طبعا كلهن حلوات😍 ويجننن

بس اخر صورتين كلش مرغوب✨ واهواي من بنوتات يسوون مثله🌚

#اعادة_توجيه_للفائدة
#ملوكه

بعـض النصائح والوصفـات للعنـايه وتبيض الاسـنان 😁😌

طبـعا مظهر الأسنان من الي يجذب الشخص المقابـل لذلـك الاهتمام بها ضروري جدا 😻

اول شغلـهه والـي معتادين عليـها غسـل الأسنان بالمعجـون يومياً لكـن ذلك بعض المـرات مايعطي نتائج واضحه للتبيض 👌
لذلكـ هنالك بعض الوصفات لتبيضها 😋


1⃣الخلطـه الاولى هي🙇

عصير ليمونهه 🍋 مع القليـل من المـلح
كذلك تغسل بها الأسنان
وتستخدمـ مره واحده اسبوعيـاً

2⃣الخلطه الثانيهه هي 🙇

تحتاجـين برتقالة 🍊 وموزه 🍌
تفركـ الأسنان بقشور البرتقال والموز ويمكن الاستمرار ع هذه الوصفه يوميا 😌🌸


3⃣ الخلطـهه الثالثهه هي 🙇

فركـ الأسنان بمسحوق الفحـمـ 😋👌

#اعـاده_توجيـــہ_لتنسون
#ملوكه

#ماسك_تنعيم_ترطيب_الشعر 💜🙇
.
.
اسهل ماسك ممكن تسوينه هو ماسك الروب او الزبادي 👌🏻🍽
.
.

الماسك مكون من ؛
علبة روب 【لبن】، ملعقة الۍ ملعقتين عسل ، ملعقةة من اي زيت عندج للشعر ( اختياري ) .
.

الوقت؛ يوضع عل الشعر لمدة 45 دقيقة يعني ثلاثة ارباع الساعة..
.
.
ترطيب و تغذيه بنفس الوقت و متوفر ب كل بيت❤️❤️

#اعـاده_توجيـــہ_لتنسون
#ملوكه

وصفه كولش سهلة لتبييض الجسم وسريعه🍋😻
وتتكون من (سكر+ليمون)

اول شي تجيبين نص ليمونه وحطي عليها سكر وافركي بيها المنطقه المراد تبييضها او عل جسمج كله💚✨

لمدة 5دقايق بعدين اتركي يجف واغسلي🌚🌹

الوصفه سهله وحلوه كرريها كل 3أيام وبعد ماتكملين رطبي جسمج
بالاستمرار 😍رح تشوفون فرق

#اعـاده_توجيـــہ_لتنسون
#ملوكه

بنات لون الحمرة دماااار 😭
لاهو احمر ولاهو ماروني.. .الدرجه مالته تجننننن

منو حبت لونه 💋دكول اني،😂😍

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الخامس والستون

وكفت اقسم بلاكل

اجه يمن جوعان سوده عليه تاخرت عليهم
كل مره من وكت اعشيهم من وره المفلوكه
شعوطت البيت

شويه وصاح قادر ام النون وين عشاج

صفنت صدك يحجي

كتله اي ثواني كملت

ابو صماخ موكتله ناكل فوك

اخذت الصينيه ويمن وراي

كعدنه كلنه التمينه

بين الاكل وسوالف عمتي

باجر الجلسه الاوله مال المحاكمه

اني من يمي انكمش كلبي الله يساعد اهله وزوجته
على سوالف عمتي ابو سكره من القهر يصعد
تحير بي خاله نجلاء

قادر متاركهم اليكدر يسوي يأثر على القاضي
ويخفف الحكم اذا ماتنازلو عن القضيه

بعد ماكملت عشه شلته اخذت الجهال صعدتهم ونومتهم

هوه صعد ذب ملابسه ضل بطرك الشورت والفانيله

اني كاعده وبيدي الكتاب اراجع القريته
عندي مشكله بلحفظ اتعب واني مااحفظ
سطر من الاحياء والعربي

دخل للفراش اني منتجيه وبحلكي القلم

اتمدد واني التهيت اراجع محسيت على روحي
نعست شمرت الكتاب بلكاع

وتمددت هوه فز على صوت شمرت الكتاب

فتح عيونه نايم كال شنو هل صوت

ماكو شي اني شمرت الكتاب

كال الله يطيح حظج

كلب على ضهره وايده على بطنه رجع نام
واني هم بس غمضت سرحت بلاحلام

الثاني يوم عمتي وقادر طلعو من الصبح عرفت
راحو الخاله نجلاء عمتي متتركه وحده
حتى من كعدت ملكيته يمي والساعه ب٩

كعدت الجهال ونزلتهم وياي

مشت الايام بين الدراسه
ومطاليب قادر وجهاله
والبيت تعودت
كمت اضبط وقتي والشغل

حالولت اخفف شغل البيت موشرط
يوميه اكنسه بلمكنسه الكهربائيه

ولا كل يومين اغسل ملابس
عدهم هواي غيارت وعمتي
طبيعته من تسبح تغسل ملابسهه
وياهه شكد اعاتبه تكلي
عمى متعلمه

بس بدلات قادر بين يوم ويوم غسل وكوي

لحد مااجه يوم محاكمت سجاد
الكل داخل انذار ومخبوصين
زهراء ذبه اخو سجاد يمي

عمتي راحت وياهم قادر كايللهم مناك الحكم

زهراء كاعد ترضع ابنه وبته تلعب ويه الجهال
سويتلهم حلاوه شعريه يحبوهه جهالي

وهم زينه للمرضعه حلا
شويه وندك الباب اني واكفه افرش المده بلمطبخ شلت الصوبه بلنص حطيته

