اجي اريد اصفالج ف اعتذري

اني اعتذر عن طولت لساني بس مااعتذر على شي ممسويته انت هم لازم تعتذر مفتهمت مني واستملمتني غلط

كال اليوم وره الخطوبه تجين ويه الحجيه

ليش

كال عمي مشتاقين لبنه صار عشرين يوم مشايفينه

مااعتقد اكدر اهلي ميقبلون

كال اني انطي خبر ل بو أدم

الله كريم
سدة كعدة فركت وجهي شيريد مااريد اروح اوووف كمت فتحت الباب طلعت

للمطبخ امي وندى وعلا يرتبن صواني الكيك والتقديم

ادنيت هااا اساعدكم

امي اترتب كالت لا كملنه خانم التفتت كالت وين جنتي خاتله شافت لبسي وهي شهكت عزه بعين امج دهر دهر ولج نبيه كحيبه شلابسه

اهووو ه ماما هم حتجين شلابسه غير ملابس نفنوف

كالت امشي بدلي لا اشكه عليج متستحين تفترين ولد عمج يطبون الولد يدخل يلبس حلقات ايشوفج هيج يتخيل عليج تحجي وتأشر بيده

ندى وعلا يضحكن

مااطلع للمطبخ والولد من يجي البس ردائي

امشي لج تلبس ردائهه متستحي مطلعه زروره عليمن خوه اصلخي هم موده

مأ مأ ماابدل

نزعت شحاطته شوفي اذا ممشيتي غيرتي لبسج على راسج بهاي

شردة يم الباب ما ماابدل مااحس اله الشحاطه براسي
عطت وكعدت متوجعه احس راسي ورم اجت

امي مستمرة تغلط حقيرة ليكول ديسكو عندي مو خطوبة

كمت لازمه راسي ودمعه بعيني والله ولا ابدل وشسوين سوي

عفته ودخلت للهول الجبير شفت عمتي واني كوه لازمه روحي من البجي

بس ابجي مكياجي يسيل سلمت عليهه

نهلة بصفه بوستهه

كالت ولج شلابس سيت نوم

يااا شبي غير نفنوف

كالت فضيحه مونفنوف

كتله هنه ذني الموديل الجديد وعجبني

عمتي كالت عمى مو كصير

اي عمى اكصير واصل للصرة شنو السالفه كله تعيب عليه

كالت لا يمه بلعكس من طبيتي وشفتج ضليت انشر عليج جنج لعابه

بسته فديتج انتي العابه

كالت الله يحفظج يايمه من عين المايصلي على النبي

نهلة تباوع ومعاجبه ام العجايز هي وجبته مااحب اقلد بس مكبرة روحه وهواي تتنهبص ولبسه جبب والوان اكبر من عمرة هواي اكو جبب موديلهن حلو هي لازكه بأم القوله العريضه ايام الثمانينيات شكد مايكونن غاليات بس مو مناسبات العمرهه

كالو اجو اهل العريس

سارة صافنه تباوع بلوجوه كمت يمهه

كتله هااا شلونهه معنوياتج

كالت صفر واحتمال تهبط للسالب ويصير انجماد
طبن النسوان سلمن الاغاني مشغلين صوتهن ناصي

حضرنه امور المهر نص ساعه وكالو خلي البنيه صير وره الباب كومناهه وكفت شوية الشيخ خطب وبلش يعقدلهم وراهه انطت موافقته بدت  الهلاهل

اني شايل يمن واهز بي علو السستم علا وندى ثنينهن بطنهن الخشمهن بس اني ونرجس نركص بلنص واهل العريس خواته ٣

شويه كالو العريس حيدخل يلبسون الخواتم ركضت لبست ردائي واخذة الكامرة اصورههم

دخل واني صارة طبتي ورا

كعد بصفهه باوعتله مرتب وبعده شاب بلشت اصور
لبسه الذهب وهي منزله الجينكو اشرتله تضحك مااكو طكيتلهم كم صوره شاورهه مدري شاكلله ابتسمت بتكلف مسويه فضل البومه

وكفو اخذلهم صور عرفني اختهه كال يابه انتو مصنع مال كيك خجلني مبين سبورت وكيف بيهه

الولد ساعدني اخذلهم صور الحركه الاكله يسويه ميستحي عادي اله هي ابتسمي جاملي بيني روحجي فرحانه ماكو

شاورتهه عدلي خلقتج لتخليني اعدله الج بلكرك وروح ابويه

كالت ولي عني كوه متحمله

كتله تحملي غصبن عليج هذا قرارج دفعتني منهه

رجعت كملتلهم القطات وطلع العريس

لل٦ العصر راحو اهل العريس بيت عمو اسماعيل هم طلعو

حسن شكد اتصل ولح اوديله لبسي هاي علا كايلته طالعه تفلش وهوه لازمه عليه اريد اشوفج دخل للمطبخ اطلعلي مااطلعت ضل حوالي بلربع ساعه يتوسل يشوفني مااقبلت زعل وراح

عمتي ودت عليه بعدني بلرداء كالت يله عمى نروح

امي وين نبأ تروح وياكم

كالت اي والله مشافين يمن ومشتاقتلهم وقادر حاجه ابو ادم ناخذه ويانه

امي كالت ماتغله عليج تعرفين بيه كل ما تردوه اكله روحي بس اليوم عذرينه شوفت عينج البيت مملي وصاخة الخطوبة وهاي زوجة اخوهه حامل متكدر

باجر اوديه

كالت يله هاي هيه حقج حبيبه ان شاءالله على باجر

راحو البيت فرغ سارة بدلت ونامت تعبانه

علا ضلت يمنه رسول قبل تبات

بلشنه نعزل ونرتب ندى عليه العشة لل٩ هلكنه

حتى جوه التخم جكليت وكواغد كله لم وكنس بلمكنسه الكهربائيه علا رجعت صواني المهر سارة نايمه ماكعدت

دخلته ندهتهه تتعشه ماقبلت عفته رجعت كملت نومه

التمينه اني وعلا وندى وامي اكلت لكمتين وكامت تنام

كملنه اكل

كعدنه نتفرج تلفزيون وطلعنه كرزات جهال شمس وبت علا وابني خبلونه واحد يكفش الثاني واحد يلعب بألعاب الاخ

ورزان بت علا حيه من جوه الجوه اباوعله اكله شوفي بتج الحياله تخمط العابهم من ميقبلون تضربهم وترجعهه الهم

