أحد فتش الغرف

صاح خويه هسه اني يمج سنين عايش وياك ماراح مني فلس

نظرته من باوعلي خلاني اشك بروحي

سبوع البيت متوتر عايشين بصراع وهوه

ماكعد يكوم يكعد الجكاره بيده واني مجنبته

حتى كمت انام يم عمتي خفت خاف صدك حرامي داخل البيت

عمتي داخت تريد تعرف فلوسه وين راحت

واكفه اكلي بتيته حلقات

دخل بلزي مالته مايشوف طريقه صعد

شويه ونزل مبدل طلع حتى يمن طلع ورا
صاح بي طب بصوت عالي

عمتي اجت كالت ياستار هذا ورا طلابه
ركضت خابرت عابد كالت الحك خالك
طلع ميندل دربه موجر شوفه وين راح

منظره قلقني لليل ماكو خبر منه
جهازه ميرد عليه

عابد ميرد لحد مااجت ام عابد اول مشافتني كبر هلشكول هجهجتي المره وخليتيه تطلع من طوره

هاي شبيه ياهوه يمه

عمتي تلكته شكو داده

كالت يعني انت من كل عقلج ملفيه هاي يمج وزوجتيه قادر

عمتي كالتله غير اعرف شكو

يعني شكو نهله مو شردت من وراهه تخابرنه تبجي وتشكي التفتتلي بس اريد اعرف شمسويه للرجال ولاحسه عقل مخليته حتى مرته هاجره

عمتي حجت خيتي شبيج ناشبه ويه البنيه

كالت انتي لاتخبليني شوفين وضع اخويه اشتت ومرته فقدت طفله من راس هاي الحيه

اني صافنه ولاحرف نطقت

عمتي ام عابد عوفج منه وكليلي عابد ماخابرج

ضربت ايديه سوده عليه وين رايح لهل نهله شكو مانعرف ملحك عليه ورايح وياا ولحد هسه ماكو خبر

كمت منهن سويت جاي وقدمته

مدامه مجوده ضل ذب حجي وعينك عينك تحجيه بوجهي

حتى حمودي صعدته يمي

نيمتهم واني كاعده رغم شايله عليه
بس قلقه منعرف شصاير ويا

نمت واني كاعده فزيت ب٥ الصبح

الجهال عفتهم نايمين ونزلت

البيت سنطه عمتي كاعده صلي وام عابد يمه

كملت عمتي وصاحت يمه سوي ريوك قادر وعابد جايين

بلشت احضر وهنه بلهول كاعدت

اقل ساعه ودخلو

اباوع قادر طب وايده ملفوفه بشاش ابيض من جهت الجتف وردن الدشداشه مشكوك

منظره رعبني طب عابد وراه شافني بلا حجاب رجع

قادر صاح امشي لبسي حجاب وطب للهول

عمتي تلكته بشهكه يمه هاي شنو هي وام عابد

لبست ربطه من عمتي وطلعت ملتمات يسألن بي

وهوه يكلهن ماكو شي وتعبان مااكدر احجي اعذروني اريد ارتاح

مشه صاحت عمتي قادر كدامك جهال فهمنه وين رحت وشنو هذا وضعك مضروب متعارك

صعد وصل لنص الدرج صاح نباء تعالي

صاحت قادر اشو متحترم تعال فهمني شوداك البيت اهل نهله شصاير

مااهتم العمتي عافه وكمل

اقل الدقيقه وصاح نباااااء

ركضت صعد

دخل الغرفه شفته ينزع رفع ايده الصاحيه نزع الدشداشه وايده الملفوفه بصعوبه رفعه تأذه من عقجت وجهه

متحملت اسكت كلته شبيه ايدك شصاير وياك

توجه للكنتور فتحه ماكو الي ملابس هنا

لا
روحي جيبيلي من ذيج

طلعت طبيت للغرفه

اريد اروح للكنتور الغرفه عباره عن قنبله مفجوره بيه الملابس مطشره الكنتور مفتح

شفت بجامه وبدي نص ردن جريتهن من الكاع

التفتت وره الباب علب مكياج مفلشه

طلعت انطيته لبس كال مااريد صوت نزلي ذوله الثنين بلكاع اريد انام

فرشتلهم ديباج ونزلتهم وغطيتهم بديباج ثاني

طفي الضوه وتعالي يمي مرغيلي جسمي يوجعني

سويت الكاله بدون مااحجي وخصوصاً هوه بهذا حاله

منين مااجيسه يصيح على كيفج

كمت اخذتله دهن مال تشنج ويريح الاعصاب مدري شبي طايح جسمه كله يصيح منه

كتله انزع مااكدر ادهنلك جسمك

كعد ذب ملابسه بقه بلشورت نام على بطنه

فركتله كل جسمه وخرت من سمعته يشخر

طلعت غسلت بحمام غرفته واني صافنه
على الوضع مخلينه نضرب اسداس بخماس

......... يتبع

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الثاني والستون
نزلت بعد منام