دخلت ام عابد وزينه وراهن علياء
سلمت عليهن
كابلن زهراء
ساعتين اني بيناتهن
اطبخ واعزل ويمن منطلق ويه بت زهراء

ل١١ طب سالم جايب مسواك مودي قادر
لبست حجاب طلعتله
سلم وكال ام يمن هذا المسواك

دنك رفع الجيس هذا لحم شرح ومثروم
اخذته
ذني خضروات وفواكه
راح بديت اطبب المسواك ممخلي قادر
ادردم عليه هسه هذا وين احطه الثلاجه متروسه
شعنده هلكد جايب

طب سالم صاح صدك خويه خالي وصاني جماعه جايين على العشه

ضليت صافنه طلعت ام عابد كالت سمعت صوت سالم شنو هنا

كتله هياته بلطرمه لحد هذا اليوم متحبني ولا اني اطيقه شتان مابينه وبين نجلاء

طلعت كالت هاا خاله بشر لحكو على المحكمه

كال اي خاله وصلو

كالت اي يمه ماكو خبر منهم شصار

ماكو خاله هوه خالو اتصل وميرد

عفتهم يحجون واني افر براسي وين اودي المسواك
والله عليك سوالف

عزلته اجت علياء شافتني غاطه كامت تعاوني
اذن الأذان

كتله روحي صلي اني اكمل مكالت شي
طببت الجهال غسلتلهم على السريع

مديت السفره بديت اصب اجت زينه
فاكه حلكه صاحت ياابه شنو عازمين
وهلكد مسوكين

اسكتي وخليه خالج حيشكني نصين
من عزايمه يوميه جايبلي فيلق

انطيته طوس المرك خلتهن بلصينيه
شالته كالت اني منج اجيبلي وحده ساعدني

رجعت اي ومنو الساعدني

كالت يعني مثلاً نهله ابسط شي هم ساعدج وهم ترجع فلوس خالو

باوعتله بطرف عيني وبيدي سلة الخضره

زينه والله لو ما ام عابد هنا جان حطيتج بحوض السنك وافركج فرك ازوعج الحجيتي من خشمج

ضحكت خايبه سويه والله هي اول تالي راجعه

حجته وطبت للهول تركض

تغدينه كلنه وكلت الجهال ركض ماضل وقت
اربع ساعات شلحك اسوي عشه

كملنه شلنه السفره

بلشنه اني وعلياء زهراء نومت ابنه وكاعد بلطرمه منتضرتهم تجي حتى اكل لكمتين وكامت

افلس بلدجاج واباوعلهه من الشباك
لازمه التلفون وتتصل كل شويه
ومحد يرد

زينه انطيته الجهال تغسلاهم وتبدل
كاعده بنصهم

ساعه ومابين منهم احد اني غاطه الراسي
طلعت السمج ونظفته خليتله حامض

صارت بلاربعه اني مكمله نص الشغل
علياء معافتني

كل شويا وكالت هاي راح تموت ليش
مينطونه خبر خطيه ميدرون بيهه

كتله اندري ميفكرون بيه ونار البكلبهه
موجره تلكيه

كالت دباعيلهه مثل الطير المذبحوح اني من يمي كلبي شبت بي نار هي الله يساعدهه

اي والله كل ما احد نفسي بمكانهه كلبي يحترك وهي تحبه تموت عليه

كالت هوه سجاد فدوه العينه غير دره والله ولد خالتي بجفه وهوه بجفه اخلاقه حلوه ومؤدب

هاي بعد تجي على الزين

جهازي دك علياء فدوه انطينيا فوك الثلاجه

جابته كالت خالو وتبتسم

عرفت لان مسميته حبيبي

جاوبت هااا عيني بشر

كال شنو

شنو وضع الحكم

تنهد انحكم مؤبد

هوه حجه هيج واني كلبي نعصر ودموعي نزلن

لا قادر صدك تحجي

اي اكلج يابه ن

جلاء راح اخذه البيته

خطيه شصار بحالهه

تنهد نباء مااكدر احجي هواي من اجي افهمج
سالم راح يجي ياخذ زهراء خل تحظر نفسه

ماشي بس شلون لو سألت

كليله متدرين اني افهمهه

سده علياء تباوعلي وتبجي سمعت الحجي كتله فدوه علياء لتخليه اشوفج

قادر يكللهه

بعدني احجي وسمعت عيطت زهراء طفرنه
كاعده بلطاع وتلطم

صيحت ولك سجااااااااد سجاااااااد هاي تاليه تكضي عمرك بلسجن لايمي ولا يم جهالك سجاااااد

رجعت تلطم لزمناهه دفعتني رجعت تضرب على وجهه وعيونه خرمشت روحهه
اريد اسيطر عليهه مااكدر

ام عابد اجت وزينه وراهه كظنه وهي تعيط بأسمه وتبجي عيووووني ابو بيتي
سجااااااد ابنك ماشفته شكول عليكم اخذتو مني

دخلته ام عابد وهي حاضنته البيت كله يبجي البجيه

كعدت بلهول وهي رجعت تعيط
علياء كعدت يمه تهديه
مستمره متقبل تسكت

طب سالم صاح ياالله

رحت كتله طب خويا

طب وهوه مدنك وبين عليه الضوجه

من شافته كمزت سالم ابن خالتك وصديقك انحكم مؤبد سالم هذا صاحب طفولتك عيوني شلون الهم كلب يحكمو مااكو عداله ماكو حق

