ا مقتنعه ومداخل بالي رجال بكد ابوهه تدرين عمره نص من عمره بس شسوي لزمونه من الايد التوجعنه واله شمس كال ماانطيه الهم حتى لو ابنهم عدنه شنو مارايدينهه
ابنهم يكبر ياخذ وهي شوف حياته

بس هاي كدامج مقبلت ضلت تكمز وتبجي واخوه مايريد يضلمه وكلهه فكري عدل حياتج هم مهمه مو بس لبنج اول اول تالي مرده الهم

بيبي كالت يمه همه ناس ميبيعون بزرهم اكو ناس ميهمهم بزرهم واكو ناس تذبح لجل ولدهه والضنه عزيز لو كبر ويحله بعينه وشوفه يوم عن يوم يكبر وسوالفه وضحكه تكبر ويا شلون تردين كلبه ينطيه تنطي الهم وتزوج قابل كلبه جلموده ومتحس

امي كالت هوه بعد صارت الهم وتتحمل قرارهه مومثل الاولاني تكوم تكعد تعيرني بي هذا اختيارهه ومحد ضغط عليه

اني اكل واسمع ممدخلت كملنه شلت الصينيه للمطبخ
الجو فتح

باوعت الساعه راح اصير ب ٦ رجعت للغرفه جهازي يدك

باوعت قادر يتصل شكو فد لا يمن بي شي

فتحت خط كال الو صباح الخير

صباح النور

كال كاعده لو ستوج فزيتي

لا كاعد

كال شويه وامر

كتله ليش شكو ياستار

كال ماكو شي بس يمن كعد قبل ساعه بجه يريدج

خاف لان جوعان سويتلهه ممه

كال اي سويتله ومقبل يشربه هوه هيج يفز ويبجي
من جنت اجيبه ينام لصبح

كتله لا هاي صارله فتره يفز مخروع مرة كمز من صوت الجدر دنطبخ وطاح من الطباخ وضلت بي الفزه

كال هاهي عبالي بي شي استغربت من بجيه نعلعله ابن الاوادم نعلعله شيب الخلفوك استغفرالله

صوته صار بعيد وطكطه يمه

رجع اجاني صوته كال هذا بال عليه خرب

هههههه ليش ممحفظ

كال شدراني غير بيبيته بدلتله الحفاظه

سمعت عمتي تكله شبيك صيح ليفز الولد

رد عليه دنعل ابهاتهم للكواوي..... شوفي يكول شارب قارورة مي ترسني

كال ديله يابه من اطلع للدوام اجيبه ردة انطيج خبر

كتله هاا شوكت

كال هسه بسته بسعه وربع تلكيني يمج

سديته

كمت طبيت سبحت

طلعت انتعشت المي بارد والجو حار وسبحت الصبح تنشنش الواحد

دخلت طلعت تراك صيفي ربع اخواني من نوع ميحاسبون اذا لبسنه داخل البيت وحتى برة لبس حلو مو كلش ضيك ميمنعون اله عيالي

واهاليهم لأن سادة وخواتهم اغلبيتهن ماخذات سيد ملتزمين عبي واكو بواشي ولبسهن جوه العبي كله جبب لو صايات اني الوحيده المزوجه بيهن ملبست عبايه

قتيبه جان ميدقق يشوف ردائاتي عراض واني مو سمينه جسمي ميبين منهن بس من البس داخل البيت يبرز جسمي وجان ميقبل على دشاديشي تراكات الالبسهن عراض

هسه بيت اهلي سمنت والاشتريهن مااشتري عريض ولاضيك راهيات

لبست فوك التراك مشمر صيفي مشجر

كملت تنشيف شعري ضفرته مكابله المرايه خليت مرطب

كلت مدام بده واهسي دخلي اكعد اقرة

صدك بلشت بلنكليزي كعدة احفظ كلمات واترجم من الكوكل لازمه مسوده الورقه امليهه كتابه لحد مااحس الكلمه طبعت بالي وارجع على الثانيه لحد محفظة ١٠ كلمات

