تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الرابع والستون

عمتي بس شافته كامت على حيله

نهله ولج انتي بياعين جايه

ركضت كعدت يم رجليه ام قتيبه فدوه اروحلج خلصيني منه والله اخواني راح يذابحون

كومي منا كومي

لا ام قتيبه مااكوم واروح اذا متكليلي احلهه

ام عابد كومته نهله شسوين بروحج ياعيني دكعدي وتفاهمي وياهه احجيلهه المشكله

كعدت وهي تبجي

اول محجت الطلابه الصايره بين ابوهه وخوانهه واصله بيهم اخوه دافع الاب ومتكوم بلكاع وشيش الحديقه طاب بضلعه وحالته ممستقره واصل الشيش للكبد

واخوه الثاني متعارك ويه اخوه الدفع ابو وذابين الوم عليه بسببهه متمشكلين

تحجي ودموعهه عشره عشره

وكل شويه وكالت ابويه اذا صار عليه شي اموت ورا
اني من يمي اذكرت ابويا

ودموعي تجري ويا حجيه

ام عابد تباوعلي بطرف عينهه

عمتي كالت نهله المطلوب مني شنو

كالت ام قتيبه خلي قادر يرجعني

عمتي نترت بوجهه يرجعج على صخام وجهج لو طفرتج لو بوكتج لفلوسه بياعين جايه اطلبين يرجعج
وكأنو شي مصاير

تدرين لو يجي ويشوفج ميرحمج وروح ابني يوديج مكسره اذا مامتي جوه ايده

نهله شتردين تموتين الرجال على ايدج ولج من وره عمايلج شكل عنده ضغط اذا صار بي شي بيمن ربحي بيج

كالت لحد يلومني السويته من ضيمي شبيه ويزوج ليش كسرني كدام النسوان لان مااخلف بيدي اني ومااصطرهم

التفت عليه وتأشر ومنو اخذ هااي هاي مرت ابنج
انتي شلون تقبليه

عمتي كالت نهله قادر بشوري زوجته اني الكتله تاخذه اسنين صابر عليج مكافي عاد ارحمي ولج كااافي حارم نفسه من البزره سنين وهوه ميريد يكسر خاطرج

انتي بيش اجازي بطولت السان وفالحه بس جيب اريد اسوك جيب اريد اخذ الجهال اخويا
جيب عاجبني سوار مخليته بنك الج

مو محبتن بي لا انتي لو تحبي جان احتوايتي سندتي خليتي ينسه موضوع البزره منو عايشه عيشتج منو متريد واحد مثل انسان متزن ومراعيج

ولج شوفي الزلم يوميه ويه وحده هاي نجلاء رجله شايب ويريد يزوج وانتي متوصلين الأضفره وكفت ويا بعازته وبلرخاء

حقه يوم باجر يزوج ولاانتي اول وحده ولااخر وحده الزلمه ميدور حمره وخظره لا يريد المستره

وسترج ومخله احد يجيبج بلطاري ومكال زوجتي باكتني وشردت اكله ليش يكلي تبقى زوجتي وام حمودي وهي مره السمعه اذا نلطخت بيه تنعاب طول العمر

سوايتج شينه ولتصورين يرجعج واذا رجعج فأنتي اضلين مجرد ام اذا بالج حمودي ولو انتي عايفته متدرين بي بيا ديره خلفله على بنت الناس داري وممفرقته عن ابنهه ولافديوم تعاجزت منهه

ام عابد كالت خيه هسه انتو نكرتو الزينات ووذكرتو الشينات ليش ام حمودي شكد وكفت ويا بدايت زواجهه قادر منين فتح المعرض مو من ذهبهه وذهب امهه المرحومه واذا على شردته المكانهه شسوي اشوفه بحظن مره غيرهه مو بس تشرد زين منهه وماحركتهم

انتي مره واني مره نعرف الغيره تحرك الكلب وتفقد الانسان عقله وتخلي ميعرف يصرف

والسوته من حركت كلبه نهله لشوفيه لسان تره مضلومه المفروض انتي تنصفيه مو توكفين ضده
المره تفهم المره ولازم انتي تفهميهه

