لامي محققتهن وناويه ابدي بيهن سواء من ازوج او يمكم

كالت وشنو هنه احلامج ست الحسن

كتله معليج يمه اطلعي منهه اني اعرف اصرف وتعرفيهن لتخافين يجي وسمعيهن

سكتت وهي تكول حسبي الله ونعمه الوكيل نشوف شلون تفض سالفتج

امي انطت خبر الأم الولد وكالت تريد اشوفه بلاول ويتفاهمون بيناتهم ونطلع من خطيتهم

العصر اجه قادر جاب يمن وراح

يومين وانطونه علم بجيتهم العصر الولد وامه

لبست نفنوف ماروني وشال مخليت مكياج غير الحمره الوردي بناتيه فاتحه والمسكاره

اجو تقى اجت واني واكفه اعدل بلشال وراهه نده لازمه ابنه

كالت  بلا متحطين هيج شي تتطلعيله

كتله ليش احط هوه  جاي يشوفني اكيد اطلع على طبيعتي قابل اغشه

ندى كالت هيج احلالج انت حلو ميحتاج تكثرين

تقى كالت دشوفيه وجهه  أصفر خلي بس باودر

كتله لا عوفيني

ندى كالت نباء شبيج مبينه كوه على اعصابج قابله

ابتسمت واني اشوف جهازي كتله لا بلعكس بس يمكن لان معدتي هليام مدري شبيه وهسه دتوجعني

تقى واكف ورافعه حاجبه كالت اكصهن الايديه اذا مو بدماغه مخطط والله مبينه ناوية على نيه كشرة

تقربت انتجة على الميز ليش احسج مهمومه حالج حال العاشك المجروح
فتحت عيوني ضربته على ايده اعشك ابوج مكابلتجن وكاعده وينني وين هلسوالف وبعدين  نيالي لو لاكيتلي واحد اعشكه

مااعندج اخ ابن عم بي حظ ارتبط بي

ضحكت كلهم فاول ميجون يمج يراد واحد يلوكلج

شويه صاحت امي ندى وتقى وراي طلعن كالن اخذي الشربت ضيفيهم

اخذته وكل خوف مابداخلي مااعرف هلقوه منين جبتهه كانو داثبت النفسي قبل الكل اني صامده محد يكدر يهزني

امي والمرة كاعدات وحده بصف الاخ شمس والولد واحد مقابيل الثاني كلت السلام عليكم الكل رد

ضيفتهم وخليت الصينيه على الطبله الخشب بلوسط امي صاحت تعالي يمه هناا كعدي بصفي مقابيل الولد

مشفت شكله مااريد ياخذ نظرة عني جريئه واتنوعله صوته بي نبرة خشونه

بعد مخلصو كلام امي كالت نعوفهم يشوفون بعض ويتفاهمون

المره كالت يمه جهاد هاي نباوي شوف جنه كمر

الولد كال الله يحفظه شمس وامي والمرة طلعو للهول

ضلينه ساكتين اني مدنكه مستحيه ارفع راسي

اجاني صوته شلونج

كتله الحمدالله بخير

سكتنه ثنينه رجع كال متوقعت زغيره من سمعتهم يسولفون ويسمونج ام يمن عبالي جبيره بلعمر

ابتسمت مجامله

اول شي اعرفج بنفسي اسمي جهاد عمري ٣٤ سنه
مزوج من خمس سنين

قبل سنه طلكة مشاكل على الخلفة وهي متحملت والسبب منهه حاولت ويااهه كانت متريد ازوج وطلبت الطلاق

شغلي عندي احواض سمج اربي وكت الحصاد نبيع وعندي محل مواد غذائيه

وحلال ويه والدي شراكه

كال اي كالو عدج شروط للقبول
رفعت راسي من شافني ابتسم

جهاد اوسم على مسمى مال واحد يجاهد بي اسمر وسماره مائل للسواد مدري للحمار اسمر طوخ على حمار

بداية تصلع عنده وكصته تلمع عيونه كبار جاحظات طويله متوسط صاحب اكتاف عراض جالط روحه لا لحيه ولاشوارب يمكن صابغ شعره اسسود لونه فاحم لابس بنطرون وقميص صاصي ومقلم بخطوط سود وبنطرون اسود

حسيت روحي ممرتاحه بس اريد اطلع  يربي هذا منين اجاني

بعد مرفعت راسي كتله اي عندي شروط

ضحك بينن اسنانه همزين مرتبات كال اي تفضل اسمعج

اول شي اني بداية السنه ناوية اقدم خارجي وامتحن اذا نجحت اقدم كليه

كتله شرطي الثاني السمعته عاداتكم المره تلبسوهه عبايه وبوشيه اني تعذرني لاالبس عبايه ولا بوشيه مااكدر عليهن

شرطي الثالث والاهم ابني اذا ازوجت بيت جده يطالبون بي واني الحظانه الي لاكن اذا كان زوج الام مستعد يتكفل بحظانته وماعنده فد مانع

حجيتهن دفعه وحده اباوعله يتفحصني جزة روحي

كال هاي هيه

كتله اي

كال شوفي يابنت الناس أنه ماعندي مانع من حظانت ابنج واعتبره ابني ويربه بيناتنه

اما عن عاداتنه فهيه مثل ماهيه متغيرة نسوانه محتشمات مطالع من عدهن العيبه ولا واحد اجه فد يوم عيرنه بنت او مرة اما العباية والبوشيه من خوفنه منريد الغير يطمع بيهن اني من ابوش مرتي والبسه العبايه من غيرتي ماريد يشوفه احد غيري وانتي بولايه وممتعوده وشوفيه شي صعب جربي مرة مرتين ومن شوفين بنياتنه تحبينهه وتتعودين مثلهن

