلعه

اجرجر بي يوم يوم افتقده واريد حضنه ليش هذا التعلق مو عافني ليش كلبي راكض ورا ليش عيوني دوره اول مااكعد

يجي بين يوم يوم يشوفهم يتفقدهم ويطلع عمتي اجت مرتين حاولت تصلح واني رافضه اذا ماابنفسه يجي يعتذر ويحاول يرجع علاقتنه

نمت بيومه ودمعتي بعيني حاولت شكد مااكدر اقوي روحي شمس كم مره حاول يطلعنه اعتذرت
يزن وزيد بيهم وماينشنشون احير شوكلهم شوربه
خفيفه سريلاك وربع موزه وحليب

اعمارهم صارت اربع اشهر على ابوهم ضخمين ومدبدبين مماخذين من يمه غير كبر العيون لون عيونهم وبياضهم عليه اني ونائل

مرعلى وجودي ثلاث اسابيع الينزل من عيوني جمر مو دمع شكد البنات يجن يسولفن يلتمن حيرن شيسون مره كيك وتقى تكلبه تحشيش وتخربنه ضحك ندى شكد متكدر تاخذ الجهال مني من شوفني اتعب بينهم

لحد ما فديوم ضهريه كاعده اعزل ملابس الجهال وبوكته باجيه كومه شفت منزل صوته ويه الجهال خلفيه للواتساب

حسيت بزه والنفس ضاق بيه كعدت بلكاع انتيجت على الحايط واني اجر النفس جر بطرك الدشداشه ومختنكه شافتني امي

كالت يمه شبيج هيج مدده مكدرت احجي غير مختنكه
شافتني الهث كعدت يمي يمه بنيتي شبيج اشرتله مختنكه ركضت فتحت باب الخلفي نائل ستوه طب من الشغل من شافني صاح هاا نباء شبيه يمه

كالتله الحكلي متتنفس وخر امي شالني طلعني بلحديقه الخلفيه غسلولي كالو ها كتلهم مااعرف بعدني ماتكدر احجي

كال لبسيه دخل صاح تقى نزلت تتلوه من بطنه كله شبيج

كالت ماادري وجع مينحمل

كال شنو سالفتجن لبسي ونزلي بسرعه

امي لبستني واني كلبي يم جهالي يمن الواكف يباوعلي ميعرف شبيه لو زيد ويزن مااعرف روحي صارت بيهم خايفه

خايفه من الجاي اكثر من الفات

خايفه يطلع شي موزين واني بيه واني بيه ومأجل روحتي للطبيب

هواي مخاوف تجيني لايطلع مرض موزين لا تكون اخر ايامي

وصلت واني اجر نفس تقى من شافتني عافت روحه وضلت صبر بيه نست حتى طلوكه

دخلوني خلولي اوكسجين واني عيوني بيناتهم نائل ركض بتقى كامت تعيط وامي يمي حايره مدري اضل مدري شوف تقى

شويه جسمي كام يرجف عركت وفك صدري بس صعدت عندي الحراره

يومين واني بلمستشفى تقى نفس اليوم جابت بس تاخرت نص اليل يله شرفت الأميره أريج اسمه بطلب من شمس جان رايد أسم أريج ونائل لبه رغبت شمس

وهاي همه ضالين بيني وبين تقى طلعو تقى رجعو يمي
تكومو شمس رايح رايجع امي تجي نص نهار ضل ترجع اجت عمتي اول مشافتني الاوكسجين على حلكي ومعلكيلي المغذي بجت خلتني تنزل دموعي وياهه وأني الاكبر بوستني وهي تدعيلي يمه شبيج انتي الغزال شجابج هنا

شويه وطب هوه وبيده يمن اول مشافني اجه ركض صعد على السديه حضنته يمه وليدي وخرت البخاخ واني ابوس بي

كال الحمدالله على سلامتج

الله يسلمك بدون مااباوعله التفتت على عمتي

منو كلج يوم

كالت اجيت اشوف الجهال وكالولي

اي يمه شكالولج

مكالو شي منتضربن الايكو كلبي تعبان

شهكت يمه اسم الرحمان عيوني مابيج شي مجرد تعب

هزيت راسي بعدنه نسولف طبت الممرضه كالت يله اجه دورج امي وشمس وراهه

سلمو كال يله يام كوميه ناخذهه

طلعو الممرضه اخذتني وصلت للغرفه دخلوني بي اني والممرضه لبستني البس الخاص بلاشعه

سولي فحص واني الخوف مالي كلبي طلعت

واردد يارحم الراحمين ياغياث المستغيثين اغثني بأنبيائل بأوصيائك بكتبك المنزله بسماواتك السبع
رد عني القضاء ادفع عني البلاء

