ما بعد المعاناة


#بارت54

____

ظاهر :::


بعد طلعتي من بيت كوثر حاولت اتوجه مباشرة لبيت حسناء وافاتحها بموضوع زواجي . دخلت لكيتها فارده الشعر الاسود والعيون الخظره الممزوجه بلكحل الاسود ضايف عليها ميزه جمال كعدت يمها وهيه سالتني : ها اسويلك غده ....
ظاهر : لا متغدي ....
اجو اطفالي ( لواء و عمر ) اولادي . عيونهم ثنينهم خظر طوخ على امهم . وشده سواد الشعر هم من امهم ورثو . بوستهم ضليت العب وياهم ....
لحد ما صبو الغده همه وتغدو وكملو . قررت افاتحها بلموضوع : حسناء اني اريد ازوج ....
حسناء : شنووو ؟؟؟ شنو تريد تزوج .
وكفت وهيه ترتعد : شنو هلحجي ظاهر ...
ظاهر : الله يخليج رجاءا افهميني . اني ما اريد ازوج اني اصلا تزوجت ...
حسناء : هههه شلووون شنو تريد تزوج شنو ازوجت . شنوووو هلححححجي هذااااا ....
ظاهر : باعي شنو الي تردي اني مستعد اسويلجيا ....
حسناء : ههههه لا والله . شنووووو انت شبببببيك فهمنننني . ظاهر ليشششش اني شنو مقصره وياك بي حتى تزوج عليه ...
ظاهر : ممقصره بشي . بس اني جنت رايد وحده وهسه صارت ....
حسناء : شنو حنت رايد وحده . لتكولي ست كوثر المطلكه .....
ظاهر : حسناااء . لتحجين هلحجي . سمعتي . لتخليها توصل الشغلات لغير شي . واني جاي ابلغج لان انتي الج حق تعرفين ...قصص وروايات عراقية كرار صلاح
حسناء : وين جنت قبل لتزوووج ليذ مكوتلي قبل لتزوووج . ليش هسه اجيتني . انت خاااين وعمررري مراح اسامحك والله ان شاء الله يشلع كلبك ويبهذلك وياها . مثل ما حركت كلبي . يا ربي كون متشوف يوووم راحه وياها ...
رحت يمها ردت اضربها شفت دموعها تجري انقهرت عليها : كااافي افهميني . انتي زوجتي واني احبج وهيه هم زوجتي واني احبها . بعد رجاءا افهميني . وقدري وضعي ....
حسناء : بهاي البساطه . تدري ليششش عندك شي سهل . لان انت عمرك ما حبيتني . بس للعلم ولا اني هم حبيتك واكرررهك مثل دم سنوني ....
تركتها تحجي الي بكلبها ولسانها وادري بيها مقهوره رحت عليها بستها : الله يخليج حسناء شنو الي تردي اني حاظر بي بس لتضلين تحجين هيج وصدكيني عمري وحياتي مراح اقصر وياج
حسناء : وخررر عني لووو بيك خير وعندك ذررت كرااامه مرحت الها تتوسل بيها ترجعلك وهيه عافتك من اول مره ولمن شافت نفسها اطلكت جلبت بيك لان منو يتحمل بناتها غيرك !!!! وللعلم اني طالعه وعايفتلك البيت . وروح لحبيبة الكلب اشبع بيها

ظاهر : روحي محد لازمج . والولد تعوفيهم وترحين وحدج ....
حسناء : ولدددي جناسيهم امريكيه واكدر من باجر الصبح ابلغ عليك واطلهم واطلع ... بس اني اختلف عن غيري . اعشك بلختله واتزوج بلسر . ان ما رجعتك زحف وتتوسل بيه ظاهر ما اطلع اسمي حسناء . هسه شوف ...
ضلت تحجي وتسولف و اني كاعد استمع الها وهيه تصيح وتتوعد .
ظاهر : اني راح اطلع وانتي بدورج اذا قررتي شنو المناسب اني موافق شنو الي راح تقررينه اني موافق عليه ....
عفتها وطلعت .واسمعها تصيح : سعلوه مو مره هجامه بيوت وحتى خلفتها مثلها ساحره الزلم شايله خرزه . الله لااا يوفقها ولا يرضي عنهااااا ....
وتصبح وتحجي تركتها وطلعت حتى ما كتلها ليش تحجين لان ادري بيها حاليا مقهوره . حبيت انطيها مده تتقبل زواجي
_
ساره ويزن
___
بعد ليله كادت ان تكون اجمل من ايام حياتي . عشاء بأحد المطاعم الراقيه واني حامل بلشهر الثامن . وكوثر جانت ستوها غايبه عليها....
يزن : اذا ان شاء الله استلمت الفلوس مال بيت العراق اني راح اخذ بيت اكبر ما اضل هيج معلك شمم وسلمان فوك راسي يطفرون ...
ساره : عهعع هاي عندك بس ثنين هيج تخبلت لعد اني ناويه اسويهم عشغه (عشره)
يزن : ههههههه انتي منا لسنتين تصيرين اكس باير اخذلي مره عليج ...
ساره : ايييي حتى انتحغ (انتحر)
يزن : ههههههه .... يلا حبيبي كومي . اني عندج شمه تسوه الف مره . يلا كومي . كومي والله نعست .
ساره : احبك واغاغ (اغار) عليك حتى من بتي . ولو هاي جغيمه (جريمه) بحقي تالي حبي الك تكلي احب غيغج (غيرج ) وقابله اني . بس شسوي الي يحب لازم يتقبل حبيبه . هههههه ...
يزن : انتم حياتي كلكم
طلعنه من المطعم السياحي وتوجهنا للسياره . باوعت ليزن وهو فرحان ويسوق السياره ويضحك وياي ويبوس بشمه ويكولها حبيبة ابوج شوكت تكبرين .واشوفج دكتوره ....
حسيت نغزات تطي ابطني : اااخ ...
يزن : ها شبيج ...
ساره : هيج نغزات بسيطه جاي تجيني ....
يزن : اوديج للمستشفى ...
ساره : لا اتصوغ هاي يكولون تشاليع مدغي تقلصات ...
يزن : اخذج للمستشفى ...
ساره : لا حبيبي مو قبل اسبوع اني مسويه فحص . بس هيج احس مغصات ....
يزن : لعد شبي وجهج اصفر ....
ساره : مدري شو احس شويه لويه . احتمال اكل المطعم بي شي ....

