#مشاركه
زين مدراس ..نفس قرار يمتحنون عل النت لو بس جامعات!؛

#رد
حاليا نزلو هالقرار..للجامعات ودراسات العليا
فاكيد التربية ..رح يشوفونا وهم نفس حالة ينزلون نفس قرار

#مشاركه
ان شاء الله تعدي هالسنه على خير طكت ارواحنا😭

#رد
الله كريم حبيبتي..مندري شنو مصيرنا☹️💔

#مشاركه
زين حبي مو ع اساس المدارس بدايه سادس يداومون يمتحنون الامتحانات الي بقت عليهم لو هم راح يتغير هالكلام

#رد
يي عيوني..هم من الأول😑 كالو انو دوام للمدارس والجامعات يبدي بعد العيد

بس لمن شافو الاعداد دتزداد..فغيرو قرار للجامعه
والمدراس هم نفس حالة بعد كم يوم رح ينزلون نفس القرار ..انو امتحان عل النت

#مشاركه
حب هالقرار يطبق فقط للطلاب العراقين اليدرسون بالاردن احنه ميشملنه😁

#رد
لعد اشون مو نزلو بالقناة مال وزارة التعليم بالعراق
وامة ثقلين انكلبت😂

#هام | توقيتات انهاء العام الدراسي لطلبة الجامعات في الدراسات الاولية وفق التقويم الجديد

🔴 اولاً:استمرار التعليم الالكتروني لمواد الفصل الدراسي الثاني ( الكورس الثاني ) ولغاية ٢٠٢٠/٧/١٦

🔴 بعدها تمنح عطلة للطلبة لغرض التهيئة للامتحانات النهائية للفصل الدراسي الثاني ( الكورس الثاني ) والتي تبدا بتاريخ ٢٠٢٠/٧/٢٦ وتنتهي بتاريخ ٢٠٢٠/٨/١٣ ويتم اعلان النتائج بعدها.

🔴 بعدها يتم منح عطلة اسبوع كامل للطلبة للاستراحة والتهيئة لامتحانات الفصل الدراسي الاول ( الكورس الاول ) للجامعات التي لم تؤدي او لم تكمل الامتحانات بسبب المظاهرات

🔴 يتم عمل دراسة مكثفة الكترونية لغرض المراجعة لمواد الفصل الدراسي الاول (الكورس الاول) للجامعات التي لم تؤدي او لم تكمل الامتحانات بسبب المظاهرات وتبدا بتاريخ ٢٠٢٠/٨/٣٠ وينتهي بتاريخ ٢٠٢٠/٩/١٣

🔴 بعدها يتم اجراء امتحانات لمواد الفصل الدراسي الاول (الكورس الاول ) للجامعات التي لم تؤدي او لم تكمل الامتحانات بسبب المظاهرات ابتداءاً من تاريخ ٢٠٢٠/٩/١٤ ولغاية ٢٠٢٠/١٠/٨
————————————————
انضم الى قناة وزارة التعليم العالي العراقية في #التليكرام عبر الرابط الاتي 👇 :
‌‌‏https://t.me/moheiq

هذا الجدول وتواريخ

#مشاركه

تنويه⭕️

لكثرة الرسائل والاسئلة حول التعليمات التي في الصورة

نرجو المعذرة منكم فهذه القرارات تشمل الطلبة العراقين في جامعات الاردن ولاتشمل الطلبة داخل العراق

نكرر اسفنا لكم حدث تخبط في نشر التعليمات


#رد
حبي هاي المنشور.اول شي لقناة مال طلاب مو تابعة للوزارة....فمرات ينزلون منشور ويحششون عليه😅

وقبل اشويه اكيد اغلبيه شافت هالقرار..اللي نزل..مال الامتحان بالحاسبة ويفتح كاميرة
فعلى هالحجي..قصدهم انو خاص بالاردن

#تنويه⭕️

لكثرة الرسائل والاسئلة حول التعليمات التي في الصورة

نرجو المعذرة منكم فهذه القرارات تشمل الطلبة العراقين في جامعات الاردن ولاتشمل الطلبة داخل العراق