دك تلفوني باوعت هوه رفضته

كمت باوعت الروحي وجهي شاحب خليت مورد وحمره وردي خفيفه

طلعت المشمر غطيت راسي بي

شفت نائل وشمس يتريكون وامي تحجي نسوانكم عوزهن طول وطلعون بله ريوك جا اني المن مزوجتكم بس التالي اليل

طلعت للطرمه واضحك عليه فتحت الباب مديت راسي

نزل من السيارة نفس قيافته والزي يخبل عليه ماخذه بطولة

تقرب يم الباب صباح الخير

كتله صباح النور

رفع الراسه والنضارات لابسهن

كتله شنو يمن وين

التفت للشارع رجع باوعلي نايم مقبل يكعد وام قتيبه مقبلت ازعجه فعفته العصر اجيبه

دنكت ماشي مومشكله

تنهد كال شلونج

رفعت راسي الحمدالله ضليت بحيره اكله اتفضل لو عيب من خواني

كال بس التفت منا ومنا شاف ماكو احد ادنه للباب دنك عليه باسني بخدي اشتميت عطره حسيته سحب نفس من خدي وخر

دكات كلبي اسارعت

ارتبكت ضليت مدنكه

خجل على توتر

كال خوانج هنا

رفعت راسي يصرف براحه

كتله هااا اي موجودين ديتريكون

كال يله اني وراي دوام محتاجه شي

كتله لا سلامتك

وكف صافن نزع نظاراته

كال بس شويه فوتي جوه

كتله هواني جوه حتى راسي ممادته

كال ادري بس شو

دفعني على كيف مسافه وايده على زندي وهوه دخال ورد الباب

باوع على باب المطبخ وباب الهول وباوعلي

اباوعله اكول هذا شيريد ايسوي

كال وين يتريكون

كتله بلهول ليش شكو تريدهم

كال باع هاي شسوي بيهم هسه هاي سالفه دروحي شوفيهم وين بدون متكليلهم عليه

كتله شكو

دروحي

بعدني ستوني اريد اروح

صاح شو تعالي كوه صابر

جرني اله وباسني

مستوعبت من قوت بوسته قاومت وخرت رجعت اليوره

باوعتله عيونه ذبلن

ارتبك

كال احمم اني اروح والعصر مثل مكتلج اجيب يمن ونكعد عندي حجي لازم نحجي

رفع راسه ورجع باوع لباب المطبخ
ماعدكم ختله منامنا

كتله قاادر روح رفعت اصبعي مره ثاني لتتقرب

كال هوه اني رايح اتقرب لزم اصبعي كال هذا مره ثانيه اذا رفعتي اكسرة الج

جرني باسني براسي وطلع وسد الباب

اني على وكفتي هذا مسودن لو راكبه جني

طلع شمس شافني وهوه يلبس حذائه

شنو شعدج يم الباب

ارتبكت وبين

عليه لبس وتوجهه للكراج

كال شبيج ليش هنا واكفه

كتله مو قادر اجه وطلعتله

باوعلي مستغرب سد باب السيارة واجاني

وصل قريب كال ليش اجه شيريد

هااا علمود يمن مماخذله ملابس وطلعتله ملابس

كال شنو مستعجل من الصبح

لا مو يمن بايل عليهم وملابس ماكو وهو هم عنده دوام يوديهن ويرجع الدوامه

ديله فوتي

فتت طيارة طبيت للبيت وكلبي لازمته والله عيب لو شايفنه

لاكتني تقى كالت صباح الخير عروس ضحكت

كتله صباح النور تقربت باستني بخدي

باوعتله مستغربه وخرة وهي تضحك

شبيج لج

كالت منوره اليوم وكاعده من الصبح منعرف الخطوبة تخليج نشطه

باوعتله وهي طكته بصحكه زمخ بيه نائل وهوه بلهول

صووووتج حيوانه.