ساعه والتمن خواته ولد اخته سالم واخوانه وعلياء اجت البيت انخبص شكو

عمتي كاعده وتفرك بيديهه
كضيت علياء فدوه اريد اسأل
ويستلمني خالاتج

انتي فهميني السالفه شكو

صفنت بوجهي كالت بعدج متدرين

لاشصاير

خالو من رايح منامتعارك ويه اهل
نهله وطالعلعه اخوهه وصاير مشادات
كلاميه بيناتهم

خالو تعرفي عصبي ضاربه وعالكه بيناتهم

كتله صدك شبي قادر تخبل عمره مال عرك

كالت حقه يبوكو ويسكت

كتله ياهوه البايكه لاتكولين الحرامي طب البيتنه
اخو نهله

كالت باع هاي ولج وين جنتي

دفهميني عفيه

غير هي نهله ماخذه فلوسه وذهبهه
وطافره

ضربت على خدي لاتكوليه

اي والله واخذه صك من الصكوك العنده
وساحبه فلوس من البنك

دهر دهر شلون سوته

بعد سوته اخذت حقه منه وزياده

مااصدك معقوله سوي هيج

كالت اني مثلج مااصدك

دخلت خاله نجلام ركضت بوسته

كالت شنو سالفت قادر ونهله

دخلت للهول واني وعلياء وراهه

بوستهن وكعدت شنو سالفت نهله صدك السمعته

عمتي كالت مااندري غير السمعنا من عابد

ام سجاد:هو وينه قادر ماايجي يفهمنه
عمتي:نايم من اجه وعايفنه نتحركن
ام سجاد :شوه خاله نباء صعدي كعدي كليله خواتك يردنك

كتله خاله قبل ساعتين نام بس اكعده يكوم يحجي

كالت شلون سالفه هاي بينه حيل طلايب خل ينزل يحجيلنه نفتهم راسنه من رجلينه

ام عابد :عوفي داده تعبان عابد يكول من البارحه منايم وجانو بلمستشفى

اني وام سجاد ثنينه شهكنه كالت يااشبي

من راجعين بلطريق متعرضين الحادث وربج ستر بس رضوض

كالت شو صعديني اني اضل كاعد مااتحمل

صعدت وصاحتني اصعد وراهه

فتحت الباب على كيف

طبيت طبت وراي كتله بصوت ناصي خاله والله بس يكعد وهوه منا عصبي يخبصنه وميخلي واحد ميعيط عليه

شافته غاط باوعت على الجهال نايمين

طلعت وهي تتنهد سديت الباب وراي كالت شلون بلوه هاي

ردنه ننزل كتله اوكفي خال تعالي شوفي

كالت شكو

دتعالي وشوفي بعينج

فتحت باب غرفته شعلت الضوه

كالت يااايااا شنو صاير بهاي الغرفه

شوفي عصبيته مفلشه هسه لازم اكعد اطلع ملابسه كعدت جرت البوم الصور

كالت عشتو صور زواجهم ساعت السوده يوم الجابته سهيله(ام عابد) لطشته بقادر سوتهه لافوكه ولاحدرهه

كالت خل ننزل اكفضي شغلج واصعدي طلعي غراضه ونقليهن يمج صيري شاطره لاضلين فكاكه

نزلت وياهه شفت خواته جايات رجاء(ام ابرار)
وام سلام وام زينه

طبيت للمطبخ البنات موجودات بي زينه ههههه خالو نايم والناس كله جايه والله عليه سوالف

كتله اي شعليه مخلي الناس محروك كلبه وهوه ابرد من الثلج

هسه ينزل يسمعج وخليج بلفريز يشوفج البروده على اصوله

علياء كالت ولد خالتي اذا التمو حسبيهم يكلوبه كروب اضحك وتمرغل بلاش

زينه :اكلج شنسوي غده والربع كله ملتمه

والله مااعرف اشوف عمتي

سوينه غده لل١١ وقادر مكاعد كعدت لكيت حتى الجهال نايمين خفت ليش لحد الان مفزو

كعدتهم مابيهم شي يمن كدامي ينزل وحمودي شايلته

عمتي شافتني كالت تدرين ناسيتهم ابوهم ماكعد

لا

اخذتهم غسلتلهم بعدني اكليلهم بيض صاحت عمتي

رحتله وبيدي خاشوكت التكلا كالت خابرني يريدج

ياهوه قادر

اي وحاجي خل ينزل يتغده

دخلت زينه وعلياء كاعدات يلكطن خضره
فدوه بنات وحده منج توكلهم بين مااشوف خالجن

زينه كالت روحي اني اريكهم

غسلت ايديه وصعدت

دخلت شفته كاعد منتجي على تاج الجربايه ولازم تلفونه يخابر
يكله كواو..... اني اطلعه منعيونهم غشمه احنا

.....
ماشي بس اريد يجي ابو ناظم شيخ عشيرتهم هاا

....

اي اي يصير ابن خالتهم وابن عم ابوهم وعلي افرسهم فرس كل فلس يرجعوليا وليت مخانثه ولد ........
......... .......
مااعرف شيحجي ويفشر ويسب جابهم من جدهم الهم
واني اعزل بلغرفه شلت فراش الجهال ولملمت الملابس

كمل دقيقه وكال نباء ترحين الذيج الغرفه شكو ملابس الي طلعيهن تغسليهن وينكون لاجيسين شي بيه عوفيه مثل ماهيه

وكف وخر الغطه كال نزلي جيبلي دشداشتي البيضه جوه وداخليات اريد اسبح وتعالي

راح ميز المرايه خله جهازه

هاا اكول دوري المستمسكات وشكو اوراق داخل الكنتور بلجرارات جيبيهن خليلهن بأي مجر
لو شوفيلهن قاصه خاصه ماريدهن
يطشرن كل شغلي بيهن

كتله ماشي

طلع واني عدلت السرير وطلعت ورا كال نزلي جيبي ملابسي

نزلت خواته يباعلي ولمت نسوان ماتخلو من قال والقلت وهنه فيلق بدر ميلحكهن الكلمه يجعمرنهه ويذبنهه بوجهي