خطيه هوه عيون دمعت

رجعت صاحت ماكدرت سويله شييييي مااكدرت اطلعه لابيه ولاعليه ولكم ضلم يانااااااس والله ضلم
ماكاتل اااااحد هوه يأذي حيون حتى يكتل صاحبه

الله واكبر ياعالم الله واكبر عليهم الله واكبر عليهه من مره ولج خاله مخلينه ردنه نبوس رجله وماقبلت

كعدت تبجي

ماهدئة سالم اخذه وراحت وياهه ام عابد وزينه
علياء كتله لا تخلين بالج يمي ماعندي شي مكمله
بقت بس ذني النواعم

راحت وياهم

ساعه وطب قادر وجهه تعبان تلكيته اخذت البيريه منه وسلاحه كعد بلهول

جبتله مي شربه كال حضريلي الحمام اسبح

كتله جاهز مابي شي طب بين مااجيبلك ملابسك

طب واني صعدت نزلتله تراك وداخليات ومنشفته
خليتهن على القنفات
وكعدت احظر بلزلاطه صاح وينج

طفرت انطيته ملابسه والمنشفه

كال طبي

دخلت اخذ نشف واني انطي قطعه قطعه يلبسه
اباوعله تغيرت ملامحه طبيعته يبين عليه التعب

طلعت وهوه راح الغرفه عمتي يم الجهال

الاتهيت اجهز بلصحونه

للمغرب كملت

طبيت للغرفه حمودي نايم يم الملاعيب بس الشاذي مالمتي كاعد يباوع كارتون

يا قادر اشو نايم رحت يمه ندهته فز
كال هاا

شوكت يجون جماعتك

عاكد حاجبه وهوه مغمض

ياجماعه

غير العزيمه

كال ولي نباء تعبان

قادر عيوني عيب حيجون جماعتك مارد

مديت ايدي كال كتلج تعبان

والعزيمه منو يطلع الجماعتك

فتح عينه ياعزيمه

مو انت كلت عازم جماعتي

دار على الجه الثانيه وكال الغت

فتحت عيوني صدك تحجي زمخ اريد اناااااام

وخرت منه طلعت الجهال بله هسه من اعيط هم يلوموني التعب كله والتحضيرات وخمس ساعات اني على فرد فره وطبخ وماملحكه ويكلي الغت

وحتى مكلف نفسه وخابرني وانطاني خبر

ضميت الزلاطات والسمج خليته بفرن الطباخ الجو بارد ماعليه
ضليت حايره بجدر البرياني والمرك

خليتهن يبردن واضمهن بلمجمده صبيت للجهال وكلتهم حمودي كعدته ياكل

عمتي ماكو والبيت ضوجه وخبر سجاد دمر الكل
من تعب العزيمه اباوع على الزعبله ومابيه حيل اكوم انظف وارتب

حتى واهس للدراسه ماضل

هذوله كامو يغفون لان من الصبح كضوهه مطارد كمت فرشتلهم يمه بغرفت عمتي شلتهم وهوه حتى راسه مغطي بالي يمه ماكل لا اخاف نام بلا اكل

نمت بصفه شلت البطانيه ودخلت يمه حظنته من ضهره تعب اليوم خلاني استسلم للنوم

ماكعدت لمن حسيت بي يحوس فتحت عيوني اني بحضنه وهوه غافي

الدنيا بعده ليل التفتت على الجهال يمن مكشف
وخرت منه ادنيت غطيته حمودي متغطي

دار رجعت المكاني حس عليه
كعد شال المخده ضل يتحسس بيديه

همس وين جهازي

ماادري غير عندك

شوف جهازج شكد الوقت

سحبته من جوه راسي بل٤

وخر الغطه وكام طلع من الغرفه

ضليت بلفراش شويه وطب شعل الكلوب الزغير نزل رداناته
وكف يصلي

الجو بارد والفراش دافي الاجواء مساعدد اكوم رغم شبعانه نوم

ضل كاعد يسبح سلم وكام شال السجاده خلاه بلمعرض

باوعلي من شوكت نمتو

تمطيت كتله يمكن ب٨ او ٧

اجه اتمدد يمي

ضل ساكت

شنو ترجع تنام

لا وراي دوام لازم اطلع من ٦ اليوم يجي الوزير
وطلبو نجتمع من وكت

باوعتله قادر

هممم

سجاد شغلته ماله حل

متاني المحامي يسوي استئناف للجلسه

يعني شنو

يتخفف الحكم

عدالي يطلع

ادنه رفع راس ومد ايده وخله راسي على صدره

شغلته يم ام الولد

هاي معقوله لهل درجه ماعده رحمه يعني هوه مقتل ابنج القتله شارد شنو ذنب سجاد المكرود

ذنبه غبي ماسح اكبر دليل بغبائه

يادليل

الاثول واحد من جماعته بيوم الحادث موديله رساله كايله الحك مهمين ضارب عباس بمسدسك

سجاد البس شحاطتك وروحلهم ناقلي للمستشفى اجت الشرطه اركض امسح الرساله خايف يلزمو عليه دليل

رفعت راسي مدام جماعته موجودين ماشهدو

كلهم ضمو راسهم يخافون

شكد جبناء اخخخخ لو يمي يمكن اعلقهم فلقه
احجي ومحروك كلبي ذوله حثاله يعوفون صاحبهم
بمحنته

رفع حاجبه عوفي سجاد وجماعته كو

مي تنحنحي سويلي ريوك ميت جوع

خرت منه صدك قادر سوايه سوايتك

كال شكو

البارحه ام عابد والبنات موجودات واجه سالم محمل بلمسواك خالو يكول سوي عشه عازم جماعته