صاني يوم وامي يمي اول مفتحت العيوني الساعه ب٩ الصبح امي عيونه حيرانه اباوعله قلقه

يمه شبيج

مابيه شي يمه

دخل قادر وكف يمي وهوه يباوعلي

شنو شبيكم

كال مابينه شي يله كعدي تريكي

نترت منو كلك جيب ريوك مااريد

اخذ نفس كال ميخالف تريكي

مااريد

على راحتج

عافه على الميز شمس طب وبيده اوراق

كال هاا نباوي

ها عيوني

تريكتي لا

ليش بابا موهذا الريوك راح يم الميز رتبه بلصينيه وجابه

اباوع القادر عاكد حاجبه ويباوعلي

اكلت شويه وعفته

شمس وامي قالقيني

حتى وضع قادر يباوعلي بعطف

كتلهم اريد اطمان على جهالي

يمه مابيهم شي ندى ماعيفتهم نزلت يمهم من البارحه

يوم هم بجو

اي يمه كل جاهل يبجي

ويمن

شبي امي ويه الجهال شعليه

يمه حاسه بروحي موزينه

لا حبيبتي امي مابيج شي

شمس وقادر يسولفون ماعرف

على شنو

حسيت بقادر وجهه تغير يحجي وعينه عليه كل شويه ملتفتلي

نائل اول ماطب عيونه مدمعه كال هاا شلون صرتي
شنو منين اجاهه الانسداد

شمس كال عادي صير نائل وغمزله

كتله ليش تغمزله صاير

تنهد مصاير شي

شمس لتكذب عليه شنو الانسداد

امي نصت

وكف تقرب يمي نباء شوفي مرضج بسيط
لاتخلين بالج عمليه يومين وتكومين على
حيلج

استغرب عمليت شنو

كال عندج انسداد باحد شراين القلب
ويحتاجلج قسطره وابسط منه ماكو

وليش مكلتو

امي كالت ندري بيج جبانه وتخافين
خفنه عليج لترفضين العمليه

دنكت وادري بخوفهم بس موبكدي مو بكد
رجفت كلبي موبكد روحي التعاني فقد الحبيب
وحالين فقد الروح اطفالي

سبوع وقررو عمليه محد تركني قادر كثرت جياته مااطلعله يشوف الجهال ويرجع

محد كاسر خاطري غير عمتي دموعه على خده كلما تلفتلي عيونه تغرغر واني وياهه مااتحمل

اجه اليوم التقرر اروح اسوي القسطره قبل بليل شابعه بجي وحاضنه جهالي لوبيدي اخليهم بروحي واضمهم بكلبي حاضنتهم وعيوني فوكهم تنزل دموعي

ماريد بس اكبرهم وأمن عليهم وخلي ياخذ امانته
بعدهم زغار ميعيشون يم نهله والله طلع حركته مني بيهم ادري قادر ولاعمتي يقصرون منهم

ب٣ حسيت جهازي يرج شلته مكتوب حبيبي تنهدت وكلبي كام يدك سريع مجرد اسمه يكلب كيانه

نزلته وكلبي معصور منه الاحساس الحسيته بلحضته عصرني عصر شنو الخذلان الحسيته شنو الكره الاجاني وبنفس الوقت الاشتياق اجتمعن شلون مااعرف بالي يجيب ويودي

مشتته فصل ورجع دك

تأملته شنو اليريده هسه

شلته بهدوء وفتحت خط

اول مخليته على أذني اجني انفاسه المتسارعه

نفخ عرفته يدخن

سكتت عصرت عيوني اليفصلنه تلفون

لا تفصلنه مشاعرنه تفصلنه احساس الخذلان

تنهدت كتله الو تفضل ابو احمد

كال شلونج

برحمت ربي

شلونهم الجهال

زينين

باجر ياساعه عمليتج

ان شاءالله ب٨

ذب حسره شلونه معنوياتج

ابتسمت وضميت شفتي عال العال يوم الاخلص من مرض كلبي

سكت ثواني وكال بيه ولابيج

لا اسم الله خليك دايم للجهال ادري بيك تحبهم ويعيشون بنعيم بس خوفي من اليمك اعرف يوم
عيد تستفرد بروحي وهمه روحي