نكرر اسفنا لكم حدث تخبط في نشر التعليمات

اللي عدهم هاي القناة..هاي مو تابعة للوزارة
المسؤؤل عنها فد واحد من طلاب👍

بس هاي القناة خاصة للوزارة

#مشاركه
من هلكت نزلو قرارات دخت😑وانسطرت

#رد
هم الوزارة نفسهم مضيعين روحهم....وديتيهونا عل واهس وياهم😂

الله كريم ..لاتشيلون اي هم 🙂
صح هج قرار ..مزعج وعكر مزاجنا

صيرو مثلي 😎😂ريلاكس..واتساعدو بينكم لانو هم شنو مجان رح ينجحون الكل ..فلاتخافون من هالقرارات👍

وبالتوفيق للجميع❤️

#ملوكه

اللــون فضيع🙈ومرغووب

حبيــت 😍

#اعـاده_توجيـــہ_لتنسون
#ملوكه

مكياج هادئ وبسيط 😎يناسب كل الاوقات
بنوتات انتبهو عل الخطوة الأولة..كون تدمجي زين حته يتوزع ايشدو ويطلع نازك🥰

#اعـاده_توجيـــہ_لتنسون
#ملوكه

من اهم اسباب النقص😣 وتساقط بالشعر

هو الفيتامينات..اللي عدها تساقط فضيع انصحها☹️..تسوي تحليل وتعالج نقص الفيتامين عود باالأخير تستعمل خلطات وزيوت👍

#ملوكه

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ


السابع والخمسون


تعبت واني اسيار تعبت واني اتنازل شون حتكون حياتي وياك مجرد انسانه انجبرت ترتبط بيك مجرد روح تحمي ابنهه

طلعت واني مخنوكه حتى النفس بصعوبه اجره
وين انطي وجهي ومنو اليعذرني ويكول حقج ام
متكدر تفارك ابنهه ام تتحمل كلشي لجل اتشوف
ابنهه بحظنهه

نظرات اخواتهه بيوم الخطه والوم البيهم شككني
بروحي عبالهم داخله بطمع محز بخاطري غير ام عابد باركتلي وهي تكلي خالة طلعتج موخوش طلعه التنزل على شرج لابد يجي يوم تضوك لوعتهه ربج يمهل ولايهمل كسرتي فرحته يوم التعرف اخذتي رجلهه كلامه حسسني برخص روحي

شكول عليك قادر ادعي اعيط وين اروح والمن اروح خليتني بموقف واشوف الناس بعيونه اشمئزاز مني اني موهيج وعمري مردت اهجم بيت احد

نهلة وقادر مشفت بينهم انسجام دومهم متخالفين نهلة لهذا يومه كظته زعلات قادر لو مثل بقية الناس من زمان ازوج عليه لكن طبعه الشكوكي ميثق بأي بنية

عمتي كبل بوجود قتيبه شكد دورتله على نسوان ويروح يسأل يرجع يكلهه كنسلي السالفه متفيد

اكثر من مره سواهه يخلي عمتي تعصب وتحجي عليه يعوفه ويطلع لو مرات يكله ماادخلي وحده مصاحبه لو سمعت امهه موزينه لو اخته سمعته موزينه

رجال تفكيره شرقي معقد بي براسه شك ماخذه من عمامه والشافه بعمله وخارج عمله خلا انسان مستبد برئيه والبراسه هو الصح والكل غلط

ومرات ارائه صحيحه بمرور الايام اشوف كلامه صح

تمددت والحيره كاتلتني الوقت خلص مضل بس اليل
والصبح يجي ياخذني للمحكمه نعقد

من القهر جسمي بده يحكني اتحسسته بأيدي كمت باوعت بلمرايه دنر طكع حمر مدري الحساسيه ويه حالتي النفسيه مرتبطه

علاجهه المي الحار والجو منا حار شيصير بيه طلعت للهول واني احك بايديه وانتقل بطني مثل وحده بيه جرب

ندى نزلت شافتني

كالت هاا فدلا هاجت عليج الحساسيه

همزيت راسي

اجت يمي كالت يااا ولج انوب باجر تمشين لعيالج
وهيج جسمج مطكع احمر

كتله ماادري دخل اسبح بلكت تهدء

دخلت حتى بدون مااخذ ملابس

جوه الدوش صلخت جسمي مي حار واحك
كأنو اعاقب روحي مااعرف افرغ حركتي تهت

طلعت للغرفه بملابسي الدخلت بيهن بدلت
يمن مموجود يلعب ويه أدم

دخلته سويتله لفات فلافل علمود انومه من وكت واكعده الصبح لا طبيعته اذا كعدته وبعده نعسان يتنحس ويكضيه بجي