ندى كل شويه تريد تاخذهم فوك وتنومهم

كتله وتنامين وياهم ضحكت لا والله انومهم وانزل

علا كالت خيه اكعدي بلسنه حسنه نلتهم خليهم يهوسون صاحتلهم هوسو هوسو بعد بيتي

كتلهن شو كومن نركص ونركص الجهال

صدك شغلت السستم وسديت البيبان وطلعت علا سدة باب الشارع ودخلت

رد

حنه وهاي الجبانه ندى تخاف تركص ويطيح الطفل

صحت يمعوده معلكته بكتفج هوه بطنج وهي منا متعرف وبس تلولح بيديه

علا كالتله اكعدي مالج شغل بيه عليج تتفرجين

اني لازمه يمن واركص بيه وادم شاركنه وضليت اهوس وياهم علا ايد لازمه بطنه وايد لازمه بتهه تركصه

لو تروح تكابل ندى تميل بخصر شوفي خيه هيج سوين خصرج ويهتز وهاا اعلمج هاي الحركه باعي ترفعين رجلج وسوين هيج اذكري المصريات وركصهن

ندى ميته ضحك وعلا ناصبه عود تعلمهه وصلت كالتله تردين تخضين جسمج كله عبالك منتوله ١٠٠٠ فولتيه هيج

هاي بس رعشت وصاحت اخخخ بطني

وكعدت لازمه بطنه طفيت السستم وركضت لازمته ندى كالت شبيج

الحكلي بطني يمكن اجيب

كتله يمعوده شجيبني بعدج بلثامن

مماادري وجع ولادة

كعدت امي اجة شافته خابرت رسول ونائل

اني مكابلته وهي تلوب

ندى كالت اخاف من الركص

ههههههه اااخخخخ يابه ياركص هواني شركصت

كتله علا صدك تحجين يعني اذا مو زين عليج ليش تركصين ومكابله ندى صايرتلي مدربة

كالت خايبات ردة اعلمه خطيه ابن عمي محروم

دنجبي وحيري بنفسج

كالت صرة زينه مابيه شي

هااا يعني راح الوجع

امي اجت لابسه ومكمله

كتله تكول راح الوجع

كالت ميخالف يجوز عده ولاده شي لاخ هاي الشهرين خطيرات

همستله دهر دهرج واكفتلي تهزين

ندى كالت ولج موزين الركص بلثامن اذا جبتي يموت ميعيش

علا غمته كبر بيش مفاولتلي السعلوه

ندى صفنت شبيج غير هيج نعرف

كالت اسكتي لاتفاوليلي

شويه وعاطت اخخخخخ يمه نعلعله ابيك رسول مفلفل على الجهال واني الطيح بيه عضت شفتهه من الالم

لزمناهه امي اجت شايله جيزدانه كومي لبسي اجوي لبسناهه ردائه وحجابه اخذته امي وهي تسب برسول

مكرود الولد كايللهه تركص دخلنه واني وندى نضحك عليه

لل١٢ مطلعيه مشكليله مغذي مبيه شي تقلصات وسامعه رسول راكصه وكوه ساكت نائل يكول مخنزر عليه يكله يمي متركصين هناك تصيرين فيفي

اجو اخذ بنته ورجعو

يمن منام لحد ملعب بلتلفون لمن مل يله نام تعلم من ادم وكام يبجي واخاف عليه اضطر انطي التلفون

يومين ورحت العمتي من الصبح كلت ارجع بليل

دخلت صنطه ب٩ شنو نايمين

البيت مفتح باوعت الغرفة عمتي مبيهه احد

دكيت على عمتي مترد رقم نهله ماعندي

ماضل غير قادر اتصلت دك ....دك .... اجاني صوته كال الووو

هاا خالو شلونك

كال منو

اني نبأ شنو منو

سكت رجع كال هلا نبأ ماادري مشفت الاسم

كتله شنو نايم

كال اي نايم

وين انت بلدوام

كال لا بلبيت

يابيت اني بلبيت محد موجود حتى عمتي

كال هااا انتي هناا سمعته نده نهلة مدري شصار بيه

سديته وكعدة شمرة الجنطه من جتفي

يمن خليته بصفي نزل يفتر

تنفست عميق اهدء روحي

شويه ونزلت لابسه روب طويل من تتحرك تطلع رجليه مبرومات ولابسه حجل يطكطك

بوستني كالت شوكت اجيتي

هسه اجيت مالكيت احد

كالت اي عمتج البارحه اخذته ام سجاد يمهه

هزيت راسي كتله بس ابدل واجي

كالت على راحتج اني اسوي ريوك هسه ينزل قادر

طبيت الغرفتي فايره لبست دشداشه وطلعت الشال بعده على راسي يمن يلعب بلهول

نزل قادر شافني كال صباح الخير مرديت

غسل على المغسله جوه الدرج مقابيلي كاعده على القنفه باوعتله بدي اذبحه مااعرف غيره بداخلي كاتلتني ليش هيج صاير وياي شافني من المرايه اباوعله نشف واجه وكف

صاح يمن بابا يمن رفع راس طفر ركضه شاله شبكه ويبوس بي

يمن على ايده باوعلي شلونكم

كتله بخير ودرة وجهي

سمعته يكله ولك سرسري ممشتاقلنه متجي

يمن يكله ننه ماتو

عود اني مااقبل عمرة راح يصير سنتين ويحجي

اي ننه كله من ننه

اخذه وراح للمطبخ

سمعته يحجي ويااهه صاحوني اتريك وياهم

كتلهم متريكه اخذت يمن للغرفه بدلتله ضليت اتكرضم اجابني

رجال ومرته اني شنو بنصهم

يمن ضاج لان خليته يمي يريد يطلع قشمرته بلتلفون

شويه ودكت الباب نهلة دخلت

ليش مطلعين

كتله بدلت الابني

كالت دتعالي صارلي هواي مشايفتح خل نسولف

طلعت وراهه ماهوه

كعدنه بلمطبخ هي غسلت صحون الريوك

سألتني عن اهلي وعن خطوبة سارة شلون صارة

سولفتلهه كتله وهذا نائل هم نريد نخطبله

كالت هااا هذا الزغير

اي هوه

كالت هوه شعنده

كتله شنو شعده

كالت يعني شيشتغل

كتله يدرس جامعه ولازم محلات الوالد

كالت هااا يعني شايل نفسه

اي نص الارباح اله

كالت زين اذا تردون مرة مواصفات وملتزمه واخلاقه حلوه عندي لادورون نكتت ايده من مي الغسيل