لاتخافين ذوله قطعه مني لتخافين ترجعيلهم ويربون بحضنج

هاي امنيتي محد كاسرني غيرهم كلبي يمهم وخليتهم بحفظ الرحمان

سكتنه واني اعرف بي يريد يحجي يريد يعتذر ميعرف شلون يبادر

اجيت احجي واختمه كال حبيبي

مااعرف شصار بيه معدتي تقلصت ونفسي تخربط ليش هلضعف نباء سيطري لتفقدين نفسج هذا نفسه
الكسر خشمج نفسه الضرب بله رحمه نفسه الخلاني علج بحلك الميسون وهمه يكولولي هذا الفضلتي علينه
لتنسين اردد بداخلي شنو البيك يخليني اغفرلك شنو السوي ويبرد نار كلبي

تفضل قادر محتاج شي

سحب نفس كال لا سلامتج

ربي يسلمك اترخص انام

سكت ورجع كال اخذي راحتج

سديته واني اشهك

نمت يمكن ساعتين وكعدت

اخذوني واني عيوني على جهالي ابدل واني محاوطتهم بعيوني و تفتر عليهم

طلعت بعد مبوستهم شمس هلمره اخذني امي مرافقتني وصلنه كعدنه بصالت الانتضار

ربع ساعه وصاحوني دخلت الممرضه واكفه تعقم كالت لبسي ذني لبست وكعدت تقيس ضغطي والسكر

شافته طبيعي كالت نص ساعه ودخلين للعمليه
شمس حاجز غرفه خاصه دخلو وياهم قادر وعمتي شوكت اجه

امي قلقه وتقره ايات قرئانيه عمتي مثلهه واكثر

رفعت راسي وعيونه محاوطتني واكف يم الشباك منتجي وضهره على البره مكتف ايديه

شمس كاعد يخابر وعرفت عمي اسماعيل يطمأن عليه
صدك نص ساعه واجت الممرضه كالت يله ماما كومي

مره جبيره بلعمر كادتني واهلي وراي قبل ماادخل الغرقه امي حضنتني وعيونه تكت دمع عمتي

تمسح دموعه بشيلته حضنته كتله ابريني الذمه عمه كنتي بلنسبه الي ام و اكثر كالت انتي بنتي يمه لتكولين هيج مابيج غير العافيه اطلعيلنه سالمه

بست ايده اجه شمس جرني وهوه يشم بيه وعيونه تلمع ويكابر وخرت منه باوعتلهم فدوه يوم عمى وشمس كلهم اوصيكم عينكم على جهالي مالي غيرهم بهل دنيا لتقصرون منهم

امي شهكت يمه لتخوفيني عليج عيوني انتي ترجعيلهم وتربيهم على ايديج

كتله ميخالف يوم عيوني تتنقل بينهم لتنسوهم اذا جاعو لو احتاجو شي

يمن ماريد يحس بليتم كلشي يصير داخله عمليه منو يكول الله كاتبلي عمر بعد وهذا قضاء ربي

بس اطلب طلب لحد يزمخ عليهم ويحسسهم بليتم

لزمت ايدين عمتي كامت تشهك وهي تباوعلي
عمى ادري بيج تحبيهم عينج عليهم هاي امانتي

لزمتني يمه كافي فدوه اروحلج لتكطعين كلبي

التفتت على قادر كلشي ماريد منك ومن هسه باريتك الذمه بس عينك عليهم اذا الي ذرت حب بكلبك متتركهم مدري شلون جرني وحضني اني ابجي وهوه نزلت دموعه لمني وهوه يردد ترجعيلي والهم مالي عيشه دونج انتي نفسي وداعت جهالي فكري بيه قبلهم
اني اني الروحي بيج اني الي ليلي مانايمه دونج