بس ام سجاد وام زينه حبابات البقيه سيماهم في وجوههم

رحت طلعتله ملابسه وصعدت

طبيت للغرفه لكيته مكنبص يطلع بلغراض ويعزل شي عن شي

شافني رفع راسه وكف كال ذنبي ملابسه تحطنهن بكونيه شكو شي الهه مااريده

سكتت كتله ذني ملابسك وهذا الخاولي خليتهن على الطبله

توجهه للحمام وصاح تعالي

دخلت شفته مشغل الدوش وداخل جوا بملابسه

دخلي يابه ليفيلي توجهه كعد على طبلت الحمام

ضليت صافنه ه

ذا صدك يحجي استحي

كتله قادر مو خواتك جوه وصار وقت غده عيب منهن

كال شنو والعيب بلموضوع مره سبح زوجهه وين العيب

مو

لا مو ولا مومو

ليفيلي وروح ماريد منج شي

بدون مااناقشه اكثر صدك سبحته وهوه بس سألني مو جوه من البنات جاوبته

مدامني اليفله يتألم كتفه ماوصلتله ومااسألته بعدني شايله بكلبي ضربه الي بدون ميفتهم شي خلاني احقد عليه كملت انطيته المنشفه وراهه ملابسه ياخذ من ايدي ويلبس كمل

طلعت كدامه كال ذني شياشت العطر حوليهن هناك بدربج

لميتهن واخذتهن طلعت وهوه ورايه دخل
الغرفتي مشط وتعطر شال جهازه ونزل

بدلت ملابسي تبللت نزلت لكيت البنات مكملات الله يجازيهن بس فرشت السفره وكمنه انصب

كتلهن شنو قادر مونزل وينه

كالت بس سلم وخالتي بوسنه وطلع للصاله رادن يعرفن منه كلهن بعدين تفتهم الزلم بره متانيني

التهيت بين جهالي وجهالهم والبيت والغده بين ماكملو اكل وشلنه السفره وغسلنه الماعين

والطاب والطالع

وكل شويه جاي ماي

لليل مافضت

كفضنه العشه وهوه بره

ب١٠ من راحو جماعته يله طب شافني كال نباوي چايچ

طبلهن يابه السلام عليكم

حميت الجاي علياء واكفه باب الهول

وكفت يمهه شفته واكف ويفر بخرز السبحه

كال شبيجن وجوهجن متبشر بخير شكو منهي اطلكت اترملت رجلهه هاجره سولفلي بعد اخوجن

وحده اتكله اسم الله بيش طالبنه وحده تكله قادر انت اضيع السالفه بهاي ضحكتك

عمتي كالت شنو سالفت نهله وموضوع اخوهه

كال يبو علكيفجن ويه اخوجن الوحيد هيج تستقبلنه

ماسكتن لحد مكال يابه وروح والدي السالفه لا يم نهله ولا الهه شغل بروحت الفلوس اني متوهم ناطيهن الصاحبي وناسي

واذا على الصك اني صارفه

ام سجاد كالت ابو حمودي اتريد تقنعنه بهذا الحجي لو مثل متكول ليش هي يم اهلهه وليش رحت لهلهه طالب اخوهه

جان كاعد على الكرسي كدامهن صدك الله يساعده كدام حزمت نسوان وحدتهن اطلع الحيه من الزاغول

قويات وصاحبات شخصيه ماعده عمتي فقيره

كالهن شنو واحد حرام يروح يشوف مرته

ام عابد مواني اكول تطلع من الغريبه ومتطلع منه نهلة بت اصول ومربايه عدل لليوم ماشفت منهه العيبه

عمتي كالت قادر لاتضحك عليه شنو تقنعني جاييني وهدومك مشككه ومضرب بزندك وهاد على بيت اهلهه شوراك ياسالفه غير بوكته الفلوس

تنهد خويه حلفتلج وروح ابويا السالفه مويمه هسه جماعتي يمي وشاكين حرامي طاب كالب الغرفه كلاب اصعدي شوفيه لو نهله تاخذ الفلوس ليش مطشره الملابس واني منطيهم الواحد من صحباني مسلفهن الهه

ام سجاد لو حرامي مااخذ الصكوك كلهن

شلون طركاعه هاي شجلبتي ياخويه اتهم بت الناس كوه

ام عابد نبت نجلاء خافي الله تتهمين البنيه ليش حرام حلال

عمتي ساكته وتراقب الوضع

ام زينه كالت اني مااعرف شكول من البدايله متوقعت مره تبوك رجليه وهمزين مطلعت السالفه بين كرابتنه خطيه تجيهه تهمه لابيه ولاعليه تبقه بتنه ومنه وبينا لو وحده غيره منهتم

التفت شافني واكفه

كال حبيبي الجاي وين صار

هن باوعن عليه ام عابد عوجت حلكهه

بيبني بين نفسي والله يقادر متنحزر البارحه توليتني تكفخ واليوم حبيبي

الجاي مطفيته ونسيت اصبله حميته مره ثانيه وصبيلته صحت علياء اخذي اله

اليشوفه هسه يسولف ويضحك ولا يمه ميكولون هذا نفسه قبل سبوع يرعد وكالب البيت

الحلو بلمتهن جبيرهم زغيرهم يحشش ويضحك كلهم على هذا الطبع وبكت الطيح وحدتهن بضيج شوفيهن كلهن يمهه ميعوفنهه بعازه

الوحيده عمتي بعيده عنهن وحاسه بيهن ميحبن عمتي ذيج المحبه لان قادر متاركهه شكد حاولن وياا يعزل عنهه من جانت نهله تريد بيت وحده

ويدخلن وحاجنه وهوه كلامه واحد ام قتيبه مااتركهه وحده واني من الاول كايللهه تحسبيه مقام امج مثل متحترمين امج تحترميه