يزن : شنو بي شي لعد مو اني وياج .....
ساره : شو ما ادغي احس بطني هيج مغصات تغوح وتجي ...

يزن : خاف ولاده عندج ...
ساره : شبيه يزن قابل ما اعغف اذا طلوكه لو لا بس لا احس هيج نغزه بسيطه ....
يزن : هسه حيرتينه اخذج للمستشفى لو نكمل طريقنه ونرجع ...
ساره : ودينه للبيت اذا زادت الالم نغوح للمستشفى اخذ علاج مال تقلصات اذا مغاحت اغوح للمستشفى عود ....
يزن : هاهيه براحتج ...
طول الطريق جنت كاعده واحس نار باحشائي وهاي اول مره تصير وياي ... صار النفس كوه اجره . ولساني بده يثكل . وبديت احس الطفل ينسحب زايد . كمت احس بلرفس مالته : يزززن عفيه خل نغوح للبيت ناخذ جنطه الطفل ونغوح للمستشفى ...
دار يزن بسرعه بلسياره للمستشفى وهو يكول : هسه اخابر عدي يجيب الجنطه ويجي ورانه ..
ضليت اسحب بلهوه شويه شويه شهيق زفير شهيق زفير . يااارب انت املي عديها على خير ..
شويه وحسيت بده ماي ينزل بين رجليه والم صار مو طبيعي ضليت اصرخ : الحكلييي يزززن غاااح اموت عفيه والله بعد ما اتحمل . ولاده عندي ولاده . الماي يوكع بين غجليه ...
يزن : بس شويه هدأي حتى اعرف اسوق ....
صار يزن مرتبك واني صار الخوف بكلبي واباوع للماي الي ترس الدنيا : ددم !!!! يزززن هذااا دم ؟ يززززززن دخيلك الحكليييي . وديني .
.
سيطر الخوف عليه وكل ايعاز بجسمي ينذر بمصيبه راح تصير بيه وكارثه على وشك الوقوع واحاول اتلافاها بلدعااااء : دددخيلك إلهي لا تعذبني بأبني دخيلك يا الله شد حيلي ...
وصلت للمستشفى مثل الطلقه ويزن يصيح : help me
...
ساعدوني .
. صرررخاات جانت تطلع من رووحي والم فاااق الم الولاده اضعاف . واني اتوسل بيزن : لتتغكني يزن خاف اموت ديغ بالك على شمم ...
بدن دموعي يجرن واني اوصي بكل طاقتي الي متتجاوز ١% يييزن خاف اموت دير بالك على شمم الله يخليك ......
وراها بعد ما حسيت بشي نهائياااا ....

يزن
_/////
خوف وقلق سيطر عليه واني يخبرني الدكتور بوجوب تدخل دكتور جراحي قصص وروايات عراقية كرار صلاح.....
جان الدكتور امركي من اصل عراقي وهو خبرني بخبر انو احتمال ٩٩% نفقد الجنين . بسبب تضرر جدار رحم الام . وتحتاج عمليه فوق الكبرى ....
الخوف اباد حيلي والوقت دارك الساعه الواحد بلليل وشمه تصرخه على امها واني كلشي ما اعرف اسويلها . بسرعه خابرت على عدي هو وجيهان اجو وسلسبيل وقصي الكل يحاول يسكت شمه وهي رافضه تكعد وي اي احددد ... ومستمره بلبجي ...