جهال بعدهم يكدرون ينسون اني شينسيني ريحتج لو هاي دورت عيونج رجعلي الي الي وبس

رجع عصرني كنت محتاجته محتاجه دفو صدره شهكت وهوه يمسح على راسي باسني بجبيني

لم وجه

ي بيده تعرفين حبي الج وتعرفين ناري البكلبي
على فراكج انسان غبي لو اعرف مااضيع يوم واحد دونج لتفكرين بشي بسيطه وترجعين

وزوجيهم على ايدج خليج قويه علمودهم محد يحس بيهم كدج أم وكلب الام ماكو بطيبته وحنيته على جهالهه

رجع باسني وياخذني بحضنه كل شويه بايسني موخر مني لحد ما اجت الممرضه كالت يله ماما طبي لازم نجيكج قبل العمليه اخذتني وهوه يباوعلي وعيونه متروسه ندم على حنيه مفرطه تطلع منهن

وخر مني وهوه يردد سلمتج بيد ارحم الراحمين لتنسين دعائج العلمتينيا بيوم الصوبت لتعوفي

رددي نباء يابه لتنسين وكلي روحج للحي القيوم

اهز براسي واني اباوعلهم قلقانين

دخلت جيكوني وراهه اجه دكتور التخدير اقل الدقيقه غبت محسيت غير واني لساني ثكيل وعيوني
اعصرهن اريد افتحهن ثكل بيهن

اسمع اصواتهم ومااكدر اتحرك جسمي مبنج شويه وكدرت افتهم عيوني

اول شخص شفته نائل انتبهلي كال الحمدالله على سلامتج هزيت راسي مااجه بالي غير المي عطشانه همست مي مااعرف سمعوني او لا كررته كال اي

شربني شويه ردت بعد ماقبل موزين شويه بس يفكج البنج

انتبهت كلهم واكفين داير مدايري عمتي صلي على محمد امي كاعده وتضحك قادر يبتسم

كتلهم شبيكم

امي كالت يمه كلبتيه مشكل يالوز

ليش

شويه تترددين ايات قرأنيه انوب كلبتيه ادعيه واخيره كلبتي على هذا المسكين تاشر على قادر

شنو شكلت ماادري دعاء مدري شكلتي

كال دعاء الترددي من اروح للواجب

اذكرت هذا الدعاء

لا إله إلا الله العظيم الحليم، لا إله إلا الله ربّ السّموات والأرض، وربّ العرش العظيم. اللهم إنّي أعوذ بك من الهمّ والحزن، والعجز والكسل، والبخل والجبن، وضلع الدّين، وغلبة الرّجال. اللَّهُمَّ إِنِّي أسألُكَ أن تَجعَلَ خَيْرَ عَمَلي آخِرَهُ، وَخَيرَ أيامي يَوماً ألقاكَ فيه، إنَّك عَلى كُلِّ شَيءٍ قَدير. اللَّهُمَّ مَن عاداني فَعادِه، وَمَن كادَني فَكِدهُ، وَمَن بَغَى عَلَيَّ بِهَلَكَةٍ فَأهلِكهُ، وَمَن أرادَنِي بِسوءٍ فَخُذهُ، وأطفِأ عَنِّي نارَ مَن أشَبَّ لِيَ نَارَهُ، وَاكفِنِي هَمَّ مَن أدخَلَ عَلَيَّ هَمَّه، وَأدخِلني في دِرعِك الحَصينَة، وَاستُرني بِسِترِكَ الواقي.يا من كَفاني كُلَّ شَيءٍ اكفِني ما أَهَمَّني مِن أمرِ الدُّنيا والآخِرَة، وَصَدِّق قَولي وَفِعلي بالتَحقيق، يا شَفيقُ يا رَفيقُ فَرِّج عَنِّي كُلَّ ضيق، وَلا تُحَمِلني ما لا أطيق.