وكعدة مقابيلي على ميز الطعام

كالت والله متلكون مثلهه

اي منو هي نعرفهه

كالت لا متعرفيه هي هم طالبه اعداديه وحلوه ومثقفه
والترديه بخاطرج

كالت لحضه اجيب تلفوني اشوفج صورته
جابت تلفونه شفتهه مو ذاك الجمال عاديه بس بيضه وتارسه ومبينه مو طويله

تكلب بلصور وتكلي شوفي تخبل وشعرهه طويل

صدك شعره طويل ومكسر

كالت دباعي مينشبع منهه

باعي هاي بمهر اقاربنه خلت شوية مكياج شون تغير شكله

كتله اي حليوهه الله يحفظه مكلتيلي شصير منج

كالت شوفي

وراحت كعدة يكولون اخطب البتك ولا تخطب لبنك واني شايفتكم عز ودلا وخوش وناس واني اشوف بت اخويه مناسبه الكم

منكالت بت اخويه نعقجت معدتي لزمتني

معرفت شرد عليهه

كالت انتي كولي الاهلج واذا يردون يشوفوهه اشوفهم صورهه صدكي نبأ حتى بلطبخ نفسه طيب وهي الوحيده لمهه وشايله بيت اهلهه شيل

مو لان بت اخويه واحمدلج لا وعيونج هي هيج لهلوبه
تدرس وتساعد امهه وحتى دتعلم تخبز بروئه يابروئه

كتله الله يحفظهه لهلهه اني ان شاءالله اكول لمي وهي بعد ضلت يمه اذا مرايحين اليوم لاكين بنيه وامي وبيبي يرحن يشوفنهه

كالت يله هي قسمه ونصيب

كتله وين الكه احسن من نسبكم ان شاء الله اذا مقسومتله صير

كوه سديت السالفه مدري شلون راح الغمطه بكلبي اكول اني منج مخلصانه اجيب لهلي نهلة ثاني هم خلقه وهم اخلاق

كمت وياهه سويت مركة باميه وتمن هي نزلت حمودي ريكته وشويه عزلت

شوية وطب قاادر كال الله يساعدهم بس اني بلمطبخ نزلت الچبچير من ايدي درت عليه الله يساعدك

واكف يم الميز خله العلاليك التفت الباب الهول شاف محد

دار عليه كال ستوه نور البيت

ابتسمت بستهزاء منور بنهلة

ابتسم راح للكاونتر طلع برطمان ورجع للميز

فتح جيس الطرشي يعبي كال يااابه اشتم ريحة حرك

التفت للطباخ فتحت اقباقت الجدوره ماكو ريحه

كال  دسدي الجدوره وهاي علاكت الخضره نضفيهه

خله البرطمان بلثلاجه وطب

ب١١ صارت عمتي طبت شافتني فرحت بوستني طبيت وراهه للغرفه

قادر كاعد يمن على رجله يلعب بتلفوني

عمتي كالت ولك بيبي تعال مشتاقتلك

كاعد مطنش ميسمع

صحت يمن رفع راسه بيبي هاي كوم بوسه شافه ورجع بياوع للشاشه

ضحكت حقير نساني

كتله لا من يشوف التلفون ينسه روحه

خالو كال شبي ابو سجاد

كالتله خليه سكته يلفته

كال هااا سالفته القديمه

كالت اي وهي تنزع جواريبه بعد يحوم عليه اذا موهي غيرهه مشايل الفكره من راسه

كالت قادر فدوه اروحلك متحاجي هي ام سجاد وين يلكه مثلهه ويزوج عليه

من سمعت شهكت يياا عمى صدك يزوج على خاله

كالت اي يايمه شايفه هيج دهر اسود

كال شسويله قبل حاجيته الرجال يريد حجالي اريد مره ونجلاء ممقصره بس قناعتي هاي عفته

كتله الياخذ غير مرته مقصره يكلي أي قصور مابيه بس البنيه حبيته ودخلت كلبي وعقلي واعزللهه وحدهه مو يمه اخاف ضوج وتنقهر

شسويله اعاركه وهوه رجال محترم ومامقصر بشي لو عنده اقصور اجيبه يمي وزلمه الياخذه

كالت شون ياخويه نجلاء شاده راسه وضغطه مفول وحالفه مضل على ذمته

كال عوفيه وين تروح مصيره تتقبل وتسكت ولده كبار ميعوفوهه

عمتي سكتت تتنهدء وتتحسب على وضع اختهه

باوعت يمن صافن على التلفون رفع راسع على قادر كله ببا اني ويأشرله على التلفون

ابتسمت شكد حلوين  المايعرفهم يكول ابنه

التفتت سالت عمتي وهسه شلون وضعه

كالت تعبانه وخايفه ضغطه يصعد وطيح هاي زهراء قوري نومي بصرة على النار كل ما يرتفع تقيسه اله وتنطيه كلاص نومي وهاي هيج ضاله

كتله هسه هوه رجال شكده شكبره ويدور نسوان البكده يدورون حجه عمره يزكون وراهم اخره

كالت ياعمى زلم هلوكت خرفت نست الدين والحياء

دخلت نهلة سابحه ومبدله لابسه دشداشه بنفسجي طوخ وهيه بيضه تاكل وتشرب ويااهه وخاله مكياج

راسن عيوني صارن على قادر شفته ملتهي كلب بتلفوني

سلمت على عمتي وكعدت

حمودي بجربايته مااله صوت

نهلة صاحت قااادر مناوي تحجزلي

رفع راسه كال الشنو

كالت يااا غير اراجع ونشوف اني وياك وضعنه يصير لا علمود نطلع البنان

كال الله كريم

عمتي كالت شكو نهلة ليش الطبيب

كالت والله ام قتيبه نريد نشوف زايدة النسبه يصير طفل واذا لا نسوي انابيب وحده جيران اهل زوجت اخويه مسوية وناجحه وهم مثل وضعنه

سمعت لو احس سجينه طعنتني يعني مفكر يسوي طفل اباوعله ولاهامه الموضوع ولازم تلفوني

كمت توجهت شلت يمن من حظنه ابتعدت مسافه كتله عمى صار وقت انوم يمن

كالت يمه خلي يتغدة

غديته

كال شوكت غديتي

باوعتله قبل لتجون وكلتهه واني جذب ممغديته بس اريد اطب الغرفتي

طلعت الغرفتي سديت الباب وويمن نزلت ضاج عقج وجهه كتله اسكت لاابتلي بيك طلعتله حلويات من الجنطه سكت