انطيته التلفون بعد ماشلته الشاشه متفلشه شغلته مبي شي يشتغل عفته يلتهي بي

طفيت الضوه ونزلت درجت السبلت ماريده يستبرد ويمرض

طلعت وسديت الباب تقى وندى كملن ترتيب السفره شفت ابن أيمن فاتح كماطه واصابعه بحلكه

كزكزة عليه شلته ابوس بي

ندى كالت لا نباء بشرته تحسس

كتله مبايسته من خده من ركبته

تقى معبسه وتباوع علينه

تعشينه وكملنه

عاونتهن بترتيب المطبخ الحلو بتقى وندى واعيات ميتمشكلن علمود شغل البيت متعاونات بيناتهم ثنينهن زينات وحده ساعد الاخ

امي من تحجي على وحده متستثني الاخ تطبكهن ثنينهم ورغم ذالك ممقصره دائماً من تروح للسوك اجيبلهن اليحتاجنه ومرات من يمه اجيب قطع قماش لو نفانيف يعجبنه لو ملابس لجهال شمس وابني هم اذكرة

متفضل ناس على ناس

شوية وطبت سارة حظنتني تبوس بيه عوستنه ماكو مثله حقه حبهه واخذهه

سلمت على ندى وتقى كتله شكو فرحانه

تخوصرة ليش ماافرح عرس اختي باجر

هزيت ايدي اليكول اختچ ابنيه واول زواج الله

تقى كالت رحمه الربج شكد نكديه وجيبين الهم

ساره اشرت هو دا شوفي تقى حجته فرديه شويه خيتي فرحي وعيشي اجواء العرس اني منج اخلي ياخذني شهر عسل مااخلي شي بنفسي

ندى كالت شبيجن وياهه ملاحظات مكيفات للرجال اكثر منهه تره حقه ماخذه واحد شكبره وفوكاهه مينحمل عصبي متذكرين من جانت اسولفنه على اسلوبه ويه زوجتت اني وياج شكد انضوج منه

سارة كالت ماانكر هذا الشي بس مبين عليه يحبه ليش ماافرح وانسه واعيش الروحي نزعت ردائهه وكالت تعالن خلي اسلم على امي وبيبي

دخلنه وراهه التمينه سوالف ضحك لحد مااخذتني للغرفه فتحت الضوه

يمن نايم والجهاز يشتغل شون نسيته رحتله سديته وعدلت نومته غطيته

سارة فتحت الكناتير كالت والله حشتاقلج

سدتهن وكعدة على الجربايه مقابيلي

كالت مجهزه نفسج

كتله ليش شعندي

اقصد جسمج مسويته

كتله اي نظيف

كالت خوش مااتفقتو على شي سفره وورة زواجكم

تنهدت سارة تفكيرهه سطحي هزيت راسي لا ممحاجيته اصلاً

اجت كعدت صفي

كال نباء اعرف تفكيرج وين وحقج بس لتنسين روحج مو اول وحده تاخذ على شرج الأمه بعضمتهم مثنين واكثر من وحده مرات الانسان يختار الانسانه الغلط ومرور الزمن يحتاج الوحده تكون وياا تريحه

وهذا الشي ينطبق عليه انتي هم مرتاحيتي لا ويا حسن ولا ويه قتيبه ثنينهم أذوج عيشي ويا شوفي حياتج سايري اني شوفي شكد صارلي من ازوجت ٥ اشهر تعودت كمت احب ازهر خلاني انسه مشاعري وياا سيطر عليه بهدوئه بحبه بتعامله الحلو بحترامه الوجودي ويا

اعرف بيج حساسه وتفكرين بغيرج اكثر من نفسج

ك

تله لا سارة اني ماريد اخرب حياة احد نفسي عزيزه عليه اشوف اقاربه يتهموني نهلة خطيه ذنبه زوجته وفرحانه بحملهه اكيد تنهار من تسمع متدري بيه مجبوره لخاطر ابني

كالت انتي ليش هيج تفكرين

كتله لان هذا الصح اني موزوجته ولاعايشه ويا واغار منهه مجرد اتخيل وجوده يمه هيه شنو حالهه من تسمع بزواجنه