مو مزوجته جنتج ومكيفه وفرحانه حامل واذا بزرت اله هاي المكروده شنو مصيرهه

نهله بس ام عابد كالت حامل باوعت على بطني

شافتهه فتحت عيونه رغم بعدني بلخامس مو عاليه بس التراك ضيقك وبارزه

كالت حامل ونزلن دموعه

شفت كسرته بعيونه صدك هنا حسيت بشعور الحرمان حسيت بضعف نهله

دموعه خلتني اكره الدنيا والقدر الجمعنه

عمتي كالت لاتنقهرين هذا مكتوب عليج شوفي
حاولي تفوضين امرج الربج شوفي ربج حرمج
من الخلفه بس لابد ميعوضج بشي تحمدي وشكري

دنكت وتنحب اعرف ضيعت قادر بس مو بيدي
شكد شفت منه ضيم وارجعله اني مااضلمته ولا
مثل متكولين ماعرفت احتوي هو غامض عايشين
بغرفه وحده بس كل واحد من عدنه بكوكب

ميورجني على شي كلشي عازله النفسه مفديوم
اجه كلي هذا العندي والماعندي ياخذه النهار
يجيبه اليل ممفتهمه من عنده

تصورون بلصدفه اسمعه يحاجي صديقه
على شراكه لو يطلبه فلوس لو مدين احد

ليش ام قتيبه تكولين الرجال ممقصر
المره والرجال مو لازم يشاركون بكلشي

عمتي كالت تعرفين ليش ميورجج هوه بنفسه
يسولفلي يشوفج مو حريصه وتاخذين منه فلوس
بدون علمه كم مره يجي يكلي الفلوس ناقصه

اكله تلكه نهله ماخذه منهن لحد كام يضمهن يمي
سمعتي كلج ليش تاخذين مني بدون اادري
عايفج

مره مو تعاركتو لان كلج لتمدين ايدج على القاصه
شتردين كليلي يوكته سويتي بي وكمت وكفتي تحجين اني نواكه قصدك ومااسكتي لمن ضربج

يا نهله خلينه ساكتين هاي كدامج نباء ماطلع فديوم وكالتله وين رايح وشعندك طالع ويامن تعرف بي شغله ودوامه

انتي تتخوصرين بنص الطرمه وتهدين عليه اذا تأخر ل١٢ وتعرفين بي يلتمون بلكاهوي

يمه انتي كضيت حياتج ويا مشاكل وعرك ضربج لميتي هدومج وزعلتي وماترجعين لحد ماهوه يرجعج

وهوه يعاند يكول اني ماطارده وانتي جلبين هناك

وهاي سالفتكم تكضين شهرين ثلاثه بس بيت اهلج
شيشوف

منج

مره معدله وتطبخيله من يجون جماعته حصره الرجال يكلج يجون جماعتي على الاكل وكمتي تلعلعين ومابيه حيل واني مو خدامتهم يتكفى شرج ويروح يطلب من المطعم لو ياخذهم هناك

يانهله خليني ساكته وبالعه عمايلج

ام عابد كالت وهذا سبب يزوج

عمتي نترت اي كل السبب الرجال شيريد هااا شنو يباوع على ك....... المن مزوج ياهيه بينه ماخدمت زوجه ياهي بينه متحملت عيال وجهال وخدمه

والحمه ومرت الحمه انتي من الناس بلسانج طلعتي منهم وشوفوج نجوم الضهر هي شافات من الشفنا
اني ضدهه هاي كدامج شكد علمته شكد حجيت

عادتني وحسبتني ضده واني لليوم محرضت قادر عليه لو اريد اعاديج من ذاك الوكت خليته يطلكج بس اني خاله مخافت الله بين عيوني محد ينفعني بكبري لا انتي ولا اخويه عملي اليشفعلي

اني موهين عليه جنتي ازوجه لخويه موسهله
بس الجود من الماجود مالكه احسن منه خادمتني
وفقيره وممأذيتج ولا مأذيه احد ليش مااخذه واني
الكه وحده مثله وبت أصول ومتحمله قادر وخباله

عبالج معيشه بعسل وروح ابني ايام تكضيه نايمه يمي
بلغرفه وتعوفه وحده مااسوت مثلج ولمت ملابسه وزعلت

وخوانه موجودين وعمامهه تارسين الولايه الزواج مو بس نوم وصرف لا الرجال عباره عن كتله مااعصاب وخصون قادر المر عليه وعمله خلا عباره عن نار روحه مو طويله وميتحمل لهذا يفقد ويضرب

ماانكر اول زواجج زينه مرت سنتين وانتي انكلبتي هذاك يوم وهذا يوم وانتي نفس الاسلوب

