كيف بتختار #تخصصك بناءً على شخصيتك 😃 ؟؟

1-لو كنت مزاجي وما تحب البهذله : اختار #أنف وأذن وحنجـرة...

2-لو كلبك ميت وأعصابك حديد: اختار #جراحة ..

3-لو طيب وحباب وبالك طويل : اختار #أطفال ..

4-لو تدور فلوس : اختار #نسائية ..

5-اذا أعصابك باردة وما تحب الشغل : اختار #تخدير ..

6-لو عملي ونشيط وتحب الفلوس : اختار #عظمية ..

7-اذا تحب تشتغل عالخفيف: اختار #جلدية ..

8-و اذا كنت متعود عالشغل وحاب تشتغل بكل شي: اختار #داخلية
9-واذا بتحب الأكشن والجريمة وحاب تصير محقق :اختار #طب_شرعي (المحقق كونان 👌) .

10-اذا كنت عميق وهادي وعندك صبر وتحمل: اختار #نفسية أو #عصبية ..

11-أما اذا متعود عالبهذله تعرف تتعارك : اختار #طوارى..

12- لو كنت ما تحب المشاكل ولا تحب تتعامل مع الناس أصلاً : ماعليك غير #الأشعة...

قصه ب اسم احببتك رغم كل شيئ

البارت 16
من راح واني كلبي مقبوض ....احس راح يصير شي مدري ليش
اليوم جمعة واكيد اخوته وخواته مجتمعين ابيتهم
الظهر اتغديت وحدي مالي نفس اروح لهناك واسمعلي كم كلمه من امه انغث بيها
لذلك كلت احسن شي اكعد ابيتي واسكت
جنت واكفه على السنك دا اغسل اماعين لمن انتبهت على باب بيت عيالي طرمتهم والباب الخارجية اتبين من مطبخنا ماكو حايط فاصل ....انفتحت الباب الخارجية ودخل اخو جواد وهو يساعد جواد حتى يمشي ....وكع الماعون من ايدي واتهشم الى الف قطعة واني انتبه لرجل جواد المجبسيه وراسه الملفوفه
كلبي حسيته وكع لرجليه
عيوني غوشت من الدموع وكأن الديصير كدامي حلم
مااعرف شكد ظليت صافنه على طرمتهم
مشيت بالكوة ورجليه احس بيها ثكيلة
لبست بذهن مشول ومشاعر مبعثرة عبايتي الاسلامية وحجابي ورحت مثل المنومة لبيت اهله
طبيت للصالة واني اسمع صوتهم وهما يتحمدوله على السلامة
وكفت يم باب الصالة ودموعي الحابسته صارت تنزل بهدوء ....رفع راسه وباوع عليه بابتسامه تعبانه
نظرات العيون حجت كل الي اريد اكوله
الكون كله اتلاشه من حوالي
حتى ميل الساعة اتوقف
وكانو بس اني وهو موجودين رغم انو بيت خالته وبناتها ... واخوانه وخواته والجناين كلهن موجودات
بس ولا حسيت بيهم اهتمامي كله مركز على زوجي
وحبيبي
امه قطعت تواصل عيونه من كالت بلهجة مستهزئة
_دفوتي عيني اتحمدي لرجلج على سلامته خوما اتظلين هشكل صافنه عليه ؟؟
بلعت ريكي واتقدمت بخطوات بطيئة وصلت يمه وكعت بصفه وهمست بصوت ناصي
حمدلله على سلامتك
ابوه حجه وكال وهو يلومه ويعاتبه
ياوليدي غير ادير بالك من تسوق الحمدلله الله سترها وياك وعدت على خير ومو كل مرة تسلم الجرة
جاوبه جواد بتعب
يابه جنت تعبان وممركز زين
امه كالت بحقد وهي تباوع عليه
اي عيني حقك سوده عليه دايخ من يوم التزوجت لحد هسه وانت ممرتاح حتى ضعفان عمت عيني عليك +
اووووف شحسيت وشلون نار صارت بكلبي
حسيت الدم نشف من جسمي ووجهي صار اصفر
الصراحة معرفت شجاوب وشحجي
يمكن هي حقها بس ملازم تفشلني كدام الكل هشكل