كعدة معصوره عصر على شويه انفجر حقير يدور وياي حب ويدور من مرته اطفال

عباله اقبل اصير على ذمته ونهلة موجوده باحلامك يقادر خل اخابر نائل يجيني العصر والله اذا اضل اكثر اموت قهر

بعدين كلت اذا رجعت يخلي باله غيرانه مااريد اثبتله غيرتي ولا اكدر ابقه اكثر

تنهدة وخليت راسي بين رجلي

نزلن ادموعي ليش علقني بي

ليش شوفني حرصه وحبه الي

ليش وياي اني

رفعت راسي اليفوك ربي بس اني وجع الكلب لاحكني منين اتلكاهه دومه الدنيا عوجه وياي

انتجيت وصافنه بلفراغ مالي حق زوجته وتريد اطفال
مالي اي حق اغار واضوج

مراضي يريحني ويعوفني انسه واعبره واشوف حياتي مربطني

باوعت على ابني ياكل جبس ويفتر ويلعب بلغراض محد مخليني اخضعله غيرك محد كاسر رجليه غيرك

اجه يمي اخذته بحظني لشويه نام و

اجبس بيده جريت  الجيسه وشلته خليته بفراشه

دخلت نهلة كالت صبيت تعالي اكلي

كتله اكلت ويه ابني مااشتهي

كالت دكومي على الواهس

كتله والله مااشتهي

كالت على راحتج طلعت وسدة الباب

نمت ساعة وكعدت

من اضوج اكعد من النوم مختنكه طلعت الساعه ب٣ نايمين جوعانه حميت الاكل

دارتب بلصينينه

سمعت طكطكه طبيت للهول صار مقابيلي

رجعت اخذة الماعون اصب فتحت الجدر اصب واخلي بلصينيه

سمعت فتحت باب الثلاجه

سده حجه هاج تلفونج

درت عليه شفته بيده رفعتله حاجب

كتله من شوكت عندك

كال من يمن بحظني

هااا وصلت يمه اخذته لزم ايدي

كال شلابسه هاي خطوبه هيج بلعرس شسوين

نترت ايدي ميخصك رجعت اشيل الصينيه

لحكني جرني من زندي طلع الغرفتي فتح الباب دفعني وطب سد الباب

كال يابه طولان لسانج شتردين توصلين من اسلوبج

مااريد شي خطوبت اختي والبس

كال وهيج هوه البس تقلدين التركيات

مااقلد احد وبعدين اهلي وقابلين شعليك انت وبعدين مو عيب تفتش بتلفوني بنات احنه نلبس نركص انت مو دور حلال وحرام ليش تباوع واني مو حلالك

اتقدم لزمني من فكي يحجي بعصبيه وصوت ناصي ليكعد يمن

شايفه نفسج كدامج جاهل لو قتيبه الارعن وتكليلي شعليك ميخصك اركدي لا انهيج ومحمد ولوما ابنج يشوفني مااكلب قندرتج

وجعني وخر فكي عفيه وخر عافني ومشه وصل للباب دار عليه المانعني عنج هذا اشر على يمن ومو حلالي
لو ماذني لربيتج من جديد

كتله وعساني لاصرت الك اصير للذله واشوفك بحظن مرتك لو تركض بيه سويله اطفال لو للضرب انت انسان معدوم الانسانيه لو عندك ذرة مشاعر اتجاهي مترجعه وتعيش حياتك كانو مصاير شي

رفع حواجبه يايابه منو الرفض مو انتي كلتي شايب ومااريدك منو القبلت ببن عمهه

وبعدين جاي تحاسبين بيا حق زوجتي ناهبهه لو مزوج عليج

عليت صوتي كافي خليتني بدوامه مااطلع منهه حرام عليك تلعب عليه يوم تحبني ثاني يوم ترجع زوجتك واليوم اسمع تردون اطفال

عمري جبته كله ضيم زوجت واني مرتاحيت لا من زوج استند عليه لامن اهل اكول ياخذولي حقي اخواني بلغربه وقتيبه سيطر عليه شوفني المر فوكه زواجي منه ولعبته  وطعنهم بسمعتي

يوم التوهمني وتبينلي حبك وتحجيلي بحركت كلب وشون تحافظ٠ عليه ومتريد تستغلني يوم العرفت سبب تغيرك وطلعاتك من البيت

كل ذني حسيت بيهن دخلن الكلبي واعاند اكول محد يستاهل المريت بي فقدت مشاعري

شفت من حياتي ابسط حقوقي فقدته راحتي ويه زوجي

محد خلاني احس بقيمة الحيات غير ابني ويوم الحسيت بيك ليش تلعب بمشاعري ليششش

ركض سد حلكي ودموعي ينزلن التفتت اليمن ورجع

باوعلي تنهد وخر ايده

يباوع بعيوني لزم وجهي بثنين ايديه

عيونه تحجي حسرة

ابهامه يتحسس بشرتي كمت اشهك متحملت دنكت

ابجي جرني الحظنه

لمني بثنين ايديه ضعت بي كمت ابجي من كلبي شون حبيتك

تحسر اجاني صوته كاافي مو كلبي مردتي

مكدرة اسكت مهضومه وكلبي مفطور حسيت بدفو صدرة واتخيل نهله تنام عليه بجيت اكثر

كال عيونج راحن اششش كاافي

اتجرئة وحاوطته بثين ايديه

سكتت من البجي واني داحسه راسي بصدرة

غبت عن العالم وهوه كذالك محسيت بلحواليه و نسيت وضعي واني وين عشتهه لحظه لحظه اشتم بصدرة ومااشبع عطشانه

كل شويه يبوس راسي ويعصرني اله

ضلينه ساكتين

وهوه احسه ميريد يتركني

.........يتبع

طريقة رسم 🌚بوز ايلانير...

بنوتات اهم شي كون فرشة كلش رفيعة وصغيره فينرسم بسهولة ويكون كلش حلو..😍مثل بالفيديو..