لحد ما ايست وكلبها انكطع من البجي ونامت على حظني . وهيه دموعها تجري على خدها . ومصير امها ما معلوم بلمستشفى والطفل شنو ....
.
طلع الدكتور وهو يخبرني بأسوء خبر يمكن يسمعه اي رجال بلدنيا : للاسف الطفل ما كدرنه نسيطر عليه . والام صار عدها انفجار بلرحم .....
________
كوثر :
_____
جديده عهد ع الحب والدلال . وبنفس الوقت حسييت احساس يختلف عن الحب وي عادل ... جنت كله عطاء عطاء بدون مقابل . جنت اني احس روحي مسترجله واحاول المله الفلس ع الفلس بتعب وضيم ... بينما ظاهر ميقبل ادخل بهيج مواضيع ودائما حجايته : الج الصافي ....
ظاهر جان صعععب بتصررفه وياااي كلششش . يغار عليه من الهوه . اخذني وصرت حبيسه دار وبيت حتى الكليه تركتها من ورا . وكل ما اسأله شوكت ارجع لدوامي يجاوبني : ماكو رجعه . مركزي حساس مو مال اهدج بوحدج ....
كوثر : بس اني ضايجه ظاهر ...
ظاهر : كوثر اغاااااار عليج من الهوه الطاير ولهذااا اتمنى تقدرين ضرفي . اتمنى تقدرين وضعي ...
ما جانت الكه حل غير السكوت ويا لان عصبي رغم ما هو هادئ بس ع ساعه يثور . وما الي غير امي : يوووم ظايجه محبوسه ...
وتضل امي تصبر بيه بكلمات رقيقه : اذكري الله وادعي والزمي قرأنج وادعيتج بلكي الله يهدي عليج ....
وج يمه المره هيه الي تفك الشفره مال رجلها .
وتضل تحاول تنصحني بسوالف بيبتي ام تحسين الله يرحمها وتكول : جانت امي الله يرحمها تكلي اكو مره راحت للكشاف كالتله اريد تسويلي خرزه مال محبه رجلي شالع كلبي .
الكشاف كللها ميخالف بس اريدج تجيبيلي شعره مال اسد ...
ذيج رايحه كايلتله شلون اجيبه من اسد وهذا مفترس .
كايللها بكيفج والله ما اعرف . هاي رايحه يوم انطته لحمه ويوم ماي وثاني يوم لحم وضلت ادلل بي لمن امن بيها الاسد راحت اخذت الشعره من راس الاسد وودتها للكشاف ... هنا الكشاف كال الها: شلون جبتها ؟؟؟؟؟
كالتله : دللته وجبتله اكل وداريته لمن امن بيه . كللها الكشاف : اسددد مفترس وتروض ورجلج متكدرين تروضيه وجايه ادورين خرزه ....
فأنتي يا امي ماكو احد ما عنده نقطه ضعف حاولي تشوفين وين راحته وتبحثين عنها . بعدجعروس وادرين بظاهر هو من يوم يومه مجنون بيج . ما صدك صرتي اله . طبعا يحاول يبرز عظلاته عليج ....
.
.
بعد مرور شهر على زواجي . حسيت بغياب العاده الشهريه . وبدايه تنساه . وعرفت روحي بدون تحليل اني حامل وخبرته على هذا الموضوع .
كوثر : ظاهر ممكن احجي وياك بموضوع ...
ظاهر : أمريني ....
كوثر : ميأمر عليك ظالم : بس ةني اريد اروح للدكتور ...

ظاهر : دكتور شنووو ؟؟؟ وين الدكتورات موليات .وترحين للدكتور
كوثر : لااااا هو قصدي دكتوره . يعني شبيك ....
ظاهر: شبيج مريضه ؟؟؟
كوثر : لا بس احس روحي حامل ....
ظاهر : لكككككككك اهلييييين نووور سلمان ....
كوثر : ههههه يا سلمان . ساره ويزن يسمون سلمان احنه شكو ...
تقرب عليه بخفه وهو يكول : سلمان يزن لواء .
بينما ابني : سلمان ظاهر لواء .
اكو اختلاف صحيح ؟؟؟؟ . واني جنت حالف هلاسم يصير اذا تزوجوج انتي وصار عندج ولد ....
كوثر : بس اني اريد اسمي جاسر . ع اسم ابويه ......
ظاهر : شكو اسم نهايته راااء ما اسمي . ظاااهررر وجاسرررر هذوله مشلوعه كلوبهم وبلاخص بلحب ....
كوثر : وكوثرررر هم
تضايق من هاي ااكلمه واجه اباله عادل... تغيرت معاني وجهه وهو يكلي : اموت واعرف انتي شحبيتي بي هلسايب ...
كوثر : ظاهر اني مقصدت عن الحب . لان انت جبت اسمين بلراء اني كوتلك اسمي هم هيج مو قصدي والله وداعة بناتي ....
ظاهر : اذا طلع ما عندج قصد ازين شاربي هسه . بس اني كلب ابن كلب ما اكدر لكلبي . مو بيدي ....
راد يطلع رحت ورا لزمته من ايده : تعال ظاهر ؟؟؟؟ هاي انت لي تحجي وياي هيججج ...
هاي انت الي ضحيت بلدنيا كلها على حسابي . هاي انت الي كتلت روحك على موافقتي . هيج وضعك تغير . شبييييك فهمني . مصارلي شهررر تره وياااك . بعد ممستعده خضه تخض كلبي . من جديد كولي شنو سبب هاي تصرفاتك ؟؟؟؟
ظاهر : ماكووو شييي . هيج كل ما بلامر احبج واغار عليج .
كوثر : جذذذب هذا مو حب . انت جانت عندم نزوه . جان عندك شي اسمه كوثر اليه واني رفضتك من البدايه حسيت هالشي كسر غرورك . ليششش هيييج كل الي يرتبط بيه بعدين تطلع حقيقته ليششششش شنوووو ذنبببي . اريددد اعيششش ...
لزم فجي بأدين : لتحجين هيج سمعتي . اموتج كوووثر والله تنسسسين شي اسمه خره ومتجيبله طاااري بعددد مو اني عابش وياج وادري كلبج وي غيري ....
كوثر : ياااا غييرك ... ياااا غيييرك . يمعوووووود دا اكلك اني حااامل . منك . اصحه ع روحك ....
ضليت املخ بخدودي والطم وهو اجه ينفض ايدي : بسسس ... لج كااافي .
كوثر دفعته بعيد : وخرررر عننني ..
ظاهر : والله احبج . وروح ابويه محبيت احد بكدج ...
كوثر : جذاااااب ... مو حب والله هذا مو حب . هذا تملك . عبالك عبده عندك . بدون مشاعر جاي تتملكني حالؤ خال الرقيق عندك