اما موضوع الدراسه ليش هسه فكرتي بي مو من قبل الأعرفه انتي مترمله من سنتين

كتله ابني زغير ويرادله مسؤليه منا لمن ادخل جامعه كبران ويعتمد على روحه

كال يابه ماعندي مانع اذا تردين تدرسين هذا طموحج وشي حلو تتعلمين بس مال تطبين وطلعين بلا عبا وبوشيه وخصوصاً انتي ماشاءالله حلوه وتجذبين النظرة اني عن نفسي صريح اقبل بكل شروطي بس هذا الشرط تعذريني بي

كتله اني هاي شروطي

كال فكري وشوفي كلامي وتلكي من مصلحتج يابه احته بناتنه عزيزات علينه الهوه اليمر من يمهن نخاف منه

كال ياالله اني اترخص طلع واني طلعت امه وامي كاعدة

ام الولد كالت هاا يمه يحليوه ان شاءالله خير
ابتسمت وهزية راسي هي ضحكت

ان شاءالله الله يتمم على خير وصيرين جنته وتخلفينه وحيد مثلج حلو ابتسمت كوه

مردية دخ

ل شمس كال خاله جهاد يكول يلله

عفتهم وشردة للغرفه و معدتي تكلب محبيته مكدرة اهضمه

تقى وندى اجن وراي كالن شبيج مصكصكه

نزعت الحجاب شمرته

ولج انطني مي اختنكت

تقى ضحكت شبيج جنج وحده صاكريه

كتله اسكتي اسكتي يمه متت كوه كاعده ومكابلته

ندى هههه غير تحجي شبي محلو

كتله حرام ولج خلقت ربج والرجال ميتعيب عيبه جيبه

تقى كالت لا ولج عيبه بلباسه

ههههههه جبيتيه عدل

ندى ولج موحلو مبين من امه

كتله غير كصته متر استغفرالله مااريد اعيب بس والله من شفته كام وكرشه جنه كرشج بشهر التاسع

اجيت ازوع كدامه

تقى طكته بضحكه هذا مشبكي شبكين الكروش

ضربته بلمخده وييعع طاح حظج شكد سخيفه

ندى كالت يجوز خوش انسان

كتله والله هوه مبين من كلامه خوش انسان ومؤدب بس مشكله مشكلتي عيشتهم صعبه وكتله شروطي وافق بيهن بس يريدني بوشيه وعبايه واني اموت ولا البسهن

كالت يجوز من تحبي تقبلين بيهن وهواي تره مزوجات ومبوشات مومشكله

تقى كالت دسكتي انتي الثاني وين عايشين بوشيه قابل منين يخاف عليه تاكله الناس

كتله ممقتنعه بلفكره كلهه وحتى شكله ممتقبلته

ندى تنصح وتقى تحشش واحله شي راحت واجت  لابسه عباية امي وسوت الحجاب نقاب

امي اكصيرة وهيه طويله العبايه وصلت جوه ركبته بشبر منظرة يخرب ضحك وسوي حركات الخفاش ندى غصت

اخير شي كامت تصهل وتركض والعبايه منا ومنا طايره

امي وكفت كالت خبال الخبلج ولج زرافه شجابج على عباتي ادبسز تقلدين عليه لان كصيره

هي كعدة من الضحك اني متت عليه امي كامتلهه بلنعال شردة اليفوك

ندى فحطت وابنه تريد اترضعه متكدر

لليل اذكر منظر تقى و شلون تركض مثل الحصان واضحك

يمن ناسيته ماخذه خاله شمس للمحل ويه أدم

عمتي خابرة امي تجي شوفنه على باجر تريد تروح عمره

بيومه سويتله كيكه بله سكر بس حلات الككو والكريمه خليته

العصر اجت تلكيته حظنته بوستني دخلته امي رحبت بيه

كعدنه نسولف تقى يمي وكل شويه تكلي عمتج لبنانيه وجهه مدور وبيضه حمرة ومعانيه حلوه عيونه ملونه خضر