#اعـاده_توجيـــہ_لتنسون
#ملوكه

رسمة ايلانير 😎✨بطريقة محترفة وبسهولة

واووو😍

#اعـاده_توجيـــہ_لتنسون
#ملوكه

💫ملح الحليب ..لبشرة ناعمة ..وفاتحة ونظِرة
============

يستخدم ملح الحليب في الكثير من الوصفات للعناية بالبشرة ونظارتها وحيويتها
يتوفر ملح الحليب في الصيدليات ومتاجر التجميل وهو ضروري في تقشير الجلد والتخلص من الجلد الميت ، كذلك يُستخدم في المناطِق الحساسة لتفتيحها ومتوفر بعدة روائح مُختلفة ليعطي بشرتك رائحة زكية

🎀طريقة استخدام ملح الحليب

قومي بإدخال جسمك بالكامل تحت ماء دافي حتى تصبح بشرتك رطبة ومهيأة لعملية التقشير والصنفرة،
ضعي القليل من ملح الحليب في راحة يديكِ ثم قومي بتدليك جسمك بالكامل بالملح بلطف لأطول وقت ممكن
اتركي ملح الحليب على بشرتك لمدة 5 دقائق ثم اشطفي جسمك بالماء البارد
ويمكنك استخدام اللوشن المرطب على بشرتك بعد الاستحمام للحفاظ على رطوبة الجلد لفترة طويلة

🎀طريقة صنع مقشر ملح الحليب في المنزل

المكونات:
فنجان حليب بودرة
3فنجان ملح ناعم
قليل من زيت الزيتون

طريقة التحضير:
قومي بخلط جميع المكونات ثم قومي بوضع الخليط على الجسم أو الأماكِن الداكنة وقومي بعملية التقشير بكل أمان؛
ستلاحظين النعومة والتفتيح في أسرع وقت

#اعـاده_توجيـــہ_لتنسون
#ملوكه

حبايب ..🤓اللي رادت التقشير للجسم كله
فهاي الطريقة تفيدكم..هم تقشر وهم تفتح البشرة😍..لأن بي حليب
وانتبهو اذا مكان بي جرح بالجسم....فلاتخلون عليه لان بي ملح👍

ومن تطلعين من الحمام لاتنسون خطوة ترطيب للجسم كله☺️

#اعـاده_توجيـــہ_لتنسون
#ملوكه

تفتيح وتقشير الايدين🌚❤️

1.تقشير اولا ب اي مقشر.

2.سوي ماسك لادياتج مثل حليب باودر و مي تخبطيهم وتحطيهم ع ادياتج ولمن ينشفن غسليهم ورطبي ب اي مرطب❤️

3.لازم زيلين شعر ادياتج حتى يكون منضرهن حلو❤️

4.اضافرج نضفيهم وصبغيهم ب اي صبغ يناسب ملابسج مال العيد يحلوة حتى لو مو طوال عادي ترا اذا صغار ودياتج حلوات طلعين طفلة..كيوت😻❤️


#اعادة_توجيه_للفائدة
#ملوكه

. ｡*☆∴｡　｡∴☆*｡
. ｡★*ﾟﾟ*★∵★*ﾟﾟ*★｡
☆ﾟ　　 ﾟ☆ﾟ　 ﾟ☆
★* ♡ ♡ *★
ﾟ☆｡♥️LOVE.♥️ ｡☆ﾟ
.　*★｡ ♡ .. ♡ ｡★*
. 　 ∵☆｡　 ｡☆∵
.　　 ﾟ*★｡｡★*ﾟ
.　 　ﾟ*☆'°
أٌلَلَهِمَ بِلَغٌ أٌحٌبِتّيً عيد الفُـطِر🙈😍 أّلَمًبًأّرکْ
╔╗＊ﾞ'＊'ﾞ＊*＊ﾞ'＊''＊
║║╔═╦╦╦═ ║╚╝╠╦╗ ::
║╚╣║║║║╩ ╚╗╔╣║║
╚═╩═╩═╩═╝ ╚╝╚═╝ ﾞ

.　｡*☆∴｡　｡∴☆*｡
. ｡★*ﾟﾟ*★∵★*ﾟﾟ*★｡
☆ﾟ　　 ﾟ☆ﾟ　 ﾟ☆
★* ♡ ♡ *★
ﾟء☆｡ ♥️LOVE♥️ ｡☆ﾟ
.　*★｡ ♡ .. ♡ ｡★*　 ∵｡☆∵
.　 　 ﾟ*★｡｡★*ﾟ
.　　 　ﾟ*☆

كل عـام وأنتو بألف بألف خيـر😍🎀حبـايب
وينعاد عليكم بالصحه والسلامه💫

💕ويارب ان شاء الله كل اللي بصالحكم يتحقق
💕واللي عنده سادس ان شاء الله معدل عالي
💕واللي بالجامعه توفيق ونجاح ..خاصه جماعة الرابعه اتاذو 💔وعانو معاناة بسوالف تخرج وعركه الألوان😂...ان شاء الله يجي يوم وتعوضون كل هالشي وتتخرجون وتفرحون أهلكم

وان شاء الله.منا لسنه جاي اشوفكم كلجن عرايس😂😎 شلع قلع
واللي متزوجه ان شاء الله ينترس حظنها درزن جهال💜😂

وبالتوفيق للجميع💋

#ملوكه

شكرا لكل اللي عايدوني 😍عل الخاص وبالبوت..
صح هالسنة ماحسينا ببهجة العيد..مثل كل السنين💔بسبب هالأوضاع

بس الشي الحلو والمميز🙈..انو بهالرمضان اتعرفت عل اهواي بنوتات🥰...
فاتعلقت كلش بالقناة ويوميا اكعد احضر بالمنشورات وابحث واسوي تعديلات ..لو اسوي المسابقة واحضر بالاسئلة الصعبه 😂والسهلة
احلى ونسه😍 عشتها بهالحظر..ففرحتكم هي فرحتي💋🎀
ونكمل القصة ورح انزل 3بارتات ..عيدية مني الكم😎😅

#ملوكه

تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

الثاني والخمسون

طالما تلك الكلمات تداعب مشاعري واحاسيسي
كان المحطات القارة اصبحت في يدي اسري بهاا بفضاء الامنيات وترسم لي نبضاتي
هل يمكن لي ان اصبح عالم الجنان هل لي بتلك الشغفات كم تمنيت تلك الحروف لو تخترق جدار قلبي وتصيب الوتر لاارتعد واصرخ بكل جوارحي انا احبك