اتفاجئة هي عادي مهتمت كتله شبي نائل يغلط

خلت القوري وشعلت الطباخ

باوعتلي وغمزت متعاركين

كون هنيالج متعاركين وهيج فاكه حلكج لو متراضين شسوين

اجت كعدت كبالي انزللكم بسيت النوم وضحكت

كتله والله مو صاحيه شبيج

كالت اي والله شفت منظر العشاق ودوهني

كتله هاا ياعشاق من الصبح متابعه مسلسل

تمطت واحله مسلسل لو شفين هههههههه
شون البطل باس البطله

كتله خبال اليوم طاكات فيوزاتج

كالت لاولج اني طحت بلبطل لو ادري بي هيج جنتل مان

اعوفه من امداني

هاي شتقصد كتله تقى صدك شبيج تمسلتين من الصبح

كالت اسكتي من اضوج اكوم اخيط واخربط

تنهدة حطت راسه على الميز

كتله نائل شمسويلج

كالت ممسوي شي بس هوه طبعه شكل واني شكل

مراة حجيي وشقاي ياخذه صدك ويصدك ويزعل

كتله اني مرات هم هيج بعدين من عرفت طبعج كمت حتى لو تحجين صدك عبالي شقى

غمتني امداج شون سمعه

كامت طفت القوري وصبت جاي وطلعت جبن من الثلاجه ورجعت كعدت

ضليت كاعدة اجه بالي قادر وبوسته محسيت على نفسي تلمست شفايفي

تقى طكته بضحكه حتى غصت بلكمه بلعته وهي تضحك

اباوعله صدك خبال رسمي عطت بيه شبيج

سكت ورجعت شربت جاي

كالت اذكرتي البوسه وغمزتلي

فتحت عيوني

شمدريج

كالت على شنو

على الكلتي

كالت هوه اني شكلت

كتله تقى لتخليني اكوم انتفج احجي وين شفتينه

رفعت ايديه والله بريئه شعليه

كتله غير تحجي ياالله

على كيفج من غرفتنه فتحت البرده اشوف سيارة نائل مجوده لو لا وشفتكم يم باب الشارع يمه غير شوفه معت

كتله كبر متعرفين سدين البرده

كالت واني ياهو مالي انتو متستحون وسوهه من الصباحيات مفطومين

كتله والله هوه كال اجيب يمن وطلعت مجايبه جرني وباسني

خلت ايده على خده بس تدرين نيالج

رفعت حاجبي على شنو

كالت طول وعرض وشخصيه وفوكاهه يحبج

ضجت منهه وانتي ليش هواي مدققه بي

كالت لاوالله لتخافين اني نائل احبه وماعندي هاي السوالف لو بعشره مثل خطيبج ماابدل نائل

بس نباء نصيحه حافظي عليه هواي بنات حرام يكدرن ياخذنه مدامه يحبج جري الجانبج وخصوصن عنده وحده مثل نهلة