خاصة بنات خالاته والجنانين كامن يضحكن
دنجت راسي واني العب بطرف شالي
حسيت بايد جواد الضخمه صارت فوك ايدي وهو يجاوب امه بهدوء وملامحه تعكس انزعاجة من الكلاك الكالته امه
_ اني مرتاح وي زوجتي يمه وحياتي اسعد منها ماكو بس البارحة سهرت اني ورقاوي لذلك كعدت الصبح مشبعان نوم هاي كل القصة
بعد عمري شلون يدافع عليه اوووف حسيت كرامتي رجعتلي منهيج حجة وحتى حبه زاد بكلبي اضعاف اضعاف
عدل كعدته وكال
تعال خويه ساعدني اروح البيتي اريد ارتاح
امه جاوبت بسرعه
ابقى هنا يمه ...هنا هم بيتك
مهتم الحجيها لزم ايد اخوه وكال بتعب
ميخالف يوم هناك ارتاح اكثر
وفعلا ساعدوه اخوته ووصلوه لبيتنا من بعد ما حطوله سرير خشب ابو النفر بالهول حتى يستقبل الضيوف اولا ولان غرفته فوك ثانيا فالصعده والنزلة صعبه عليه
...............................
البيت بالايام الجاية صار هوووووسه
ناس طابه وناس طالعه
جنت اساعده حتى يدخل للحمام وهو جان يسبح بنفسه بعد ما يلف رجله بكيس نايلون ويتجيها على كرسي ثاني
الدكتور كال اسبوعين او ثلاث ونفتح الجبيرة
طبعا خالاته وعماته واعمامه مقصرو
كل يوم يجون يشوفوه
بس كلها بصفحه وبنات خالته بصفحة خاصه ميسون
لزكة وبس تتمضحك وياه وتشاقه
جنت متحملتها على اعصابي
والقهرني اكثر هو جواد جان يبتسم وياها ويجاريها ضحكها وكلامها المايع
بس طلعو كلتله بضوجة واني اكتف ايديه على صدري
_ ترى ماكو داعي لكل هذا الضحك والكلام السخيف بينك وبين بنت خالتك
رفع حواجبه وعدل كعدته ...جان متجي على المخاديد
_ تغارين ؟؟؟؟
_ بلله شنو ؟؟؟ اغار وليش عيني دا اغار اصلا اني احلا منها !!!
ابتسم الي ابتسامته الرجولية الثكيله الي تخلي كلبي يكمز مثل الطوبه بصدري وكال بجدية
_ بنات خالي وخلاتي وبنات عمي كلهن جانن كبالي سنين الراحت بس والله مارفعت عيني بوجهن بنظرة وسخه ....لو ردت ازوج وحده منهن جان سويتها من زمان بس الكلب مارف والعين ماشافت الا مرة وحده بس هي ملت عيني وكلبي وحياتي كلها تعرفيها لو لا ؟؟؟
كل كلمه ينطقها جانت عبالك مي باااااااارد ينزل على جمرات كلبي تطفيها جمرة جمرة
حبه بكلبي صار مثل الشجرة المليانه ثمر
وبعد ميكدر يحمل ثمر اكثر هلكد ماشايل
اووووف ربي شكد احبه
من عمري على عمره بس مع ذلك اصريت على عنادي وغروري ....كلما يتوسل اكثر كلما اشيل خشمي وافرح اكثر واكثر
غبيه ومغرورة انتي يا رقيه
..........................
مشيت من يمه مثل الطاووس
جنت لابسه ثوب كيمونه ربع ردن الصدر خرط حاصر على صدري ودلعته جبيرة يعني مبين مقدمة صدري كله وبجراءة....قصير يوصل لحد فوك الركبه
الساعه جانت 11 بالليل
رحت بمكاني على القنفه حتى انام ... كل يوم انام على القنفه الكباله حتى اخاف بالليل يحتاج شي اني يمه وهمين كلبي منطاني اعوفه وحده واصعد انام بغرفتي فوك
التفتت اباوع عليه من سمعته يون وهو يفرك فوك عيونه
اااخ يابه راسي را