تقرب عليه وانفاسه بدت تحتد : انتبهيلييييي كوووثر اغااار عليج ومجاي اتقبل فكرة جنتي بحظن غيري . عشقي الج فوووووك متتصوووورين . والله مو كلمه وتنكال . لج كل جوارحي تعشقج من ساسج لراسسسج شتردين بعد غي هلحب . والله من انام وياج ودي انبت اضافري بجلدج وما اخلي واحد ياخذج مني مره ثانيه...
طلبت بتوسل : اريد راحتي ما اريد كل شويه تذكرني بشي اسمه عادل . الله يخليك غلطه غلطتها وجاي ادفع ثمنها عمررري قصص وروايات عراقية كرار صلاح....
ظاهر : ليششش فهميني ليشششش ادفعين ثمنها اريد اعرف مشاعرج . انتي معندج مشاعر اتجاهي . وتحبينه ومتحبيني . واني جاااي اموووت بليوووم الف مره ....
ضليت ادك على رجليه من القهر
كوثر : استغفر الله ياااربي ... استغفر الله يا ربي لك ليششش هيج تحجي . ليش دتأذيني .
اني مجذبت عليك . من البدايه كتلك راح ابدي الطريق وياك بلحب وكتلك راح ابدي من الصفررر وكتلك كوثر الي جنت تعرفهااا راااحت وانت كوتلي مستعد اضحي برووحي على حساب سعادتج صح لووو لاااا ....
ظاهر : واني لسه ما زلت على وعدي وياج ...
كوثر : خلاااص لعد وينها سعادتي الي وعدتني بيها . كلشي ما اريد بلدنيا . اريد اعيش بأمان ورجال يحبني واحبه نطلع سويه ناكل سويه انام سويه بدون هلهوسه الي يوميه طالعلي بيها . اني حتى مقبطت شهرين وياااك . هسه انت لا مثل ابويه ورضه بأمي حنى بعد ما جان يدري بيها نايمه وي اخو ومخلفه منه ... ولا مثل عمو لواء الي حب امي وفضلها على روحه ... كافي وارحموني اريد عقلي سااالم ما اريد اتخبل ....
ظاهر : متفكرين بي ؟؟؟
كوثر : لا اله لا الله .. لا اله لا الله...
ظاهر : بس جاوبيني .. وهاهيه ....
كوثر : خل اكلك شغله ظاهر اني من قبلت اطلك نزعت كل مشاعري اتجاهه ... الانسان الي خان كلبي وما قدر حبي اله وتضحيتي هذااا مو مال واحد يحبه ولووو حتى يذكره مره ... اييي ما اكلك اسال روحي اكول ليش بس اني من دون هلنسوان ضحيت وفلوسي وصحتي وثقتي وكلها دفرها برجله وراح انقهر على بناتي الي راح يسألني يوم من الايام وين ابويه . انقهر غلى كسرة شبابي الي محد يدري بيها لو فضيحتي كدام العالم واني اطلع بأمركيا بدون حجاب وملابس امرعده من ورا تالي خلفله على وحده جوارينه ستراني . اني حياتي مراح تتوقف لحد معين واريد اعيش الي باقي بعمري احير بمستقبلي وباطفالي احير ابناتي بلطفل الي راح يجي . اني متزوجتك حتى يوووميه تصبح تكلي اغار عليج وتمسي تكلي اغار عليج .....
هدا شويه وكال
ظاهر : اي حقج انتي اشايفه ... اني مكتوب عليه مثل ما انكتب ع النبي يوسف .

ابتلائه بلحب ...
النبي يوسف يكول : ما اصابني ابتلاء الا من الحب ...
واني هسه مثل حب زليخه الج لو احبسج واعذبج لو الله يتوب عليه وريح كلبي ....
شفته يحجي من حبه اليه وغيرتي عليه وبنفس الوقت اني مقدره غيره الرجال كتله : شجابك ع عشق زليخه .
هذا عشق مقدس . والمعشوق نبي ... واكو فرق بينك وبينه لا انت زليخه ولا الي تحبه نبي .
تشاقه وياي وهو يكلي : يلاااا انتي هم بيج رس انبياء امج علويه ....
حاولت اغير موضوع .
كوثر : اكول ظاهر . زوجتك شوكت تكول الها ....
ظاهر : اممممم ما ادري مو هسه . افكر شلون افاتحها بهلموضوع .
كوثر : اني اكول لو تستعجل قبل لا تصعب الامور .....
ظاهر : سدي هلموضوع ....
كوثر : براحتك ....
.
مجاوبته وتركت هلموضوع اله . وهو اخذبه صفنه شويه حسيته يفكر بهلموضوع . حاولت اقطع افكاره : شلونه شغلك ؟؟؟
ظاهر : هااا ... شبي ...
كوثر : اكول يعني شلونه . مرتاح بي ...
ظاهر : والله شكلج هو صعب بس بنفس الوقت متظهرين بأعلام ولا تصيرين مسؤوله عن فساد او شي بس هو متعب يعني ....
كوثر : يلا خوش .اهم شي انت مرتاح ....
ظاهر : الحمد لله مرتاح ....
.
بهاي الفتره مجنت اعرف اني اساسا انو ظاهر كايل لزوجته عن زواجنه ...
.