كالت اوووف يانهلة اندري وين لكاهه وجابه

كتله اقارب امه من بعيد عود لان ملتزمه صوم صلا

كالت ويعع شكد اكره هيج ناس عبالهم بلصوم والصلا

كتله ربج مشافه شمس غير طلع بعد مراح قادر بدقايق

كالت ههههههههه جان شاف صورة وصوت

دنجبي

كالت عمي حقه ميصبر وانتي براطمج منفوخات من الله

خايبه لعبتي روحي براطمي شنو تخيلت البعير وبراطمه

ضحكت هاي الماعده حلك حلو يقلد على العنده نسمي براطم

كتله وانتي حقه نائل يزعل منج ويعاقبج سوالف اشكك الواحد

كامت وهي بيده كوب الجاي حطته على السنك

كالت شسوي نباء اني الله خالقني هيج شكد حاولت اغير حجيي مكدرة

اهلي متعودين عليه نائل جان يعرفني ويعرف طبعي

كتله عادي فترة ويتعود

عفته تعزل المطبخ طبيت للغرف كابلت الملازم والكتب

مدامني اقرة الموقف يجي على بالي واخذ صفنه

اكوم افتر واجبر نفس انسه صدك نسيت وغطيت بلدراسه لل١ كملت

كمت لبست ردائي واخذة كتبي طلعت للهول وبيدي شالي

امي وبيبي وندى وجهالهه كاعدين يتغدون بلمطبخ خالين كونفيره تبرد المطبخ

باوعت مسوين مقلوبه وروبه وزلاطه

صحت ليييش الخيانه متصيحوني

امي كالت وسم اليسمج ادبسزز صوتج

كتله لعد اشوفكم تاكلون ومصيحيني

كالت منو لازمج تدرين هيج وكت انصب مااجيتي

مالحك

بيبي كالت دكعدي اكلي مدامج شفتينه دناكل

بسته لا حبيبي يادوب الحك المدرسه متانيتني

عفتهم يتغدون وصلت نص الطرمه صحت ضموووولي ماعون مقلوبه

مشيت للباب

طلعت امي من المطبخ تريد اتكضني حيوانه فضحتينه الجيران كلهه سمعت

طلعت وسديت الباب اضحك عليه

لزمتني ام وئام سولفيلي شصار وياج

سولفتله على الخطوبة وكلشي صار

كالت هاي هي مدام وافق تكملين دراسه امورج تمام تبقه عندج شغلة تتقبلينه وتقومين بواجبه كزوج

كتله شنو لاوالله مااخلي يلمس اضفر من اضافري اذكرة بوسته الصبح سكتت

كالت هاا كلامي صحيح مو

كتله لا وماايربطني بي غير يمن

كالت دتعالي نكمل عوفج بعدين من تكونين يمه وشوفي يصعد الغرفته تبدي عندج نار الغيره وتبدي حرب الضراري

سكتت وكلبي لزمه حسيت بوجع من كلامهه

حتى بيومه مستوعبت كل الشرحته

رجعت افكر بكلامهه واهسي كله طيرته

لليل افتح الكتاب واسده من اذكر استغفرت اريد اقره

نفتح الباب دخل أدم ولازم يمن من ايده كال عمى جبتلج ينن عود يمن

يمه فديت يمن وفديتك انتو كليباتي

فتحتلهم اديه اجو حضنوني بوستهم شلت يمن الحظني شايل بيده لعبه ماطور يسميهه عننن

هههههه ماما ممشتاقلي رفع راسه باسني جريته شبكته حيل

التفتت على أدم منو جابه

كال عمو

كتله ياعمو

رفع كتفه عود ماادري

طلعت فتت للهول الداخلي صحت يمه منو جاب يمن

كالت تعالي طبيت للهول الجبير واشوف قادر وعمتي ام قتيبه وامي وبيبي

فشلت ماكدر ارجع شعري جنت لامته طوبه نازله وخصله جارته الف بيه بأصبعي واقره

وتراك الصبح حتى مسابحه من الصبح

امي عيونه طلعن تراكي ربع ردن متكدري تكلي ارجعي بعد صار حلال شوفتي

عمتي شافتني كالت هلا بعروستنه

دنكت بوسته رفعت راسي كتله شلونك

بخير دامج زينه

كتله الحمدالله

امي كالت نباء روحي سوي جاي وتبتسم من بين سنونه

عمتي كالت لالا يمه لسوين اي شي هسه تعشينه وشربنه جاي واجينه

جرتني كعدي عدنه حجي وياج

كعدة ويمن نزل من ايدي كعد يلعب بلماطور

ماارفعت راسي ولا درة عليه

كالت يمه مدام امج وحبوبتج موجودات
كدامهم يصير الحجي

قادر سبوع بلهواي ويكمل الغرفه انتي تكعدين فوك بلغرفه المقابيل غرفة نهلة والجوه اني مااقبلت تتغير لو تطلع غرفة قتيبه

بس هوه كال نتبرع بيه المحتاج وبثوابة عاد اقتنعت بس غراضه انقلهن ولو هوه سوده عليه ماعنده غراض هواي هديماته وتصدقت بيهن قبل يومين