لهذا نهلة جانت تكره عمتي لان اشوف قادر يحبه ويقدره وميرفضله طلب

يمن يلعب ويه الجهال
طببته حمودي كاعد بحضن عمتي

انوب حولن السالفه لام سجاد
وضع القضيه من كلامهه مأيسا

متحملت بجيه من يمي بجيت قادر

كله خويا كويلي ياالله معايفج والله لازم نأثر عليه شنو ذنبه سجاد ينسجن والقاتل شارد وين صايره اني كايلج لو طلب الامر وقبلت بلفصل والله ابيعلج الاول والتالي ونطلعه

كالت ياخويا اريد ذخر اليه والله انت عزيز بمعزت ابويا لليوم مافرقت بيناتنه ولا عايفني شريد اني اكثر من هذا

كله اني اذا ماوكفلج هسه شوكت انحسب عليجن سند خواتي والطيح بيجن اني اكون اله عوجيه وتتجه عليه ابويا من تركجن وراح الرحمتا وصاني بيجن
غير وكت العازه

ل١٢ يمن شفته طفه من النعاس ردت اصعده فوك انومه بس يشوفني يكولن متعرف بلاصول كاعدين وعافتنه وصعدت

شويه واحد من الولد صاح يله مناويات ن
ترحن لبيوتجن

عاد صدك كامن عمتي وقادر جلبو مقبلن بس ام سجاد ضلت هي وزينه وعلياء

والبقيه راحو

ولدهم طبيعتهم ميدخلون للبيت حدهم للصاله شكد مو بس يم قادر حتى يم خواته ولد العم والكرابه ميدخلون للبيت وبنات الخال والعم ماكو ميانه بين ولد وبنات ذاك من ذاك عدهم عا

دي

عكسنه من احنه وبيت عمي اسماعيل عايشين سوه
مره قادر كال الولد والبنت لو شبو يعني كبرو يدخل الشيطان بيناتهم حتى لو كانت علاقتهم اخويا

منعرف بداخل عقلهم شنو لهذا اخذ حذر وبعد القدر

ضلت عمتي كاعده وام سجاد

رجلي خدرت ويمن نايم عليه مديته ويمن جريته على زري طلعت رجليه

عمتي كالت يمه مشيلين ابنج

كتله اي هسه بس رجلي خدرت

زينه كالت يبووو طلع الشحم والحم خالو بربك باع الشحم

ممنتبه عليمن يقصدون

هوه باعلي وابتسم

كله عينج لج لاافكسه

شعليه هي مطلعه رجلهه كدامنه

انتبهت عليه يمي طوبت يمن ضربته بيهه

شكد عاره لوماشوفين هذا بحظني ورجلي خدرت

غمزت الخاله بداعتي هم تشبع

ضحك كله بت القندره متستحين بس بيني وبينج حصار مسوين علينه كاضيه خبز شعير ونشوف خبز الصفر ونتحسر

وهاي طكته بضحكه عمتي وخاله نجلاء جانن يسولفن التفتن اله

كالت لا خالو هاي عود انت النجر مع الاسف انت الجنت صياد صرت الفريسه وكعوك

كان قريب عليه كفخهه على علبته

كومي لج كاعدتلي ركبه ونص اريد اعرف سهيله وين مربيتج

غمزتله بشارع السعدون وخاناته مشوف اعرف كل زاغور بزمن النظام واني هناك شتترجه مني اطلع بنت الهدى

لاوالله خالي متوقعج وحده من شريفات روما

كالت اي هوه ده اني من الاول اعرفك فاهمني عدل

كله امشي من كدامشي لا اخابر اياد (ابوهه)يعد تربيتج

اني وعلياء ممفتهمين منهم شي بس صافنين

اجه يمي دنك شال يمن كال جماعت الخير تصبحون على خير صاعد هذا نام

ام سجاد انت من اهل الخير روح خويا اصعد ارتاح

اني ضليت فرشتلهم بغرفت عمتي حمودي من ال١٠ نام

زينه كالت عليج الله ضلي يمنه خلي نشوفه شيسوي كتله والله بطرانه هسه بس اصعد الف راسي وانام

كالت ضحكتيني زوج اليخليج تنامين غير عيونه عليج مدامنه كداعدين يايوم خالي هيج يركز ويه وحده

كتله زوينه اليضل يمج تحرفي

كالت والقرأن ااحجي صدك خالي ونعرفه

اعرف خالج وشيريد والبالج ماكو منه

كالت ليش هيج شبيناتكم

ماكو شي يله حبي نامي وارتاحي اليوم تعبتي انتي وعلياء ومقصرتن ان شاءالله اخدمجن بلافراح

عفتهن كاعدات يسولفن وصعدت متدري اني بالي الف سالفه وسالفه ليش قادر برإ نهله من بوكت الفلوس
متأكده طمطم السالفه كدام كرايبه من اجو جماعته وتحقيق وطلعه سالفت حرامي

وهوه بنفسه قبل سبوع نبش الكامرات نبش وماكو اي واحد داخل للبيت

دخلت للغرفه لكيته خال يمن بجربايته الضهر صعدته اني والبنات ورتبتهه

وهوه مدد ومنتجي ضال بلفانيله رفع راسه

سديت الباب توجهت للكنتور طلعت دشداشه فانيله مال نوم تعبانه اسبح بيه ريحت اكل مال طبخ اليوم

نزلت جوه سبحت كملت طلعت والخاولي على راسي لاكتني زينه

ضحكت شبسرعه هيج مستعجلين

خايبه والله فاسده خرب يومج شجلبتي .