كالت هيه كيكه مو الكدامه

رجعت كالت يربي هسه اني يكلولي حلو لو يشوفوهه شيكلولهه

كالت اكلج بشبابه شلون جانت يمكن تكطع

تاكل وتحجي

كتله تقى كومي اغتصبيه وفضيني

باوعت عليه كالت اي والله جبتيهه شهكت عزه بعين امج ادبسز انوب مكيفه

كالت منحرفين شسوي اخوج علمني

عوجت حلكي فقيرة انتي

كالت دسكتي لاخالتي تسمعني وتكوملي بلطبله تكسره هلمره فوك راسي

يمن بحظن بيبيته مكيف بيه

مطولت رجعت بتكسي بعد مبريناهه الذمه باستني ورجعت بس طلعت ضايجه

ركضت الامي

يمه فد لا كلتي العمتي على الناس الجاييني

كالت اي كتله

اي وشكالت

مكالت شي سكتت

ليش يمه راحت مقهوره أستغفر الله يعني وكتهه

كالت شبيج واذا درة اول تالي مصيرج الزواج

يعني الا تحجين بطيخه بطنج متنام

كالت ولي مني لا اكوم انعنعج

تقى كالت واذا عرفت

كتله تنقهر هي منا مجلوطه ونخاف عليه

كالت هيج تحبيه وتخافين عليه

ليش لا غير عشت وياهم وتحبني وممأذيتني

كالت والله نيالج

كتله هوه اني بس هاي المحصلته الناس تتحسدني عليه

عفته لليل جهاز دك جنت اسوي عشه خالته على الميز

قاادر اكيد عرف

مرديت عفته

لل١٠ بعد مكملت عشه وغسلنه المواعين

دخلت للغرفه ويمن شرب ممه يله نام

غطيته ونزلت للسبلت يبرد وهذا يتكشف ليتمرض

نمت فزيت على رجت الجهاز باوعت هوه

شيريد مرديت وده رساله اذا متردين تلكيني باب بيتكم وغصبن  عنج اطلعيلي صير ادميه وفتحي الخط

شجعت نفسي وفتحت خط

اجاني صوته زمخ ليش متفتحين مجاوبين عود تحتقريني ادبسز طايحت حظ

كتله بسم الله هذا سلام لو شنو افتتاحيت خير

كال انجبي كلبه صارلي شكد اتصل وقبل ايام مجاوبين مستحيتي على نفسج

كتله لا والله مااستحي

كال هااا نزعتي الحياء

كتله اليعاشرك حتى ينزع اهدومه

كال بغرفتي سوينهن

بحلامك غمض وتخيل للتوقع مني شي بجانبك

كال والله عمي زين ست نباء

واذا اكلج اصيرين وانتي تجين

كتلك بأحلامك

كال اي سولفيلي منو هذا الجايج

اعتقد ميخصك الموضوع

زمخ احجي عدل لا اجي افرك حلكج نباااااء

كتله قادر معليك بيه عسى مدري منو شحارك دمك لتدخل بيه

كال شلون بيج تجبريني افشر واني لازم الساني الكوا...... بابا صيري ادميه واحجي عدل منو هذا

من عمامنه

كال هااا وين شافج

مشايفني امه شافتني

هااا خوش رفضتي موو

كتله لا داافكر هنا حسيت لازم افور دمه مثل محرك كلبي

كال بشنو تفكرين

كتله احتمال اوافق اذا قتنعت

كال هيج وابنج

كتله يمي

كال تتوقعين اعوفلجيا

كتله القانون من جانبي

كال ياقانون بابا خلي القانون ب....... ابهاتهم ياقانون

قااادر شرايد

ترفضين ونفس مااسمعلج

كعدة كتله انت هلمرة اسمعني زواج ازوج واكمل دراستي وابني يمي انتي مالك حق تمنعني ولا تجبرني متونس ومرتك بحظنك ليش لاحكني

كال والله عمي طلع لسانج المكصوص

لا جنت احترمكم انتو دستو عليه كاافي مل

يت اريد اعيش

وتتخلين عن ابنج

كتلك ابني يمي ماانطي لو اجيش العراق كله ابني متهددني بي

كال شاربي مو عليه اذا ازوجتي وخليت يمن يمج وحق الله وعباده اخليج تبجين دم ومشوفي وهذا السانج اله اكصه الج

صعد الدم الراسي من كلامه انت جبان لو ماجبان متهددني بأبني وانسان حقير وخسيس ونذل توصل بيك تهدد مره لا حول ولا قوة وتب
جبره تخضعلك بس والله وروح بابا ابني ماانطي واله اخذ الحظانه واذا بفلوسك ترشيهم ارفع قضيه بيك وبيهم كلهم