.
‏ظمآنُ ..
خُذْ قلبيْ لديكَ و رَوِّهِ
فلربّما يدلو اللقاءُ بدَلْوِهِ ♥️

يتبع..

#الاخير

#بارت55 الاخيرررر

_____
ظاهر
_

بعد شهر كامل من زعلها هيه ولاطفال رجعت وهيه تكلي : انت اختاريت الانسانه الي راح تعيش وياها . وانت كتلي موافق بكل شي شروطي . واني عندي شرط ....
ظاهر : كولي ....
حسناء : اريد هذا البيت تسجله بأسمي .....
ظاهر : صار . واعتبري من باجر باسمج ....
حسناء : هاهيه . كلشي ما اريد منك شي بعد ....
.
.
كموقف صعب انحط بي واحسها تفضل تأمن مستقبلها وهيه هايفه من غدري .
تقربت عليها : حسناء . تره والله اني احبج . وانتي ام اولادي . قصص وروايات عراقية كرار صلاح
حسناء : تحبني ؟؟؟؟ انت فاهم الحب غلط . خذا مو حب ....
ظاهر : قبل لتحجين خليني افهمج . الله ينطيج العافيه . مراح تحسين بهلشي ولا راح افرق بينانكم . بس اني رايدها الله ينطيج العافيه قدري وضعي ...
حسناء : ظاهر انت عمرك ما جنت الي .. وشكد حاولت اكسبك ما كدرت ... بلعافيه عليك ... وبلعافيه عليه البيت . كل من اختار الشي الي يعوضه عن النقص الي بي ....
تقربت عليها وهيه بدت ترتجع : حسناااء لتخليني اتصرف وياج غير تصرف . وانتي تدرين بيه اني ابويه ما اعرفه ... مقدر وضعج ومقدر اني أذيتج وبنفس الوقت انتي ام اولادي ... وجاي اقسملج مراح اقصر وياج بشي ...
.
.
____
ساره _
_
على سرير المشفر اشاهد فلم حياتي يكتب من قبل اطباء مختصين ...
والم ما يفوقه الم . واني احس الدنيا تفتر فوك راسي والاوكسجين داخل انفاسي . واثار الكانونه الي بدت تحفر مكانها بالم ....
صحيت ولكيت يزن فوك راسي وهو طفرلي : هااا كلبي شلونج
ساره : شصار ؟ وين الطفل .....
يزن : حبيبتي العوض بيج ان شاء الله تكومين وتحبلين غيره ...
ساره : شنوووو . لاااا يزززن لااااااا الله يخليك لتكولها ليششش ماات ....
_
يزن : ضلت تصرخ وتصيح وهيه تستنجد بيه على فقدان طفل متدري اساسا شنو الي صار ...
تلاحكنها بعض الممرضات وهنه ينطنها ابره مهدئه لحد ما غركت بنوم عميق والدموع تسيل من عيونها ....
.
.
__
ساره
____
هضمتي بذاك الوقت جانت متتعده وحده حامل وسقطت . ستوني جنت جاي اوعي على نفسي سمعت الدكتور يكل ليزن : خليها تخضع لعلاج نفسي حتى تتخطه هلمرحله . صدمني هلكلام . سالت يزن : ليش ديكلك تراجع دكتور نفسي ...

جيهان : طبعا شتتوقعين هنا اذا انجرح اصبعج يكولون انتحرت . دير بالج وشدي حيليج ...
ساره : يزززن العمليه كلش مأذيتني واحس روحي خدرانه وعندي نحول ....
يزن : ماكو شي حبيبتي لتخافين نوصل للبيا ويصير خير ....
تقرب عليه بحنيه وهو يبوسني ولحيته تنغز بوجهي .ويتغزل بيه ....
ساره : يلا اعوضك وغه الاغبيعن احبلك بلكي الله هلمغه تعدي على خيغ ....
يزن : حبييييبتي وروووحي انسي هلموضوع الله يخليج . وخلي نكبر شمه شويه والله كريم ....
ساره : ياااا اول تالي ....
غمزلته وهو قريب عليه : لعد ال٦ شوكت نجيبهم ....
.
طريقه كلام يزن وتعابير وجهه الي باديه بقلق وخوف نبهتني على شي ينذرني بخطر معين . وبسرعه سالته : شكووو . صايغ شي .
ضليت اتلمس بلعمليه خياطات هواي والعمليه تختلف عن العمليه القيصريه شلت راسي : شصاااغ (شصار ) وبدن دموعي يجرن وحدهننن ...
دمعه يزن تجري على خده هاي مصايره ولا شايفتها كامت ايدي ترعش وجسمي كله ينخض حسيت ابروده دخلت بجسمي تلمست دمعته : تبجي يزززن ع شنووو فهمني الله يخليك . فهمني الله يخليك . يزززن شبيك ...
يزن : تحبيني ؟؟؟
ساره : شكو يززززن فهمني ...
يزن : جاوبيني على سؤالي . تحبيني ....
ساره : احبك . اييي احبك ....
يزن : اذا تحبيني على حساابي . على مودي على حساب شمه اريدج تقاومين الي اكلج بي .
ساره : يززن بيه شي احجي ...
يزن : صار عندج انفجار بلرحم . ومتكدرين تحبلين حاليا منا لحد خمس سنوات ....
____
يزن :