شعليه غير انتي شفتج صعدتي وهسه طلعتي من الحمام شتريدين اصفي النيه

كتله اصعد اشرفلي

طبيت نشفت شعري وهوه خال ايده على عيونه أصورته نام

كملت توجهت المكاني تمددت انام

طبيعتي من اسبح اتنشط ويطير النوم من عيوني رغم جنت نعسانه

منمت ضليت اتكلب هوه كلب انطاني ضهره

طلعت جهازي اكلب بي ناسيه الفيس موجود التهيت اكلب بي بوكته طشت كروبات فقط بنات وكان كروب واحد اسمه بوكته سكرتارية جهنم استمتع من اكلب بي ساره دخلتني بي من جنت يم اهلي سوالفهن يضحكني ضاله اصفح ومادري على روحي

لحد محسيته حضني من ضهري ارتبكت ورأسن سديته

كال ليش منايمه حلكه يم اذاني

هاا مااجاني نوم

دارني عليه رافع حاجبه ليش بسرعه سديتي تلفونج

فززتني ماادري بروحي

كال متأكده

كتله على شنو

جرني على ايد بالي يحظني والايد الثانيه عبره من فوك راسي جر التلفون من جوه المخده

فتحه شافه رمز
باوعلي واني اتفحص ملامحه ومبين عليه الارتباك

كال فتحي

كتله شبيك قادر

شبيه مابيه شي فتحي جهازج

ليش افتحه اول مره تطلب افتح جهازي

وشبيها اذا هسه طلبت

عوفه اريد انام

عكد حاجبه شعندج بي ومتقبلين تفتحي

مابي شي شنو شك بيه مااعرف شلون طلعت

خزرني وليش اشك امسويه شي علمود اشك بيج

هدوئه ونظرته خوفني اعرفه من يشك وباله سالفه يصرف بهدوء وكانو ماكو شي اعصابه يكتمهه

كلي فتحي يابه مجرد اريد اكلب بي

هنا كلبي احسه طلع من مكانه يعني هيه كايسه كايسه ليش اخلي يشك اكثر

رغم خوفي هدوئه ممسوي شي هوه برنامج شيسوي خلي يسوي

اخذته فتحته بس انفتح جره بسرعه من ايدي

من شاف الفيس عكد حاجبه

ضل يكب واني بعدني بحظنه على ايده نايمه اباوع وياا من يكلب

دخل على مجموعات شاف الكروبات اكو بيهن مختلطه

راح على الاشعارت شافهن اخاف معلقه ورادين عليه

مالكه شي طلع منه كلب الماسنجر بس ساره وعلا وكم وحده من صديقات المدرسه

دخل على المحادثات

كتله لالا لتقره كلام بنات ردت اخذه رفع ايده باوعلي

ايدج

كتله قادر والله ساره وعلا يحجن وياي حجي عيب تقره مرات نسولف اشياء تخصنه

كال وخري

رفعت جسمي اخذه

كال رجعي المكانج

اجيت ابجي مق

بل جرني رجعت على ايده

قره المحادثه واني اتكرضم

ايد النايمه عليه لافه عليه مقيدني

اتوسل بي ليقراهه كله ماعافه لمن قراهن

طلع دور بلواتساب ماكو شي

رجع دور مالكه شي رجع على الفيس لغه الحسابه مجنت اعرف اكو هيج شي كتله سويت

كمل سد الجهاز وخلا وراه

دار عليه ولف ايديه اثنيهن

همس حبيبي هاي اخر مره تعاندين وتنزلين فيس وسوين صفحه مره لاخ تعمين على روحج وينسحب الجهاز

كتله هوه شبي بس كروبات واني احبه لان بي كروب بس بنات

حبيبي اسمعي الكلام من الاخير ولاتناقشين فيس ماكو كلبي انتي

ضجت لان كلامه ميقبل اناقشه لاياخذ ولاينطي بلكلام اليكوله نفذي بدون حجي

وخرت جرني

حيل كال بعدني ممكمل كلام

سكتت واني الدمعه واكفه بعيني لاغي شخصيتي والشي الاريده

كال عندج واتساب وحاجي اهلج وبنت عمج ممانعج بس ذني البرامج بيه كروبات مختلطه تنسيهن ولا يخطر على بالج تنزلين واحد منهن

كتله ليش سوي هيج اني شعندي بيهن من اضوج اكلب

كال اكو يوتيوب وكلبي بي استفادي منه اكثر باعي مسلسات برامج حلوه

دنك باس عيوني

وخر واني نزلن دموعي انهضمت منه مقيد حريتي

اني لوما اخاف عليج واعرف هذني البرامج بيهن الشين اكثر من الزين ليش امنعج

كتله لان معقد انت تريد تفرض عليه كلشي

كال ليش سمين الخوف والحرص تعقيد اني رجال
شايف وعايف واعرف وين مصلحتج وانتي بعدج
متعرفين وين تحطين رجلج بيا كاع

كتله اني كاعده بلبيت وين اروح غير المبايل يسليني
انت على الاقل داوم وتطلع جولات وتروح للمعرض وتلتقي بجماعتك اني وين اولي

كال ولي الكلبي يتقبلج اكعدي بي ولاطلعين

حصرني بصدره حبيبي عوفج من المبايل مشتاقلج

رفعت وجهي وستوك اذكرت حبيبتك

وخرر

هااا بدت الخبالات شبيج

كتله وخر اريد انام وعلى فكره الجهاز اذا اسحبه براحتك ميهمني اذا مكنت اثق بيه

كال هسه هاي جابه على الثقه

اي اله بلثقه من منعتني من الفيس معناهه معندك ثقه بيه وتتصور انحرف واكلم ولد وانت تعرف بيه كلش زين اني ماعندي هاي السوالف من جنت بيت اهلي مسويه اجي يمك اسويه