ح ينفجر
عكدت حواجبي واقتربت منه ونحنيت شويه وهمست
شبيك جواد شيوجعك
فتح عيونه وكال
راسي يوجعني كلششش
عدلت وكفتي وجاوبته
هسه اجيبلك حب وجع راس دقيقه
لزم ايدي بسرعه وكال بهمس وعيونه الذبلانه تباوعلي بحزن وبرائة
ماريد براسيتول ...تعالي بوسي كصتي وهي اطيب
رفع حواجبي وكلبي صار يدك مثل طبول الحرب
بلله !! ليش شنو بوستي دوا مثلا ؟؟؟
جاوبني بلهجة حزينة كسرت كلبي
ااوف رقيه حتى واني مريض هم اتعاندين شبيج بس دلليني هسه على الاقل ورحمي بحالي
عضيت شفايفي واني خجلانه منه اقتربت منه ...كعدت على طرف السرير وانحنيت وبست راسه بسرعه ...ردت اكوم بس ايديه حاوطت خصري بقوة وكال
ترى هذا غش ميعتبر بوسه اصلا
ليش بلله
لان بستيني من فوك اللفاف ... محسيت بيها ابد
تنهدت بقوة بس جسمي كله يرجف رجعت بسته مرة لخ من بين عيونه وطولت بالبوسه ... ابتعدت عنه شويه وشعري صار يحاوطه من الجهتين مثل الخيمه
كتله وهسه حسيت بيها لو لا
اصابيعه السمرا انغرست بشعري وجرني حيل ..طبك شفايفه على شفايفي وصار يمتص شفايفي بقوة ولهفة ....ايده الثانية تركت خصري وتسللت جوا ثوبي القصير زحفت على طول فخذي بعدين خصري واخير شي استقرت على صدري المكتنز وصارت تضغط عليها برقه وبنفس الوقت بقوة
معارضته جنت مشتاقتله من صدك
ااااااه ياريحته ودفو جسمه اشكد مشتاقه اله
بعد مرور دقايق طويله حسيتها عبالك ساااعات عافني وهمس ويده بعدها على صدري
هسسسسه ارتاحيت وراح الوجع