تره حيات بس مشاكل متنطاق

مدامه عمتي تحجي هي عيونه بلكاع وتنزل دموعهه

كالت شيريني شسوي

ماادري نهله لعبتي بعمرج ومااعرف شون اشيرج

ام عابد كالت انتي احجي ويا وقنعي هوه يسمع منج ويقدرج اني لو أثر عليه مجان عفته

عمتي تنهدت ياام عابد موهينه زوجته تشرد وفوكاهه تبوكه

التفتت النهله صدك فلوسه وين وديتيهن

كالت موجودات والله مااقصدي بيهن شي ردت بس احرك كلبه

عمتي تنفست بنفاذ صبر وشعبالج الفلوس يحركن كلبه بكد شردتج

كالت ام قتيبه انتي محاسه بلنار البيه
حركني والله لو بيدي اذبحه ومااخلي
يلمسهه اني اعرف مااعرف اصرف

بس ابقه زوجه والي مشاعر ابني فقدته
وهوه ماهامه عايش وزوج ويروح يمهه
شترديني اباوع عليهم وابارلكلهم

غير فقدت عقلي صرت مثل المخبله

متحملت اسمعه كعدت بلمطبخ الوجع البيه حاسه بي

خليت ايديه على راسي وين وجنت وين صرت راسي
افتر نهله خلتني بدوامه معايشته مجنت مصورته هيج تحبه

عشت وياهه ومبينت حبه القادر كضته مشاكل
شنو الوصلنه لهاي الحيات منو اني لو قادر لو قتيبه
منو

دخت واني افكر بحياتي رحاب شنو السويتي بيه
هم الي حوبه وتعثرج اكثر طلاكج وحسن اخذ بتج
ميشفي غليلي

فعل واحد غير الاقدار
قدري ويه قتيبه انتهه ارمله

شويه وطلعن حتى ماسلمن نهله عيونه بيهن حقد

سبوع واني نفسيتي صفر وكضيته اتقياء عمتي شافتني خابرت سالم

اجه هوه وعلياء اخذوني للطبيبه كالت ماكو شي والطفل زين وعبرتي مرحلة النسوى احتمال موضوع نفسي يخليج تتقيأين

رجعت وعمتي من شافتني مالي خلك كعدت تحجي وياي ولتخلين نهله وجيتهه تأثر عليج قادر يحبج
شفته مرتاح وياج وجايكم طفل حاولي صلحين الكسرته نهله محد يدوملج غيره لهذا مشي حياتج
لاتتوقفين بأول عاصفه

اسمع واني ساكته مااعرف ضميري يأنبني كمت اصارع روحي شنو نهايت حياتي ويه نهله

ترجع وقادر يسامحه وتمشي الأمور
واني ونفسيتي معقوله اكدر اتقبل
وجوده يمه كسره الخاطر
يختلف عن الغيره

استخطيته بس مااكدر اتقبل
وجوده يمهه

ماعرف شلون تصفه
حرب ويا روحي

اشتغل واوكل واطبخ واقوم بواجب البيت
بس فكري يمهم

دراستي هاملتهه يادوب اقرالي ورقتين من كل كتاب

قادر يوميه افتح ويا كامره يحاجيني
ومرات يحجي ويه عمتي يشوف
الجهال

يوديلي صور هناك واجواء العايشه
كال بس ارجع وفرغ روحي اخذكم
سفره واجيبكم هنا

ماعلقت كم مره يسألني شبيج
مغندبه صاير شي

اكتفي بلتبرير مابيه شي والحمل متعبني

صار موعد جيته بيومه طبخت وحظرت الجهال
وصل الضهر استقبلنا

اول مشاكل حمودي بوسه رجع عليه واخذ يمن شاله طب للبيت وهوه شايلهم
شاف عمتي باسه من راسه

يومين مطالع من البيت وكضاهه يسولفلنه على الايفاد وصور المناطق وشلون بلطيار يصور من منطقه المنطقه

يجي اليل وهوه ياخذني بلهفته حاولت انسى واعيش الاحساس ماريد انكد عليه رغم ممحسسته بشي