كالت وانتي ناسيه هوه شسوه علمود ياخذج ناسيه حبه الج وشسولفيلي على لهفته

كتله اششش ماريد اسمع اني مستعده الزم كلبي واظوس عليه ولااخرب حياتهه

كالت اوكي وياج اني بس اسألج وجاوبي قادر يحب زوجته

كتله اكيد اكو واحد يتقرب الزوجته وميحبهجاوبته واني كلبي معصور مجرد تفكير بيه يوجعني كلبي شحال لو صار كدام عيني ويقسم الوقت بيناتنه

كالت متأكده يحبه مثل ميحبج ماكو شخص يحب زوجته ويفكر بغيرهه الكلب الشخص واحد تعرفين شنو واحد ميشاركه انسان ثاني

كتله ماادري هذا الاعرفه

كالت لا انتي تعرفين كلش زين هوه يحبج بس انتي وميحبه ومن الناس عمتج تشكي منهه وهوه تعامله وياهه ومشاكلهم وشلون هيه مدولبتهه

كتله سارة هسه شرايده

كالت اريدج تفكرين عدل وتسعدين روحج لتخلين عواطفج وحجي العالم يكون حاجز بيناتكم اثنينكم تحبون بعض لتخربين حياتي بهيج امور

اني موجنت اكول سعادتي ويه محمد لا طلعت غلطانه سعاتي ويه الانسان اليحبني مو شرط اله احبه والله زرع محبته بكلبي وزرع بذره بأحشائي ومنتظره هذا اليوم اشوفه بي

مااكلج مااحن لمحمد لا بقه شي بيه بداخلي بس كدرت اجاوز كل الصعوبات واحب زوجي واقدمله كلشي يحبه واسعى لسعادته ليش اخرب على نفسي

يجوز انتي اهون مني صيرين للانسان الحبه كلبج انتي مشايفه لمعت عيونج من يجي ولهفتج واعرف تتعذبين من ترجع زوجته بس حاولي تعيشين بسلام يجوز اصيرن حبايب والغيره تموت

منعرف ربج شكاتبلج بس كل الاكوله انتي مسويتي شي حرام ازوجتي على سنة الله ورسوله مبكتي احد هوه الجبرج مخربتي حياته لان حياته كانت مجرده من الحياة الزوجيه انتي غاويته راكضه ورا معترفتله جارته من ايده كلشي خططله هوه كل ذني ممسويتهن

هوه انسان نلتهي دوامه وعملة زوجته يوم يمه شهر زعلانه انتي مو سولفين مال منهه ومرات توصل للطلاك والناس تدخل وترجعهه

ليش محمله نفسج مسؤليه يوم الي طلبج مكال اريده لان احبه لا كال علمود يمن يعرف رفض اهلي وكلهم تريد زوج شي راجعلهه يعرف بيج وطبعج ومحبتج الابنج استغل هذا الشي مجبرتي

فحطتيني شكول عليج

يااختي ياحبيتي قابل جان عايش بسعاده وعائلته كامله واخذتي من زوجته وعائلته مو كان يريد يزوج قبل لتترملين مو عمتج وصت امي اشوفله مره على معرفتهه

باوعتله كلامهه صحيح اني مدخلت اوووف دخت كتله ساره كافي سطرتيني وكفت رحت الميز المرايه فتحت المجر طلعت البوم صور ضامته خليته على الجنطه

كالت فكري عدل داخت ام راس هاج دك ازهر لازم اروح بوستني وطلعت

رحت تمددت يم ابني وبالي كله يم باجر اني ليش محمله الامور اكبر من حجمهه خليه للخالق

مدري شلون غفيت

كعدت على رجت التلوفون باوعت قادر

الساعه ب ٦ مرديت ودالي مسج اذا كاعده حظري نفسج ساعه واجيج ورانه طريق

كمت متململه سبحت ونشفت شعري

يمن فز باوعلي مما أين (وين)

كتله بابا يجي ياخذنه طفر ببا

كتله اي ببا يله اريد ابدلك

اخذته غسلتله امي كاعده وشمس نزل كال صباح الخير كتله صباح النور

طب للحمام غسل وطلع

طبت بدلتله طلعت اريكه علمود الحك البس

شمس وامي كاعدين يتريكون كعدت وياهم

شمس يشرب الجاي رفع راسي شوكت يجي

كتله ب٧ونص

كال خوش من ترحين اخذي المستمسكات لتنسيهن

هزيت راسي دنكت كملت اكلي وكلت يمن نزل نائل امي كامت سويله بيض

اني كمت دخلت للغرفه لبست الفستان الابيض وفوكه رداء وراهه لبست شال اوفايت بي لمعه ذهبي ممقتنعه بكل البسته بس مضطره