احببتك رغم كل شيئ

البارت 17
جنا كاعدين نتريك اني وياه ...ياكل ويباوع عليه
بنظرات ماكرة وبنفس الوقت ملهوفه
_ اااخ بس لوما رجلي مجبره جان شوفتج الامهات
شجيب +
ماانكر كلامه واهتمامه بكد ماهو يسعدني بكد مايخليني اصر على رائي جاوبته بغرور
_ ترى لاعبالك نسيت وعدك الي
اختفت الابتسامة عن وجه الوسيم وعكد حواجبه
_ يعني بعدج مصرة ؟؟؟؟
_ اي بعدني والمبقيني وياك هسه هي اصابتك
ميصير اعوفك وانت هشكل
جاوبني بلهجة جافه وحزينة
_ لا والله بت اصول انت اشكرج
سكتت ورجعنا نكمل الريك بصمت
مااعرف شنو اليدفعني حتى اجرحه هشكل !
بس هو السبب ليش محجالي من البداية
ليش مصارحني يمكن ...يمكن لو حاجي
جان عذرته او يمكن سامحته
بس لااا ماكو شي يشفعله حتى لو جنت احبه واموت عليه كرامتي فوق كل شي
.......................
الايام تمشي ورجله صارت زينة ابوه سواله عزيمه جبيرة عزم كل اقاربهم حتى اهلي
ضجت هواي من الميانه الزايدة الي بينهم
خاصة ميسون الي جان تتلزك بيه وتركض ورا
وين ميروح ...
امه جانت بس تمدح بيها وكلساع اذب احجايه على انو هي جانت تتمناه زوجه لابنها
بس اني اسوي نفسي مااسمع
كل الديصير يضغط على اعصابي
واني متحمله وساكته
مرت اخوه طلبت مني اروح اصيح عمتي من غرفتها
رحت وبعدني مداكه الباب وجان اسمعها تحجي بصوت ناصي
كتلك يا ابني هاي ماتفيدنا دشوفها لاتعرف تطبخ ولا تشتغل ومغرورة وشايفه نفسها ....خلي ازوجك بنت خالتك والله راح تريحك واجيبلك الولد الي اتمناه صار شهور
جمدت بمكاني واني اسمعها ....اي ولد تريد واحنا بعدنا مصار ثلاث شهور من مزوجين !!!!
سجاجين حادة جانت تنغرس بكلبي
لااني اكدر اعترض ولا اكدر اسكت
ياربي شسوي شسويييي
جنت منتظرة رد جواد الها ...وكانو منتظرة الحكم اما على اعدامي او اطلاق سراحي
جاوبها جواد بحدة
يمه مليون مرة كتلج ....ميسون اختي اختي تفتهمين شنو يعني اختي ...بعدين رقيه زوجتي واني مرتاح وياها لاتخربين حياتي الله يخليج
_ بس يا ابني اني حاسه بيك ممرتاح ليش تكابر وتنكر
_ استغفرلله ....مرتاح يمه والله مرتاح وزوجتي احبها ومابدلها بكل نسوان الدنيا عوفي خاطر الله
من كال هشكل كلبي صار يدك بسرعه
انرسمت ابتسامه مرتاحه على شفايفي
رجعت للمطبخ مرة لخ بحجة اني ملكيتها
ماانكر حجي امه قهرني بس جواب جواد
رجعلي ثقتي بنفسي
خلصت العزيمة بساعة متاخرة من الليل
رجعنا لبيتنا الساعة عشرة تقريبا
رحت مباشرة للحمام سبحت وطولت هواية واني احس ناااار تطلع من عيوني وكلبي
يعني امه منتبهه علينا احنا ممرتاحين
وراح اظل تلح عليه حتى يزوج
غمضت عيوني واني محتارة
مااعرف شلون اصرف لا جنت اعرف شنو الاريده بس اني اكابر ....هذا طبعي ومااكدر اغيرة
دخلت للغرفه واني لابسه برنس الحمام
هو جان كاعد على طرف السرير يراقب خطواتي بهدوء وتمعن
سويت نفسي ماشوفه رحت كعدت امام المراية وبديت ادهن ايديه بالمرطب
فتحت شعري ومشطته على كيف وهو يراقب التقت نظراتنا بالمراية لعدة دقايق بعدت نظراتي واني احس لو طولت بالنظر اله راح ابجي وانهار
طلعت ملابس نوم من الكنتور وكتله
دير وجهك اريد البس
ضحك ضحكه صغيرة وجاوبني
تؤتؤتؤ لحد هسه تخجلين واني ممبقي شبر بجسمج مشايفه ومخاتمه بصك ملكيتي و شفايفي
عكدت حواجبي وجاوبت بعناد وحمرة الخجل اتسللت لوجناتي
حتى لو دير وجهك
هز راسه وفعلا دار وجه لبست ثوب فانيله خفيف
ملابسي الداخليه كلها مبينه بس اني مهتميت
دار وجه عليا وظل ياكلني بعيونه مد ايده وهمس
تعالي
كلبي حسيته صار يضرب بضلوعي بقوة وعنف
لعت ريكي واستجابيت اله ....مشيت مثل منومه وانطيته ايدي ....جرني وكعدني بحظنة...ظل يبوس ركبتي وايده تمر على خصري وصدري بلمسات جنونية مشتاقه
حسيت بيه ....حسيت برغبته ...جسمه جان متصلب
وانفاسه حارة ولاهثه .... وجه صار احمرررر
رغم حبي وشوكي اله احس اكو بينا سور او سد عااااالي صعب اعبره او اتجاهله ..... احبه واريده بس كرامتي .....ااااخ من كرامتي وعزة نفسي ....ماعرف ليش وشنو الدفعني حتى اكوله بخباثه وحقارة
باجر اريد ارجع لاهلي
حسيت بأيده اجمدت وظل ساكت
..كمت من حظنه ورحت للطرف الثاني كعدت وكلت
بصوت مهزوز حاولت اخليه يبين قوي وثابت
خلص جواد لهنا وطرقنا تقاطعت انت من طريق واني من طريق
التفت عليه وكال بهدوء عجيب
هذا اخر قرار الج ؟؟؟؟
هزيت راسي بعناد وكلت
اي ومراح اتراجع