انهارت انهيار كلي وهيه تصررخ بعلووو صوتها وضلت تهلوس مثل المجنونه: ابببني ارييييد ابني .
حاولت اهدئها بكل وسيله ما كدرت . حسيت الدنيا انتهت عدها . وعلى نفس الالم سكتت بعلاج مهدأ ....
.
.
مرت الايام وساره صارت عباره عن مومياء حتى منظرها يجفل الانسان . تركت دوامي لحتى بس ادير بالي عليها اريدها بس ترجع توكف على حيلها . ما كدرت
جانت ساره حالتها للأسوء من انتكاسه لأنتكاسه ....
____
كوثر :
___
مرت ايام على حملي بلطفل الي حبالته مشابهه لحبالة بناتي .. قصص وروايات عراقية كرار صلاح
خوفي وقلقلي انو يموت مثل ما مات الطفل الي ما انكتبله الحياه ابن ساره ويزن . خلاني من وحدي ادخل زوبعه فقدان جنين تعلقت بي . من اول ايام زواجي واني ابني خطوه خطوه واصعده سلم سلم . وهذا الطفل جان ويايه شايل ويايه كميه هائله من الحب الي عشتها وي ظاهر ...

وبنفس الوقت الغيره .
حسيت روحه تريد تطلع وهو يكلي حرامات مات ابن يزن كلت اذا صارت عندج بنيه انطيها ليزن .

واذا صارت عندج ولد ننتظر الانتاج القادم
كوثر : شنو تنطيها ليزن . ظاهر شنو هلحجي هذا . احنه وصلنه ليااا سنه وانت دتفكر لسه بتفكير جدي الله يرحمه ....
ظاهر : وشبي عيني تفكير جدج . الله وكيلج العائله هاي كلهاااا سواها جدي لو ما هووو كلها فلي متسوه . لسا بعدنه يكولون علينه ولد سلمان . املاكنه بسبب . وضايفنه بسببه علاقاتنه بسببه ... هيج انسان المفروض انتي اول الناس تقدسينه ....
كوثر : اوك اني وياك . جدي الله برحمه ماكو منه ... بس ظاهر تره الحياه مو هيج يعني لو نفرض هذا حبك اليه ويجي جدي الله يرحمه ويرغمك تزوج وحده غيري ويشيلني اني ويكلي تزوجين عدي اوو يزن او اي احد غيرك ؟ ترضاها !!!!
ظاهر : اول شي احترمي نفسي وتأدبي ولتحجين هلحجي ... ثانيا : خو اقنعه يابه اني احب هاي . اصلا جدي يفقد ع الحب . وابويه وعمي وكل احنه . تكله احبها يوافق ...
كوثر : ولو هيه مثلا متحب هذا الشخص ؟؟؟ ...
ظاهر : لو هيه تحب عادل قصدج ؟!!!!!
كوثر : لاااا اله الااا الله .... شوووكت تنساااا هلخررره شووكت . كااافي مو موتتني كااافي . ارحم حالي والله تعبتني . اريد يوووم يمر علينه بدون عرك ماكو ...
ظاهر : لتعين صوتج واحجي عدل .....
رحت اركض على موبايلي وهو يسحبه مني : شتردين تسوين ؟؟؟
كوثر : جيب الموبايل لتخليني الم الدنيا هسه عليك . ومن باجر اطلكني وانعل امها وابوها التعيش وياك ....
اخذ موبايلي وراح للصاله وخلاني اشبع بدموعي وقهري واني ضليت افرفح . لحد ما صارت الساعه بالوحده اجاني انطاني الموبايل : هاج ....
درت وجهي ومحاجيته . تقرب عليه وجابلي هديه : هاج جبتلج هديه افتحيها ....
شمرت الغطه وضليت اصيح: شتتتريد منيييي . شتريد فهمني . طالبني بطلابه يوميه ماكل راسي . وادور تجي تعتذر . لعد شنو فرقك عن غيرك . وخر عني وجفيني شرك ....
خضني حيل كومي شوفي شجبتلج .
كوثر : وخر عني ظاهررر واتجفه هاي الليله . احس ما اخابر ابويه والله اكله صارله سبوع حابسني . واخلي هو يتصرف وياك . ومن باجر اطلك .
ظاهر : ههههه انتي تدرين منو يخلصج مني ؟؟؟
كوثر : باوعتله بحقد واني انتظره يكمل المحاظره . اشر ليفوك يقصد عود رب العالمين ...
ظاهر : اييي عفيه بس ربج يكدر يخلصج مني . لان لو ماهو مخليني احبج . وعاكد كلبي عليج . جان الله وكيلج ما اهتم لو تحبين عشره . بس اني ماكووو هاي عظه الشفه مالتج اذا اشوفج تعضين شفتج ادوخ ... اذا اشوفج ترفعين شعرج ذيل حصان . مدري شيصير بيه اتخربط . خو اذا لفيتي وسويتي كبايه اجمد بمكاني . اذا مشيت بصفج وانطخ اظفرج بجلدي مثل التيزاب تعلمين على المكان الي ادوسين عليه ... هيج اني احبج احب طولج احب جسمج احب شكلج احب شعرج احب ايدج احب رجلج احب شفتج احب عيونج وخشمج كلشي بيج اريده واحسه مكلي واليه . يدمررني تفكير الحب بيج وهيامي وياج ....