كال عليمن هلدرامه اني هاي عقليتي ماحب مرتي تستخدمهن كفر

بس انت حلال عليك منزل كل البرامج

اني رجال وبعدين اغلبهن عندي بيهن شغل

كتله ماادمرنه غير اني رجال وحلال كلشي اسوي وانتي مره تنجبين وتطيعين لان الله خلقج بهذا المجتمع حيوانه مومره باقي العالم تحترم رغبته
الى انتو تدوسون عليه وتالي اليل تجون دورون حب
غرام ولازم نطيع لان الله بس احنه يحاسبنه
اذا منطيناكم حقوقكم

كال مو طالع السانج نباء وكمتي تمضرطين منو مامحترمج ولاتقارنين بينج وبيني اني رجال طبيت
طلعت ابقه رجال ميعيبوني ايعيبوني بشرفي
انتي يعيبوج حتى برفعت صوتج

ومالي خلك الغي ويه عقلج الفارغ انطمري واسكتي
كلبته احترامات ورغبه وحب

ضربني بلمخده ودار وجه

من شفته ماعبرني ولا اذكر ضربه الي ومعتذر واجا يريدني بحظنه وكأنو ممسوي شي

حسيت عبرتي وصلت الحنجرتي بجيت
ضليت ابجي

دار شلون اليوم منام هذا البجي علمود الفيس

سكتت مجاوبته

ماسكتت عيوني من البجي

نفخ نباء شلون اليوم متنطمرين وسكتين

كتله معليك بيه

كال امشي ولي بره نعري

ماعرف صايره حساسه معقوله هرمونات الحمل
هيج تأثر بيه

من شافني ماسكتت عاط ااااريد انام وراي دوام

فزيت وسكتت

نمت

ثاني يوك كعدت ملكيته

نزلت كلهم كاعدين بس زينه نايمه

ام سجاد بس شافتني كالت وداعت سجودي لوما عيبه جان هلهلت

استغربت ابتسمت خير خاله ان شاءالله خبر عن سجاد حلو

تنهد لا خاله بس ستوه عمتج خبرتني بحملج

علياء كالت صدك حامل

هزيت راسي

بارلكلي

واليوم كضه بيناتهن للعصر راحن

قادر اجه من الدوام تغده ونام

كعد اخذهن وصلهن وراح للشغل

عمتي كاعده تسبح وسارحه

كتله عمى شبيج

كالت يمه حايره بشغلة رجلج دوخني وياا سبوع هوه كالب الدنيا ويدور على فلوسه

بيوم وليله يسد السالفه منطيهن وناسي

قادر مينسه

كتله اني مثلج هم هيج كلت بس عمى اذا مطلع يطمطم السالفه علمود نهله كولي كالت نباء

سكتت رجع كالت بعدكم متتحاجون

كتله شلون عرفتي

اعرف يوم المصالحين ينزل وجهه يضحك ويوم المزاعلين ينزل يتعارك ويه ذبان وجهه

كتله عمى لحد الان معتذر ولا صالحني ماخذ الامر طبيعي ولاكانو ضربني بلا سبب

كالت ليش ماعاتبتي يجوز ناسي وتعرفين سالفت نهله دوختنه كلنه

كتله لا مااصالحه اذا ميحس من نفسه هوه

كالت ضلي دوري كباريه وياا يمه تردين امورج تمشي عدل لاتخلين الكرامه واله هوه يصالحنه ومتتنازلين
وهوه الله يسلمه راسه يابس اذا قفل اموركم تدهور
وزواجكم موناجح خليج انتي مره تتنازلين اعاتبه
اوضحله سبب ضربي الابني كليه اني اعلمه مواكرهه
لضلين بزعلج

رجع من وكت طب كال رتبي الصاله

عمتي كالت من جاينه

كال جماعه خويه

صعد بدل ونزل اني التهيت حظرت الصاله ساعه وطبو اني مخدره جاي

ساعه هدوه بعدين صوتهم عله وصار مصايح ماطلع لحد مصارت ب٩

دخل واحنه

كاعدين

كعد مدخن عمتي متعرف تسكت بس سألته

كله خويه رحمه الربج عوفيني ولاسأليني

معافته كلتله قادر ورح ابني اعوفلك البيت
اذا متحجي هسه كافي عاد مخلينه مثل الثولان
منتفتهم منك شي زلم معكله جاي ومصايحكم واصل
النه شكو

سكت تنهد بعصبيه يعني شكلج مرتي باكتني وشردت
من بيتي لو اكلج ساحبه من البنج ب١٥ مليون وفالته
ادور عليه ماكو فص ملح وذاب حتى اهلهه ميدرون بيه وين ولا اخوانه الكواوي..... لا اني الكوا...... ملفيلي هيج وحده وماادري

كالتله ليش ضميت السالفه من نسألك

صاح خويه لتخبليني تريدين اطش خبر مرتي حراميه واصير علج بحلك العالم

تعرفين خواتج اذاعه بس يردن خبر يسولفن بي

عمتي كالت وتالي شلون صفت

ماصفت ابوه يتوسل استر على السالفه يلكوه ويردولي لفلوس ناس فكوره عبالهم الفلوس تهمني بكد فضيحته وشردته من بيتي

بس وحق علي الكاهه الكاهه ماتغمضني عين اذا مالزمه ذاك الوقت اذبحه واشوف اليفك حلكه ويكول خطيه ومضلومه

ضرب الحايط اني وحمودي كمزنه من عصبيته حتى دمارات كصته بينت

عمتي تهدي بيه هوه بس يفشر ويحرك بعصابه

.................. يتبع

💕✨#يسعد_أوقاتكم_بكل_الخير 💕✨

💘✨#توقعات_الابراج_ليوم_الاربعاء 💘✨

#الحمل💘✨
مهنياً: تبدو سعيداً بلقاءات وتطورات وتبدأ جديداً بصورة استثنائية أو تخوض مغامرة للمرة الأولى وتنجز عملاً حلمت به بعدما وظفت كل طاقتك من أجله.
عاطفياً: تتلقى معاملة مغرية من الشريك وتفكر في الأفضل، وتؤجل النقاشات العقيمة معه ولا تفتعل المشاكل.
صحياً: اندفاعك وحماستك يدفعانك إلى الطلب من الآخرين مشاركتك في ممارستك الرياضة اقتناعاً منك أنها خير علاج.