سديته واني ارجف غلقت الجهاز

....... يتبع

شوف اول حرف من اسمك؛
والبيت الشعري الي يقابله



( أ )♥
أشعل شموع الحب
وأرسل لك أشواق
وأكتب على العنوان
لعيونك انا مشتاق�


(ب)♥
بهمس لك أحبك
لجل تخفيها في قلبك
كل ماضاق بك صدرك
ترددها بهمساتي�


(ت)♥
تحيه من قلب حي
مامات إلا منك وفيك
لاتحسب غلاك شوي
كفايه إني ميت فيك�


(ث)♥
ثلج قلبي يذوب حين ألقاك
ياساكنا فؤادي ولست أنساك�


(ج)♥
جمال الصبح بنظرة عيونك
ونور الشمس مرسوم بجفونك
وكل الكون مايسوى بدونك�


(ح)♥
حبيب خيالـه راسخ في الفكر
ماغاب ولا غيرك أفرح به
ولا غيرك أسلى به�


( خ)♥
خذ من قلبي كل الحنان
يامن أشعر بقربه بالأمان�


(د)♥
دوم بالحلى موصوف
وبالوفا معروف ومثلك العين
عمرها ماشافت ولاراح تشوف�


(ذ)♥
ذبت في بحر ذاتك
فأين أنا منك
وأين أنا من حياتك�


(ر)♥
ربما تعجز روحي أن تلقاك
وعيني أن تراك لكن قلبي
لن يعجز أن يحبك ويهواك�


(ز)♥
زادني اللقاء شوقا إلى لقياك
فالحب يولد من جديد كلما ألقاك�


(س)♥
سألوني الأصحاب عن سكوتي
والفكر والبال
والقلب مشغول عليك�


(ش)♥
شمس الزمان لاتكفي
حبا قد أضاء دربي
فحبك ملأني حبا وحنانا�


(ص)♥
صارت دموعي أمطارا
في غيابك فأزهرت
بساتين أشواقي بحبك�


(ض)♥
ضائع عمري
قبل أن أعرف عينيك
فهل تقبل عمري
الآتي هدية بين يديك�


(ط)♥
طالما هناك روح في الحياة
وطالما هناك أمل ووفاء
فحبك لن أنساه أبدا�


(ظ)♥
ظمآن قلبي
فهل تسقيه من حبك
أم سيبقى مدى الدهرر
واقفا على دربك�


(ع)♥
عيناك ليل صامت في ظلمة
وأنا كنجم في العيون أغيب�


(غ)♥
غريق أنا في بحر عينيك
وماتعلمت الرحيل إلا إليك�


(ف)♥
في غيابك
لف دنياي السكون
وفي وجودك
تضحك أحزاني وتهون�


(ق)♥
قضيت العمر
أبحث عنك حلما
فوجدتك ساكنا
في قلبي وكياني�


(ك)♥
كلمات العالم
لا تكفي حبا
قد بات معي
في غدي وأمسي�


(ل)♥
لو أن الحب كلمات تكتب
لانتهت أقلامي
لكن الحب أرواح توهب
فهل تكفيك روحي�


(م)♥
ماتعلمت الرحيل إلا إليك
يامن أغرقتني في بحر عينيك
أسافر في متاهات الحنين
وأعود بأشواقي إليك�


(ن)♥
نهر حبك غسل كل بساتيني
وأزهرت أشجاري
وكثرت رياحيني�


(هـ)♥
هذا مكانك لويروح عنك الدفئ
لوتهاجر طيور الوفا
هذا مكانك داخل القلب
هذا مكانك�خوي


(و)♥
وحشني إحساسك
وحشي حبك المجنون
ياأروع حب في الكون�


(ي)♥
يسكن الشعر
في حدائق عينيك
فلولا عينيك
لاشعر يكتبً


#اعادة_توجيه_للفائدة
#ملوكه

🌼عزيزي المربي ،

✍🏻التعـلم باللعب أحد أحدث الوسائل في التربية والتعليم ،

🌂لأنَّ اللعب هو هواية الطفل ، وهو الوسيلة التي يتعرف بها على الحياة ،

#اعـاده_توجيـــہ_لتنسون
#ملوكه

🌼عزيزي المربي ،

❌لا تعطي لطفلك أمرا واحدا، بل اعطيه أمرين و اترك له الخيار.

💢فمثلا: تنـام السـاعة 8 أم 9 ؟
✨تشرب الحليب بارد أم حار ؟
✨تذاكر دروسك بغرفتك أم بالصالة ؟

🎈ستجد تحمسه لتنفيد الأمر ،لأنه من اختياره .

#اعـاده_توجيـــہ_لتنسون

#ملوكه

هاي طريقه
اني اشوفها احسن طرق بالحفظ للاطفال😎 ..وبعائلتنا مجربيها..عدنا كرايبنا ..تحٌفظ قران لاطفال اعمارهم من 4_7 سنوات

فاشون تحفظهم..كله بالالعاب..وماشاء الله عليهم حفظو فد جزء من القران عل هالطريقة😇💕..جربوها وي اطفالكم وبالاستمرار يوميا تشوفون😍 نتيجة

وبالنسبه للخطوة اللي جواها..كلش حلوة وتسوين نشاط او تشجيع للطفل ..انو يسوي فلانه حاجه

★ودايما بهج عمر..اذا تردون تسيطرون عليهم وتخلوهم يسمعون 🙂كلام ويصيرون هادئين ....حفزوهم اذا يسوي فلان شي..تطي لعبة او هدية او نستلة أو اي شي يحبه..
*واذا صار عناد فتكليله متحصلها للعبة او نستله..الخ

هج طرق اذا تسويها🥰..فالتربية والتعليم رح تصير عليج اسهل ..من الضرب او الصياح والعصبية👍

#اعـاده_توجيـــہ_لتنسون
#ملوكه

اكثر بنوتات يعانون 😣من هاي المشكلة؟وهي الحبوب لو الاحمرار والحركه اللي يصير بعد الحف💔

اول شي واهواي سامعين انو بعد الحف..يكولون مسحي وجهج بثلج لو بماي بارد🌚
وهاي اكبر غلط❌...لانو الوجه كلش حساس..والبشرة متهيجه ومسامات مفتوحه فمن تستعملين ماي رح تتاذى💔

فحاولو تبتعدون عن الماي والثلج والصابون لمدة 6ساعات.ولاكلساع تلمسين الوجه او تحكين لان هالشي ينقل من ايدج للوجه بكتريا وجراثيم.فتزداد الحبوب😑

وثاني شي اللي تطلعلهم الحبوب بكثرة..اخذي عصارة فيودسين طبعا اكو انواع..كون تكوليله لابو صيدليه. خاصه للوجه
فبعد ماتحفين..ورة ساعه ونص حطيها عل الوجه وخليها فد 6ساعات حته الوجه يمتصه زين

واكو خلطات واهواي نسمع من😂 البيبيات لو امهاتنا.. انو خلي نشا وماي..لو يكولون جيبي چعب استكان😂🤣 ومرري عل الوجه ويبرد ..وغيرهن وغيرهن

★الأفضل والأحسن ..بنفس اليوم مال حفافه كلشي لاتستعملين غير فقد عصارة فيدوسين..حته مكياج لو حرارة لو شمس..هذيني كلهن ابتعدي عنهن👍

وبالنسبة اللي وجوههم تتقشر ..يعني بشرتج جافه..فرطبي بشرتج قبل متنامين بأي مرطب والافضل لو ترطبين بكريم بيبانثين الطبي..تلكوه☺️ بالصيدليه


#اعادة_توجيه_للفائدة
#ملوكه

ثاني يوم شي طبيعي رح تطلعلج حبوب ..بقلة كلش لانو استعملتي فيودسين

فتكدرين ثاني يوم..تستعملين ماسك النشا ..لو ماسك الشوفان. اي ماسك يعجبج
فشغلة الحبوب لاتشيلون هم وغم🤓..