واني اطبخ واركض ركض المعزايات
واحير المن اصير للجهال لو للخطار

وضليت مصروعه مدري اصب غده مدري ابلش اسوي عشه الجماعتك

من غير كلشي بطني لزمتني تقلصات

كلي انت من عقلك عازم جماعتك البارحه شلون يوم

كعد كال عازمهم من زمان وناسي البارحه وره المحاكمه خابر صديقي يابه بعدك على الوعد لو بطلت

خلاني افر براسي ياوعد بعدين كال العزيمه وينهه

فشلت منهم خابرت سالم يسوك

وليش الغت

كال من تخربطت ام سجاد وديته للمستشفى واحد منهم جان عنده دوره تفتيشيه على حرس المراكز العامه

شفته سلم عليه وسألني واثناء الحديث كتله متانيكم على العزيمه

ماقبل كال انتو بيا حال غير مره نجي

تنهدت والله ظهري نكسر البارحه لو شوف حالي

حظني من ضهري ميخالف حبيبي تعدي تحملي هاي الايام

تلمس بطني ضحك كبرانه

اي طبيت بل٦ تبدي تكبر

اخخخخخ باسني بكتفي

افرغ واخذج نشوف وضع الجنين ومنه اشوف جنسه

ابتسمت ميخالف بس حاسه بي ولد

هههه شون

ماادري نفس حبالتي بيمن ما تنسيت هواي ومحسيت بي من حبلت

راسه على كتفي

نباء تتوقعين ربي يجازيني بي لو مثل حمودي

درت عليه اخذت وجهه بين اديه

حبيبي الله سبحانه و تعالى يكول ولأن شكرتم لأزيدنكم

واني شاكرته وحامدته على النعمه اذا اجه مثل حمودي هذا نصيبنه واذا صاحي الحمدالله على عطيته

باسني براسي وحظني

كال بعد الشفته بحياتي مااريد شي من هلدنيا غير يديمكم اليه فرحتي بيكم من اشوف جهالي جوه عيني وحبيبتي ومرتي بحظني واختي مرتاحه اشكر ربي بكل صلا

كمنه سوه سويتله ريوك كملنه صعدت نزلتله بدلته
لميت غراضه السلاح وباكيت جكايره والبيريه والمبايل

اخذه النطاق مني يلبسه

خليتهن على الكاونتر وهوه راح يمشط

اجه خال عطر السابع جار يشمه

وكف يلبس البيريه والسلاح

اخذ االبقيه لبس حذائه

اني واكفه منتظره يكمل

كمل وباوعلي كال ام قتيبه اضل هناك اوديلج وحده من البنات لو عادي ضلين وحدج

كتله لا شعليه اكمل شغل واكعد اقره

خوش ديري بالج اني ب١ هنا

ماشي بس اكلك

هااا

مو عطرك هواي

صفن بوجهي

شبي

هواي حاط من يمي اختنكت

شم روحه شنو موطيب

لا حبيبي طيب بس هواي حاط حتى المايشتم يفتح خشمه

ههههه لا موهواي لان ستوني خال بعدين يهدء

رحت يمه مقابيله

مديت ايدي سديت دكمت القوله

حبيبي خفف موزين عليك حجيته بدلع

رفع حواجبه مستغرب تصرفي

كال شنو نباء بيج شي

لا حبيبي شبيه بس دااكول لتخلي عطر الرايح والجاي يشمه موزين عليك وعلى العالم

ابتسم ميخالف مره ثانيه مااخلي وخري ماما عندي دوام

شنو حبيبي دتقلد عليه

لا يابه شحده

اي مواكول بس صدك قبل متروح من تصعد سياره لسد الجامات خليهن مفتوحات يضربك الهوه ويخف عطرك

كال خبال شكو مجلبه بلعطر

حجيت بجديه قادر وعيونك حبيبي بس اسمع وحده منا منا لو مثل قبل تجي تكعد اسولف كدام عمتي على النسيوينات هسه بطلت اسولف كدامي

بس اشم ريحت مره

ضيق عينه كال اي بله شسوين

اخلعك

طكهه بضحكه

ضليت اباوعله

جرني باسني وهوه يضحك وخر

كال ولج طالعلج لسانين

شعبالك

راح وهوه يبتسم على كلمت اخلعك مدري مستهزء مااعرف عباله حجيته بعفويه

ثاني يوم رحت الام سجاد

اخذت ملابس العمتي اخذني قادر اول مدخلت اباوع مو خاله نجلاء بقايه نجلاء

الكانونه بيده معلكيله مغذي لاتاكل ولاتشرب عيونه طابات بنكره مصدكت هاي نجلاء جانت تفاحه من البياض والسمن

اني اباوعله مجرد بسته بجت عمتي كالت كافي نجلاء مو راح تموتين البجي شيسوي يطلعه

زهراء حاله مو احسن من حال عمتهه

متحملت اضل اكثر بيتهم كله كئيب اليجي ويروح يبجي يكول فاتحه مومسجون

ساعه وديت رساله القادر نرجع ماقبل

شويه وتحججت بحمودي ناسيه علاجه

رجعنه

مرت الايام واني بين الدراسه والبيت عمتي يم نجلاء

وراه سبوعين رجعت

عصريه كاعدين اني وعمتي مسويه فطائر يحبوه الجهال

وعصير مسويه ناكل طب قادر وهوه قبل نص ساعه طلع

كال نباء حظري الجاي والضيافه

عمتي كالت منو جاي

شيخ جواد وسيد سلمان

ماعرفنا منو شيخ جواد بس سلمان عرفنا يصير صديقه واقاربهم صالحه بعد اخر زعله وفهمه
وضعه مومال يدخل ويحجي كايله متحكمني
مره بس زوجتي الاوله مو بنت اوادم تخصني
وتمس اخلاقي لو حجيت عليه بلموزين
اكتفي بكلمت مو راهمه الي