فأنتي بكيفج تردين الفوك لو الغرفه الجوه
اني كلت نحط نهلة جوه حامل وجنينه ضعيف ويوميه نازفه منو يصعدله الاكل وينزله صعبه حركته
وانتي تاخذين الغرفه المقابيل ال على الصاله

امي كالت هاي الامور بسيطه ميرادله شي ظرته خطيه وهمه الله لطف بيهم وصار عده حمل

عمتي كالت هي هم تكعد بيه على مزاجهه
كالت ها شكلتي كتله ميخالف

والشغلة الثاني يمه تعرفين بيه اني تعبانه مابيه على الكعده والكومه مو بحيل كبل

موتت قتيبه اخذت كل حيلي والبيت فارغ عود جانت نهلة تسوي عشه وغده الله يجازيه للمره ممقصره من هاي الناحيه

جنتي من تجين تنظيف وطبخين ومرته معلكه فوك يكلي من اطب بس اشوف المطبخ اعرف المنظفته اليوم نباء

باوعتله شفته يباوعلي بتركيز ويه كلام عمتي

درت وجهي

بيبي كالت هي بنيتنه معدله احنه شنريد ياام قتيبه وحده معدله وتلم بيته ورجله

كالت والله مو كدامكم نباء بنيتي وعاشرته من وكت المرحوم جرعت المر وسكتت وقادر مو مثله ابني الله يرحمه طايش ورافقلي وين العفطيه

وكف قادر كال اني اترخص وجهه نظره لعمتي كال علويه من تكملين دكي عليه اجيج

كالت وين خويه مو ردت تحجي

كال لا غير مره اخذ جكايره ومبايله
رفع ايده فيمالا

طلع عمتي كالت كومي وره رجلج عيب

طلعت ورا التفت شافني ورا كال ليش جايه ورايه

كتله شمدريني عمتي كالت طلعي ورا

كال وهاي انتي متعرفين اله يكلولج

باوعتله اي مااعرف حجيته بنزعاج

كال وهيج طالعه ويأشر على لبسي

اي شبيه

كال لا مابيج شي الزنود طالعه والركبه والصدر طالع
وضاب عليج تفرين بي

فتحت عيوني كتله عيب ملابسه شي فاضح تراك صيفي

كال اي اعرف تراك بس مو ضيج وردانه طاير

هاي اني هيج البس يم اهلي متعوده

كال اي حبيبي تعودي تلبسين ردن او اكلج رجعي لبس مثل مجنتي يمنه دشاديش

رفعتله حواجبي همه منو موجود غير خواني واجناينه

كال وخوانج عميان ميشوفون جسمج

تقرب ولزم طرف البلوز كال الحياء حلو وخصوصاً للبنيه النبي ايكول ان لم تستحي افعل مااشئت وانتي اذا انزع منج المستحه يبدي اتعامل وياج بغير اسلوب البارحه عقدنه واليوم طالعتلي بهذا التراك

صدك كرهني بروحي نزلت راسي غوركني عيوني
وخرت ايده ورجعت ابجي بعدني مواصله الباب المطبخ التفت كتله اخذ عمتي وياك حتى زواج مااريد كال تعالي احاجيج عفته وطبيت للبيت كبل الغرفتي

تقى وندى كاعدة بلهول الداخلي شافني كالن هاا شبيج
عفتهن ودخلت قفلت الباب بجيت

كعدت على الجربايه شكد مكروه

شبي تراكي شو كمت للمرايه اريد اشوف شنو الخلل البي وهيج يحاجيني

درة شويه بي ضيق بس مو هيج يوجهلي كلام طلعني وحده بله حياء بله مستحه

هدئة دكو الباب تقى كالت امج تريدج

كتله كليله دتقرة واذا على عمتي هم كليلهم تقره

عافتني مغثوثه طير الامه كله من راسي اريد الزم الكتاب مااكدر كلامه يرن بأذني

شويه ندك الباب صحت شكوووو اليوم

اجاني صوت يمن مما

فتحته واكف وساحل علاكته بيه ملاعيبه

شلته وشلت العلاكه طببته

سبوع واني على وضعي اروح اخذ دروس وارجع سارة مرتين اجت وتتنسه بت الاوادم حامل كتله شبسرعه متكليلي قناص