احببتك لرغم كل شيئ

لبارت 18 ولاخير
ظلينا كم يوم واحنا منتحاجة
يرجع من الشغل يتعشا وينام واني كلبي يتكطع عليه
احبه واريده كلساع اريد اروح اكوله
اني جذابه ...احبك واموت عليك ....انسى طلبي
انسى كلشي كلته
بسسسسس لكن واخ من هذي الكن الي منغصه علي حياتي ومانعه فرحتي تكتمل
اتفقنا الجمعة بالليل يوصلني لاهلي
وكلشي ينتهي ....مثل ما دخلنا بالمعروف نطلع بالمعروف
من كلي هذا الحجي سيطرت على دموعي لطيح وتفضح ندمي وشوكي اله
الايام تمشي بسرعة بسرعه
وكأنها تتحداني وتكول يلا اجا اليوم الي انت اتخافين منه خلص هذا الرتيه والي كتلتي نفسج عليه بعد ليش تبجين ؟؟؟؟
.......................... +
الوقت كان 8 بالليل لمن حضرت ملابسي
طبعا مااخذت كلهن لان هواي كتله الباقي امي
تجي تاخذهن
الطريق كله واني حاصرة دموعي احس جسمي نحلان والنفس ضاك عليه
اضويه المحلات كلها مشوشه كدامي هلكد ما الدموع تارسه عيوني
ربي ليش هيج دا اسوي وليش هيج صار بيه
...................
من ورا الحادث الصارلي اعتقدت رقيه غيرت رائيها
خاصة من المح والمس تجاوبها وياي
خوفها الي انعكس بعيونها من شافتني بعد الحادث
ماخلاه ذرة شك تسلل الكلبي
هي تحبني واني ومتأكد من هذا
اعرف بنت خالتي اتلح وحاطه عينها علي
بس والله ماعندي شي وياها ولا وي غيرها
كلهن خواتي وعرضي
من شفتها لرقيه شلون واكفه كدامي وتعاتبني وتحاسبني على كلامي ويه ميسون فرحت كلش
الغيرة جانت واضحة بملامحها والانسان ميغار اذا مجان يحب !!!
ظنيت حياتي بدت وياها والماضي انتهى
ظنيتها سامحتني ووافقت اتكون زوجتي وحبيبتي
بس الظاهر جنت غلطان
من كالت وديني لاهلي معارضتها
كافي هواي ذليت نفسي الها لحد هنا وخلص
مو جواد الي يذل نفسه حتى لو جنت احبها وروحي معلكه بيدها
وصلنا يم باب بيتهم ....الشارع فااااارغ ومظلم
ظلت ساكته لعدة ثواني بعدين نزلت
جنت ارقبها وكلبي ينعصر عليها بس هي الرادت وهي الختارت
نزلت وراها وسديت باب السيارة ورحت طلعت الجنط من الصندوق ....فتحتلها باب طرمتهم
وحطيت الجنط يم العتبه
مشت شويه ووكفت بنص الطرمة
مااعرف شنو الخلاني اتبسمر بمكاني
ارقب اكتافها الي كانت تهتز من البجي
ليش تبجي مو هي الي تريد البعد ؟؟؟ مو هي القررت هذا الشي ؟؟؟؟
كان اكو قمريه طووويله تغطي طرمتهم تبدي من باب الشارع وتنتهي لحد باب الصالة