اشوف بعيونه تسأل مره كال احسج موعلى بعضج صاير شي

واني اجاوبه بضحكه يعني شيصير ماكو شي كضيناهه بلبيت

كال موقصدي طالعين بس صفناتج كثرانات

اضيع عليه الموضوع من ابوسه

يخلص يكلي اعرف تقشمريني بهاي سوالفج
يجي يوم اعرف موالج

بلش دوامه ورجع الروتين حياته

اني مشي الامور عادي عمتي مره اسبوع الثاني وهي ممفاتحته بموضوعهه

اخذله ثلتيام ضايج وميطيق احد انسأل يتحجج بموضوع الدوام وضغط عليهم

صدك اشوفه يخابر واسطات وروح وتعال
وعزايم يله كدر يثبت روحه بلمحافظه

رادو ينقلو مناطق الشماليه وهوه جن جنونه
دوامه يصعب يكوم يروح

عشرت ايام يزل عشره

مره واكفه اشر ملابس الجهال على الصوبه الزيتيه

سمعت كلام وصياح عالي نزلت

وصلت للهول واسمع صوتهه يسب بيهم

كال ام قتيبه ماارجعهه لو تنزل بيهه أيه اني تنزلني نهله وتخلي الميسوه ينصحني وربك اله بيه صالح

لتخبلوني انتي وخواتج كواد اهنا تبوكني وتطفر شهامني الفلوس مقصر حارمه من شي

عمتي خويه ادري بيك والله واعرف موهينه عليك بس تبقه ام ابنك وغلطت وياهوه من يمنه ميغلط

عاط غلطيششش ليش طلعيني من ديني التبوك رجله شيسموهه اليسمع مويكول شوشمسوي هيج سوت
موووزين مني ومتحمله دايسه بطني واستخطيه

لجللل ابنه اليكلي رجعهه وعلي ارجعه بس اسود عيشته غلطت غلط عن غلط يختلف

...

واكف يحجي ويأشر بأيديه عباره عن نار فاير
يسب ويكمل لوم ويرجع يستغفر

لك دقيقه مذكر شغله ويحجي بصياح
عمتي ترد وعليه وتريده يهدء وهوه
ميسكت طلع البطنه كله متحمل عليه
سنين

شويه ويطكله عرج الساده كعد كال
اريد افتهم عاجبجن سوايته وعمايلهه

كالت ادري بيه مخبله موبعقله يعني مره
اشوف رجله مزوج عليه لامن خبر لا من كعدة
وياهه وكتله لامن اجلت زواجك وره مايثبت الطفل
طك فش تسمع بيك مزوج شتريده اسسوي
تكعد تباركلك وتقدملك طبق فواكه

ياعيني احنه مو نذب الوم كله عليه زوجه وحقه
موقليله عليه زواجك بيوم وليله

انتجه ورث جكارته

عفته ورجعت كملت شغلي

سويت عشه ويمن وحمودي بلغرفه مخليتهم
الجو بارد وعمتي يمي كاعد

كملت طبخ وكعدت اقره خاله الكتاب والملازم

وهي تدفه على الصوبه ميز الطعام سحبنا للغرفه
جانت الي

دنكت اكتب واراجع القريته
مرات من كد مااركز احس

ركبتي تنكسر وعيوني تغوش
عمتي تنهدت كالت

ياعمه ركبتج راحت هسه انتي
شلج بشلت الحال شتحصلين منهه

بيه طبع اذا احد يحجي حجي
يهبط معنوياتي ماارد عليه

عقلي يقفل ومااتعب نفسي

شويه وكمت صبيتلهم
خابرت قادر كال اكلو يمي جماعه
وكلت الجهال ولملمت السفره

اخذت الجهال للغرفه شغلتلهم فلام كارتون

واني ضليت يم عمتي اقره وهي متانيه القوري
يحمه على الصوبه

بلشت احفظ واراجع كملت فصل
انتقلت للعربي والقصائد

واني شاده راسي شويه واجه يمن يسحل
بسلت الملاعيب وحمودي ورا يمشي على كيف

طشرهن وكعد يلعب لزم المكعبات يصفط

كل شويه وحمودي صأح أن أن عود يمن
ابني خبيث ياخذ المكعب منه وميقبل
يلعب ويا عود مالاتي

كمت جبتله مكعباته

رجعت اقره شويه واراسل ام وئام اصولهه الخطوات الاتوقف يمهن ترجع توديلي بصمه تشرحلي