لل٧ ونص كملت طلعت جنطه ضلت بيه ملابسنه هاي الكم يوم ضليت بيت اهلي

امي شافتني وعبست وجهه نائل وشمس شافوني

شمس كاعد منتظرني كال اني اخذج خابرته اروح وياكم للعقد فرحت همزين يروح ويانه

شافني مبتسمه وفرحانه

كال عبالج اعوفج بهيج يوم

ضحكت

كال تضحك ام صماخ

كتله الله يخليك اليه

دنك ونائل يباوعلنه ويبتسم كال واني مو اخوج الله ميخليني الج

كتله لا الله يخليك البطنك

كال اهووو مو راح تزوجين اتركيلج ذكره حلو دعوه حلو تروحين وترجعين على بطني ماكل من الخلفوج

شمس التفتله منين ماكل من چدك اكل واسكت

كاله ماكل من خلفوني شعليكم تدخلون

شمس ضربه بلسبحه بعد مجان يسبح دكل واسكت لتمسلت

ماانسمع بص عيطت تقى من شافتني الحمدالله عبالي رحتي

ضربت على صدره تباوعلي ولج رايحه للكبور شبيج دحطي شي شكلج مال وحده زعلانه وراجعه لعياله مجبوره

نائل كال باع المخبله شرايده تلغمطين وجهه مثل يوميه ملغمطتلي خلقتج

وتعال نائل جامل

فتحت عيونه تخوصرت كالت يعني يوميه جنت تضحك عليه

كاله هااا لا اشاقه مو كتلج انتي حلوه بلا هلخرابيط

اتقدمت كالت لاوالله جنت تضحك عليه

باوعت على امي ش

وفي خاله يوميه احظر نفسي واكضي ساعه كامله اتمكيج وهوه هسه يكلي اجاملج

امي كالت يمه المكياج يغرب جمالجن محلات البنيه بطبيعته

لاوالله خاله صدك تحجين هسه مونزلتلكم على طبيعتي بس مرات احب اغير فااتمكيج وهسه طلع العينتين مقابل ويعيب

التفتتلي امي اعدل شكلج رايحه وجهج اصفر

كال نائل اي حبيبي اتفنني بيه

خزرته وسوتله بسيطه شوف منا وجاي

طفر لا عيوني اكو احله منج وطلعين اجمل بلمكياج وشلون ترسمين عينج اني شمفعمني بسوالفجن

كالته دوخر عود يقشمرني دخلت قبلي

وهوه اليوم انام بلهول على هلحسبه

شمس يضحك كله يول انته متعرف النسوان روحهن بشكلهن ليش متعرف تحجي

كال يله بليل اصالحهه

نزلت وبيده علب المكياج وراهه ندى والجهال

كالت يله كتله تقى يمعوده من كل عقلج

كالت لعد نصه
ندى كالت دروحي خلي طلع وجهج

كتلهن مااريد عليمن متمكيجه

مقبلت جرتني للغرفه وكعدت تخلي لمساته على وجهي مارف شكد مر الوقت صاح شمس يله الرجال منتظر هناك

باوعت ب٨ دهر تقى ولج نسيتين روحي

كالت دباعي وشوفي روحج
باوعت اتفاجئة بيه هيج تمكيج

مغيرتني كالبتني الضلال لونه ازرق ودامجته بلطرف جوزي واسود بارز لون عيوني العسلي ويه الضلال جوه عيني اسود

مطيرت عقلي غير الحمره لون وردي فاتح مات وشلون راسمه حلكي مغيرتني حواجبي مثخنتهن هنه من كاعهن ثخان عدلتهن بلفرشه

كالت هااا

كتله عاشت ايدج واني اباوع على وجهي بداخلي والله بس يشوفي يرتفع ضغطه ميقبل

طلعت ركض تاخرت بوستهم وطلعت

صعت وخليت بحظني يمن شمس دار شاف

خويه شلاعبه

كتله سوالف تقى

ضحك بس هواي خففي

كتله بس اشوف حمام اخففه هسه بس امسحه اتملطخ

وصلنه ركن السياره بلكراج

نزلنه مشيت ورا وكفنه باب المحكمه خابر شمس سمعته يكله احنه بلبوابه انت بره لو جوه

سدة وكلي يله خويه مشيت وره دخلت من بوابة النساء تفتيش وتلاكينه داخل البنيه شمس شافنه