هسه ابسط شي..اذا تذكرين بايام مراهقتج..واول مرة حفتي ايدج..شنو جان بوكتها؟؟ اني اذكر من حفيت ايدي خاصه يم الكتف..صار مصفي😂💔من الحبوب

وي تعويد بالحف. منا ل2_3سنين..بعد بايدي مكامت تطلع 😇أي حبايه
ونفس الحالة بالوجه..وي التعويد لجم سنه رح تشوفون الحبوب تقل وبعد متطلع🙂

#اعـاده_توجيـــہ_لتنسون
#ملوكه

ميك_أب لتكبير 🙈العيون الصغيره

واووو..طريقة الدمج ورسم الكحل باحتراف😎

#اعـاده_توجيـــہ_لتنسون
#ملوكه

ميك_أب ..🌚للعيون الدائرية

جماال😭😍..ويفيد بالمناسبات

#اعـاده_توجيـــہ_لتنسون
#ملوكه

♥️💋#توقعات_الابراج_ليوم_الاثنين♥️💋

#الحمل 💛😻
مهنياً: كن أكثر تروياً لئلا ترتكب الأخطاء في الحكم على الأمور، وتجنّب النزاعات مع المسؤولين والزملاء كما مع العدالة، وخفف من الطموحات الكبيرة.
عاطفياً: إنطلاقة جديدة تساعدك على تحقيق استقرار عاطفي، ولا سيّما بعد الركود الذي عرفته أخيراً.
صحياً: قراراتك الصائبة على الصعيد الصحي تكون دافعاً إلى جعل الآخرين يجارونك في كل ما تقوم به رياضياً.

#الثور 💛😻
مهنياً: تطالب اليوم بزيادة على الراتب بعد فترة من الجهد والعمل، بعض المفاجآت السارّة في العمل تنعشك.
عاطفياً: ابتعادك عن الشريك أكثر من المعتاد يولد الشك لديه، فحاول تمضية أطول وقت إلى جانبه.
صحياً: وضع صحي ما يقلق راحتك ويوتر أعصابك، صارح المقربين منك به فتريح نفسك نوعاً ما.

#الجوزاء💛😻
مهنياً: انتقال القمر الى البيت الثاني يتحدث عن بعض التشويق وعن تغيير يكون بالإجمال لمصلحتك، وتشعر بالجرأة وترغب في استلام زمام أمورك، وحسنًا تفعل.
عاطفياً: الغيرة تهدد مستقبلك مع الحبيب وأنت متسلط تجاهه، فكن اكثر ليونة في تعاملك معه.
صحياً: لا تعتذر عن المشاركة في رحلات أو نزهات، فهي من بين الحلول القادرة على إراحتك نفسياً وجسدياً.

#السرطان💛😻
مهنياً: تمارس جاذبية نادرة وتتاح لك فرص كثيرة للتعبير عن نفسك بلا قيود، وتعالج كل المسائل بحنكة وذكاء.
عاطفياً: تحاول أن تنجح علاقتك بالحبيب لكن تشعر أن هذه المحاولات بلا جدوى، ابحث عن الأسباب.
صحياً: أنت غريب الأطوار بعض الشيء بالنسبة إلى الرياضة وتعتقد أنها غير مفيدة، لكنك على خطأ.

#الاسد 💛😻
مهنياً: تبدو اليوم منفعلاً أمام بعض الأحداث والتطوّرات لكن ثمة تجديد في أوضاعك وتغيير في ظروف حياتك.
عاطفياً: عليك ان تكون مستعداً للمرحلة المقبلة، وخصوصاً أن متغيرات كثيرة تلوح في الأفق، فحاول ان توظفها لمصلحة علاقتك بالشريك.
صحياً:

#العذراء💛😻
مهنياً: مبادرات ومغامرات مدعوماً بقوة جسدية ومعنوية، وقد تقدم على إنقاذ احد الأشخاص فتلاقي الاعجاب والتقدير.
عاطفياً: تزدهر الصداقات وتتعدّد الرغبات، فيميل القلب الى وجوه كثيرة، وقد يحتار في الخيار.
صحياً: قد تحتار في اختيار المشاريع المعروضة عليك للترفيه والترويح عن النفس، فحاول أن تشارك في جميعها.

#الميزان💛😻
مهنياً: مهما حاول بعضهم النيل من عزيمتك فلن يفلحوا لأنك الأقوى والأكثر ثباتاً بين سائر المنافسين والمتربصين بك شراً.
عاطفياً: يوم ممتاز للقاءات الرومانسية البعيدة عن الأجواء الصاخبة، ويسمح لك بالاعتماد على الحبيب وقدراته وجهوده.
صحياً: تكون الإرادة صلبة جداً وعزيمتك لا تلين امام جميع المغريات المضرة بالصحة.