وعمتي صاحت ولك يمن
عوف غراضه

رفعت راسي لكيته عايف ملاعيبه ورايح يم حمودي
وهذاك مطنكر مقابل

كتله يمن تعوف ملاعيبه لو اكوملك

اجه يمي مما متعبات الي

لاذنيج مالاتك

ما الي

اخذته ذني ماما حبيبي كلمن اله مكعباته

جلب ألي كام يبجي

ماما عيوني مو ذني ملاعيبك ماقبل لحد ماحمودي
بجه للن راح خمطهن منه

واني اسكت بحمودي وعمتي جرت يمن تقنعه
ماكو كلبو المطبخ بجي وملاعيبهم مطشره

شلت يمن اخذت منه المكعبات انطيتهن الحمودي واخذته للهول كتله اكعد هنا بلا صوت خزرته خاف كعد يبجي

طبيت للمطبخ لميت مكعباته وعمتي صاحت اسويتيله

مسويتله شي
رجعتله ماما هذني مكعبات حمودي ميريدهن

شافهن لوتي عرفهن دفرهن من ايدي

زمخت بي ولك موعيب ماما

مسكت شلته اقنع بي

طنكر ابن الزفره اله مكعبات حمودي

وعمتي كل شويه صاحت لضربي نباء
والقرأن اكل القادر عليج

بله شحاجيه هوه اني جايسته

طير الوقت عليه طبيت للمطبخ

وحمودي كاعد يلعب وهذا يباوعله وصرخ بلبجي

انفتح باب المطبخ طب ابوهم

كال هااا شصاير معركت البسوس

نزع الشحاطه وهوه يتلفت على الهوس ومكان ملاعيبهم

شافني شايلته عمتي كالت شسوو بينه تعاركو
على هل مصخمات ملاعيبهم

هذا يمن بس سمع صوت قادر ذب روحه عليه
اخذه مني وهو يكله ليش بابا

هذا شبكه وهوه ضايج ومبرطم

كتله الله جابك اخذه سكته

كال شبيهم مو عدهم كومت ملاعيب

كعدت اقره وهمه يسولفون عمتي وقادر جابوهه من سالفت سجاد ال صاحبه الجيرانه واني اسد اذاناتي واركز مر الوقت

هوه التفت يابه ماكو جاي منا منا لو حتى من بيت ام تسنيم

رفعت حاجبي سالمين عيني بيت ام تسنيم وتطلب منهم جاي بهليل

شنسوي اذا مريتي ناسيتني وخاله راسه بهل كتب

هسه بس اكمل هلموضوع اسويلك

مواضيعج الباجر متخلص حميلي الجاي ورجعي اقري

كمت حميته على الطباخ
درت عليهم عمتي تسأل على البنيان
وهوه ناوي يشتري كاع المعرض بدل الايجار