كالت خمسه وخميسه بعينج

ازهر طاير طيور ماخذه للكاظم ومرجعه ممخلي شي مجايبه ومن هسه محظر يجهز البيبي

عمته زينه نص ونص من اشوف ابنه مرتاح تسكت عنه لان ساره من نوع عجوزيه وتنظيفه بطيء ونهارهه طير

ه هنا وهنا

قادر مطنش الوضع شككني انو ميحبني وبدل رئيه من شاف لبسي لا اتصل ولاسائل حتى على يمن مااجه شافه

وضعه قلقني لحد يوم صادف جمعة وماعندي دوره عطلتي العصر فارشه بلطرمه قريب على باب الهول

اقرة احياء واحفظ وشلون افصل الماده وافهمه من احفظه اكلب على ظهري واردد الحفظته

دك تلفوني رسالة ساده النت فتحته

منه كاتب افتحي نت وشوفي الصور

فتحت النت اجاني صور على الواتساب

حملن الصور باوعت غرفة نوم تركيه

لونه سمائي وابيض ونازكه مابيه هوسه احله مابيه ميز المرايه كله جام ومرايه كبيره عجبتني

ممتخيله احب الون السمائي

كتب هاا عجبتج

ثكلت روحي كتبتله زينه

ودالي ضحكه هم زين طلعت منج ال زينه

وصبغ الجدران مثل متحبين بس تبني

كتله تمام
اترخص عندي قرايه

وده على راحتج كلب

ابتسمت عيار ايريد يلغمط سالفته بلغرفه مثل متردين
قادر خالتك بالي والزمن كدامنه

رجعت كملت ثاني يوم عمتي اجت انطت فلوس نيشان الماما

اني على اعصابي اخذتهن ماريد الزواج هسه اريد الوعه شويه بس عمتي الكاضتني مااكدر علموده

مرتين اتصل ومارديت

وهوه طبيعته نفسه وكرامته فوك الكل ميلح ولا يخبصني مره مرتين وبعد ميدك

الصبح طلعنه اني وامي وتقى جهزت مكياج وعطور وغسولات  اخذنه رغم عندي بس ماركات جدد نازله اشتريت

بليل بس اني وتقى اخذنه نائل للمول اشتريت ملابس طلعه مكثرت

تقى كالت لاتكثرين تجي غير موديلات والصيف وراج شته اخذي كم قطعه والباقي ملابس بيت دشاديش على تراكات

تراكات كثرت بيهن ادقك ادقك يقادر اذا مااطلعلك كرون ولا دشداشه طويله اشتريت

تقى شافت محل داخليات جرتني هذا الادور عليه كتله ولي ولااشتري

كالت دتعاي ياعيني متشتري المن ماخذج يخليج مزهريه دمشي كدامي

نائل عافنه وراح على صفحه

وتقى فرة المحل فر نزل ونزل لحد مترست ايديه علاليك كتله تقى كلهن ذني تاخذيهن الج قطعه مااخذ

استغربت كالت ليش غير عرسج اني عندي شون تكضيه وياا بلدشداشه لو بلتراك مراح يكلج مونطيتج فلوس وين وديتيهن

سكتت مكدرة احجي شي

رجعنه واني هلكانه نائل طول طريق هوه وتقى يغنون وهيه طك اصبع جوه مترفع ايده

وهوه يسب بت الذينه ماخذلي مره لو صاحبي

وهي تضحك وتكله تلكه مثلي

كال اي الكه

كالت اي علمود اشكك

هوه التفتلهه بسرعه شكين منو

سوته بلضحك اشك ابويه ومااكدر اشكك

كله دنلصمي لتمرضتين

جهزت كلشي بلشت الم بغراضي امي كلما يقترب موعد العرس تتكئب وتعزل نفسه لو تطلع البيت خالي هي وبيبي