سكتت واني وجع بده الالم يزيد عطت كتلهم وجع فضيع

ركض قادر صاح الممرضه ضربتني مسكن بلمغذي


وجع البدن اهون من وجع الكلب شما الانسان يحاول يخفي هذا الاساس يجرحه لابد يبين بوجهه ويتألم يوم عن يوم

اسري بقافلتك نحو الامان لابد من مرسى ياخذك الى بر الأمان أسري وقلبك متيمن بلأمان يخرجك من ضلم المحال اجعل يوم جميل كنور الأقمار ك مشارق الارض
اطوي بيديك حلم الغد وارسم احلام ألأن

رجعوني واني كل طسه افز من الوجع لحد موصلنه وقادر عيونه عليه حتى عاف سيارته واجه ويه شمس كعد بصفي صرت بلنص وعمتي يمي من يشوفني اعصر عيوني صاح ابو ادم خفف هاي تتوجع

كله شسوي هي شوارع العراق خايسه اكو اشارع نظيف

جرني اله حاوطني بأيده واني مااكدر احرك ايد ولا رجل بسبب المسكن بي نسبة منوم غفيت على جتفه

محسيت بروحي غير يمسح بوجهي وهمس حبيبي ننا شو كعدي وصلنه فتحت عيوني واكفين يم باب بيتنه

التفتت عليه ابتسم يله ننزل كان واكف بلشارع وفاتح باب السياره ومنصي عليه

هزيت راسي لزم ايديه راد يشيلني رفض هسه انزل
نزلت على كيف طبيت وعمتي كدامي وامي قبله سمعته صاحت يمه وينجن

هوه وشمس ضلو ينزلون بلغراض فراش وبطانيات وجنطت ملابس والادويه

تلكني تقى وندى حضنني وهنه يرددن الحمد لله على سلامتج مشوفين شر واني بس ابتسم

دخلوني للغرفه عمتي وكفت نزعتني العبايه تمددت
شويه اجه شمس بيده المغذيه والستان مال مقصان
صاح طب ابو احمد ماكو احد غريب

راح يشكلي كانونه خفت

كال اثبتي ومتوجع ثواني اشكله الج

قادر واكف يباوع مكدرت نترته مااريد اخاف

شون نبأ لازم بيه ابر تنضرب بلمغذي

مأريد

كعد قادر على جربايتي بصفي لزم ايدي لتباعين عليه باعي عليه وهسه متحسين بيه

صدك شكلي الكانونه شويه توجعت وعلك المغذي

سبوع واني اعيط من الألم بيت عمو اسماعيل اجو

ماعده حسن حتى محمد جاب زوجته الجديده واجه شروق ضاله ويه بيت عمي حيل متغير موذيج شروق الفطيره سمنانه ولايكله وجه يشع وخاله كحل

سولفت وياي وباستني شويه ودمع

ملعونه حليانه

ابتسمت اكل ونوم وين يروح

لا حتى وجهج كاشف

ابتسمت اريد اعذبه

يشوفج قبل جان قليل يجي يشوف الجهال ويرجع

بس هسه كثرت جياته

كتله بده مفعولج

لا وعيونج مجرد قبل سبوعين واكفه اغسل بلمطبخ ولابسه دشداشه قصيره مدنكه انظف وامدري بي لمن التفتت لكيته واكف صافن ومنتجي على الباب

خليت وطبيت ولهذا يومج ماشفته

الله يهدي سركم

دنكت لا نبأ لتتاملين يرجع لحد هاي الحظه عايش على ذكريات حتى ذيج يوميه كاتله وزعلانه لو

تزعل هيج من ابسط العركات يجي يمنه حده للستقبال

اكله يوصله ملابسه ينغسلن وينكون واودين بيد الجهال لو حسن

مرات عمي يتعمد يكعده بلهول اذا اني بلمطبخ مااطب واذا فوك ولا انزل خليته يحلم بشوفتي لو هوه شهامه

تنهدت شروق تره الفات مات حاولي تكسبي مدام زواجه فاشل من ذيج ولتخلين حبه عائق بينكم
هي زوجت وخلفت وتحب زوجه مشايفتهم عصافير

انتي الخسرانه قربي انطي فرصه مدام انتي تغيرتي هوه من وحده يتغير ويحس بيج

كالت نبأ مو بيدي اعشق تراب رجليه بس جنت غبيه لو عندي ام تعلم لو عندي اخت تجي تكفخني ودليني دربي مجنت افتهم الينصحني اكول يغار

محبيت ازيد عليه كتله بعد كدامج فرصه حاولي تتغيرين اكثر وتعوضينه وتعوضين نفسج وتستقرين

سكتت شويه بوستني ورجع

صفنت كل واحد من يمنه عنده وجع ومعانات الله يساعد كلوبنه يوم وره يوم قادر يمي يشوفني شمحتاجه نائل لو امي يسوله طريق يدخل