كال جوه دخلنه هواي ناس بين نسوان كبار وشابات والعمرهن متوسط وشفت محامين يفترون

قادر شفنا واكف يم واحد لابس زي عسكري مبين يعرفه

وهوه لابس قاط اول مره اشوفه لابس رسمي مشايفته قبل يلبس قاط اغلب لبسه دشاديش لو بناطير كابوي وقمصان لو تشيرتات

وصلنه يمه ركض يمن هوه التفت شاف يمن باسه ولزمه من ايده سلم على شمس مباوعلي اترخص من الولد

كال يابه المعامله كامله

شمس كله ماشي

حجه خلي نباء ويمن هناك بغرفت ابو سرمد ولد صاحبي وجهه نظره اليه شافني اتسعت عيونه

دار وجه يله ابو أدم

مشينه ظهلنه بغرفه كان بيه تخم وميز والميز كاعد رجال يطلع اكبر من قادر بس مرتب

كام صافح قادر وشمس

قادر عرفه على شمس رحب بي

اتفق وياا كله كملنه المعاملة العقد بس بقت القاضي سألت عماد عليه كال بعده موهسه محولي على قضاية الطلاق وهذا القاضي الجايبي مكانه ماعندي معرفه بيه
مااريد يأخرنه لان ورانه تحويل الجناسي

خابره شويه كال هاي هيه عرف بوجودكم بس دخلون يعقد ويكمل اجرائتكم

شكر منه ورحنه مدامنه نمشي يسلم ويسلمون عليه واحد ضحكني بس شافه ضربله تحيه

قادر ربتت على كتفه يمعود ابو الغيره شفتني لابس زيي تضربلي تحيه شنو

كله سيدي من باب الاحترام سولف وياا وشمس دنك عليه يكلي اني معارفي هواي مو بكد رجلج

حسيت بفخر من كلمت رجلج

دخلنه على القاضي سلمنه وبدت امو العقد

القاضي من شاف يمن كال مطلقين قبل

كاله لا

ابتسم القاضي كملنه وطلعنه

كعدني على صفحه وشمس وياي همه راحو واني ويمن كعدنه

نباوع والاجواء هوسه وحركه مستمره
كعدت بصفي بنيه وياهه مره

شويه وسولفت وياا شنو جاي على معاملت طلاق

عقدت حواجبي كتله لا ودرة وجهي ماريد اجاوبهه

سكتت كالت على شنو

كتله تحويل جناسي مااعرف منين طلعت مني

اجاني شمس كال هاج عصير ومي شربي وشربي يمن

اخذت العلاكه رفعت راسي كتله كملت

كال لا حظج موحلو واحد من المدققين جلب الى تكملوهه بيه نقص

كتله شنو موكال كامله

موكتلج حظج موحلو الجماعه اليعرفهم مجازين

سكتت شافه شمس راحه باوعتله يخابر ومخبوس ليش مستعجل

البصفي شفته صافنه على شمس

شمس نسخة خالو حيدر طوله وسماره الوحيد بينه عيونه سود سوادهن طوخ ولحيته مرتبه شعره كالبه اليوره موطويل كلش النهاية راسه والحلاقه يسويله مدرج

رغم اختلافه عنه بس شكله وسيم

كالت هذا زوجج استغفرة بداخلي ربي الهمني الصبر

ابتسم مجامله مااعرف اتحاقر ويه المقابل كتله لا اخويه ابو أدم

سكتت لحد مااكملو لل١٠ فضت اشرلي شمس كومي كمت وراهم

دخلوني غرفه بصمنه ثنينه كملنه

وطلعنه برة البنايه وصلنه للكراج شمس بارك القادر

التفتلي كال ابنيتي شايفه كل الغير بيضي وجهي وباسني براسي

وصه قادر عليه راد يروح

كتله وين

كال هاي هيه بعد ترحون للجنساني بعد وكت تكملوهن مدام صاحبه متواجد

دنكت ومشيت وره قادر فتح القفل بلسويج صعدة اليكدام

حرك وطلعنه للجناسي ركن السيارة

بعدنه منازلين اخذ باكيت الكلنس شمره عليه

كال امسحي وجهج نص العالم ت