الرجال ساكت ورجع الوضع بينهم

حظرت القوري واستكاين الجاي

شويه وطب للمطبخ مبدل كال يابه طلعي كعك ذني الجايبهن ضل منهن

كتله اي مال التقديم ذني يمك على الكاونتر

ها خوش

صاحت عليه عمتي راح

نص ساعه وهمه ماكو

شويه ودكو عليه

كام طلع يدخلهم

طفرت حميت الجاي اجه اخذ كوس المي وراح

وراه بدقايق كال صبي صبيت واخذهن

ضلو هواي اكثر من ساعتين اصواتهم عاليه

نسمع بس منفتهم شي اني وعمتي كاعدين بل

هول يم باب الصاله

يمن طاب طالع

شويه وطب مدخن كال نباء حظري المصلايات

عمتي كالتله تعال منو ذوله

كله شيخ جواد ونسيبه وسيد سلمان وابو وابو نهله وأخوهه وابو عابد وعمهه وابن عمهه

اني من كال ابوه واخوهه وكفت جنت اطلع بلمصلايات بغرفه عمتي والباب مفتوح وهوه واكف
باب المطبخ الداخلي اسمع اليحجو

بسرعه كمشني كلبي

اي وشيردون

كال بعدين يابه

عمتي رادت تحجي صاح يله نباء

انطيته واني كلبي يرجف معقوله يرجعهه

نص ساعه

صاح سالم خويه رحت للمطبخ شفته سالم واخو جايبين اكل جاهز الضهار موصيهم

اجه كالهم هاا بويا اجبتو

سالم كله لكينه دجاج وكباب كيلوين ويةهن الحبشكلات
وذني جدر تمن وجدر سوب

اخذهن فتح الاكياس اي هاي هيه

خلاهن على الكاونتر

باوعلي كال نباء رتبيهن على معرفتج

وكف يطلعهن

طلعت بلامه جايبين تمن مطبوخ

سويتهن خمس بلامه وفوكه كل بلم دجاجه كامله

الكباب بماعين وسط

المقبلت هم رتبتهن

جايبين جدر سوب

هم صبيته

رتبت الاكل

كوس روبه وشرابت طلعت من الفريز ولبن

اخذو المي

صارت سفره معدله بزود جيب قادر

دخلت واني الف فكره بالي اخاف يرجعه
شلون لو رجعت وتبدي معاناتي

دخلت يم عمتي كعدت واصفن حسبه وره حسبه
تجيني احساسي ميخيب وخايفه منه
صدك هلمره انجلط لو رجعت

شويه وكمت سويت جاي اكيد يردون
وره هل لحم والدجاج والكباب
شي يصرف اكلهم وهمه لو يشربون
القوري كله مايصرف هلاكل

واكفه اسلك بتيته العمتي علمود ضغطه
ميصير شي بي دهن ودسوم

الجهال سويتلهم لفات كباب وكلتهم

اني من سمعت بهلهه لحد الان معدتي تخبط

صدك طب غسل طبيعته مياكل شي ثكيل
بليل

كال جايج يابه

سويت

خوش خدري على كيفج بعدهم ممكملين يجي سالم ياخذهن

كملت عشه عمتي وديته الهه

اجه سالم جنت اشكر بلستكاين

صبيت اخذهن

فرشت للجهال يم عمتي كالت عوفيهم يمي
استوحش وحدي جوه

ل٩ راحو

طب هوه وسالم سلم على عمتي

كعد وهوه مبين عليه الضوجه

عمتي كالت ابو حمودي ماكلتنه شرايدين جايين

كاله يردون يرجعونه

كالته اي

كال هاي هي راح ترجع

هنا اني فتح عيوني عليه قطرت دم مابقة بيه

اباوعله يباوع العمتي ويسولف ولا اهتملي

كالتله جبروك

كله اني يجبروني ام قتيبه تعرفيني لو اريد اكسرهم بوكت بتهم حرجوني وهوه ابوه رايح من عملته وجهه اسود صاير

سالم كال خاله خطيه رجال جبير لو شوفي تبجين عليه

كالت واني اعرفه رجال خير وأدمي بس ربك انطا بزره راضعين ويه ابليس

رجعت تحجي ويه قادر خويه لاتكدر خلگك رجعه واحسبه ماموجده

سالم كال خالو هي صدك ماخذه هذا المبلغ ٢٠ مليون

هز راسه وهوه يباوع على التلفزيون بدون تركيز
حاسه بي يتهرب مني

كاعده على نار

عمتي كالت شلون رجعوهن

كلهم سدو الموضوع

كالتله هاي هيه خوش سوي على الاقل كدام
الناس ولا يوميه وحده كاضتني نهله شنو ليش
زعلانه واحير شطلع عذر

راح سالم واني بس طلع صعدت فوك مثل الوحده
لازمتهه طلوك لاتكدر تعيط ولاتكدر تتحمل الألم

حتى بطني تقلصت خليت ايدي عليه دفرني الطفل

كعدت صدك بجيت وين اشرد وتفك عني المشاكل وحركان الكلب

دخل راسن تمددت وتغطيت
نزع دشداشته حسيت من شمره على السله

اجه فتح التلفزيون

طلع برنامج سياسي

مكلف نفسه يشوفني مزاجه عالي بحيث يشوف برامج ويركز وياهم

دموعي نزلن على المخده مسحتهن

ضاله احرك بروحي وهوه ولا هامه شنو من طينه هم يسمي روحه يحب هذا ميحب هذا متسلط يريد يحصل كل اليريده