#العقرب💛😻
مهنياً: وصول القمر الى السرطان الصديق يشير إلى تغيير إيجابي، فيأتي بأخبار حول حملة إعلانية أو سفر مميّز تكون نتائجه غير متوقعة وتدهش الجميع.
عاطفياً: الحوار الهادىء يمكّنك من حلّ العراقيل، إلا أنّ الشريك قد لا يقتنع بسهولة، فلا تستسلم أمام الضغوط.
صحياً: الإرهاق قد يورطك في مشاكل صحية كثيرة مثل فقدان المناعة والشعور بالوهن.

#القوس 💛😻
مهنياً: قد تنطلق المشاريع بقوة، وقد تظهر مسائل مصرفية أو معاملات إدارية، حتى لو تأخرت بعض المساعي، فإن الأمور تسير جيداً.
عاطفياً: تنجذب إلى شخص ناضج تعتبره مرجعاً لك وتثير علاقتك به بعض الحساسيات.
صحياً: آلام جانبية وميل إلى استهلاك الأدوية بكثافة وفي غير محلها.

#الجدي 💛😻
مهنياً: قد تشعر بالتعب من كثرة الطلبات من هنا وهناك، إلا أن جوبيتير الذي يشكل مربعاً دقيقاً مع ساتورن يعني أنك معرض لافتقاد أمر ما.
عاطفياً: يختبر هذا اليوم علاقة زوجية ويضعها على المحك، فإما الاستمرارية او الانفصال.
صحياً: لا تفسح في المجال أمام أحد لينغص عليك حياتك ويستفزك ليثير عصبيتك ويبقيك في حالة من التوتر.

#الدلو 💛😻
مهنياً: يعدك الحظ بالتسهيلات اللازمة لإنجاز مشاريعك وتفرض سلطتك في عملك وتباشر مفاوضات واتصالات واسعة وتقرر جديداً أو تنطلق بنشاطات تبعدك عن محيطك الاعتيادي.
عاطفياً: تستعيد والشريك بعض الأحلام الماضية، أو يعيد إليك أمراً قديماً، او يجعلك تراجع ما فات.
صحياً: الصحة سيف ذو حدين: إذا أهملتها أنت الخاسر، وإذا اهتممت بها ربحت نفسك.

#الحوت💛😻
مهنياً: يحمل هذا اليوم وعوداً جريئة وخيارات وحلولاً مهمة جدًّا ويشير إلى عمليات ناجحة تكون في مصحلتك على مختلف الصعد.
عاطفياً: خذ احتياطاتك من تفجر وضعك العاطفي وحاول استدراك الأمور بأسرع ما يمكن.
صحياً: حدد أهدافك وأولوياتك الصحية وكن دقيقاً في تنفيذ التمارين الرياضية المفيدة لك.

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الخامس والخمسون


حاجيني بنظرتك وافتهم شتريـــــــد
وخلي رموش عينك هية تسألنــــي
بس حرك رمش وآنه اعرف المقصود
وسولف بالتريده عنك وعنـــــــــــــي
صوتك من تسولف حقي اذوبن بيــه.
ماجنك تسولف جنك اتغنــــــــــي
نظراتك طلاسم مالهـــــــــــن عراف
ساعة ارتخي بيهن وساعة تكتلني

افترت بيه الدنيا واني على كعدتي المن احجي وافضفض روحي تلوب متانية رحمة الله اخذة
ابني يمي حظنته تخيلت صدك ياخذه وانحرم منه

طلع النهار واني ماغفالي جفن سميت وكمت للهول
شفت امي تتوضه اصلي

دنكت تمسح رجليه رفعت راسه شافتني كالت كاعده
كتله اصلاً نمت حتى اكعد كالت ليش منايمه هم
رجعلج الأرق توجهة للمطبخ وحجيت اي

دخلت اصلي واني خليت القوري على النار طلعت
جبن عرب ثرمته مكعبات

اتمشيت للطرمه طلعت للحديقه كعدة على الدجه
صافنه واتأمل الاشجار السما

محسيت على نفسي غافيه

فزيت على أصوات العصافير فتحت عيوني الجو كاشف تمطيت ذكرة القوري طفرة

فتحت القبق المي ناشف والقاعده صايره سوده
رأسن شلته وذبيته بحوض السنك فتحت عليه المي بردته

ضليت اجلف بي اخفي اثار الجريمه شويه السواد خف

رجعت للكاونتر وضميت الجبن طبيت للغرفه مطفيه من النعاس بس حطيت راسي نمت

مااعرف شكد نمت كعدة على ايد تقى تهز بيه كالت كومي تغدي

فركت عيوني ليش شكد الساعه

كالت ب١ يله كومي متانيج

كمت طلعت وراهه غسلت ولميت شعري

مادين السفره امي كاعدة وبحضنه ابن شمس الجديد
أيمن ماشاءالله شمس مسوي تحالف ويه الالف

كعدة امي كالت ابنج اجه ابو احمد اخذه طفرت شنو ليش انطيتو

كالت شبيج يمه غير يردون يشوفو

دخل الخوف الكلبي رحت للغرفه فتحت تلفوني اتصلت على عمتي

كتله عمى يمن يمج

كالت اي جابه قادر الصبح ليش سألين

كتله ماادري من ماخذه هسه امي كالت اكلج عمى عليج الله احجي الصدك اخذه علمود ميرجعه الي بعد

كالت لا ليش ميرجعه الج مشتاقيله باجر عكبه نرجعه

لا عمى اليوم رجعو مااكدر دونه

كالت عمتي عمى غير احنه اهله اني على سفر اشبع منه وارجع شبيج يمه بايكي وترجفين شنو مثقين بينه