يلزم ايدي يبوسه ويباوعلي بتعب شلون صرتي

اهز راسي زينه

تتاذين

لا شويه مومثل الاول

ماضل شي طيبين يمن اجه بحضنه شاله خلا على رجله

كله بابا الوح وياك

وين حبيبي

للبيت

وماما تعوفه

لا تجي ويانه

ميصير مريضه

هسه ابوسه وطيب

ابتسم والتفت عليه لو يصير جان اني بسته

تنهد نزله كله روح العب ويه الجهال بابا

باوعلي شرايج طيبين ونرجع

مجاوبته ضليت ساكته كتله البيناتنه انته بس الجهال يجمعونه

مترهم نبأ جهالي اريدهم يمي واريدج بحظني

مرتك تكفي وتكدر تراجع بيه وسويلك اطفال عوف جهالي الي وعفيه قادر تعبانه لتعبني اكثر

درت وجهي مااريد اسمع شي منه

وكف نصه باس راسي وخدي شويه وخله راسه بركبتي
سرت رجفه بجسمي حاولت ارفع ايدي اوخره مكدرت
مشتاقتله اكثر منه محتاجه وجوده اكثر من الكل

طبع بوسه خفيفه اخذ نفس وخر

خله فلوس جوه راسي مصرف وطلع

رجع بيه الامل رجع بيه الاشتياق رجع كلبي يحن ويدكله خالفت كل وعودي النفسي كسرت كل القيود
البنيته لمسه منه كلبت كياني ليش اني ضعيفه اماما
ليش عيوني مشوف غيره حاولت اتخطه حاولت

ابني نفسي من جديد وبعدني احاول يوم عن يوم اشتاقله يجي يحجي ويسولف ويبوس واني ارفض
صار على عمليتي ١٠ ايام عمتي شكد حاولت تصلح واني رافضه

صرت احسن بس الماعرفته لحد ماامي فلتتهه عرفت كانت عندي انسداد وذبحه صدريه

لان عمليتي طولت يله خرجوني

رغم الخبر مؤلم عمري مومال ذبحه بس كان عادي بلنسبه الي كل اليجي يشوفني يرددون بعدج شابه وينج وين القسطره والذبحه

واكلهم ربما اختبار ودفع بلاء اكبر رحمه من ربي عمتي كثرت كعداته ويبه بيبي حتى مرات تجي تاخذ بيبي وتطلع

امي شكد تسأله وين ترحسن انتي وام قتيبه تكله شغله لو لطبيب لو لوحده يأدن واجب

وامي متقتنع وتجادله تلكه بس الرفض

بدت تطلع انسبية الجامعات والمعاهد العليا الخبر رجع بيه الحيويا شمس كال شتقدمين كتلهم بكيفكم

صدك اقل السبوع وجاب الانسابيه والرقم السري
سأل شنو افضل المعدلي كلهم مايدي على المعهد
الطبي هم سنتين وهم بي تعيين مقبلت ردت كليه
اقسام الكليه لمرشحه الي تاريخ وجغرافيه وكلية أداب
وفنون

كعد شمس فهمني عندج جهال ومال اربع سنوات صعبه عليج تدولبين شي لاخ سنتين وتتعينين واذا ماكو اني افتحلج مختبر خاص حتى لو شراكه وبي ارباح ويفيدج تعتمدين على نفسج

سكتت شفت كلامه صحيح

كال فكري وعلمود اقدملج

كتله ميحتاج قدملي معهد

صدك قدمت معهد واخذني ويا نركض ونجي منا استنساخات وصور واصعدو للعماد وانزلو وروح للمركزيه وتعالو منا

دخت وشمس خطيه خلاني بمكت بصديقه وهوه راح يكمله

المكتب كان عباره عن غرفه كبيره وبيه اربع مكاتب ٣ نساء شابات عمرهني متوسط وصديقه الرابع