ادري بيه تشرد مشوفني شلون الم غراضي

بقن يومين على نهاية الاسبوع واني لحد الأن ممشتريه فستان العرس

ودالي خبر بيد عمتي ماكو عرس ولاهوسه

دائماً اشوفه موجود على الواتساب ومااحاجي كلبي مورم منه هواي أذاني وتماده بأذيته

اليوم لميت ملابس يمن والعابه صارن كومه جنط

و لازم يجي ياخذهن خابرت عمتي كالت اليوم راح لديالى عدهم مؤتمر

ندى كالت خلي الزغير عندج واني وتقى ياخذنه نائل نرتبهن الج كيفت

صدك اجه نائل الظهر اخذهن وراح امي كاعده تشرب جاي شلت ابن شمس أيموني

ورحت يمه الممه بيدي

كعدت كالت راحن يصفطن الغراض

كتله اي

تنهدة وتباوعلي بقلق

كتله يام شبيج موعلى بعضج

كالت مقتنعه بلسويتي

كتله لا

كالت ليش ذبيتي روحج هلذبه

تدرين علمود ابني

كالت ابنج قابل يموت يمج ضال

كتله يمه حتى لو يمي شوكت ميكبر قادر ياخذ اذا ازوجت

كالت شمدريج يجوز يعوفه

كتله يمه انتي متعرفي هوه ربا ويحبه متصورين يرجف عليه وهوه محروم من البزره شاف يمن ابنه

كالت هاا انتي كلتيه محروم مرته حامل من جيب ينسه يمن وعشيرة يمن

كتله لا همه هذا طبعهم وهو يحب عمتي وعمتي روحهه بي ميتركه الي ياخذه ويحرمني منه

كالت وتضحين بروحج يمه هم جبير وهم على ضرة

يمه شسوي هذا ابني دمي بي عيوني الاشوف بيهن هوه مستعده اموت علمود راحته المن اخلي منو يربي نهلة هو حمودي الهادئ متكدرله عاد يمن الحرك تلزمه

عليج الله انتي لو مكاني تركين ابنج الاحد

ذبت حسرة يمه اني علمودج بعدج بشبابج ليش تربطين نفسج ويه انسان باجر عكبه يصير عليه شي وشغله خطر لشوفين رتبته وهوه تره مكانهم خطر والوضع موزين والزمن ماخذ من عمره اباوعله مويمج جبير وحتى ضخم عليج يمه فكري وتكدرين تتراجعين مدام بعدج على البر

يمه اني  وياج اعوفه وارجع وازوج واحد بعمري او اكبر مني بشويه وابني تتكفلي انتي تربي دايمتله لا منو يتكفله وشون الي كلب اعوف ابني يمكن ينطوني بلشهر كم يوم اشوفه تكفيني تغمضلي عين

شون اعيش من غير ماهوه كدام عيني يمه ترديني اموت تره ميهمني الكبر والعمر والشريجه كلهن موبالي البالي ابني يضل بحضني مااعوفه لو اخذلي رجال بكد جدي يمه لتوجعيني تره كلبي ينزف والله

عشت مدولبه ماريد شي من هل دنيا غير اعيش براحه متحملت الملامه الكل عبالهم اريده عبالهم هين عليه اخذ رجال بركبته عائله

ماانسه جبروته وخلاني امام الامر الواقع جبرني اخضعله وكل هذا اكول يهون لعيون

ابني وضحكته

هواي امهات ذبن جهالهن على ابوهم وشافن حياتهن وهواي اطلكن واخذو جهالهم وهواي عافو بزرتهم يم امهم

واشوف كومه نسوان مستعدات يتركن بزرهن في سبيل يزوجن

واكو هواي مزوجن وربن جهالهن لحد مصارو زلم وبنات

اني مجرد اتخيل يومي بله ابني اموت الف موته يوم اليروح يم بيت جده مااترك عمتي كل شويه مخابرتهه اطمئن عليه