بلعكس عمى اثق بيكم وانتي تعرفين حبي الج اعذريني من خوفي يمن ميفاركني بس من اودي يمج حتى من هوه يمج بالي يحسب

كالت معذوره واني بيبيته الي حق عليه اطمأني العين الجنت اشوف بيه قتيبه يمن صار عيوني ثنينهن

ختمته وياهه خايفه قادر مااخذه اذا ماورا سالفه حاسه

يومين ضل يمهم واني مبطلت اخابر واطمئن عليه لليل عمتي كالت ولج شبيج يمه صرعتيني كل شويه داكه لزعليني منج

هياته شمحلا يلعب ومتونس ويه حمودي وقادر ممقصر طلعهم الصبح والعصر اخذهم وياا للمعرض

بليل اجيبه واجي

كتله عمى مو بيدي والله

كالت اسكتي متبدله مجنتي هيج شجاج هسه اخذه وين اودي غير هوه حفيدي

خجلتني سكتت وسدته زعلانه

صدك ب٩ اجت وياهه يمن وقادر طببه نائل للصاله
استغربت من شمس متواجد هيج وقت طب وراهم

سوينه جاي تقى وزعت واني بوست عمتي متريدني وجه ثكيل عليه دفعتني على كيف

اخذة يمن شلته بوسته حظني مشتاقلي ويبوس بيه
شويه واجة نائل اخذ الضيافه

ندى ترضع ببنهه وعمتي وامي يسولفن اني كاعده على صفحه وابني بحظني طلعتله كارتون يتفرج

ربع ساعه ونائل صاح يام ابو حمودي يريدج ويريد ام قتيبه ونباء

استغربة ندى وتقى باوعن عليه كمت ويمن خليت بمكاني

طبيت وره امي وعمتي امي سلمت واني كلت السلام عليكم مرد بس شمس رد

من شفته منصي ولازم سبحته يدور بيه عرفته كعدته متبشر بخير

كعدت بصف عمتي مقابيلهم

كال شمس اي ابو احمد تفضل كول العندك

قادر الله بلخير

نائل وشمس كالو الله بلخير عليك

كال ابو ادم ولا زغرن ب نائل اني يوم الاجيت وطلبة ايد كريمتكم اضن طلبتهه واني واضح مضميت هدفي من هل شي اني واعوذ بالله منهه تعرفون مزوج وعندي ولد والله ماارزقني بغيره وهل ولد معاق وحامد الله وشاكره

اني جاي والنيه معقوده هاي كدام ام شمس واخيتي ام قتيبه وانتو اخوانه وابو ادم بعتبار ولي امره اطلب ايده والقرار قراركم والشور وشورهه

والخلاني اجدد طلبي من سمعت ناس متقدميلهه وانت لليوم مرديتلي جوابك وضال وعلى أمل

شمس كال ابو احمد انت اجيت حسب الاصول طلبته وبصراحة استغربت طلبك مو نقص بيك لا الشاهد الله رجال والنعم منك سيرتك طيبه وابن حموله

لكن الخلاني متردد فرق السن وعندك زوجه وهي جنت اشوفه علاقته بيك دوم اصيحلك خالي ممخلي بالي يجي يوم تطلبهه من جانت تطلب تجيكم وتبات مأمن وانام وراسي مرتاح واثق منكم ولليوم اني واثق بيك منين مااجيبه ارتباطك بيه مو راهم فرق العمر يولد فرق الافكار
اني معاشرك من كنت ويه والدي اروح للمعارض انت انسان صاحب رتبه وتجارب الحيات خضته بكل جوانبه

اختي بعده ستوه بلعشرين عقله وتفكيرهه مو يمك اني يوم الاريد ازوج ادرسهه من كل الجوانب هاي الانسانه تناسب تفكيري مو بعدين تولد مشاكل ولاسامح الله توصل لل

طلاق

كله اني اقدر خوفك وحرصك على اختك وتفكيرك لاغبار عليه اني دارسهه ومخطط الكلشي اذا بالكم لان مزوج فاالشرع محللي

و شي ثاني هواي اشخاص عمرهم زغير لاكن عقلهم يوزن بلد اني عايش وياهه وشفت تصرفاته الرزنه تحمله القتيبه وسوء معاملته خله عندي فكره هلانسانه تصلح اتكون وياي واعتقد فارق العمر ميأثر هواي غيري ازوجو وكملو حياتهم يجوز اكثر من المتقاربه اعمارهم

نائل كال ابو احمد خلي نكون صريحين زواجك من نباء علمود الولد

كله شوف نائل اجذب عليك لو كتله بس لجل يمن لا يوم الاجيت لبو ادم طلبته تكون هم زوجه الي وهم حفيد اختي ميربه عند الغريب تعرفون اني كبرت وعندي بس حمودي ومافكرت ازوج مااعندي ثقه بلنسوان اني مو صاحب تجارب وياهن يوم الاتقدم الوحده حاسب لكل خطوه حساب هذا عمر مو يوم يكضي ويروح المرة التحطه بيتك كون راسك مو بارد لا قالب ثلج اني صاحب دوام وشغلي يطلب اغيب عن البيت شهر نص شهر واليوم الموجود بي نصه بلمعرض

امي كالت خويه ابو احمد البنيه بتكم شكد اشوفه تحبكم وتتلهف تروح ازوركم وامنعه تكلي يمه عمتي تحبني وتعتبرني بتهه حتى اذا منعتيني اروح مااعوفه