جانت عبارة عن نباتات متسلقه متداخله شلون الشمسية ....ساترة البيت والشارع فارغ واظلم
الضوه خفيف بالطرمة يوصل من اضويه الصالة والمطبخ
مكدرت اتحمل ...اتقربت منها ولزمت اكتافها
درتها عليا واتفاجأت من وجهها المليااان دموع
ابتسم بكأبه وكتلها بهمس
ليش تبجين حبيبتي ...مو هذا قرارج ...مو انت الختاريتي وباراتج ؟؟؟؟
ماحسيت الا وهي تشمر نفسها بحضني
حظنت خصري حييييل ودفنت وجها بصدري تكتم شهكاتها الحادة
احتضنتها اني هماتين وبقوة بست راسها ورفعت وجها ظليت مركز على عيونها الحمرا الي رغم المكان الشبه مظلم بس كدرت اشوف عيونها وخدودها وخشمها الصارن حمر من البجي
نزلت راسي وبست شفايفها اول شي برقه بس لما طوقت ركبتي بأيديها اتشجعت وبستها اقوى
جنت اكل شفايفها اكل رفعت نفسها على اطراف اصابع رجليها وصارت اتبادلني بخبرة تعلمتها مني اني
حطيت كصتي على كصتها وجسمي يرجف ويون عليه من الرغبة الي اجتاحتني ....مااعرف شكد ظلينا هشكل متشابكين وواكفين
بعدتها عني شويه وحظنت وجها من الجهتين وهمست واني اركز بعيونها الحلوة
- اوووف اووووف شلون كلبج انطاج تحرميني منج كل ذيج الايام الفاتت وانت هلكد تحبيني ؟؟؟؟؟
مجاوبت ظلت تبجي وتبتسم من بين دموعها وكالت
_ لان غبيه وعنيدة وووو
قاطعتها واني امسح دموعها بابهامي
_ هوووووووشششش لاتحجين على رقيتي حبيبتي مااسمحلج
ظلت تبجي وصوت شهكاتها اخترقت صدري سالتها بابتسامه مرسومه على شفايفي
هسسسه ليش الدموع ياعمري انت ؟؟؟
جاوبتني بصوت طفولي وهي تعترف
وجان احلى اعتراف سمعته بحياتي
_ ابجي لان احببببككككك ....احبكككككك وماريد اعوفك
_اوووويلييي اويييلي عليك جواد احلى اعتراف هذا سمعته بحياتي والله
رجعت حضنتها مرة لخ وايدي تعصر جسمها اللين عصر ...اريد اقربها مني ...اريدها تحس بشوكي ولهفتي اريد تلمس رغبتي ....تلمس وتحس بكل عضله صلبه بجسمي وهي تصرخ تريد قربها ووصالها
الحياة الزوجية تطلب شووويه تنازلات
شويه تواضع
شويه ننسى الكبرياء والغرور الكاذب
وشووويه نعوف تحكمات العقل العقيمة ونسمع صوت وهمسات كلوبنا حتى لو مرة وحده بالعمر
باوعت لوجها وهمست بحب وحنان الدنيا كلها
_ صفحة جديدة وحياة جديدة ؟؟؟؟؟؟؟؟
هزت راسها بأي وهي ترسم ابتسامه على شفايفها الوارمة من اثر بوساتي العدوانية الشرسة عليها وجاوبتني بتنهيدة مرتجفة
_ صفحة جديدة وحياة جديدة
.....................