التفتلي شفت نظراته تحولت الثوبي لابسه
دشداشه قصيره صيفيه وفوكاهه روب قديفه

والروب مفتوح اشرلي براسه

متبردين بس بذني

باوعت على روحي وين ابرد هوه اني طالعه للطرمه
خاست صارلي سبوع مطالعه منظفته

صبيتله كال بارد يابه اتكص كص وانتي ضاله مشلتحه
حتى البطنج يبرد

هههه شعليه البطني دفيان

عمتي كالت يمه ولا رحتي راجعتي شفتي وضعه زين
موزين شكد الج

كتله عمه مابيه شي واراجع وستوني طبيت بلخامس

كالت ميخالف يمه الحذر غلب القدر

انطيته الكوب

كال اني طاير من بالي حملج من المشاكل افرغ
روحي واجزلج

كتله ميخالف بس خلي اطب السادس وهم اعرف جنس الجنين

عمتي كالت وين علي داحي باب خيبر ويطلع وليد

هوه كال شيجي نحمدالله ونشكره اهم شي تام الخلقه

كالت اي والله خويه تام الخلقه وحاله حال الجهال يرادله شكران وصلا

رجعت المكاني اقره

شويه وعاط حمودي رفعت راسي يمن شايل جيس ويعبي بي ملاعيب حمودي ويدردم عليه

صح

ت بي اني اليوم اهج من وراك شون بيك يمن مانخلص من سالفت الملاعيب

قادر كام شال حمودي وعاف يمن يلم بلملاعيب

عمتي زمخت بي صاير وكح وماينجرع

شلت كتبي وطبيت عفتهم يحجون ويسكوتن بيهم صعدت اقره الحك من وراهم افهم شي

لل١٢ طفيت من النعاس واني مدنكه على الكتب

دك كال تعالي شيلي واحد منهم نامو

تمددت تعبانه كوه نهظت روحي

نزلت لكيتهم ثنينهم نايمين على رجله واحد منا واحد منا عمتي بغرفته

كاعد ويلعب بجهازه والجهال بحظنه

كتله راح اشيل يمن حمودي ثكيل انت صعده

رفع راسه صفن بوجهي ابتسم شهلون

عكدت حواجبي شنو يالون

كال هذا الحاطته

يااقادر والله عندك سوالف حالكي مشك وترسته حمره
ياريت بيه حظ

كال دشيلي يمن رجلي خدرت

دنكت شكلته وهوه ضل كاعد

يله متكوم شناوي

كال خلي يروح من رجلي

كتله وراك صعد دوركت مي

كال بيش اصعده عندي اربعه وربعين ايد

ماادري المهم صعد مي

عفته صعدت كدامه

خليت يمن بفراشه وغطيته وهوه وراي بدقايق طب

اني واكفه اعزل بلكتب شلتهن خليتهن على الميز

خله حمودي ورجع يبدل

اني بس كملت طبت جوه الفراش احس روحي بيه نوم مال يومين كلش تعبت اليوم

شال الغطه ودخل جوه الفراش

كال شو باعيلي

درت راسي ها حبيبي

كال همزين مذكرته اشو تصحر من اجيت لحد الان

ليش تصحر

هاا هذا شيسمو لليوم مشفتج متحضرتلي ولابستي سيت نوم من ذني سوالفجن انتن النسوان

درت جسمي مالحك شوفت عينك لو بيت لو جهال لو قرايه

انتي جايبه الشلاع الكلبج

شلون

هيج حبيبي

تعالي مشتاقلج

فتحلي ايديه

رحت حظنته

كال اشو هذا صاير بيناتنن

ياهوه

الطفل
هههه اذبه

فتح عيونه علمود اعدمج

ابتسمت ينطيك كلبك

لا والله اني عندي انتي بلدنيا كله بس هذا فرحت شبابي أمل الي انولد بيه

يحجي وعيونه تباوع للفراغ

همس نباء تدرين من اشوف بطنج واصفن اكول معقوله بزري هذا اشوفه والله ينطيني عمر اربي ويكون سند الحمودي

ليش ويمن مو اخو حمودي

كل لا بويا لتفهمين كلامي غلط ششوفيني اني مقصر ويا وكل واحد ماخذ جزء من روحي

باوع بعيوني مشتاقلج

ابتسمت ودنيت بسته هوه شافني واستلمني
ماكتله لا رغم تعبي ونعسانه خلص وهوه يبوس بوجهي
همس يابه بيج برائه تخليني كون احطج بكلبي
تلوميني من اغار ومااخليج اطلعين

ابتسمت واني راسي على صدره
مابيه حيل اجاوب ثواني وغفيت

مر هذا السبوع بسلام تام

لحد مااخابرو واحنه كاعدين نتغده كالوله جايينك
عكد حواجبه كلهم كل الهلا بيكم

سده عمتي كالت منو جاينه

كاله اكو غير واسطه هاي الساق.....

كالته خويه هدي بلرحمان وتفاهم وياهم عيب كرابه ومنه وبينه ابوه رجال خير بسببه انجلط وربك ستره

التفت عليه شمدريج انجلط

ها مو ام عابد تعرف

باوع العمتي بشك كال ام قتيبه نهله مخابرتج
عمتي حلفت لا وروح ابني لا مخابره ولاشايفه رقمه

كال اسمعني زين تخابر تودي احد منا منا الماتكلي واسمع من غيركم احسابي يصير وياكم صدك وكته انسه انتو منو عاف الاكل وكام

حتى بعده لكمتين مماكل

صدك ب ٤ العصر طبو ثنين زلم واحد معكل والثاني لابس عمامه شيخ

اخذ الضيافه وكال لزمي يمن ماريد جهال اشوفه كدامي يحجي وعاكد حواجبه مبين كوه متحمل

ماكو نص ساعه وطلعو

طب للهول اول ماادفر الطبله صاح كللللبه اجينه نركض

عمتي كالت الرحمان يمه شبيك

صاح هاي من يا دين بوذيه منييييين مخلوقه بت الكلب انعل...... ساس الجابه عليه ساق......