متحملت ساعه وهوه يتفرج واني اتكلب بناري

كعدت ذبيت القراصه اذت راسي

نزلت من السرير

كمت اخذت مي من الثلاجه شربت

درت اريد اطلع صاح وين

درت عليه جوه يعني وين

شعندج عمتج ونايمه والجهال يمه شكو نازله

عاجبني قادر لو هم هاي ممنوع

شبيج منو المانعج

خوش اني نازله

صاح تعالي عدل كعدته شبيج كالبه خلقتج

لاحبيبي عليش اكلب خلقتي عاديه حجيته بلامباله

كال تعالي هنا

شكو اريد انزل

تتتعالي

طبيت هاااا

وجعا

كعدي هنا اشرلي يم رجليه

لا هنا احجي

تجين لو شلون نباء اعصابي تالفه وعيونج كوه متحمل روحي مو انوب اتحمل مزاجج

ابتسمت بستهزراء مزاجي قادر خوش

دنيت كعدت تفضل

شبيج

شبيه

هوه اني اسألج

قادر شرايد اعرفه ماعنده مال يكعد يبرر الواحد ميعرف شلون يفتح الموضوع

تنهد وهوه يفرك بوجهه

من صعدتي وانتي مطيتني ضهرج اول تالي سويه بيج شي

بداخلي والله لاخليك طك

لا عادي لان تقلصات شويه صارت عندي وتأذيت

وهسه شلون صرتي

زينه
كمت منه

للللج مو داحجي وياج

شنو شبيك

وسم ولي منا

طلعت هوه باوعلي متفاجئ بتصرفي

طلعت من البيت كله يخنكني حتى الهوه

كعدت بلحديقه الجو بي بروده رغم النهار بي حراره

حتى ملابسه شي يدفي بطرك الدشداشه

مااعرف شسوي لااكدر ابجي وافرغ البكلبي
ولااكدر اكب بي واحرك الاخضر واليابس

لو كنت طايحه من اعله برج مااحس
بلألم بكد البداخلي

موقفه شنو رجعه اله لو لجل ابوهه وجيت

الشيوخ

متحملت احبه زوجي والاشهر المرت عشته احلا مايكون محسيت بلحب غير يمه
ماحبيت احد بكده عشت طعم العائله
من اشوف خال يمن وحمودي يمه احس
احساس هذا الانسان الي وجوده يمي
يطمني

مثل بلاعت الموس اذا طلعته يجرح بلعومي واذا بلعته هم يجرحني

دنكت بجيت من كلبي اريد افرغ النار البيه
حسيت بمعانات نهله حسيت بعذابه

بس لحد مشردت اني مكنت جايه اخذه منهه
عشت بصراع نفسي وعقلي
حبي اله طغه على عقلي
يوم الي يجي قادر من الدوم
اشوف الدنيا بي اركض احظنه واشمه
وهوه يكلي انتي بس من اداوم تجين تحظنين
اشو بلغرفه حجاره

اضربه على صدره

متحملت كمت اناشغ اذا اجت
معناهه

انسه دلاله من يحير شيجيب لان حامل ميخلي فواكه وحليب يجيبه براسه من ام الكيمر يوصيهه ابطاله يجبرني اشربه

انسه حبه

انسه حظنه من ينام يمي طول ليل اني على صدره

اعتبره فقط اب ليمن ولأبني

خليت ايدي على عيوني غصيت بلبجي

سمعت خطوات مشي التفتت شفته جاي بتاجهي

.........يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

السادس والستون



واهسي للطفل شلون احظرله ملابسه وشسويله
وشجيبله واذا طلع ولد تكمل سعادتي طايره
بي اسويله غرفه ويه اخوانه اعزللهم غرفتي
القديمه اصبغه الهم لون ازرك واجيب واحد
رسام يرسملهم الرسومات اليحبوهه

واسوي ركن خاص للطفل بس يكبر اعوده
يمهم يضل

هواي مخططات عندي شنو يخطر على بالي
اكتبه لاأنسه كلهن تبخرن اليوم

اجه كعد يمي

همس ليش كاعده هنا بارده عليج

لا محاسه بشي

سكت كومي نباء نطب

مااريد عفيه مرتاحه هنا وحدي

شون ترديني اعوفج وحدج وملابسه شي يدفي عضامج متخافين على البطني

التفت انت هامك بس هذا

وانتي وين صرتي

كل الروحك

شمسوي رجال رايح بدربي وراجع بدربي

قادر فدوه العينك عوفني كاعده وحدي ومرتاحه شويه واطب

تأفأف بغضب سكت

نباء شتردين اكسر كلامهم واصغر روحي

التفتت عليمن تكسر الكلامهم محد كلك صغر نفسك السوي من حقك

تنهد كال رجال شويه ويبوس ايدي ويتعذر ومقبل ترجع وكال بيتي موجود حقك تريد ترجعهه تريد اطلكه اني مااوكف ولا اكلك شنو فعلته هذوله ولدي مسوو سوايته امسحه بشيباتي

رجال بكد ابويه ويمكن اكبر يحجي ويرجف ساعة الطلب شيخ جواد الصلحه وارجعه واشوف بعيون ابوهه الانكسار ومدنك

اصير انسان بلا رحمه واني اعرفه متنحمل يوميه مسويتله طلابه ويه مرت ابوهه على الاقل يمي احكمه