وخر وهوه متوتر اكثر مني
نصه فرك وجهه
مشه مسافه ورجع

دار وجهه متلبك

توترت اكثر على حيرته

رفع راسه كال مااكدرة نباء

نصيت مستحيه منه

افرك بأصابعي

كال وجودج يخلي كل ذرة بجسمي يريدج
استغفرالله ربي لااله الا الله

مكدر يحجي شي خله وطلع

متلبك وميعرف شيحجي خلاني بحيره
معقوله بوسه يخلي هيج يصرف ويفقد توازنه

كابلت ابني باقي على نومته ضليت بلغرفه لحد الان تأثير البوسه يجري بيه

كلبي احسه يركص معقوله احبه هيج
ضحكت ذكرة حظنه شون يشم بيه

من فرحتي كضيت يمن ابوس بي واعضعض كعد مزعوج ضربني عضيته حيل بجهه

انوب شلته اسكت بي واعتذر

طلعت بس عمتي كاعدة

الصينيه على مكانهه شلتهه طبيت الغرفت عمتي وين وراي مطنكر

عمتي كالت صح النوم يااحلو
كتله ضايج للن كعدته

كالت شنو يمه ممتغديه ولا مغديه ابنج

اي عمى بعدني اني مماكله شي

ديله اكلي بلعافيه

كعدة يمن وكلته

لل٦ نزلت نهلة تفرك بعيونه وتتئفئف

حمودي كاعد

عمي همست نزلت المسعدة وفوكاهه شاده البراطم

ضحكت ودنكت

كعدة بصف ابنهه وكامت طلعتله حلويات

شمرة نستله اليمن

عمتي سألته رجلج وين

جاوبت ماادري طالع هسه خابرني اكعدي

عرفت ضوجته من كعدهه تريد اضل نايمه

عمتي كالتله بلشي بلعشه انتي ونباء

كتله ماعندي شي بس اكمل اكل يمن واكوم

هي سكتت كملت

كمنه اني وياهه النهار يركض ركض بعدني احمس بلبتيته وهي واكفه تثرم البصل دك تلفوني

كتله هااا ابو النوائل

كال هله بخيتي وحبيبتي

ههههه شكو شكو وتكلي حبيبتي

كال اختي واتغزل بيه شنو الغريب

فديتو اني هههههه

كال نص ساعه وامرلج

تفاجئة ليش مو ابات

كال ماادري امي كالت مر عليه جيبهه

شنو سالفته اليوم الصبح اجيت

كال خابريه وانطيني خبر اني يم جماعه

ديله ماشي هسه اشوفهه

خابرته كالت ندى نازفه والطفل نازل نامت على ضهرهه احتمال تفقد الجنين وسارة عده دوام وكاعده تدرس محد يعانوي ختمته ضايجه

نهلة كالت شنو حترحين

نصيت النار ودرة عليه

اي والله رايحه مرة شمس جنينهه بخطر

كالت يااا خطيه مشوف شر

كتله مشكوره عيوني عذريني ام حمودي

كالت لا تهتمين

طلعت العمتي كتله راجعه وفهمتهه كالت ارجعي يمهه امج وحيدهه خطيهه

نائل اجه رجعني للبيت

بس بدلت صاحت امي بلشي بلعشه جماعة اخوج جايين

كتله شلحك اطبخ

كالت يمه هذني العنده جاب كبة برغل تكلا وهمبركل

ومناك يجيب دجاج وروبه وطابخه تمن

وخيار وبطالت لبن همه شياكلون غير هلموجود

ماشي بلشت احضر سويره فوك صاعده من جهال شمس تريد تقره عده امتحان

واني بين التكلا والترتيب واروح منا واجي منا

من غير الجهال يفترون يمي وكل شويه عايطه على واحد يمدون ايدهم على الاكل

لحد مطردتهم وقفلت باب المطبخ الداخلي

رتبت المواعين اجه شمس ورى نائل سلمو

نائل ذب المسواك وطلع الجماعته طببهم

شمس شاف التحضيرات وكف يضوك اي عاشت ايدج كثرينه من الجبتهن

فتحت الجياس جايب تحلا وعلب مقبلات ودجاج وصاج

كتله هذا هواي ويه السويته

كال درتبي على ذوقج والباقي خلي الكم تعشو بي

ندك الباب كال طالع اطببهم لحد تطلع بعد

رتبت صينيه وسط قطعت الصتج والدجاج وخليته بيهن والكبه همات

كملت الروبه بمناكيس والتمن اجه نائل كال

شنو ممكمله كتله كملت

كام ينكل اخذ الصينيه كال والله خوش فكره هاي

طلعتلهم بطل البن وخليته بدوارك ودوارك المي والخبز

كملت كعدة طلعت لفت صاج وقوطية ببسي اكلت

اندك باب المطبخ والكمه بحلكي فتحت الباب

صارة سارة بوجي دخلت شافت الميز عليه اكل وجياسه توجهة الهن

كالت ايااا خاينه تاكلين ومتكليلي

بلعت الكمه شضامه هذا هواي ضل كلت بس اكلي لكمه واحضرللم صينيه

كالت اني مااصبر راح اكل طلعت لفه اخذته من ايده عوفي هسه نكعد كلنه ناكل

كالت انتي مو اكلتي

ولج جنت جوعانه كلش

كالت اني هم جوعانه وخري اريد اكل وراي دراسه لازم داروني

اي اداريج بس ولي هسه اجيب الصينيه

عندة اله تاكل انطيته الفه

حضرة صينيه واخذته للهول امي كاعده تتفرج مسلسل

شافتني كالت هاا يمه كملتي

كتله اي كملت واخذوهن

كالت بلعافيه
كتله يله يمه تعالي تعشي اجت وسارة طبت وبيده قواطي ببسي وراهه جهال شمس

يمن بعده بلغرفه كالت هسه اشيله واجيبه مقبل ضل راكب باسكله

امي كالت ولد الاوادم مسوين البيت طولت حصن انوب باسكلات عليه هوه وادم

كتله سارة لحكي عليه كوه يمشي مومال باسكل ليوكع

راحت جابته وكعدنه تعشينه

كملت كمت لملمت الهوسه والمطبخ ضل ناس تردم ناس لحد ماصارة ب٩ همه جابو السفرة ولام

ين كلشي رجعت رتبت

طب نائل كال بعد اخوج جااي وحضري الركيلات

كتله تعال تعال احضر الجاي الاركيلات انت تحضرهن ضهري وجعني

كال دصيحي ساره

سارة دتقرة بس تعشت طفرة تدرس

دسوي جاي وحطيلي الفحم على النار الباقي عليه

سويت جاي وصبيتلهم وامي هم صبيتلهه

اجه اخذه الصينيه كال ضلت على المعسل مسويهن

باوعتله بطرف عيني بوسني بلهوه

ديله روح اني اكملهن

عدنه اركيلتين وحده مالته والاخ مال شمس خليت المعسل وزرفت السلفون كملته حطيت الفحم