هذا يدل على محبتكم الهه بنتي لو مشوفكم تحبوه تحبكم اكيد لا بس طلبك ايده صدمني الفرق بيناتكم عشرين سنه يعني بكد بتك يعني يوم التطب بعمر ال٣٠

انت داخل الخمسين وهي ستوهه بعز شبابهه اضلمه لو اكلك اموافق انت رجال ومشفنه منك قصور وتحب ابنه وشفت بعيني خوفك عليه وحرصك بس هذا مو يعني تزوجهه

كله ام شمس اني العندي كتله وانتو اهلهه مااجبركم وحقكم بس لحمنه ميطلع للغريب ولا يربه عدهم اني طلبت لجل شغلتين يأشر بأصابعه

الاول الم حفيد اختي وهو ابني حتى بلجنسيه مسجل يمن قادر مو يمن قتيبه والشي الثاني ازوجه لجل نفسي ماالكه احسن من بتكم حسب ونسب واخلاقه ماتعله عليكم واكيد هذا يدل على تعبكم وربيتو خير تربيه

عمتي كالت والله ياام شمس اني الكلت القادر اخذه ولاتضيعه هلبنيه احبه لليوم معلة حسه عليه وفطيرة وكلامهه من كلبه يوم الجانت تتمشكل ويه قتيبه تنام بغرفتي ومااتجيكم استغرب اكله ولج اشو جناين خواتي يوميه زعلانات لهلهن هلبت ترحين لهلج زعلانه

تكلي عمى اول تالي يجي يصالحني وارجعلكم عليمن رايحتلهم بساطت كلامه خلاني احبه مرات اشوف تصرفاته مال وحده معدله وعمره ٥٠ سنه ومراة لا طفله وتتراضه بمصاصه

عمتي من كالت تراضيني بمصاصه دنكت شويه واطكن بضحكه الله يجازيج ياعمه هو هيج اليمدح

رجعت كالت ابني فقدته ويوم العرفت بيه ولد حسيت قتيبه عايش وردلي روحي اني لو عندي ولد غيرة وعندي منه احفاد مااتأثر هيج بس اني وحيده وابني وحيد وحفيدي وحيد يربه بحظني ويمي ليش انحرم منه حقي هذا من الدنيا

خالو كال اني مااضغط عليكم وعرفتو مقصد من جيتنه

شمس هز راسه

نائل كال فرضاً البنت رفضة طلبكم هيه قسمه مقتنعت بهاي الحاله شلون تكعد متزوج وتحرم روحهه

كال لا بويه منو مانعه تزوج خل تزوج ولدنه يردلنه ياهوه بهل زمان يعوف لحمه يم ناس غرب

شمس كال يعني افتهم من حجيك لو تقبل بيك وتضمن ابنهه لو تزوج وتترك ابنه الكم تاخذو

باوع ال شمس وكله ابو أدم نفرض انت بمكاني لاسامح الله تترك ابنك يعيش يم غيرك

شمس كله بس هوه مو ابنك مو من صلبك

كله بس ابأسمي واني الربيته يوم المثل يكول الام الربت مو الجابت واني ربيت صح مو من صلبي بس حسيته مني وبيه محبيت ابني بكد ماحبيته

خويه ابو ادم الضاهر فهمتو جيتي غلط اني مالي حق اعارض على زواجهه ليش اضلمهه متريدني مو لازم بس ابنه انريده ويربه بيني وبين بيبيته

امي كالت يعني يوم التتزوج تنحرم ابنه ماكو ام تعوف ابنه الام حريصه متعوف بزره

كال لا ام شمس اني مو ضالم واحرمهه منه شوكت متريد اشوفه اله حق مااعدنه مانع

كل هذا الحوار الدار اني كاعده اباوع كأني مزهريه ويقررون مصيري اليدور براسه سوى بس بأصول
مهدد ولا كال اسحب الحضانه لا ابنه يربه بيناتنه وهي خل تزوج

قادر ذكي ويعرف شلون يضرب على الوتر بدون ميبين مبتغا اسلوبه يراوغ ويخليك تكول هوه صاحب حق مثل ما هسه سكت اهلي

الابن ابنه ومسجل بأسمي يعني اني ولي امره يوم الازوج يسحبه ومحد يكله ليش سوي هيج

كل كلامه وجهه لخواني ولامي محاني من الوجود وصلي رساله يوم الاريد اسوي شي انتي متوكفيني ويصير العندي

يعرف بيه مااترك ابني ويعرف حبي اله لو اضطر الامر اتنازل عن كلشي بلحياة وعن ابني مااتنازل

يدري تاليتي يجي يوم ازوج حتى لو رفضة علمود يمن
خلاني بين قوسين انتي الي متكدرين تكولين لا

كام كال بعد اخر جمله اترخص وانتو فكرو وشرو نفسكم والبي خير ربي يقدمه صافح شمس ونائل وطلع

ضليت على كعدتي شمس طلع ورى وصله للباب نائل باوعلي

كال هذا قادر والله لوتي ولج خلاني مااثرد ويا
رجلج عليمن طالع مومثله

سكتت شمس رجع كعد وامي ورا حايره

كال سمعتي الكاله شنو رائيج

كتله ماادري انت شتكول

كال خويه مااضم عليج كل الكاله حقه محد يترك بزره بس انتي تكدرين بدون ابنج