سألني كتلهن هنا اقدم وحده كالت صدقه انتي اخته لعامر

كتله لا اخت صديقه

ابتسم وكالت الزميلته حليوه الله يخليهه شهل خدود

خجلتني سكتت رجعت سألت عن اهلي وشكد معدلي وكالتلي مخطوبه لا

كتله مزوجه فتحت عيونه لا صدك

اي والله

صارلج شكد

٤ سنوات ونص

لا هاي شنو بعدج صغيره على العيال والشلاع كلب

شنو زوجج هذا الاجه وياج

لا هذا اخويا

هاا عاد أن شاء الله يستاهل هلحسن

ابتسمت شرد عليهه اكله شابعه ضيم وشايفه المر وضايكته سكتت واني اريد من الله يجي شمس

ساعه وخابرني شمس

نبأ تلكيني جوه متانيج انزلي

مااندل شلون

ماحفظتي طريق الصعده

لا مانتبهت

ماشي هسه جاي

سده

شويه وطب سلم ويا صديقه وطب وراهم قادر بلزي مالته

تفاجئة بي ارتبكت سلم وهوه عاقج وجهه

شمس تشكر من عامر قادر يباوع من جوه كصته مامقتنع مبين من وجهه

طلعنه واني مامهتمه

شمس كال يابه ابو احمد يرجعج اني طلعتلي شغله

كتله ليش متلحك

لا مالحك اصلاً تأخرت

سكتت صعدت ويا

شويه وحرك يمشي ويلتفت يريد يحجي

التفتت انطقه للجوهره لضمه وتموت

تنهد مضايق شنو نوب هذا المعهد

شنو شبي احسن من الكليه اربع سنوات هذا على الاقل سنتين

بابا ياكليه يامعهد وينج وينهن عندج ٣ جهال وين تعوفيهم منو ي

داريهم من غير ترجعين الضهر ويادوب ترتاحين وتقرين

ذوله منو الهم منو يعتني بيهم اكلهم شربهم

قادر موبس اني مزوجه وادرس كومه غيري ولتخاف مااهملهم انضم وقتي وبعدين ادرس الحك مدامني يم اهلي امي وتقى وندى موجودات

كال ليوين يوم يومين شهر ويملون بزر الغير ثكيل ويمن وكح منو يتحمله

اهلي يتحملوهم يحبون الجهال ويمن لان بعده طفل شويه يكبر يعقل واحاول اوفرلهم كلشي ومااخليهم يحسون

وجهالج البعدهم بلكماط وتوم موواحد

قادر هذا طموحي

على حساب جهالج

لا على حساب روحي اني حياتي موبس بزره وكنس ومسح مو اخر طموعاتي اعتني بس جهالك

هم اريد أمن مستقبلي ومستقبلهم

نتر وشبي مستقبلج يمي كاعده وممحتاجه شي

ولا راح احتاج الله ميعوزني الك اتخرج واعتمد على نفسي كل فلس ذبيته عليه يرجعلك وفوكاه تحلايه

عاط حيوانه جاب فلوسي بلنص جاي اكلج جهالج زغار وين يضلون ماامن اخليهم يم احد

لا أمن

وشنو هاي سالفت اعتمد على روحي كاعده بلشارع مخليج جوعانه انتي وجهاااااالج هااا شنو المقصره
مجرد اريدج متغفلين عنهم وانتي نص نهارج تكضي بره حلوه هيج

كتلك انضم وقتي ميتاج هذا خوفك عليهم اني ذوله روحي واذي نفسي وماذيهم

كلهه سالفت المعهد مداخله بالي بس خلي بالج لو يوم اجيت او سمعت واحد منهم صاير بي شي ثقي باالله اخذهم منج وتحلميين اشوفيهم

ميحتاج اتهدد افعالك سباقه

شنو ولج

كتلك افعالك ثبتت كلامك ماعندك غير تلوي ايدي بيهم بس اني هم اكلك لتصور ارجعلك ولاتكدر تلويني بيهم
واذا شفتك فديوم تحاول تاذيني وتسحبهم علمود ارجع
من هسه اكلك عادي اخذهم وماارجع ماانذل بعد الذله الشفته

انسه نبأ القديمه دفتهه بذني ايديه عندي هسه دراستي وجهالي انت مو مالك وجود غير اسمك بلجنسيه تثبت انك زوجي فققققققط

وصلنه نزلت بدون مالتفت

دخلت وذاكه يوم وهذا يوم واني حياتي ماشيه دونه مانكر حنيني مانسه نظرت الخوف القريتهن بيوم عمليتي مانسه حظنه وهوه يردد لاتخافين سهله وطلعين منهه محفورات يوم يوم كضيته ويا