مالي بلزواج نصيب غير ابني

كمت من امي واني مطبوكه عليه حايره شلون اصرف نهلة لوعرفت شسوي

قادر ممهتم للوضع الدرت او لا اني ماريد منه غير يعوفني بحالي وابني بحظني

هوه باله اعيش ويه حيات زوجيه مثل اي ثنين مزوجين

بيالغه احجي ويا ويفهم عليه بياقاموس الغات احجي ويكلي التردي يجرالج

مرن اليومين بسلام تام مجنبه الكل اعصابي مشدوده

تقى طلعت هي وامي جابلي فستان ابيض وتطريزه ذهبي تصميمه ردن ضيك الصدر فتحه بسيطه وتطريز من كدام احزام من الخصر وكلوشه من جوه الحاشيه تطريز ذهبي الردن بس من الكتف ونازل لنص الزند تحفيره ناعمه وبسيطه

اتصل مرديت متوتره واعصابي كلش منتهيه كلبي يدك على السريع مااعرف اصرف احس روحي استعجلت بلزواج

لو باقيه بلا زواج افضلي كل مااتخيل موقف نهله صدري يقبط شذنبه وشذنبي

وصلت بيه ادعي على قادر انسان مستبد وأناني ميفكر بمشاعر الغير اهم شي نفسه مشاعري مشاعر نهلة اخر همه

فززني صوت المسج

كاتب بيج ومتردين مضل شي باجر حظري نفسج الصبح امر اخذج نعقد بلمحكمه

تلفت الجهاز على الحايط تفلش

مااكدر اتحمل

................ يتبع

الانسان مهما يتخذ من قرارات فهناك ظروف خلف كل قرار لاتحكمو عليه من النظره الاولى الحياة صعبة ومجريات الحيات اصعب لكل قطار  الى محطه

اذا شعرج قصير وتردينه👆 يبين كثيف

حبيت 🥺💕تسوي الشكل كيوووت مرهـ


#اعـاده_توجيـــہ_لتنسون
#ملوكه

أنواع فرش🙃 مسكارا

بالنسبة الي أحب شكل فرشة🌚 الثالثة والرابعه

#اعـاده_توجيـــہ_لتنسون
#ملوكه

أحسن الماركات بألوان🙈❤️ الروج هي من ماركة سيفورا

#اعـاده_توجيـــہ_لتنسون
#ملوكه

الالوان تجنننن..خاصة الورديات😍

#اعـاده_توجيـــہ_لتنسون
#ملوكه

#نصائح_لتنظيف_المطبخ 😎😘

💫1--لتنظيف سيراميك المطبخ سواء كان الجدران او الارض يذاب قليل من الخل الابيض وقطرات من عصير الليمون فى ماء فاتر ويلمع به السيراميك فيرجع له بريقه ولمعانه "
😍😍
💫2--لازالة اثار البيض من الاوانى والمعالق تفرك بقليل من الملح الخشن وتشطف بالماء الساخن وتجفف "
😍😍
💫3--من نصائح مجربه تغسل الثلاجه مره كل عشر ايام بالماء والصابون وتشطف بماء به خل وماء ورد "
😍😍
💫4--بعد عملية تنظيف الثلاجه لاتستعمليها ولا ترصى فيها الاطعمه لمدة ساعتين "
😍😍
💫5--لتخلص من الدهون داخل الزجاج اغسليها بماء ساخن وملح خشن "
😍😍
6--حاولى تنقعى المفاتيح الخاصه بفتح المعلبات فى خل وليمون مره كل شهر ثم شطفها وتجفيفها حتى تحافظى على حدتها"
😍😍
7_اذا اكو ريحه مو حلوة بمطبخك من الاكل حطي قشر ليمون فى ماء واغليها على النار من غير غطا رح تشمي احلى ريحه في المطبخ

#اعـاده_توجيـــہ_لتنسون
#ملوكه

رح انزللكم 😍التحضيرات والتجهيزات اللي تسويهن بحفلات أعياد ميلاد💕..الصور تجننن..فتابعو وياي😎👇🏻

#ملوكه