#الثور💘✨
مهنياً: قد يطرأ جديد أو تأخير أو عرقلة أو سفر اضطراري، وقد تضطر للعودة إلى مكان أو تبحث عن الحقيقة.
عاطفياً: لا تكن اتكالياً وقم أنت بالمبادرة تجاه الحبيب، وابحث عن الاستقرار وعن علاقة تستطيع الاستمرار بها.
صحياً: لا تدع الهموم العائلية والمهنية تؤثر سلباً في وضعك الصحي، أخرج من محيطك الضيق.

#الجوزاء💘✨
مهنياً: تعيش يوماً جيداً يشير إلى لقاء حار في حياتك أو إلى عودة زميل قديم للتواصل معك، وتتخلص من غير ورطة أو موقف محرج.
عاطفياً: الفراغ العاطفي يسيطر عليك، فحاول أن تخرج من هذه الأزمة باصطحاب الشريك في مشروع ترفيهي.
صحياً: تخفّ حماستك تدريجياً لممارسة الرياضة، وهذا أكبر خطأ ترتكبه بحق صحتك.

#السرطان💘✨
مهنياً: أنت متفائل جداً فظروفك المادية والمعنوية تتحسّن على نحو واضح وتناسبك المستجدات وتتعامل معها بانفتاح.
عاطفياً: تمرّ بأزمة في علاقتك بالحبيب لكنك تعرف كيف تتجاوزها بحكمتك وسعة صدرك.
صحياً: يتحسن وضعك الصحي شيئاً فشيئاً وتتعافى من مرض ألزمك الفراش طويلاً.

#الاسد💘✨
مهنياً: انتقال القمر الى برجك يجعلك تفكر في كسب أحد الأشخاص أو أحد المناصب أو ربما تنفيذ أحد المشاريع التي تحلم بها.
عاطفياً: قد يكون الشريك مخطئاً في بعض تصرفاته، لكن ما قام به لا يبرّر رد فعلك تجاهه، وقد تدفع ثمنه لاحقاً.
صحياً: استفد من الوقت المتاح أمامك بعد الظهر واقصد البحر لممارسة السباحة أو التنزه على شاطئه.

#العذراء💘✨
مهنياً: تحلّل وتفكّر وتذهب نحو استنتاجات تعقّد الامور، وقد يملّ المحيط من أسئلة تطرحها بإلحاح وتلميحات تدل على عدم الأمان والثقة.
عاطفياً: إنجازات متعددة تعطيك دفعاً إضافياً، وتساعدك على تخطي العقبات التي واجهتك سابقاً مع الشريك.
صحياً: تعاني تراجعاً بسيطاً في المعنويات وقد ترفض المشاركة في أي نشاط بسبب افتقادك الحماسة.

#الميزان💘✨
مهنياً:تتحسن الظروف الفلكية تحت تاثر القمر من برج الاسد الصديق فقد تعرف تطوراً في شؤونك المالية والمهنية، أو في شراكة لك، وتستثمر كل ما تملكه في مشروع العمر.
عاطفياً: لا تتفرد بالقرارات المستقبلية، فالشريك لن يقبل بذلك وسيطالبك بما يعتبره حقاً له.
صحياً: حاول أن تسيطر على أعصابك حتى تتمكن من تطوير قدراتك، لأن ردة فعلك غالباً ما تكلفك الكثير.

#العقرب💘✨
مهنياً: لا يناسب وجود القمر في مواجهة برجك من الاسد هنالك مؤشرات إلى تأخير في مختلف المعاملات والأحكام والنتائج، استمهل الفرص والمواعيد، وادرس جدول أعمالك وابدأ بالمهم.
عاطفياً: تكون سبّاقًا في إظهار عواطفك الجياشة للشريك وتقدّم له أفضل ما لديك وتتحمّس لبدء مشروع جديد معه.
صحياً: يمكنك التغلب على أي تعب أو تشنج بممارسة السباحة أو التنزه على شاطئ البحر.

#القوس💘✨
مهنياً: كرمك وجودك وإحسانك إلى الآخرين صفات تميزك وترفع من رصيدك بين الزملاء وبانتظارك حدث سعيد قد يكون نجاحاً باهراً.
عاطفياً: حاول أن تجنّب الخلافات والكلام الجارح، ولا تتطرّق إلى موضوعات حسّاسة تزعج حبيبك وتثير قلقه.
صحياً: قد تعاني وعكة صحية او تعرّض نفسك لحوادث أنت بغنى عنها اليوم.

#الجدي💘✨
مهنياً: تتبدلالأمور إيجابياً وتعاود المشاريع انطلاقتها وتشعر أن رياح التغيير تهبّ لصالحك وتُفكّك القيود وتكسر الحواجز. ويبدأ المناخ بالميل إلى الانقشاع.
عاطفياً: التصرّفات القاسية تجاه الحبيب ليست في مصلحتك، المطلوب اليوم هو الالتزام الجدي ومراعاة مشاعره.
صحياً: تبدو عليك علامات التعب والإرهاق، وتشعر بانهيار وانحطاط في المعنويات.

#الدلو💘✨
مهنياً: الوضع يتطلب منك الحكمة واللباقة والدبلوماسية وعدم التصرف بتشنج، بل التزم الحياد إزاء قضية قد تبرز حالياً.
عاطفياً: المساواة بينك وبين الشريك تكون لمصلحتكما، وهذا ما يعزز الثقة والتفاهم بينكما.
صحياً: لا تؤخر البدء بممارسة الرياضة الصباحية إلى الغد، فخير البر عاجله.