وديتله رساله تعال كملن

دخلت للغرفه تعبانه يمن لازم تلفوني ويدوس بكيفه اخذته منه شفت مكالمات من حسن

اتصلت بيه ماارد شويه ودك

جاوبته سلم كال شنو شوماكو

كتله جنت بيت عمتي ام المرحوم واجيت قبل ساعات وكروبني بعشه جماعة شمس ونائل

كال هااا عاد تونستي يم عيالج

كتله ماكو ونسه شفتهم واجيت مطلعت الغير مكان

كال لا ليش مطلعتي افتريتي شعدج بلبيت كاعده

حسيت كلامه غريب

كتله حسن شنو شبيك

كال شبيه عايش بخير ومرتاح مرتي يمي شريد بعد
املاحظه لاغيه وجودي تطلعين متكولين طالعه
ترحين للصالون وللسوك والبيت عمتتتج ومتكولين اكو واحد مجرد عقد اصير رسمي زوجته اكله انطي علم

عوفي ذني يايوم خابرتيني وسألتي صحتك شلونك اخبارك شسوي مسوي شتاكل شتتزقنب

ذب حسره كال نباء حتى الله بعظمته يغفر واني شكد مااحاول ابينلج حبي انتي لاطشه السالفه بالج متقبلين تنسيه انتي اساساً مقابله تتقبليني مسويه اسقاط واجب مجبوره عليه كولي واني اذا صدك مجبوره بنفسي افض الارتباط ومنيمي ماادخلج

بس لا سوين هيج لا انتي متقبلتني على وجهه ولا انتي مخليتني اتقربلج واكسر الحواجز البيناتنه ةيرجع حبج الي تنسين الماضي

احجي وفهميني

كتله ماادري

كال لاتدرين وضحيلي حتى نعبر هاي المرحله نجاوزهه اذا ضلينه هيج امل وانتي تملين ويضل وضعنه ويسوء اكثر

حسيت هذا الوقت المناسب لازم احزم كلشي تنهدة كتله تريد الصراحه

كال اكيد شريد اني

كتله اني كنت راضه فكرة ارتبط بي اعرف داخلي شنو اتجاهك نسيت كلشي يخصنه مااذكر غير المريت بي من ظلم غير هذا ماالكه بذاكرتي وكلبي حذف هواي اشخاص شكد حاولت مكدرة

كال مجبوره قبلتي

كتله لا محد جبرني عليك بس كنت الانسان الانسب من ناحيت اهلي وهواي لحو صار ضغد من الكل شكد حاولت ابينلهم ماعندي شي وياك يربطني احتمال اذا ويه غيرك اكد اجاوز هواي امور تعرقل ارتباطنه لان داخلي صافي اتجاهه

محد افتهمني قبلت وغالطت نفسي كلت ايجوز استرجع حبي احتمال استرجع ايامنه وانسى

لاكن صار العكس محرك بداخلي شعرايه اعرف كلامي يأذيك بس هاي مشاعري وهاي حياتي مااريد اخدعك ولا اخدع روحي

كال ليش مكلتي من زمان وضامهه البداخلج وليش ضغدو عليج مو مصلحتهم يدخلون بحياتج اني ممخول اي احد يضغط عليج كتلهم اذا مو بقناعته مااريد لحد يجبرهه وهذا الكلام وجههته الامي وعلا

كتله انت من الناس خابرت واجيت تقنعني

اي صح قنعت للن مكنت اعرف ضاغطين عليج

كتله بعد هذا الصار

كال هسه شنو

كتله ماادري

كال يعني مترديني

كتله ماادري امكدرة ارفضه مباشرتاً

ذب حسرة كال اني رايدج ومتمسك بيج بت عمي وربيتي بيناتنه وتعرفين البيه واعرف البيج تعرفين حبي الج محاجه اكلج اريدج تفكرين عدل وتحسبيه من كل النواحي

سمعت صوت طبكت باب يمه

تنهده بضيق نباء يانباء منين مااريد اصفي الامور بيناتنه شوفي واسمعي زين الحب الانمحه ثقي بلمعشر يرجع كل شي مثل قبل واكثر

هواي زوجو تقليدي وبمرور الحياة حبو بعض وستمر زواجهم وانجح

فكري وتبقين نباء الاحبه الحد هاي الحضه اتمناهه يله اني راح احرك

كتله الله وياك وسديته

طلعت جبت يمن بدلتله حضرت فراشه وجربايته

كمت اعزل بخانتي وخانات يمن ملابسه شويه ةشفته بجه ميريد اينام

لميت الملابس شون ماكان

شلته وطفيت الضوه

رحت الجربايته نومته يمي

جريته الحضني والملهي بحلكه

شويه وكام يدو على شعري انطيته شعري واضحك عليه كضه بعدين يلفه خلصه وحده بأصبعه

صافنه عليه وابتسم مجرد راسي على المخده اذكرة اليوم بسرعه كلبي دك

ذكرة حضنه لمست ايده على خدي رفعت ايدي واتلمس خدي برهاوه

نفس الشعور اجاني دكت كلبي زادة

اخذفت نفس فتحت عيوني

حبيت حسن من اني بلمتوسطه زغيره وتعلقت بي بس وياا يجيني شعور الحب اغار عليه من يطلعنه اني وسارة وعلا واشوف البنات يباعله

طوله وشكاره ولون عيونه يتلون ويه لبسه كنت اهيم بي كبرت وكبر حب المراهقه

زوجت وعشت ايام امر من المر وايام هدوء وايام عاديه وبعض الحب

كلبي صار حجر مكدرة اتقبل لاقتيبه ولاحسن ثنينهم زرعو هاي الصخر ثنينهم قيدوني وخلوني عشت ايام قبل لاتجيني كبروني هواي تفكيري بتصرفاتي

لكن اجه هذا اليوم الي تفتحت زهره بوسط هاي الصخره عشت احساس معايشته قبل شعور بلكتمال شعور بلانانيه المفرطه شعور بلا منيات

شعور يخليني اسعد وحده يحفجزني اقاتل علموده
جريت نفس ارتاحي نباء لازم تكونين سعيده غمضت عيني

دقايق فززني

دخول سارة بس ضوه تلفونه الابأيده شوفني شكله والايد الثاني حاضنه بيهن ملازمهه

سدته حطت ملازمه على الميز وتمددة على جربايته

حاولت انام مكدرة يمن نام وشعري بيده

رفعت راسي سارة بعده تكلب بلجهاز

كتله متنامين مو وراج كعدة تراجعين

نفخت بضجر غير هذا ازهر لطش يراسلني

كتله على كيفج ويه الولد اعتذري منه كليله عندي مراجه ولازم اكعد من وكت انتو مو تشاوفون