احلف عليه ممتربايه راضح مو حليب فخريه حاليب جلب لا والله الجلب اوفه منهه

يفتر ويغلط رجع كعد فرك وجهه

عمتي قادر فهمنه منو ذوله

منو ابن سلمان وصديق ابوهه

عمتي كالت ابن سلمان جويبر

كله اي موديه منوووو انوب الرجال الخير

صااح وعلييييي انهيه بت ...........

مابقيه اني عادل يطلع من بيتي زعلان حتى الجاي مشربه

منو وره الحراميه
نزلت راسي تعرررفين شنو عادل يكلي حرمه ونختني واني ماارجع واحد گاصدني خايب

ياااناس يكلي حرمتك گصدتني ارجعه وانت مارايده
والحرمه دومه تكون عاطفيه وعقله صغير غلطت

وغلطه ماهو بذاك الغلط اليخليك تهجرهه لجل حرمه ثانيه اني اعرفك انسان رزن والنعم منك ومن اصلك وسمعتك سباكه كبلك

ياخويه يوم الخذيت حسب حساب ينتظرك ميزان يوزن اعمالك لهذا انه جاي واحسبه نصيحه من اخ ينصح اخو الصغير اعدل وخلي عملك لاخرتك تره كلبك ميضملنك الجنه

محسينه غير كام شال المنفظه شمره بلحايط عيط وصيح وهوه يكول اني نهله صغرني كدام ربعي سلمان مستهان بيه وجاي ينصحني ويعلمني

بت ....... شحاجيتله غلط غلط فشر مخله

ماتعب وهوه يروح ويرجع كلب الهول كزاز والطبلات مكلبه

عمتي تريد تحجي وعاط بيه اسكتي كله من وراج كم مره اريد اطلكه وتخليني ارجعه ابنك وصخامك شبي مو ذاك هوه مهتملهه يذكرهه

اني من يمي ارجف والله لو نهله يمه يذبحهه على عصبيته

محسينه غير كعد للزم خشمه ركض عليه

لزمت ايده اشوف نتر ايدي وخشمه يصب دم

عمتي عاطت الرحمان يمه قادر شو جيبي

له كطن هوه كام للمغسله غسل واني وعمتي ورا واكفين يغسل والدم يجري

كال سويلي حامض

دنك راسه جوه البوري

ركض سويتله حامض رجعتله يمسح بلكلنس وبعده

عمتي قادر شوف روحك دمك ماوكف

عافه وكعد على القنفه خله كلنس بطن خشمه ماكو شي ارتفع ضغطي انتجه ورفع راسه

اباوعله عيونه سدهن وينفس من حلكه

بسرعه وجه صار اصفر

واني الوب عليه خايفه لاينجلط

عمتي بعد متقربت حتى اخاف اشيل الكزاز ويطلع صوت

يمن واحمد خنسو من شافو هيج

اخاف اتقرب يمه

اجاني شعور اوكف يمه واكعد احظنه

بهذا منظره حسيت بعظم سوايت نهله
صعبه زوجته وتروح تشتكي يم صاحبه
وهوه طاب ديوان ويعرف عار تنحسب
عليه لو قصر ويه مرته وراحت اشتكت يم احد

يكولون عنه موكفو ولا انسان متزن ويصرف
الامور بحكمه من صاحبه كله لاتهجر ام ابنك
لجل حرمه ثانيه كلبك مايدخلك الجنه