كوثر : على كيفك يعني السطح مطبك بشيلمان لا يوكع فوك راسي ويكتلني ....
ظاهر : ههههههه احب لسانج يم لسان . كلشي احب بيج . وقدري غيرتي عليج وتحمليني لان غيرتي فووووك متتصورين ..قصص وروايات عراقية كرار صلاح .
جاوبته بغنج : اييي مره والله بس انت متفتهم عليه .يعني اني مقصدت عادل بس قصدت شي عام يعني البنيه ما الها حق هيه تحب وتفكر بلي تريده . ومثلا لو نفرض بنتك اجتي وكالتلك ما اريده هذا شلون تجبرهااا ... وانت هسه معندك بس ولد خل تجيك بنيه وتشوفها شكد عزيزه ....
ظاهر : اييي جماعتي كلها تسولف عن حب البنيه لأبوها . واني ممجربه عود ذاك الوقت اذا صارت وكالت ما اريد فلان واني احب هذااا يااابه غير اسحله سحل وازوجهيا ...
كوثر :هههههه هاااا شفت هسه صارت عزيزه قبل شوبه ردت تسويلك طلابه ....
ظاهر : كما بدأت معك ... سأنتهي معك
وكما نبض قلبي أول مرة معك..... سيتوقف معك ...
كلشي وياج احسه عالم ثاني فاني من تحجين شي بسرعه اخذه عليج مو بيدي يعني احس روحي انتي ملكي وبسسس ....
______
يزن وساره ...
__________
بعد ما يقارب ٣ اشهر عن اجراء العمليه وتماثل عمليتها للشفاء وانتكاستها الي ياما حاولت اصحيها منها وترجع ساره الي ياما وياما علمت اذاني على كلماتها وحجاياتها الب مفعومه بلحب والغرام والعشق . صرت اني استجدي منها ولو كلمه تحجي بس تبجي ومكتابه ...
شفتها كاعده ع الكرسي وتمشط شعرها الي ضل يهلس هلس من الضعف : ها شبيج ...
ساره : ما بيه شي ....
يزن : اجيبلج جكاره شويه حتى ترتاحين ....
ساره : هههه والله يا غيت (ريت)
يزن : اي دضحكي خل نشوف الضحكه ...
رجعت تبجي : الي صاغ (صار) بيه مو مال يخليني اضحك . ومنو كلك بعد اكدغ احبل مغه (مره) ثانيه .
يزن : إني من البدايه كتلج شمه مكفيتني وملت عالمي حب واشبعتني ....
كامت تبجي : اني ما اغيد اصيغ انانيه واحغمك (احرمك) من الطفل والولد وما عندي مانع اذا تزوجت .
كامت تتوسل : بس مو مايا الله يخليك . اي واحدها اخذها معندي مانع . بس مو مايا ....