كالت اي نشاف يوميه لازم يشوفني ويعرف عدي امتحان استحي اكله اريد انام

شويه ضلي ويا ونامي

كالت هوه هيج

كلت ابكلبي الله يهديج فاكه شويه ويه الولد

الايام تمشي مثل مااهي اسبوع وره اسبوع

نائل مخلي امي على راحته تخطب شوكت ميطخ بعقله وهوه هم مجاهز ميريد يطول بخطوبته كون سبوعين او ثلاثه ويزوج

عمتي تخابرني واخابرهه

قاادر دائماً اشوفه نشط ودي احاجي واتراجع ليش ميبادر عايفته على راحته

ازهر خطيب سارة مرة عزمنا تغده جاب ساره ويااا وجلبنه بي ولد محترم حتى شمس يكول متكلم وشخصيته حلوه

سارة نوعاً ما بدة تتقبله

لحد مااسمعنه محمد مرجع شروق امي اجت ودعبلت الحجايه كدام سارة

غمزتله لتحجين منريده تسمع امي ولا جنه سارة عافتنه وكامت الغرفته

كتله يمه بربج هي هاي سالفه تنحجي هسه مشوفيه كوه قنعناهه تقبل وجايه اذكريه

كالت شبيج واذا سمعت بعد مو انخطبت شهل العيارة انوب الحب منين جايبه هلسموم على عقل اختج
خلي تنتبع على روحه وتنسه محمد همزين مصارلته شناقصه ودورلي مزوجين وعده جهال شبي خطيبه حال ومال وجمال ويحبه شتريد ست ساره

خل تتعود بعد يومين يجي ويجيب جهال يعني متطلع اسلم عليه قسمه ومصارة كامت الدنيا

يمه خو انتي تنهدين حسرة نحجي كدامج شي تكتين البطنج كله

كالت كومي نباء مالي خلكج وهاي بيبيتج متقبل ترجع يمنه وحيدر هم مجلب بيهه

عفته تدردم وطلعت دخلت للغرفه سارة مكابله الجهاز وعيونه مدمعه مسحتهن محاجيته

التهيت بلبيت وتجهيز قررنه نزوج نائل اول ايام شلنه الغراض صبغنه الصاله والهولين غرفت امي وغرفتنه عفانهه مابيه شي

هاي مر شهر واني وحسن منقطعين يتصل بوكت مااكون مشغوله ماارد

لحد متفاجئة محاجي شمس ولاغي كلشي بيناتنه

اخويا سألني بلبدايه تلبكت مااعرفت شجاوبه بعدين كتله اي صح متفاهمنه لان يريد يرجع رحاب واني رافضه شمس ضاج كال هاي هيه مدام متفقين

امي من سمعت بيومهه دكتلي طبل بلبيت حتى بجي بجيت من حجيهه

ثاني يوم عمي سامع ومرتفع ضغطه وطارد حسن من البيت

ضليت حايره اخابره وافتهم ليش هيج اصرف لو اغلس سكتت مااجرئة اخابره

لحد مااعمي طلب يحجي وياي بتلفون ماما

كال عمي احجيلي هذا شبي ليش فسخ وميريد

كتله عمو مسوه شي ممتفاهمين

كال عمو ليش متفاهمتو شنو الصار على شنو متعاركين يمكن نحله

لا عمو ممتعاركين بهدوء اتفقنه منكدرن نستمر

كال يعني اثنينكم متردون بعض لو من حسن بويا اذا حسن كايلج هيج احجي كولي والله اكسرله راسه الج

كتله لا عمو حسن ماله دخل تفاهمنه وصلنه الحل انو ننهي كلشي

كال ماشي عمي على راحتكم العلي سويته

نهيته واحس جسمي ريشه كان ثكل على صدري

بذاك اليوم نمت واني مرتاحه شهر ال ٤ خلص ودخلنه بل٥ والجو حاار وشمس العراق تحرك

اغلب وقتي بلغرفه اكضي الشغل وادخل ابني مااطلعه بس كم مرة وديته بيد نائل خالو مخابره يجيبه الهم

نهلة وموضوع بت اخوهه مافتحته غلست عنه

بعد ٣ ايام على خطوبة نائل نجهز بنفسنه وجهال شمس يمنه بس ندى يم اهلهه على ظهرهه

هم كامو ينامون يمنه مراة يم ابوهم طلعنه للمول جهزنه نكلشي من ملابس واحضيه

قادر من سمع لمن شمس عزمه على خطوبه بنفس اليوم وداليل فلوس ودز رساله اشتري ملابس اليمن والج

وديتله عندي ممحتاجه

كال ضميهن

صدك ضميتهن

اليوم هوه مقرر عقد القران وحفله بنفس اليوم

لبست ستره وتنوره ميدي وحذاء كعب ابني لبيته تلبيسه كابوي وبدي احمر وهوه سمين وابيض طلع دنفوش يخبل

سارة لبست ستره طويله وبنطرون قماش تطلع بلا رداء
خطيبه قابل هوه هم يحضر الخطوبه

طلعت مكمله حتى مكياجي كامل وابني يفتر ويه الجهال والهو بحلكه

نائل نزل مبدل ومزين اباوعله عين النبي عليه صح ضعيف بس ملامحه قريبه اليه والحسن شكاره عيونه العسلي دورة وجهه شعره ناعم كالبه اليوره

لابس قاط حبري وقميص ابيض بدون رباط

ضليت اهلهل طلعت ساره هلهلة وياي

هوه وكف ويانه كال هلهوله بله دبجه متلوك كتله
تأمر امر عريسنه

ابيض يخبل كل القوط تلوك عليه
ابيض يخبل كل القوط تلوك عليه
كلوووووووو شششش

والحاكم كال هذا العرس منين عمامه شيوخ واهل امه السلاطين كلوووووووششش

ضل يدبج ويانه امي واكفه وتهلهل

كال بعد بروح ابيج

كتله وعيون غزاله عيون جنتنا وصلو عل النبي والصيده صيدتنه

والف عل خير ياخيه يمزيونه واخذتيلج ولد من فدوه لعيون

ونائل رايد رايته وعايف بنات ولايته

وعين الحارة الحمزه يطفيه وعين البارده كل الهلا بيهه

طب شمس هلهل ضحكنه وهلهلنه وره

نائل كال فدوه اروح للخوات خوش وكفه ه