يعني يكله لتخلي مره تجرك وراهه وتنسيك
عقلك

شفته رفع راسه باوعلي شافني صافنه عليه
وعمتي كاعده كدامه تخاف عليه

رحت للنومي شفته فار صبيتله وانطيته

اخذه برد وشربه

يتنهد بضيق همست العمتي راح اخذه فوك يرتاح

كالت ياريت بلكت ينام ويهدء

بس عينج على الجهال

كالت شعليهم

مو كزاز تارس الكاع

كالت مااخليهم يطلعون

هزيت راسي

رحت يمه كعدت

هوه مدنك ويفرك براسه

كتله قادر

كال هممم

تصعد ترتاح

لا طالع وراي شغل

همست حبيبي أجل ارتاح وباجر كمل

كال بتعب لا مابيه شي هسه شويه وارتاح

عمتي طبت يم الجهال

دنيت سحبت ايده من راسه

التفتلي شلت ايده بسته قادر لو يصير بيك شي منو الي جهالي منو الهم

كال مابيه شي

لا بيك خشمك كومه نزف لو مجلوط منو يفيدني نهله لو عصبيتك

جر ايده وتنهد يفرك بوجهه ذب الكلنس مملي دم

مسح خشمه كام راد يطلع ركضت وكفت كدامه

شرايده

متطلع وانت هيج

نباء بويا مابيه شي وراي شغل الراسي

ميخالف اجله الباجر

مالحك

قادر بس اليوم ضل ارتاح

كال نباء مولعب زعاطيط الجماعه منتظرين

مأ خابرهم وكلهم مااجي اليوم متطلع وانت
بهل حاله

راد يوخرني حظنته

تنهد ولمني ساكت حبيبي فديوم طلبت شي

كال لا

اليوم اطلبك طلب

كال مااضل ولج وراي اشغال

يحجي بتعب

مقبلت يطلع

خابرهم اجل الشغل وره يومين

كتله تعال نصعد

كال شبيج مخبله اليوم

قادر بس لاتعاند

وين صاعدين وكت غرفه

اي وكته

ابتسم رجع ايده حاوط وجهي
تره ذني السوالف مطفي نار البكلبي

ضجت كتله يعني حظني مينسيك
همك

ول يابه اني شلون بلغياره منو هذا
المينسه غير حتى روحي انساهه يمج

مدام هيج عوف شغلك

تنهد كال يابه ميخالف تحت امرج

صدك صعدنه فوك حتى عشه مسويت وده على المطعم

دخل نزع دشداشته لبس بجامه وبدي نص ردن

شعلت التلفزيون الساعه ب٧ شاف الوقت كال نعلعله يومج الصلا فاتتني

كام توضه بذيج الغرفه بلحمام

طب للغرفه وكف يصلي اني مونظيفه طايحه وصاخه قليله وممتعليه

بين ماهوه يصلي جان عندي ثلاجه بلغرفه طلعت كرزات ووعصير

نزلت العمتي كتله وده على اكل جهاز

كالت شلونه

فوك يصلي وداعتج انسي حتى عشيرته

كالت يمه ديري بالج وهذا قياس الضغط اخذي
شوفي ضغطه وسويله حامض وحبايت الضغط انطي

كتله ماشي الجهال كاعدين يباعون تلفزيون

شويه ونزل طلع اخذ الاكل

كال حظري

كتله حياتي فوك اتوجه

ليش

اليوم حابه نسهر وحدنه

لا عيب من ام قتيبه خلي كلنه سوه

تخوصرت شنو سالفتك ياعيني هي عمتي قابل حتزعل

لا بويا موتزعل زحمه منهه

لازحمه ولا رحمه خلي نستمتع بيوم واحد بدون جهالك

ابتسم وتقرب باسني بخدي الله لايحرمني منج

ولا يحرمني منك بس خلي بالك عشانه فوك

ولج واختي

عادي كتله وهي كيفت كالت لاتهتمين

سكت عافني وفات جوه

...........يتبع

رح انزللكم مكياج 😎👇🏻عيون بني_ذهبي...وبني محمر🙈

#ملوكه

طبعا كلهن حلوات😍 ويجننن

بس اخر صورتين كلش مرغوب✨ واهواي من بنوتات يسوون مثله🌚

#اعادة_توجيه_للفائدة
#ملوكه

بعـض النصائح والوصفـات للعنـايه وتبيض الاسـنان 😁😌

طبـعا مظهر الأسنان من الي يجذب الشخص المقابـل لذلـك الاهتمام بها ضروري جدا 😻

اول شغلـهه والـي معتادين عليـها غسـل الأسنان بالمعجـون يومياً لكـن ذلك بعض المـرات مايعطي نتائج واضحه للتبيض 👌
لذلكـ هنالك بعض الوصفات لتبيضها 😋


1⃣الخلطـه الاولى هي🙇

عصير ليمونهه 🍋 مع القليـل من المـلح
كذلك تغسل بها الأسنان
وتستخدمـ مره واحده اسبوعيـاً

2⃣الخلطه الثانيهه هي 🙇

تحتاجـين برتقالة 🍊 وموزه 🍌
تفركـ الأسنان بقشور البرتقال والموز ويمكن الاستمرار ع هذه الوصفه يوميا 😌🌸


3⃣ الخلطـهه الثالثهه هي 🙇

فركـ الأسنان بمسحوق الفحـمـ 😋👌

#اعـاده_توجيـــہ_لتنسون
#ملوكه