يجني من اصفن واني مدد شريد من هاي الذكريات
شنو الاستفاده غير حركان الكلب

بديت اجهز للجامعه جبب اعرف روحي هذا حدي من العناد اذا شافني لابسه غير لبس يفقد ويمكن حتى للمعهد يروح يبطلني خلي استر على روحي والبس لبس عريض ومرتب نسقت شالات وجب عاديه واخذت جبب خليجيه ببهن تطريز ناهم نفانيف عراض

كملت كلشي وبقه شهر على الدوام وهاي الي شهرين زعلانه وجهال صار عمرهم ٥ اشهر

بديت اعود نفسي اكعد من الصبح ورجع نضام الدراسه السويته بأيام الوزاري هنه بعدهن نايمات اطلع انضم المطبخ واعزل اغسل الطرمه والكراج

ارجع اتريك امي تطلع من شوف البيت نظيف تكول يمه مصخنه شمكعدت

كتله بعد منا وغاد اكضي شغلي من وكت

ينزل البنات مجرد ينضمن الهولين وحده تطبخ وحده تغسل الصحيات لل١١ البيت نظيف

ستمريت والحمدالله شفت هواي يفضالي وقت جهال جبتلهم حجلات كوه اكعدهم مجرد ماريد يملون

والحجالت بيهن موسيقه والعاب مرفوعات بخيط كيفو
ويمن جبتله بايسكل وحذرت يطلع بلشارع اذا طلع ينسحب منه وصدك اخذ كلام بس بقت مناكره ويه ادم واديم يبقون جهال

عمتي تجي تحجي وتنصح واني اغلس من شافتني راكبه راسي عافتني مدخلت بعد صارت جياهته علمود الجهال مرات تاخذ يمن وهوه يرجعه يشوف التوم ويطلع

صار وقت دوامي اول يوم متوتره وخايفه مااعرف الاجواء ولاعايشته شي بيه فرحان وشي بيه خايفه من المجتمع الراح اكتشفه يوم بعد يوم

قبل دوامي بيومين دك مرديت دالي بصمه غلط وتوعد لان لابسته واعرف هذا موناسب لاعمره ولا الحترامه بس مااكدر اسمع صوته مل ودالي لستت تحذيرات براساله

العبايه متنزع تجمعات وكروبات بيه ولد ممنوع بس الكفج تعمين على نفسج

طلعه وسفرات منا ومنا تعتذرين منهه

خط بي ولد غير السايق وكون رجال جبير غيره تبطلين وشوفين غير واذا اكلج لا اني اشوفلج على معرفتي

مكياج قطره لو حطيتي امسحه واخذج غصب يمي

متكعدين ولد يمج وين تجمع بنات تكعدين يمهن

ختمه وهوه يكلي كل هذا من حرصي عليج اذا شفت احد باوعلج بنظره اموت شحال لو لبستي وتكشختي ونعجبو بيج ثقي بألله امحي من الوجود وتخسرين حتى روحج

سكتت ومرديت صار مخبل رسمي عفته

شمس سوالي خط اول ايام كضيته خايفه ومبتعده مجرد اخل محاضره واطلع اكعد بلسنتر مال المعهد حلو وبي نافورات وحديقه وزرع رغم الاصوات بس الخضار ينسني وجودهم

سبوع وبديت اتعرف على كم بنيه مبتعده عن الولد واخذت بكلامه اذا اعانده اني الخسرانه ويبطلني واعرفه بس يكعد يسولف باسلوبه يقنع شمس واني الاخسر ماعدا شغلت العبايه مكدرت تضايقني ولبسي عريض

شفت هواي بنات مثلي بلبس وبلاتزام صرنه كروب
وحبيتهن وهنه استلطفني

تعرفت عليهن وكلهن ممزوجات ماعده وحده ماصارله ٣ اشهر من ازوجت واني الوحيده بيهن ام وعرفن صح جان بلنسبه الهن شي غريب مزوجه وعندي ٣ اطفال

محبيت اسولف اسرار حياتي اكتفيت بزوجي واطفالي

حاسه واعرف قادر ميعوف الامور هيج ادري موصي وير