شفتها ترجف مثل الورقه وتتوسل بيه : الله يخليك يزن اخذ اي وحده تغيدها بس مو مايا . ما اغيد احس نفسي مكسوغه وهيه فازت عليه .....
يزن : لج بااابااا شبيج . باااوعيلي . باوعيلي ساااره . اني ما اريد مرتي ضعيفه هيج تصير .. لج يا مايا هاااي . وبعدين اني اذا اريد ازوج ... اختار الي تختارلياها شمه مو ع ذوقج ... اذا كبرت وهيه زوجتني . عود ذاك الوقت اتزوج ....
ساره : مو محل هلحجي هذااا يززن . دا احجي صدك اني ..
يزن : ومنو كلج اني دا اشاقه . جاي احجي وياج صراحه . اذا كبرت شمه وكالت تزوج وحده على امي عود ذاك الوقت اتزوج ....
شبكني حيييل وهو يكلي : لتخافين حبيبتي . يمكن الي صار بسبب ذنوبي الي اقترفتها والله يعاقبني عليها . فما اريدج تشيلين هم هلمشكله . واني بلتالي انتظر مو خمس سنوات حتلو ١٠ سنوات هم . والله كريم ..
.
.
.
.
___
الاحداث الي صارت بنهايه سنه ٢٠١٧ ولحد الان ساره جاي تاخذ ادويه ومعاينه شهريه الها كل شهر .. باعتبار تمزق الرحم فصعبه عليها حاليا الحمل . وهمه ماخذين كل الاجراءات اللازمة حتى ميصير حمل . رجعت لدراستها حتى تنسى هلموضوع بلذات .
اما كوثر : فصار عدها بنيه وسمتها طيبه وتخطط لحمل عن قريب علما تنهتي هاي الازمه ...
حسناء وكوثر متصالحات نفسيا : يعني مثل ما ذكرت كوثر انو التقن بعدة اماكن ووحده سلمت ع الثانيه بدون ضغوطات ....
ذكرتلي كوثر : انو هيه مجابت طاري حسناء كدام ظاهر نهائياااا ولا هو يذكرها كدامها . يعني عايشين كل واحد بحاله .
من يوم الي انفصلت عن عادل وهو واهله ما شافوني ولا حتى سألو عني ولا بلجذب شافو الاطفال بس الي سمعته انسجن . وما اعرف اذا طلع لو لا ...
.
.
.
.
مره من المرات سألت امي : يوم اني ليش ممرتاحه بهاي الدنيا. جاوبتني : الدنيا خلقت للاختبار مو للراحه . كل واحد و الله يختبره ع كد طاقته وتحمله . وهذا طاقتنه وتحملنه ...
وهو هذا اختبارنه احنه كبشر نخطأ ونخطأ ونخطأ . والي يفتهم يصحح الخطأ قبل فوات الاوان .
علمتني الحياه هووواي امور الحب مو بلضروره يكون وي انسان اني اختاره احتمال الي يختارني ويفضلني هو الي قادر على اسعادي . وعلمتني الحياة الصبر نهايته حلوه . علمتمي الحياة ان الدنيا ارزاق وكب من ياخذ رزقه ومحد ياخذ غير الي الله كاتبله . علمتمي الحياه قبل لا اجسب حساب لمشاعري احسب حساب لمشاعر ناس عايشه وياي لان اذيتي تأذيهم اكثر مني وفرحتني تفرحهم اكثر مني ....
.
.
.
ساره : هذي قصتنه اني وحده من الاف البنات الي حبت وضحت وانتظرت والحمد لله جمعني بلانسان الي حبيته ...
حبيت اشاركم قصتي وانشرها بتفاصيلها الدقيقه والممله
جانت الكاتبه تكتب قصه لعنة الحظ ودخلت الها ردت اكتب القصه مالتي وسميناها استاذي . وع اساس اسولف الها بس القصه مالتي الي تخصني ومغامراتي بس وي يزن . وشكد ما حاولنه نكتبها تطلع مخربطه فضلينه نكتب بدايات بدايات لحد ما قررنه نكتب القصه من الاجداد يلا ترتبت . صعبت علينه بذكر بعض التفاصيل الدقيقه لان اني ما جنت حاظره منها غير بعض السوالف الي مسولفتها النه امي وحافظيها فكدرنه نربط الأحداث . ما حبيت اغير اسمها لان هيه جانت بدايه اتفاقنه اني والكاتبه ... وبلتالي شكرااا جزيلا من كل الي تابعنه وانتظرنه ......
مع تحياتي للجميع .
.
.
.
.
.
.
عندما قَدِمَ سهم حبّك صوبي ضممتُ قلبي براحة يدي ، فضربهما معاً .
منذ ذَلِكَ الحين و يدي تتلمس أرضك و قلبي يبحث عنك ....
.
بس حبيت انوه انو جاسر بحاله وليلى بحالها هيه وابنها . يعني ملتقو بعد ....

#النهاية

اذا تسوين بالشيرة ولزكت ..فاخذي جاهزة احسن ولاتكعدين بالحر وتسوين لان تموع بالزايد
واذا ردتي تستعملين بروان اوشمع وماتتحملين الألم.. خلي قبلهن مخدر emla فد نص ساعه وبعده زيلي الشعر☺️🌸

#ملوكه

ابد لاتخافون واعتبروا فلاونزة عاديه..صح اول ايام متعبة وصخونة ودوخه بس ابد لاتكطعون بالأكل..لأن الاكل هو اللي يخليج تتشافين اسرع
3وجبات باليوم تاكلين..ونوعي بالشوربة والبتيتة المسلوقة واللحم والدجاج المشوي ..الخ
بس عندج اللبن والاجبان والسكريات والببسي ابتعدوا عنه بهالفترة
واهم شي فواكه وخاصه البرتقال وعصاير طبيعية يوميا اشربو

وعدكم العافية🥺🦋 ان شاء الله

#ملوكه

يي حبي وهاي ختمتها القصة🙃..

#ملوكه

لان انتي حاطة ببالج فلان شخص معجبه بي..وترتبكين فقللي التفكير بي ومن تمرين من يمه اعتبري شخص عادي ولاديرين بال🌚🌺

#ملوكه

لاحبيبتي كل الخلطات اللي تنباع مو زينات ابدد واهواي حجيت عنهن بالقناة

كم يوم تشوفين نتيجة زينة بس بعدين تبدي البلاوي ويطلعلج صفطه حبوب🤦‍♀💔 فالافضل لاتستعملي

#ملوكه

لا والله بالي هم يمكم واكول خطيه متشوقين ومشلوع كلبكم😂🤧..بس مع ذلك كون تصبرن حتى تتعلمون بغير مواقف هم تصبرن🥰

#ملوكه

حبي مااعرف عنه بس اذا تريدين جربي بالاسبوع مرتين كل 3ايام قشري بي واذا مافادج
فاستعملي ملح الحليب يكولون زين للتقشير وموجود بالصيدلية 🙃✨

#ملوكه