نباء شتردين

التفتت باوعت بعيونه اريد تعوفني

شعوف منج تقرب لزم ايدي

نترته لتتقرب

شببببج

اني كلبي يفور وحتى نفسي سريع

كام يستغفر الزبده من الدرامه مالتج شنو

اتركني عوووووفني خلاص راح ترجع اني
خليني الدراستي والجهالي

عكد حواجبه شنو شنو عيدي بابا انتي عاقله
لو فيوزاتج طكن شنو الجديد

صحت الجديد انت ردت اطلكه وكتلي
مترجع وعيونج عندي طلعت من خاطري
اشو ابنك واني مربيته وحاسبته حاله
حال ابني شنو عذرك ترجعه لتكلي ابوه
فلان وعلان انت كلمه منك تنهي كلشي

صك اسنونه صوتج احنه بره وبعدين
لو اريده من زمان رجعته كلت انحرجت
كدام الزلم وانطيت كلمه موزلمه
اليتراجع بكلمته

قادر انت تريده لتتحجج بلشيخ اجتك
من الله من البدايه كلت نهله حبيته
وتعايشت وياهه وهياتك تريد ترجعه

غمض عيونه بنفاذ صبر شنو المانع
احبجن ثنينجن لا اقصر منج ولا منه

هنا فقدت اعصابي عطت لو اني لوهيه
مال ثنينه وتريدنه طوع امرك انسه
اصحى على زمانك اني مو نهله واخضعلك

لزم ايدي حيل احترمي نفسج حيوانه
من شوكت هيج تحجين اخضعلك شنو
ادبسزز عيديه وشوفي اليجرالج
لحد هسه اكول حامل لتخليني انسه
نفسي وامد ايدي

نترت ايده واني خايفه كوه لازم روحه
من العصبيه هوه مابقت بس الضرب
بس شوف وروح بابا اذا نهلة طبت
عتبت الباب ماابقالك دقيقه وشوف

عفته وركض طبيت صعدت فوك
بسيطه وعيون ابني اذا مااشوفلك
حل مااطلع نبأ

جبرت روحي انام ماادري بي شوكت صعد
حتى من كعدت مانزلت سويتله ريوك ضليت
بفراشي كمت طلعت كيكه وعصير طبيعي
ماما عاصرته ومديتليا ببطاله برتقال ومشكل
حتى عصير موز وحليب وقرفه مسويه

ضليت اقره نزلت سويت غده الجهال كاعدين
وعمتي كالبه خلقته عرفت للن مانزلت وسويتلهم
ريوك عفته حتى مكتله شبيج مالي خلك احد

للعصر واني اقره وكظيته هيج يوم يجر يوم واني
هامله كلشي ومركزه بلكتب شكد مااكدر اقره
الجو بده يحر هملت نفسي و كلشي بلبيت
ام وئام يوميه تتصل فيديو وتشرحلي شكد متكدر
احل كدامه وتشوفه وتردد سبعه عفيه هيج حلي
لاا تتركين شي مفاهمته حتى لو تاخذين نبذه مختصره
عنه نص جواب هم ينطوج درجه عليه احسن من
ولا شي كل تشجيعه منه تحمسني اكثر صارت قريبه
عليه متانيه يوم يوم الامتحانات تخلص ونكعد نسولف
مرات تكول ضامتلج اطنان حجي

قادر وضعي مضوجه يتحجج عليه ويريد ارجع
ويا مثل قبل واني مغلسه مامخليته يحجي
او يلكاله فد حجه يلزمه ويحجي عليه
ملابسه نظيفه ومكويات واكله شوكت ميطب
الجدوره على الطباخ

عزلت نفسي بغرفتي القديمه اقره بيهه من هوست الجهال اطلع على كد الشغل حتى الاكل نسيته

امي تخابر تحجي ليش متراجعين وشوفين صحت الطفل ليش كاعده على روحج تحركي تعالي اخذج
واني أجل بلموضوع مااريد اضيع يوم عليه

الضغط زاد عليه حملي والبيت وتوتر قادر وعصبيته
المفرطه على أي شي من يشوفني مدايره بال

حتى بليل من يجي وينام مااله شغل بيه من يدك المنبه الفجر اكعد ب٤ اصلي واقره الكه روحي بحظنه
اوخر منه وانزل اقره وساعه مخصصته للطبخ
اسوي ركض ركض صرت احسب حتى الدقايق
اخاف اضيعهن ويفوتني الوكت ينزل يلكه ريوكه
جاهز ياكل ويدر وجهه

سبوعين مرن وعمتي يوم يمنه يومين يم خاله نجلاء
ومملاحظه شي لو تعرف تكلبه نصائح واذا شافت ماكو نتيجه

من يجي تفتح الموضع تخلينه نتعارك مره لاخ بدل متحل شي تخرب

الصبح واكفه اطبك بلتمن هدرته طلعت الشعريه وحمسته اسويه حشو فوك التمن

دك جهازي ساره هلا سارو
انجبي خيه

هههه بسم لله شكو من الصباحيات

صدك نبا يعني هاي خوتنه حتى تلفون مترفعي عليه
وتكولين اختي شلونهه اوصل الموت واتمنه الو منج
وانتي مويمج

ذبيت البيدي كلامه استغربته ساره شبيج شنو توصلين الموت حملج بي شي

كالت يااا بعد وكت من سألتي هلسؤال مشكوره كلبي يبعد اختج

ساره شبيج متدرين بوضعي والله ماالحك تدرين الوقت الاحجي وياج ويه امي والبنات استحسفه
تعرفين وراي وزاري المفروض انتي اكثر وحده تعذريني مريتي بلمريت بي

كالت شعليه بلبنات وامي هسه على الاقل رساله
اطمأنان لو حتى متلحكين

اعرف مقصره منج ومن اهلي والله مافارغه تدرين اكعدمن الفجر في سبيل اطبخ وانظف وافرغ روحي اقره احس روحي بيه جفاف على ساعه اوكع
حتى نوم مااخذ كفايتي يادوب خمس ساعات انام