من بعد ما وصلني جواد بذيج الليلة
ومن بعد ما خطيت وعبرت عتبه بيتنا ...حسيت بضياع ....حسيت اني فقدت جزء من روحي وعقلي
اني احبه ....لا مو بس احبه اموووت عليه اعشقه بكل عيوبه وجنونه وحنانه ورجولته
ليش

من بعد ما وصلني جواد بذيج الليلة
ومن بعد ما خطيت وعبرت عتبه بيتنا ...حسيت بضياع ....حسيت اني فقدت جزء من روحي وعقلي
اني احبه ....لا مو بس احبه اموووت عليه اعشقه بكل عيوبه وجنونه وحنانه ورجولته
ليش اكذب على نفسي ....ليش احكم على حبنا بالاعدام
هو اتوسل وطلب السماح والغفران اكثر من مرة
ليش اعاند والمن اعاند ....اعاند نفسي !!! لو اعانده هووو
اني وهو واحد حياتي باهته وباردة بدون وجودة يمي
ظليت ابجي ومن حسيت بأيدة على اكتافي
قررت ....القرار الصحيح
جواد زوجي وحبيبي ومسسسستحيل اتخلى عنه مسسستحيل
..............................

حياتنا مشت سعيدة .....مراح اكول حياة مثالية خاليه من المشاكل ...ليش اكو زواج بدون مشاكل
بس جانت مشاكل بسيطة وهي المسويه طعم بحياتا
يسموها توابل الحب
ابتعدت عن كلشي يضوجني والدته بقت على جمودها وكرها لكن من ولدت بنتي رنيم اتغيرت شويه وياي وصارت بعد احسن واحسن من ولدت ابني الثاني محمد الي صار بعد مرور سنتين من ولادة رنيم ....جواد كان اب مثالي يحب اولادة بشدة ويخاف عليهم وعلي ...حبه كل يوم يزيد ومينقص
ساعات احسد نفسي عليه واحمدالله واشكره لان هو صار نصيبي
جسمي صار مكتنز شويه وصرت ادور وصفات للرجيم بس جواد حبيبي ماقبل وكال ابد ماكو شي اسمه رجيم اني اريدج هشكل مربربه
حيدر معرفنه عنه اييي شي
سمعنا كالو على اساس سافر للنرويج
الصراحة ميهمني مدام اني سعيدة وي زوجي واولادي
جنت نايمة على الجربايه من بعد نهااار طويل وي الجهال حسيت باصابيعه تتسلل من جوا الغطا
يريد ينزعني قميص النوم الابسته ...
همست بدلال
اوف جواد شدسوي تعبانه ترى اجلها لباجر
جاوبني بلهفته ورغبته الجارفه الي منطفت من يوم التزوجنا بيه لحد الان
_ ماكو تاجيل رنومه وحمودي يردون اخ او اخت الهم حتى نوسع دائرة العائلة ....تعالي دشوف هواي انطيتج مجال
وكالعادة اخذني بدوامة متنتهي واصلا ماريدها تنتهي لان هي اجمل دوامة عشتها بحياتي وهي
دوامة عشقه الازلي

#النهاية
وانتظروني بقصه جديدة😍

#عاجل ⭕️
💥 يعلن مكتب سماحة السيد السيستاني (دام ظله) في النجف الأشرف للمؤمنين الكرام أنه لم تتم رؤية هلال شهر #رمضان_المبارك بعد غروب اليوم الخميس (٢٩/ شعبان) في العراق وما حوله من المناطق، وعلى ذلك يكون يوم غدٍ الجمعة آخر ايام هذا الشهر المعظم ويكون (يوم السبت) اول ايام شهر رمضان الفضيل. نسأل الله تعالى ان يجعله شهر خير وبركة لجميع المسلمين، ويوفقهم لأداء صيامه

‏رَمَضَانُ جِئْتَ… فَلا تَسَلْ عَنْ شَوْقِنَا
يَالَيْتَ كُلَّ شُهُوْرِنَا… رَمَضَانُ!💛

طريقة مكياج سموكي...طبعا اللي تريد تبرز عينها وتبينها أكبر🙊 كون تخلي الجفن السفلي بايشدو نفس لون الجفن العلوي.فيعطي جمالية للعين أكثر😍. #ملوكه