#الحوت💘✨
مهنياً: يوم مناسب لملاحقة بعض الأعمال والاتصالات المهنية وتظهر عن شجاعة كبيرة وقدرة على التكيف.
عاطفياً: تراودك مشاعر تحمل إليك الحماسة والعزيمة لإحداث تغيير كبير، أو للقاء حبيب أو للإقدام على مغامرة استثنائية.
صحياً: ترتاح إلى بعض الظروف والمتغيرات التي تخفف عن كاهلك الضغط الكبير

• قوي جداً كالجبل ‏مستحيل تنزل دمعته قدام اي شخص‏ صبور لحد ما تتوقعه! ثقته بنفسه كبيره و مايهمه كلام الناس، ذوقه في الملابس عالي جداً💚✨

- ‏⁧ #الدلو ⁩، ‏⁧ #القوس ⁩، ‏⁧ #الاسد ⁩ ⁩،
- ‏⁧ #الميزان، ⁩ ‏⁧ #العقرب ⁩، #الثور،

• تستطيع لفت الأنظار إليها حيث تعرف بأنها مليئة بالأنوثة، وناعمة ويفضل ان تكون صريحاً معها لانها بالعاميه ما تحب اللف و الدوران💞✨

- ‏⁧ #الجوزاء ⁩، ‏⁧ #العذراء، #الاسد،
- ‏⁧ #الميزان ⁩، #الحوت، #العقرب،

• حساسين جداً.. و يكابرون
ومن قوة شخصيتهم ممكن يعبرون
عن حزنهم وهم مبتسمين🥺💛

- #الميزان، #العقرب، #الثور،
- #الاسد، #الجدي، #القوس،

شنو الغذاء للاخوة جماعة "ارتفاع ضغط الدم "

⭕️ نبدي بالاغذية المفيدة طبعا هي كالاتي 👇
🔹الخضروات بكافة انواعها تفيد لاهل الضغط مثل الخس و اللهانة و الخيار و الطماطة و الفجل و الريحان و الكرفس و الفلفل الاخضر و غيرها
🔹الموز .
🔹 الليمون و الحمضيات .
🔹الرمان .
🔹الكيوي .
🔹 الشوفان .
🔹شرب الماء بكثرة .
🔹الثوم و البصل .
🔹الشوندر .
🔹 الزبادي و الحليب قليل الدسم .

⭕️ وهاي قائمة بالاغذية اللي تضر الضغط 👇
🔴 الملح على رأس القائمة .
🔴 الدهون و الشحوم .
🔴اللحوم الحمراء .
🔴 الشكر يعني السكريات ، انتبه الشكر يزيد الضغط خليها في بالك .
🔴 المعلبات عامة .
🔴 المخللات و الطرشي .
🔴 المشروبات التي تحتوي على السكر .
🔴الكافيين الموجود بالشاي و القهوة .

#اعادة_توجيه_للفائدة
#ملوكه

ميك_أب للعيون المبطنة😎 يناسب بالمناسبات

بنوتات انتبهو عل هالفيديو👆🏻 من تخلون كلتر(لمعة)

كون تخلين قبله اشويه كونسيلر وتوزعي بالطبطه..لانو اكو انواع للمعة✨ .. تجي مثل ثكيلة فمايثبت عل العين اله بكونسيلر وانصح انو توزعي لمعة بايدج افضل من الفرشه..حته يتساوى ☺️ومايتكتل

#اعادة_توجيه_للفائدة
#ملوكه

واهنا بهاالفيديو اللمعة🌚 تختلف..اهنا انعم وتكدري توزعي بالفرشة
وبالنسبة اللي عيونها صغار وتريد تكبره تخلين كحل بيجي. جوة عينج .. .
انتبهو مو تخلين عل العين كله يطلع نشاز 💔.. فقط عل نهايه العين...مثل بالفيديو👆🏻

#اعادة_توجيه_للفائدة
#ملوكه

#ألوان #مناكير #للأظافر #القصيرة اعتمديها في المناسبات

💅تعاني الصبايا صاحبات الأظافر القصيرة من اختيار اللون المناسب الذي يمنح أظافرهن المساحة والشكل المناسب، لكي تبدو اليدان ناعمتين وراقيتين لهذا إليك ألوان مناكير للأظافر القصيرة لتختاري منها😎 ما يناسبك.

💅الألوان الداكنة من أفضل الألوان لصاحبة الأظافر القصيرة

💅يمكنك اختيار اللون الأسود القاتم، المناسب لكل ألوان البشرة. الدرجة الكحلية كذلك مميزة ورائجة بشكل كبير هذا العام، يمكنك اعتمادها مع الخطوط الذهبية بالطول لتضيف طولاً ومساحة إلى أظافرك خاصة لذوات البشرة البيضاء

💅الأحمر من الدرجات التي لا يمكن الاستغناء عنها، فهو من الألوان التي لا تبطل موضتها على الإطلاق، جريء ومميز، اختاريه بكل درجاته، حتى مع الأحمر العنبي الدافئ في الشتاء.

💅عند اعتماد هذه الدرجات، احرصي على أن تكون من الدرجات المات المطفأة، فاللامعة تجعل أظافرك تبدو بشكل أصغر

💅بالرغم من أن الألوان النيود كالأبيض والأوف من الدرجات الأكثر عصرية لهذا العام، لكننا لا ننصحك عزيزتي باعتمادها لأنها غير مناسبة للأظافر صغيرة الحجم.


#اعادة_توجيه_للفائدة
#ملوكه