كالت ليش هيج حاصره روحج أجليه على السنت الجايه هم تقويه وهم متفرغه وجايبه

لا على بختج هوه اني اريد بس انجح ويطلعلي معدل بي حظ

كالت ان شاءالله تطلعين وترفعين راسج

كتله ساره حبيبتي شلونه حملج

ذبت حسره بلضيم نبأ لو شوفين وضعي موت مو حمل
معدتي تكلب واني بشهري وسلاني سل ضاله جلد وعظم ازهر خطيه مخله دكتوره موداني اله ياهيه تفحصني تكول الجنين ماخذ عافيتج

كتله وهسه شسوين تاني حد ماجيبين ترد صحتج

اي هوه هيج اكول تعالي الهلي اني وياج نلتم هناك
وهم بدربنه اخذج تسوين سونار وشوفين وضع الطفل

تنهدت مااعرف اشوف وارتب اموري

اهوو نباء لسويلج لوفه وياي وتطلع الحجج الجهال وهمه رعويصين مدري رعصورين مدري شنو المهم شويه واكوم ابدل واروح الكاج هناك

ولج مو عندي قرايه

يوم واحد حسبي استراحه وانتي عاجبج وضعج
اكو وحده حامل متراجع وجيك روحهه شهل
الفكوره لوماعنده وخير من الله

كتله يااا والله موهوه يكلي ويلح اني المااروح ومفارغين يوميه طالعتلنه سالفه لا وداعت يمن قيل كم يوم كال افرغ واخذج

باعي ساره فدوه العينج اصبريلي اخلص امتحانات والله اجي يمكن اضل اسبوع

كالت باعي لج راح اروح الكاج كدامي لو تجين وراي لغوه زايده مااريد

كبر جنج قادر من يحجي

كالت خفه وبله

يااا ترحيله فدوه حقيره خفه الوجهج يمج الرجال

اهووو راح تحجي عن الشايب

كتله ولي عود لان رجله شاب قابل احله من قادر بس هيبته تكفي ام حلك تعيب

كالت ديله عيني ام الهيبه مدمغتج حضري روحج اني بس اكوي ملابس ازهر اروح

كتلهه اصبري انطي خبر

ديله متانيتج

باي

هلا

سديته كمت كلبت التمن اخذتلي فره على البيت لملمته
الجهال نايمين وعمتي طالعه يم اختهه

اخذت الجهاز طلعت رقمه اتصلت بس خليته على اذاني بسرعه سديته اذكرت مااحجي وياا

بله هاي شلون سالفه اذكرت هوه عنده نت على الشريحه

وديتله مسج رايحه لهلي

كعدت متانيته يرد

ماكو عفته بعد خليت الجهاز عام اسمع صوت الرسائل

شغلت المكنسه واخذتلي خوطه على الهول والمطبخ

شويه وسمعت الجهاز رحت فتحت الجهاز مودي

شكو رايحه

دزيت اشوفهم واخذ امي اسوي سونار

ويامن ترحيلهم

اشوف واحد من اخوني

ماشي بس لترحين للسونار اني اخذج

لا اتفقت ويه امي

كال الغي اني باجر العصر اخذج

مااكدر بعد

خابر مرديت

كتب ردي افتهم منج

كتله مااريد

كال مابيه حيل اكتب فضيه

مولازم تكتب مجرد انطيك علم بطلعتي

وده بصمه يضحك ومن بين ضحكته كال ايبااااخخخ سويتي فضل خانم راح اتصل ردي

كتله مااريد

كتلج ردي

مااريد قابل غصب

اي غصب

مااريد وعندي شغل مفارغه

راح اتصل اذا مرديتي حتى لهلج مترحين

كتبلته بعد احسن مابيه حيل

هوه تخبل ضل يتصل واني خليته صامت
رغم خوفي منه لا يجي بس مسيطره على
روحي

كتب دروحي وشوفي شسوي

هوه شنو تضحك عليه موكلت روحي

ممانعج بس اسلوبج زفر

اغسله بشامبو

وده بصمه روحي وديري بالج على الجهال

سديته واني بلشت حظرت ملابسهم كعدتهم
بين ريوكهم وتبديلتهم وامشي وارتب

اجه نائل اخذني اول مصعدت استملني
عتب وناسيتهم واني متاركتهم بس وكت الدراسه
وحباله ملتهيه عنهم كلي تقى حامل فرحت وباركتله

وصلت لهلي طبيت لكيت ساره جايه
البنات كيفن بيه بيبي موجوده ومتغيره
صحتهه بلنزلان

مسوين برياني دجاج وروبه وزلاطات وكعدنه
جهالي وجهال شمس صارت بيناتهم ملايخ
حتى على الاكل يمن وكح حمودي من شوفه
يسبع وميقلده أدم صاير الكاع متحمله

لحد ماعطت بيهم خنسو كتله انت البغل بيبيتك
راح سويك بعرض الثلاج

امي نطت شبيج ويا خلي ياكل

مشوفي يام شسمنه

كالت يا منيله اصلاً كوه ياكل

ندى كالت اهاا همزين شفتي بعينج اكله هذا ياكل وياخذه للكبر هيج سمين تنفتح بطنه على الاكل

كتله يام صدك تحجي ولد زغير لجبري خلي على طبيعت شياكل على كد معدته

متقبل عباله الصحه بل اكل

كتله لو كل واحد سمين صاحي تذكرين سام ابن حجي كاظم كرايبنه شكد سمين وابيض احمر سمعتي ش